| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
10. பத²வீக²ணனஸிக்கா²பத³வண்ணனா
10. Pathavīkhaṇanasikkhāpadavaṇṇanā
86. கடஸக்க²ரா ஸேதமத்திகா விய முது³கா ஸக்க²ரஜாதி. ‘‘அகதபப்³பா⁴ரேதி அவலஞ்ஜிதப்³ப³ட்டா²னத³ஸ்ஸனத்த²ங் வுத்த’’ந்தி லிகி²தங். ‘‘அனோவஸ்ஸகட்டா²னத³ஸ்ஸனத்த²’’ந்தி வத்தப்³ப³ங். மூஸிகுக்குரந்தி மூஸிகாஹி உத்³த⁴டபங்ஸு. ஸுத்³த⁴சித்தாதி கிஞ்சாபி ‘‘ஏவங் பவட்டிதே பத²வீ பி⁴ஜ்ஜிஸ்ஸதீ’’தி ஜானந்தி, நோ பன சே பத²வீபே⁴த³த்தி²கா, ஸுத்³த⁴சித்தா நாம ஹொந்தி. பங்ஸுஆத³யோ த்³வே கொட்டா²ஸா ஆபத்திகரா. கேசி ‘‘ஸப்³ப³ச்ச²ன்னாதீ³ஸு உபட்³டே⁴ து³க்கடஸ்ஸ வுத்தத்தா ஸசே து³க்கடங், யுத்த’’ந்தி வத³ந்தி. தத்த² யுத்தங் தாதி³ஸஸ்ஸ வத்து²னோ ஸம்ப⁴வா, இத⁴ பன ஜாதபத²வீ ச அஜாதபத²வீ சாதி த்³வேயேவ வத்தூ²னி, தஸ்மா த்³வின்னங் ஏகேன ப⁴விதப்³ப³ந்தி ந யுத்தங். எத்தா²பி து³க்கடவசனங் அத்தீ²தி சே? தங் பன ஸஞ்ஞாவஸேன, ந வத்து²வஸேனாதி ந யுத்தமேவ.
86.Kaṭasakkharā setamattikā viya mudukā sakkharajāti. ‘‘Akatapabbhāreti avalañjitabbaṭṭhānadassanatthaṃ vutta’’nti likhitaṃ. ‘‘Anovassakaṭṭhānadassanattha’’nti vattabbaṃ. Mūsikukkuranti mūsikāhi uddhaṭapaṃsu. Suddhacittāti kiñcāpi ‘‘evaṃ pavaṭṭite pathavī bhijjissatī’’ti jānanti, no pana ce pathavībhedatthikā, suddhacittā nāma honti. Paṃsuādayo dve koṭṭhāsā āpattikarā. Keci ‘‘sabbacchannādīsu upaḍḍhe dukkaṭassa vuttattā sace dukkaṭaṃ, yutta’’nti vadanti. Tattha yuttaṃ tādisassa vatthuno sambhavā, idha pana jātapathavī ca ajātapathavī cāti dveyeva vatthūni, tasmā dvinnaṃ ekena bhavitabbanti na yuttaṃ. Etthāpi dukkaṭavacanaṃ atthīti ce? Taṃ pana saññāvasena, na vatthuvasenāti na yuttameva.
87. அக்³கி³ங் காதுங் வட்டதீதி எத்த² எத்தாவதா உஸுமங் க³ண்ஹாதி, தஸ்மா வட்டதீதி கேசி. ஏவங் ஸதி பத²வியா அக்³கி³ம்ஹி கதே தூ³ரதோபி பூ⁴மி உண்ஹா ஹோதி, தத்தகங் கோபேதப்³ப³ங் ஸியா, ந ச கப்பதி, தஸ்மா யஸ்மிங் டா²னே பததி, தங் ஸோ அக்³கி³ ட³ஹதி, தஸ்மா வட்டதீதி ஏகே. அட³ஹிதேபி ‘‘அத³ட்³டா⁴ய பத²வியா அக்³கி³ங் ட²பேதுங் ந வட்டதீ’’தி வுத்தத்தா அத்தனா பாதனாயேவ தோ³ஸோ பதிதே உபதா³ஹேதி வேதி³தப்³ப³ங்.
87.Aggiṃ kātuṃ vaṭṭatīti ettha ettāvatā usumaṃ gaṇhāti, tasmā vaṭṭatīti keci. Evaṃ sati pathaviyā aggimhi kate dūratopi bhūmi uṇhā hoti, tattakaṃ kopetabbaṃ siyā, na ca kappati, tasmā yasmiṃ ṭhāne patati, taṃ so aggi ḍahati, tasmā vaṭṭatīti eke. Aḍahitepi ‘‘adaḍḍhāyapathaviyā aggiṃ ṭhapetuṃ na vaṭṭatī’’ti vuttattā attanā pātanāyeva doso patite upadāheti veditabbaṃ.
பத²வீக²ணனஸிக்கா²பத³வண்ணனா நிட்டி²தா.
Pathavīkhaṇanasikkhāpadavaṇṇanā niṭṭhitā.
ஸமத்தோ வண்ணனாக்கமேன முஸாவாத³வக்³கோ³ பட²மோ.
Samatto vaṇṇanākkamena musāvādavaggo paṭhamo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. முஸாவாத³வக்³கோ³ • 1. Musāvādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 10. பத²வீக²ணனஸிக்கா²பத³வண்ணனா • 10. Pathavīkhaṇanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 10. பத²வீக²ணனஸிக்கா²பத³வண்ணனா • 10. Pathavīkhaṇanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 10. பத²வீக²ணனஸிக்கா²பத³வண்ணனா • 10. Pathavīkhaṇanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 10. பத²வீக²ணனஸிக்கா²பத³ங் • 10. Pathavīkhaṇanasikkhāpadaṃ
