| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
10. бат̇авийкан̣анасигкаабад̣̇аван̣н̣анаа
10. Pathavīkhaṇanasikkhāpadavaṇṇanā
86. д̣̇асамз аббабам̣сумад̇д̇игааяа бат̇авияаа анаабад̇д̇ивад̇т̇убхаавзна вуд̇д̇ад̇д̇аа убад̣дхабам̣сумад̇д̇игааяаби баажид̇д̇ияамзваад̇и г̇ахзд̇аб̣б̣ам̣. на хзд̇ам̣ д̣̇уггадавад̇т̇ууд̇и саггаа вад̇д̇ум̣ ж̇аад̇ааж̇аад̇авинимуд̇д̇ааяа д̇ад̇ияабат̇авияаа абхаавад̇о.
86. Dasame appapaṃsumattikāya pathaviyā anāpattivatthubhāvena vuttattā upaḍḍhapaṃsumattikāyapi pācittiyamevāti gahetabbaṃ. Na hetaṃ dukkaṭavatthūti sakkā vattuṃ jātājātavinimuttāya tatiyapathaviyā abhāvato.
ваддад̇ийд̇и имасмим̣ таанз богкаран̣им̣ кан̣аад̇и огаасасса анияамид̇ад̇д̇аа ваддад̇и. имам̣ валлим̣ кан̣аад̇и бат̇авийкан̣анам̣ санд̇хааяа вуд̇д̇ад̇д̇аа иминаава сигкаабад̣̇зна аабад̇д̇и, на бхууд̇аг̇аамасигкаабад̣̇зна. убхаяамби санд̇хааяа вуд̇д̇з бана д̣̇взби баажид̇д̇ияаа хонд̇и. уд̣̇агабаббадагод̇и уд̣̇агз анд̇обхуумияам̣ бавидтз д̇асса убарибхааг̇ам̣ чаад̣̇зд̇ваа д̇анугабам̣су ваа мад̇д̇игаа ваа бадалам̣ худ̇ваа бад̇амаанаа д̇идтад̇и, д̇асмим̣ уд̣̇агз сугкзби д̇ам̣ бадалам̣ ваад̇зна жаламаанаа д̇идтад̇и, д̇ам̣ уд̣̇агабаббадаго наама.
Vaṭṭatīti imasmiṃ ṭhāne pokkharaṇiṃ khaṇāti okāsassa aniyamitattā vaṭṭati. Imaṃ valliṃ khaṇāti pathavīkhaṇanaṃ sandhāya vuttattā imināva sikkhāpadena āpatti, na bhūtagāmasikkhāpadena. Ubhayampi sandhāya vutte pana dvepi pācittiyā honti. Udakapappaṭakoti udake antobhūmiyaṃ paviṭṭhe tassa uparibhāgaṃ chādetvā tanukapaṃsu vā mattikā vā paṭalaṃ hutvā patamānā tiṭṭhati, tasmiṃ udake sukkhepi taṃ paṭalaṃ vātena calamānā tiṭṭhati, taṃ udakapappaṭako nāma.
агад̇абаб̣бхаарзд̇и авал̣ан̃ж̇анадтаанад̣̇ассанад̇т̇ам̣ вуд̇д̇ам̣. д̇аад̣̇исз зва хи ваммигасса самбхавод̇и. муусигуггарам̣ наама муусигаахи канид̇ваа б̣ахи гад̇абам̣сурааси. ажчад̣̇ананд̇иаад̣̇ивуд̇д̇ад̇д̇аа уж̇угам̣ аагаасад̇о бад̇ид̇авассод̣̇агзна овадтамзва ж̇аад̇абат̇авий ход̇и, на чад̣̇анаад̣̇ийсу бад̇ид̇ваа д̇ад̇о бавад̇д̇ауд̣̇агзна д̇инд̇анд̇и взд̣̇ид̇аб̣б̣ам̣. ман̣д̣абад̇т̇амбханд̇и саакааман̣д̣абад̇т̇амбхам̣. ужжаалзд̇ваад̇и угкибид̇ваа. д̇ад̇од̇и бураан̣асзнаасанад̇о.
Akatapabbhāreti avaḷañjanaṭṭhānadassanatthaṃ vuttaṃ. Tādise eva hi vammikassa sambhavoti. Mūsikukkaraṃ nāma mūsikāhi khanitvā bahi katapaṃsurāsi. Acchadanantiādivuttattā ujukaṃ ākāsato patitavassodakena ovaṭṭhameva jātapathavī hoti, na chadanādīsu patitvā tato pavattaudakena tintanti veditabbaṃ. Maṇḍapatthambhanti sākhāmaṇḍapatthambhaṃ. Uccāletvāti ukkhipitvā. Tatoti purāṇasenāsanato.
88. махаамад̇д̇иганд̇и бхид̇д̇илзбанам̣. ж̇аад̇абат̇авид̇аа, д̇ат̇аасан̃н̃ид̇аа, кан̣анакан̣аабанаанам̣ ан̃н̃ад̇аранд̇и имаанзд̇т̇а д̇ийн̣и ан̇г̇аани.
88.Mahāmattikanti bhittilepanaṃ. Jātapathavitā, tathāsaññitā, khaṇanakhaṇāpanānaṃ aññataranti imānettha tīṇi aṅgāni.
бат̇авийкан̣анасигкаабад̣̇аван̣н̣анаа нидтид̇аа.
Pathavīkhaṇanasikkhāpadavaṇṇanā niṭṭhitā.
нидтид̇о мусааваад̣̇аваг̇г̇о батамо.
Niṭṭhito musāvādavaggo paṭhamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. бат̇авийкан̣анасигкаабад̣̇аван̣н̣анаа • 10. Pathavīkhaṇanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. бат̇авийкан̣анасигкаабад̣̇ам̣ • 10. Pathavīkhaṇanasikkhāpadaṃ
