| Library / Tipiṭaka / तिपिटक • Tipiṭaka / पञ्चपकरण-मूलटीका • Pañcapakaraṇa-mūlaṭīkā |
७. पथवीकम्मविपाकोतिकथावण्णना
7. Pathavīkammavipākotikathāvaṇṇanā
४९२. फस्सो सुखवेदनीयादिभेदो होतीति फस्सेन सब्बम्पि कम्मविपाकं दस्सेत्वा पुन अत्तवज्जेहि सम्पयोगदस्सनत्थं ‘‘सो च सञ्ञादयो चा’’तिआदि वुत्तं। अत्थि च नेसन्ति सावज्जने चक्खुविञ्ञाणादिसहजातधम्मे सन्धाय वुत्तं। यो तत्थ इट्ठविपाको, तस्स पत्थनाति इट्ठविपाके एव पत्थनं कत्वा कम्मं करोन्तीति कम्मूपनिस्सयभूतमेव पत्थनं दस्सेति, पच्चुप्पन्नवेदनापच्चयं वा तण्हं उपादानादिनिब्बत्तनवसेन दुक्खस्स पभावितं। मूलतण्हाति पच्चुप्पन्नविपाकवट्टनिब्बत्तककम्मस्स उपनिस्सयभूतं पुरिमतण्हं, कम्मसहायं वा विपाकस्स उपनिस्सयभूतं।
492. Phassosukhavedanīyādibhedo hotīti phassena sabbampi kammavipākaṃ dassetvā puna attavajjehi sampayogadassanatthaṃ ‘‘so ca saññādayo cā’’tiādi vuttaṃ. Atthi ca nesanti sāvajjane cakkhuviññāṇādisahajātadhamme sandhāya vuttaṃ. Yo tattha iṭṭhavipāko, tassa patthanāti iṭṭhavipāke eva patthanaṃ katvā kammaṃ karontīti kammūpanissayabhūtameva patthanaṃ dasseti, paccuppannavedanāpaccayaṃ vā taṇhaṃ upādānādinibbattanavasena dukkhassa pabhāvitaṃ. Mūlataṇhāti paccuppannavipākavaṭṭanibbattakakammassa upanissayabhūtaṃ purimataṇhaṃ, kammasahāyaṃ vā vipākassa upanissayabhūtaṃ.
४९३. सकसमयवसेन च चोदनाय पयुज्जमानतं दस्सेतुं ‘‘तेसञ्च लद्धिया’’तिआदिमाह।
493. Sakasamayavasena ca codanāya payujjamānataṃ dassetuṃ ‘‘tesañca laddhiyā’’tiādimāha.
४९४. पटिलाभवसेनाति कम्मे सति पथवियादीनं पटिलाभो होतीति कम्मं तंसंवत्तनिकं नाम होतीति दस्सेति।
494. Paṭilābhavasenāti kamme sati pathaviyādīnaṃ paṭilābho hotīti kammaṃ taṃsaṃvattanikaṃ nāma hotīti dasseti.
पथवीकम्मविपाकोतिकथावण्णना निट्ठिता।
Pathavīkammavipākotikathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (६९) ७. पथवी कम्मविपाकोतिकथा • (69) 7. Pathavī kammavipākotikathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ७. पथवीकम्मविपाकोतिकथावण्णना • 7. Pathavīkammavipākotikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ७. पथवीकम्मविपाकोतिकथावण्णना • 7. Pathavīkammavipākotikathāvaṇṇanā
