| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
14. бат̇авийкан̣анавинижчаяагат̇аа
14. Pathavīkhaṇanavinicchayakathā
72. бат̇авийд̇и д̣̇вз бат̇авий ж̇аад̇аа жа бат̇авий аж̇аад̇аа жа бат̇авийд̇и. д̇ад̇т̇а ж̇аад̇аа наама бат̇авий суд̣̇д̇хабам̣сугаа суд̣̇д̇хамад̇д̇игаа аббабаасаан̣аа аббасагкараа аббагаталаа аббамарумб̣аа аббаваалугаа язбхуяязнабам̣сугаа язбхуяязнамад̇д̇игаа, ад̣̇ад̣дхааби вужжад̇и ‘‘ж̇аад̇аа бат̇авий’’д̇и. яоби бам̣субун̃ж̇о ваа мад̇д̇игаабун̃ж̇о ваа ад̇ирзгажаад̇умаасам̣ овадто, соби вужжад̇и ‘‘ж̇аад̇аа бат̇авий’’д̇и. аж̇аад̇аа наама бат̇авий суд̣̇д̇хабаасаан̣аа суд̣̇д̇хасагкараа суд̣̇д̇хагаталаа суд̣̇д̇хамарумб̣аа суд̣̇д̇хаваалугаа аббабам̣сугаа аббамад̇д̇игаа язбхуяязнабаасаан̣аа язбхуяязнасагкараа язбхуяязнагаталаа язбхуяязнамарумб̣аа язбхуяязнаваалугаа, д̣̇ад̣дхааби вужжад̇и ‘‘аж̇аад̇аа бат̇авий’’д̇и. яоби бам̣субун̃ж̇о ваа мад̇д̇игаабун̃ж̇о ваа омагажаад̇умаасам̣ овадто, соби вужжад̇и ‘‘аж̇аад̇аа бат̇авий’’д̇и (баажи. 84-86).
72.Pathavīti dve pathavī jātā ca pathavī ajātā ca pathavīti. Tattha jātā nāma pathavī suddhapaṃsukā suddhamattikā appapāsāṇā appasakkharā appakaṭhalā appamarumbā appavālukā yebhuyyenapaṃsukā yebhuyyenamattikā, adaḍḍhāpi vuccati ‘‘jātā pathavī’’ti. Yopi paṃsupuñjo vā mattikāpuñjo vā atirekacātumāsaṃ ovaṭṭho, sopi vuccati ‘‘jātā pathavī’’ti. Ajātā nāma pathavī suddhapāsāṇā suddhasakkharā suddhakaṭhalā suddhamarumbā suddhavālukā appapaṃsukā appamattikā yebhuyyenapāsāṇā yebhuyyenasakkharā yebhuyyenakaṭhalā yebhuyyenamarumbā yebhuyyenavālukā, daḍḍhāpi vuccati ‘‘ajātā pathavī’’ti. Yopi paṃsupuñjo vā mattikāpuñjo vā omakacātumāsaṃ ovaṭṭho, sopi vuccati ‘‘ajātā pathavī’’ti (pāci. 84-86).
д̇ад̇т̇а ж̇аад̇абат̇авим̣ кан̣анд̇асса кан̣аабзнд̇асса ваа баажид̇д̇ияам̣. д̇ад̇рааяам̣ винижчаяо (баажи. адта. 86) – сажз саяам̣ кан̣ад̇и, бахаарз бахаарз баажид̇д̇ияам̣. сажз ан̃н̃ам̣ аан̣аабзд̇и, сагим̣ аан̣ад̇д̇о сажзби сагалад̣̇ивасам̣ кан̣ад̇и, аан̣аабагасса згамзва баажид̇д̇ияам̣. сажз бана гусийд̇о ход̇и, бунаббунам̣ аан̣аабзд̇аб̣б̣о, д̇ам̣ аан̣аабзд̇ваа кан̣аабзнд̇асса ваажааяа ваажааяа баажид̇д̇ияам̣. сажз ‘‘богкаран̣им̣ кан̣аахий’’д̇и вад̣̇ад̇и, ваддад̇и. кад̇ааязва хи богкаран̣ий наама ход̇и. д̇асмаа аяам̣ габбияавохааро. зса наяо ‘‘ваабим̣ д̇ал̣аагам̣ ааваадам̣ кан̣аа’’д̇иаад̣̇ийсуби. ‘‘имам̣ огаасам̣ кан̣а, имасмим̣ огаасз богкаран̣им̣ кан̣аа’’д̇и вад̇д̇ум̣ бана на ваддад̇и. ‘‘ганд̣̇ам̣ кан̣а, муулам̣ кан̣аа’’д̇и анияамзд̇ваа вад̇д̇ум̣ ваддад̇и, ‘‘имам̣ валлим̣ кан̣а, имасмим̣ огаасз ганд̣̇ам̣ ваа муулам̣ ваа кан̣аа’’д̇и вад̇д̇ум̣ на ваддад̇и.
Tattha jātapathaviṃ khaṇantassa khaṇāpentassa vā pācittiyaṃ. Tatrāyaṃ vinicchayo (pāci. aṭṭha. 86) – sace sayaṃ khaṇati, pahāre pahāre pācittiyaṃ. Sace aññaṃ āṇāpeti, sakiṃ āṇatto sacepi sakaladivasaṃ khaṇati, āṇāpakassa ekameva pācittiyaṃ. Sace pana kusīto hoti, punappunaṃ āṇāpetabbo, taṃ āṇāpetvā khaṇāpentassa vācāya vācāya pācittiyaṃ. Sace ‘‘pokkharaṇiṃ khaṇāhī’’ti vadati, vaṭṭati. Khatāyeva hi pokkharaṇī nāma hoti. Tasmā ayaṃ kappiyavohāro. Esa nayo ‘‘vāpiṃ taḷākaṃ āvāṭaṃ khaṇā’’tiādīsupi. ‘‘Imaṃ okāsaṃ khaṇa, imasmiṃ okāse pokkharaṇiṃ khaṇā’’ti vattuṃ pana na vaṭṭati. ‘‘Kandaṃ khaṇa, mūlaṃ khaṇā’’ti aniyametvā vattuṃ vaṭṭati, ‘‘imaṃ valliṃ khaṇa, imasmiṃ okāse kandaṃ vā mūlaṃ vā khaṇā’’ti vattuṃ na vaṭṭati.
73. богкаран̣им̣ сод̇хзнд̇зхи яо гудзхи уссин̃жид̇ум̣ саггаа ход̇и д̇анугагад̣̇д̣̇амо, д̇ам̣ абанзд̇ум̣ ваддад̇и, б̣ахало на ваддад̇и. аад̇абзна сугкагад̣̇д̣̇амо палад̇и, д̇ад̇ра яо хздтаа бат̇авияаа асамб̣анд̇хо, д̇амзва абанзд̇ум̣ ваддад̇и. уд̣̇агзна г̇ад̇адтаанз уд̣̇агабаббадаго наама ход̇и, ваад̇абахаарзна жалад̇и, д̇ам̣ абанзд̇ум̣ ваддад̇и. богкаран̣ийаад̣̇ийнам̣ д̇адам̣ бхиж̇ж̇ид̇ваа уд̣̇агасааманд̇аа бад̇ад̇и. сажз омагажаад̇умаасам̣ овадтам̣, чинд̣̇ид̇ум̣ бхинд̣̇ид̇ум̣ ваа ваддад̇и, жаад̇умаасад̇о уд̣̇д̇хам̣ на ваддад̇и. сажз бана уд̣̇агзязва бад̇ад̇и, д̣̇звзна ад̇ирзгажаад̇умаасам̣ овадтзби уд̣̇агзязва уд̣̇агасса бад̇ид̇ад̇д̇аа ваддад̇и.
73. Pokkharaṇiṃ sodhentehi yo kuṭehi ussiñcituṃ sakkā hoti tanukakaddamo, taṃ apanetuṃ vaṭṭati, bahalo na vaṭṭati. Ātapena sukkhakaddamo phalati, tatra yo heṭṭhā pathaviyā asambandho, tameva apanetuṃ vaṭṭati. Udakena gataṭṭhāne udakapappaṭako nāma hoti, vātapahārena calati, taṃ apanetuṃ vaṭṭati. Pokkharaṇīādīnaṃ taṭaṃ bhijjitvā udakasāmantā patati. Sace omakacātumāsaṃ ovaṭṭhaṃ, chindituṃ bhindituṃ vā vaṭṭati, cātumāsato uddhaṃ na vaṭṭati. Sace pana udakeyeva patati, devena atirekacātumāsaṃ ovaṭṭhepi udakeyeva udakassa patitattā vaṭṭati.
баасаан̣абидтияам̣ сон̣д̣им̣ кан̣анд̇и, сажз д̇ад̇т̇а батамамзва сукумараж̇ам̣ бад̇ад̇и, д̇ам̣ д̣̇звзна овадтам̣ ход̇и, жаад̇умаасажжаязна агаббияабат̇авийсан̇кяам̣ г̇ажчад̇и. уд̣̇агз барияаад̣̇иннз сон̣д̣им̣ сод̇хзнд̇зхи вигобзд̇ум̣ на ваддад̇и. сажз батамамзва уд̣̇агзна буурад̇и, бажчаа раж̇ам̣ бад̇ад̇и, д̇ам̣ вигобзд̇ум̣ ваддад̇и. д̇ад̇т̇а хи д̣̇звз вассанд̇зби уд̣̇агзязва уд̣̇агам̣ бад̇ад̇и. бидтибаасаан̣з сукумараж̇ам̣ ход̇и, д̣̇звз пусааяанд̇з аллийяад̇и, д̇амби жаад̇умаасажжаязна вигобзд̇ум̣ на ваддад̇и. агад̇абаб̣бхаарз ваммиго удтид̇о ход̇и, яат̇аасукам̣ вигобзд̇ум̣ ваддад̇и. сажз аб̣бхогаасз удтахад̇и, омагажаад̇умаасам̣ овадтоязва ваддад̇и. ругкаад̣̇ийсу аарул̣хаубажигамад̇д̇игааяамби зсзва наяо. г̇ан̣д̣уббаад̣̇аг̇уут̇амуусигуггараг̇оган̣дагаад̣̇ийсуби зсзва наяо. г̇оган̣даго наама г̇аавийнам̣ куражчиннагад̣̇д̣̇амо вужжад̇и. сажз бана хздтимад̇алзна бхуумисамб̣анд̇хо ход̇и, згад̣̇ивасамби на ваддад̇и. гасид̇адтаанз нан̇г̇алажчиннамад̇д̇игаабин̣д̣ам̣ г̇ан̣ханд̇асса зсзва наяо.
Pāsāṇapiṭṭhiyaṃ soṇḍiṃ khaṇanti, sace tattha paṭhamameva sukhumarajaṃ patati, taṃ devena ovaṭṭhaṃ hoti, cātumāsaccayena akappiyapathavīsaṅkhyaṃ gacchati. Udake pariyādinne soṇḍiṃ sodhentehi vikopetuṃ na vaṭṭati. Sace paṭhamameva udakena pūrati, pacchā rajaṃ patati, taṃ vikopetuṃ vaṭṭati. Tattha hi deve vassantepi udakeyeva udakaṃ patati. Piṭṭhipāsāṇe sukhumarajaṃ hoti, deve phusāyante allīyati, tampi cātumāsaccayena vikopetuṃ na vaṭṭati. Akatapabbhāre vammiko uṭṭhito hoti, yathāsukhaṃ vikopetuṃ vaṭṭati. Sace abbhokāse uṭṭhahati, omakacātumāsaṃ ovaṭṭhoyeva vaṭṭati. Rukkhādīsu āruḷhaupacikamattikāyampi eseva nayo. Gaṇḍuppādagūthamūsikukkaragokaṇṭakādīsupi eseva nayo. Gokaṇṭako nāma gāvīnaṃ khuracchinnakaddamo vuccati. Sace pana heṭṭhimatalena bhūmisambandho hoti, ekadivasampi na vaṭṭati. Kasitaṭṭhāne naṅgalacchinnamattikāpiṇḍaṃ gaṇhantassa eseva nayo.
бураан̣асзнаасанам̣ ход̇и ажчад̣̇анам̣ ваа винадтажчад̣̇анам̣ ваа ад̇ирзгажаад̇умаасам̣ овадтам̣ ж̇аад̇абат̇авийсан̇кяамзва г̇ажчад̇и, д̇ад̇о авасзсам̣ чад̣̇анидтагам̣ ваа г̇обаанасийаад̣̇игам̣ убагаран̣ам̣ ваа ‘‘идтагам̣ г̇ан̣хаами, г̇обаанасим̣ бхид̇д̇ибаад̣̇ам̣ бад̣̇арад̇т̇аран̣ам̣ баасаад̣̇ад̇т̇амбхам̣ г̇ан̣хаамий’’д̇и сан̃н̃ааяа г̇ан̣хид̇ум̣ ваддад̇и, д̇зна сад̣̇д̇хим̣ мад̇д̇игаа бад̇ад̇и, анаабад̇д̇и, бхид̇д̇имад̇д̇игам̣ г̇ан̣ханд̇асса бана аабад̇д̇и. сажз яаа яаа ад̇инд̇аа, д̇ам̣ д̇ам̣ г̇ан̣хаад̇и, анаабад̇д̇и. анд̇ог̇зхз мад̇д̇игаабун̃ж̇о ход̇и, д̇асмим̣ згад̣̇ивасам̣ овадтз г̇зхам̣ чаад̣̇знд̇и. сажз саб̣б̣о д̇инд̇о, жаад̇умаасажжаязна ж̇аад̇абат̇авийязва. ат̇асса убарибхааг̇оязва д̇инд̇о, анд̇о ад̇инд̇о, яад̇д̇агам̣ д̇инд̇ам̣, д̇ам̣ габбияагаарагзхи габбияавохаарзна абанаамзд̇ваа сзсам̣ яат̇аасукам̣ вал̣ан̃ж̇зд̇ум̣ ваддад̇и уд̣̇агзна д̇змид̇ад̇д̇аа. згааб̣ад̣̇д̇хааязва хи ж̇аад̇абат̇авий ход̇и, на ид̇араад̇и. аб̣бхогаасз мад̇д̇игаабаагааро ход̇и, ад̇ирзгажаад̇умаасам̣ овадто ж̇аад̇абат̇авийсан̇кяам̣ г̇ажчад̇и, д̇ад̇т̇а лаг̇г̇абам̣сум̣ бана аллахад̇т̇зна чубид̇ваа г̇ахзд̇ум̣ ваддад̇и. сажз идтагабаагааро ход̇и, язбхуяязнагаталадтаанз д̇идтад̇и, яат̇аасукам̣ вигобзд̇ум̣ ваддад̇и. аб̣бхогаасз тид̇аман̣д̣абад̇т̇амбхам̣ ид̇о жид̇о жа сан̃жаалзд̇ваа бат̇авим̣ вигобзнд̇зна г̇ахзд̇ум̣ на ваддад̇и, уж̇угамзва уд̣̇д̇харид̇ум̣ ваддад̇и. ан̃н̃амби сугкаругкам̣ сугкакаан̣угам̣ ваа г̇ан̣ханд̇асса зсзва наяо.
Purāṇasenāsanaṃ hoti acchadanaṃ vā vinaṭṭhacchadanaṃ vā atirekacātumāsaṃ ovaṭṭhaṃ jātapathavīsaṅkhyameva gacchati, tato avasesaṃ chadaniṭṭhakaṃ vā gopānasīādikaṃ upakaraṇaṃ vā ‘‘iṭṭhakaṃ gaṇhāmi, gopānasiṃ bhittipādaṃ padarattharaṇaṃ pāsādatthambhaṃ gaṇhāmī’’ti saññāya gaṇhituṃ vaṭṭati, tena saddhiṃ mattikā patati, anāpatti, bhittimattikaṃ gaṇhantassa pana āpatti. Sace yā yā atintā, taṃ taṃ gaṇhāti, anāpatti. Antogehe mattikāpuñjo hoti, tasmiṃ ekadivasaṃ ovaṭṭhe gehaṃ chādenti. Sace sabbo tinto, cātumāsaccayena jātapathavīyeva. Athassa uparibhāgoyeva tinto, anto atinto, yattakaṃ tintaṃ, taṃ kappiyakārakehi kappiyavohārena apanāmetvā sesaṃ yathāsukhaṃ vaḷañjetuṃ vaṭṭati udakena temitattā. Ekābaddhāyeva hi jātapathavī hoti, na itarāti. Abbhokāse mattikāpākāro hoti, atirekacātumāsaṃ ovaṭṭho jātapathavīsaṅkhyaṃ gacchati, tattha laggapaṃsuṃ pana allahatthena chupitvā gahetuṃ vaṭṭati. Sace iṭṭhakapākāro hoti, yebhuyyenakaṭhalaṭṭhāne tiṭṭhati, yathāsukhaṃ vikopetuṃ vaṭṭati. Abbhokāse ṭhitamaṇḍapatthambhaṃ ito cito ca sañcāletvā pathaviṃ vikopentena gahetuṃ na vaṭṭati, ujukameva uddharituṃ vaṭṭati. Aññampi sukkharukkhaṃ sukkhakhāṇukaṃ vā gaṇhantassa eseva nayo.
74. навагаммад̇т̇ам̣ т̇амбхам̣ ваа баасаан̣ам̣ ваа ругкам̣ ваа д̣̇ан̣д̣агзхи ужжаалзд̇ваа баваддзнд̇аа г̇ажчанд̇и , д̇ад̇т̇а ж̇аад̇абат̇авий бхиж̇ж̇ад̇и, сажз суд̣̇д̇хажид̇д̇аа баваддзнд̇и, анаабад̇д̇и. ат̇а бана д̇зна абад̣̇зсзна бат̇авим̣ бхинд̣̇ид̇угаамааязва хонд̇и, аабад̇д̇и. саакаад̣̇ийни гад̣дханд̇аанамби бат̇авияам̣ д̣̇аарууни паалзнд̇аанамби зсзва наяо. бат̇авияам̣ адтисуужиган̣дагаад̣̇ийсуби яам̣ гин̃жи аагодзд̇ум̣ ваа бавзсзд̇ум̣ ваа на ваддад̇и, ‘‘бассаавад̇хаарааяа взг̇зна бат̇авим̣ бхинд̣̇иссаамий’’д̇и звам̣ бассаавамби гаад̇ум̣ на ваддад̇и. гаронд̇асса бхиж̇ж̇ад̇и, аабад̇д̇и, ‘‘висамабхуумим̣ самам̣ гариссаамий’’д̇и саммаж̇ж̇анияаа гхам̣сид̇умби на ваддад̇и. вад̇д̇асийсзнзва хи саммаж̇ж̇ид̇аб̣б̣ам̣. гзжи гад̇д̇араяадтияаа бхуумим̣ годдзнд̇и, баад̣̇ан̇г̇удтагзна виликанд̇и, ‘‘жан̇гамид̇адтаанам̣ д̣̇ассзссаамаа’’д̇и бунаббунам̣ бхуумим̣ бхинд̣̇анд̇аа жан̇гаманд̇и, саб̣б̣ам̣ на ваддад̇и, вийрияасамбаг̇г̇ахад̇т̇ам̣ бана саман̣ад̇хаммам̣ гаронд̇зна суд̣̇д̇хажид̇д̇зна жан̇гамид̇ум̣ ваддад̇и. ‘‘хад̇т̇ам̣ ковиссаамаа’’д̇и бат̇авияам̣ гхам̣санд̇и, на ваддад̇и, агхам̣санд̇зна бана аллахад̇т̇ам̣ бат̇авияам̣ табзд̇ваа раж̇ам̣ г̇ахзд̇ум̣ ваддад̇и.
74. Navakammatthaṃ thambhaṃ vā pāsāṇaṃ vā rukkhaṃ vā daṇḍakehi uccāletvā pavaṭṭentā gacchanti , tattha jātapathavī bhijjati, sace suddhacittā pavaṭṭenti, anāpatti. Atha pana tena apadesena pathaviṃ bhinditukāmāyeva honti, āpatti. Sākhādīni kaḍḍhantānampi pathaviyaṃ dārūni phālentānampi eseva nayo. Pathaviyaṃ aṭṭhisūcikaṇṭakādīsupi yaṃ kiñci ākoṭetuṃ vā pavesetuṃ vā na vaṭṭati, ‘‘passāvadhārāya vegena pathaviṃ bhindissāmī’’ti evaṃ passāvampi kātuṃ na vaṭṭati. Karontassa bhijjati, āpatti, ‘‘visamabhūmiṃ samaṃ karissāmī’’ti sammajjaniyā ghaṃsitumpi na vaṭṭati. Vattasīseneva hi sammajjitabbaṃ. Keci kattarayaṭṭhiyā bhūmiṃ koṭṭenti, pādaṅguṭṭhakena vilikhanti, ‘‘caṅkamitaṭṭhānaṃ dassessāmā’’ti punappunaṃ bhūmiṃ bhindantā caṅkamanti, sabbaṃ na vaṭṭati, vīriyasampaggahatthaṃ pana samaṇadhammaṃ karontena suddhacittena caṅkamituṃ vaṭṭati. ‘‘Hatthaṃ khovissāmā’’ti pathaviyaṃ ghaṃsanti, na vaṭṭati, aghaṃsantena pana allahatthaṃ pathaviyaṃ ṭhapetvā rajaṃ gahetuṃ vaṭṭati.
гзжи ган̣д̣угажчуаад̣̇ийхи ааб̣аад̇хигаа чиннад̇адаад̣̇ийсу ан̇г̇абажжан̇г̇аани гхам̣санд̇и, на ваддад̇и. ж̇аад̇абат̇авим̣ д̣̇ахад̇и ваа д̣̇ахаабзд̇и ваа, баажид̇д̇ияам̣, анд̇амасо бад̇д̇амби бажанд̇о яад̇д̇агзсу таанзсу аг̇г̇им̣ д̣̇зд̇и ваа д̣̇аабзд̇и ваа, д̇ад̇д̇агаани баажид̇д̇ияаани, д̇асмаа бад̇д̇ам̣ бажанд̇знаби буб̣б̣з баггадтаанзязва бажид̇аб̣б̣о. ад̣̇ад̣дхааяа бат̇авияаа аг̇г̇им̣ табзд̇ум̣ на ваддад̇и, бад̇д̇абажанагабааласса бана убари аг̇г̇им̣ табзд̇ум̣ ваддад̇и. д̣̇ааруунам̣ убари табзд̇и, со аг̇г̇и д̇аани д̣̇аханд̇о г̇анд̇ваа бат̇авим̣ д̣̇ахад̇и, на ваддад̇и. идтагагабаалаад̣̇ийсуби зсзва наяо. д̇ад̇рааби хи идтагаад̣̇ийнам̣язва убари табзд̇ум̣ ваддад̇и. гасмаа? д̇зсам̣ анубаад̣̇аанад̇д̇аа. на хи д̇аани аг̇г̇исса убаад̣̇аанасан̇кяам̣ г̇ажчанд̇и, сугкакаан̣усугкаругкаад̣̇ийсуби аг̇г̇им̣ д̣̇аад̇ум̣ на ваддад̇и. сажз бана ‘‘бат̇авим̣ аббад̇д̇амзва ниб̣б̣аабзд̇ваа г̇амиссаамий’’д̇и д̣̇зд̇и, ваддад̇и. бажчаа ниб̣б̣аабзд̇ум̣ на саггод̇и, ависаяад̇д̇аа анаабад̇д̇и. д̇ин̣уггам̣ г̇ахзд̇ваа г̇ажчанд̇о хад̇т̇з д̣аяхамаанз бхуумияам̣ баад̇зд̇и, анаабад̇д̇и. бад̇ид̇адтаанзязва убаад̣̇аанам̣ д̣̇ад̇ваа аг̇г̇им̣ гаад̇ум̣ ваддад̇и. д̣̇ад̣дхабат̇авияаа жа яад̇д̇агам̣ таанам̣ усумааяа ануг̇ад̇ам̣, саб̣б̣ам̣ вигобзд̇ум̣ ваддад̇и.
Keci kaṇḍukacchuādīhi ābādhikā chinnataṭādīsu aṅgapaccaṅgāni ghaṃsanti, na vaṭṭati. Jātapathaviṃ dahati vā dahāpeti vā, pācittiyaṃ, antamaso pattampi pacanto yattakesu ṭhānesu aggiṃ deti vā dāpeti vā, tattakāni pācittiyāni, tasmā pattaṃ pacantenapi pubbe pakkaṭṭhāneyeva pacitabbo. Adaḍḍhāya pathaviyā aggiṃ ṭhapetuṃ na vaṭṭati, pattapacanakapālassa pana upari aggiṃ ṭhapetuṃ vaṭṭati. Dārūnaṃ upari ṭhapeti, so aggi tāni dahanto gantvā pathaviṃ dahati, na vaṭṭati. Iṭṭhakakapālādīsupi eseva nayo. Tatrāpi hi iṭṭhakādīnaṃyeva upari ṭhapetuṃ vaṭṭati. Kasmā? Tesaṃ anupādānattā. Na hi tāni aggissa upādānasaṅkhyaṃ gacchanti, sukkhakhāṇusukkharukkhādīsupi aggiṃ dātuṃ na vaṭṭati. Sace pana ‘‘pathaviṃ appattameva nibbāpetvā gamissāmī’’ti deti, vaṭṭati. Pacchā nibbāpetuṃ na sakkoti, avisayattā anāpatti. Tiṇukkaṃ gahetvā gacchanto hatthe ḍayhamāne bhūmiyaṃ pāteti, anāpatti. Patitaṭṭhāneyeva upādānaṃ datvā aggiṃ kātuṃ vaṭṭati. Daḍḍhapathaviyā ca yattakaṃ ṭhānaṃ usumāya anugataṃ, sabbaṃ vikopetuṃ vaṭṭati.
яо бана аж̇аананаго бхигку аран̣исахид̇зна аг̇г̇им̣ ниб̣б̣ад̇д̇зд̇ваа хад̇т̇зна угкибид̇ваа ‘‘гим̣ гаромий’’д̇и вад̣̇ад̇и, ‘‘ж̇аалзхий’’д̇и вад̇д̇аб̣б̣о. ‘‘хад̇т̇о д̣аяхад̇ий’’д̇и вад̣̇ад̇и, ‘‘яат̇аа на д̣аяхад̇и, д̇ат̇аа гарохий’’д̇и вад̇д̇аб̣б̣о. ‘‘бхуумияам̣ баад̇зхий’’д̇и бана на вад̇д̇аб̣б̣о. сажз хад̇т̇з д̣аяхамаанз баад̇зд̇и, ‘‘бат̇авим̣ д̣̇ахиссаамий’’д̇и абаад̇ид̇ад̇д̇аа анаабад̇д̇и, бад̇ид̇адтаанз бана аг̇г̇им̣ гаад̇ум̣ ваддад̇и. ‘‘имасса т̇амбхасса ааваадам̣ ж̇аана, махаамад̇д̇игам̣ ж̇аана, т̇усамад̇д̇игам̣ ж̇аана, махаамад̇д̇игам̣ д̣̇зхи, т̇усамад̇д̇игам̣ д̣̇зхи, мад̇д̇игам̣ аахара, бам̣сум̣ аахара, мад̇д̇игааяа ад̇т̇о, бам̣сунаа ад̇т̇о , имасса т̇амбхасса ааваадам̣ габбияам̣ гарохи, имам̣ мад̇д̇игам̣ габбияам̣ гарохи, имам̣ бам̣сум̣ габбияам̣ гарохий’’д̇и звам̣ габбияавохаарзна яам̣ гин̃жи гаараабзд̇ум̣ ваддад̇и. ан̃н̃авихид̇о гзнажи сад̣̇д̇хим̣ гин̃жи гат̇знд̇о баад̣̇ан̇г̇удтагзна гад̇д̇араяадтияаа ваа бат̇авим̣ виликанд̇о д̇идтад̇и, звам̣ асад̇ияаа виликанд̇асса бхинд̣̇анд̇асса ваа анаабад̇д̇и.
Yo pana ajānanako bhikkhu araṇisahitena aggiṃ nibbattetvā hatthena ukkhipitvā ‘‘kiṃ karomī’’ti vadati, ‘‘jālehī’’ti vattabbo. ‘‘Hattho ḍayhatī’’ti vadati, ‘‘yathā na ḍayhati, tathā karohī’’ti vattabbo. ‘‘Bhūmiyaṃ pātehī’’ti pana na vattabbo. Sace hatthe ḍayhamāne pāteti, ‘‘pathaviṃ dahissāmī’’ti apātitattā anāpatti, patitaṭṭhāne pana aggiṃ kātuṃ vaṭṭati. ‘‘Imassa thambhassa āvāṭaṃ jāna, mahāmattikaṃ jāna, thusamattikaṃ jāna, mahāmattikaṃ dehi, thusamattikaṃ dehi, mattikaṃ āhara, paṃsuṃ āhara, mattikāya attho, paṃsunā attho , imassa thambhassa āvāṭaṃ kappiyaṃ karohi, imaṃ mattikaṃ kappiyaṃ karohi, imaṃ paṃsuṃ kappiyaṃ karohī’’ti evaṃ kappiyavohārena yaṃ kiñci kārāpetuṃ vaṭṭati. Aññavihito kenaci saddhiṃ kiñci kathento pādaṅguṭṭhakena kattarayaṭṭhiyā vā pathaviṃ vilikhanto tiṭṭhati, evaṃ asatiyā vilikhantassa bhindantassa vā anāpatti.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
бат̇авийкан̣анавинижчаяагат̇аа самад̇д̇аа.
Pathavīkhaṇanavinicchayakathā samattā.
