Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

намо д̇асса бхаг̇авад̇о арахад̇о саммаасамб̣уд̣̇д̇хасса

Namo tassa bhagavato arahato sammāsambuddhassa

д̣̇ийгханигааяо

Dīghanikāyo

баат̇игаваг̇г̇абаал̣и

Pāthikavaggapāḷi

1. баат̇игасуд̇д̇ам̣

1. Pāthikasuttaṃ

сунагкад̇д̇авад̇т̇у

Sunakkhattavatthu

1. звам̣ мз суд̇ам̣ – згам̣ самаяам̣ бхаг̇аваа маллзсу вихарад̇и анубияам̣ наама ¹ маллаанам̣ ниг̇амо. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа анубияам̣ бин̣д̣ааяа баависи. ат̇а ко бхаг̇авад̇о зд̇ад̣̇ахоси – ‘‘ад̇иббаг̇о ко д̇аава анубияааяам̣ ² бин̣д̣ааяа жарид̇ум̣. яам̣нуунаахам̣ язна бхаг̇г̇аваг̇од̇д̇асса бариб̣б̣ааж̇агасса аараамо, язна бхаг̇г̇аваг̇од̇д̇о бариб̣б̣ааж̇аго д̇знубасан̇гамзяяа’’нд̇и.

1. Evaṃ me sutaṃ – ekaṃ samayaṃ bhagavā mallesu viharati anupiyaṃ nāma ³ mallānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya anupiyaṃ piṇḍāya pāvisi. Atha kho bhagavato etadahosi – ‘‘atippago kho tāva anupiyāyaṃ ⁴ piṇḍāya carituṃ. Yaṃnūnāhaṃ yena bhaggavagottassa paribbājakassa ārāmo, yena bhaggavagotto paribbājako tenupasaṅkameyya’’nti.

2. ат̇а ко бхаг̇аваа язна бхаг̇г̇аваг̇од̇д̇асса бариб̣б̣ааж̇агасса аараамо, язна бхаг̇г̇аваг̇од̇д̇о бариб̣б̣ааж̇аго д̇знубасан̇гами. ат̇а ко бхаг̇г̇аваг̇од̇д̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘зд̇у ко, бханд̇з, бхаг̇аваа. свааг̇ад̇ам̣, бханд̇з, бхаг̇авад̇о. жирассам̣ ко, бханд̇з, бхаг̇аваа имам̣ барияааяамагааси яад̣̇ид̣̇ам̣ ид̇хааг̇аманааяа. нисийд̣̇ад̇у, бханд̇з, бхаг̇аваа, ид̣̇амаасанам̣ бан̃н̃ад̇д̇а’’нд̇и. нисийд̣̇и бхаг̇аваа бан̃н̃ад̇д̇з аасанз. бхаг̇г̇аваг̇од̇д̇оби ко бариб̣б̣ааж̇аго ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко бхаг̇г̇аваг̇од̇д̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘буримаани, бханд̇з, д̣̇ивасаани буримад̇араани сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ зд̇ад̣̇авожа – ‘бажжагкаад̇о д̣̇аани маяаа, бхаг̇г̇ава, бхаг̇аваа. на д̣̇аанаахам̣ бхаг̇аванд̇ам̣ уд̣̇д̣̇исса вихараамий’д̇и. гажжзд̇ам̣, бханд̇з, д̇ат̇зва, яат̇аа сунагкад̇д̇о лижчавибуд̇д̇о аважаа’’д̇и? ‘‘д̇ат̇зва ко зд̇ам̣, бхаг̇г̇ава, яат̇аа сунагкад̇д̇о лижчавибуд̇д̇о аважа’’.

2. Atha kho bhagavā yena bhaggavagottassa paribbājakassa ārāmo, yena bhaggavagotto paribbājako tenupasaṅkami. Atha kho bhaggavagotto paribbājako bhagavantaṃ etadavoca – ‘‘etu kho, bhante, bhagavā. Svāgataṃ, bhante, bhagavato. Cirassaṃ kho, bhante, bhagavā imaṃ pariyāyamakāsi yadidaṃ idhāgamanāya. Nisīdatu, bhante, bhagavā, idamāsanaṃ paññatta’’nti. Nisīdi bhagavā paññatte āsane. Bhaggavagottopi kho paribbājako aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho bhaggavagotto paribbājako bhagavantaṃ etadavoca – ‘‘purimāni, bhante, divasāni purimatarāni sunakkhatto licchaviputto yenāhaṃ tenupasaṅkami; upasaṅkamitvā maṃ etadavoca – ‘paccakkhāto dāni mayā, bhaggava, bhagavā. Na dānāhaṃ bhagavantaṃ uddissa viharāmī’ti. Kaccetaṃ, bhante, tatheva, yathā sunakkhatto licchaviputto avacā’’ti? ‘‘Tatheva kho etaṃ, bhaggava, yathā sunakkhatto licchaviputto avaca’’.

3. буримаани, бхаг̇г̇ава, д̣̇ивасаани буримад̇араани сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко, бхаг̇г̇ава, сунагкад̇д̇о лижчавибуд̇д̇о мам̣ зд̇ад̣̇авожа – ‘бажжагкаами д̣̇аанаахам̣, бханд̇з, бхаг̇аванд̇ам̣. на д̣̇аанаахам̣, бханд̇з, бхаг̇аванд̇ам̣ уд̣̇д̣̇исса вихариссаамий’д̇и. ‘звам̣ вуд̇д̇з, ахам̣, бхаг̇г̇ава, сунагкад̇д̇ам̣ лижчавибуд̇д̇ам̣ зд̇ад̣̇авожам̣ – ‘аби ну д̇аахам̣, сунагкад̇д̇а, звам̣ аважам̣, зхи д̇вам̣, сунагкад̇д̇а, мамам̣ уд̣̇д̣̇исса вихараахий’д̇и? ‘но хзд̇ам̣, бханд̇з’. ‘д̇вам̣ ваа бана мам̣ звам̣ аважа – ахам̣, бханд̇з, бхаг̇аванд̇ам̣ уд̣̇д̣̇исса вихариссаамий’д̇и? ‘но хзд̇ам̣, бханд̇з’. ‘ид̇и гира, сунагкад̇д̇а, нзваахам̣ д̇ам̣ вад̣̇аами – зхи д̇вам̣, сунагкад̇д̇а, мамам̣ уд̣̇д̣̇исса вихараахийд̇и. наби гира мам̣ д̇вам̣ вад̣̇зси – ахам̣, бханд̇з, бхаг̇аванд̇ам̣ уд̣̇д̣̇исса вихариссаамийд̇и. звам̣ санд̇з, могхабуриса, го санд̇о гам̣ бажжаажигкаси? басса, могхабуриса, яааван̃жа ⁵ д̇з ид̣̇ам̣ абарад̣̇д̇ха’нд̇и.

3. Purimāni, bhaggava, divasāni purimatarāni sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinno kho, bhaggava, sunakkhatto licchaviputto maṃ etadavoca – ‘paccakkhāmi dānāhaṃ, bhante, bhagavantaṃ. Na dānāhaṃ, bhante, bhagavantaṃ uddissa viharissāmī’ti. ‘Evaṃ vutte, ahaṃ, bhaggava, sunakkhattaṃ licchaviputtaṃ etadavocaṃ – ‘api nu tāhaṃ, sunakkhatta, evaṃ avacaṃ, ehi tvaṃ, sunakkhatta, mamaṃ uddissa viharāhī’ti? ‘No hetaṃ, bhante’. ‘Tvaṃ vā pana maṃ evaṃ avaca – ahaṃ, bhante, bhagavantaṃ uddissa viharissāmī’ti? ‘No hetaṃ, bhante’. ‘Iti kira, sunakkhatta, nevāhaṃ taṃ vadāmi – ehi tvaṃ, sunakkhatta, mamaṃ uddissa viharāhīti. Napi kira maṃ tvaṃ vadesi – ahaṃ, bhante, bhagavantaṃ uddissa viharissāmīti. Evaṃ sante, moghapurisa, ko santo kaṃ paccācikkhasi? Passa, moghapurisa, yāvañca ⁶ te idaṃ aparaddha’nti.

4. ‘на хи бана мз, бханд̇з, бхаг̇аваа уд̇д̇аримануссад̇хаммаа ид̣̇д̇хибаадихаарияам̣ гарод̇ий’д̇и. ‘аби ну д̇аахам̣, сунагкад̇д̇а, звам̣ аважам̣ – зхи д̇вам̣, сунагкад̇д̇а, мамам̣ уд̣̇д̣̇исса вихараахи, ахам̣ д̇з уд̇д̇аримануссад̇хаммаа ид̣̇д̇хибаадихаарияам̣ гариссаамий’д̇и? ‘но хзд̇ам̣, бханд̇з’. ‘д̇вам̣ ваа бана мам̣ звам̣ аважа – ахам̣, бханд̇з, бхаг̇аванд̇ам̣ уд̣̇д̣̇исса вихариссаами, бхаг̇аваа мз уд̇д̇аримануссад̇хаммаа ид̣̇д̇хибаадихаарияам̣ гариссад̇ий’д̇и? ‘но хзд̇ам̣, бханд̇з’. ‘ид̇и гира, сунагкад̇д̇а, нзваахам̣ д̇ам̣ вад̣̇аами – зхи д̇вам̣, сунагкад̇д̇а, мамам̣ уд̣̇д̣̇исса вихараахи, ахам̣ д̇з уд̇д̇аримануссад̇хаммаа ид̣̇д̇хибаадихаарияам̣ гариссаамий’д̇и; наби гира мам̣ д̇вам̣ вад̣̇зси – ахам̣, бханд̇з, бхаг̇аванд̇ам̣ уд̣̇д̣̇исса вихариссаами, бхаг̇аваа мз уд̇д̇аримануссад̇хаммаа ид̣̇д̇хибаадихаарияам̣ гариссад̇ий’д̇и. звам̣ санд̇з, могхабуриса , го санд̇о гам̣ бажжаажигкаси? д̇ам̣ гим̣ ман̃н̃аси, сунагкад̇д̇а, гад̇з ваа уд̇д̇аримануссад̇хаммаа ид̣̇д̇хибаадихаарияз агад̇з ваа уд̇д̇аримануссад̇хаммаа ид̣̇д̇хибаадихаарияз яассад̇т̇ааяа маяаа д̇хаммо д̣̇зсид̇о со нияяаад̇и д̇аггарасса саммаа д̣̇угкагкаяааяаа’д̇и? ‘гад̇з ваа, бханд̇з, уд̇д̇аримануссад̇хаммаа ид̣̇д̇хибаадихаарияз агад̇з ваа уд̇д̇аримануссад̇хаммаа ид̣̇д̇хибаадихаарияз яассад̇т̇ааяа бхаг̇авад̇аа д̇хаммо д̣̇зсид̇о со нияяаад̇и д̇аггарасса саммаа д̣̇угкагкаяааяаа’д̇и. ‘ид̇и гира, сунагкад̇д̇а, гад̇з ваа уд̇д̇аримануссад̇хаммаа ид̣̇д̇хибаадихаарияз, агад̇з ваа уд̇д̇аримануссад̇хаммаа ид̣̇д̇хибаадихаарияз, яассад̇т̇ааяа маяаа д̇хаммо д̣̇зсид̇о, со нияяаад̇и д̇аггарасса саммаа д̣̇угкагкаяааяа. д̇ад̇ра, сунагкад̇д̇а, гим̣ уд̇д̇аримануссад̇хаммаа ид̣̇д̇хибаадихаарияам̣ гад̇ам̣ гариссад̇и? басса, могхабуриса, яааван̃жа д̇з ид̣̇ам̣ абарад̣̇д̇ха’нд̇и.

4. ‘Na hi pana me, bhante, bhagavā uttarimanussadhammā iddhipāṭihāriyaṃ karotī’ti. ‘Api nu tāhaṃ, sunakkhatta, evaṃ avacaṃ – ehi tvaṃ, sunakkhatta, mamaṃ uddissa viharāhi, ahaṃ te uttarimanussadhammā iddhipāṭihāriyaṃ karissāmī’ti? ‘No hetaṃ, bhante’. ‘Tvaṃ vā pana maṃ evaṃ avaca – ahaṃ, bhante, bhagavantaṃ uddissa viharissāmi, bhagavā me uttarimanussadhammā iddhipāṭihāriyaṃ karissatī’ti? ‘No hetaṃ, bhante’. ‘Iti kira, sunakkhatta, nevāhaṃ taṃ vadāmi – ehi tvaṃ, sunakkhatta, mamaṃ uddissa viharāhi, ahaṃ te uttarimanussadhammā iddhipāṭihāriyaṃ karissāmī’ti; napi kira maṃ tvaṃ vadesi – ahaṃ, bhante, bhagavantaṃ uddissa viharissāmi, bhagavā me uttarimanussadhammā iddhipāṭihāriyaṃ karissatī’ti. Evaṃ sante, moghapurisa , ko santo kaṃ paccācikkhasi? Taṃ kiṃ maññasi, sunakkhatta, kate vā uttarimanussadhammā iddhipāṭihāriye akate vā uttarimanussadhammā iddhipāṭihāriye yassatthāya mayā dhammo desito so niyyāti takkarassa sammā dukkhakkhayāyā’ti? ‘Kate vā, bhante, uttarimanussadhammā iddhipāṭihāriye akate vā uttarimanussadhammā iddhipāṭihāriye yassatthāya bhagavatā dhammo desito so niyyāti takkarassa sammā dukkhakkhayāyā’ti. ‘Iti kira, sunakkhatta, kate vā uttarimanussadhammā iddhipāṭihāriye, akate vā uttarimanussadhammā iddhipāṭihāriye, yassatthāya mayā dhammo desito, so niyyāti takkarassa sammā dukkhakkhayāya. Tatra, sunakkhatta, kiṃ uttarimanussadhammā iddhipāṭihāriyaṃ kataṃ karissati? Passa, moghapurisa, yāvañca te idaṃ aparaddha’nti.

5. ‘на хи бана мз, бханд̇з, бхаг̇аваа аг̇г̇ан̃н̃ам̣ бан̃н̃абзд̇ий’д̇и ⁷? ‘аби ну д̇аахам̣, сунагкад̇д̇а, звам̣ аважам̣ – зхи д̇вам̣, сунагкад̇д̇а, мамам̣ уд̣̇д̣̇исса вихараахи, ахам̣ д̇з аг̇г̇ан̃н̃ам̣ бан̃н̃абзссаамий’д̇и? ‘но хзд̇ам̣, бханд̇з’. ‘д̇вам̣ ваа бана мам̣ звам̣ аважа – ахам̣, бханд̇з, бхаг̇аванд̇ам̣ уд̣̇д̣̇исса вихариссаами, бхаг̇аваа мз аг̇г̇ан̃н̃ам̣ бан̃н̃абзссад̇ий’д̇и? ‘но хзд̇ам̣, бханд̇з’. ‘ид̇и гира, сунагкад̇д̇а, нзваахам̣ д̇ам̣ вад̣̇аами – зхи д̇вам̣, сунагкад̇д̇а, мамам̣ уд̣̇д̣̇исса вихараахи, ахам̣ д̇з аг̇г̇ан̃н̃ам̣ бан̃н̃абзссаамийд̇и. наби гира мам̣ д̇вам̣ вад̣̇зси – ахам̣, бханд̇з, бхаг̇аванд̇ам̣ уд̣̇д̣̇исса вихариссаами, бхаг̇аваа мз аг̇г̇ан̃н̃ам̣ бан̃н̃абзссад̇ий’д̇и. звам̣ санд̇з, могхабуриса, го санд̇о гам̣ бажжаажигкаси? д̇ам̣ гим̣ ман̃н̃аси, сунагкад̇д̇а, бан̃н̃ад̇д̇з ваа аг̇г̇ан̃н̃з, абан̃н̃ад̇д̇з ваа аг̇г̇ан̃н̃з, яассад̇т̇ааяа маяаа д̇хаммо д̣̇зсид̇о, со нияяаад̇и д̇аггарасса саммаа д̣̇угкагкаяааяаа’д̇и? ‘бан̃н̃ад̇д̇з ваа, бханд̇з, аг̇г̇ан̃н̃з, абан̃н̃ад̇д̇з ваа аг̇г̇ан̃н̃з, яассад̇т̇ааяа бхаг̇авад̇аа д̇хаммо д̣̇зсид̇о, со нияяаад̇и д̇аггарасса саммаа д̣̇угкагкаяааяаа’д̇и. ‘ид̇и гира, сунагкад̇д̇а, бан̃н̃ад̇д̇з ваа аг̇г̇ан̃н̃з, абан̃н̃ад̇д̇з ваа аг̇г̇ан̃н̃з, яассад̇т̇ааяа маяаа д̇хаммо д̣̇зсид̇о, со нияяаад̇и д̇аггарасса саммаа д̣̇угкагкаяааяа. д̇ад̇ра, сунагкад̇д̇а, гим̣ аг̇г̇ан̃н̃ам̣ бан̃н̃ад̇д̇ам̣ гариссад̇и? басса, могхабуриса, яааван̃жа д̇з ид̣̇ам̣ абарад̣̇д̇хам̣’.

5. ‘Na hi pana me, bhante, bhagavā aggaññaṃ paññapetī’ti ⁸? ‘Api nu tāhaṃ, sunakkhatta, evaṃ avacaṃ – ehi tvaṃ, sunakkhatta, mamaṃ uddissa viharāhi, ahaṃ te aggaññaṃ paññapessāmī’ti? ‘No hetaṃ, bhante’. ‘Tvaṃ vā pana maṃ evaṃ avaca – ahaṃ, bhante, bhagavantaṃ uddissa viharissāmi, bhagavā me aggaññaṃ paññapessatī’ti? ‘No hetaṃ, bhante’. ‘Iti kira, sunakkhatta, nevāhaṃ taṃ vadāmi – ehi tvaṃ, sunakkhatta, mamaṃ uddissa viharāhi, ahaṃ te aggaññaṃ paññapessāmīti. Napi kira maṃ tvaṃ vadesi – ahaṃ, bhante, bhagavantaṃ uddissa viharissāmi, bhagavā me aggaññaṃ paññapessatī’ti. Evaṃ sante, moghapurisa, ko santo kaṃ paccācikkhasi? Taṃ kiṃ maññasi, sunakkhatta, paññatte vā aggaññe, apaññatte vā aggaññe, yassatthāya mayā dhammo desito, so niyyāti takkarassa sammā dukkhakkhayāyā’ti? ‘Paññatte vā, bhante, aggaññe, apaññatte vā aggaññe, yassatthāya bhagavatā dhammo desito, so niyyāti takkarassa sammā dukkhakkhayāyā’ti. ‘Iti kira, sunakkhatta, paññatte vā aggaññe, apaññatte vā aggaññe, yassatthāya mayā dhammo desito, so niyyāti takkarassa sammā dukkhakkhayāya. Tatra, sunakkhatta, kiṃ aggaññaṃ paññattaṃ karissati? Passa, moghapurisa, yāvañca te idaṃ aparaddhaṃ’.

6. ‘анзгабарияааязна ко д̇з, сунагкад̇д̇а, мама ван̣н̣о бхаасид̇о важ̇ж̇иг̇аамз – ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. ид̇и ко д̇з, сунагкад̇д̇а, анзгабарияааязна мама ван̣н̣о бхаасид̇о важ̇ж̇иг̇аамз.

6. ‘Anekapariyāyena kho te, sunakkhatta, mama vaṇṇo bhāsito vajjigāme – itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavāti. Iti kho te, sunakkhatta, anekapariyāyena mama vaṇṇo bhāsito vajjigāme.

‘анзгабарияааязна ко д̇з, сунагкад̇д̇а, д̇хаммасса ван̣н̣о бхаасид̇о важ̇ж̇иг̇аамз – сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухийд̇и. ид̇и ко д̇з, сунагкад̇д̇а, анзгабарияааязна д̇хаммасса ван̣н̣о бхаасид̇о важ̇ж̇иг̇аамз.

‘Anekapariyāyena kho te, sunakkhatta, dhammassa vaṇṇo bhāsito vajjigāme – svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhīti. Iti kho te, sunakkhatta, anekapariyāyena dhammassa vaṇṇo bhāsito vajjigāme.

‘анзгабарияааязна ко д̇з, сунагкад̇д̇а, сан̇гхасса ван̣н̣о бхаасид̇о важ̇ж̇иг̇аамз – суббадибанно бхаг̇авад̇о саавагасан̇гхо, уж̇уббадибанно бхаг̇авад̇о саавагасан̇гхо, н̃ааяаббадибанно бхаг̇авад̇о саавагасан̇гхо, саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа, зса бхаг̇авад̇о саавагасан̇гхо, аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаад̇и. ид̇и ко д̇з, сунагкад̇д̇а, анзгабарияааязна сан̇гхасса ван̣н̣о бхаасид̇о важ̇ж̇иг̇аамз.

‘Anekapariyāyena kho te, sunakkhatta, saṅghassa vaṇṇo bhāsito vajjigāme – suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā, esa bhagavato sāvakasaṅgho, āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassāti. Iti kho te, sunakkhatta, anekapariyāyena saṅghassa vaṇṇo bhāsito vajjigāme.

‘аарожаяаами ко д̇з, сунагкад̇д̇а, бадивзд̣̇аяаами ко д̇з, сунагкад̇д̇а. бхависсанд̇и ко д̇з, сунагкад̇д̇а, вад̇д̇ааро, но висахи сунагкад̇д̇о лижчавибуд̇д̇о саман̣з г̇од̇амз б̣рахмажарияам̣ жарид̇ум̣, со ависаханд̇о сигкам̣ бажжагкааяа хийнааяаавад̇д̇од̇и. ид̇и ко д̇з, сунагкад̇д̇а, бхависсанд̇и вад̇д̇ааро’д̇и.

‘Ārocayāmi kho te, sunakkhatta, paṭivedayāmi kho te, sunakkhatta. Bhavissanti kho te, sunakkhatta, vattāro, no visahi sunakkhatto licchaviputto samaṇe gotame brahmacariyaṃ carituṃ, so avisahanto sikkhaṃ paccakkhāya hīnāyāvattoti. Iti kho te, sunakkhatta, bhavissanti vattāro’ti.

звам̣ би ко, бхаг̇г̇ава, сунагкад̇д̇о лижчавибуд̇д̇о маяаа вужжамаано абаггамзва имасмаа д̇хаммавинаяаа, яат̇аа д̇ам̣ аабааяиго нзраяиго.

Evaṃ pi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

горагкад̇д̇ияавад̇т̇у

Korakkhattiyavatthu

7. ‘‘згамид̣̇аахам̣, бхаг̇г̇ава, самаяам̣ т̇уулуусу ⁹ вихараами уд̇д̇арагаа наама т̇уулуунам̣ ниг̇амо. ат̇а кваахам̣, бхаг̇г̇ава, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сунагкад̇д̇зна лижчавибуд̇д̇зна бажчаасаман̣зна уд̇д̇арагам̣ бин̣д̣ааяа баависим̣. д̇зна ко бана самаязна ажзло горагкад̇д̇ияо гуггуравад̇иго жад̇уггун̣д̣иго ¹⁰ чамаанигин̣н̣ам̣ бхагкасам̣ мукзнзва каад̣̇ад̇и, мукзнзва бхун̃ж̇ад̇и. ад̣̇д̣̇асаа ко, бхаг̇г̇ава, сунагкад̇д̇о лижчавибуд̇д̇о ажзлам̣ горагкад̇д̇ияам̣ гуггуравад̇игам̣ жад̇уггун̣д̣игам̣ чамаанигин̣н̣ам̣ бхагкасам̣ мукзнзва каад̣̇анд̇ам̣ мукзнзва бхун̃ж̇анд̇ам̣. д̣̇исваанасса зд̇ад̣̇ахоси – ‘саад̇хуруубо вад̇а, бхо, аяам̣ ¹¹ саман̣о жад̇уггун̣д̣иго чамаанигин̣н̣ам̣ бхагкасам̣ мукзнзва каад̣̇ад̇и, мукзнзва бхун̃ж̇ад̇ий’д̇и.

7. ‘‘Ekamidāhaṃ, bhaggava, samayaṃ thūlūsu ¹² viharāmi uttarakā nāma thūlūnaṃ nigamo. Atha khvāhaṃ, bhaggava, pubbaṇhasamayaṃ nivāsetvā pattacīvaramādāya sunakkhattena licchaviputtena pacchāsamaṇena uttarakaṃ piṇḍāya pāvisiṃ. Tena kho pana samayena acelo korakkhattiyo kukkuravatiko catukkuṇḍiko ¹³ chamānikiṇṇaṃ bhakkhasaṃ mukheneva khādati, mukheneva bhuñjati. Addasā kho, bhaggava, sunakkhatto licchaviputto acelaṃ korakkhattiyaṃ kukkuravatikaṃ catukkuṇḍikaṃ chamānikiṇṇaṃ bhakkhasaṃ mukheneva khādantaṃ mukheneva bhuñjantaṃ. Disvānassa etadahosi – ‘sādhurūpo vata, bho, ayaṃ ¹⁴ samaṇo catukkuṇḍiko chamānikiṇṇaṃ bhakkhasaṃ mukheneva khādati, mukheneva bhuñjatī’ti.

‘‘ат̇а кваахам̣, бхаг̇г̇ава, сунагкад̇д̇асса лижчавибуд̇д̇асса жзд̇асаа жзд̇обаривид̇аггаман̃н̃ааяа сунагкад̇д̇ам̣ лижчавибуд̇д̇ам̣ зд̇ад̣̇авожам̣ – ‘д̇вамби наама, могхабуриса, саман̣о сагяабуд̇д̇ияо ¹⁵ бадиж̇ааниссасий’д̇и! ‘гим̣ бана мам̣, бханд̇з, бхаг̇аваа звамааха – ‘д̇вамби наама, могхабуриса, саман̣о сагяабуд̇д̇ияо ¹⁶ бадиж̇ааниссасий’д̇и? ‘нану д̇з, сунагкад̇д̇а, имам̣ ажзлам̣ горагкад̇д̇ияам̣ гуггуравад̇игам̣ жад̇уггун̣д̣игам̣ чамаанигин̣н̣ам̣ бхагкасам̣ мукзнзва каад̣̇анд̇ам̣ мукзнзва бхун̃ж̇анд̇ам̣ д̣̇исваана зд̇ад̣̇ахоси – саад̇хуруубо вад̇а, бхо, аяам̣ саман̣о жад̇уггун̣д̣иго чамаанигин̣н̣ам̣ бхагкасам̣ мукзнзва каад̣̇ад̇и, мукзнзва бхун̃ж̇ад̇ий’д̇и? ‘звам̣, бханд̇з. гим̣ бана, бханд̇з, бхаг̇аваа арахад̇д̇асса мажчарааяад̇ий’д̇и? ‘на ко ахам̣, могхабуриса, арахад̇д̇асса мажчарааяаами. аби жа, д̇уяхзвзд̇ам̣ баабагам̣ д̣̇идтиг̇ад̇ам̣ уббаннам̣, д̇ам̣ баж̇аха. маа д̇з ахоси д̣̇ийгхарад̇д̇ам̣ ахид̇ааяа д̣̇угкааяа. яам̣ ко банзд̇ам̣, сунагкад̇д̇а, ман̃н̃аси ажзлам̣ горагкад̇д̇ияам̣ – саад̇хуруубо аяам̣ саман̣од̇и ¹⁷. со сад̇д̇амам̣ д̣̇ивасам̣ аласагзна гаалан̇гариссад̇и. гаалан̇гад̇о ¹⁸ жа гаалаган̃жигаа ¹⁹ наама асураа саб̣б̣анихийно асурагааяо, д̇ад̇ра убабаж̇ж̇иссад̇и. гаалан̇гад̇ан̃жа нам̣ б̣ийран̣ад̇т̇амб̣агз сусаанз чад̣д̣зссанд̇и. ааган̇камаано жа д̇вам̣, сунагкад̇д̇а, ажзлам̣ горагкад̇д̇ияам̣ убасан̇гамид̇ваа бужчзяяааси – ж̇аанааси, аавусо горагкад̇д̇ияа ²⁰, ад̇д̇ано г̇ад̇инд̇и? таанам̣ ко банзд̇ам̣, сунагкад̇д̇а, виж̇ж̇ад̇и яам̣ д̇з ажзло горагкад̇д̇ияо б̣яаагариссад̇и – ж̇аанаами, аавусо сунагкад̇д̇а, ад̇д̇ано г̇ад̇им̣; гаалаган̃жигаа наама асураа саб̣б̣анихийно асурагааяо, д̇ад̇раамхи убабаннод̇и.

‘‘Atha khvāhaṃ, bhaggava, sunakkhattassa licchaviputtassa cetasā cetoparivitakkamaññāya sunakkhattaṃ licchaviputtaṃ etadavocaṃ – ‘tvampi nāma, moghapurisa, samaṇo sakyaputtiyo ²¹ paṭijānissasī’ti! ‘Kiṃ pana maṃ, bhante, bhagavā evamāha – ‘tvampi nāma, moghapurisa, samaṇo sakyaputtiyo ²² paṭijānissasī’ti? ‘Nanu te, sunakkhatta, imaṃ acelaṃ korakkhattiyaṃ kukkuravatikaṃ catukkuṇḍikaṃ chamānikiṇṇaṃ bhakkhasaṃ mukheneva khādantaṃ mukheneva bhuñjantaṃ disvāna etadahosi – sādhurūpo vata, bho, ayaṃ samaṇo catukkuṇḍiko chamānikiṇṇaṃ bhakkhasaṃ mukheneva khādati, mukheneva bhuñjatī’ti? ‘Evaṃ, bhante. Kiṃ pana, bhante, bhagavā arahattassa maccharāyatī’ti? ‘Na kho ahaṃ, moghapurisa, arahattassa maccharāyāmi. Api ca, tuyhevetaṃ pāpakaṃ diṭṭhigataṃ uppannaṃ, taṃ pajaha. Mā te ahosi dīgharattaṃ ahitāya dukkhāya. Yaṃ kho panetaṃ, sunakkhatta, maññasi acelaṃ korakkhattiyaṃ – sādhurūpo ayaṃ samaṇoti ²³. So sattamaṃ divasaṃ alasakena kālaṅkarissati. Kālaṅkato ²⁴ ca kālakañcikā ²⁵ nāma asurā sabbanihīno asurakāyo, tatra upapajjissati. Kālaṅkatañca naṃ bīraṇatthambake susāne chaḍḍessanti. Ākaṅkhamāno ca tvaṃ, sunakkhatta, acelaṃ korakkhattiyaṃ upasaṅkamitvā puccheyyāsi – jānāsi, āvuso korakkhattiya ²⁶, attano gatinti? Ṭhānaṃ kho panetaṃ, sunakkhatta, vijjati yaṃ te acelo korakkhattiyo byākarissati – jānāmi, āvuso sunakkhatta, attano gatiṃ; kālakañcikā nāma asurā sabbanihīno asurakāyo, tatrāmhi upapannoti.

‘‘ат̇а ко, бхаг̇г̇ава, сунагкад̇д̇о лижчавибуд̇д̇о язна ажзло горагкад̇д̇ияо д̇знубасан̇гами; убасан̇гамид̇ваа ажзлам̣ горагкад̇д̇ияам̣ зд̇ад̣̇авожа – ‘б̣яаагад̇о коси, аавусо горагкад̇д̇ияа, саман̣зна г̇од̇амзна – ажзло горагкад̇д̇ияо сад̇д̇амам̣ д̣̇ивасам̣ аласагзна гаалан̇гариссад̇и. гаалан̇гад̇о жа гаалаган̃жигаа наама асураа саб̣б̣анихийно асурагааяо , д̇ад̇ра убабаж̇ж̇иссад̇и. гаалан̇гад̇ан̃жа нам̣ б̣ийран̣ад̇т̇амб̣агз сусаанз чад̣д̣зссанд̇ий’д̇и. язна д̇вам̣, аавусо горагкад̇д̇ияа, мад̇д̇ам̣ мад̇д̇ан̃жа бхад̇д̇ам̣ бхун̃ж̇зяяааси, мад̇д̇ам̣ мад̇д̇ан̃жа баанийяам̣ бивзяяааси. яат̇аа саман̣асса г̇од̇амасса мижчаа асса важана’нд̇и.

‘‘Atha kho, bhaggava, sunakkhatto licchaviputto yena acelo korakkhattiyo tenupasaṅkami; upasaṅkamitvā acelaṃ korakkhattiyaṃ etadavoca – ‘byākato khosi, āvuso korakkhattiya, samaṇena gotamena – acelo korakkhattiyo sattamaṃ divasaṃ alasakena kālaṅkarissati. Kālaṅkato ca kālakañcikā nāma asurā sabbanihīno asurakāyo , tatra upapajjissati. Kālaṅkatañca naṃ bīraṇatthambake susāne chaḍḍessantī’ti. Yena tvaṃ, āvuso korakkhattiya, mattaṃ mattañca bhattaṃ bhuñjeyyāsi, mattaṃ mattañca pānīyaṃ piveyyāsi. Yathā samaṇassa gotamassa micchā assa vacana’nti.

8. ‘‘ат̇а ко, бхаг̇г̇ава, сунагкад̇д̇о лижчавибуд̇д̇о згад̣̇вийхигааяа сад̇д̇арад̇д̇инд̣̇иваани г̇ан̣зси, яат̇аа д̇ам̣ д̇ат̇ааг̇ад̇асса асад̣̇д̣̇ахамаано. ат̇а ко, бхаг̇г̇ава, ажзло горагкад̇д̇ияо сад̇д̇амам̣ д̣̇ивасам̣ аласагзна гааламагааси. гаалан̇гад̇о жа гаалаган̃жигаа наама асураа саб̣б̣анихийно асурагааяо, д̇ад̇ра убабаж̇ж̇и. гаалан̇гад̇ан̃жа нам̣ б̣ийран̣ад̇т̇амб̣агз сусаанз чад̣д̣зсум̣.

8. ‘‘Atha kho, bhaggava, sunakkhatto licchaviputto ekadvīhikāya sattarattindivāni gaṇesi, yathā taṃ tathāgatassa asaddahamāno. Atha kho, bhaggava, acelo korakkhattiyo sattamaṃ divasaṃ alasakena kālamakāsi. Kālaṅkato ca kālakañcikā nāma asurā sabbanihīno asurakāyo, tatra upapajji. Kālaṅkatañca naṃ bīraṇatthambake susāne chaḍḍesuṃ.

9. ‘‘ассоси ко, бхаг̇г̇ава, сунагкад̇д̇о лижчавибуд̇д̇о – ‘ажзло гира горагкад̇д̇ияо аласагзна гаалан̇гад̇о б̣ийран̣ад̇т̇амб̣агз сусаанз чад̣д̣ид̇о’д̇и. ат̇а ко, бхаг̇г̇ава, сунагкад̇д̇о лижчавибуд̇д̇о язна б̣ийран̣ад̇т̇амб̣агам̣ сусаанам̣, язна ажзло горагкад̇д̇ияо д̇знубасан̇гами; убасан̇гамид̇ваа ажзлам̣ горагкад̇д̇ияам̣ д̇игкад̇д̇ум̣ баан̣инаа аагодзси – ‘ж̇аанааси, аавусо горагкад̇д̇ияа, ад̇д̇ано г̇ад̇и’нд̇и? ат̇а ко, бхаг̇г̇ава, ажзло горагкад̇д̇ияо баан̣инаа бидтим̣ барибун̃чанд̇о вудтааси. ‘ж̇аанаами, аавусо сунагкад̇д̇а, ад̇д̇ано г̇ад̇им̣. гаалаган̃жигаа наама асураа саб̣б̣анихийно асурагааяо, д̇ад̇раамхи убабанно’д̇и вад̇ваа д̇ад̇т̇зва уд̇д̇аано бабад̇и ²⁷.

9. ‘‘Assosi kho, bhaggava, sunakkhatto licchaviputto – ‘acelo kira korakkhattiyo alasakena kālaṅkato bīraṇatthambake susāne chaḍḍito’ti. Atha kho, bhaggava, sunakkhatto licchaviputto yena bīraṇatthambakaṃ susānaṃ, yena acelo korakkhattiyo tenupasaṅkami; upasaṅkamitvā acelaṃ korakkhattiyaṃ tikkhattuṃ pāṇinā ākoṭesi – ‘jānāsi, āvuso korakkhattiya, attano gati’nti? Atha kho, bhaggava, acelo korakkhattiyo pāṇinā piṭṭhiṃ paripuñchanto vuṭṭhāsi. ‘Jānāmi, āvuso sunakkhatta, attano gatiṃ. Kālakañcikā nāma asurā sabbanihīno asurakāyo, tatrāmhi upapanno’ti vatvā tattheva uttāno papati ²⁸.

10. ‘‘ат̇а ко, бхаг̇г̇ава, сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ахам̣, бхаг̇г̇ава , сунагкад̇д̇ам̣ лижчавибуд̇д̇ам̣ зд̇ад̣̇авожам̣ – ‘д̇ам̣ гим̣ ман̃н̃аси, сунагкад̇д̇а, яат̇зва д̇з ахам̣ ажзлам̣ горагкад̇д̇ияам̣ аараб̣бха б̣яаагаасим̣, д̇ат̇зва д̇ам̣ вибаагам̣, ан̃н̃ат̇аа ваа’д̇и? ‘яат̇зва мз, бханд̇з, бхаг̇аваа ажзлам̣ горагкад̇д̇ияам̣ аараб̣бха б̣яаагааси, д̇ат̇зва д̇ам̣ вибаагам̣, но ан̃н̃ат̇аа’д̇и. ‘д̇ам̣ гим̣ ман̃н̃аси, сунагкад̇д̇а, яад̣̇и звам̣ санд̇з гад̇ам̣ ваа ход̇и уд̇д̇аримануссад̇хаммаа ид̣̇д̇хибаадихаарияам̣, агад̇ам̣ ваад̇и? ‘ад̣̇д̇хаа ко, бханд̇з, звам̣ санд̇з гад̇ам̣ ход̇и уд̇д̇аримануссад̇хаммаа ид̣̇д̇хибаадихаарияам̣, но агад̇а’нд̇и. ‘звамби ко мам̣ д̇вам̣, могхабуриса, уд̇д̇аримануссад̇хаммаа ид̣̇д̇хибаадихаарияам̣ гаронд̇ам̣ звам̣ вад̣̇зси – на хи бана мз, бханд̇з, бхаг̇аваа уд̇д̇аримануссад̇хаммаа ид̣̇д̇хибаадихаарияам̣ гарод̇ийд̇и. басса, могхабуриса, яааван̃жа д̇з ид̣̇ам̣ абарад̣̇д̇ха’нд̇и. ‘‘звамби ко, бхаг̇г̇ава, сунагкад̇д̇о лижчавибуд̇д̇о маяаа вужжамаано абаггамзва имасмаа д̇хаммавинаяаа, яат̇аа д̇ам̣ аабааяиго нзраяиго.

10. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava , sunakkhattaṃ licchaviputtaṃ etadavocaṃ – ‘taṃ kiṃ maññasi, sunakkhatta, yatheva te ahaṃ acelaṃ korakkhattiyaṃ ārabbha byākāsiṃ, tatheva taṃ vipākaṃ, aññathā vā’ti? ‘Yatheva me, bhante, bhagavā acelaṃ korakkhattiyaṃ ārabbha byākāsi, tatheva taṃ vipākaṃ, no aññathā’ti. ‘Taṃ kiṃ maññasi, sunakkhatta, yadi evaṃ sante kataṃ vā hoti uttarimanussadhammā iddhipāṭihāriyaṃ, akataṃ vāti? ‘Addhā kho, bhante, evaṃ sante kataṃ hoti uttarimanussadhammā iddhipāṭihāriyaṃ, no akata’nti. ‘Evampi kho maṃ tvaṃ, moghapurisa, uttarimanussadhammā iddhipāṭihāriyaṃ karontaṃ evaṃ vadesi – na hi pana me, bhante, bhagavā uttarimanussadhammā iddhipāṭihāriyaṃ karotīti. Passa, moghapurisa, yāvañca te idaṃ aparaddha’nti. ‘‘Evampi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

ажзлагал̣аарамаддагавад̇т̇у

Acelakaḷāramaṭṭakavatthu

11. ‘‘згамид̣̇аахам̣, бхаг̇г̇ава, самаяам̣ взсаалияам̣ вихараами махааванз гуудааг̇аарасаалааяам̣. д̇зна ко бана самаязна ажзло гал̣аарамаддаго взсаалияам̣ бадивасад̇и лаабхаг̇г̇аббад̇д̇о жзва яасаг̇г̇аббад̇д̇о жа важ̇ж̇иг̇аамз. д̇асса сад̇д̇авад̇абад̣̇аани ²⁹ самад̇д̇аани самаад̣̇иннаани хонд̇и – ‘яааваж̇ийвам̣ ажзлаго ассам̣, на вад̇т̇ам̣ барид̣̇ахзяяам̣, яааваж̇ийвам̣ б̣рахмажаарий ассам̣, на мзт̇унам̣ д̇хаммам̣ бадисзвзяяам̣, яааваж̇ийвам̣ сураамам̣сзнзва яаабзяяам̣, на од̣̇анагуммаасам̣ бхун̃ж̇зяяам̣. бурад̇т̇имзна взсаалим̣ уд̣̇знам̣ наама жзд̇ияам̣, д̇ам̣ наад̇иггамзяяам̣, д̣̇агкин̣зна взсаалим̣ г̇од̇амагам̣ наама жзд̇ияам̣, д̇ам̣ наад̇иггамзяяам̣, бажчимзна взсаалим̣ сад̇д̇амб̣ам̣ наама жзд̇ияам̣, д̇ам̣ наад̇иггамзяяам̣, уд̇д̇арзна взсаалим̣ б̣ахубуд̇д̇ам̣ наама ³⁰ жзд̇ияам̣ д̇ам̣ наад̇иггамзяяа’нд̇и. со имзсам̣ сад̇д̇аннам̣ вад̇абад̣̇аанам̣ самаад̣̇аанахзд̇у лаабхаг̇г̇аббад̇д̇о жзва яасаг̇г̇аббад̇д̇о жа важ̇ж̇иг̇аамз.

11. ‘‘Ekamidāhaṃ, bhaggava, samayaṃ vesāliyaṃ viharāmi mahāvane kūṭāgārasālāyaṃ. Tena kho pana samayena acelo kaḷāramaṭṭako vesāliyaṃ paṭivasati lābhaggappatto ceva yasaggappatto ca vajjigāme. Tassa sattavatapadāni ³¹ samattāni samādinnāni honti – ‘yāvajīvaṃ acelako assaṃ, na vatthaṃ paridaheyyaṃ, yāvajīvaṃ brahmacārī assaṃ, na methunaṃ dhammaṃ paṭiseveyyaṃ, yāvajīvaṃ surāmaṃseneva yāpeyyaṃ, na odanakummāsaṃ bhuñjeyyaṃ. Puratthimena vesāliṃ udenaṃ nāma cetiyaṃ, taṃ nātikkameyyaṃ, dakkhiṇena vesāliṃ gotamakaṃ nāma cetiyaṃ, taṃ nātikkameyyaṃ, pacchimena vesāliṃ sattambaṃ nāma cetiyaṃ, taṃ nātikkameyyaṃ, uttarena vesāliṃ bahuputtaṃ nāma ³² cetiyaṃ taṃ nātikkameyya’nti. So imesaṃ sattannaṃ vatapadānaṃ samādānahetu lābhaggappatto ceva yasaggappatto ca vajjigāme.

12. ‘‘ат̇а ко, бхаг̇г̇ава, сунагкад̇д̇о лижчавибуд̇д̇о язна ажзло гал̣аарамаддаго д̇знубасан̇гами; убасан̇гамид̇ваа ажзлам̣ гал̣аарамаддагам̣ бан̃хам̣ абужчи. д̇асса ажзло гал̣аарамаддаго бан̃хам̣ будто на самбааяааси. асамбааяанд̇о гобан̃жа д̣̇осан̃жа аббажжаяан̃жа баад̇ваагааси. ат̇а ко, бхаг̇г̇ава, сунагкад̇д̇асса лижчавибуд̇д̇асса зд̇ад̣̇ахоси – ‘саад̇хуруубам̣ вад̇а бхо араханд̇ам̣ саман̣ам̣ аасаад̣̇имхасз ³³. маа вад̇а но ахоси д̣̇ийгхарад̇д̇ам̣ ахид̇ааяа д̣̇угкааяаа’д̇и.

12. ‘‘Atha kho, bhaggava, sunakkhatto licchaviputto yena acelo kaḷāramaṭṭako tenupasaṅkami; upasaṅkamitvā acelaṃ kaḷāramaṭṭakaṃ pañhaṃ apucchi. Tassa acelo kaḷāramaṭṭako pañhaṃ puṭṭho na sampāyāsi. Asampāyanto kopañca dosañca appaccayañca pātvākāsi. Atha kho, bhaggava, sunakkhattassa licchaviputtassa etadahosi – ‘sādhurūpaṃ vata bho arahantaṃ samaṇaṃ āsādimhase ³⁴. Mā vata no ahosi dīgharattaṃ ahitāya dukkhāyā’ti.

13. ‘‘ат̇а ко, бхаг̇г̇ава, сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ахам̣, бхаг̇г̇ава, сунагкад̇д̇ам̣ лижчавибуд̇д̇ам̣ зд̇ад̣̇авожам̣ – ‘д̇вамби наама, могхабуриса, саман̣о сагяабуд̇д̇ияо бадиж̇ааниссасий’д̇и! ‘гим̣ бана мам̣, бханд̇з, бхаг̇аваа звамааха – д̇вамби наама, могхабуриса, саман̣о сагяабуд̇д̇ияо бадиж̇ааниссасий’д̇и? ‘нану д̇вам̣, сунагкад̇д̇а, ажзлам̣ гал̣аарамаддагам̣ убасан̇гамид̇ваа бан̃хам̣ абужчи. д̇асса д̇з ажзло гал̣аарамаддаго бан̃хам̣ будто на самбааяааси. асамбааяанд̇о гобан̃жа д̣̇осан̃жа аббажжаяан̃жа баад̇ваагааси. д̇асса д̇з зд̇ад̣̇ахоси – ‘‘саад̇хуруубам̣ вад̇а, бхо, араханд̇ам̣ саман̣ам̣ аасаад̣̇имхасз. маа вад̇а но ахоси д̣̇ийгхарад̇д̇ам̣ ахид̇ааяа д̣̇угкааяаа’д̇и. ‘звам̣, бханд̇з. гим̣ бана, бханд̇з, бхаг̇аваа арахад̇д̇асса мажчарааяад̇ий’д̇и? ‘на ко ахам̣, могхабуриса, арахад̇д̇асса мажчарааяаами, аби жа д̇уяхзвзд̇ам̣ баабагам̣ д̣̇идтиг̇ад̇ам̣ уббаннам̣, д̇ам̣ баж̇аха. маа д̇з ахоси д̣̇ийгхарад̇д̇ам̣ ахид̇ааяа д̣̇угкааяа. яам̣ ко банзд̇ам̣, сунагкад̇д̇а, ман̃н̃аси ажзлам̣ гал̣аарамаддагам̣ – саад̇хуруубо аяам̣ ³⁵ саман̣од̇и, со нажирассзва барихид̇о саанужаариго вижаранд̇о од̣̇анагуммаасам̣ бхун̃ж̇амаано саб̣б̣аанзва взсаалияаани жзд̇ияаани самад̇иггамид̇ваа яасаа нихийно ³⁶ гаалам̣ гариссад̇ий’д̇и.

13. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava, sunakkhattaṃ licchaviputtaṃ etadavocaṃ – ‘tvampi nāma, moghapurisa, samaṇo sakyaputtiyo paṭijānissasī’ti! ‘Kiṃ pana maṃ, bhante, bhagavā evamāha – tvampi nāma, moghapurisa, samaṇo sakyaputtiyo paṭijānissasī’ti? ‘Nanu tvaṃ, sunakkhatta, acelaṃ kaḷāramaṭṭakaṃ upasaṅkamitvā pañhaṃ apucchi. Tassa te acelo kaḷāramaṭṭako pañhaṃ puṭṭho na sampāyāsi. Asampāyanto kopañca dosañca appaccayañca pātvākāsi. Tassa te etadahosi – ‘‘sādhurūpaṃ vata, bho, arahantaṃ samaṇaṃ āsādimhase. Mā vata no ahosi dīgharattaṃ ahitāya dukkhāyā’ti. ‘Evaṃ, bhante. Kiṃ pana, bhante, bhagavā arahattassa maccharāyatī’ti? ‘Na kho ahaṃ, moghapurisa, arahattassa maccharāyāmi, api ca tuyhevetaṃ pāpakaṃ diṭṭhigataṃ uppannaṃ, taṃ pajaha. Mā te ahosi dīgharattaṃ ahitāya dukkhāya. Yaṃ kho panetaṃ, sunakkhatta, maññasi acelaṃ kaḷāramaṭṭakaṃ – sādhurūpo ayaṃ ³⁷ samaṇoti, so nacirasseva parihito sānucāriko vicaranto odanakummāsaṃ bhuñjamāno sabbāneva vesāliyāni cetiyāni samatikkamitvā yasā nihīno ³⁸ kālaṃ karissatī’ti.

‘‘‘ат̇а ко, бхаг̇г̇ава, ажзло гал̣аарамаддаго нажирассзва барихид̇о саанужаариго вижаранд̇о од̣̇анагуммаасам̣ бхун̃ж̇амаано саб̣б̣аанзва взсаалияаани жзд̇ияаани самад̇иггамид̇ваа яасаа нихийно гааламагааси.

‘‘‘Atha kho, bhaggava, acelo kaḷāramaṭṭako nacirasseva parihito sānucāriko vicaranto odanakummāsaṃ bhuñjamāno sabbāneva vesāliyāni cetiyāni samatikkamitvā yasā nihīno kālamakāsi.

14. ‘‘ассоси ко, бхаг̇г̇ава, сунагкад̇д̇о лижчавибуд̇д̇о – ‘ажзло гира гал̣аарамаддаго барихид̇о саанужаариго вижаранд̇о од̣̇анагуммаасам̣ бхун̃ж̇амаано саб̣б̣аанзва взсаалияаани жзд̇ияаани самад̇иггамид̇ваа яасаа нихийно гаалан̇гад̇о’д̇и. ат̇а ко, бхаг̇г̇ава, сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ахам̣, бхаг̇г̇ава, сунагкад̇д̇ам̣ лижчавибуд̇д̇ам̣ зд̇ад̣̇авожам̣ – ‘д̇ам̣ гим̣ ман̃н̃аси, сунагкад̇д̇а, яат̇зва д̇з ахам̣ ажзлам̣ гал̣аарамаддагам̣ аараб̣бха б̣яаагаасим̣, д̇ат̇зва д̇ам̣ вибаагам̣, ан̃н̃ат̇аа ваа’д̇и? ‘яат̇зва мз, бханд̇з, бхаг̇аваа ажзлам̣ гал̣аарамаддагам̣ аараб̣бха б̣яаагааси, д̇ат̇зва д̇ам̣ вибаагам̣, но ан̃н̃ат̇аа’д̇и. ‘д̇ам̣ гим̣ ман̃н̃аси, сунагкад̇д̇а, яад̣̇и звам̣ санд̇з гад̇ам̣ ваа ход̇и уд̇д̇аримануссад̇хаммаа ид̣̇д̇хибаадихаарияам̣ агад̇ам̣ ваа’д̇и? ‘ад̣̇д̇хаа ко, бханд̇з, звам̣ санд̇з гад̇ам̣ ход̇и уд̇д̇аримануссад̇хаммаа ид̣̇д̇хибаадихаарияам̣, но агад̇а’нд̇и. ‘звамби ко мам̣ д̇вам̣, могхабуриса, уд̇д̇аримануссад̇хаммаа ид̣̇д̇хибаадихаарияам̣ гаронд̇ам̣ звам̣ вад̣̇зси – на хи бана мз, бханд̇з, бхаг̇аваа уд̇д̇аримануссад̇хаммаа ид̣̇д̇хибаадихаарияам̣ гарод̇ий’’д̇и. басса, могхабуриса, яааван̃жа д̇з ид̣̇ам̣ абарад̣̇д̇ха’нд̇и. ‘‘зва’мби ко, бхаг̇г̇ава, сунагкад̇д̇о лижчавибуд̇д̇о маяаа вужжамаано абаггамзва имасмаа д̇хаммавинаяаа, яат̇аа д̇ам̣ аабааяиго нзраяиго.

14. ‘‘Assosi kho, bhaggava, sunakkhatto licchaviputto – ‘acelo kira kaḷāramaṭṭako parihito sānucāriko vicaranto odanakummāsaṃ bhuñjamāno sabbāneva vesāliyāni cetiyāni samatikkamitvā yasā nihīno kālaṅkato’ti. Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava, sunakkhattaṃ licchaviputtaṃ etadavocaṃ – ‘taṃ kiṃ maññasi, sunakkhatta, yatheva te ahaṃ acelaṃ kaḷāramaṭṭakaṃ ārabbha byākāsiṃ, tatheva taṃ vipākaṃ, aññathā vā’ti? ‘Yatheva me, bhante, bhagavā acelaṃ kaḷāramaṭṭakaṃ ārabbha byākāsi, tatheva taṃ vipākaṃ, no aññathā’ti. ‘Taṃ kiṃ maññasi, sunakkhatta, yadi evaṃ sante kataṃ vā hoti uttarimanussadhammā iddhipāṭihāriyaṃ akataṃ vā’ti? ‘Addhā kho, bhante, evaṃ sante kataṃ hoti uttarimanussadhammā iddhipāṭihāriyaṃ, no akata’nti. ‘Evampi kho maṃ tvaṃ, moghapurisa, uttarimanussadhammā iddhipāṭihāriyaṃ karontaṃ evaṃ vadesi – na hi pana me, bhante, bhagavā uttarimanussadhammā iddhipāṭihāriyaṃ karotī’’ti. Passa, moghapurisa, yāvañca te idaṃ aparaddha’nti. ‘‘Eva’mpi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

ажзлабаат̇игабуд̇д̇авад̇т̇у

Acelapāthikaputtavatthu

15. ‘‘згамид̣̇аахам̣, бхаг̇г̇ава, самаяам̣ д̇ад̇т̇зва взсаалияам̣ вихараами махааванз гуудааг̇аарасаалааяам̣. д̇зна ко бана самаязна ажзло баат̇игабуд̇д̇о ³⁹ взсаалияам̣ бадивасад̇и лаабхаг̇г̇аббад̇д̇о жзва яасаг̇г̇аббад̇д̇о жа важ̇ж̇иг̇аамз. со взсаалияам̣ барисад̇и звам̣ ваажам̣ бхаасад̇и – ‘саман̣оби г̇од̇амо н̃аан̣аваад̣̇о, ахамби н̃аан̣аваад̣̇о. н̃аан̣аваад̣̇о ко бана н̃аан̣аваад̣̇зна арахад̇и уд̇д̇аримануссад̇хаммаа ид̣̇д̇хибаадихаарияам̣ д̣̇ассзд̇ум̣. саман̣о г̇од̇амо убад̣дхабат̇ам̣ ааг̇ажчзяяа, ахамби убад̣дхабат̇ам̣ г̇ажчзяяам̣. д̇з д̇ад̇т̇а убхоби уд̇д̇аримануссад̇хаммаа ид̣̇д̇хибаадихаарияам̣ гарзяяаама. згам̣ жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияам̣ гариссад̇и, д̣̇ваахам̣ гариссаами. д̣̇вз жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияаани гариссад̇и, жад̇д̇аараахам̣ гариссаами . жад̇д̇аари жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияаани гариссад̇и, адтаахам̣ гариссаами. ид̇и яаавад̇агам̣ яаавад̇агам̣ саман̣о г̇од̇амо уд̇д̇аримануссад̇хаммаа ид̣̇д̇хибаадихаарияам̣ гариссад̇и, д̇ад̣̇д̣̇иг̇ун̣ам̣ д̇ад̣̇д̣̇иг̇ун̣аахам̣ гариссаамий’д̇и.

15. ‘‘Ekamidāhaṃ, bhaggava, samayaṃ tattheva vesāliyaṃ viharāmi mahāvane kūṭāgārasālāyaṃ. Tena kho pana samayena acelo pāthikaputto ⁴⁰ vesāliyaṃ paṭivasati lābhaggappatto ceva yasaggappatto ca vajjigāme. So vesāliyaṃ parisati evaṃ vācaṃ bhāsati – ‘samaṇopi gotamo ñāṇavādo, ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ. Samaṇo gotamo upaḍḍhapathaṃ āgaccheyya, ahampi upaḍḍhapathaṃ gaccheyyaṃ. Te tattha ubhopi uttarimanussadhammā iddhipāṭihāriyaṃ kareyyāma. Ekaṃ ce samaṇo gotamo uttarimanussadhammā iddhipāṭihāriyaṃ karissati, dvāhaṃ karissāmi. Dve ce samaṇo gotamo uttarimanussadhammā iddhipāṭihāriyāni karissati, cattārāhaṃ karissāmi . Cattāri ce samaṇo gotamo uttarimanussadhammā iddhipāṭihāriyāni karissati, aṭṭhāhaṃ karissāmi. Iti yāvatakaṃ yāvatakaṃ samaṇo gotamo uttarimanussadhammā iddhipāṭihāriyaṃ karissati, taddiguṇaṃ taddiguṇāhaṃ karissāmī’ti.

16. ‘‘ат̇а ко, бхаг̇г̇ава, сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко, бхаг̇г̇ава, сунагкад̇д̇о лижчавибуд̇д̇о мам̣ зд̇ад̣̇авожа – ‘ажзло, бханд̇з, баат̇игабуд̇д̇о взсаалияам̣ бадивасад̇и лаабхаг̇г̇аббад̇д̇о жзва яасаг̇г̇аббад̇д̇о жа важ̇ж̇иг̇аамз. со взсаалияам̣ барисад̇и звам̣ ваажам̣ бхаасад̇и – саман̣оби г̇од̇амо н̃аан̣аваад̣̇о, ахамби н̃аан̣аваад̣̇о. н̃аан̣аваад̣̇о ко бана н̃аан̣аваад̣̇зна арахад̇и уд̇д̇аримануссад̇хаммаа ид̣̇д̇хибаадихаарияам̣ д̣̇ассзд̇ум̣. саман̣о г̇од̇амо убад̣дхабат̇ам̣ ааг̇ажчзяяа, ахамби убад̣дхабат̇ам̣ г̇ажчзяяам̣. д̇з д̇ад̇т̇а убхоби уд̇д̇аримануссад̇хаммаа ид̣̇д̇хибаадихаарияам̣ гарзяяаама. згам̣ жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияам̣ гариссад̇и, д̣̇ваахам̣ гариссаами. д̣̇вз жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияаани гариссад̇и, жад̇д̇аараахам̣ гариссаами. жад̇д̇аари жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияаани гариссад̇и, адтаахам̣ гариссаами. ид̇и яаавад̇агам̣ яаавад̇агам̣ саман̣о г̇од̇амо уд̇д̇ари мануссад̇хаммаа ид̣̇д̇хибаадихаарияам̣ гариссад̇и, д̇ад̣̇д̣̇иг̇ун̣ам̣ д̇ад̣̇д̣̇иг̇ун̣аахам̣ гариссаамий’’д̇и.

16. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinno kho, bhaggava, sunakkhatto licchaviputto maṃ etadavoca – ‘acelo, bhante, pāthikaputto vesāliyaṃ paṭivasati lābhaggappatto ceva yasaggappatto ca vajjigāme. So vesāliyaṃ parisati evaṃ vācaṃ bhāsati – samaṇopi gotamo ñāṇavādo, ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ. Samaṇo gotamo upaḍḍhapathaṃ āgaccheyya, ahampi upaḍḍhapathaṃ gaccheyyaṃ. Te tattha ubhopi uttarimanussadhammā iddhipāṭihāriyaṃ kareyyāma. Ekaṃ ce samaṇo gotamo uttarimanussadhammā iddhipāṭihāriyaṃ karissati, dvāhaṃ karissāmi. Dve ce samaṇo gotamo uttarimanussadhammā iddhipāṭihāriyāni karissati, cattārāhaṃ karissāmi. Cattāri ce samaṇo gotamo uttarimanussadhammā iddhipāṭihāriyāni karissati, aṭṭhāhaṃ karissāmi. Iti yāvatakaṃ yāvatakaṃ samaṇo gotamo uttari manussadhammā iddhipāṭihāriyaṃ karissati, taddiguṇaṃ taddiguṇāhaṃ karissāmī’’ti.

‘‘звам̣ вуд̇д̇з, ахам̣, бхаг̇г̇ава, сунагкад̇д̇ам̣ лижчавибуд̇д̇ам̣ зд̇ад̣̇авожам̣ – ‘абхаб̣б̣о ко, сунагкад̇д̇а, ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и.

‘‘Evaṃ vutte, ahaṃ, bhaggava, sunakkhattaṃ licchaviputtaṃ etadavocaṃ – ‘abhabbo kho, sunakkhatta, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

17. ‘рагкад̇зд̇ам̣, бханд̇з, бхаг̇аваа ваажам̣, рагкад̇зд̇ам̣ суг̇ад̇о ваажа’нд̇и. ‘гим̣ бана мам̣ д̇вам̣, сунагкад̇д̇а, звам̣ вад̣̇зси – рагкад̇зд̇ам̣, бханд̇з, бхаг̇аваа ваажам̣, рагкад̇зд̇ам̣ суг̇ад̇о ваажа’нд̇и? ‘бхаг̇авад̇аа жасса, бханд̇з, зсаа ваажаа згам̣сзна од̇хаарид̇аа ⁴¹ – абхаб̣б̣о ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаад̇и. ажзло жа, бханд̇з, баат̇игабуд̇д̇о вируубаруубзна бхаг̇авад̇о саммукийбхаавам̣ ааг̇ажчзяяа, д̇ад̣̇асса бхаг̇авад̇о мусаа’д̇и.

17. ‘Rakkhatetaṃ, bhante, bhagavā vācaṃ, rakkhatetaṃ sugato vāca’nti. ‘Kiṃ pana maṃ tvaṃ, sunakkhatta, evaṃ vadesi – rakkhatetaṃ, bhante, bhagavā vācaṃ, rakkhatetaṃ sugato vāca’nti? ‘Bhagavatā cassa, bhante, esā vācā ekaṃsena odhāritā ⁴² – abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti. Acelo ca, bhante, pāthikaputto virūparūpena bhagavato sammukhībhāvaṃ āgaccheyya, tadassa bhagavato musā’ti.

18. ‘аби ну, сунагкад̇д̇а, д̇ат̇ааг̇ад̇о д̇ам̣ ваажам̣ бхаасзяяа яаа саа ваажаа д̣̇ваяаг̇ааминий’д̇и? ‘гим̣ бана, бханд̇з, бхаг̇авад̇аа ажзло баат̇игабуд̇д̇о жзд̇асаа жзд̇о барижжа вид̣̇ид̇о – абхаб̣б̣о ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и?

18. ‘Api nu, sunakkhatta, tathāgato taṃ vācaṃ bhāseyya yā sā vācā dvayagāminī’ti? ‘Kiṃ pana, bhante, bhagavatā acelo pāthikaputto cetasā ceto paricca vidito – abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti?

‘уд̣̇ааху , д̣̇звад̇аа бхаг̇авад̇о зд̇амад̇т̇ам̣ аарожзсум̣ – абхаб̣б̣о, бханд̇з, ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа бхаг̇авад̇о саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и?

‘Udāhu , devatā bhagavato etamatthaṃ ārocesuṃ – abhabbo, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti?

19. ‘жзд̇асаа жзд̇о барижжа вид̣̇ид̇о жзва мз, сунагкад̇д̇а , ажзло баат̇игабуд̇д̇о абхаб̣б̣о ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и.

19. ‘Cetasā ceto paricca vidito ceva me, sunakkhatta , acelo pāthikaputto abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘д̣̇звад̇ааби мз зд̇амад̇т̇ам̣ аарожзсум̣ – абхаб̣б̣о , бханд̇з, ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа бхаг̇авад̇о саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и.

‘Devatāpi me etamatthaṃ ārocesuṃ – abhabbo , bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘аж̇ид̇оби наама лижчавийнам̣ сзнаабад̇и ад̇хунаа гаалан̇гад̇о д̇аавад̇им̣сагааяам̣ убабанно. соби мам̣ убасан̇гамид̇ваа звамаарожзси – алаж̇ж̇ий, бханд̇з, ажзло баат̇игабуд̇д̇о; мусааваад̣̇ий, бханд̇з, ажзло баат̇игабуд̇д̇о. мамби, бханд̇з, ажзло баат̇игабуд̇д̇о б̣яаагааси важ̇ж̇иг̇аамз – аж̇ид̇о лижчавийнам̣ сзнаабад̇и махаанираяам̣ убабаннод̇и. на ко банаахам̣, бханд̇з, махаанираяам̣ убабанно; д̇аавад̇им̣сагааяамхи убабанно. алаж̇ж̇ий, бханд̇з, ажзло баат̇игабуд̇д̇о; мусааваад̣̇ий, бханд̇з, ажзло баат̇игабуд̇д̇о; абхаб̣б̣о жа, бханд̇з, ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа бхаг̇авад̇о саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и.

‘Ajitopi nāma licchavīnaṃ senāpati adhunā kālaṅkato tāvatiṃsakāyaṃ upapanno. Sopi maṃ upasaṅkamitvā evamārocesi – alajjī, bhante, acelo pāthikaputto; musāvādī, bhante, acelo pāthikaputto. Mampi, bhante, acelo pāthikaputto byākāsi vajjigāme – ajito licchavīnaṃ senāpati mahānirayaṃ upapannoti. Na kho panāhaṃ, bhante, mahānirayaṃ upapanno; tāvatiṃsakāyamhi upapanno. Alajjī, bhante, acelo pāthikaputto; musāvādī, bhante, acelo pāthikaputto; abhabbo ca, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘ид̇и ко, сунагкад̇д̇а, жзд̇асаа жзд̇о барижжа вид̣̇ид̇о жзва мз ажзло баат̇игабуд̇д̇о абхаб̣б̣о ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаад̇и. д̣̇звад̇ааби мз зд̇амад̇т̇ам̣ аарожзсум̣ – абхаб̣б̣о, бханд̇з , ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа бхаг̇авад̇о саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и.

‘Iti kho, sunakkhatta, cetasā ceto paricca vidito ceva me acelo pāthikaputto abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti. Devatāpi me etamatthaṃ ārocesuṃ – abhabbo, bhante , acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘со ко банаахам̣, сунагкад̇д̇а, взсаалияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о язна ажзласса баат̇игабуд̇д̇асса аараамо д̇знубасан̇гамиссаами д̣̇иваавихаарааяа. яассад̣̇аани д̇вам̣, сунагкад̇д̇а, ижчаси, д̇асса аарожзхий’д̇и.

‘So kho panāhaṃ, sunakkhatta, vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkamissāmi divāvihārāya. Yassadāni tvaṃ, sunakkhatta, icchasi, tassa ārocehī’ti.

ид̣̇д̇хибаадихаарияагат̇аа

Iddhipāṭihāriyakathā

20. ‘‘ат̇а кваахам̣ ⁴³, бхаг̇г̇ава, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взсаалим̣ бин̣д̣ааяа баависим̣. взсаалияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о язна ажзласса баат̇игабуд̇д̇асса аараамо д̇знубасан̇гамим̣ д̣̇иваавихаарааяа. ат̇а ко, бхаг̇г̇ава, сунагкад̇д̇о лижчавибуд̇д̇о д̇арамаанаруубо взсаалим̣ бависид̇ваа язна абхин̃н̃аад̇аа абхин̃н̃аад̇аа лижчавий д̇знубасан̇гами; убасан̇гамид̇ваа абхин̃н̃аад̇з абхин̃н̃аад̇з лижчавий зд̇ад̣̇авожа – ‘зсаавусо, бхаг̇аваа взсаалияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о язна ажзласса баат̇игабуд̇д̇асса аараамо д̇знубасан̇гами д̣̇иваавихаарааяа. абхиггамат̇ааяасманд̇о абхиггамат̇ааяасманд̇о, саад̇хуруубаанам̣ саман̣аанам̣ уд̇д̇аримануссад̇хаммаа ид̣̇д̇хибаадихаарияам̣ бхависсад̇ий’д̇и . ат̇а ко, бхаг̇г̇ава, абхин̃н̃аад̇аанам̣ абхин̃н̃аад̇аанам̣ лижчавийнам̣ зд̇ад̣̇ахоси – ‘саад̇хуруубаанам̣ гира, бхо, саман̣аанам̣ уд̇д̇аримануссад̇хаммаа ид̣̇д̇хибаадихаарияам̣ бхависсад̇и; ханд̣̇а вад̇а, бхо, г̇ажчаамаа’д̇и. язна жа абхин̃н̃аад̇аа абхин̃н̃аад̇аа б̣раахман̣амахаасаалаа г̇ахабад̇инзжаяигаа наанаад̇ид̇т̇ияаа ⁴⁴ саман̣аб̣раахман̣аа д̇знубасан̇гами. убасан̇гамид̇ваа абхин̃н̃аад̇з абхин̃н̃аад̇з наанаад̇ид̇т̇ияз ⁴⁵ саман̣аб̣раахман̣з зд̇ад̣̇авожа – ‘зсаавусо, бхаг̇аваа взсаалияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о язна ажзласса баат̇игабуд̇д̇асса аараамо д̇знубасан̇гами д̣̇иваавихаарааяа. абхиггамат̇ааяасманд̇о абхиггамат̇ааяасманд̇о, саад̇хуруубаанам̣ саман̣аанам̣ уд̇д̇аримануссад̇хаммаа ид̣̇д̇хибаадихаарияам̣ бхависсад̇ий’д̇и. ат̇а ко, бхаг̇г̇ава, абхин̃н̃аад̇аанам̣ абхин̃н̃аад̇аанам̣ наанаад̇ид̇т̇ияаанам̣ саман̣аб̣раахман̣аанам̣ зд̇ад̣̇ахоси – ‘саад̇хуруубаанам̣ гира, бхо, саман̣аанам̣ уд̇д̇аримануссад̇хаммаа ид̣̇д̇хибаадихаарияам̣ бхависсад̇и; ханд̣̇а вад̇а, бхо, г̇ажчаамаа’д̇и.

20. ‘‘Atha khvāhaṃ ⁴⁶, bhaggava, pubbaṇhasamayaṃ nivāsetvā pattacīvaramādāya vesāliṃ piṇḍāya pāvisiṃ. Vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkamiṃ divāvihārāya. Atha kho, bhaggava, sunakkhatto licchaviputto taramānarūpo vesāliṃ pavisitvā yena abhiññātā abhiññātā licchavī tenupasaṅkami; upasaṅkamitvā abhiññāte abhiññāte licchavī etadavoca – ‘esāvuso, bhagavā vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkami divāvihārāya. Abhikkamathāyasmanto abhikkamathāyasmanto, sādhurūpānaṃ samaṇānaṃ uttarimanussadhammā iddhipāṭihāriyaṃ bhavissatī’ti . Atha kho, bhaggava, abhiññātānaṃ abhiññātānaṃ licchavīnaṃ etadahosi – ‘sādhurūpānaṃ kira, bho, samaṇānaṃ uttarimanussadhammā iddhipāṭihāriyaṃ bhavissati; handa vata, bho, gacchāmā’ti. Yena ca abhiññātā abhiññātā brāhmaṇamahāsālā gahapatinecayikā nānātitthiyā ⁴⁷ samaṇabrāhmaṇā tenupasaṅkami. Upasaṅkamitvā abhiññāte abhiññāte nānātitthiye ⁴⁸ samaṇabrāhmaṇe etadavoca – ‘esāvuso, bhagavā vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkami divāvihārāya. Abhikkamathāyasmanto abhikkamathāyasmanto, sādhurūpānaṃ samaṇānaṃ uttarimanussadhammā iddhipāṭihāriyaṃ bhavissatī’ti. Atha kho, bhaggava, abhiññātānaṃ abhiññātānaṃ nānātitthiyānaṃ samaṇabrāhmaṇānaṃ etadahosi – ‘sādhurūpānaṃ kira, bho, samaṇānaṃ uttarimanussadhammā iddhipāṭihāriyaṃ bhavissati; handa vata, bho, gacchāmā’ti.

‘‘ат̇а ко, бхаг̇г̇ава, абхин̃н̃аад̇аа абхин̃н̃аад̇аа лижчавий, абхин̃н̃аад̇аа абхин̃н̃аад̇аа жа б̣раахман̣амахаасаалаа г̇ахабад̇инзжаяигаа наанаад̇ид̇т̇ияаа саман̣аб̣раахман̣аа язна ажзласса баат̇игабуд̇д̇асса аараамо д̇знубасан̇гамим̣су. саа зсаа, бхаг̇г̇ава, барисаа махаа ход̇и ⁴⁹ анзгасад̇аа анзгасахассаа.

‘‘Atha kho, bhaggava, abhiññātā abhiññātā licchavī, abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā yena acelassa pāthikaputtassa ārāmo tenupasaṅkamiṃsu. Sā esā, bhaggava, parisā mahā hoti ⁵⁰ anekasatā anekasahassā.

21. ‘‘ассоси ко, бхаг̇г̇ава, ажзло баат̇игабуд̇д̇о – ‘абхигганд̇аа гира абхин̃н̃аад̇аа абхин̃н̃аад̇аа лижчавий, абхигганд̇аа абхин̃н̃аад̇аа абхин̃н̃аад̇аа жа б̣раахман̣амахаасаалаа г̇ахабад̇инзжаяигаа наанаад̇ид̇т̇ияаа саман̣аб̣раахман̣аа. саман̣оби г̇од̇амо маяхам̣ аараамз д̣̇иваавихаарам̣ нисинно’д̇и. суд̇ваанасса бхаяам̣ чамбхид̇ад̇д̇ам̣ ломахам̣со уд̣̇абаад̣̇и. ат̇а ко, бхаг̇г̇ава, ажзло баат̇игабуд̇д̇о бхийд̇о сам̣виг̇г̇о ломахадтаж̇аад̇о язна д̇инд̣̇угакаан̣убариб̣б̣ааж̇агаараамо д̇знубасан̇гами.

21. ‘‘Assosi kho, bhaggava, acelo pāthikaputto – ‘abhikkantā kira abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo mayhaṃ ārāme divāvihāraṃ nisinno’ti. Sutvānassa bhayaṃ chambhitattaṃ lomahaṃso udapādi. Atha kho, bhaggava, acelo pāthikaputto bhīto saṃviggo lomahaṭṭhajāto yena tindukakhāṇuparibbājakārāmo tenupasaṅkami.

‘‘ассоси ко, бхаг̇г̇ава, саа барисаа – ‘ажзло гира баат̇игабуд̇д̇о бхийд̇о сам̣виг̇г̇о ломахадтаж̇аад̇о язна д̇инд̣̇угакаан̣убариб̣б̣ааж̇агаараамо д̇знубасан̇ганд̇о’д̇и ⁵¹. ат̇а ко, бхаг̇г̇ава, саа барисаа ан̃н̃ад̇арам̣ бурисам̣ ааманд̇зси –

‘‘Assosi kho, bhaggava, sā parisā – ‘acelo kira pāthikaputto bhīto saṃviggo lomahaṭṭhajāto yena tindukakhāṇuparibbājakārāmo tenupasaṅkanto’ti ⁵². Atha kho, bhaggava, sā parisā aññataraṃ purisaṃ āmantesi –

‘зхи д̇вам̣, бхо буриса, язна д̇инд̣̇угакаан̣убариб̣б̣ааж̇агаараамо, язна ажзло баат̇игабуд̇д̇о д̇знубасан̇гама. убасан̇гамид̇ваа ажзлам̣ баат̇игабуд̇д̇ам̣ звам̣ вад̣̇зхи – абхиггамаавусо, баат̇игабуд̇д̇а, абхигганд̇аа абхин̃н̃аад̇аа абхин̃н̃аад̇аа лижчавий, абхигганд̇аа абхин̃н̃аад̇аа абхин̃н̃аад̇аа жа б̣раахман̣амахаасаалаа г̇ахабад̇инзжаяигаа наанаад̇ид̇т̇ияаа саман̣аб̣раахман̣аа, саман̣оби г̇од̇амо ааяасмад̇о аараамз д̣̇иваавихаарам̣ нисинно; бхаасид̇аа ко бана д̇з зсаа, аавусо баат̇игабуд̇д̇а, взсаалияам̣ барисад̇и ваажаа саман̣оби г̇од̇амо н̃аан̣аваад̣̇о, ахамби н̃аан̣аваад̣̇о. н̃аан̣аваад̣̇о ко бана н̃аан̣аваад̣̇зна арахад̇и уд̇д̇аримануссад̇хаммаа ид̣̇д̇хибаадихаарияам̣ д̣̇ассзд̇ум̣. саман̣о г̇од̇амо убад̣дхабат̇ам̣ ааг̇ажчзяяа ахамби убад̣дхабат̇ам̣ г̇ажчзяяам̣. д̇з д̇ад̇т̇а убхоби уд̇д̇аримануссад̇хаммаа ид̣̇д̇хибаадихаарияам̣ гарзяяаама. згам̣ жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияам̣ гариссад̇и, д̣̇ваахам̣ гариссаами. д̣̇вз жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияаани гариссад̇и, жад̇д̇аараахам̣ гариссаами. жад̇д̇аари жз саман̣о г̇од̇амо уд̇д̇аримануссад̇хаммаа ид̣̇д̇хибаадихаарияаани гариссад̇и , адтаахам̣ гариссаами. ид̇и яаавад̇агам̣ яаавад̇агам̣ саман̣о г̇од̇амо уд̇д̇аримануссад̇хаммаа ид̣̇д̇хибаадихаарияам̣ гариссад̇и, д̇ад̣̇д̣̇иг̇ун̣ам̣ д̇ад̣̇д̣̇иг̇ун̣аахам̣ гариссаамий’д̇и абхиггамассзва ⁵³ ко; аавусо баат̇игабуд̇д̇а, убад̣дхабат̇ам̣. саб̣б̣абатамам̣язва ааг̇анд̇ваа саман̣о г̇од̇амо ааяасмад̇о аараамз д̣̇иваавихаарам̣ нисинно’д̇и.

‘Ehi tvaṃ, bho purisa, yena tindukakhāṇuparibbājakārāmo, yena acelo pāthikaputto tenupasaṅkama. Upasaṅkamitvā acelaṃ pāthikaputtaṃ evaṃ vadehi – abhikkamāvuso, pāthikaputta, abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā, samaṇopi gotamo āyasmato ārāme divāvihāraṃ nisinno; bhāsitā kho pana te esā, āvuso pāthikaputta, vesāliyaṃ parisati vācā samaṇopi gotamo ñāṇavādo, ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ. Samaṇo gotamo upaḍḍhapathaṃ āgaccheyya ahampi upaḍḍhapathaṃ gaccheyyaṃ. Te tattha ubhopi uttarimanussadhammā iddhipāṭihāriyaṃ kareyyāma. Ekaṃ ce samaṇo gotamo uttarimanussadhammā iddhipāṭihāriyaṃ karissati, dvāhaṃ karissāmi. Dve ce samaṇo gotamo uttarimanussadhammā iddhipāṭihāriyāni karissati, cattārāhaṃ karissāmi. Cattāri ce samaṇo gotamo uttarimanussadhammā iddhipāṭihāriyāni karissati , aṭṭhāhaṃ karissāmi. Iti yāvatakaṃ yāvatakaṃ samaṇo gotamo uttarimanussadhammā iddhipāṭihāriyaṃ karissati, taddiguṇaṃ taddiguṇāhaṃ karissāmī’ti abhikkamasseva ⁵⁴ kho; āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno’ti.

22. ‘‘звам̣, бход̇и ко, бхаг̇г̇ава, со бурисо д̇ассаа барисааяа бадиссуд̇ваа язна д̇инд̣̇угакаан̣убариб̣б̣ааж̇агаараамо, язна ажзло баат̇игабуд̇д̇о д̇знубасан̇гами. убасан̇гамид̇ваа ажзлам̣ баат̇игабуд̇д̇ам̣ зд̇ад̣̇авожа – ‘абхиггамаавусо баат̇игабуд̇д̇а, абхигганд̇аа абхин̃н̃аад̇аа абхин̃н̃аад̇аа лижчавий, абхигганд̇аа абхин̃н̃аад̇аа абхин̃н̃аад̇аа жа б̣раахман̣амахаасаалаа г̇ахабад̇инзжаяигаа наанаад̇ид̇т̇ияаа саман̣аб̣раахман̣аа. саман̣оби г̇од̇амо ааяасмад̇о аараамз д̣̇иваавихаарам̣ нисинно. бхаасид̇аа ко бана д̇з зсаа, аавусо баат̇игабуд̇д̇а, взсаалияам̣ барисад̇и ваажаа – саман̣оби г̇од̇амо н̃аан̣аваад̣̇о; ахамби н̃аан̣аваад̣̇о. н̃аан̣аваад̣̇о ко бана н̃аан̣аваад̣̇зна арахад̇и уд̇д̇аримануссад̇хаммаа ид̣̇д̇хибаадихаарияам̣ д̣̇ассзд̇ум̣…бз… д̇ад̣̇д̣̇иг̇ун̣ам̣ д̇ад̣̇д̣̇иг̇ун̣аахам̣ гариссаамийд̇и. абхиггамассзва ко, аавусо баат̇игабуд̇д̇а, убад̣дхабат̇ам̣. саб̣б̣абатамам̣язва ааг̇анд̇ваа саман̣о г̇од̇амо ааяасмад̇о аараамз д̣̇иваавихаарам̣ нисинно’д̇и.

22. ‘‘Evaṃ, bhoti kho, bhaggava, so puriso tassā parisāya paṭissutvā yena tindukakhāṇuparibbājakārāmo, yena acelo pāthikaputto tenupasaṅkami. Upasaṅkamitvā acelaṃ pāthikaputtaṃ etadavoca – ‘abhikkamāvuso pāthikaputta, abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo āyasmato ārāme divāvihāraṃ nisinno. Bhāsitā kho pana te esā, āvuso pāthikaputta, vesāliyaṃ parisati vācā – samaṇopi gotamo ñāṇavādo; ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ…pe… taddiguṇaṃ taddiguṇāhaṃ karissāmīti. Abhikkamasseva kho, āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno’ti.

‘‘звам̣ вуд̇д̇з, бхаг̇г̇ава, ажзло баат̇игабуд̇д̇о ‘ааяаами аавусо, ааяаами аавусо’д̇и вад̇ваа д̇ад̇т̇зва сам̣саббад̇и ⁵⁵, на саггод̇и аасанааби вудтаад̇ум̣. ат̇а ко со, бхаг̇г̇ава, бурисо ажзлам̣ баат̇игабуд̇д̇ам̣ зд̇ад̣̇авожа – ‘гим̣ су наама д̇з, аавусо баат̇игабуд̇д̇а, баавал̣аа су наама д̇з бийтагасмим̣ аллийнаа, бийтагам̣ су наама д̇з баавал̣аасу аллийнам̣? ааяаами аавусо, ааяаами аавусод̇и вад̇ваа д̇ад̇т̇зва сам̣саббаси, на саггоси аасанааби вудтаад̇у’нд̇и. звамби ко, бхаг̇г̇ава, вужжамаано ажзло баат̇игабуд̇д̇о ‘ааяаами аавусо, ааяаами аавусо’д̇и вад̇ваа д̇ад̇т̇зва сам̣саббад̇и , на саггод̇и аасанааби вудтаад̇ум̣.

‘‘Evaṃ vutte, bhaggava, acelo pāthikaputto ‘āyāmi āvuso, āyāmi āvuso’ti vatvā tattheva saṃsappati ⁵⁶, na sakkoti āsanāpi vuṭṭhātuṃ. Atha kho so, bhaggava, puriso acelaṃ pāthikaputtaṃ etadavoca – ‘kiṃ su nāma te, āvuso pāthikaputta, pāvaḷā su nāma te pīṭhakasmiṃ allīnā, pīṭhakaṃ su nāma te pāvaḷāsu allīnaṃ? Āyāmi āvuso, āyāmi āvusoti vatvā tattheva saṃsappasi, na sakkosi āsanāpi vuṭṭhātu’nti. Evampi kho, bhaggava, vuccamāno acelo pāthikaputto ‘āyāmi āvuso, āyāmi āvuso’ti vatvā tattheva saṃsappati , na sakkoti āsanāpi vuṭṭhātuṃ.

23. ‘‘яад̣̇аа ко со, бхаг̇г̇ава, бурисо ан̃н̃ааси – ‘бараабхууд̇аруубо аяам̣ ажзло баат̇игабуд̇д̇о. ааяаами аавусо, ааяаами аавусод̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇у’нд̇и. ат̇а д̇ам̣ барисам̣ ааг̇анд̇ваа звамаарожзси – ‘бараабхууд̇аруубо, бхо ⁵⁷, ажзло баат̇игабуд̇д̇о. ааяаами аавусо, ааяаами аавусод̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇у’нд̇и. звам̣ вуд̇д̇з, ахам̣, бхаг̇г̇ава, д̇ам̣ барисам̣ зд̇ад̣̇авожам̣ – ‘абхаб̣б̣о ко, аавусо, ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ‘ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяа’нд̇и, муд̣̇д̇хааби д̇асса вибад̇зяяаад̇и.

23. ‘‘Yadā kho so, bhaggava, puriso aññāsi – ‘parābhūtarūpo ayaṃ acelo pāthikaputto. Āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Atha taṃ parisaṃ āgantvā evamārocesi – ‘parābhūtarūpo, bho ⁵⁸, acelo pāthikaputto. Āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Evaṃ vutte, ahaṃ, bhaggava, taṃ parisaṃ etadavocaṃ – ‘abhabbo kho, āvuso, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ‘ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyya’nti, muddhāpi tassa vipateyyāti.

батамабхаан̣авааро нидтид̇о.

Paṭhamabhāṇavāro niṭṭhito.

24. ‘‘ат̇а ко, бхаг̇г̇ава, ан̃н̃ад̇аро лижчавимахаамад̇д̇о удтааяаасанаа д̇ам̣ барисам̣ зд̇ад̣̇авожа – ‘д̇зна хи, бхо, мухуд̇д̇ам̣ д̇аава ааг̇амзт̇а, яааваахам̣ г̇ажчаами ⁵⁹. аббзва наама ахамби саггун̣зяяам̣ ажзлам̣ баат̇игабуд̇д̇ам̣ имам̣ барисам̣ аанзд̇у’нд̇и.

24. ‘‘Atha kho, bhaggava, aññataro licchavimahāmatto uṭṭhāyāsanā taṃ parisaṃ etadavoca – ‘tena hi, bho, muhuttaṃ tāva āgametha, yāvāhaṃ gacchāmi ⁶⁰. Appeva nāma ahampi sakkuṇeyyaṃ acelaṃ pāthikaputtaṃ imaṃ parisaṃ ānetu’nti.

‘‘ат̇а ко со, бхаг̇г̇ава, лижчавимахаамад̇д̇о язна д̇инд̣̇угакаан̣убариб̣б̣ааж̇агаараамо, язна ажзло баат̇игабуд̇д̇о д̇знубасан̇гами. убасан̇гамид̇ваа ажзлам̣ баат̇игабуд̇д̇ам̣ зд̇ад̣̇авожа – ‘абхиггамаавусо баат̇игабуд̇д̇а, абхигганд̇ам̣ д̇з сзяяо, абхигганд̇аа абхин̃н̃аад̇аа абхин̃н̃аад̇аа лижчавий, абхигганд̇аа абхин̃н̃аад̇аа абхин̃н̃аад̇аа жа б̣раахман̣амахаасаалаа г̇ахабад̇инзжаяигаа наанаад̇ид̇т̇ияаа саман̣аб̣раахман̣аа. саман̣оби г̇од̇амо ааяасмад̇о аараамз д̣̇иваавихаарам̣ нисинно. бхаасид̇аа ко бана д̇з зсаа, аавусо баат̇игабуд̇д̇а, взсаалияам̣ барисад̇и ваажаа – саман̣оби г̇од̇амо н̃аан̣аваад̣̇о…бз… д̇ад̣̇д̣̇иг̇ун̣ам̣ д̇ад̣̇д̣̇иг̇ун̣аахам̣ гариссаамийд̇и. абхиггамассзва ко, аавусо баат̇игабуд̇д̇а, убад̣дхабат̇ам̣. саб̣б̣абатамам̣язва ааг̇анд̇ваа саман̣о г̇од̇амо ааяасмад̇о аараамз д̣̇иваавихаарам̣ нисинно. бхаасид̇аа ко банзсаа, аавусо баат̇игабуд̇д̇а, саман̣зна г̇од̇амзна барисад̇и ваажаа – абхаб̣б̣о ко ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаад̇и. абхиггамаавусо баат̇игабуд̇д̇а, абхиггаманзнзва д̇з ж̇аяам̣ гариссаама, саман̣асса г̇од̇амасса барааж̇аяа’нд̇и.

‘‘Atha kho so, bhaggava, licchavimahāmatto yena tindukakhāṇuparibbājakārāmo, yena acelo pāthikaputto tenupasaṅkami. Upasaṅkamitvā acelaṃ pāthikaputtaṃ etadavoca – ‘abhikkamāvuso pāthikaputta, abhikkantaṃ te seyyo, abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo āyasmato ārāme divāvihāraṃ nisinno. Bhāsitā kho pana te esā, āvuso pāthikaputta, vesāliyaṃ parisati vācā – samaṇopi gotamo ñāṇavādo…pe… taddiguṇaṃ taddiguṇāhaṃ karissāmīti. Abhikkamasseva kho, āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno. Bhāsitā kho panesā, āvuso pāthikaputta, samaṇena gotamena parisati vācā – abhabbo kho acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti. Abhikkamāvuso pāthikaputta, abhikkamaneneva te jayaṃ karissāma, samaṇassa gotamassa parājaya’nti.

‘‘звам̣ вуд̇д̇з, бхаг̇г̇ава, ажзло баат̇игабуд̇д̇о ‘ааяаами аавусо, ааяаами аавусо’д̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇ум̣. ат̇а ко со, бхаг̇г̇ава, лижчавимахаамад̇д̇о ажзлам̣ баат̇игабуд̇д̇ам̣ зд̇ад̣̇авожа – ‘гим̣ су наама д̇з, аавусо баат̇игабуд̇д̇а, баавал̣аа су наама д̇з бийтагасмим̣ аллийнаа, бийтагам̣ су наама д̇з баавал̣аасу аллийнам̣ ? ааяаами аавусо, ааяаами аавусод̇и вад̇ваа д̇ад̇т̇зва сам̣саббаси, на саггоси аасанааби вудтаад̇у’нд̇и . звамби ко, бхаг̇г̇ава, вужжамаано ажзло баат̇игабуд̇д̇о ‘ааяаами аавусо, ааяаами аавусо’д̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇ум̣.

‘‘Evaṃ vutte, bhaggava, acelo pāthikaputto ‘āyāmi āvuso, āyāmi āvuso’ti vatvā tattheva saṃsappati, na sakkoti āsanāpi vuṭṭhātuṃ. Atha kho so, bhaggava, licchavimahāmatto acelaṃ pāthikaputtaṃ etadavoca – ‘kiṃ su nāma te, āvuso pāthikaputta, pāvaḷā su nāma te pīṭhakasmiṃ allīnā, pīṭhakaṃ su nāma te pāvaḷāsu allīnaṃ ? Āyāmi āvuso, āyāmi āvusoti vatvā tattheva saṃsappasi, na sakkosi āsanāpi vuṭṭhātu’nti . Evampi kho, bhaggava, vuccamāno acelo pāthikaputto ‘āyāmi āvuso, āyāmi āvuso’ti vatvā tattheva saṃsappati, na sakkoti āsanāpi vuṭṭhātuṃ.

25. ‘‘яад̣̇аа ко со, бхаг̇г̇ава, лижчавимахаамад̇д̇о ан̃н̃ааси – ‘бараабхууд̇аруубо аяам̣ ажзло баат̇игабуд̇д̇о ааяаами аавусо, ааяаами аавусод̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇у’нд̇и. ат̇а д̇ам̣ барисам̣ ааг̇анд̇ваа звамаарожзси – ‘бараабхууд̇аруубо, бхо ⁶¹, ажзло баат̇игабуд̇д̇о ааяаами аавусо, ааяаами аавусод̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇у’нд̇и. звам̣ вуд̇д̇з, ахам̣, бхаг̇г̇ава, д̇ам̣ барисам̣ зд̇ад̣̇авожам̣ – ‘абхаб̣б̣о ко, аавусо, ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяа. сажз бааяасманд̇аанам̣ лижчавийнам̣ звамасса – маяам̣ ажзлам̣ баат̇игабуд̇д̇ам̣ варад̇д̇аахи ⁶² б̣анд̇хид̇ваа г̇ояуг̇зхи аавин̃чзяяаамаад̇и ⁶³, д̇аа варад̇д̇аа чиж̇ж̇зяяум̣ баат̇игабуд̇д̇о ваа. абхаб̣б̣о бана ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и.

25. ‘‘Yadā kho so, bhaggava, licchavimahāmatto aññāsi – ‘parābhūtarūpo ayaṃ acelo pāthikaputto āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Atha taṃ parisaṃ āgantvā evamārocesi – ‘parābhūtarūpo, bho ⁶⁴, acelo pāthikaputto āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Evaṃ vutte, ahaṃ, bhaggava, taṃ parisaṃ etadavocaṃ – ‘abhabbo kho, āvuso, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyya. Sace pāyasmantānaṃ licchavīnaṃ evamassa – mayaṃ acelaṃ pāthikaputtaṃ varattāhi ⁶⁵ bandhitvā goyugehi āviñcheyyāmāti ⁶⁶, tā varattā chijjeyyuṃ pāthikaputto vā. Abhabbo pana acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

26. ‘‘ат̇а ко, бхаг̇г̇ава, ж̇аалияо д̣̇аарубад̇д̇иганд̇зваасий удтааяаасанаа д̇ам̣ барисам̣ зд̇ад̣̇авожа – ‘д̇зна хи, бхо, мухуд̇д̇ам̣ д̇аава ааг̇амзт̇а, яааваахам̣ г̇ажчаами; аббзва наама ахамби саггун̣зяяам̣ ажзлам̣ баат̇игабуд̇д̇ам̣ имам̣ барисам̣ аанзд̇у’’нд̇и.

26. ‘‘Atha kho, bhaggava, jāliyo dārupattikantevāsī uṭṭhāyāsanā taṃ parisaṃ etadavoca – ‘tena hi, bho, muhuttaṃ tāva āgametha, yāvāhaṃ gacchāmi; appeva nāma ahampi sakkuṇeyyaṃ acelaṃ pāthikaputtaṃ imaṃ parisaṃ ānetu’’nti.

‘‘ат̇а ко, бхаг̇г̇ава, ж̇аалияо д̣̇аарубад̇д̇иганд̇зваасий язна д̇инд̣̇угакаан̣убариб̣б̣ааж̇агаараамо, язна ажзло баат̇игабуд̇д̇о д̇знубасан̇гами. убасан̇гамид̇ваа ажзлам̣ баат̇игабуд̇д̇ам̣ зд̇ад̣̇авожа – ‘абхиггамаавусо баат̇игабуд̇д̇а, абхигганд̇ам̣ д̇з сзяяо. абхигганд̇аа абхин̃н̃аад̇аа абхин̃н̃аад̇аа лижчавий, абхигганд̇аа абхин̃н̃аад̇аа абхин̃н̃аад̇аа жа б̣раахман̣амахаасаалаа г̇ахабад̇инзжаяигаа наанаад̇ид̇т̇ияаа саман̣аб̣раахман̣аа. саман̣оби г̇од̇амо ааяасмад̇о аараамз д̣̇иваавихаарам̣ нисинно. бхаасид̇аа ко бана д̇з зсаа, аавусо баат̇игабуд̇д̇а, взсаалияам̣ барисад̇и ваажаа – саман̣оби г̇од̇амо н̃аан̣аваад̣̇о…бз… д̇ад̣̇д̣̇иг̇ун̣ам̣ д̇ад̣̇д̣̇иг̇ун̣аахам̣ гариссаамийд̇и. абхиггамассзва, ко аавусо баат̇игабуд̇д̇а, убад̣дхабат̇ам̣. саб̣б̣абатамам̣язва ааг̇анд̇ваа саман̣о г̇од̇амо ааяасмад̇о аараамз д̣̇иваавихаарам̣ нисинно. бхаасид̇аа ко банзсаа, аавусо баат̇игабуд̇д̇а, саман̣зна г̇од̇амзна барисад̇и ваажаа – абхаб̣б̣о ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяа. сажз бааяасманд̇аанам̣ лижчавийнам̣ звамасса – маяам̣ ажзлам̣ баат̇игабуд̇д̇ам̣ варад̇д̇аахи б̣анд̇хид̇ваа г̇ояуг̇зхи аавин̃чзяяаамаад̇и. д̇аа варад̇д̇аа чиж̇ж̇зяяум̣ баат̇игабуд̇д̇о ваа. абхаб̣б̣о бана ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ ааг̇ажчзяяанд̇и, муд̣̇д̇хааби д̇асса вибад̇зяяаад̇и. абхиггамаавусо баат̇игабуд̇д̇а, абхиггаманзнзва д̇з ж̇аяам̣ гариссаама, саман̣асса г̇од̇амасса барааж̇аяа’нд̇и.

‘‘Atha kho, bhaggava, jāliyo dārupattikantevāsī yena tindukakhāṇuparibbājakārāmo, yena acelo pāthikaputto tenupasaṅkami. Upasaṅkamitvā acelaṃ pāthikaputtaṃ etadavoca – ‘abhikkamāvuso pāthikaputta, abhikkantaṃ te seyyo. Abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo āyasmato ārāme divāvihāraṃ nisinno. Bhāsitā kho pana te esā, āvuso pāthikaputta, vesāliyaṃ parisati vācā – samaṇopi gotamo ñāṇavādo…pe… taddiguṇaṃ taddiguṇāhaṃ karissāmīti. Abhikkamasseva, kho āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno. Bhāsitā kho panesā, āvuso pāthikaputta, samaṇena gotamena parisati vācā – abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyya. Sace pāyasmantānaṃ licchavīnaṃ evamassa – mayaṃ acelaṃ pāthikaputtaṃ varattāhi bandhitvā goyugehi āviñcheyyāmāti. Tā varattā chijjeyyuṃ pāthikaputto vā. Abhabbo pana acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ āgaccheyyanti, muddhāpi tassa vipateyyāti. Abhikkamāvuso pāthikaputta, abhikkamaneneva te jayaṃ karissāma, samaṇassa gotamassa parājaya’nti.

‘‘звам̣ вуд̇д̇з, бхаг̇г̇ава, ажзло баат̇игабуд̇д̇о ‘ааяаами аавусо, ааяаами аавусо’д̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇ум̣. ат̇а ко, бхаг̇г̇ава, ж̇аалияо д̣̇аарубад̇д̇иганд̇зваасий ажзлам̣ баат̇игабуд̇д̇ам̣ зд̇ад̣̇авожа – ‘гим̣ су наама д̇з, аавусо баат̇игабуд̇д̇а, баавал̣аа су наама д̇з бийтагасмим̣ аллийнаа, бийтагам̣ су наама д̇з баавал̣аасу аллийнам̣? ааяаами аавусо, ааяаами аавусод̇и вад̇ваа д̇ад̇т̇зва сам̣саббаси, на саггоси аасанааби вудтаад̇у’нд̇и. звамби ко, бхаг̇г̇ава, вужжамаано ажзло баат̇игабуд̇д̇о ‘‘ааяаами аавусо, ааяаами аавусо’’д̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇унд̇и.

‘‘Evaṃ vutte, bhaggava, acelo pāthikaputto ‘āyāmi āvuso, āyāmi āvuso’ti vatvā tattheva saṃsappati, na sakkoti āsanāpi vuṭṭhātuṃ. Atha kho, bhaggava, jāliyo dārupattikantevāsī acelaṃ pāthikaputtaṃ etadavoca – ‘kiṃ su nāma te, āvuso pāthikaputta, pāvaḷā su nāma te pīṭhakasmiṃ allīnā, pīṭhakaṃ su nāma te pāvaḷāsu allīnaṃ? Āyāmi āvuso, āyāmi āvusoti vatvā tattheva saṃsappasi, na sakkosi āsanāpi vuṭṭhātu’nti. Evampi kho, bhaggava, vuccamāno acelo pāthikaputto ‘‘āyāmi āvuso, āyāmi āvuso’’ti vatvā tattheva saṃsappati, na sakkoti āsanāpi vuṭṭhātunti.

27. ‘‘яад̣̇аа ко, бхаг̇г̇ава, ж̇аалияо д̣̇аарубад̇д̇иганд̇зваасий ан̃н̃ааси – ‘бараабхууд̇аруубо аяам̣ ажзло баат̇игабуд̇д̇о ‘ааяаами аавусо, ааяаами аавусод̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇у’нд̇и, ат̇а нам̣ зд̇ад̣̇авожа –

27. ‘‘Yadā kho, bhaggava, jāliyo dārupattikantevāsī aññāsi – ‘parābhūtarūpo ayaṃ acelo pāthikaputto ‘āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti, atha naṃ etadavoca –

‘бхууд̇абуб̣б̣ам̣, аавусо баат̇игабуд̇д̇а, сийхасса миг̇аран̃н̃о зд̇ад̣̇ахоси – яам̣нуунаахам̣ ан̃н̃ад̇арам̣ ванасан̣д̣ам̣ ниссааяа аасаяам̣ габбзяяам̣. д̇ад̇раасаяам̣ габбзд̇ваа сааяанхасамаяам̣ аасаяаа нигкамзяяам̣, аасаяаа нигкамид̇ваа виж̇амбхзяяам̣, виж̇амбхид̇ваа саманд̇аа жад̇уд̣̇д̣̇исаа анувилогзяяам̣, саманд̇аа жад̇уд̣̇д̣̇исаа анувилогзд̇ваа д̇игкад̇д̇ум̣ сийханаад̣̇ам̣ над̣̇зяяам̣, д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггамзяяам̣. со варам̣ варам̣ миг̇асам̣гхз ⁶⁷ вад̇хид̇ваа муд̣̇умам̣саани муд̣̇умам̣саани бхагкаяид̇ваа д̇амзва аасаяам̣ аж̇жхубзяяа’нд̇и.

‘Bhūtapubbaṃ, āvuso pāthikaputta, sīhassa migarañño etadahosi – yaṃnūnāhaṃ aññataraṃ vanasaṇḍaṃ nissāya āsayaṃ kappeyyaṃ. Tatrāsayaṃ kappetvā sāyanhasamayaṃ āsayā nikkhameyyaṃ, āsayā nikkhamitvā vijambheyyaṃ, vijambhitvā samantā catuddisā anuvilokeyyaṃ, samantā catuddisā anuviloketvā tikkhattuṃ sīhanādaṃ nadeyyaṃ, tikkhattuṃ sīhanādaṃ naditvā gocarāya pakkameyyaṃ. So varaṃ varaṃ migasaṃghe ⁶⁸ vadhitvā mudumaṃsāni mudumaṃsāni bhakkhayitvā tameva āsayaṃ ajjhupeyya’nti.

‘ат̇а ко, аавусо, со сийхо миг̇арааж̇аа ан̃н̃ад̇арам̣ ванасан̣д̣ам̣ ниссааяа аасаяам̣ габбзси. д̇ад̇раасаяам̣ габбзд̇ваа сааяанхасамаяам̣ аасаяаа нигками, аасаяаа нигкамид̇ваа виж̇амбхи, виж̇амбхид̇ваа саманд̇аа жад̇уд̣̇д̣̇исаа анувилогзси, саманд̇аа жад̇уд̣̇д̣̇исаа анувилогзд̇ваа д̇игкад̇д̇ум̣ сийханаад̣̇ам̣ над̣̇и, д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггаами. со варам̣ варам̣ миг̇асан̇гхз вад̇хид̇ваа муд̣̇умам̣саани муд̣̇умам̣саани бхагкаяид̇ваа д̇амзва аасаяам̣ аж̇жхубзси.

‘Atha kho, āvuso, so sīho migarājā aññataraṃ vanasaṇḍaṃ nissāya āsayaṃ kappesi. Tatrāsayaṃ kappetvā sāyanhasamayaṃ āsayā nikkhami, āsayā nikkhamitvā vijambhi, vijambhitvā samantā catuddisā anuvilokesi, samantā catuddisā anuviloketvā tikkhattuṃ sīhanādaṃ nadi, tikkhattuṃ sīhanādaṃ naditvā gocarāya pakkāmi. So varaṃ varaṃ migasaṅghe vadhitvā mudumaṃsāni mudumaṃsāni bhakkhayitvā tameva āsayaṃ ajjhupesi.

28. ‘д̇ассзва ко, аавусо баат̇игабуд̇д̇а, сийхасса миг̇аран̃н̃о вигхаасасам̣вад̣дхо ж̇арасин̇г̇аало ⁶⁹ д̣̇ид̇д̇о жзва б̣алаваа жа. ат̇а ко, аавусо, д̇асса ж̇арасин̇г̇ааласса зд̇ад̣̇ахоси – го жаахам̣, го сийхо миг̇арааж̇аа. яам̣нуунаахамби ан̃н̃ад̇арам̣ ванасан̣д̣ам̣ ниссааяа аасаяам̣ габбзяяам̣. д̇ад̇раасаяам̣ габбзд̇ваа сааяанхасамаяам̣ аасаяаа нигкамзяяам̣, аасаяаа нигкамид̇ваа виж̇амбхзяяам̣, виж̇амбхид̇ваа саманд̇аа жад̇уд̣̇д̣̇исаа анувилогзяяам̣, саманд̇аа жад̇уд̣̇д̣̇исаа анувилогзд̇ваа д̇игкад̇д̇ум̣ сийханаад̣̇ам̣ над̣̇зяяам̣, д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггамзяяам̣. со варам̣ варам̣ миг̇асан̇гхз вад̇хид̇ваа муд̣̇умам̣саани муд̣̇умам̣саани бхагкаяид̇ваа д̇амзва аасаяам̣ аж̇жхубзяяа’нд̇и.

28. ‘Tasseva kho, āvuso pāthikaputta, sīhassa migarañño vighāsasaṃvaḍḍho jarasiṅgālo ⁷⁰ ditto ceva balavā ca. Atha kho, āvuso, tassa jarasiṅgālassa etadahosi – ko cāhaṃ, ko sīho migarājā. Yaṃnūnāhampi aññataraṃ vanasaṇḍaṃ nissāya āsayaṃ kappeyyaṃ. Tatrāsayaṃ kappetvā sāyanhasamayaṃ āsayā nikkhameyyaṃ, āsayā nikkhamitvā vijambheyyaṃ, vijambhitvā samantā catuddisā anuvilokeyyaṃ, samantā catuddisā anuviloketvā tikkhattuṃ sīhanādaṃ nadeyyaṃ, tikkhattuṃ sīhanādaṃ naditvā gocarāya pakkameyyaṃ. So varaṃ varaṃ migasaṅghe vadhitvā mudumaṃsāni mudumaṃsāni bhakkhayitvā tameva āsayaṃ ajjhupeyya’nti.

‘ат̇а ко со, аавусо, ж̇арасин̇г̇аало ан̃н̃ад̇арам̣ ванасан̣д̣ам̣ ниссааяа аасаяам̣ габбзси. д̇ад̇раасаяам̣ габбзд̇ваа сааяанхасамаяам̣ аасаяаа нигками, аасаяаа нигкамид̇ваа виж̇амбхи, виж̇амбхид̇ваа саманд̇аа жад̇уд̣̇д̣̇исаа анувилогзси, саманд̇аа жад̇уд̣̇д̣̇исаа анувилогзд̇ваа д̇игкад̇д̇ум̣ сийханаад̣̇ам̣ над̣̇иссаамийд̇и син̇г̇аалагам̣язва анад̣̇и бхзран̣д̣агам̣язва ⁷¹ анад̣̇и, гз жа чавз син̇г̇аалз, гз бана сийханаад̣̇зд̇и ⁷².

‘Atha kho so, āvuso, jarasiṅgālo aññataraṃ vanasaṇḍaṃ nissāya āsayaṃ kappesi. Tatrāsayaṃ kappetvā sāyanhasamayaṃ āsayā nikkhami, āsayā nikkhamitvā vijambhi, vijambhitvā samantā catuddisā anuvilokesi, samantā catuddisā anuviloketvā tikkhattuṃ sīhanādaṃ nadissāmīti siṅgālakaṃyeva anadi bheraṇḍakaṃyeva ⁷³ anadi, ke ca chave siṅgāle, ke pana sīhanādeti ⁷⁴.

‘звамзва ко д̇вам̣, аавусо баат̇игабуд̇д̇а, суг̇ад̇аабад̣̇аанзсу ж̇ийвамаано суг̇ад̇аад̇ирид̇д̇аани бхун̃ж̇амаано д̇ат̇ааг̇ад̇з араханд̇з саммаасамб̣уд̣̇д̇хз аасаад̣̇зд̇аб̣б̣ам̣ ман̃н̃аси. гз жа чавз баат̇игабуд̇д̇з, гаа жа д̇ат̇ааг̇ад̇аанам̣ араханд̇аанам̣ саммаасамб̣уд̣̇д̇хаанам̣ аасаад̣̇анаа’д̇и.

‘Evameva kho tvaṃ, āvuso pāthikaputta, sugatāpadānesu jīvamāno sugatātirittāni bhuñjamāno tathāgate arahante sammāsambuddhe āsādetabbaṃ maññasi. Ke ca chave pāthikaputte, kā ca tathāgatānaṃ arahantānaṃ sammāsambuddhānaṃ āsādanā’ti.

29. ‘‘яад̇о ко, бхаг̇г̇ава, ж̇аалияо д̣̇аарубад̇д̇иганд̇зваасий иминаа обаммзна нзва асагки ажзлам̣ баат̇игабуд̇д̇ам̣ д̇амхаа аасанаа жаавзд̇ум̣. ат̇а нам̣ зд̇ад̣̇авожа –

29. ‘‘Yato kho, bhaggava, jāliyo dārupattikantevāsī iminā opammena neva asakkhi acelaṃ pāthikaputtaṃ tamhā āsanā cāvetuṃ. Atha naṃ etadavoca –

‘сийход̇и ад̇д̇аанам̣ самзгкияаана,

‘Sīhoti attānaṃ samekkhiyāna,

аман̃н̃и год̇т̇у миг̇арааж̇аахамасми;

Amaññi kotthu migarājāhamasmi;

д̇ат̇зва ⁷⁵ со син̇г̇аалагам̣ анад̣̇и,

Tatheva ⁷⁶ so siṅgālakaṃ anadi,

гз жа чавз син̇г̇аалз гз бана сийханаад̣̇з’д̇и.

Ke ca chave siṅgāle ke pana sīhanāde’ti.

30. ‘‘яад̇о ко, бхаг̇г̇ава, ж̇аалияо д̣̇аарубад̇д̇иганд̇зваасий иминааби обаммзна нзва асагки ажзлам̣ баат̇игабуд̇д̇ам̣ д̇амхаа аасанаа жаавзд̇ум̣. ат̇а нам̣ зд̇ад̣̇авожа –

30. ‘‘Yato kho, bhaggava, jāliyo dārupattikantevāsī imināpi opammena neva asakkhi acelaṃ pāthikaputtaṃ tamhā āsanā cāvetuṃ. Atha naṃ etadavoca –

‘ан̃н̃ам̣ анужан̇гаманам̣, ад̇д̇аанам̣ вигхаасз самзгкияа;

‘Aññaṃ anucaṅkamanaṃ, attānaṃ vighāse samekkhiya;

яаава ад̇д̇аанам̣ на бассад̇и, год̇т̇у д̇аава б̣яаг̇гход̇и ман̃н̃ад̇и.

Yāva attānaṃ na passati, kotthu tāva byagghoti maññati.

д̇ат̇зва со син̇г̇аалагам̣ анад̣̇и;

Tatheva so siṅgālakaṃ anadi;

гз жа чавз син̇г̇аалз гз бана сийханаад̣̇з’д̇и.

Ke ca chave siṅgāle ke pana sīhanāde’ti.

31. ‘‘яад̇о ко, бхаг̇г̇ава, ж̇аалияо д̣̇аарубад̇д̇иганд̇зваасий иминааби обаммзна нзва асагки ажзлам̣ баат̇игабуд̇д̇ам̣ д̇амхаа аасанаа жаавзд̇ум̣. ат̇а нам̣ зд̇ад̣̇авожа –

31. ‘‘Yato kho, bhaggava, jāliyo dārupattikantevāsī imināpi opammena neva asakkhi acelaṃ pāthikaputtaṃ tamhā āsanā cāvetuṃ. Atha naṃ etadavoca –

‘бхуд̇ваана бхзгз ⁷⁷ каламуусигааяо,

‘Bhutvāna bheke ⁷⁸ khalamūsikāyo,

гадасийсу кид̇д̇аани жа гон̣абаани ⁷⁹;

Kaṭasīsu khittāni ca koṇapāni ⁸⁰;

махааванз сун̃н̃аванз вивад̣дхо,

Mahāvane suññavane vivaḍḍho,

аман̃н̃и год̇т̇у миг̇арааж̇аахамасми.

Amaññi kotthu migarājāhamasmi.

д̇ат̇зва со син̇г̇аалагам̣ анад̣̇и;

Tatheva so siṅgālakaṃ anadi;

гз жа чавз син̇г̇аалз гз бана сийханаад̣̇з’д̇и.

Ke ca chave siṅgāle ke pana sīhanāde’ti.

32. ‘‘яад̇о ко, бхаг̇г̇ава, ж̇аалияо д̣̇аарубад̇д̇иганд̇зваасий иминааби обаммзна нзва асагки ажзлам̣ баат̇игабуд̇д̇ам̣ д̇амхаа аасанаа жаавзд̇ум̣. ат̇а д̇ам̣ барисам̣ ааг̇анд̇ваа звамаарожзси – ‘бараабхууд̇аруубо, бхо, ажзло баат̇игабуд̇д̇о ааяаами аавусо, ааяаами аавусод̇и вад̇ваа д̇ад̇т̇зва сам̣саббад̇и, на саггод̇и аасанааби вудтаад̇у’нд̇и.

32. ‘‘Yato kho, bhaggava, jāliyo dārupattikantevāsī imināpi opammena neva asakkhi acelaṃ pāthikaputtaṃ tamhā āsanā cāvetuṃ. Atha taṃ parisaṃ āgantvā evamārocesi – ‘parābhūtarūpo, bho, acelo pāthikaputto āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti.

33. ‘‘звам̣ вуд̇д̇з, ахам̣, бхаг̇г̇ава, д̇ам̣ барисам̣ зд̇ад̣̇авожам̣ – ‘абхаб̣б̣о ко, аавусо, ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяа. сажзбааяасманд̇аанам̣ лижчавийнам̣ звамасса – маяам̣ ажзлам̣ баат̇игабуд̇д̇ам̣ варад̇д̇аахи б̣анд̇хид̇ваа нааг̇зхи ⁸¹ аавин̃чзяяаамаад̇и . д̇аа варад̇д̇аа чиж̇ж̇зяяум̣ баат̇игабуд̇д̇о ваа. абхаб̣б̣о бана ажзло баат̇игабуд̇д̇о д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа мама саммукийбхаавам̣ ааг̇анд̇ум̣. сажзбисса звамасса – ахам̣ д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа саман̣асса г̇од̇амасса саммукийбхаавам̣ г̇ажчзяяанд̇и, муд̣̇д̇хааби д̇асса вибад̇зяяаа’д̇и.

33. ‘‘Evaṃ vutte, ahaṃ, bhaggava, taṃ parisaṃ etadavocaṃ – ‘abhabbo kho, āvuso, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyya. Sacepāyasmantānaṃ licchavīnaṃ evamassa – mayaṃ acelaṃ pāthikaputtaṃ varattāhi bandhitvā nāgehi ⁸² āviñcheyyāmāti . Tā varattā chijjeyyuṃ pāthikaputto vā. Abhabbo pana acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

34. ‘‘ат̇а кваахам̣, бхаг̇г̇ава, д̇ам̣ барисам̣ д̇хаммияаа гат̇ааяа санд̣̇ассзсим̣ самаад̣̇абзсим̣ самуд̇д̇зж̇зсим̣ самбахам̣сзсим̣, д̇ам̣ барисам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа махааб̣анд̇ханаа могкам̣ гарид̇ваа жад̇ураасийд̇ибаан̣асахассаани махаавид̣̇уг̇г̇аа уд̣̇д̇харид̇ваа д̇зж̇од̇хаад̇ум̣ самаабаж̇ж̇ид̇ваа сад̇д̇ад̇аалам̣ взхаасам̣ аб̣бхуг̇г̇анд̇ваа ан̃н̃ам̣ сад̇д̇ад̇ааламби ажжим̣ ⁸³ абхинимминид̇ваа баж̇ж̇алид̇ваа д̇хуумааяид̇ваа ⁸⁴ махааванз гуудааг̇аарасаалааяам̣ бажжудтаасим̣.

34. ‘‘Atha khvāhaṃ, bhaggava, taṃ parisaṃ dhammiyā kathāya sandassesiṃ samādapesiṃ samuttejesiṃ sampahaṃsesiṃ, taṃ parisaṃ dhammiyā kathāya sandassetvā samādapetvā samuttejetvā sampahaṃsetvā mahābandhanā mokkhaṃ karitvā caturāsītipāṇasahassāni mahāviduggā uddharitvā tejodhātuṃ samāpajjitvā sattatālaṃ vehāsaṃ abbhuggantvā aññaṃ sattatālampi acciṃ ⁸⁵ abhinimminitvā pajjalitvā dhūmāyitvā ⁸⁶ mahāvane kūṭāgārasālāyaṃ paccuṭṭhāsiṃ.

35. ‘‘ат̇а ко, бхаг̇г̇ава, сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ахам̣, бхаг̇г̇ава, сунагкад̇д̇ам̣ лижчавибуд̇д̇ам̣ зд̇ад̣̇авожам̣ – ‘д̇ам̣ гим̣ ман̃н̃аси, сунагкад̇д̇а, яат̇зва д̇з ахам̣ ажзлам̣ баат̇игабуд̇д̇ам̣ аараб̣бха б̣яаагаасим̣, д̇ат̇зва д̇ам̣ вибаагам̣ ан̃н̃ат̇аа ваа’д̇и? ‘яат̇зва мз, бханд̇з, бхаг̇аваа ажзлам̣ баат̇игабуд̇д̇ам̣ аараб̣бха б̣яаагааси, д̇ат̇зва д̇ам̣ вибаагам̣, но ан̃н̃ат̇аа’д̇и.

35. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava, sunakkhattaṃ licchaviputtaṃ etadavocaṃ – ‘taṃ kiṃ maññasi, sunakkhatta, yatheva te ahaṃ acelaṃ pāthikaputtaṃ ārabbha byākāsiṃ, tatheva taṃ vipākaṃ aññathā vā’ti? ‘Yatheva me, bhante, bhagavā acelaṃ pāthikaputtaṃ ārabbha byākāsi, tatheva taṃ vipākaṃ, no aññathā’ti.

‘д̇ам̣ гим̣ ман̃н̃аси, сунагкад̇д̇а, яад̣̇и звам̣ санд̇з гад̇ам̣ ваа ход̇и уд̇д̇аримануссад̇хаммаа ид̣̇д̇хибаадихаарияам̣, агад̇ам̣ ваа’д̇и? ‘ад̣̇д̇хаа ко, бханд̇з, звам̣ санд̇з гад̇ам̣ ход̇и уд̇д̇аримануссад̇хаммаа ид̣̇д̇хибаадихаарияам̣, но агад̇а’нд̇и. ‘звамби ко мам̣ д̇вам̣, могхабуриса, уд̇д̇аримануссад̇хаммаа ид̣̇д̇хибаадихаарияам̣ гаронд̇ам̣ звам̣ вад̣̇зси – на хи бана мз, бханд̇з, бхаг̇аваа уд̇д̇аримануссад̇хаммаа ид̣̇д̇хибаадихаарияам̣ гарод̇ийд̇и. басса, могхабуриса, яааван̃жа д̇з ид̣̇ам̣ абарад̣̇д̇хам̣’д̇и.

‘Taṃ kiṃ maññasi, sunakkhatta, yadi evaṃ sante kataṃ vā hoti uttarimanussadhammā iddhipāṭihāriyaṃ, akataṃ vā’ti? ‘Addhā kho, bhante, evaṃ sante kataṃ hoti uttarimanussadhammā iddhipāṭihāriyaṃ, no akata’nti. ‘Evampi kho maṃ tvaṃ, moghapurisa, uttarimanussadhammā iddhipāṭihāriyaṃ karontaṃ evaṃ vadesi – na hi pana me, bhante, bhagavā uttarimanussadhammā iddhipāṭihāriyaṃ karotīti. Passa, moghapurisa, yāvañca te idaṃ aparaddhaṃ’ti.

‘‘звамби ко, бхаг̇г̇ава, сунагкад̇д̇о лижчавибуд̇д̇о маяаа вужжамаано абаггамзва имасмаа д̇хаммавинаяаа, яат̇аа д̇ам̣ аабааяиго нзраяиго.

‘‘Evampi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

аг̇г̇ан̃н̃абан̃н̃ад̇д̇игат̇аа

Aggaññapaññattikathā

36. ‘‘аг̇г̇ан̃н̃ан̃жаахам̣, бхаг̇г̇ава, баж̇аанаами. д̇ан̃жа баж̇аанаами ⁸⁷, д̇ад̇о жа уд̇д̇арид̇арам̣ баж̇аанаами, д̇ан̃жа баж̇аанам̣ ⁸⁸ на бараамасаами, абараамасад̇о жа мз бажжад̇д̇ан̃н̃зва ниб̣б̣уд̇и вид̣̇ид̇аа, яад̣̇абхиж̇аанам̣ д̇ат̇ааг̇ад̇о но анаяам̣ аабаж̇ж̇ад̇и .

36. ‘‘Aggaññañcāhaṃ, bhaggava, pajānāmi. Tañca pajānāmi ⁸⁹, tato ca uttaritaraṃ pajānāmi, tañca pajānaṃ ⁹⁰ na parāmasāmi, aparāmasato ca me paccattaññeva nibbuti viditā, yadabhijānaṃ tathāgato no anayaṃ āpajjati .

37. ‘‘санд̇и, бхаг̇г̇ава, згз саман̣аб̣раахман̣аа иссарагуд̇д̇ам̣ б̣рахмагуд̇д̇ам̣ аажарияагам̣ аг̇г̇ан̃н̃ам̣ бан̃н̃абзнд̇и. д̇яаахам̣ убасан̇гамид̇ваа звам̣ вад̣̇аами – ‘сажжам̣ гира д̇умхз ааяасманд̇о иссарагуд̇д̇ам̣ б̣рахмагуд̇д̇ам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з жа мз звам̣ будтаа, ‘аамо’д̇и ⁹¹ бадиж̇аананд̇и. д̇яаахам̣ звам̣ вад̣̇аами – ‘гат̇ам̣вихид̇агам̣ бана ⁹² д̇умхз ааяасманд̇о иссарагуд̇д̇ам̣ б̣рахмагуд̇д̇ам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з маяаа будтаа на самбааяанд̇и, асамбааяанд̇аа маман̃н̃зва бадибужчанд̇и. д̇зсаахам̣ будто б̣яаагароми –

37. ‘‘Santi, bhaggava, eke samaṇabrāhmaṇā issarakuttaṃ brahmakuttaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto issarakuttaṃ brahmakuttaṃ ācariyakaṃ aggaññaṃ paññapethā’ti? Te ca me evaṃ puṭṭhā, ‘āmo’ti ⁹³ paṭijānanti. Tyāhaṃ evaṃ vadāmi – ‘kathaṃvihitakaṃ pana ⁹⁴ tumhe āyasmanto issarakuttaṃ brahmakuttaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti. Tesāhaṃ puṭṭho byākaromi –

38. ‘ход̇и ко со, аавусо, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна аяам̣ лого сам̣ваддад̇и. сам̣ваддамаанз логз язбхуяязна сад̇д̇аа аабхассарасам̣вад̇д̇анигаа хонд̇и. д̇з д̇ад̇т̇а хонд̇и маномаяаа бийд̇ибхагкаа саяам̣бабхаа анд̇алигкажараа субхадтааяино жирам̣ д̣̇ийгхамад̣̇д̇хаанам̣ д̇идтанд̇и.

38. ‘Hoti kho so, āvuso, samayo yaṃ kadāci karahaci dīghassa addhuno accayena ayaṃ loko saṃvaṭṭati. Saṃvaṭṭamāne loke yebhuyyena sattā ābhassarasaṃvattanikā honti. Te tattha honti manomayā pītibhakkhā sayaṃpabhā antalikkhacarā subhaṭṭhāyino ciraṃ dīghamaddhānaṃ tiṭṭhanti.

‘ход̇и ко со, аавусо, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна аяам̣ лого виваддад̇и. виваддамаанз логз сун̃н̃ам̣ б̣рахмавимаанам̣ баад̇убхавад̇и. ат̇а ко ⁹⁵ ан̃н̃ад̇аро сад̇д̇о ааяугкаяаа ваа бун̃н̃агкаяаа ваа аабхассарагааяаа жавид̇ваа сун̃н̃ам̣ б̣рахмавимаанам̣ убабаж̇ж̇ад̇и . со д̇ад̇т̇а ход̇и маномаяо бийд̇ибхагко саяам̣бабхо анд̇алигкажаро субхадтааяий, жирам̣ д̣̇ийгхамад̣̇д̇хаанам̣ д̇идтад̇и.

‘Hoti kho so, āvuso, samayo yaṃ kadāci karahaci dīghassa addhuno accayena ayaṃ loko vivaṭṭati. Vivaṭṭamāne loke suññaṃ brahmavimānaṃ pātubhavati. Atha kho ⁹⁶ aññataro satto āyukkhayā vā puññakkhayā vā ābhassarakāyā cavitvā suññaṃ brahmavimānaṃ upapajjati . So tattha hoti manomayo pītibhakkho sayaṃpabho antalikkhacaro subhaṭṭhāyī, ciraṃ dīghamaddhānaṃ tiṭṭhati.

‘д̇асса д̇ад̇т̇а згагасса д̣̇ийгхарад̇д̇ам̣ нивусид̇ад̇д̇аа анабхирад̇и барид̇ассанаа уббаж̇ж̇ад̇и – ахо вад̇а ан̃н̃зби сад̇д̇аа ид̇т̇ад̇д̇ам̣ ааг̇ажчзяяунд̇и. ат̇а ан̃н̃зби сад̇д̇аа ааяугкаяаа ваа бун̃н̃агкаяаа ваа аабхассарагааяаа жавид̇ваа б̣рахмавимаанам̣ убабаж̇ж̇анд̇и д̇асса сад̇д̇асса сахаб̣яад̇ам̣. д̇зби д̇ад̇т̇а хонд̇и маномаяаа бийд̇ибхагкаа саяам̣бабхаа анд̇алигкажараа субхадтааяино, жирам̣ д̣̇ийгхамад̣̇д̇хаанам̣ д̇идтанд̇и.

‘Tassa tattha ekakassa dīgharattaṃ nivusitattā anabhirati paritassanā uppajjati – aho vata aññepi sattā itthattaṃ āgaccheyyunti. Atha aññepi sattā āyukkhayā vā puññakkhayā vā ābhassarakāyā cavitvā brahmavimānaṃ upapajjanti tassa sattassa sahabyataṃ. Tepi tattha honti manomayā pītibhakkhā sayaṃpabhā antalikkhacarā subhaṭṭhāyino, ciraṃ dīghamaddhānaṃ tiṭṭhanti.

39. ‘д̇ад̇раавусо, яо со сад̇д̇о батамам̣ убабанно, д̇асса звам̣ ход̇и – ахамасми б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа ⁹⁷ васий бид̇аа бхууд̇абхаб̣яаанам̣, маяаа имз сад̇д̇аа ниммид̇аа. д̇ам̣ гисса хзд̇у? маман̃хи буб̣б̣з зд̇ад̣̇ахоси – ахо вад̇а ан̃н̃зби сад̇д̇аа ид̇т̇ад̇д̇ам̣ ааг̇ажчзяяунд̇и; ид̇и мама жа манобан̣ид̇хи. имз жа сад̇д̇аа ид̇т̇ад̇д̇ам̣ ааг̇ад̇аад̇и.

39. ‘Tatrāvuso, yo so satto paṭhamaṃ upapanno, tassa evaṃ hoti – ahamasmi brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā ⁹⁸ vasī pitā bhūtabhabyānaṃ, mayā ime sattā nimmitā. Taṃ kissa hetu? Mamañhi pubbe etadahosi – aho vata aññepi sattā itthattaṃ āgaccheyyunti; iti mama ca manopaṇidhi. Ime ca sattā itthattaṃ āgatāti.

‘язби д̇з сад̇д̇аа бажчаа убабаннаа, д̇зсамби звам̣ ход̇и – аяам̣ ко бхавам̣ б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа васий бид̇аа бхууд̇абхаб̣яаанам̣; иминаа маяам̣ бход̇аа б̣рахмунаа ниммид̇аа. д̇ам̣ гисса хзд̇у? иман̃хи маяам̣ ад̣̇д̣̇асаама ид̇ха батамам̣ убабаннам̣; маяам̣ банаамха бажчаа убабаннаад̇и.

‘Yepi te sattā pacchā upapannā, tesampi evaṃ hoti – ayaṃ kho bhavaṃ brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānaṃ; iminā mayaṃ bhotā brahmunā nimmitā. Taṃ kissa hetu? Imañhi mayaṃ addasāma idha paṭhamaṃ upapannaṃ; mayaṃ panāmha pacchā upapannāti.

40. ‘д̇ад̇раавусо , яо со сад̇д̇о батамам̣ убабанно, со д̣̇ийгхааяугад̇аро жа ход̇и ван̣н̣аванд̇ад̇аро жа махзсагкад̇аро жа. яз бана д̇з сад̇д̇аа бажчаа убабаннаа, д̇з аббааяугад̇араа жа хонд̇и д̣̇уб̣б̣ан̣н̣ад̇араа жа аббзсагкад̇араа жа.

40. ‘Tatrāvuso , yo so satto paṭhamaṃ upapanno, so dīghāyukataro ca hoti vaṇṇavantataro ca mahesakkhataro ca. Ye pana te sattā pacchā upapannā, te appāyukatarā ca honti dubbaṇṇatarā ca appesakkhatarā ca.

‘таанам̣ ко банзд̇ам̣, аавусо, виж̇ж̇ад̇и, яам̣ ан̃н̃ад̇аро сад̇д̇о д̇амхаа гааяаа жавид̇ваа ид̇т̇ад̇д̇ам̣ ааг̇ажчад̇и. ид̇т̇ад̇д̇ам̣ ааг̇ад̇о самаано аг̇аарасмаа анаг̇аарияам̣ баб̣б̣аж̇ад̇и. аг̇аарасмаа анаг̇аарияам̣ баб̣б̣аж̇ид̇о самаано аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и, яат̇аасамаахид̇з жид̇д̇з д̇ам̣ буб̣б̣зниваасам̣ ануссарад̇и; д̇ад̇о барам̣ наануссарад̇и.

‘Ṭhānaṃ kho panetaṃ, āvuso, vijjati, yaṃ aññataro satto tamhā kāyā cavitvā itthattaṃ āgacchati. Itthattaṃ āgato samāno agārasmā anagāriyaṃ pabbajati. Agārasmā anagāriyaṃ pabbajito samāno ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati, yathāsamāhite citte taṃ pubbenivāsaṃ anussarati; tato paraṃ nānussarati.

‘со звамааха – яо ко со бхавам̣ б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа васий бид̇аа бхууд̇абхаб̣яаанам̣, язна маяам̣ бход̇аа б̣рахмунаа ниммид̇аа. со нижжо д̇хуво ⁹⁹ сассад̇о авибарин̣аамад̇хаммо сассад̇исамам̣ д̇ат̇зва тассад̇и. яз бана маяам̣ ахумхаа д̇зна бход̇аа б̣рахмунаа ниммид̇аа, д̇з маяам̣ анижжаа ад̣̇д̇хуваа ¹⁰⁰ аббааяугаа жаванад̇хаммаа ид̇т̇ад̇д̇ам̣ ааг̇ад̇аа’д̇и. звам̣вихид̇агам̣ но д̇умхз ааяасманд̇о иссарагуд̇д̇ам̣ б̣рахмагуд̇д̇ам̣ аажарияагам̣ аг̇г̇ан̃н̃ам̣ бан̃н̃абзт̇аад̇и. ‘д̇з звамаахам̣су – звам̣ ко но, аавусо г̇од̇ама, суд̇ам̣, яат̇звааяасмаа г̇од̇амо аахаа’д̇и. ‘‘аг̇г̇ан̃н̃ан̃жаахам̣, бхаг̇г̇ава, баж̇аанаами. д̇ан̃жа баж̇аанаами, д̇ад̇о жа уд̇д̇арид̇арам̣ баж̇аанаами, д̇ан̃жа баж̇аанам̣ на бараамасаами, абараамасад̇о жа мз бажжад̇д̇ан̃н̃зва ниб̣б̣уд̇и вид̣̇ид̇аа. яад̣̇абхиж̇аанам̣ д̇ат̇ааг̇ад̇о но анаяам̣ аабаж̇ж̇ад̇и.

‘So evamāha – yo kho so bhavaṃ brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānaṃ, yena mayaṃ bhotā brahmunā nimmitā. So nicco dhuvo ¹⁰¹ sassato avipariṇāmadhammo sassatisamaṃ tatheva ṭhassati. Ye pana mayaṃ ahumhā tena bhotā brahmunā nimmitā, te mayaṃ aniccā addhuvā ¹⁰² appāyukā cavanadhammā itthattaṃ āgatā’ti. Evaṃvihitakaṃ no tumhe āyasmanto issarakuttaṃ brahmakuttaṃ ācariyakaṃ aggaññaṃ paññapethāti. ‘Te evamāhaṃsu – evaṃ kho no, āvuso gotama, sutaṃ, yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi. Tañca pajānāmi, tato ca uttaritaraṃ pajānāmi, tañca pajānaṃ na parāmasāmi, aparāmasato ca me paccattaññeva nibbuti viditā. Yadabhijānaṃ tathāgato no anayaṃ āpajjati.

41. ‘‘санд̇и, бхаг̇г̇ава, згз саман̣аб̣раахман̣аа кид̣д̣аабад̣̇осигам̣ аажарияагам̣ аг̇г̇ан̃н̃ам̣ бан̃н̃абзнд̇и. д̇яаахам̣ убасан̇гамид̇ваа звам̣ вад̣̇аами – ‘сажжам̣ гира д̇умхз ааяасманд̇о кид̣д̣аабад̣̇осигам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з жа мз звам̣ будтаа ‘аамо’д̇и бадиж̇аананд̇и. д̇яаахам̣ звам̣ вад̣̇аами – ‘гат̇ам̣вихид̇агам̣ бана д̇умхз ааяасманд̇о кид̣д̣аабад̣̇осигам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з маяаа будтаа на самбааяанд̇и, асамбааяанд̇аа маман̃н̃зва бадибужчанд̇и, д̇зсаахам̣ будто б̣яаагароми –

41. ‘‘Santi, bhaggava, eke samaṇabrāhmaṇā khiḍḍāpadosikaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto khiḍḍāpadosikaṃ ācariyakaṃ aggaññaṃ paññapethā’ti? Te ca me evaṃ puṭṭhā ‘āmo’ti paṭijānanti. Tyāhaṃ evaṃ vadāmi – ‘kathaṃvihitakaṃ pana tumhe āyasmanto khiḍḍāpadosikaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti, tesāhaṃ puṭṭho byākaromi –

42. ‘санд̇аавусо, кид̣д̣аабад̣̇осигаа наама д̣̇зваа. д̇з ад̇ивзлам̣ хассакид̣д̣аарад̇ид̇хаммасамаабаннаа ¹⁰³ вихаранд̇и. д̇зсам̣ ад̇ивзлам̣ хассакид̣д̣аарад̇ид̇хаммасамаабаннаанам̣ вихарад̇ам̣ сад̇и саммуссад̇и, сад̇ияаа саммосаа ¹⁰⁴ д̇з д̣̇зваа д̇амхаа гааяаа жаванд̇и.

42. ‘Santāvuso, khiḍḍāpadosikā nāma devā. Te ativelaṃ hassakhiḍḍāratidhammasamāpannā ¹⁰⁵ viharanti. Tesaṃ ativelaṃ hassakhiḍḍāratidhammasamāpannānaṃ viharataṃ sati sammussati, satiyā sammosā ¹⁰⁶ te devā tamhā kāyā cavanti.

‘таанам̣ ко банзд̇ам̣, аавусо, виж̇ж̇ад̇и, яам̣ ан̃н̃ад̇аро сад̇д̇о д̇амхаа гааяаа жавид̇ваа ид̇т̇ад̇д̇ам̣ ааг̇ажчад̇и, ид̇т̇ад̇д̇ам̣ ааг̇ад̇о самаано аг̇аарасмаа анаг̇аарияам̣ баб̣б̣аж̇ад̇и, аг̇аарасмаа анаг̇аарияам̣ баб̣б̣аж̇ид̇о самаано аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и, яат̇аасамаахид̇з жид̇д̇з д̇ам̣ буб̣б̣зниваасам̣ ануссарад̇и; д̇ад̇о барам̣ наануссарад̇и.

‘Ṭhānaṃ kho panetaṃ, āvuso, vijjati, yaṃ aññataro satto tamhā kāyā cavitvā itthattaṃ āgacchati, itthattaṃ āgato samāno agārasmā anagāriyaṃ pabbajati, agārasmā anagāriyaṃ pabbajito samāno ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati, yathāsamāhite citte taṃ pubbenivāsaṃ anussarati; tato paraṃ nānussarati.

‘со звамааха – яз ко д̇з бхонд̇о д̣̇зваа на кид̣д̣аабад̣̇осигаа д̇з на ад̇ивзлам̣ хассакид̣д̣аарад̇ид̇хаммасамаабаннаа вихаранд̇и. д̇зсам̣ наад̇ивзлам̣ хассакид̣д̣аарад̇ид̇хаммасамаабаннаанам̣ вихарад̇ам̣ сад̇и на саммуссад̇и, сад̇ияаа асаммосаа д̇з д̣̇зваа д̇амхаа гааяаа на жаванд̇и, нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассанд̇и. яз бана маяам̣ ахумхаа кид̣д̣аабад̣̇осигаа д̇з маяам̣ ад̇ивзлам̣ хассакид̣д̣аарад̇ид̇хаммасамаабаннаа вихаримхаа, д̇зсам̣ но ад̇ивзлам̣ хассакид̣д̣аарад̇ид̇хаммасамаабаннаанам̣ вихарад̇ам̣ сад̇и саммуссад̇и, сад̇ияаа саммосаа звам̣ ¹⁰⁷ маяам̣ д̇амхаа гааяаа жуд̇аа, анижжаа ад̣̇д̇хуваа аббааяугаа жаванад̇хаммаа ид̇т̇ад̇д̇ам̣ ааг̇ад̇аад̇и. звам̣вихид̇агам̣ но д̇умхз ааяасманд̇о кид̣д̣аабад̣̇осигам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и. ‘д̇з звамаахам̣су – звам̣ ко но, аавусо г̇од̇ама, суд̇ам̣, яат̇звааяасмаа г̇од̇амо аахаа’д̇и. ‘‘аг̇г̇ан̃н̃ан̃жаахам̣, бхаг̇г̇ава, баж̇аанаами…бз… яад̣̇абхиж̇аанам̣ д̇ат̇ааг̇ад̇о но анаяам̣ аабаж̇ж̇ад̇и.

‘So evamāha – ye kho te bhonto devā na khiḍḍāpadosikā te na ativelaṃ hassakhiḍḍāratidhammasamāpannā viharanti. Tesaṃ nātivelaṃ hassakhiḍḍāratidhammasamāpannānaṃ viharataṃ sati na sammussati, satiyā asammosā te devā tamhā kāyā na cavanti, niccā dhuvā sassatā avipariṇāmadhammā sassatisamaṃ tatheva ṭhassanti. Ye pana mayaṃ ahumhā khiḍḍāpadosikā te mayaṃ ativelaṃ hassakhiḍḍāratidhammasamāpannā viharimhā, tesaṃ no ativelaṃ hassakhiḍḍāratidhammasamāpannānaṃ viharataṃ sati sammussati, satiyā sammosā evaṃ ¹⁰⁸ mayaṃ tamhā kāyā cutā, aniccā addhuvā appāyukā cavanadhammā itthattaṃ āgatāti. Evaṃvihitakaṃ no tumhe āyasmanto khiḍḍāpadosikaṃ ācariyakaṃ aggaññaṃ paññapethā’ti. ‘Te evamāhaṃsu – evaṃ kho no, āvuso gotama, sutaṃ, yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi…pe… yadabhijānaṃ tathāgato no anayaṃ āpajjati.

43. ‘‘санд̇и, бхаг̇г̇ава, згз саман̣аб̣раахман̣аа манобад̣̇осигам̣ аажарияагам̣ аг̇г̇ан̃н̃ам̣ бан̃н̃абзнд̇и. д̇яаахам̣ убасан̇гамид̇ваа звам̣ вад̣̇аами – ‘сажжам̣ гира д̇умхз ааяасманд̇о манобад̣̇осигам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з жа мз звам̣ будтаа ‘аамо’д̇и бадиж̇аананд̇и. д̇яаахам̣ звам̣ вад̣̇аами – ‘гат̇ам̣вихид̇агам̣ бана д̇умхз ааяасманд̇о манобад̣̇осигам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з маяаа будтаа на самбааяанд̇и, асамбааяанд̇аа маман̃н̃зва бадибужчанд̇и. д̇зсаахам̣ будто б̣яаагароми –

43. ‘‘Santi, bhaggava, eke samaṇabrāhmaṇā manopadosikaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto manopadosikaṃ ācariyakaṃ aggaññaṃ paññapethā’ti? Te ca me evaṃ puṭṭhā ‘āmo’ti paṭijānanti. Tyāhaṃ evaṃ vadāmi – ‘kathaṃvihitakaṃ pana tumhe āyasmanto manopadosikaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti. Tesāhaṃ puṭṭho byākaromi –

44. ‘санд̇аавусо, манобад̣̇осигаа наама д̣̇зваа. д̇з ад̇ивзлам̣ ан̃н̃аман̃н̃ам̣ убаниж̇жхааяанд̇и. д̇з ад̇ивзлам̣ ан̃н̃аман̃н̃ам̣ убаниж̇жхааяанд̇аа ан̃н̃аман̃н̃амхи жид̇д̇аани бад̣̇уусзнд̇и. д̇з ан̃н̃аман̃н̃ам̣ бад̣̇удтажид̇д̇аа гиланд̇агааяаа гиланд̇ажид̇д̇аа. д̇з д̣̇зваа д̇амхаа гааяаа жаванд̇и.

44. ‘Santāvuso, manopadosikā nāma devā. Te ativelaṃ aññamaññaṃ upanijjhāyanti. Te ativelaṃ aññamaññaṃ upanijjhāyantā aññamaññamhi cittāni padūsenti. Te aññamaññaṃ paduṭṭhacittā kilantakāyā kilantacittā. Te devā tamhā kāyā cavanti.

‘таанам̣ ко банзд̇ам̣, аавусо, виж̇ж̇ад̇и, яам̣ ан̃н̃ад̇аро сад̇д̇о д̇амхаа гааяаа жавид̇ваа ид̇т̇ад̇д̇ам̣ ааг̇ажчад̇и. ид̇т̇ад̇д̇ам̣ ааг̇ад̇о самаано аг̇аарасмаа анаг̇аарияам̣ баб̣б̣аж̇ад̇и. аг̇аарасмаа анаг̇аарияам̣ баб̣б̣аж̇ид̇о самаано аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и, яат̇аасамаахид̇з жид̇д̇з д̇ам̣ буб̣б̣зниваасам̣ ануссарад̇и, д̇ад̇о барам̣ наануссарад̇и.

‘со звамааха – яз ко д̇з бхонд̇о д̣̇зваа на манобад̣̇осигаа д̇з наад̇ивзлам̣ ан̃н̃аман̃н̃ам̣ убаниж̇жхааяанд̇и. д̇з наад̇ивзлам̣ ан̃н̃аман̃н̃ам̣ убаниж̇жхааяанд̇аа ан̃н̃аман̃н̃амхи жид̇д̇аани наббад̣̇уусзнд̇и. д̇з ан̃н̃аман̃н̃ам̣ аббад̣̇удтажид̇д̇аа агиланд̇агааяаа агиланд̇ажид̇д̇аа. д̇з д̣̇зваа д̇амхаа ¹⁰⁹ гааяаа на жаванд̇и, нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассанд̇и. яз бана маяам̣ ахумхаа манобад̣̇осигаа, д̇з маяам̣ ад̇ивзлам̣ ан̃н̃аман̃н̃ам̣ убаниж̇жхааяимхаа. д̇з маяам̣ ад̇ивзлам̣ ан̃н̃аман̃н̃ам̣ убаниж̇жхааяанд̇аа ан̃н̃аман̃н̃амхи жид̇д̇аани бад̣̇уусимхаа ¹¹⁰. д̇з маяам̣ ан̃н̃аман̃н̃ам̣ бад̣̇удтажид̇д̇аа гиланд̇агааяаа гиланд̇ажид̇д̇аа. звам̣ маяам̣ ¹¹¹ д̇амхаа гааяаа жуд̇аа, анижжаа ад̣̇д̇хуваа аббааяугаа жаванад̇хаммаа ид̇т̇ад̇д̇ам̣ ааг̇ад̇аад̇и. звам̣вихид̇агам̣ но д̇умхз ааяасманд̇о манобад̣̇осигам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и. ‘д̇з звамаахам̣су – звам̣ ко но, аавусо г̇од̇ама, суд̇ам̣, яат̇звааяасмаа г̇од̇амо аахаа’д̇и. ‘‘аг̇г̇ан̃н̃ан̃жаахам̣, бхаг̇г̇ава, баж̇аанаами…бз… яад̣̇абхиж̇аанам̣ д̇ат̇ааг̇ад̇о но анаяам̣ аабаж̇ж̇ад̇и.

‘So evamāha – ye kho te bhonto devā na manopadosikā te nātivelaṃ aññamaññaṃ upanijjhāyanti. Te nātivelaṃ aññamaññaṃ upanijjhāyantā aññamaññamhi cittāni nappadūsenti. Te aññamaññaṃ appaduṭṭhacittā akilantakāyā akilantacittā. Te devā tamhā ¹¹² kāyā na cavanti, niccā dhuvā sassatā avipariṇāmadhammā sassatisamaṃ tatheva ṭhassanti. Ye pana mayaṃ ahumhā manopadosikā, te mayaṃ ativelaṃ aññamaññaṃ upanijjhāyimhā. Te mayaṃ ativelaṃ aññamaññaṃ upanijjhāyantā aññamaññamhi cittāni padūsimhā ¹¹³. Te mayaṃ aññamaññaṃ paduṭṭhacittā kilantakāyā kilantacittā. Evaṃ mayaṃ ¹¹⁴ tamhā kāyā cutā, aniccā addhuvā appāyukā cavanadhammā itthattaṃ āgatāti. Evaṃvihitakaṃ no tumhe āyasmanto manopadosikaṃ ācariyakaṃ aggaññaṃ paññapethā’ti. ‘Te evamāhaṃsu – evaṃ kho no, āvuso gotama, sutaṃ, yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi…pe… yadabhijānaṃ tathāgato no anayaṃ āpajjati.

45. ‘‘санд̇и, бхаг̇г̇ава, згз саман̣аб̣раахман̣аа ад̇хижжасамуббаннам̣ аажарияагам̣ аг̇г̇ан̃н̃ам̣ бан̃н̃абзнд̇и. д̇яаахам̣ убасан̇гамид̇ваа звам̣ вад̣̇аами – ‘сажжам̣ гира д̇умхз ааяасманд̇о ад̇хижжасамуббаннам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з жа мз звам̣ будтаа ‘аамо’д̇и бадиж̇аананд̇и. д̇яаахам̣ звам̣ вад̣̇аами – ‘гат̇ам̣вихид̇агам̣ бана д̇умхз ааяасманд̇о ад̇хижжасамуббаннам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? д̇з маяаа будтаа на самбааяанд̇и, асамбааяанд̇аа маман̃н̃зва бадибужчанд̇и. д̇зсаахам̣ будто б̣яаагароми –

45. ‘‘Santi, bhaggava, eke samaṇabrāhmaṇā adhiccasamuppannaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto adhiccasamuppannaṃ ācariyakaṃ aggaññaṃ paññapethā’ti? Te ca me evaṃ puṭṭhā ‘āmo’ti paṭijānanti. Tyāhaṃ evaṃ vadāmi – ‘kathaṃvihitakaṃ pana tumhe āyasmanto adhiccasamuppannaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti. Tesāhaṃ puṭṭho byākaromi –

46. ‘санд̇аавусо, асан̃н̃асад̇д̇аа наама д̣̇зваа. сан̃н̃уббаад̣̇аа жа бана д̇з д̣̇зваа д̇амхаа гааяаа жаванд̇и.

46. ‘Santāvuso, asaññasattā nāma devā. Saññuppādā ca pana te devā tamhā kāyā cavanti.

‘таанам̣ ко банзд̇ам̣, аавусо, виж̇ж̇ад̇и. яам̣ ан̃н̃ад̇аро сад̇д̇о д̇амхаа гааяаа жавид̇ваа ид̇т̇ад̇д̇ам̣ ааг̇ажчад̇и. ид̇т̇ад̇д̇ам̣ ааг̇ад̇о самаано аг̇аарасмаа анаг̇аарияам̣ баб̣б̣аж̇ад̇и. аг̇аарасмаа анаг̇аарияам̣ баб̣б̣аж̇ид̇о самаано аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и, яат̇аасамаахид̇з жид̇д̇з д̇ам̣ ¹¹⁵ сан̃н̃уббаад̣̇ам̣ ануссарад̇и, д̇ад̇о барам̣ наануссарад̇и.

‘Ṭhānaṃ kho panetaṃ, āvuso, vijjati. Yaṃ aññataro satto tamhā kāyā cavitvā itthattaṃ āgacchati. Itthattaṃ āgato samāno agārasmā anagāriyaṃ pabbajati. Agārasmā anagāriyaṃ pabbajito samāno ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati, yathāsamāhite citte taṃ ¹¹⁶ saññuppādaṃ anussarati, tato paraṃ nānussarati.

‘со звамааха – ад̇хижжасамуббанно ад̇д̇аа жа лого жа. д̇ам̣ гисса хзд̇у? ахан̃хи буб̣б̣з наахосим̣, сомхи зд̇арахи ахуд̇ваа санд̇ад̇ааяа ¹¹⁷ барин̣ад̇од̇и. звам̣вихид̇агам̣ но д̇умхз ааяасманд̇о ад̇хижжасамуббаннам̣ аажарияагам̣ аг̇г̇ан̃н̃ам̣ бан̃н̃абзт̇аа’д̇и? ‘д̇з звамаахам̣су – звам̣ ко но, аавусо г̇од̇ама, суд̇ам̣ яат̇звааяасмаа г̇од̇амо аахаа’д̇и. ‘‘аг̇г̇ан̃н̃ан̃жаахам̣, бхаг̇г̇ава, баж̇аанаами д̇ан̃жа баж̇аанаами, д̇ад̇о жа уд̇д̇арид̇арам̣ баж̇аанаами, д̇ан̃жа баж̇аанам̣ на бараамасаами, абараамасад̇о жа мз бажжад̇д̇ан̃н̃зва ниб̣б̣уд̇и вид̣̇ид̇аа. яад̣̇абхиж̇аанам̣ д̇ат̇ааг̇ад̇о но анаяам̣ аабаж̇ж̇ад̇и.

‘So evamāha – adhiccasamuppanno attā ca loko ca. Taṃ kissa hetu? Ahañhi pubbe nāhosiṃ, somhi etarahi ahutvā santatāya ¹¹⁸ pariṇatoti. Evaṃvihitakaṃ no tumhe āyasmanto adhiccasamuppannaṃ ācariyakaṃ aggaññaṃ paññapethā’ti? ‘Te evamāhaṃsu – evaṃ kho no, āvuso gotama, sutaṃ yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi tañca pajānāmi, tato ca uttaritaraṃ pajānāmi, tañca pajānaṃ na parāmasāmi, aparāmasato ca me paccattaññeva nibbuti viditā. Yadabhijānaṃ tathāgato no anayaṃ āpajjati.

47. ‘‘звам̣ваад̣̇им̣ ко мам̣, бхаг̇г̇ава, звамагкааяим̣ згз саман̣аб̣раахман̣аа асад̇аа д̇ужчаа мусаа абхууд̇зна аб̣бхаажигканд̇и – ‘вибарийд̇о саман̣о г̇од̇амо бхигкаво жа. саман̣о г̇од̇амо звамааха – яасмим̣ самаяз субхам̣ вимогкам̣ убасамбаж̇ж̇а вихарад̇и, саб̣б̣ам̣ д̇асмим̣ самаяз асубханд̇взва ¹¹⁹ баж̇аанаад̇ий’д̇и ¹²⁰. на ко банаахам̣, бхаг̇г̇ава, звам̣ вад̣̇аами – ‘яасмим̣ самаяз субхам̣ вимогкам̣ убасамбаж̇ж̇а вихарад̇и, саб̣б̣ам̣ д̇асмим̣ самаяз асубханд̇взва баж̇аанаад̇ий’д̇и. зван̃жа кваахам̣, бхаг̇г̇ава, вад̣̇аами – ‘яасмим̣ самаяз субхам̣ вимогкам̣ убасамбаж̇ж̇а вихарад̇и, субханд̇взва д̇асмим̣ самаяз баж̇аанаад̇ий’д̇и.

47. ‘‘Evaṃvādiṃ kho maṃ, bhaggava, evamakkhāyiṃ eke samaṇabrāhmaṇā asatā tucchā musā abhūtena abbhācikkhanti – ‘viparīto samaṇo gotamo bhikkhavo ca. Samaṇo gotamo evamāha – yasmiṃ samaye subhaṃ vimokkhaṃ upasampajja viharati, sabbaṃ tasmiṃ samaye asubhantveva ¹²¹ pajānātī’ti ¹²². Na kho panāhaṃ, bhaggava, evaṃ vadāmi – ‘yasmiṃ samaye subhaṃ vimokkhaṃ upasampajja viharati, sabbaṃ tasmiṃ samaye asubhantveva pajānātī’ti. Evañca khvāhaṃ, bhaggava, vadāmi – ‘yasmiṃ samaye subhaṃ vimokkhaṃ upasampajja viharati, subhantveva tasmiṃ samaye pajānātī’ti.

‘‘д̇з жа, бханд̇з, вибарийд̇аа, яз бхаг̇аванд̇ам̣ вибарийд̇ад̇о д̣̇аханд̇и бхигкаво жа. звам̣басанно ахам̣, бханд̇з, бхаг̇авад̇и. баход̇и мз бхаг̇аваа д̇ат̇аа д̇хаммам̣ д̣̇зсзд̇ум̣, яат̇аа ахам̣ субхам̣ вимогкам̣ убасамбаж̇ж̇а вихарзяяа’’нд̇и.

‘‘Te ca, bhante, viparītā, ye bhagavantaṃ viparītato dahanti bhikkhavo ca. Evaṃpasanno ahaṃ, bhante, bhagavati. Pahoti me bhagavā tathā dhammaṃ desetuṃ, yathā ahaṃ subhaṃ vimokkhaṃ upasampajja vihareyya’’nti.

48. ‘‘д̣̇уггарам̣ ко зд̇ам̣, бхаг̇г̇ава, д̇аяаа ан̃н̃ад̣̇идтигзна ан̃н̃аканд̇игзна ан̃н̃аружигзна ан̃н̃ад̇рааяог̇зна ан̃н̃ад̇раажарияагзна субхам̣ вимогкам̣ убасамбаж̇ж̇а вихарид̇ум̣. ин̇гха д̇вам̣, бхаг̇г̇ава, яо жа д̇з аяам̣ маяи басаад̣̇о, д̇амзва д̇вам̣ саад̇хугаманурагкаа’’д̇и. ‘‘сажз д̇ам̣, бханд̇з, маяаа д̣̇уггарам̣ ан̃н̃ад̣̇идтигзна ан̃н̃аканд̇игзна ан̃н̃аружигзна ан̃н̃ад̇рааяог̇зна ан̃н̃ад̇раажарияагзна субхам̣ вимогкам̣ убасамбаж̇ж̇а вихарид̇ум̣. яо жа мз аяам̣, бханд̇з, бхаг̇авад̇и басаад̣̇о, д̇амзваахам̣ саад̇хугаманурагкиссаамий’’д̇и. ид̣̇амавожа бхаг̇аваа. ад̇д̇амано бхаг̇г̇аваг̇од̇д̇о бариб̣б̣ааж̇аго бхаг̇авад̇о бхаасид̇ам̣ абхинанд̣̇ийд̇и.

48. ‘‘Dukkaraṃ kho etaṃ, bhaggava, tayā aññadiṭṭhikena aññakhantikena aññarucikena aññatrāyogena aññatrācariyakena subhaṃ vimokkhaṃ upasampajja viharituṃ. Iṅgha tvaṃ, bhaggava, yo ca te ayaṃ mayi pasādo, tameva tvaṃ sādhukamanurakkhā’’ti. ‘‘Sace taṃ, bhante, mayā dukkaraṃ aññadiṭṭhikena aññakhantikena aññarucikena aññatrāyogena aññatrācariyakena subhaṃ vimokkhaṃ upasampajja viharituṃ. Yo ca me ayaṃ, bhante, bhagavati pasādo, tamevāhaṃ sādhukamanurakkhissāmī’’ti. Idamavoca bhagavā. Attamano bhaggavagotto paribbājako bhagavato bhāsitaṃ abhinandīti.

баат̇игасуд̇д̇ам̣ ¹²³ нидтид̇ам̣ батамам̣.

Pāthikasuttaṃ ¹²⁴ niṭṭhitaṃ paṭhamaṃ.

Next: 2. уд̣̇умб̣аригасуд̇д̇ам̣ • 2. Udumbarikasuttaṃ

Footnotes:

1. ануббияам̣ наама (сяаа.)

2. анубияам̣ (га.)

3. anuppiyaṃ nāma (syā.)

4. anupiyaṃ (ka.)

5. яаава жа (га.)

6. yāva ca (ka.)

7. бан̃н̃аабзд̇ийд̇и (бий.)

8. paññāpetīti (pī.)

9. б̣умуусу (сий. бий.)

10. жад̇угун̣д̣иго (сий. бий.) жад̇угон̣д̣иго (сяаа. га.)

11. арахам̣ (сий. сяаа. бий.)

12. bumūsu (sī. pī.)

13. catukuṇḍiko (sī. pī.) catukoṇḍiko (syā. ka.)

14. arahaṃ (sī. syā. pī.)

15. могхабуриса сагяабуд̇д̇ияо (сий. сяаа. бий.)

16. могхабуриса сагяабуд̇д̇ияо (сий. сяаа. бий.)

17. ман̃н̃аси ‘‘ажзло горакад̇д̇ияо саад̇хуруубо арахам̣ саман̣од̇и’’ (сяаа.)

18. гаалагад̇о (сий. сяаа. бий.)

19. гаалаган̃ж̇аа (сий. бий.), гаалаган̃ж̇игаа (сяаа.)

20. ажзла горакад̇д̇ияа (га.)

21. moghapurisa sakyaputtiyo (sī. syā. pī.)

22. moghapurisa sakyaputtiyo (sī. syā. pī.)

23. maññasi ‘‘acelo korakhattiyo sādhurūpo arahaṃ samaṇoti’’ (syā.)

24. kālakato (sī. syā. pī.)

25. kālakañjā (sī. pī.), kālakañjikā (syā.)

26. acela korakhattiya (ka.)

27. барибад̇и (сяаа. га.)

28. paripati (syā. ka.)

29. сад̇д̇авад̇д̇абад̣̇аани (сяаа. бий.)

30. б̣ахубуд̇д̇агам̣ наама (сяаа.)

31. sattavattapadāni (syā. pī.)

32. bahuputtakaṃ nāma (syā.)

33. асаад̣̇ияимхасз (сяаа.)

34. asādiyimhase (syā.)

35. арахам̣ (сяаа.)

36. яасаанигин̣н̣о (га.)

37. arahaṃ (syā.)

38. yasānikiṇṇo (ka.)

39. баадигабуд̇д̇о (сий. сяаа. бий.)

40. pāṭikaputto (sī. syā. pī.)

41. оваад̣̇ид̇аа (га.)

42. ovāditā (ka.)

43. ат̇а ко сваахам̣ (сяаа.)

44. наанаад̇ид̇т̇ияа (сяаа.)

45. наанаад̇ид̇т̇ияа (сяаа.)

46. atha kho svāhaṃ (syā.)

47. nānātitthiya (syā.)

48. nānātitthiya (syā.)

49. барисаа ход̇и (сий. сяаа. бий.)

50. parisā hoti (sī. syā. pī.)

51. д̇знубасан̇гаманд̇о (сий. бий. га.)

52. tenupasaṅkamanto (sī. pī. ka.)

53. абхиггамаязва (сий. сяаа. бий.)

54. abhikkamayeva (sī. syā. pī.)

55. сам̣саб̣б̣ад̇и (га.)

56. saṃsabbati (ka.)

57. бараабхууд̇аруубо бхо аяам̣ (сяаа. га.), бараабхууд̇аруубо (сий. бий.)

58. parābhūtarūpo bho ayaṃ (syā. ka.), parābhūtarūpo (sī. pī.)

59. бажжааг̇ажчаами (?)

60. paccāgacchāmi (?)

61. бараабхууд̇аруубо (сий. бий.), бараабхууд̇аруубо аяам̣ (сяаа.)

62. яаахи варад̇д̇аахи (сяаа. га.)

63. аавин̃ж̇зяяаамаад̇и (сяаа.), аавиж̇жхзяяаамаад̇и (сий. бий.)

64. parābhūtarūpo (sī. pī.), parābhūtarūpo ayaṃ (syā.)

65. yāhi varattāhi (syā. ka.)

66. āviñjeyyāmāti (syā.), āvijjheyyāmāti (sī. pī.)

67. миг̇асам̣гхам̣ (сяаа. га.)

68. migasaṃghaṃ (syā. ka.)

69. ж̇арасиг̇аало (сий. сяаа. бий.)

70. jarasigālo (sī. syā. pī.)

71. бхзд̣̇ан̣д̣агам̣язва (га.)

72. сийханаад̣̇з (?)

73. bhedaṇḍakaṃyeva (ka.)

74. sīhanāde (?)

75. д̇амзва (сяаа.)

76. tameva (syā.)

77. бхин̇г̇з (га.)

78. bhiṅge (ka.)

79. гуун̣абаани (сяаа.)

80. kūṇapāni (syā.)

81. г̇ояуг̇зхи (саб̣б̣ад̇т̇а) адтагат̇аа бассид̇аб̣б̣аа

82. goyugehi (sabbattha) aṭṭhakathā passitabbā

83. аг̇г̇им̣ (сяаа.)

84. д̇хуубааяид̇ваа (сий. бий.)

85. aggiṃ (syā.)

86. dhūpāyitvā (sī. pī.)

87. ‘‘д̇ан̃жабаж̇аанаамий’’д̇и ид̣̇ам̣ сяаабод̇т̇агзнад̇т̇и

88. баж̇аананам̣ (сяаа. га.) адтагат̇аасам̣ван̣н̣анаа бассид̇аб̣б̣аа

89. ‘‘tañcapajānāmī’’ti idaṃ syāpotthakenatthi

90. pajānanaṃ (syā. ka.) aṭṭhakathāsaṃvaṇṇanā passitabbā

91. аамаад̇и (сяаа.)

92. гат̇ам̣ вихид̇агам̣но бана (га.)

93. āmāti (syā.)

94. kathaṃ vihitakaṃno pana (ka.)

95. ат̇а (сий. сяаа. бий.)

96. atha (sī. syā. pī.)

97. сан̃ж̇ид̇аа (сий. бий.), саж̇ж̇ид̇аа (сяаа. гам̣.)

98. sañjitā (sī. pī.), sajjitā (syā. kaṃ.)

99. сассад̇о д̣̇ийгхааяуго (сяаа. га.)

100. ад̣̇д̇хуваа асассад̇аа (сяаа. га.)

101. sassato dīghāyuko (syā. ka.)

102. addhuvā asassatā (syā. ka.)

103. хасакид̣д̣аарад̇ид̇хаммасамаабаннаа (га.)

104. сад̇ияаа саммосааяа (сяаа.)

105. hasakhiḍḍāratidhammasamāpannā (ka.)

106. satiyā sammosāya (syā.)

107. саммосаа зва (сий. бий.) саммосаа д̇з (сяаа. га.)

108. sammosā eva (sī. pī.) sammosā te (syā. ka.)

109. агиланд̇ажид̇д̇аа д̇амхаа (га.)

110. бад̣̇осияимхаа (сяаа.), бад̣̇уусаяимхаа (?)

111. гиланд̇ажид̇д̇аазва маяам̣ (сий. бий.), гиланд̇ажид̇д̇аа (га.)

112. akilantacittā tamhā (ka.)

113. padosiyimhā (syā.), padūsayimhā (?)

114. kilantacittāeva mayaṃ (sī. pī.), kilantacittā (ka.)

115. ид̣̇ам̣ бад̣̇ам̣ б̣рахмаж̇ааласуд̇д̇з на д̣̇иссад̇и. звам̣ (бий. га.)

116. idaṃ padaṃ brahmajālasutte na dissati. evaṃ (pī. ka.)

117. сад̇д̇агааяа (сий. бий.), сад̇д̇ааяа (га. сий.)

118. sattakāya (sī. pī.), sattāya (ka. sī.)

119. асубханд̇зва (сий. сяаа. бий.)

120. сан̃ж̇аанаад̇ийд̇и (сий. бий.)

121. asubhanteva (sī. syā. pī.)

122. sañjānātīti (sī. pī.)

123. баадигасуд̇д̇анд̇ам̣ (сий. сяаа. гам̣. бий.)

124. pāṭikasuttantaṃ (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 1. баат̇игасуд̇д̇аван̣н̣анаа • 1. Pāthikasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 1. баат̇игасуд̇д̇аван̣н̣анаа • 1. Pāthikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact