| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
10. бат̇авийкан̣анасигкаабад̣̇аван̣н̣анаа
10. Pathavīkhaṇanasikkhāpadavaṇṇanā
86. д̣̇асамасигкаабад̣̇з – ж̇аад̇аа жа бат̇авий аж̇аад̇аа жа бат̇авийд̇и имзхи бад̣̇зхи ж̇аад̇абат̇авин̃жа аж̇аад̇абат̇авин̃жа д̣̇ассзд̇и. аббабаасаан̣аад̣̇ийсу аббаа баасаан̣аа зд̇т̇аад̇и аббабаасаан̣аад̇и звамад̇т̇о д̣̇адтаб̣б̣о. д̇ад̇т̇а мудтиббамаан̣ад̇о убари баасаан̣аад̇и взд̣̇ид̇аб̣б̣аа, мудтиббамаан̣аа сагкараа. гат̇алаад̇и габаалакан̣д̣аани. марумб̣аад̇и гадасагкараа. ваалигаад̇и ваалугааязва. язбхуяязна бам̣сугаад̇и д̇ийсу годтаасзсу д̣̇вз годтаасаа бам̣су, зго баасаан̣аад̣̇ийсу ан̃н̃ад̇аро. ад̣̇ад̣дхаабийд̇и уд̣̇д̇ханабад̇д̇абажанагумбхагаарааваабаад̣̇ивасзна д̇ат̇аа д̇ат̇аа ад̣̇ад̣дхаа. саа бана висум̣ над̇т̇и, суд̣̇д̇хабам̣суаад̣̇ийсу ан̃н̃ад̇араава взд̣̇ид̇аб̣б̣аа. язбхуяязнасагкараад̇и б̣ахуд̇араа сагкараа. хад̇т̇игужчияам̣ гира згабажчибуурам̣ аахараабзд̇ваа д̣̇он̣ияам̣ д̇ховид̇ваа бат̇авияаа язбхуяязна сагкарабхаавам̣ н̃ад̇ваа саяам̣ бхигкуу богкаран̣им̣ кан̣им̣су. яаани бана маж̇жхз ‘‘аббабам̣су аббамад̇д̇игаа’’д̇и д̣̇вз бад̣̇аани, д̇аани язбхуяязнабаасаан̣аад̣̇ибан̃жагамзва бависанд̇и д̇зсам̣язва хи д̣̇виннам̣ бабхзд̣̇ад̣̇ассанамзд̇ам̣. саяам̣ кан̣ад̇и аабад̇д̇и баажид̇д̇ияассаад̇и зд̇т̇а бахаарз бахаарз баажид̇д̇ияам̣ взд̣̇ид̇аб̣б̣ам̣. сагим̣ аан̣ад̇д̇о б̣ахугамби кан̣ад̇ийд̇и сажзби сагалад̣̇ивасам̣ кан̣ад̇и, аан̣аабагасса згам̣язва баажид̇д̇ияам̣. сажз бана гусид̇о ход̇и, бунаббунам̣ аан̣аабзд̇аб̣б̣о. д̇ам̣ аан̣аабзд̇ваа кан̣аабзнд̇асса ваажааяа ваажааяа баажид̇д̇ияам̣. аяам̣ д̇аава баал̣иван̣н̣анаа.
86. Dasamasikkhāpade – jātā ca pathavī ajātā ca pathavīti imehi padehi jātapathaviñca ajātapathaviñca dasseti. Appapāsāṇādīsu appā pāsāṇā etthāti appapāsāṇāti evamattho daṭṭhabbo. Tattha muṭṭhippamāṇato upari pāsāṇāti veditabbā, muṭṭhippamāṇā sakkharā. Kathalāti kapālakhaṇḍāni. Marumbāti kaṭasakkharā. Vālikāti vālukāyeva. Yebhuyyena paṃsukāti tīsu koṭṭhāsesu dve koṭṭhāsā paṃsu, eko pāsāṇādīsu aññataro. Adaḍḍhāpīti uddhanapattapacanakumbhakārāvāpādivasena tathā tathā adaḍḍhā. Sā pana visuṃ natthi, suddhapaṃsuādīsu aññatarāva veditabbā. Yebhuyyenasakkharāti bahutarā sakkharā. Hatthikucchiyaṃ kira ekapacchipūraṃ āharāpetvā doṇiyaṃ dhovitvā pathaviyā yebhuyyena sakkharabhāvaṃ ñatvā sayaṃ bhikkhū pokkharaṇiṃ khaṇiṃsu. Yāni pana majjhe ‘‘appapaṃsu appamattikā’’ti dve padāni, tāni yebhuyyenapāsāṇādipañcakameva pavisanti tesaṃyeva hi dvinnaṃ pabhedadassanametaṃ. Sayaṃ khaṇati āpatti pācittiyassāti ettha pahāre pahāre pācittiyaṃ veditabbaṃ. Sakiṃ āṇatto bahukampi khaṇatīti sacepi sakaladivasaṃ khaṇati, āṇāpakassa ekaṃyeva pācittiyaṃ. Sace pana kusito hoti, punappunaṃ āṇāpetabbo. Taṃ āṇāpetvā khaṇāpentassa vācāya vācāya pācittiyaṃ. Ayaṃ tāva pāḷivaṇṇanā.
аяам̣ бана баал̣имуд̇д̇агавинижчаяо – ‘‘богкаран̣им̣ кан̣аа’’д̇и вад̣̇ад̇и, ваддад̇и. кад̇ааязва хи богкаран̣ий наама ход̇и, д̇асмаа аяам̣ габбияавохааро. зса наяо ‘‘ваабим̣ д̇ал̣аагам̣ ааваадам̣ кан̣аа’’д̇иаад̣̇ийсуби. ‘‘имам̣ огаасам̣ кан̣а, имасмим̣ огаасз богкаран̣им̣ кан̣аа’’д̇и вад̇д̇ум̣ бана на ваддад̇и. ‘‘ганд̣̇ам̣ кан̣а, муулам̣ кан̣аа’’д̇и анияаамзд̇ваа вад̇д̇ум̣ ваддад̇и. ‘‘имам̣ валлим̣ кан̣а, имасмим̣ огаасз ганд̣̇ам̣ ваа муулам̣ ваа кан̣аа’’д̇и вад̇д̇ум̣ на ваддад̇и. богкаран̣им̣ сод̇хзнд̇зхи яо гудзхи уссин̃жид̇ум̣ саггаа ход̇и д̇анугагад̣̇д̣̇амо, д̇ам̣ абанзд̇ум̣ ваддад̇и, б̣ахалам̣ на ваддад̇и. аад̇абзна сугкагад̣̇д̣̇амо палад̇и, д̇ад̇ра яо хздтаа бат̇авияаа асамб̣ад̣̇д̇хо, д̇амзва абанзд̇ум̣ ваддад̇и. уд̣̇агзна г̇ад̇адтаанз уд̣̇агабаббадаго наама ход̇и, ваад̇аббахаарзна жалад̇и, д̇ам̣ абанзд̇ум̣ ваддад̇и.
Ayaṃ pana pāḷimuttakavinicchayo – ‘‘pokkharaṇiṃ khaṇā’’ti vadati, vaṭṭati. Khatāyeva hi pokkharaṇī nāma hoti, tasmā ayaṃ kappiyavohāro. Esa nayo ‘‘vāpiṃ taḷākaṃ āvāṭaṃ khaṇā’’tiādīsupi. ‘‘Imaṃ okāsaṃ khaṇa, imasmiṃ okāse pokkharaṇiṃ khaṇā’’ti vattuṃ pana na vaṭṭati. ‘‘Kandaṃ khaṇa, mūlaṃ khaṇā’’ti aniyāmetvā vattuṃ vaṭṭati. ‘‘Imaṃ valliṃ khaṇa, imasmiṃ okāse kandaṃ vā mūlaṃ vā khaṇā’’ti vattuṃ na vaṭṭati. Pokkharaṇiṃ sodhentehi yo kuṭehi ussiñcituṃ sakkā hoti tanukakaddamo, taṃ apanetuṃ vaṭṭati, bahalaṃ na vaṭṭati. Ātapena sukkhakaddamo phalati, tatra yo heṭṭhā pathaviyā asambaddho, tameva apanetuṃ vaṭṭati. Udakena gataṭṭhāne udakapappaṭako nāma hoti, vātappahārena calati, taṃ apanetuṃ vaṭṭati.
богкаран̣ийаад̣̇ийнам̣ д̇адам̣ бхиж̇ж̇ид̇ваа уд̣̇агасааманд̇аа бад̇ад̇и, сажз омагажаад̇умаасам̣ овадтам̣, чинд̣̇ид̇ум̣ ваа бхинд̣̇ид̇ум̣ ваа ваддад̇и, жаад̇умаасад̇о уд̣̇д̇хам̣ на ваддад̇и. сажз бана уд̣̇агзязва бад̇ад̇и, д̣̇звз ад̇ирзгажаад̇умаасам̣ овадтзби уд̣̇агзязва уд̣̇агасса бад̇ид̇ад̇д̇аа ваддад̇и. баасаан̣абидтияам̣ сон̣д̣им̣ кан̣анд̇и, сажз д̇ад̇т̇а батамамзва сукумараж̇ам̣ бад̇ад̇и, д̇ан̃жз д̣̇звзна овадтам̣ ход̇и, жаад̇умаасажжаязна агаббияабат̇авийсан̇кяам̣ г̇ажчад̇и. уд̣̇агз барияаад̣̇ин̣н̣з сон̣д̣им̣ сод̇хзнд̇зхи д̇ам̣ вигобзд̇ум̣ на ваддад̇и. сажз батамамзва уд̣̇агзна буурад̇и, бажчаа раж̇ам̣ бад̇ад̇и, д̇ам̣ вигобзд̇ум̣ ваддад̇и. д̇ад̇т̇а хи д̣̇звз вассанд̇зби уд̣̇агзязва уд̣̇агам̣ бад̇ад̇ийд̇и. бидтибаасаан̣з сукумараж̇ам̣ ход̇и, д̣̇звз пусааяанд̇з аллийяад̇и, д̇амби жаад̇умаасажжаязна вигобзд̇ум̣ на ваддад̇и. сажз бана агад̇абаб̣бхаарз ваммиго удтид̇о ход̇и, яат̇аасукам̣ вигобзд̇ум̣ ваддад̇и. сажз аб̣бхогаасз удтахад̇и, омагажаад̇умаасам̣ овадтоязва ваддад̇и. ругкаад̣̇ийсу аарул̣хаубажигаамад̇д̇игааяаби зсзва наяо. г̇ан̣д̣уббаад̣̇аг̇уут̇амуусигуггараг̇оган̣дагаад̣̇ийсуби зсзва наяо.
Pokkharaṇīādīnaṃ taṭaṃ bhijjitvā udakasāmantā patati, sace omakacātumāsaṃ ovaṭṭhaṃ, chindituṃ vā bhindituṃ vā vaṭṭati, cātumāsato uddhaṃ na vaṭṭati. Sace pana udakeyeva patati, deve atirekacātumāsaṃ ovaṭṭhepi udakeyeva udakassa patitattā vaṭṭati. Pāsāṇapiṭṭhiyaṃ soṇḍiṃ khaṇanti, sace tattha paṭhamameva sukhumarajaṃ patati, tañce devena ovaṭṭhaṃ hoti, cātumāsaccayena akappiyapathavīsaṅkhyaṃ gacchati. Udake pariyādiṇṇe soṇḍiṃ sodhentehi taṃ vikopetuṃ na vaṭṭati. Sace paṭhamameva udakena pūrati, pacchā rajaṃ patati, taṃ vikopetuṃ vaṭṭati. Tattha hi deve vassantepi udakeyeva udakaṃ patatīti. Piṭṭhipāsāṇe sukhumarajaṃ hoti, deve phusāyante allīyati, tampi cātumāsaccayena vikopetuṃ na vaṭṭati. Sace pana akatapabbhāre vammiko uṭṭhito hoti, yathāsukhaṃ vikopetuṃ vaṭṭati. Sace abbhokāse uṭṭhahati, omakacātumāsaṃ ovaṭṭhoyeva vaṭṭati. Rukkhādīsu āruḷhaupacikāmattikāyapi eseva nayo. Gaṇḍuppādagūthamūsikukkaragokaṇṭakādīsupi eseva nayo.
г̇оган̣даго наама г̇аавийнам̣ куражчиннагад̣̇д̣̇амо вужжад̇и. сажз бана хздтимад̇алзна бхуумисамб̣анд̇хо ход̇и, згад̣̇ивасамби на ваддад̇и. гасид̇адтаанзби нан̇г̇алажчиннамад̇д̇игаабин̣д̣ам̣ г̇ан̣ханд̇асса зсзва наяо. бураан̣асзнаасанам̣ ход̇и ажчад̣̇анам̣ ваа винадтажчад̣̇анам̣ ваа, ад̇ирзгажаад̇умаасам̣ овадтам̣ ж̇аад̇абат̇авийсан̇кяамзва г̇ажчад̇и. д̇ад̇о авасзсам̣ чад̣̇анидтагам̣ ваа г̇обаанасийаад̣̇игам̣ убагаран̣ам̣ ваа ‘‘идтагам̣ г̇ан̣хаами г̇обанасим̣ бхид̇д̇ибаад̣̇ам̣ бад̣̇арад̇т̇аран̣ам̣ баасаан̣ад̇т̇амбхам̣ г̇ан̣хаамий’’д̇и сан̃н̃ааяа г̇ан̣хид̇ум̣ ваддад̇и. д̇зна сад̣̇д̇хим̣ мад̇д̇игаа бад̇ад̇и, анаабад̇д̇и. бхид̇д̇имад̇д̇игам̣ г̇ан̣ханд̇асса бана аабад̇д̇и. сажз яаа яаа ад̇инд̇аа д̇ам̣ д̇ам̣ г̇ан̣хаад̇и, анаабад̇д̇и.
Gokaṇṭako nāma gāvīnaṃ khuracchinnakaddamo vuccati. Sace pana heṭṭhimatalena bhūmisambandho hoti, ekadivasampi na vaṭṭati. Kasitaṭṭhānepi naṅgalacchinnamattikāpiṇḍaṃ gaṇhantassa eseva nayo. Purāṇasenāsanaṃ hoti acchadanaṃ vā vinaṭṭhacchadanaṃ vā, atirekacātumāsaṃ ovaṭṭhaṃ jātapathavīsaṅkhyameva gacchati. Tato avasesaṃ chadaniṭṭhakaṃ vā gopānasīādikaṃ upakaraṇaṃ vā ‘‘iṭṭhakaṃ gaṇhāmi gopanasiṃ bhittipādaṃ padarattharaṇaṃ pāsāṇatthambhaṃ gaṇhāmī’’ti saññāya gaṇhituṃ vaṭṭati. Tena saddhiṃ mattikā patati, anāpatti. Bhittimattikaṃ gaṇhantassa pana āpatti. Sace yā yā atintā taṃ taṃ gaṇhāti, anāpatti.
анд̇ог̇зхз мад̇д̇игаабун̃ж̇о ход̇и, д̇асмим̣ згад̣̇ивасам̣ овадтз г̇зхам̣ чаад̣̇знд̇и, сажз саб̣б̣о д̇инд̇о жаад̇умаасажжаязна ж̇аад̇абат̇авийязва. ат̇асса убарибхааг̇оязва д̇инд̇о, анд̇о ад̇инд̇о, яад̇д̇агам̣ д̇инд̇ам̣ д̇ам̣ габбияагаарагзхи габбияавохаарзна абанаамзд̇ваа сзсам̣ яат̇аасукам̣ вал̣ан̃ж̇зд̇ум̣ ваддад̇и. уд̣̇агзна д̇змзд̇ваа згааб̣ад̣̇д̇хааязва хи ж̇аад̇абат̇авий ход̇и, на ид̇араад̇и.
Antogehe mattikāpuñjo hoti, tasmiṃ ekadivasaṃ ovaṭṭhe gehaṃ chādenti, sace sabbo tinto cātumāsaccayena jātapathavīyeva. Athassa uparibhāgoyeva tinto, anto atinto, yattakaṃ tintaṃ taṃ kappiyakārakehi kappiyavohārena apanāmetvā sesaṃ yathāsukhaṃ vaḷañjetuṃ vaṭṭati. Udakena temetvā ekābaddhāyeva hi jātapathavī hoti, na itarāti.
аб̣бхогаасз мад̇д̇игаабаагааро ход̇и, ад̇ирзгажаад̇умаасам̣ жз овадто ж̇аад̇абат̇авийсан̇кяам̣ г̇ажчад̇и. д̇ад̇т̇а лаг̇г̇абам̣сум̣ бана аллахад̇т̇зна чубид̇ваа г̇ахзд̇ум̣ ваддад̇и. сажз идтагабаагааро ход̇и, язбхуяязнагат̇аладтаанз д̇идтад̇и, яат̇аасукам̣ вигобзд̇ум̣ ваддад̇и. аб̣бхогаасз тид̇аман̣д̣абад̇т̇амбхам̣ ид̇о жид̇о жа сан̃жаалзд̇ваа бат̇авим̣ вигобзнд̇зна г̇ахзд̇ум̣ на ваддад̇и, уж̇угамзва уд̣̇д̇харид̇ум̣ ваддад̇и. ан̃н̃амби сугкаругкам̣ ваа сугкакаан̣угам̣ ваа г̇ан̣ханд̇асса зсзва наяо. навагаммад̇т̇ам̣ баасаан̣ам̣ ваа ругкам̣ ваа д̣̇ан̣д̣агзхи ужжаалзд̇ваа баваддзнд̇аа г̇ажчанд̇и, д̇ад̇т̇а бат̇авий бхиж̇ж̇ад̇и, сажз суд̣̇д̇хажид̇д̇аа баваддзнд̇и, анаабад̇д̇и. ат̇а бана д̇зна абад̣̇зсзна бат̇авим̣ бхинд̣̇ид̇угаамааязва хонд̇и, аабад̇д̇и. саакаад̣̇ийни гад̣дханд̇аанамби бат̇авияам̣ д̣̇аарууни паалзнд̇аанамби зсзва наяо.
Abbhokāse mattikāpākāro hoti, atirekacātumāsaṃ ce ovaṭṭho jātapathavīsaṅkhyaṃ gacchati. Tattha laggapaṃsuṃ pana allahatthena chupitvā gahetuṃ vaṭṭati. Sace iṭṭhakapākāro hoti, yebhuyyenakathalaṭṭhāne tiṭṭhati, yathāsukhaṃ vikopetuṃ vaṭṭati. Abbhokāse ṭhitamaṇḍapatthambhaṃ ito cito ca sañcāletvā pathaviṃ vikopentena gahetuṃ na vaṭṭati, ujukameva uddharituṃ vaṭṭati. Aññampi sukkharukkhaṃ vā sukkhakhāṇukaṃ vā gaṇhantassa eseva nayo. Navakammatthaṃ pāsāṇaṃ vā rukkhaṃ vā daṇḍakehi uccāletvā pavaṭṭentā gacchanti, tattha pathavī bhijjati, sace suddhacittā pavaṭṭenti, anāpatti. Atha pana tena apadesena pathaviṃ bhinditukāmāyeva honti, āpatti. Sākhādīni kaḍḍhantānampi pathaviyaṃ dārūni phālentānampi eseva nayo.
бат̇авияам̣ адтисуужиган̣дагаад̣̇ийсуби яам̣гин̃жи аагодзд̇ум̣ ваа бавзсзд̇ум̣ ваа на ваддад̇и. бассаавад̇хаарааяа взг̇зна бат̇авим̣ бхинд̣̇иссаамийд̇и звам̣ бассаавамби гаад̇ум̣ на ваддад̇и, гаронд̇асса бхиж̇ж̇ад̇и, аабад̇д̇и. висамабхуумим̣ самам̣ гариссаамийд̇и саммун̃ж̇анияаа гхам̣сид̇умби на ваддад̇и, вад̇д̇асийсзнзва хи саммаж̇ж̇ид̇аб̣б̣ам̣. гзжи гад̇д̇араяадтияаа бхуумим̣ годдзнд̇и, баад̣̇ан̇г̇удтагзна виликанд̇и, ‘‘жан̇гамид̇адтаанам̣ д̣̇ассзссаамаа’’д̇и бунаббунам̣ бхуумим̣ бхинд̣̇анд̇аа жан̇гаманд̇и, саб̣б̣ам̣ на ваддад̇и. вийрияасамбаг̇г̇ахад̇т̇ам̣ бана саман̣ад̇хаммам̣ гаронд̇зна суд̣̇д̇хажид̇д̇зна жан̇гамид̇ум̣ ваддад̇и, ‘‘хад̇т̇ам̣ д̇ховиссаамаа’’д̇и бат̇авияам̣ гхам̣санд̇и, на ваддад̇и. агхам̣санд̇зна бана аллахад̇т̇ам̣ бат̇авияам̣ табзд̇ваа раж̇ам̣ г̇ахзд̇ум̣ ваддад̇и. гзжи ган̣д̣угажчуаад̣̇ийхи ааб̣аад̇хигаа чиннад̇адаад̣̇ийсу ан̇г̇абажжан̇г̇аани гхам̣санд̇и на ваддад̇и.
Pathaviyaṃ aṭṭhisūcikaṇṭakādīsupi yaṃkiñci ākoṭetuṃ vā pavesetuṃ vā na vaṭṭati. Passāvadhārāya vegena pathaviṃ bhindissāmīti evaṃ passāvampi kātuṃ na vaṭṭati, karontassa bhijjati, āpatti. Visamabhūmiṃ samaṃ karissāmīti sammuñjaniyā ghaṃsitumpi na vaṭṭati, vattasīseneva hi sammajjitabbaṃ. Keci kattarayaṭṭhiyā bhūmiṃ koṭṭenti, pādaṅguṭṭhakena vilikhanti, ‘‘caṅkamitaṭṭhānaṃ dassessāmā’’ti punappunaṃ bhūmiṃ bhindantā caṅkamanti, sabbaṃ na vaṭṭati. Vīriyasampaggahatthaṃ pana samaṇadhammaṃ karontena suddhacittena caṅkamituṃ vaṭṭati, ‘‘hatthaṃ dhovissāmā’’ti pathaviyaṃ ghaṃsanti, na vaṭṭati. Aghaṃsantena pana allahatthaṃ pathaviyaṃ ṭhapetvā rajaṃ gahetuṃ vaṭṭati. Keci kaṇḍukacchuādīhi ābādhikā chinnataṭādīsu aṅgapaccaṅgāni ghaṃsanti na vaṭṭati.
87. кан̣ад̇и ваа кан̣аабзд̇и ваад̇и анд̇амасо баад̣̇ан̇г̇удтагзнаби саммаж̇ж̇анийсалаагааяаби саяам̣ ваа кан̣ад̇и, ан̃н̃зна ваа кан̣аабзд̇и. бхинд̣̇ад̇и ваа бхзд̣̇аабзд̇и ваад̇и анд̇амасо уд̣̇агамби чад̣д̣знд̇о саяам̣ ваа бхинд̣̇ад̇и, ан̃н̃зна ваа бхинд̣̇аабзд̇и. д̣̇ахад̇и ваа д̣̇ахаабзд̇и ваад̇и анд̇амасо бад̇д̇амби бажанд̇о саяам̣ ваа д̣̇ахад̇и, ан̃н̃зна ваа д̣̇ахаабзд̇и. яад̇д̇агзсу таанзсу аг̇г̇им̣ д̣̇зд̇и ваа д̣̇аабзд̇и ваа д̇ад̇д̇агаани баажид̇д̇ияаани. бад̇д̇ам̣ бажанд̇знаби хи буб̣б̣з баггадтаанзязва хи бажид̇аб̣б̣о. ад̣̇ад̣дхааяа бат̇авияаа аг̇г̇им̣ табзд̇ум̣ на ваддад̇и. бад̇д̇абажанагабааласса бана убари аг̇г̇им̣ табзд̇ум̣ ваддад̇и. д̣̇ааруунам̣ убари табзд̇и , со аг̇г̇и д̇аани д̣̇аханд̇о г̇анд̇ваа бат̇авим̣ д̣̇ахад̇и, на ваддад̇и. идтагагабаалаад̣̇ийсуби зсзва наяо.
87.Khaṇati vā khaṇāpeti vāti antamaso pādaṅguṭṭhakenapi sammajjanīsalākāyapi sayaṃ vā khaṇati, aññena vā khaṇāpeti. Bhindati vā bhedāpeti vāti antamaso udakampi chaḍḍento sayaṃ vā bhindati, aññena vā bhindāpeti. Dahati vā dahāpeti vāti antamaso pattampi pacanto sayaṃ vā dahati, aññena vā dahāpeti. Yattakesu ṭhānesu aggiṃ deti vā dāpeti vā tattakāni pācittiyāni. Pattaṃ pacantenapi hi pubbe pakkaṭṭhāneyeva hi pacitabbo. Adaḍḍhāya pathaviyā aggiṃ ṭhapetuṃ na vaṭṭati. Pattapacanakapālassa pana upari aggiṃ ṭhapetuṃ vaṭṭati. Dārūnaṃ upari ṭhapeti , so aggi tāni dahanto gantvā pathaviṃ dahati, na vaṭṭati. Iṭṭhakakapālādīsupi eseva nayo.
д̇ад̇рааби хи идтагаад̣̇ийнам̣язва убари табзд̇ум̣ ваддад̇и. гасмаа? д̇зсам̣ анубаад̣̇аанад̇д̇аа. на хи д̇аани аг̇г̇исса убаад̣̇аанасан̇кяам̣ г̇ажчанд̇и. сугкакаан̣усугкаругкаад̣̇ийсуби аг̇г̇им̣ д̣̇аад̇ум̣ на ваддад̇и. сажз бана бат̇авим̣ аббад̇д̇амзва ниб̣б̣аабзд̇ваа г̇амиссаамийд̇и д̣̇зд̇и, ваддад̇и. бажчаа ниб̣б̣аабзд̇ум̣ на саггод̇и, ависаяад̇д̇аа анаабад̇д̇и. д̇ин̣уггам̣ г̇ахзд̇ваа г̇ажчанд̇о хад̇т̇з д̣аяхамаанз бхуумияам̣ баад̇зд̇и, анаабад̇д̇и. бад̇ид̇адтаанзязва убаад̣̇аанам̣ д̣̇ад̇ваа аг̇г̇им̣ гаад̇ум̣ ваддад̇ийд̇и махаабажжарияам̣ вуд̇д̇ам̣. д̣̇ад̣дхабат̇авияаа жа яад̇д̇агам̣ таанам̣ усумааяа ануг̇ад̇ам̣, саб̣б̣ам̣ вигобзд̇ум̣ ваддад̇ийд̇и д̇ад̇т̇зва вуд̇д̇ам̣. яо бана аж̇аананаго бхигку аран̣ийсахид̇зна аг̇г̇им̣ ниб̣б̣ад̇д̇зд̇ваа хад̇т̇зна угкибид̇ваа ‘‘гим̣ гаромий’’д̇и вад̣̇ад̇и, ‘‘ж̇аалзхий’’д̇и вад̇д̇аб̣б̣о, ‘‘хад̇т̇о д̣аяхад̇ий’’д̇и вад̣̇ад̇и, ‘‘яат̇аа на д̣аяхад̇и д̇ат̇аа гарохий’’д̇и вад̇д̇аб̣б̣о. ‘‘бхуумияам̣ баад̇зхий’’д̇и бана на вад̇д̇аб̣б̣о. сажз хад̇т̇з д̣аяхамаанз баад̇зд̇и ‘‘бат̇авим̣ д̣̇ахиссаамий’’д̇и абаад̇ид̇ад̇д̇аа анаабад̇д̇и. бад̇ид̇адтаанз бана аг̇г̇им̣ гаад̇ум̣ ваддад̇ийд̇и гурунд̣̇ияам̣ вуд̇д̇ам̣.
Tatrāpi hi iṭṭhakādīnaṃyeva upari ṭhapetuṃ vaṭṭati. Kasmā? Tesaṃ anupādānattā. Na hi tāni aggissa upādānasaṅkhyaṃ gacchanti. Sukkhakhāṇusukkharukkhādīsupi aggiṃ dātuṃ na vaṭṭati. Sace pana pathaviṃ appattameva nibbāpetvā gamissāmīti deti, vaṭṭati. Pacchā nibbāpetuṃ na sakkoti, avisayattā anāpatti. Tiṇukkaṃ gahetvā gacchanto hatthe ḍayhamāne bhūmiyaṃ pāteti, anāpatti. Patitaṭṭhāneyeva upādānaṃ datvā aggiṃ kātuṃ vaṭṭatīti mahāpaccariyaṃ vuttaṃ. Daḍḍhapathaviyā ca yattakaṃ ṭhānaṃ usumāya anugataṃ, sabbaṃ vikopetuṃ vaṭṭatīti tattheva vuttaṃ. Yo pana ajānanako bhikkhu araṇīsahitena aggiṃ nibbattetvā hatthena ukkhipitvā ‘‘kiṃ karomī’’ti vadati, ‘‘jālehī’’ti vattabbo, ‘‘hattho ḍayhatī’’ti vadati, ‘‘yathā na ḍayhati tathā karohī’’ti vattabbo. ‘‘Bhūmiyaṃ pātehī’’ti pana na vattabbo. Sace hatthe ḍayhamāne pāteti ‘‘pathaviṃ dahissāmī’’ti apātitattā anāpatti. Patitaṭṭhāne pana aggiṃ kātuṃ vaṭṭatīti kurundiyaṃ vuttaṃ.
88. анаабад̇д̇и имам̣ ж̇аанаад̇иаад̣̇ийсу ‘‘имасса т̇амбхасса ааваадам̣ ж̇аана, махаамад̇д̇игам̣ ж̇аана, т̇усамад̇д̇игам̣ ж̇аана, махаамад̇д̇игам̣ д̣̇зхи, т̇усамад̇д̇игам̣ д̣̇зхи, мад̇д̇игам̣ аахара, бам̣сум̣ аахара, мад̇д̇игааяа ад̇т̇о, бам̣сунаа ад̇т̇о, имасса т̇амбхасса ааваадам̣ габбияам̣ гарохи, имам̣ мад̇д̇игам̣ габбияам̣ гарохи, имам̣ бам̣сум̣ габбияам̣ гарохий’’д̇и звамад̇т̇о взд̣̇ид̇аб̣б̣о.
88.Anāpatti imaṃ jānātiādīsu ‘‘imassa thambhassa āvāṭaṃ jāna, mahāmattikaṃ jāna, thusamattikaṃ jāna, mahāmattikaṃ dehi, thusamattikaṃ dehi, mattikaṃ āhara, paṃsuṃ āhara, mattikāya attho, paṃsunā attho, imassa thambhassa āvāṭaṃ kappiyaṃ karohi, imaṃ mattikaṃ kappiyaṃ karohi, imaṃ paṃsuṃ kappiyaṃ karohī’’ti evamattho veditabbo.
асан̃жижжаад̇и баасаан̣аругкаад̣̇ийни ваа баваддзнд̇асса гад̇д̇арад̣̇ан̣д̣зна ваа аахажжа аахажжа г̇ажчанд̇асса бат̇авий бхиж̇ж̇ад̇и, саа ‘‘д̇зна бхинд̣̇иссаамий’’д̇и звам̣ сан̃жижжа абхиннад̇д̇аа асан̃жижжа бхиннаа наама ход̇и. ид̇и асан̃жижжа бхинд̣̇анд̇асса анаабад̇д̇и. асад̇ияаад̇и ан̃н̃авихид̇о гзнажи сад̣̇д̇хим̣ гин̃жи гат̇знд̇о баад̣̇ан̇г̇удтагзна ваа гад̇д̇араяадтияаа ваа бат̇авим̣ виликанд̇о д̇идтад̇и, звам̣ асад̇ияаа виликанд̇асса ваа бхинд̣̇анд̇асса ваа анаабад̇д̇и. аж̇аананд̇ассаад̇и анд̇ог̇зхз овадтам̣ чаннам̣ бат̇авим̣ ‘‘агаббияабат̇авий’’д̇и на ж̇аанаад̇и, ‘‘габбияабат̇авий’’д̇и сан̃н̃ааяа вигобзд̇и, ‘‘кан̣аами бхинд̣̇аами д̣̇ахаамий’’д̇и ваа на ж̇аанаад̇и , гзвалам̣ сан̇г̇обанад̇т̇ааяа кан̣ид̇д̇аад̣̇ийни ваа табзд̇и, д̣аяхамаанахад̇т̇о ваа аг̇г̇им̣ баад̇зд̇и, звам̣ аж̇аананд̇асса анаабад̇д̇и. сзсам̣ уд̇д̇аанамзва.
Asañciccāti pāsāṇarukkhādīni vā pavaṭṭentassa kattaradaṇḍena vā āhacca āhacca gacchantassa pathavī bhijjati, sā ‘‘tena bhindissāmī’’ti evaṃ sañcicca abhinnattā asañcicca bhinnā nāma hoti. Iti asañcicca bhindantassa anāpatti. Asatiyāti aññavihito kenaci saddhiṃ kiñci kathento pādaṅguṭṭhakena vā kattarayaṭṭhiyā vā pathaviṃ vilikhanto tiṭṭhati, evaṃ asatiyā vilikhantassa vā bhindantassa vā anāpatti. Ajānantassāti antogehe ovaṭṭhaṃ channaṃ pathaviṃ ‘‘akappiyapathavī’’ti na jānāti, ‘‘kappiyapathavī’’ti saññāya vikopeti, ‘‘khaṇāmi bhindāmi dahāmī’’ti vā na jānāti , kevalaṃ saṅgopanatthāya khaṇittādīni vā ṭhapeti, ḍayhamānahattho vā aggiṃ pāteti, evaṃ ajānantassa anāpatti. Sesaṃ uttānameva.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и. гирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
бат̇авийкан̣анасигкаабад̣̇ам̣ д̣̇асамам̣.
Pathavīkhaṇanasikkhāpadaṃ dasamaṃ.
самад̇д̇о ван̣н̣анааггамзна мусааваад̣̇аваг̇г̇о батамо.
Samatto vaṇṇanākkamena musāvādavaggo paṭhamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. бат̇авийкан̣анасигкаабад̣̇ам̣ • 10. Pathavīkhaṇanasikkhāpadaṃ
