| Library / Tipiṭaka / ติปิฎก • Tipiṭaka / ปญฺจปกรณ-มูลฎีกา • Pañcapakaraṇa-mūlaṭīkā |
๗. ปถวีกมฺมวิปาโกติกถาวณฺณนา
7. Pathavīkammavipākotikathāvaṇṇanā
๔๙๒. ผโสฺส สุขเวทนียาทิเภโท โหตีติ ผเสฺสน สพฺพมฺปิ กมฺมวิปากํ ทเสฺสตฺวา ปุน อตฺตวเชฺชหิ สมฺปโยคทสฺสนตฺถํ ‘‘โส จ สญฺญาทโย จา’’ติอาทิ วุตฺตํฯ อตฺถิ จ เนสนฺติ สาวชฺชเน จกฺขุวิญฺญาณาทิสหชาตธเมฺม สนฺธาย วุตฺตํฯ โย ตตฺถ อิฎฺฐวิปาโก, ตสฺส ปตฺถนาติ อิฎฺฐวิปาเก เอว ปตฺถนํ กตฺวา กมฺมํ กโรนฺตีติ กมฺมูปนิสฺสยภูตเมว ปตฺถนํ ทเสฺสติ, ปจฺจุปฺปนฺนเวทนาปจฺจยํ วา ตณฺหํ อุปาทานาทินิพฺพตฺตนวเสน ทุกฺขสฺส ปภาวิตํฯ มูลตณฺหาติ ปจฺจุปฺปนฺนวิปากวฎฺฎนิพฺพตฺตกกมฺมสฺส อุปนิสฺสยภูตํ ปุริมตณฺหํ, กมฺมสหายํ วา วิปากสฺส อุปนิสฺสยภูตํฯ
492. Phassosukhavedanīyādibhedo hotīti phassena sabbampi kammavipākaṃ dassetvā puna attavajjehi sampayogadassanatthaṃ ‘‘so ca saññādayo cā’’tiādi vuttaṃ. Atthi ca nesanti sāvajjane cakkhuviññāṇādisahajātadhamme sandhāya vuttaṃ. Yo tattha iṭṭhavipāko, tassa patthanāti iṭṭhavipāke eva patthanaṃ katvā kammaṃ karontīti kammūpanissayabhūtameva patthanaṃ dasseti, paccuppannavedanāpaccayaṃ vā taṇhaṃ upādānādinibbattanavasena dukkhassa pabhāvitaṃ. Mūlataṇhāti paccuppannavipākavaṭṭanibbattakakammassa upanissayabhūtaṃ purimataṇhaṃ, kammasahāyaṃ vā vipākassa upanissayabhūtaṃ.
๔๙๓. สกสมยวเสน จ โจทนาย ปยุชฺชมานตํ ทเสฺสตุํ ‘‘เตสญฺจ ลทฺธิยา’’ติอาทิมาหฯ
493. Sakasamayavasena ca codanāya payujjamānataṃ dassetuṃ ‘‘tesañca laddhiyā’’tiādimāha.
๔๙๔. ปฎิลาภวเสนาติ กเมฺม สติ ปถวิยาทีนํ ปฎิลาโภ โหตีติ กมฺมํ ตํสํวตฺตนิกํ นาม โหตีติ ทเสฺสติฯ
494. Paṭilābhavasenāti kamme sati pathaviyādīnaṃ paṭilābho hotīti kammaṃ taṃsaṃvattanikaṃ nāma hotīti dasseti.
ปถวีกมฺมวิปาโกติกถาวณฺณนา นิฎฺฐิตาฯ
Pathavīkammavipākotikathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๖๙) ๗. ปถวี กมฺมวิปาโกติกถา • (69) 7. Pathavī kammavipākotikathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๗. ปถวีกมฺมวิปาโกติกถาวณฺณนา • 7. Pathavīkammavipākotikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๗. ปถวีกมฺมวิปาโกติกถาวณฺณนา • 7. Pathavīkammavipākotikathāvaṇṇanā
