| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၀. ပထဝီဓာတုသနိဒသ္သနာတိအာဒိကထာဝဏ္ဏနာ
10. Pathavīdhātusanidassanātiādikathāvaṇṇanā
၄၆၅-၄၇၀. ဣဒာနိ ပထဝီဓာတု သနိဒသ္သနာတိအာဒိကထာ နာမ ဟောတိ။ တတ္ထ ယေသံ ပာသာဏဥဒကဇာလရုက္ခစလနာနဉ္စေဝ ပဉ္စိန္ဒ္ရိယပတိဋ္ဌောကာသာနဉ္စ ဝဏ္ဏာယတနံ ကာယဝိညတ္တိကာလေ ဟတ္ထပာဒာဒိရူပဉ္စ ဒိသ္ဝာ ‘‘ပထဝီဓာတုအာဒယော သနိဒသ္သနာ’’တိ လဒ္ဓိ, သေယ္ယထာပိ အန္ဓကာနံ; တေ သန္ဓာယ သဗ္ဗကထာသု အာဒိပုစ္ဆာ သကဝာဒိသ္သ, ပဋိညာ ဣတရသ္သ။ သေသံ သဗ္ဗတ္ထ ပာဠိအနုသာရေန စေဝ ဟေဋ္ဌာ ဝုတ္တနယေန စ ဝေဒိတဗ္ဗန္တိ။ ပထဝီဓာတု သနိဒသ္သနာတိ အာဒိံ ကတ္ဝာ ကာယကမ္မံ သနိဒသ္သနန္တိ ပရိယောသာနကထာ နိဋ္ဌိတာ။
465-470. Idāni pathavīdhātu sanidassanātiādikathā nāma hoti. Tattha yesaṃ pāsāṇaudakajālarukkhacalanānañceva pañcindriyapatiṭṭhokāsānañca vaṇṇāyatanaṃ kāyaviññattikāle hatthapādādirūpañca disvā ‘‘pathavīdhātuādayo sanidassanā’’ti laddhi, seyyathāpi andhakānaṃ; te sandhāya sabbakathāsu ādipucchā sakavādissa, paṭiññā itarassa. Sesaṃ sabbattha pāḷianusārena ceva heṭṭhā vuttanayena ca veditabbanti. Pathavīdhātu sanidassanāti ādiṃ katvā kāyakammaṃ sanidassananti pariyosānakathā niṭṭhitā.
ဆဋ္ဌော ဝဂ္ဂော။
Chaṭṭho vaggo.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi
(၆၀) ၈. ပထဝီဓာတု သနိဒသ္သနာတိအာဒိကထာ • (60) 8. Pathavīdhātu sanidassanātiādikathā
(၆၁) ၉. စက္ခုန္ဒ္ရိယံ သနိဒသ္သနန္တိအာဒိကထာ • (61) 9. Cakkhundriyaṃ sanidassanantiādikathā
(၆၂) ၁၀. ကာယကမ္မံ သနိဒသ္သနန္တိကထာ • (62) 10. Kāyakammaṃ sanidassanantikathā
