| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
9. පාථෙය්‍යසුත්‌තවණ්‌ණනා
9. Pātheyyasuttavaṇṇanā
79. සද්‌ධා බන්‌ධති පාථෙය්‍යන්‌ති සද්‌ධා නාම සත්‌තස්‌ස මරණවසෙන මහාපථං සංවජතො මහාකන්‌තාරං පටිපජ්‌ජතො මහාවිදුග්‌ගං පක්‌ඛන්‌දතො පාථෙය්‍යපුටං බන්‌ධති සම්‌බලං සජ්‌ජෙති. කථන්‌ති ආහ ‘‘සද්‌ධං උප්‌පාදෙත්‌වා’’තිආදි. එතං වුත්‌තන්‌ති ‘‘සද්‌ධා බන්‌ධති පාථෙය්‍ය’’න්‌ති එතං ගාථාපදං වුත්‌තං භගවතා. සිරීති කතපුඤ්‌ඤෙහි සෙවීයති තෙහි පටිලභීයතීති සිරී. ඉස්‌සරියං විභවො. ආසයිතබ්‌බතො ආසයො, වසනට්‌ඨානං නිකෙතන්‌ති අත්‌ථො. පරිකඩ්‌ඪතීති ඉච්‌ඡාවසිකං පුග්‌ගලං තත්‌ථ තත්‌ථ උපකඩ්‌ඪති.
79.Saddhā bandhati pātheyyanti saddhā nāma sattassa maraṇavasena mahāpathaṃ saṃvajato mahākantāraṃ paṭipajjato mahāviduggaṃ pakkhandato pātheyyapuṭaṃ bandhati sambalaṃ sajjeti. Kathanti āha ‘‘saddhaṃ uppādetvā’’tiādi. Etaṃ vuttanti ‘‘saddhā bandhati pātheyya’’nti etaṃ gāthāpadaṃ vuttaṃ bhagavatā. Sirīti katapuññehi sevīyati tehi paṭilabhīyatīti sirī. Issariyaṃ vibhavo. Āsayitabbato āsayo, vasanaṭṭhānaṃ niketanti attho. Parikaḍḍhatīti icchāvasikaṃ puggalaṃ tattha tattha upakaḍḍhati.
පාථෙය්‍යසුත්‌තවණ්‌ණනා නිට්‌ඨිතා.
Pātheyyasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. පාථෙය්‍යසුත්‌තං • 9. Pātheyyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. පාථෙය්‍යසුත්‌තවණ්‌ණනා • 9. Pātheyyasuttavaṇṇanā
