| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
7. பத²வீகம்மவிபாகோதிகதா²வண்ணனா
7. Pathavīkammavipākotikathāvaṇṇanā
492. அத்தவஜ்ஜேஹீதி ப²ஸ்ஸவஜ்ஜேஹி. ந ஹி ஸோ ஏவ தேன ஸம்பயுத்தோ ஹோதி. ஸோதி ப²ஸ்ஸமேவ பச்சாமஸதி. ஸாவஜ்ஜனேதி ஆவஜ்ஜனஸஹிதே, ஆவஜ்ஜனங் புரேசாரிகங் கத்வா ஏவ பவத்தனகேதி அத்தோ². கம்மூபனிஸ்ஸயபூ⁴தமேவாதி யேன கம்முனா யதா²வுத்தா ப²ஸ்ஸாத³யோ நிப்³ப³த்திதா, தஸ்ஸ கம்மஸ்ஸ உபனிஸ்ஸயபூ⁴தமேவ. து³க்க²ஸ்ஸாதி ஆயதிங் உப்பஜ்ஜனகது³க்க²ஸ்ஸ. ‘‘மூலதண்ஹா’’தி த³ஸ்ஸேதீதி யோஜனா, ததா² ‘‘உபனிஸ்ஸயபூ⁴த’’ந்தி எத்தா²பி. கம்மாயூஹனஸ்ஸ காரணபூ⁴தா புரிமஸித்³தா⁴ தண்ஹா கம்மஸ்ஸ உபனிஸ்ஸயோ, கதூபசிதே கம்மே ப⁴வாதீ³ஸு நமனவஸேன பவத்தா ஹி விபாகஸ்ஸ உபனிஸ்ஸயோ.
492. Attavajjehīti phassavajjehi. Na hi so eva tena sampayutto hoti. Soti phassameva paccāmasati. Sāvajjaneti āvajjanasahite, āvajjanaṃ purecārikaṃ katvā eva pavattanaketi attho. Kammūpanissayabhūtamevāti yena kammunā yathāvuttā phassādayo nibbattitā, tassa kammassa upanissayabhūtameva. Dukkhassāti āyatiṃ uppajjanakadukkhassa. ‘‘Mūlataṇhā’’ti dassetīti yojanā, tathā ‘‘upanissayabhūta’’nti etthāpi. Kammāyūhanassa kāraṇabhūtā purimasiddhā taṇhā kammassa upanissayo, katūpacite kamme bhavādīsu namanavasena pavattā hi vipākassa upanissayo.
493. ஓகாஸகதுப்பன்னங் அகே²பெத்வா பரினிப்³பா³னபா⁴வோ ஸகஸமயவஸேன சோத³னாய யுஜ்ஜமானதா.
493. Okāsakatuppannaṃ akhepetvā parinibbānabhāvo sakasamayavasena codanāya yujjamānatā.
494. கம்மே ஸதீதி இமினா கம்மஸ்ஸ பத²வீஆதீ³னங் பச்சயதாமத்தமாஹ, ந ஜனகத்தங். தேனாஹ ‘‘தங்ஸங்வத்தனிகங் நாம ஹோதீ’’தி.
494. Kamme satīti iminā kammassa pathavīādīnaṃ paccayatāmattamāha, na janakattaṃ. Tenāha ‘‘taṃsaṃvattanikaṃ nāma hotī’’ti.
பத²வீகம்மவிபாகோதிகதா²வண்ணனா நிட்டி²தா.
Pathavīkammavipākotikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (69) 7. பத²வீ கம்மவிபாகோதிகதா² • (69) 7. Pathavī kammavipākotikathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 7. பத²வீகம்மவிபாகோதிகதா²வண்ணனா • 7. Pathavīkammavipākotikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. பத²வீகம்மவிபாகோதிகதா²வண்ணனா • 7. Pathavīkammavipākotikathāvaṇṇanā
