| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
10. бат̇авийкан̣анасигкаабад̣̇аван̣н̣анаа
10. Pathavīkhaṇanasikkhāpadavaṇṇanā
баасаан̣асагкарагат̇аламарумб̣аваалугаад̣̇ийсууд̇и зд̇т̇а мудтиббамаан̣ад̇о убари баасаан̣аад̇и взд̣̇ид̇аб̣б̣аа. мудтиббамаан̣аа сагкараа. гат̇алаад̇и габаалакан̣д̣аани. марумб̣аад̇и гадасагкараа. ваалугаа ваалигааязва. ан̃н̃ад̇арасса д̇ад̇ияабхааг̇о ход̇ийд̇и д̇ад̇ияо бхааг̇о ход̇и. ид̣̇ам̣ вуд̇д̇ам̣ ход̇и – яад̇о бам̣сум̣ ваа мад̇д̇игам̣ ваа аахараабзд̇ваа висум̣ висум̣ гад̇з д̣̇вз годтаасаа бам̣су ваа мад̇д̇игаа ваа зго баасаан̣аад̣̇ийсу ан̃н̃ад̇аро ход̇и, аяам̣ миссагабат̇авий наамаад̇и. овадто наама д̣̇звзна овадто (баажи. 86). вуд̇д̇анд̇и бад̣̇абхааж̇анияам̣, сийхал̣адтагат̇ааяамзва ваа вуд̇д̇ам̣ . ад̇хигад̇арабаасаан̣аад̣̇имиссаад̇и ад̇хигад̇арабаасаан̣аад̣̇ийхи миссаа, ад̣̇ад̣дхааби вуд̇д̇аббамаан̣ад̇о ад̇хигад̇арабаасаан̣аад̣̇имиссаад̇и ад̇хиббааяо. ваа-сад̣̇д̣̇о авуд̇д̇авигаббад̇т̇о, д̇зна уунагажад̇умаасовадтабат̇авим̣ сан̇г̇ан̣хаад̇и. суд̣̇д̇хабаасаан̣аад̣̇ибхзд̣̇ааяаад̇и суд̣̇д̇хаа баасаан̣аа зд̇т̇аад̇и суд̣̇д̇хабаасаан̣аа, саа аад̣̇и яасса бхзд̣̇асса со суд̣̇д̇хабаасаан̣аад̣̇и. аад̣̇и-сад̣̇д̣̇зна суд̣̇д̇хасагкараад̣̇ийнам̣ г̇ахан̣ам̣. суд̣̇д̇хабаасаан̣аад̣̇ибхзд̣̇о яассаа саа суд̣̇д̇хабаасаан̣аад̣̇ибхзд̣̇аа, д̇ааяа суд̣̇д̇хабаасаан̣аад̣̇ибхзд̣̇ааяа, суд̣̇д̇хабаасаан̣аад̣̇иббагаарааяаад̇и ад̇т̇о.
Pāsāṇasakkharakathalamarumbavālukādīsūti ettha muṭṭhippamāṇato upari pāsāṇāti veditabbā. Muṭṭhippamāṇā sakkharā. Kathalāti kapālakhaṇḍāni. Marumbāti kaṭasakkharā. Vālukā vālikāyeva. Aññatarassa tatiyabhāgo hotīti tatiyo bhāgo hoti. Idaṃ vuttaṃ hoti – yato paṃsuṃ vā mattikaṃ vā āharāpetvā visuṃ visuṃ kate dve koṭṭhāsā paṃsu vā mattikā vā eko pāsāṇādīsu aññataro hoti, ayaṃ missakapathavī nāmāti. Ovaṭṭho nāma devena ovaṭṭho (pāci. 86). Vuttanti padabhājaniyaṃ, sīhaḷaṭṭhakathāyameva vā vuttaṃ . Adhikatarapāsāṇādimissāti adhikatarapāsāṇādīhi missā, adaḍḍhāpi vuttappamāṇato adhikatarapāsāṇādimissāti adhippāyo. Vā-saddo avuttavikappattho, tena ūnakacatumāsovaṭṭhapathaviṃ saṅgaṇhāti. Suddhapāsāṇādibhedāyāti suddhā pāsāṇā etthāti suddhapāsāṇā, sā ādi yassa bhedassa so suddhapāsāṇādi. Ādi-saddena suddhasakkharādīnaṃ gahaṇaṃ. Suddhapāsāṇādibhedo yassā sā suddhapāsāṇādibhedā, tāya suddhapāsāṇādibhedāya, suddhapāsāṇādippakārāyāti attho.
саяам̣ кан̣ад̇ийд̇и зд̇т̇а яо анд̇амасо баад̣̇ан̇г̇удтагзнаби кан̣ад̇и, уд̣̇агамби чад̣д̣знд̇о бхинд̣̇ад̇и, баад̣̇ан̇г̇удтагзнаби виликад̇и, бад̇д̇амби бажанд̇о д̣̇ахад̇и, со саб̣б̣о кан̣ад̇иязваад̇и взд̣̇ид̇аб̣б̣о. д̇знааха ‘‘кан̣анабхзд̣̇анавилзканабажанаад̣̇ийхи вигобзд̇ийд̇и. бад̇д̇ам̣ бажанд̇зна (баажи. адта. 87) хи буб̣б̣з баггадтаанзязва бажид̇аб̣б̣о. ад̣̇ад̣дхааяа бат̇авияаа аг̇г̇им̣ табзд̇ум̣ на ваддад̇и. бад̇д̇абажанагабааласса бана убари аг̇г̇им̣ табзд̇ум̣ ваддад̇и. д̣̇ааруунам̣ убари табзд̇и, со аг̇г̇и д̇аани д̣̇аханд̇о г̇анд̇ваа бат̇авим̣ д̣̇ахад̇и, на ваддад̇и. идтагабаасаан̣аад̣̇ийсуби зсзва наяо. д̇ад̇рааби хи идтагаад̣̇ийнам̣язва убари табзд̇ум̣ ваддад̇и. гасмаа? д̇зсам̣ анубаад̣̇аанад̇д̇аа. на хи д̇аани аг̇г̇исса убаад̣̇аанасан̇кам̣ г̇ажчанд̇и. сугкакаан̣уругкаад̣̇ийсуби аг̇г̇им̣ д̣̇аад̇ум̣ на ваддад̇и. сажз бана ‘‘бат̇авим̣ абад̇д̇амзва ниб̣б̣аабзд̇ваа г̇амиссаамий’’д̇и д̣̇зд̇и, ваддад̇и. бажчаа ниб̣б̣аабзд̇ум̣ на саггод̇и, ависаяад̇д̇аа анаабад̇д̇и. вуд̇д̇анаязнзваад̇и ‘‘кан̣анабхзд̣̇анавиликанабажанаад̣̇ийхий’’д̇и вуд̇д̇знзва наязна. нияамзд̇ваад̇и саннидтаанам̣ гад̇ваа. ид̇арод̇и аан̣аабаго.
Sayaṃ khaṇatīti ettha yo antamaso pādaṅguṭṭhakenapi khaṇati, udakampi chaḍḍento bhindati, pādaṅguṭṭhakenapi vilikhati, pattampi pacanto dahati, so sabbo khaṇatiyevāti veditabbo. Tenāha ‘‘khaṇanabhedanavilekhanapacanādīhi vikopetīti. Pattaṃ pacantena (pāci. aṭṭha. 87) hi pubbe pakkaṭṭhāneyeva pacitabbo. Adaḍḍhāya pathaviyā aggiṃ ṭhapetuṃ na vaṭṭati. Pattapacanakapālassa pana upari aggiṃ ṭhapetuṃ vaṭṭati. Dārūnaṃ upari ṭhapeti, so aggi tāni dahanto gantvā pathaviṃ dahati, na vaṭṭati. Iṭṭhakapāsāṇādīsupi eseva nayo. Tatrāpi hi iṭṭhakādīnaṃyeva upari ṭhapetuṃ vaṭṭati. Kasmā? Tesaṃ anupādānattā. Na hi tāni aggissa upādānasaṅkhaṃ gacchanti. Sukkhakhāṇurukkhādīsupi aggiṃ dātuṃ na vaṭṭati. Sace pana ‘‘pathaviṃ apattameva nibbāpetvā gamissāmī’’ti deti, vaṭṭati. Pacchā nibbāpetuṃ na sakkoti, avisayattā anāpatti. Vuttanayenevāti ‘‘khaṇanabhedanavilikhanapacanādīhī’’ti vutteneva nayena. Niyametvāti sanniṭṭhānaṃ katvā. Itaroti āṇāpako.
‘‘богкаран̣им̣ кан̣аа’’д̇и (баажи. адта. 86) вад̣̇ад̇и, ваддад̇и. кад̇ааязва богкаран̣ий наама ход̇и, д̇асмаа аяам̣ габбияавохааро. зса наяо ‘‘ваабим̣, д̇ал̣аагам̣, ааваадам̣ кан̣аа’’д̇иаад̣̇ийсуби. ‘‘имам̣ огаасам̣ кан̣а, имасмим̣ огаасз богкаран̣им̣ кан̣аа’’д̇и бана вад̇д̇ум̣ на ваддад̇и. ‘‘ганд̣̇ам̣ кан̣а муулам̣ кан̣аа’’д̇и анияамзд̇ваа вад̇д̇ум̣ ваддад̇и. ‘‘имам̣ валлим̣ кан̣а, имасмим̣ огаасз ганд̣̇ам̣ ваа муулам̣ ваа кан̣аа’’д̇и вад̇д̇ум̣ на ваддад̇и. д̇знааха ‘‘огаасам̣ анияамзд̇ваа…бз… бхан̣анд̇ассаа’’д̇и. аад̇абзна сугкагад̣̇д̣̇амо жа палад̇и, д̇ад̇ра яо хздтаа бат̇авияаа асамб̣ад̣̇д̇хо, д̇амзва абанзд̇ум̣ ваддад̇и. зса наяо г̇оган̣дагзби . д̇знааха ‘‘аад̇абзна…бз… асамб̣ад̣̇д̇ха’’нд̇и. д̇ад̇т̇а г̇оган̣даго (баажи. адта. 86) наама г̇аавийнам̣ куражчиннагад̣̇д̣̇амо вужжад̇и. сажз бана хздтимад̇алзна бхуумисамб̣анд̇хо, вигобзд̇ум̣ на ваддад̇и. бхиж̇ж̇ид̇ваа бад̇ид̇анад̣̇ид̇аданд̇и бхиж̇ж̇ид̇ваа над̣̇исааманд̇аа бад̇ид̇ам̣ омагажаад̇умаасам̣ овадтам̣ над̣̇ид̇адам̣. сажз бана бхиж̇ж̇ид̇ваа уд̣̇агзязва багад̇и, д̣̇звз ад̇ирзгажаад̇умаасам̣ овадтзби уд̣̇агзязва уд̣̇агасса бад̇ид̇ад̇д̇аа ваддад̇и. маханд̇амби нан̇г̇алажчиннамад̇д̇игаабин̣д̣анд̇и маханд̇амби гасид̇адтаанз хздтаа бат̇авияаа асамб̣ад̣̇д̇хам̣ нан̇г̇алажчиннамад̇д̇игаабин̣д̣ам̣. звамаад̣̇исад̣̇д̣̇зна гуудаасин̃жанаяог̇г̇ад̇анугагад̣̇д̣̇амаад̣̇ийнам̣ г̇ахан̣ам̣. асан̃жижжа ругкаад̣̇ибавадданзна бхинд̣̇анд̇ассаад̇и баасаан̣аругкаад̣̇ийни ваа баваддзнд̇асса, гад̇д̇арад̣̇ан̣д̣зна ваа аахажжа аахажжа г̇ажчанд̇асса бат̇авий бхиж̇ж̇ад̇и, саа ‘‘д̇зна бхинд̣̇иссаамий’’д̇и звам̣ сан̃жижжа абхиннад̇д̇аа асан̃жижжа бхиннаа наама ход̇и, ид̇и асан̃жижжа ругкаад̣̇иббавадданзна бхинд̣̇анд̇асса анаабад̇д̇и. асад̇ияаа баад̣̇ан̇г̇удтагаад̣̇ийхи виликанд̇ассаад̇и яо ан̃н̃авихид̇о гзнажи сад̣̇д̇хим̣ гин̃жи гат̇знд̇о баад̣̇ан̇г̇удтагзна ваа гад̇д̇араяадтияаа ваа бат̇авим̣ виликанд̇о д̇идтад̇и, д̇асса звам̣ асад̇ияаа баад̣̇ан̇г̇удтагаад̣̇ийхи виликанд̇асса анаабад̇д̇и.
‘‘Pokkharaṇiṃ khaṇā’’ti (pāci. aṭṭha. 86) vadati, vaṭṭati. Khatāyeva pokkharaṇī nāma hoti, tasmā ayaṃ kappiyavohāro. Esa nayo ‘‘vāpiṃ, taḷākaṃ, āvāṭaṃ khaṇā’’tiādīsupi. ‘‘Imaṃ okāsaṃ khaṇa, imasmiṃ okāse pokkharaṇiṃ khaṇā’’ti pana vattuṃ na vaṭṭati. ‘‘Kandaṃ khaṇa mūlaṃ khaṇā’’ti aniyametvā vattuṃ vaṭṭati. ‘‘Imaṃ valliṃ khaṇa, imasmiṃ okāse kandaṃ vā mūlaṃ vā khaṇā’’ti vattuṃ na vaṭṭati. Tenāha ‘‘okāsaṃ aniyametvā…pe… bhaṇantassā’’ti. Ātapena sukkhakaddamo ca phalati, tatra yo heṭṭhā pathaviyā asambaddho, tameva apanetuṃ vaṭṭati. Esa nayo gokaṇṭakepi . Tenāha ‘‘ātapena…pe… asambaddha’’nti. Tattha gokaṇṭako (pāci. aṭṭha. 86) nāma gāvīnaṃ khuracchinnakaddamo vuccati. Sace pana heṭṭhimatalena bhūmisambandho, vikopetuṃ na vaṭṭati. Bhijjitvā patitanaditaṭanti bhijjitvā nadisāmantā patitaṃ omakacātumāsaṃ ovaṭṭhaṃ naditaṭaṃ. Sace pana bhijjitvā udakeyeva pakati, deve atirekacātumāsaṃ ovaṭṭhepi udakeyeva udakassa patitattā vaṭṭati. Mahantampi naṅgalacchinnamattikāpiṇḍanti mahantampi kasitaṭṭhāne heṭṭhā pathaviyā asambaddhaṃ naṅgalacchinnamattikāpiṇḍaṃ. Evamādisaddena kūṭāsiñcanayoggatanukakaddamādīnaṃ gahaṇaṃ. Asañcicca rukkhādipavaṭṭanena bhindantassāti pāsāṇarukkhādīni vā pavaṭṭentassa, kattaradaṇḍena vā āhacca āhacca gacchantassa pathavī bhijjati, sā ‘‘tena bhindissāmī’’ti evaṃ sañcicca abhinnattā asañcicca bhinnā nāma hoti, iti asañcicca rukkhādippavaṭṭanena bhindantassa anāpatti. Asatiyā pādaṅguṭṭhakādīhi vilikhantassāti yo aññavihito kenaci saddhiṃ kiñci kathento pādaṅguṭṭhakena vā kattarayaṭṭhiyā vā pathaviṃ vilikhanto tiṭṭhati, tassa evaṃ asatiyā pādaṅguṭṭhakādīhi vilikhantassa anāpatti.
бат̇авийкан̣анасигкаабад̣̇аван̣н̣анаа нидтид̇аа.
Pathavīkhaṇanasikkhāpadavaṇṇanā niṭṭhitā.
мусааваад̣̇аваг̇г̇о батамо.
Musāvādavaggo paṭhamo.
