| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
७. पथवीकम्मविपाकोतिकथावण्णना
7. Pathavīkammavipākotikathāvaṇṇanā
४९२. अत्तवज्जेहीति फस्सवज्जेहि। न हि सो एव तेन सम्पयुत्तो होति। सोति फस्समेव पच्चामसति। सावज्जनेति आवज्जनसहिते, आवज्जनं पुरेचारिकं कत्वा एव पवत्तनकेति अत्थो। कम्मूपनिस्सयभूतमेवाति येन कम्मुना यथावुत्ता फस्सादयो निब्बत्तिता, तस्स कम्मस्स उपनिस्सयभूतमेव। दुक्खस्साति आयतिं उप्पज्जनकदुक्खस्स। ‘‘मूलतण्हा’’ति दस्सेतीति योजना, तथा ‘‘उपनिस्सयभूत’’न्ति एत्थापि। कम्मायूहनस्स कारणभूता पुरिमसिद्धा तण्हा कम्मस्स उपनिस्सयो, कतूपचिते कम्मे भवादीसु नमनवसेन पवत्ता हि विपाकस्स उपनिस्सयो।
492. Attavajjehīti phassavajjehi. Na hi so eva tena sampayutto hoti. Soti phassameva paccāmasati. Sāvajjaneti āvajjanasahite, āvajjanaṃ purecārikaṃ katvā eva pavattanaketi attho. Kammūpanissayabhūtamevāti yena kammunā yathāvuttā phassādayo nibbattitā, tassa kammassa upanissayabhūtameva. Dukkhassāti āyatiṃ uppajjanakadukkhassa. ‘‘Mūlataṇhā’’ti dassetīti yojanā, tathā ‘‘upanissayabhūta’’nti etthāpi. Kammāyūhanassa kāraṇabhūtā purimasiddhā taṇhā kammassa upanissayo, katūpacite kamme bhavādīsu namanavasena pavattā hi vipākassa upanissayo.
४९३. ओकासकतुप्पन्नं अखेपेत्वा परिनिब्बानभावो सकसमयवसेन चोदनाय युज्जमानता।
493. Okāsakatuppannaṃ akhepetvā parinibbānabhāvo sakasamayavasena codanāya yujjamānatā.
४९४. कम्मे सतीति इमिना कम्मस्स पथवीआदीनं पच्चयतामत्तमाह, न जनकत्तं। तेनाह ‘‘तंसंवत्तनिकं नाम होती’’ति।
494. Kamme satīti iminā kammassa pathavīādīnaṃ paccayatāmattamāha, na janakattaṃ. Tenāha ‘‘taṃsaṃvattanikaṃ nāma hotī’’ti.
पथवीकम्मविपाकोतिकथावण्णना निट्ठिता।
Pathavīkammavipākotikathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (६९) ७. पथवी कम्मविपाकोतिकथा • (69) 7. Pathavī kammavipākotikathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ७. पथवीकम्मविपाकोतिकथावण्णना • 7. Pathavīkammavipākotikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ७. पथवीकम्मविपाकोतिकथावण्णना • 7. Pathavīkammavipākotikathāvaṇṇanā
