| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
10. бат̇авийкан̣анасигкаабад̣̇аван̣н̣анаа
10. Pathavīkhaṇanasikkhāpadavaṇṇanā
84-86. д̣̇асамз згинд̣̇рияанд̇и ‘‘гааяинд̣̇рияам̣ ад̇т̇ий’’д̇и ман̃н̃амаанаа вад̣̇анд̇и. мудтиббамаан̣аад̇и мудтинаа сан̇г̇ахзд̇аб̣б̣аббамаан̣аа. зд̇т̇а гин̃жааби язбхуяяабам̣сум̣ аббабам̣сун̃жа бат̇авим̣ вад̇ваа убад̣дхабам̣сугаа бат̇авий на вуд̇д̇аа, д̇ат̇ааби бан̣н̣ад̇д̇иваж̇ж̇асигкаабад̣̇зсу саавасзсабан̃н̃ад̇д̇ияааби самбхавад̇о убад̣дхабам̣сугааяаби бат̇авияаа баажид̇д̇ияамзваад̇и г̇ахзд̇аб̣б̣ам̣. гзжи бана ‘‘саб̣б̣ажчаннаад̣̇ийсу убад̣дхз д̣̇уггадасса вуд̇д̇ад̇д̇аа ид̇хааби д̣̇уггадам̣ яуд̇д̇а’’нд̇и вад̣̇анд̇и, д̇ам̣ на яуд̇д̇ам̣ баажид̇д̇ияавад̇т̇уган̃жа анаабад̇д̇ивад̇т̇уган̃жа д̣̇увид̇хам̣ бат̇авим̣ табзд̇ваа ан̃н̃иссаа д̣̇уггадавад̇т̇угааяа д̇ад̇ияааяа бат̇авияаа абхаавад̇о. д̣̇взязва хи бат̇авияо вуд̇д̇аа ‘‘ж̇аад̇аа жа бат̇авий аж̇аад̇аа жа бат̇авий’’д̇и. д̇асмаа д̣̇вийсу ан̃н̃ад̇арааяа бат̇авияаа бхавид̇аб̣б̣ам̣, винаяавинижчаяз жа самбад̇д̇з г̇аругзязва таад̇аб̣б̣ад̇д̇аа на саггаа зд̇т̇а анаабад̇д̇ияаа бхавид̇ум̣. саб̣б̣ажчаннаад̣̇ийсу бана убад̣дхз д̣̇уггадам̣ яуд̇д̇ам̣ д̇ад̇т̇а д̇аад̣̇исасса д̣̇уггадавад̇т̇уно саб̣бхааваа.
84-86. Dasame ekindriyanti ‘‘kāyindriyaṃ atthī’’ti maññamānā vadanti. Muṭṭhippamāṇāti muṭṭhinā saṅgahetabbappamāṇā. Ettha kiñcāpi yebhuyyapaṃsuṃ appapaṃsuñca pathaviṃ vatvā upaḍḍhapaṃsukā pathavī na vuttā, tathāpi paṇṇattivajjasikkhāpadesu sāvasesapaññattiyāpi sambhavato upaḍḍhapaṃsukāyapi pathaviyā pācittiyamevāti gahetabbaṃ. Keci pana ‘‘sabbacchannādīsu upaḍḍhe dukkaṭassa vuttattā idhāpi dukkaṭaṃ yutta’’nti vadanti, taṃ na yuttaṃ pācittiyavatthukañca anāpattivatthukañca duvidhaṃ pathaviṃ ṭhapetvā aññissā dukkaṭavatthukāya tatiyāya pathaviyā abhāvato. Dveyeva hi pathaviyo vuttā ‘‘jātā ca pathavī ajātā ca pathavī’’ti. Tasmā dvīsu aññatarāya pathaviyā bhavitabbaṃ, vinayavinicchaye ca sampatte garukeyeva ṭhātabbattā na sakkā ettha anāpattiyā bhavituṃ. Sabbacchannādīsu pana upaḍḍhe dukkaṭaṃ yuttaṃ tattha tādisassa dukkaṭavatthuno sabbhāvā.
‘‘богкаран̣им̣ кан̣аа’’д̇и вад̣̇ад̇и, ваддад̇ийд̇и ‘‘имасмим̣ огаасз’’д̇и анияамзд̇ваа вуд̇д̇ад̇д̇аа ваддад̇и. ‘‘имам̣ валлим̣ кан̣аа’’д̇и вуд̇д̇зби бат̇авийкан̣анам̣ санд̇хааяа бавад̇д̇авохаарад̇д̇аа иминаава сигкаабад̣̇зна аабад̇д̇и, на бхууд̇аг̇аамабаад̇аб̣яад̇ааяа. гудзхийд̇и гхадзхи. д̇анугагад̣̇д̣̇амод̇и уд̣̇агамиссагагад̣̇д̣̇амо. со жа уд̣̇агаг̇ад̇игад̇д̇аа ваддад̇и. омагажаад̇умаасанд̇и уунажаад̇умаасам̣. овадтанд̇и д̣̇звзна овадтам̣. агад̇абаб̣бхаарзд̇и авал̣ан̃ж̇анадтаанад̣̇ассанад̇т̇ам̣ вуд̇д̇ам̣. д̇аад̣̇исз хи ваммигасса саб̣бхаавод̇и. муусигуггурам̣ наама муусигаахи кан̣ид̇ваа б̣ахи гад̇абам̣сурааси. зсзва наяод̇и омагажаад̇умаасаовадтоязва ваддад̇ийд̇и ад̇т̇о.
‘‘Pokkharaṇiṃ khaṇā’’ti vadati, vaṭṭatīti ‘‘imasmiṃ okāse’’ti aniyametvā vuttattā vaṭṭati. ‘‘Imaṃ valliṃ khaṇā’’ti vuttepi pathavīkhaṇanaṃ sandhāya pavattavohārattā imināva sikkhāpadena āpatti, na bhūtagāmapātabyatāya. Kuṭehīti ghaṭehi. Tanukakaddamoti udakamissakakaddamo. So ca udakagatikattā vaṭṭati. Omakacātumāsanti ūnacātumāsaṃ. Ovaṭṭhanti devena ovaṭṭhaṃ. Akatapabbhāreti avaḷañjanaṭṭhānadassanatthaṃ vuttaṃ. Tādise hi vammikassa sabbhāvoti. Mūsikukkuraṃ nāma mūsikāhi khaṇitvā bahi katapaṃsurāsi. Eseva nayoti omakacātumāsaovaṭṭhoyeva vaṭṭatīti attho.
згад̣̇ивасамби на ваддад̇ийд̇и овадтазгад̣̇ивасаад̇игганд̇оби вигобзд̇ум̣ на ваддад̇и. ‘‘хздтаабхуумисамб̣анд̇хзби жа г̇оган̣дагз бхуумид̇о чинд̣̇ид̇ваа уд̣̇д̇хам̣ тид̇ад̇д̇аа ажжуг̇г̇ад̇амад̇т̇агад̇о чинд̣̇ид̇ваа г̇ахзд̇ум̣ ваддад̇ий’’д̇и вад̣̇анд̇и. сагадтаанз ад̇идтамаанам̣ гад̇ваа баад̣̇зхи мад̣̇д̣̇ид̇ваа чинд̣̇ид̇ваа аалол̣ид̇агад̣̇д̣̇амамби г̇ахзд̇ум̣ ваддад̇и. д̇ад̇од̇и д̇ад̇о бураан̣асзнаасанад̇о. идтагам̣ г̇ан̣хаамийд̇иаад̣̇и суд̣̇д̇хажид̇д̇ам̣ санд̇хааяа вуд̇д̇ам̣. уд̣̇агзнаад̇и уж̇угам̣ аагаасад̇оязва бад̇анагауд̣̇агзна. ‘‘сажз бана ан̃н̃ад̇т̇а бахарид̇ваа бад̇ид̇зна уд̣̇агзна д̇змид̇ам̣ ход̇и, ваддад̇ий’’д̇и вад̣̇анд̇и. ужжаалзд̇ваад̇и угкибид̇ваа. д̇зна абад̣̇зсзнаад̇и д̇зна лзсзна.
Ekadivasampi na vaṭṭatīti ovaṭṭhaekadivasātikkantopi vikopetuṃ na vaṭṭati. ‘‘Heṭṭhābhūmisambandhepi ca gokaṇṭake bhūmito chinditvā uddhaṃ ṭhitattā accuggatamatthakato chinditvā gahetuṃ vaṭṭatī’’ti vadanti. Sakaṭṭhāne atiṭṭhamānaṃ katvā pādehi madditvā chinditvā āloḷitakaddamampi gahetuṃ vaṭṭati. Tatoti tato purāṇasenāsanato. Iṭṭhakaṃ gaṇhāmītiādi suddhacittaṃ sandhāya vuttaṃ. Udakenāti ujukaṃ ākāsatoyeva patanakaudakena. ‘‘Sace pana aññattha paharitvā patitena udakena temitaṃ hoti, vaṭṭatī’’ti vadanti. Uccāletvāti ukkhipitvā. Tena apadesenāti tena lesena.
87-88. ависаяад̇д̇аа анаабад̇д̇ийд̇и зд̇т̇а сажзби ниб̣б̣аабзд̇ум̣ саггаа ход̇и, батамам̣ суд̣̇д̇хажид̇д̇зна д̣̇иннад̇д̇аа ‘‘д̣̇ахад̇уу’’д̇и саллагкзд̇вааби д̇идтад̇и, анаабад̇д̇и. овадтам̣ чаннанд̇и батамам̣ овадтам̣ бажчаа чаннам̣. сзсам̣ уд̇д̇аанамзва. ж̇аад̇абат̇авий, бат̇авийсан̃н̃ид̇аа, кан̣анакан̣аабанаанам̣ ан̃н̃ад̇аранд̇и имаани банзд̇т̇а д̇ийн̣и ан̇г̇аани.
87-88.Avisayattāanāpattīti ettha sacepi nibbāpetuṃ sakkā hoti, paṭhamaṃ suddhacittena dinnattā ‘‘dahatū’’ti sallakkhetvāpi tiṭṭhati, anāpatti. Ovaṭṭhaṃ channanti paṭhamaṃ ovaṭṭhaṃ pacchā channaṃ. Sesaṃ uttānameva. Jātapathavī, pathavīsaññitā, khaṇanakhaṇāpanānaṃ aññataranti imāni panettha tīṇi aṅgāni.
бат̇авийкан̣анасигкаабад̣̇аван̣н̣анаа нидтид̇аа.
Pathavīkhaṇanasikkhāpadavaṇṇanā niṭṭhitā.
нидтид̇о мусааваад̣̇аваг̇г̇о батамо.
Niṭṭhito musāvādavaggo paṭhamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. бат̇авийкан̣анасигкаабад̣̇ам̣ • 10. Pathavīkhaṇanasikkhāpadaṃ
