| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
10. бат̇авийкан̣анасигкаабад̣̇ам̣
10. Pathavīkhaṇanasikkhāpadaṃ
86. д̣̇асамз бхаг̇аваа д̣̇ассзд̇ийд̇и яож̇анаа. зд̇т̇аад̇и бат̇авияам̣. д̇ад̇т̇аад̇и д̇зсу баасаан̣аад̣̇ийсу. мудтиббамаан̣ад̇од̇и кадагабамаан̣ад̇о. саад̇и ад̣̇ад̣дхабат̇авий. хад̇т̇игужчияанд̇и звам̣наамагз таанз. згабажчибуурам̣ бат̇авинд̇и самб̣анд̇хо. д̇зсам̣язваад̇и аббабам̣суаббамад̇д̇игаабад̣̇аанам̣ зва. хийд̇и сажжам̣, яасмаа ваа. зд̇анд̇и язбхуяязнабаасаан̣аад̣̇ибан̃жагам̣. д̇анд̇и гусийд̇ам̣. аан̣аабзд̇ваад̇и зд̇т̇а ‘‘аан̣а бзсанз’’д̇и д̇хаад̇убаатзсу вуд̇д̇ад̇д̇аа аан̣ад̇хаад̇уязва бзсанасан̇каад̇ам̣ хзд̇вад̇т̇ам̣ вад̣̇ад̇и, на н̣аабзбажжаяо, со бана д̇хаад̇вад̇т̇зязва вад̇д̇ад̇и. на хи д̇асса висум̣ вуд̇д̇о абхид̇хзяяо ад̇т̇и д̇хаад̇вад̇т̇ад̇о ан̃н̃асса абхид̇хзяяассаабхааваа. д̇ааваад̇и батамам̣ баал̣имуд̇д̇агавинижчаяасса, д̇ад̇о ваа.
86. Dasame bhagavā dassetīti yojanā. Etthāti pathaviyaṃ. Tatthāti tesu pāsāṇādīsu. Muṭṭhippamāṇatoti khaṭakapamāṇato. Sāti adaḍḍhapathavī. Hatthikucchiyanti evaṃnāmake ṭhāne. Ekapacchipūraṃ pathavinti sambandho. Tesaṃyevāti appapaṃsuappamattikāpadānaṃ eva. Hīti saccaṃ, yasmā vā. Etanti yebhuyyenapāsāṇādipañcakaṃ. Tanti kusītaṃ. Āṇāpetvāti ettha ‘‘āṇa pesane’’ti dhātupāṭhesu vuttattā āṇadhātuyeva pesanasaṅkhātaṃ hetvatthaṃ vadati, na ṇāpepaccayo, so pana dhātvattheyeva vattati. Na hi tassa visuṃ vutto abhidheyyo atthi dhātvatthato aññassa abhidheyyassābhāvā. Tāvāti paṭhamaṃ pāḷimuttakavinicchayassa, tato vā.
богкарам̣ бад̣̇умам̣ нзд̇ийд̇и богкаран̣ий. ‘‘сод̇хзнд̇зхий’’д̇и бад̣̇ам̣ ‘‘уссин̃жид̇ум̣ абанзд̇у’’нд̇и бад̣̇зсу бхаавагад̇д̇аа. яод̇и ‘‘д̇анугад̣̇д̣̇амо’’д̇и бад̣̇зна яож̇зд̇аб̣б̣о. яо д̇анугад̣̇д̣̇амод̇и хи ад̇т̇о. гудзхийд̇и гхадзхи. уссин̃жид̇унд̇и угкибид̇ваа, уд̣̇д̇харид̇ваа ваа син̃жид̇ум̣. д̇ад̇раад̇и сугкагад̣̇д̣̇амз, ‘‘яо’’д̇и бад̣̇з аваяавийаад̇хааро. яод̇и сугкагад̣̇д̣̇амо.
Pokkharaṃ padumaṃ netīti pokkharaṇī. ‘‘Sodhentehī’’ti padaṃ ‘‘ussiñcituṃ apanetu’’nti padesu bhāvakattā. Yoti ‘‘tanukaddamo’’ti padena yojetabbo. Yo tanukaddamoti hi attho. Kuṭehīti ghaṭehi. Ussiñcitunti ukkhipitvā, uddharitvā vā siñcituṃ. Tatrāti sukkhakaddame, ‘‘yo’’ti pade avayavīādhāro. Yoti sukkhakaddamo.
д̇аданд̇и гуулам̣. уд̣̇агасааманд̇аад̇и уд̣̇агасса самийбз. омагажад̇умаасанд̇и жад̇умаасад̇о уунагам̣. овадтанд̇и д̣̇звзна овассид̇ам̣ ход̇и сажзд̇и яож̇анаа. бад̇ад̇ийд̇и д̇адам̣ бад̇ад̇и. уд̣̇агзязваад̇и багад̇иуд̣̇агзязва. уд̣̇агассаад̇и вассод̣̇агасса. д̇ад̇т̇аад̇и баасаан̣абидтияам̣. батамамзваад̇и сон̣д̣икан̣анад̇о батамам̣ зва. уд̣̇агз барияаад̣̇ин̣н̣зд̇и уд̣̇агз сугкз. бажчаад̇и уд̣̇агабуурад̇о бажчаа. д̇ад̇т̇аад̇и сон̣д̣ияам̣. уд̣̇агзязваад̇и муулауд̣̇агзязва. уд̣̇аганд̇и ааг̇анд̇угауд̣̇агам̣. аллийяад̇ийд̇и бидтибаасаан̣з лаг̇г̇ад̇и. д̇амбийд̇и сукумараж̇амби. агад̇абаб̣бхаарзд̇и вал̣ан̃ж̇зна агад̇з баб̣бхаарз. убажигаахи вамийяад̇и, гхараг̇ол̣игаад̣̇аяо ваа сад̇д̇з вамад̇ийд̇и ваммиго.
Taṭanti kūlaṃ. Udakasāmantāti udakassa samīpe. Omakacatumāsanti catumāsato ūnakaṃ. Ovaṭṭhanti devena ovassitaṃ hoti saceti yojanā. Patatīti taṭaṃ patati. Udakeyevāti pakatiudakeyeva. Udakassāti vassodakassa. Tatthāti pāsāṇapiṭṭhiyaṃ. Paṭhamamevāti soṇḍikhaṇanato paṭhamaṃ eva. Udake pariyādiṇṇeti udake sukkhe. Pacchāti udakapūrato pacchā. Tatthāti soṇḍiyaṃ. Udakeyevāti mūlaudakeyeva. Udakanti āgantukaudakaṃ. Allīyatīti piṭṭhipāsāṇe laggati. Tampīti sukhumarajampi. Akatapabbhāreti vaḷañjena akate pabbhāre. Upacikāhi vamīyati, gharagoḷikādayo vā satte vamatīti vammiko.
г̇аавийнам̣ куро ган̣дагасад̣̇исад̇д̇аа г̇оган̣даго наама, д̇зна чинно гад̣̇д̣̇амо ‘‘г̇оган̣даго’’д̇и вужжад̇и. ажчад̣̇анам̣ ваа винадтажчад̣̇анам̣ ваа бураан̣асзнаасанам̣ ход̇ийд̇и яож̇анаа. д̇ад̇од̇и бураан̣асзнаасанад̇о, г̇ан̣хид̇ум̣ ваддад̇ийд̇и самб̣анд̇хо. авасзсанд̇и винадтажчад̣̇анад̇о. авасзсам̣ идтагам̣ г̇ан̣хаами ид̇и сан̃н̃ааяаад̇и яож̇зд̇аб̣б̣о. д̇знаад̇и идтагаад̣̇инаа. яаа яаад̇и мад̇д̇игаа. ад̇инд̇аад̇и аналлаа, агилиннаад̇и ад̇т̇о.
Gāvīnaṃ khuro kaṇṭakasadisattā gokaṇṭako nāma, tena chinno kaddamo ‘‘gokaṇṭako’’ti vuccati. Acchadanaṃ vā vinaṭṭhacchadanaṃ vā purāṇasenāsanaṃ hotīti yojanā. Tatoti purāṇasenāsanato, gaṇhituṃ vaṭṭatīti sambandho. Avasesanti vinaṭṭhacchadanato. Avasesaṃ iṭṭhakaṃ gaṇhāmi iti saññāyāti yojetabbo. Tenāti iṭṭhakādinā. Yā yāti mattikā. Atintāti anallā, akilinnāti attho.
д̇асминд̇и мад̇д̇игаабун̃ж̇з. саб̣б̣од̇и сагало мад̇д̇игаабун̃ж̇о. ассаад̇и мад̇д̇игаабун̃ж̇асса. ‘‘габбияагаарагзхий’’д̇и бад̣̇ам̣ ‘‘абанаамзд̇ваа’’д̇и бад̣̇з гаарид̇агаммам̣. гасмаа ваддад̇ийд̇и ааха ‘‘уд̣̇агзнаа’’д̇иаад̣̇и. хийд̇и сажжам̣, яасмаа ваа.
Tasminti mattikāpuñje. Sabboti sakalo mattikāpuñjo. Assāti mattikāpuñjassa. ‘‘Kappiyakārakehī’’ti padaṃ ‘‘apanāmetvā’’ti pade kāritakammaṃ. Kasmā vaṭṭatīti āha ‘‘udakenā’’tiādi. Hīti saccaṃ, yasmā vā.
д̇ад̇т̇аад̇и мад̇д̇игаабаагаарз. ан̃н̃амбийд̇и ман̣д̣абат̇амбхад̇о ан̃н̃амби. д̇зна абад̣̇зсзнаад̇и д̇зна баасаан̣аад̣̇ибавадданалзсзна.
Tatthāti mattikāpākāre. Aññampīti maṇḍapathambhato aññampi. Tena apadesenāti tena pāsāṇādipavaṭṭanalesena.
бассаавад̇хаарааяаад̇и муд̇д̇асод̇ааяа. гад̇д̇араяадтияаад̇и гад̇д̇арад̣̇ан̣д̣зна. зд̇т̇а хи гад̇д̇араяад̇и ан̇г̇абажжан̇г̇аанам̣ сит̇илабхаавзна сит̇ило худ̇ваа бхавад̇ийд̇и гад̇ваа гад̇д̇аро вужжад̇и ж̇ин̣н̣амануссо, д̇зна зганд̇ад̇о г̇ахзд̇аб̣б̣ад̇д̇аа гад̇д̇арзна г̇ахид̇аа яадти, гад̇д̇арасса яадтийд̇и ваа гад̇ваа гад̇д̇араяадти вужжад̇и гад̇д̇арад̣̇ан̣д̣о. д̣̇анд̇аж̇абатамагкарзна саж̇жхааяид̇аб̣б̣о. вийрияасамбаг̇г̇ахан̣ад̇т̇анд̇и вийрияасса судту баг̇г̇ан̣ханад̇т̇ам̣, вийрияасса угкибанад̇т̇анд̇и ад̇т̇о. гзжи бхигкууд̇и яож̇анаа.
Passāvadhārāyāti muttasotāya. Kattarayaṭṭhiyāti kattaradaṇḍena. Ettha hi kattarayati aṅgapaccaṅgānaṃ sithilabhāvena sithilo hutvā bhavatīti katvā kattaro vuccati jiṇṇamanusso, tena ekantato gahetabbattā kattarena gahitā yaṭṭhi, kattarassa yaṭṭhīti vā katvā kattarayaṭṭhi vuccati kattaradaṇḍo. Dantajapaṭhamakkharena sajjhāyitabbo. Vīriyasampaggahaṇatthanti vīriyassa suṭṭhu paggaṇhanatthaṃ, vīriyassa ukkhipanatthanti attho. Keci bhikkhūti yojanā.
87. д̇ад̇раабийд̇и идтагагабаалаад̣̇ийсуби. хийд̇и сажжам̣. д̇зсам̣ анубаад̣̇аанад̇д̇аад̇и д̇зсам̣ идтагаад̣̇ийнам̣ аг̇г̇исса анинд̇ханад̇д̇аа. хийд̇и сажжам̣, яасмааваа. д̇аанийд̇и идтагаад̣̇ийни. ависаяад̇д̇аад̇и аабад̇д̇ияаа аногаасад̇д̇аа. д̇ин̣угганд̇и д̇ин̣амаяам̣ уггам̣. д̇ад̇т̇зваад̇и махаабажжарияам̣ зва. арийяад̇и аг̇г̇инибпаад̣̇анад̇т̇ам̣ гхам̣сийяад̇и зд̇т̇аад̇и аран̣ий, хздтаа нимант̇анийяад̣̇аару. саха д̇ханунаа зд̇и бавад̇д̇ад̇ийд̇и сахид̇о, убари нимант̇анад̣̇аару. аран̣ий жа сахид̇о жа аран̣ийсахид̇о, д̇зна аг̇г̇им̣ ниб̣б̣ад̇д̇зд̇ваад̇и яож̇анаа. яат̇аа гарияамаанз на д̣аяхад̇и, д̇ат̇аа гарохийд̇и самб̣анд̇хо.
87.Tatrāpīti iṭṭhakakapālādīsupi. Hīti saccaṃ. Tesaṃ anupādānattāti tesaṃ iṭṭhakādīnaṃ aggissa anindhanattā. Hīti saccaṃ, yasmāvā. Tānīti iṭṭhakādīni. Avisayattāti āpattiyā anokāsattā. Tiṇukkanti tiṇamayaṃ ukkaṃ. Tatthevāti mahāpaccariyaṃ eva. Arīyati agginipphādanatthaṃ ghaṃsīyati etthāti araṇī, heṭṭhā nimanthanīyadāru. Saha dhanunā eti pavattatīti sahito, upari nimanthanadāru. Araṇī ca sahito ca araṇīsahito, tena aggiṃ nibbattetvāti yojanā. Yathā kariyamāne na ḍayhati, tathā karohīti sambandho.
88. ааваадам̣ ж̇аанаад̇и ааваадам̣ гаад̇ум̣, кан̣ид̇ум̣ ваа ж̇аанаахийд̇и ад̇т̇о. ‘‘звам̣ махаамад̇д̇игам̣ ж̇аана, т̇усамад̇д̇игам̣ ж̇аанаа’’д̇и зд̇т̇ааби яат̇аалаабхам̣ самбад̣̇аанаваажагабад̣̇ам̣ аж̇жхаахарид̇ваа яож̇анаа гаад̇аб̣б̣аа. саад̇и бат̇авий. д̇знаад̇и бавадданаад̣̇инаад̇и. д̣̇асамам̣.
88.Āvāṭaṃjānāti āvāṭaṃ kātuṃ, khaṇituṃ vā jānāhīti attho. ‘‘Evaṃ mahāmattikaṃ jāna, thusamattikaṃ jānā’’ti etthāpi yathālābhaṃ sampadānavācakapadaṃ ajjhāharitvā yojanā kātabbā. Sāti pathavī. Tenāti pavaṭṭanādināti. Dasamaṃ.
мусааваад̣̇аваг̇г̇о батамо.
Musāvādavaggo paṭhamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
