| Library / Tipiṭaka / តិបិដក • Tipiṭaka / បញ្ចបករណ-អនុដីកា • Pañcapakaraṇa-anuṭīkā |
៧. បថវីកម្មវិបាកោតិកថាវណ្ណនា
7. Pathavīkammavipākotikathāvaṇṇanā
៤៩២. អត្តវជ្ជេហីតិ ផស្សវជ្ជេហិ។ ន ហិ សោ ឯវ តេន សម្បយុត្តោ ហោតិ។ សោតិ ផស្សមេវ បច្ចាមសតិ។ សាវជ្ជនេតិ អាវជ្ជនសហិតេ, អាវជ្ជនំ បុរេចារិកំ កត្វា ឯវ បវត្តនកេតិ អត្ថោ។ កម្មូបនិស្សយភូតមេវាតិ យេន កម្មុនា យថាវុត្តា ផស្សាទយោ និព្ពត្តិតា, តស្ស កម្មស្ស ឧបនិស្សយភូតមេវ។ ទុក្ខស្សាតិ អាយតិំ ឧប្បជ្ជនកទុក្ខស្ស។ ‘‘មូលតណ្ហា’’តិ ទស្សេតីតិ យោជនា, តថា ‘‘ឧបនិស្សយភូត’’ន្តិ ឯត្ថាបិ។ កម្មាយូហនស្ស ការណភូតា បុរិមសិទ្ធា តណ្ហា កម្មស្ស ឧបនិស្សយោ, កតូបចិតេ កម្មេ ភវាទីសុ នមនវសេន បវត្តា ហិ វិបាកស្ស ឧបនិស្សយោ។
492. Attavajjehīti phassavajjehi. Na hi so eva tena sampayutto hoti. Soti phassameva paccāmasati. Sāvajjaneti āvajjanasahite, āvajjanaṃ purecārikaṃ katvā eva pavattanaketi attho. Kammūpanissayabhūtamevāti yena kammunā yathāvuttā phassādayo nibbattitā, tassa kammassa upanissayabhūtameva. Dukkhassāti āyatiṃ uppajjanakadukkhassa. ‘‘Mūlataṇhā’’ti dassetīti yojanā, tathā ‘‘upanissayabhūta’’nti etthāpi. Kammāyūhanassa kāraṇabhūtā purimasiddhā taṇhā kammassa upanissayo, katūpacite kamme bhavādīsu namanavasena pavattā hi vipākassa upanissayo.
៤៩៣. ឱកាសកតុប្បន្នំ អខេបេត្វា បរិនិព្ពានភាវោ សកសមយវសេន ចោទនាយ យុជ្ជមានតា។
493. Okāsakatuppannaṃ akhepetvā parinibbānabhāvo sakasamayavasena codanāya yujjamānatā.
៤៩៤. កម្មេ សតីតិ ឥមិនា កម្មស្ស បថវីអាទីនំ បច្ចយតាមត្តមាហ, ន ជនកត្តំ។ តេនាហ ‘‘តំសំវត្តនិកំ នាម ហោតី’’តិ។
494. Kamme satīti iminā kammassa pathavīādīnaṃ paccayatāmattamāha, na janakattaṃ. Tenāha ‘‘taṃsaṃvattanikaṃ nāma hotī’’ti.
បថវីកម្មវិបាកោតិកថាវណ្ណនា និដ្ឋិតា។
Pathavīkammavipākotikathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (៦៩) ៧. បថវី កម្មវិបាកោតិកថា • (69) 7. Pathavī kammavipākotikathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៧. បថវីកម្មវិបាកោតិកថាវណ្ណនា • 7. Pathavīkammavipākotikathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៧. បថវីកម្មវិបាកោតិកថាវណ្ណនា • 7. Pathavīkammavipākotikathāvaṇṇanā
