| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. පථවීසුත්‌තං
5. Pathavīsuttaṃ
78. සාවත්‌ථියං විහරති…පෙ.… ‘‘සෙය්‍යථාපි , භික්‌ඛවෙ, පුරිසො මහාපථවියා සත්‌ත කොලට්‌ඨිමත්‌තියො ගුළිකා උපනික්‌ඛිපෙය්‍ය. තං කිං මඤ්‌ඤථ, භික්‌ඛවෙ, කතමං නු ඛො බහුතරං, යා වා සත්‌ත කොලට්‌ඨිමත්‌තියො ගුළිකා උපනික්‌ඛිත්‌තා අයං 1 වා මහාපථවී’’ති?
78. Sāvatthiyaṃ viharati…pe… ‘‘seyyathāpi , bhikkhave, puriso mahāpathaviyā satta kolaṭṭhimattiyo guḷikā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ, yā vā satta kolaṭṭhimattiyo guḷikā upanikkhittā ayaṃ 2 vā mahāpathavī’’ti?
‘‘එතදෙව, භන්‌තෙ, බහුතරං, යදිදං මහාපථවී; අප්‌පමත්‌තිකා සත්‌ත කොලට්‌ඨිමත්‌තියො ගුළිකා උපනික්‌ඛිත්‌තා. නෙව සතිමං කලං උපෙන්‌ති න සහස්‌සිමං කලං උපෙන්‌ති න සතසහස්‌සිමං කලං උපෙන්‌ති මහාපථවිං උපනිධාය සත්‌ත කොලට්‌ඨිමත්‌තියො ගුළිකා උපනික්‌ඛිත්‌තා’’ති. ‘‘එවමෙව ඛො, භික්‌ඛවෙ…පෙ.… ධම්‌මචක්‌ඛුපටිලාභො’’ති. පඤ්‌චමං.
‘‘Etadeva, bhante, bahutaraṃ, yadidaṃ mahāpathavī; appamattikā satta kolaṭṭhimattiyo guḷikā upanikkhittā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāpathaviṃ upanidhāya satta kolaṭṭhimattiyo guḷikā upanikkhittā’’ti. ‘‘Evameva kho, bhikkhave…pe… dhammacakkhupaṭilābho’’ti. Pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. පථවීසුත්‌තාදිවණ්‌ණනා • 5. Pathavīsuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පථවීසුත්‌තාදිවණ්‌ණනා • 4. Pathavīsuttādivaṇṇanā
