| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১০. পথৰীধাতুসনিদস্সনাতিআদিকথাৰণ্ণনা
10. Pathavīdhātusanidassanātiādikathāvaṇṇanā
৪৬৫-৪৭০. ইদানি পথৰীধাতু সনিদস্সনাতিআদিকথা নাম হোতি। তত্থ যেসং পাসাণউদকজালরুক্খচলনানঞ্চেৰ পঞ্চিন্দ্রিযপতিট্ঠোকাসানঞ্চ ৰণ্ণাযতনং কাযৰিঞ্ঞত্তিকালে হত্থপাদাদিরূপঞ্চ দিস্ৰা ‘‘পথৰীধাতুআদযো সনিদস্সনা’’তি লদ্ধি, সেয্যথাপি অন্ধকানং; তে সন্ধায সব্বকথাসু আদিপুচ্ছা সকৰাদিস্স, পটিঞ্ঞা ইতরস্স। সেসং সব্বত্থ পাল়িঅনুসারেন চেৰ হেট্ঠা ৰুত্তনযেন চ ৰেদিতব্বন্তি। পথৰীধাতু সনিদস্সনাতি আদিং কত্ৰা কাযকম্মং সনিদস্সনন্তি পরিযোসানকথা নিট্ঠিতা।
465-470. Idāni pathavīdhātu sanidassanātiādikathā nāma hoti. Tattha yesaṃ pāsāṇaudakajālarukkhacalanānañceva pañcindriyapatiṭṭhokāsānañca vaṇṇāyatanaṃ kāyaviññattikāle hatthapādādirūpañca disvā ‘‘pathavīdhātuādayo sanidassanā’’ti laddhi, seyyathāpi andhakānaṃ; te sandhāya sabbakathāsu ādipucchā sakavādissa, paṭiññā itarassa. Sesaṃ sabbattha pāḷianusārena ceva heṭṭhā vuttanayena ca veditabbanti. Pathavīdhātu sanidassanāti ādiṃ katvā kāyakammaṃ sanidassananti pariyosānakathā niṭṭhitā.
ছট্ঠো ৰগ্গো।
Chaṭṭho vaggo.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi
(৬০) ৮. পথৰীধাতু সনিদস্সনাতিআদিকথা • (60) 8. Pathavīdhātu sanidassanātiādikathā
(৬১) ৯. চক্খুন্দ্রিযং সনিদস্সনন্তিআদিকথা • (61) 9. Cakkhundriyaṃ sanidassanantiādikathā
(৬২) ১০. কাযকম্মং সনিদস্সনন্তিকথা • (62) 10. Kāyakammaṃ sanidassanantikathā
