| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၇. ပထဝီကမ္မဝိပာကောတိကထာဝဏ္ဏနာ
7. Pathavīkammavipākotikathāvaṇṇanā
၄၉၂. အတ္တဝဇ္ဇေဟီတိ ဖသ္သဝဇ္ဇေဟိ။ န ဟိ သော ဧဝ တေန သမ္ပယုတ္တော ဟောတိ။ သောတိ ဖသ္သမေဝ ပစ္စာမသတိ။ သာဝဇ္ဇနေတိ အာဝဇ္ဇနသဟိတေ, အာဝဇ္ဇနံ ပုရေစာရိကံ ကတ္ဝာ ဧဝ ပဝတ္တနကေတိ အတ္ထော။ ကမ္မူပနိသ္သယဘူတမေဝာတိ ယေန ကမ္မုနာ ယထာဝုတ္တာ ဖသ္သာဒယော နိဗ္ဗတ္တိတာ, တသ္သ ကမ္မသ္သ ဥပနိသ္သယဘူတမေဝ။ ဒုက္ခသ္သာတိ အာယတိံ ဥပ္ပဇ္ဇနကဒုက္ခသ္သ။ ‘‘မူလတဏ္ဟာ’’တိ ဒသ္သေတီတိ ယောဇနာ, တထာ ‘‘ဥပနိသ္သယဘူတ’’န္တိ ဧတ္ထာပိ။ ကမ္မာယူဟနသ္သ ကာရဏဘူတာ ပုရိမသိဒ္ဓာ တဏ္ဟာ ကမ္မသ္သ ဥပနိသ္သယော, ကတူပစိတေ ကမ္မေ ဘဝာဒီသု နမနဝသေန ပဝတ္တာ ဟိ ဝိပာကသ္သ ဥပနိသ္သယော။
492. Attavajjehīti phassavajjehi. Na hi so eva tena sampayutto hoti. Soti phassameva paccāmasati. Sāvajjaneti āvajjanasahite, āvajjanaṃ purecārikaṃ katvā eva pavattanaketi attho. Kammūpanissayabhūtamevāti yena kammunā yathāvuttā phassādayo nibbattitā, tassa kammassa upanissayabhūtameva. Dukkhassāti āyatiṃ uppajjanakadukkhassa. ‘‘Mūlataṇhā’’ti dassetīti yojanā, tathā ‘‘upanissayabhūta’’nti etthāpi. Kammāyūhanassa kāraṇabhūtā purimasiddhā taṇhā kammassa upanissayo, katūpacite kamme bhavādīsu namanavasena pavattā hi vipākassa upanissayo.
၄၉၃. ဩကာသကတုပ္ပန္နံ အခေပေတ္ဝာ ပရိနိဗ္ဗာနဘာဝော သကသမယဝသေန စောဒနာယ ယုဇ္ဇမာနတာ။
493. Okāsakatuppannaṃ akhepetvā parinibbānabhāvo sakasamayavasena codanāya yujjamānatā.
၄၉၄. ကမ္မေ သတီတိ ဣမိနာ ကမ္မသ္သ ပထဝီအာဒီနံ ပစ္စယတာမတ္တမာဟ, န ဇနကတ္တံ။ တေနာဟ ‘‘တံသံဝတ္တနိကံ နာမ ဟောတီ’’တိ။
494. Kamme satīti iminā kammassa pathavīādīnaṃ paccayatāmattamāha, na janakattaṃ. Tenāha ‘‘taṃsaṃvattanikaṃ nāma hotī’’ti.
ပထဝီကမ္မဝိပာကောတိကထာဝဏ္ဏနာ နိဋ္ဌိတာ။
Pathavīkammavipākotikathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၆၉) ၇. ပထဝီ ကမ္မဝိပာကောတိကထာ • (69) 7. Pathavī kammavipākotikathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၇. ပထဝီကမ္မဝိပာကောတိကထာဝဏ္ဏနာ • 7. Pathavīkammavipākotikathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၇. ပထဝီကမ္မဝိပာကောတိကထာဝဏ္ဏနာ • 7. Pathavīkammavipākotikathāvaṇṇanā
