| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೭. ಪಥವೀಕಮ್ಮವಿಪಾಕೋತಿಕಥಾವಣ್ಣನಾ
7. Pathavīkammavipākotikathāvaṇṇanā
೪೯೨. ಫಸ್ಸೋ ಸುಖವೇದನೀಯಾದಿಭೇದೋ ಹೋತೀತಿ ಫಸ್ಸೇನ ಸಬ್ಬಮ್ಪಿ ಕಮ್ಮವಿಪಾಕಂ ದಸ್ಸೇತ್ವಾ ಪುನ ಅತ್ತವಜ್ಜೇಹಿ ಸಮ್ಪಯೋಗದಸ್ಸನತ್ಥಂ ‘‘ಸೋ ಚ ಸಞ್ಞಾದಯೋ ಚಾ’’ತಿಆದಿ ವುತ್ತಂ। ಅತ್ಥಿ ಚ ನೇಸನ್ತಿ ಸಾವಜ್ಜನೇ ಚಕ್ಖುವಿಞ್ಞಾಣಾದಿಸಹಜಾತಧಮ್ಮೇ ಸನ್ಧಾಯ ವುತ್ತಂ। ಯೋ ತತ್ಥ ಇಟ್ಠವಿಪಾಕೋ, ತಸ್ಸ ಪತ್ಥನಾತಿ ಇಟ್ಠವಿಪಾಕೇ ಏವ ಪತ್ಥನಂ ಕತ್ವಾ ಕಮ್ಮಂ ಕರೋನ್ತೀತಿ ಕಮ್ಮೂಪನಿಸ್ಸಯಭೂತಮೇವ ಪತ್ಥನಂ ದಸ್ಸೇತಿ, ಪಚ್ಚುಪ್ಪನ್ನವೇದನಾಪಚ್ಚಯಂ ವಾ ತಣ್ಹಂ ಉಪಾದಾನಾದಿನಿಬ್ಬತ್ತನವಸೇನ ದುಕ್ಖಸ್ಸ ಪಭಾವಿತಂ। ಮೂಲತಣ್ಹಾತಿ ಪಚ್ಚುಪ್ಪನ್ನವಿಪಾಕವಟ್ಟನಿಬ್ಬತ್ತಕಕಮ್ಮಸ್ಸ ಉಪನಿಸ್ಸಯಭೂತಂ ಪುರಿಮತಣ್ಹಂ, ಕಮ್ಮಸಹಾಯಂ ವಾ ವಿಪಾಕಸ್ಸ ಉಪನಿಸ್ಸಯಭೂತಂ।
492. Phassosukhavedanīyādibhedo hotīti phassena sabbampi kammavipākaṃ dassetvā puna attavajjehi sampayogadassanatthaṃ ‘‘so ca saññādayo cā’’tiādi vuttaṃ. Atthi ca nesanti sāvajjane cakkhuviññāṇādisahajātadhamme sandhāya vuttaṃ. Yo tattha iṭṭhavipāko, tassa patthanāti iṭṭhavipāke eva patthanaṃ katvā kammaṃ karontīti kammūpanissayabhūtameva patthanaṃ dasseti, paccuppannavedanāpaccayaṃ vā taṇhaṃ upādānādinibbattanavasena dukkhassa pabhāvitaṃ. Mūlataṇhāti paccuppannavipākavaṭṭanibbattakakammassa upanissayabhūtaṃ purimataṇhaṃ, kammasahāyaṃ vā vipākassa upanissayabhūtaṃ.
೪೯೩. ಸಕಸಮಯವಸೇನ ಚ ಚೋದನಾಯ ಪಯುಜ್ಜಮಾನತಂ ದಸ್ಸೇತುಂ ‘‘ತೇಸಞ್ಚ ಲದ್ಧಿಯಾ’’ತಿಆದಿಮಾಹ।
493. Sakasamayavasena ca codanāya payujjamānataṃ dassetuṃ ‘‘tesañca laddhiyā’’tiādimāha.
೪೯೪. ಪಟಿಲಾಭವಸೇನಾತಿ ಕಮ್ಮೇ ಸತಿ ಪಥವಿಯಾದೀನಂ ಪಟಿಲಾಭೋ ಹೋತೀತಿ ಕಮ್ಮಂ ತಂಸಂವತ್ತನಿಕಂ ನಾಮ ಹೋತೀತಿ ದಸ್ಸೇತಿ।
494. Paṭilābhavasenāti kamme sati pathaviyādīnaṃ paṭilābho hotīti kammaṃ taṃsaṃvattanikaṃ nāma hotīti dasseti.
ಪಥವೀಕಮ್ಮವಿಪಾಕೋತಿಕಥಾವಣ್ಣನಾ ನಿಟ್ಠಿತಾ।
Pathavīkammavipākotikathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೬೯) ೭. ಪಥವೀ ಕಮ್ಮವಿಪಾಕೋತಿಕಥಾ • (69) 7. Pathavī kammavipākotikathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೭. ಪಥವೀಕಮ್ಮವಿಪಾಕೋತಿಕಥಾವಣ್ಣನಾ • 7. Pathavīkammavipākotikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೭. ಪಥವೀಕಮ್ಮವಿಪಾಕೋತಿಕಥಾವಣ್ಣನಾ • 7. Pathavīkammavipākotikathāvaṇṇanā
