| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೭. ಪಥವೀಕಮ್ಮವಿಪಾಕೋತಿಕಥಾವಣ್ಣನಾ
7. Pathavīkammavipākotikathāvaṇṇanā
೪೯೨. ಅತ್ತವಜ್ಜೇಹೀತಿ ಫಸ್ಸವಜ್ಜೇಹಿ। ನ ಹಿ ಸೋ ಏವ ತೇನ ಸಮ್ಪಯುತ್ತೋ ಹೋತಿ। ಸೋತಿ ಫಸ್ಸಮೇವ ಪಚ್ಚಾಮಸತಿ। ಸಾವಜ್ಜನೇತಿ ಆವಜ್ಜನಸಹಿತೇ, ಆವಜ್ಜನಂ ಪುರೇಚಾರಿಕಂ ಕತ್ವಾ ಏವ ಪವತ್ತನಕೇತಿ ಅತ್ಥೋ। ಕಮ್ಮೂಪನಿಸ್ಸಯಭೂತಮೇವಾತಿ ಯೇನ ಕಮ್ಮುನಾ ಯಥಾವುತ್ತಾ ಫಸ್ಸಾದಯೋ ನಿಬ್ಬತ್ತಿತಾ, ತಸ್ಸ ಕಮ್ಮಸ್ಸ ಉಪನಿಸ್ಸಯಭೂತಮೇವ। ದುಕ್ಖಸ್ಸಾತಿ ಆಯತಿಂ ಉಪ್ಪಜ್ಜನಕದುಕ್ಖಸ್ಸ। ‘‘ಮೂಲತಣ್ಹಾ’’ತಿ ದಸ್ಸೇತೀತಿ ಯೋಜನಾ, ತಥಾ ‘‘ಉಪನಿಸ್ಸಯಭೂತ’’ನ್ತಿ ಏತ್ಥಾಪಿ। ಕಮ್ಮಾಯೂಹನಸ್ಸ ಕಾರಣಭೂತಾ ಪುರಿಮಸಿದ್ಧಾ ತಣ್ಹಾ ಕಮ್ಮಸ್ಸ ಉಪನಿಸ್ಸಯೋ, ಕತೂಪಚಿತೇ ಕಮ್ಮೇ ಭವಾದೀಸು ನಮನವಸೇನ ಪವತ್ತಾ ಹಿ ವಿಪಾಕಸ್ಸ ಉಪನಿಸ್ಸಯೋ।
492. Attavajjehīti phassavajjehi. Na hi so eva tena sampayutto hoti. Soti phassameva paccāmasati. Sāvajjaneti āvajjanasahite, āvajjanaṃ purecārikaṃ katvā eva pavattanaketi attho. Kammūpanissayabhūtamevāti yena kammunā yathāvuttā phassādayo nibbattitā, tassa kammassa upanissayabhūtameva. Dukkhassāti āyatiṃ uppajjanakadukkhassa. ‘‘Mūlataṇhā’’ti dassetīti yojanā, tathā ‘‘upanissayabhūta’’nti etthāpi. Kammāyūhanassa kāraṇabhūtā purimasiddhā taṇhā kammassa upanissayo, katūpacite kamme bhavādīsu namanavasena pavattā hi vipākassa upanissayo.
೪೯೩. ಓಕಾಸಕತುಪ್ಪನ್ನಂ ಅಖೇಪೇತ್ವಾ ಪರಿನಿಬ್ಬಾನಭಾವೋ ಸಕಸಮಯವಸೇನ ಚೋದನಾಯ ಯುಜ್ಜಮಾನತಾ।
493. Okāsakatuppannaṃ akhepetvā parinibbānabhāvo sakasamayavasena codanāya yujjamānatā.
೪೯೪. ಕಮ್ಮೇ ಸತೀತಿ ಇಮಿನಾ ಕಮ್ಮಸ್ಸ ಪಥವೀಆದೀನಂ ಪಚ್ಚಯತಾಮತ್ತಮಾಹ, ನ ಜನಕತ್ತಂ। ತೇನಾಹ ‘‘ತಂಸಂವತ್ತನಿಕಂ ನಾಮ ಹೋತೀ’’ತಿ।
494. Kamme satīti iminā kammassa pathavīādīnaṃ paccayatāmattamāha, na janakattaṃ. Tenāha ‘‘taṃsaṃvattanikaṃ nāma hotī’’ti.
ಪಥವೀಕಮ್ಮವಿಪಾಕೋತಿಕಥಾವಣ್ಣನಾ ನಿಟ್ಠಿತಾ।
Pathavīkammavipākotikathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೬೯) ೭. ಪಥವೀ ಕಮ್ಮವಿಪಾಕೋತಿಕಥಾ • (69) 7. Pathavī kammavipākotikathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೭. ಪಥವೀಕಮ್ಮವಿಪಾಕೋತಿಕಥಾವಣ್ಣನಾ • 7. Pathavīkammavipākotikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೭. ಪಥವೀಕಮ್ಮವಿಪಾಕೋತಿಕಥಾವಣ್ಣನಾ • 7. Pathavīkammavipākotikathāvaṇṇanā
