| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
7. පථවීකම්‌මවිපාකොතිකථාවණ්‌ණනා
7. Pathavīkammavipākotikathāvaṇṇanā
492. අත්‌තවජ්‌ජෙහීති ඵස්‌සවජ්‌ජෙහි. න හි සො එව තෙන සම්‌පයුත්‌තො හොති. සොති ඵස්‌සමෙව පච්‌චාමසති. සාවජ්‌ජනෙති ආවජ්‌ජනසහිතෙ, ආවජ්‌ජනං පුරෙචාරිකං කත්‌වා එව පවත්‌තනකෙති අත්‌ථො. කම්‌මූපනිස්‌සයභූතමෙවාති යෙන කම්‌මුනා යථාවුත්‌තා ඵස්‌සාදයො නිබ්‌බත්‌තිතා, තස්‌ස කම්‌මස්‌ස උපනිස්‌සයභූතමෙව. දුක්‌ඛස්‌සාති ආයතිං උප්‌පජ්‌ජනකදුක්‌ඛස්‌ස. ‘‘මූලතණ්‌හා’’ති දස්‌සෙතීති යොජනා, තථා ‘‘උපනිස්‌සයභූත’’න්‌ති එත්‌ථාපි. කම්‌මායූහනස්‌ස කාරණභූතා පුරිමසිද්‌ධා තණ්‌හා කම්‌මස්‌ස උපනිස්‌සයො, කතූපචිතෙ කම්‌මෙ භවාදීසු නමනවසෙන පවත්‌තා හි විපාකස්‌ස උපනිස්‌සයො.
492. Attavajjehīti phassavajjehi. Na hi so eva tena sampayutto hoti. Soti phassameva paccāmasati. Sāvajjaneti āvajjanasahite, āvajjanaṃ purecārikaṃ katvā eva pavattanaketi attho. Kammūpanissayabhūtamevāti yena kammunā yathāvuttā phassādayo nibbattitā, tassa kammassa upanissayabhūtameva. Dukkhassāti āyatiṃ uppajjanakadukkhassa. ‘‘Mūlataṇhā’’ti dassetīti yojanā, tathā ‘‘upanissayabhūta’’nti etthāpi. Kammāyūhanassa kāraṇabhūtā purimasiddhā taṇhā kammassa upanissayo, katūpacite kamme bhavādīsu namanavasena pavattā hi vipākassa upanissayo.
493. ඔකාසකතුප්‌පන්‌නං අඛෙපෙත්‌වා පරිනිබ්‌බානභාවො සකසමයවසෙන චොදනාය යුජ්‌ජමානතා.
493. Okāsakatuppannaṃ akhepetvā parinibbānabhāvo sakasamayavasena codanāya yujjamānatā.
494. කම්‌මෙ සතීති ඉමිනා කම්‌මස්‌ස පථවීආදීනං පච්‌චයතාමත්‌තමාහ, න ජනකත්‌තං. තෙනාහ ‘‘තංසංවත්‌තනිකං නාම හොතී’’ති.
494. Kamme satīti iminā kammassa pathavīādīnaṃ paccayatāmattamāha, na janakattaṃ. Tenāha ‘‘taṃsaṃvattanikaṃ nāma hotī’’ti.
පථවීකම්‌මවිපාකොතිකථාවණ්‌ණනා නිට්‌ඨිතා.
Pathavīkammavipākotikathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (69) 7. පථවී කම්‌මවිපාකොතිකථා • (69) 7. Pathavī kammavipākotikathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 7. පථවීකම්‌මවිපාකොතිකථාවණ්‌ණනා • 7. Pathavīkammavipākotikathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 7. පථවීකම්‌මවිපාකොතිකථාවණ්‌ණනා • 7. Pathavīkammavipākotikathāvaṇṇanā
