Library / Tipiṭaka / ਤਿਪਿਟਕ • Tipiṭaka / ਦੀਘਨਿਕਾਯ • Dīghanikāya

॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥

Namo tassa bhagavato arahato sammāsambuddhassa

ਦੀਘਨਿਕਾਯੋ

Dīghanikāyo

ਪਾਥਿਕવਗ੍ਗਪਾਲ਼ਿ

Pāthikavaggapāḷi

੧. ਪਾਥਿਕਸੁਤ੍ਤਂ

1. Pāthikasuttaṃ

ਸੁਨਕ੍ਖਤ੍ਤવਤ੍ਥੁ

Sunakkhattavatthu

੧. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਮਲ੍ਲੇਸੁ વਿਹਰਤਿ ਅਨੁਪਿਯਂ ਨਾਮ ¹ ਮਲ੍ਲਾਨਂ ਨਿਗਮੋ। ਅਥ ਖੋ ਭਗવਾ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਅਨੁਪਿਯਂ ਪਿਣ੍ਡਾਯ ਪਾવਿਸਿ। ਅਥ ਖੋ ਭਗવਤੋ ਏਤਦਹੋਸਿ – ‘‘ਅਤਿਪ੍ਪਗੋ ਖੋ ਤਾવ ਅਨੁਪਿਯਾਯਂ ² ਪਿਣ੍ਡਾਯ ਚਰਿਤੁਂ। ਯਂਨੂਨਾਹਂ ਯੇਨ ਭਗ੍ਗવਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ਆਰਾਮੋ, ਯੇਨ ਭਗ੍ਗવਗੋਤ੍ਤੋ ਪਰਿਬ੍ਬਾਜਕੋ ਤੇਨੁਪਸਙ੍ਕਮੇਯ੍ਯ’’ਨ੍ਤਿ।

1. Evaṃ me sutaṃ – ekaṃ samayaṃ bhagavā mallesu viharati anupiyaṃ nāma ³ mallānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya anupiyaṃ piṇḍāya pāvisi. Atha kho bhagavato etadahosi – ‘‘atippago kho tāva anupiyāyaṃ ⁴ piṇḍāya carituṃ. Yaṃnūnāhaṃ yena bhaggavagottassa paribbājakassa ārāmo, yena bhaggavagotto paribbājako tenupasaṅkameyya’’nti.

੨. ਅਥ ਖੋ ਭਗવਾ ਯੇਨ ਭਗ੍ਗવਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ਆਰਾਮੋ, ਯੇਨ ਭਗ੍ਗવਗੋਤ੍ਤੋ ਪਰਿਬ੍ਬਾਜਕੋ ਤੇਨੁਪਸਙ੍ਕਮਿ। ਅਥ ਖੋ ਭਗ੍ਗવਗੋਤ੍ਤੋ ਪਰਿਬ੍ਬਾਜਕੋ ਭਗવਨ੍ਤਂ ਏਤਦવੋਚ – ‘‘ਏਤੁ ਖੋ, ਭਨ੍ਤੇ, ਭਗવਾ। ਸ੍વਾਗਤਂ, ਭਨ੍ਤੇ, ਭਗવਤੋ। ਚਿਰਸ੍ਸਂ ਖੋ, ਭਨ੍ਤੇ, ਭਗવਾ ਇਮਂ ਪਰਿਯਾਯਮਕਾਸਿ ਯਦਿਦਂ ਇਧਾਗਮਨਾਯ। ਨਿਸੀਦਤੁ, ਭਨ੍ਤੇ, ਭਗવਾ, ਇਦਮਾਸਨਂ ਪਞ੍ਞਤ੍ਤ’’ਨ੍ਤਿ। ਨਿਸੀਦਿ ਭਗવਾ ਪਞ੍ਞਤ੍ਤੇ ਆਸਨੇ। ਭਗ੍ਗવਗੋਤ੍ਤੋਪਿ ਖੋ ਪਰਿਬ੍ਬਾਜਕੋ ਅਞ੍ਞਤਰਂ ਨੀਚਂ ਆਸਨਂ ਗਹੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਭਗ੍ਗવਗੋਤ੍ਤੋ ਪਰਿਬ੍ਬਾਜਕੋ ਭਗવਨ੍ਤਂ ਏਤਦવੋਚ – ‘‘ਪੁਰਿਮਾਨਿ, ਭਨ੍ਤੇ, ਦਿવਸਾਨਿ ਪੁਰਿਮਤਰਾਨਿ ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਏਤਦવੋਚ – ‘ਪਚ੍ਚਕ੍ਖਾਤੋ ਦਾਨਿ ਮਯਾ, ਭਗ੍ਗવ, ਭਗવਾ। ਨ ਦਾਨਾਹਂ ਭਗવਨ੍ਤਂ ਉਦ੍ਦਿਸ੍ਸ વਿਹਰਾਮੀ’ਤਿ। ਕਚ੍ਚੇਤਂ, ਭਨ੍ਤੇ, ਤਥੇવ, ਯਥਾ ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਅવਚਾ’’ਤਿ? ‘‘ਤਥੇવ ਖੋ ਏਤਂ, ਭਗ੍ਗવ, ਯਥਾ ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਅવਚ’’।

2. Atha kho bhagavā yena bhaggavagottassa paribbājakassa ārāmo, yena bhaggavagotto paribbājako tenupasaṅkami. Atha kho bhaggavagotto paribbājako bhagavantaṃ etadavoca – ‘‘etu kho, bhante, bhagavā. Svāgataṃ, bhante, bhagavato. Cirassaṃ kho, bhante, bhagavā imaṃ pariyāyamakāsi yadidaṃ idhāgamanāya. Nisīdatu, bhante, bhagavā, idamāsanaṃ paññatta’’nti. Nisīdi bhagavā paññatte āsane. Bhaggavagottopi kho paribbājako aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho bhaggavagotto paribbājako bhagavantaṃ etadavoca – ‘‘purimāni, bhante, divasāni purimatarāni sunakkhatto licchaviputto yenāhaṃ tenupasaṅkami; upasaṅkamitvā maṃ etadavoca – ‘paccakkhāto dāni mayā, bhaggava, bhagavā. Na dānāhaṃ bhagavantaṃ uddissa viharāmī’ti. Kaccetaṃ, bhante, tatheva, yathā sunakkhatto licchaviputto avacā’’ti? ‘‘Tatheva kho etaṃ, bhaggava, yathā sunakkhatto licchaviputto avaca’’.

੩. ਪੁਰਿਮਾਨਿ, ਭਗ੍ਗવ, ਦਿવਸਾਨਿ ਪੁਰਿਮਤਰਾਨਿ ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਮਂ ਏਤਦવੋਚ – ‘ਪਚ੍ਚਕ੍ਖਾਮਿ ਦਾਨਾਹਂ, ਭਨ੍ਤੇ, ਭਗવਨ੍ਤਂ। ਨ ਦਾਨਾਹਂ, ਭਨ੍ਤੇ, ਭਗવਨ੍ਤਂ ਉਦ੍ਦਿਸ੍ਸ વਿਹਰਿਸ੍ਸਾਮੀ’ਤਿ। ‘ਏવਂ વੁਤ੍ਤੇ, ਅਹਂ, ਭਗ੍ਗવ, ਸੁਨਕ੍ਖਤ੍ਤਂ ਲਿਚ੍ਛવਿਪੁਤ੍ਤਂ ਏਤਦવੋਚਂ – ‘ਅਪਿ ਨੁ ਤਾਹਂ, ਸੁਨਕ੍ਖਤ੍ਤ, ਏવਂ ਅવਚਂ, ਏਹਿ ਤ੍વਂ, ਸੁਨਕ੍ਖਤ੍ਤ, ਮਮਂ ਉਦ੍ਦਿਸ੍ਸ વਿਹਰਾਹੀ’ਤਿ? ‘ਨੋ ਹੇਤਂ, ਭਨ੍ਤੇ’। ‘ਤ੍વਂ વਾ ਪਨ ਮਂ ਏવਂ ਅવਚ – ਅਹਂ, ਭਨ੍ਤੇ, ਭਗવਨ੍ਤਂ ਉਦ੍ਦਿਸ੍ਸ વਿਹਰਿਸ੍ਸਾਮੀ’ਤਿ? ‘ਨੋ ਹੇਤਂ, ਭਨ੍ਤੇ’। ‘ਇਤਿ ਕਿਰ, ਸੁਨਕ੍ਖਤ੍ਤ, ਨੇવਾਹਂ ਤਂ વਦਾਮਿ – ਏਹਿ ਤ੍વਂ, ਸੁਨਕ੍ਖਤ੍ਤ, ਮਮਂ ਉਦ੍ਦਿਸ੍ਸ વਿਹਰਾਹੀਤਿ। ਨਪਿ ਕਿਰ ਮਂ ਤ੍વਂ વਦੇਸਿ – ਅਹਂ, ਭਨ੍ਤੇ, ਭਗવਨ੍ਤਂ ਉਦ੍ਦਿਸ੍ਸ વਿਹਰਿਸ੍ਸਾਮੀਤਿ। ਏવਂ ਸਨ੍ਤੇ, ਮੋਘਪੁਰਿਸ, ਕੋ ਸਨ੍ਤੋ ਕਂ ਪਚ੍ਚਾਚਿਕ੍ਖਸਿ? ਪਸ੍ਸ, ਮੋਘਪੁਰਿਸ, ਯਾવਞ੍ਚ ⁵ ਤੇ ਇਦਂ ਅਪਰਦ੍ਧ’ਨ੍ਤਿ।

3. Purimāni, bhaggava, divasāni purimatarāni sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinno kho, bhaggava, sunakkhatto licchaviputto maṃ etadavoca – ‘paccakkhāmi dānāhaṃ, bhante, bhagavantaṃ. Na dānāhaṃ, bhante, bhagavantaṃ uddissa viharissāmī’ti. ‘Evaṃ vutte, ahaṃ, bhaggava, sunakkhattaṃ licchaviputtaṃ etadavocaṃ – ‘api nu tāhaṃ, sunakkhatta, evaṃ avacaṃ, ehi tvaṃ, sunakkhatta, mamaṃ uddissa viharāhī’ti? ‘No hetaṃ, bhante’. ‘Tvaṃ vā pana maṃ evaṃ avaca – ahaṃ, bhante, bhagavantaṃ uddissa viharissāmī’ti? ‘No hetaṃ, bhante’. ‘Iti kira, sunakkhatta, nevāhaṃ taṃ vadāmi – ehi tvaṃ, sunakkhatta, mamaṃ uddissa viharāhīti. Napi kira maṃ tvaṃ vadesi – ahaṃ, bhante, bhagavantaṃ uddissa viharissāmīti. Evaṃ sante, moghapurisa, ko santo kaṃ paccācikkhasi? Passa, moghapurisa, yāvañca ⁶ te idaṃ aparaddha’nti.

੪. ‘ਨ ਹਿ ਪਨ ਮੇ, ਭਨ੍ਤੇ, ਭਗવਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੋਤੀ’ਤਿ। ‘ਅਪਿ ਨੁ ਤਾਹਂ, ਸੁਨਕ੍ਖਤ੍ਤ, ਏવਂ ਅવਚਂ – ਏਹਿ ਤ੍વਂ, ਸੁਨਕ੍ਖਤ੍ਤ, ਮਮਂ ਉਦ੍ਦਿਸ੍ਸ વਿਹਰਾਹਿ, ਅਹਂ ਤੇ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਾਮੀ’ਤਿ? ‘ਨੋ ਹੇਤਂ, ਭਨ੍ਤੇ’। ‘ਤ੍વਂ વਾ ਪਨ ਮਂ ਏવਂ ਅવਚ – ਅਹਂ, ਭਨ੍ਤੇ, ਭਗવਨ੍ਤਂ ਉਦ੍ਦਿਸ੍ਸ વਿਹਰਿਸ੍ਸਾਮਿ, ਭਗવਾ ਮੇ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤੀ’ਤਿ? ‘ਨੋ ਹੇਤਂ, ਭਨ੍ਤੇ’। ‘ਇਤਿ ਕਿਰ, ਸੁਨਕ੍ਖਤ੍ਤ, ਨੇવਾਹਂ ਤਂ વਦਾਮਿ – ਏਹਿ ਤ੍વਂ, ਸੁਨਕ੍ਖਤ੍ਤ, ਮਮਂ ਉਦ੍ਦਿਸ੍ਸ વਿਹਰਾਹਿ, ਅਹਂ ਤੇ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਾਮੀ’ਤਿ; ਨਪਿ ਕਿਰ ਮਂ ਤ੍વਂ વਦੇਸਿ – ਅਹਂ, ਭਨ੍ਤੇ, ਭਗવਨ੍ਤਂ ਉਦ੍ਦਿਸ੍ਸ વਿਹਰਿਸ੍ਸਾਮਿ, ਭਗવਾ ਮੇ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤੀ’ਤਿ। ਏવਂ ਸਨ੍ਤੇ, ਮੋਘਪੁਰਿਸ , ਕੋ ਸਨ੍ਤੋ ਕਂ ਪਚ੍ਚਾਚਿਕ੍ਖਸਿ? ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਕਤੇ વਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯੇ ਅਕਤੇ વਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯੇ ਯਸ੍ਸਤ੍ਥਾਯ ਮਯਾ ਧਮ੍ਮੋ ਦੇਸਿਤੋ ਸੋ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯਾ’ਤਿ? ‘ਕਤੇ વਾ, ਭਨ੍ਤੇ, ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯੇ ਅਕਤੇ વਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯੇ ਯਸ੍ਸਤ੍ਥਾਯ ਭਗવਤਾ ਧਮ੍ਮੋ ਦੇਸਿਤੋ ਸੋ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯਾ’ਤਿ। ‘ਇਤਿ ਕਿਰ, ਸੁਨਕ੍ਖਤ੍ਤ, ਕਤੇ વਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯੇ, ਅਕਤੇ વਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯੇ, ਯਸ੍ਸਤ੍ਥਾਯ ਮਯਾ ਧਮ੍ਮੋ ਦੇਸਿਤੋ, ਸੋ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯ। ਤਤ੍ਰ, ਸੁਨਕ੍ਖਤ੍ਤ, ਕਿਂ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਤਂ ਕਰਿਸ੍ਸਤਿ? ਪਸ੍ਸ, ਮੋਘਪੁਰਿਸ, ਯਾવਞ੍ਚ ਤੇ ਇਦਂ ਅਪਰਦ੍ਧ’ਨ੍ਤਿ।

4. ‘Na hi pana me, bhante, bhagavā uttarimanussadhammā iddhipāṭihāriyaṃ karotī’ti. ‘Api nu tāhaṃ, sunakkhatta, evaṃ avacaṃ – ehi tvaṃ, sunakkhatta, mamaṃ uddissa viharāhi, ahaṃ te uttarimanussadhammā iddhipāṭihāriyaṃ karissāmī’ti? ‘No hetaṃ, bhante’. ‘Tvaṃ vā pana maṃ evaṃ avaca – ahaṃ, bhante, bhagavantaṃ uddissa viharissāmi, bhagavā me uttarimanussadhammā iddhipāṭihāriyaṃ karissatī’ti? ‘No hetaṃ, bhante’. ‘Iti kira, sunakkhatta, nevāhaṃ taṃ vadāmi – ehi tvaṃ, sunakkhatta, mamaṃ uddissa viharāhi, ahaṃ te uttarimanussadhammā iddhipāṭihāriyaṃ karissāmī’ti; napi kira maṃ tvaṃ vadesi – ahaṃ, bhante, bhagavantaṃ uddissa viharissāmi, bhagavā me uttarimanussadhammā iddhipāṭihāriyaṃ karissatī’ti. Evaṃ sante, moghapurisa , ko santo kaṃ paccācikkhasi? Taṃ kiṃ maññasi, sunakkhatta, kate vā uttarimanussadhammā iddhipāṭihāriye akate vā uttarimanussadhammā iddhipāṭihāriye yassatthāya mayā dhammo desito so niyyāti takkarassa sammā dukkhakkhayāyā’ti? ‘Kate vā, bhante, uttarimanussadhammā iddhipāṭihāriye akate vā uttarimanussadhammā iddhipāṭihāriye yassatthāya bhagavatā dhammo desito so niyyāti takkarassa sammā dukkhakkhayāyā’ti. ‘Iti kira, sunakkhatta, kate vā uttarimanussadhammā iddhipāṭihāriye, akate vā uttarimanussadhammā iddhipāṭihāriye, yassatthāya mayā dhammo desito, so niyyāti takkarassa sammā dukkhakkhayāya. Tatra, sunakkhatta, kiṃ uttarimanussadhammā iddhipāṭihāriyaṃ kataṃ karissati? Passa, moghapurisa, yāvañca te idaṃ aparaddha’nti.

੫. ‘ਨ ਹਿ ਪਨ ਮੇ, ਭਨ੍ਤੇ, ਭਗવਾ ਅਗ੍ਗਞ੍ਞਂ ਪਞ੍ਞਪੇਤੀ’ਤਿ ⁷? ‘ਅਪਿ ਨੁ ਤਾਹਂ, ਸੁਨਕ੍ਖਤ੍ਤ, ਏવਂ ਅવਚਂ – ਏਹਿ ਤ੍વਂ, ਸੁਨਕ੍ਖਤ੍ਤ, ਮਮਂ ਉਦ੍ਦਿਸ੍ਸ વਿਹਰਾਹਿ, ਅਹਂ ਤੇ ਅਗ੍ਗਞ੍ਞਂ ਪਞ੍ਞਪੇਸ੍ਸਾਮੀ’ਤਿ? ‘ਨੋ ਹੇਤਂ, ਭਨ੍ਤੇ’। ‘ਤ੍વਂ વਾ ਪਨ ਮਂ ਏવਂ ਅવਚ – ਅਹਂ, ਭਨ੍ਤੇ, ਭਗવਨ੍ਤਂ ਉਦ੍ਦਿਸ੍ਸ વਿਹਰਿਸ੍ਸਾਮਿ, ਭਗવਾ ਮੇ ਅਗ੍ਗਞ੍ਞਂ ਪਞ੍ਞਪੇਸ੍ਸਤੀ’ਤਿ? ‘ਨੋ ਹੇਤਂ, ਭਨ੍ਤੇ’। ‘ਇਤਿ ਕਿਰ, ਸੁਨਕ੍ਖਤ੍ਤ, ਨੇવਾਹਂ ਤਂ વਦਾਮਿ – ਏਹਿ ਤ੍વਂ, ਸੁਨਕ੍ਖਤ੍ਤ, ਮਮਂ ਉਦ੍ਦਿਸ੍ਸ વਿਹਰਾਹਿ, ਅਹਂ ਤੇ ਅਗ੍ਗਞ੍ਞਂ ਪਞ੍ਞਪੇਸ੍ਸਾਮੀਤਿ। ਨਪਿ ਕਿਰ ਮਂ ਤ੍વਂ વਦੇਸਿ – ਅਹਂ, ਭਨ੍ਤੇ, ਭਗવਨ੍ਤਂ ਉਦ੍ਦਿਸ੍ਸ વਿਹਰਿਸ੍ਸਾਮਿ, ਭਗવਾ ਮੇ ਅਗ੍ਗਞ੍ਞਂ ਪਞ੍ਞਪੇਸ੍ਸਤੀ’ਤਿ। ਏવਂ ਸਨ੍ਤੇ, ਮੋਘਪੁਰਿਸ, ਕੋ ਸਨ੍ਤੋ ਕਂ ਪਚ੍ਚਾਚਿਕ੍ਖਸਿ? ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਪਞ੍ਞਤ੍ਤੇ વਾ ਅਗ੍ਗਞ੍ਞੇ, ਅਪਞ੍ਞਤ੍ਤੇ વਾ ਅਗ੍ਗਞ੍ਞੇ, ਯਸ੍ਸਤ੍ਥਾਯ ਮਯਾ ਧਮ੍ਮੋ ਦੇਸਿਤੋ, ਸੋ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯਾ’ਤਿ? ‘ਪਞ੍ਞਤ੍ਤੇ વਾ, ਭਨ੍ਤੇ, ਅਗ੍ਗਞ੍ਞੇ, ਅਪਞ੍ਞਤ੍ਤੇ વਾ ਅਗ੍ਗਞ੍ਞੇ, ਯਸ੍ਸਤ੍ਥਾਯ ਭਗવਤਾ ਧਮ੍ਮੋ ਦੇਸਿਤੋ, ਸੋ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯਾ’ਤਿ। ‘ਇਤਿ ਕਿਰ, ਸੁਨਕ੍ਖਤ੍ਤ, ਪਞ੍ਞਤ੍ਤੇ વਾ ਅਗ੍ਗਞ੍ਞੇ, ਅਪਞ੍ਞਤ੍ਤੇ વਾ ਅਗ੍ਗਞ੍ਞੇ, ਯਸ੍ਸਤ੍ਥਾਯ ਮਯਾ ਧਮ੍ਮੋ ਦੇਸਿਤੋ, ਸੋ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯ। ਤਤ੍ਰ, ਸੁਨਕ੍ਖਤ੍ਤ, ਕਿਂ ਅਗ੍ਗਞ੍ਞਂ ਪਞ੍ਞਤ੍ਤਂ ਕਰਿਸ੍ਸਤਿ? ਪਸ੍ਸ, ਮੋਘਪੁਰਿਸ, ਯਾવਞ੍ਚ ਤੇ ਇਦਂ ਅਪਰਦ੍ਧਂ’।

5. ‘Na hi pana me, bhante, bhagavā aggaññaṃ paññapetī’ti ⁸? ‘Api nu tāhaṃ, sunakkhatta, evaṃ avacaṃ – ehi tvaṃ, sunakkhatta, mamaṃ uddissa viharāhi, ahaṃ te aggaññaṃ paññapessāmī’ti? ‘No hetaṃ, bhante’. ‘Tvaṃ vā pana maṃ evaṃ avaca – ahaṃ, bhante, bhagavantaṃ uddissa viharissāmi, bhagavā me aggaññaṃ paññapessatī’ti? ‘No hetaṃ, bhante’. ‘Iti kira, sunakkhatta, nevāhaṃ taṃ vadāmi – ehi tvaṃ, sunakkhatta, mamaṃ uddissa viharāhi, ahaṃ te aggaññaṃ paññapessāmīti. Napi kira maṃ tvaṃ vadesi – ahaṃ, bhante, bhagavantaṃ uddissa viharissāmi, bhagavā me aggaññaṃ paññapessatī’ti. Evaṃ sante, moghapurisa, ko santo kaṃ paccācikkhasi? Taṃ kiṃ maññasi, sunakkhatta, paññatte vā aggaññe, apaññatte vā aggaññe, yassatthāya mayā dhammo desito, so niyyāti takkarassa sammā dukkhakkhayāyā’ti? ‘Paññatte vā, bhante, aggaññe, apaññatte vā aggaññe, yassatthāya bhagavatā dhammo desito, so niyyāti takkarassa sammā dukkhakkhayāyā’ti. ‘Iti kira, sunakkhatta, paññatte vā aggaññe, apaññatte vā aggaññe, yassatthāya mayā dhammo desito, so niyyāti takkarassa sammā dukkhakkhayāya. Tatra, sunakkhatta, kiṃ aggaññaṃ paññattaṃ karissati? Passa, moghapurisa, yāvañca te idaṃ aparaddhaṃ’.

੬. ‘ਅਨੇਕਪਰਿਯਾਯੇਨ ਖੋ ਤੇ, ਸੁਨਕ੍ਖਤ੍ਤ, ਮਮ વਣ੍ਣੋ ਭਾਸਿਤੋ વਜ੍ਜਿਗਾਮੇ – ਇਤਿਪਿ ਸੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ વਿਜ੍ਜਾਚਰਣਸਮ੍ਪਨ੍ਨੋ ਸੁਗਤੋ ਲੋਕવਿਦੂ ਅਨੁਤ੍ਤਰੋ ਪੁਰਿਸਦਮ੍ਮਸਾਰਥਿ ਸਤ੍ਥਾ ਦੇવਮਨੁਸ੍ਸਾਨਂ ਬੁਦ੍ਧੋ ਭਗવਾਤਿ। ਇਤਿ ਖੋ ਤੇ, ਸੁਨਕ੍ਖਤ੍ਤ, ਅਨੇਕਪਰਿਯਾਯੇਨ ਮਮ વਣ੍ਣੋ ਭਾਸਿਤੋ વਜ੍ਜਿਗਾਮੇ।

6. ‘Anekapariyāyena kho te, sunakkhatta, mama vaṇṇo bhāsito vajjigāme – itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavāti. Iti kho te, sunakkhatta, anekapariyāyena mama vaṇṇo bhāsito vajjigāme.

‘ਅਨੇਕਪਰਿਯਾਯੇਨ ਖੋ ਤੇ, ਸੁਨਕ੍ਖਤ੍ਤ, ਧਮ੍ਮਸ੍ਸ વਣ੍ਣੋ ਭਾਸਿਤੋ વਜ੍ਜਿਗਾਮੇ – ਸ੍વਾਕ੍ਖਾਤੋ ਭਗવਤਾ ਧਮ੍ਮੋ ਸਨ੍ਦਿਟ੍ਠਿਕੋ ਅਕਾਲਿਕੋ ਏਹਿਪਸ੍ਸਿਕੋ ਓਪਨੇਯ੍ਯਿਕੋ ਪਚ੍ਚਤ੍ਤਂ વੇਦਿਤਬ੍ਬੋ વਿਞ੍ਞੂਹੀਤਿ। ਇਤਿ ਖੋ ਤੇ, ਸੁਨਕ੍ਖਤ੍ਤ, ਅਨੇਕਪਰਿਯਾਯੇਨ ਧਮ੍ਮਸ੍ਸ વਣ੍ਣੋ ਭਾਸਿਤੋ વਜ੍ਜਿਗਾਮੇ।

‘Anekapariyāyena kho te, sunakkhatta, dhammassa vaṇṇo bhāsito vajjigāme – svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhīti. Iti kho te, sunakkhatta, anekapariyāyena dhammassa vaṇṇo bhāsito vajjigāme.

‘ਅਨੇਕਪਰਿਯਾਯੇਨ ਖੋ ਤੇ, ਸੁਨਕ੍ਖਤ੍ਤ, ਸਙ੍ਘਸ੍ਸ વਣ੍ਣੋ ਭਾਸਿਤੋ વਜ੍ਜਿਗਾਮੇ – ਸੁਪ੍ਪਟਿਪਨ੍ਨੋ ਭਗવਤੋ ਸਾવਕਸਙ੍ਘੋ, ਉਜੁਪ੍ਪਟਿਪਨ੍ਨੋ ਭਗવਤੋ ਸਾવਕਸਙ੍ਘੋ, ਞਾਯਪ੍ਪਟਿਪਨ੍ਨੋ ਭਗવਤੋ ਸਾવਕਸਙ੍ਘੋ, ਸਾਮੀਚਿਪ੍ਪਟਿਪਨ੍ਨੋ ਭਗવਤੋ ਸਾવਕਸਙ੍ਘੋ, ਯਦਿਦਂ ਚਤ੍ਤਾਰਿ ਪੁਰਿਸਯੁਗਾਨਿ ਅਟ੍ਠ ਪੁਰਿਸਪੁਗ੍ਗਲਾ, ਏਸ ਭਗવਤੋ ਸਾવਕਸਙ੍ਘੋ, ਆਹੁਨੇਯ੍ਯੋ ਪਾਹੁਨੇਯ੍ਯੋ ਦਕ੍ਖਿਣੇਯ੍ਯੋ ਅਞ੍ਜਲਿਕਰਣੀਯੋ ਅਨੁਤ੍ਤਰਂ ਪੁਞ੍ਞਕ੍ਖੇਤ੍ਤਂ ਲੋਕਸ੍ਸਾਤਿ। ਇਤਿ ਖੋ ਤੇ, ਸੁਨਕ੍ਖਤ੍ਤ, ਅਨੇਕਪਰਿਯਾਯੇਨ ਸਙ੍ਘਸ੍ਸ વਣ੍ਣੋ ਭਾਸਿਤੋ વਜ੍ਜਿਗਾਮੇ।

‘Anekapariyāyena kho te, sunakkhatta, saṅghassa vaṇṇo bhāsito vajjigāme – suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā, esa bhagavato sāvakasaṅgho, āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassāti. Iti kho te, sunakkhatta, anekapariyāyena saṅghassa vaṇṇo bhāsito vajjigāme.

‘ਆਰੋਚਯਾਮਿ ਖੋ ਤੇ, ਸੁਨਕ੍ਖਤ੍ਤ, ਪਟਿવੇਦਯਾਮਿ ਖੋ ਤੇ, ਸੁਨਕ੍ਖਤ੍ਤ। ਭવਿਸ੍ਸਨ੍ਤਿ ਖੋ ਤੇ, ਸੁਨਕ੍ਖਤ੍ਤ, વਤ੍ਤਾਰੋ, ਨੋ વਿਸਹਿ ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਸਮਣੇ ਗੋਤਮੇ ਬ੍ਰਹ੍ਮਚਰਿਯਂ ਚਰਿਤੁਂ, ਸੋ ਅવਿਸਹਨ੍ਤੋ ਸਿਕ੍ਖਂ ਪਚ੍ਚਕ੍ਖਾਯ ਹੀਨਾਯਾવਤ੍ਤੋਤਿ। ਇਤਿ ਖੋ ਤੇ, ਸੁਨਕ੍ਖਤ੍ਤ, ਭવਿਸ੍ਸਨ੍ਤਿ વਤ੍ਤਾਰੋ’ਤਿ।

‘Ārocayāmi kho te, sunakkhatta, paṭivedayāmi kho te, sunakkhatta. Bhavissanti kho te, sunakkhatta, vattāro, no visahi sunakkhatto licchaviputto samaṇe gotame brahmacariyaṃ carituṃ, so avisahanto sikkhaṃ paccakkhāya hīnāyāvattoti. Iti kho te, sunakkhatta, bhavissanti vattāro’ti.

ਏવਂ ਪਿ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਮਯਾ વੁਚ੍ਚਮਾਨੋ ਅਪਕ੍ਕਮੇવ ਇਮਸ੍ਮਾ ਧਮ੍ਮવਿਨਯਾ, ਯਥਾ ਤਂ ਆਪਾਯਿਕੋ ਨੇਰਯਿਕੋ।

Evaṃ pi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

ਕੋਰਕ੍ਖਤ੍ਤਿਯવਤ੍ਥੁ

Korakkhattiyavatthu

੭. ‘‘ਏਕਮਿਦਾਹਂ, ਭਗ੍ਗવ, ਸਮਯਂ ਥੂਲੂਸੁ ⁹ વਿਹਰਾਮਿ ਉਤ੍ਤਰਕਾ ਨਾਮ ਥੂਲੂਨਂ ਨਿਗਮੋ। ਅਥ ਖ੍વਾਹਂ, ਭਗ੍ਗવ, ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਸੁਨਕ੍ਖਤ੍ਤੇਨ ਲਿਚ੍ਛવਿਪੁਤ੍ਤੇਨ ਪਚ੍ਛਾਸਮਣੇਨ ਉਤ੍ਤਰਕਂ ਪਿਣ੍ਡਾਯ ਪਾવਿਸਿਂ। ਤੇਨ ਖੋ ਪਨ ਸਮਯੇਨ ਅਚੇਲੋ ਕੋਰਕ੍ਖਤ੍ਤਿਯੋ ਕੁਕ੍ਕੁਰવਤਿਕੋ ਚਤੁਕ੍ਕੁਣ੍ਡਿਕੋ ¹⁰ ਛਮਾਨਿਕਿਣ੍ਣਂ ਭਕ੍ਖਸਂ ਮੁਖੇਨੇવ ਖਾਦਤਿ, ਮੁਖੇਨੇવ ਭੁਞ੍ਜਤਿ। ਅਦ੍ਦਸਾ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਅਚੇਲਂ ਕੋਰਕ੍ਖਤ੍ਤਿਯਂ ਕੁਕ੍ਕੁਰવਤਿਕਂ ਚਤੁਕ੍ਕੁਣ੍ਡਿਕਂ ਛਮਾਨਿਕਿਣ੍ਣਂ ਭਕ੍ਖਸਂ ਮੁਖੇਨੇવ ਖਾਦਨ੍ਤਂ ਮੁਖੇਨੇવ ਭੁਞ੍ਜਨ੍ਤਂ। ਦਿਸ੍વਾਨਸ੍ਸ ਏਤਦਹੋਸਿ – ‘ਸਾਧੁਰੂਪੋ વਤ, ਭੋ, ਅਯਂ ¹¹ ਸਮਣੋ ਚਤੁਕ੍ਕੁਣ੍ਡਿਕੋ ਛਮਾਨਿਕਿਣ੍ਣਂ ਭਕ੍ਖਸਂ ਮੁਖੇਨੇવ ਖਾਦਤਿ, ਮੁਖੇਨੇવ ਭੁਞ੍ਜਤੀ’ਤਿ।

7. ‘‘Ekamidāhaṃ, bhaggava, samayaṃ thūlūsu ¹² viharāmi uttarakā nāma thūlūnaṃ nigamo. Atha khvāhaṃ, bhaggava, pubbaṇhasamayaṃ nivāsetvā pattacīvaramādāya sunakkhattena licchaviputtena pacchāsamaṇena uttarakaṃ piṇḍāya pāvisiṃ. Tena kho pana samayena acelo korakkhattiyo kukkuravatiko catukkuṇḍiko ¹³ chamānikiṇṇaṃ bhakkhasaṃ mukheneva khādati, mukheneva bhuñjati. Addasā kho, bhaggava, sunakkhatto licchaviputto acelaṃ korakkhattiyaṃ kukkuravatikaṃ catukkuṇḍikaṃ chamānikiṇṇaṃ bhakkhasaṃ mukheneva khādantaṃ mukheneva bhuñjantaṃ. Disvānassa etadahosi – ‘sādhurūpo vata, bho, ayaṃ ¹⁴ samaṇo catukkuṇḍiko chamānikiṇṇaṃ bhakkhasaṃ mukheneva khādati, mukheneva bhuñjatī’ti.

‘‘ਅਥ ਖ੍વਾਹਂ, ਭਗ੍ਗવ, ਸੁਨਕ੍ਖਤ੍ਤਸ੍ਸ ਲਿਚ੍ਛવਿਪੁਤ੍ਤਸ੍ਸ ਚੇਤਸਾ ਚੇਤੋਪਰਿવਿਤਕ੍ਕਮਞ੍ਞਾਯ ਸੁਨਕ੍ਖਤ੍ਤਂ ਲਿਚ੍ਛવਿਪੁਤ੍ਤਂ ਏਤਦવੋਚਂ – ‘ਤ੍વਮ੍ਪਿ ਨਾਮ, ਮੋਘਪੁਰਿਸ, ਸਮਣੋ ਸਕ੍ਯਪੁਤ੍ਤਿਯੋ ¹⁵ ਪਟਿਜਾਨਿਸ੍ਸਸੀ’ਤਿ! ‘ਕਿਂ ਪਨ ਮਂ, ਭਨ੍ਤੇ, ਭਗવਾ ਏવਮਾਹ – ‘ਤ੍વਮ੍ਪਿ ਨਾਮ, ਮੋਘਪੁਰਿਸ, ਸਮਣੋ ਸਕ੍ਯਪੁਤ੍ਤਿਯੋ ¹⁶ ਪਟਿਜਾਨਿਸ੍ਸਸੀ’ਤਿ? ‘ਨਨੁ ਤੇ, ਸੁਨਕ੍ਖਤ੍ਤ, ਇਮਂ ਅਚੇਲਂ ਕੋਰਕ੍ਖਤ੍ਤਿਯਂ ਕੁਕ੍ਕੁਰવਤਿਕਂ ਚਤੁਕ੍ਕੁਣ੍ਡਿਕਂ ਛਮਾਨਿਕਿਣ੍ਣਂ ਭਕ੍ਖਸਂ ਮੁਖੇਨੇવ ਖਾਦਨ੍ਤਂ ਮੁਖੇਨੇવ ਭੁਞ੍ਜਨ੍ਤਂ ਦਿਸ੍વਾਨ ਏਤਦਹੋਸਿ – ਸਾਧੁਰੂਪੋ વਤ, ਭੋ, ਅਯਂ ਸਮਣੋ ਚਤੁਕ੍ਕੁਣ੍ਡਿਕੋ ਛਮਾਨਿਕਿਣ੍ਣਂ ਭਕ੍ਖਸਂ ਮੁਖੇਨੇવ ਖਾਦਤਿ, ਮੁਖੇਨੇવ ਭੁਞ੍ਜਤੀ’ਤਿ? ‘ਏવਂ, ਭਨ੍ਤੇ। ਕਿਂ ਪਨ, ਭਨ੍ਤੇ, ਭਗવਾ ਅਰਹਤ੍ਤਸ੍ਸ ਮਚ੍ਛਰਾਯਤੀ’ਤਿ? ‘ਨ ਖੋ ਅਹਂ, ਮੋਘਪੁਰਿਸ, ਅਰਹਤ੍ਤਸ੍ਸ ਮਚ੍ਛਰਾਯਾਮਿ। ਅਪਿ ਚ, ਤੁਯ੍ਹੇવੇਤਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ, ਤਂ ਪਜਹ। ਮਾ ਤੇ ਅਹੋਸਿ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯ। ਯਂ ਖੋ ਪਨੇਤਂ, ਸੁਨਕ੍ਖਤ੍ਤ, ਮਞ੍ਞਸਿ ਅਚੇਲਂ ਕੋਰਕ੍ਖਤ੍ਤਿਯਂ – ਸਾਧੁਰੂਪੋ ਅਯਂ ਸਮਣੋਤਿ ¹⁷। ਸੋ ਸਤ੍ਤਮਂ ਦਿવਸਂ ਅਲਸਕੇਨ ਕਾਲਙ੍ਕਰਿਸ੍ਸਤਿ। ਕਾਲਙ੍ਕਤੋ ¹⁸ ਚ ਕਾਲਕਞ੍ਚਿਕਾ ¹⁹ ਨਾਮ ਅਸੁਰਾ ਸਬ੍ਬਨਿਹੀਨੋ ਅਸੁਰਕਾਯੋ, ਤਤ੍ਰ ਉਪਪਜ੍ਜਿਸ੍ਸਤਿ। ਕਾਲਙ੍ਕਤਞ੍ਚ ਨਂ ਬੀਰਣਤ੍ਥਮ੍ਬਕੇ ਸੁਸਾਨੇ ਛਡ੍ਡੇਸ੍ਸਨ੍ਤਿ। ਆਕਙ੍ਖਮਾਨੋ ਚ ਤ੍વਂ, ਸੁਨਕ੍ਖਤ੍ਤ, ਅਚੇਲਂ ਕੋਰਕ੍ਖਤ੍ਤਿਯਂ ਉਪਸਙ੍ਕਮਿਤ੍વਾ ਪੁਚ੍ਛੇਯ੍ਯਾਸਿ – ਜਾਨਾਸਿ, ਆવੁਸੋ ਕੋਰਕ੍ਖਤ੍ਤਿਯ ²⁰, ਅਤ੍ਤਨੋ ਗਤਿਨ੍ਤਿ? ਠਾਨਂ ਖੋ ਪਨੇਤਂ, ਸੁਨਕ੍ਖਤ੍ਤ, વਿਜ੍ਜਤਿ ਯਂ ਤੇ ਅਚੇਲੋ ਕੋਰਕ੍ਖਤ੍ਤਿਯੋ ਬ੍ਯਾਕਰਿਸ੍ਸਤਿ – ਜਾਨਾਮਿ, ਆવੁਸੋ ਸੁਨਕ੍ਖਤ੍ਤ, ਅਤ੍ਤਨੋ ਗਤਿਂ; ਕਾਲਕਞ੍ਚਿਕਾ ਨਾਮ ਅਸੁਰਾ ਸਬ੍ਬਨਿਹੀਨੋ ਅਸੁਰਕਾਯੋ, ਤਤ੍ਰਾਮ੍ਹਿ ਉਪਪਨ੍ਨੋਤਿ।

‘‘Atha khvāhaṃ, bhaggava, sunakkhattassa licchaviputtassa cetasā cetoparivitakkamaññāya sunakkhattaṃ licchaviputtaṃ etadavocaṃ – ‘tvampi nāma, moghapurisa, samaṇo sakyaputtiyo ²¹ paṭijānissasī’ti! ‘Kiṃ pana maṃ, bhante, bhagavā evamāha – ‘tvampi nāma, moghapurisa, samaṇo sakyaputtiyo ²² paṭijānissasī’ti? ‘Nanu te, sunakkhatta, imaṃ acelaṃ korakkhattiyaṃ kukkuravatikaṃ catukkuṇḍikaṃ chamānikiṇṇaṃ bhakkhasaṃ mukheneva khādantaṃ mukheneva bhuñjantaṃ disvāna etadahosi – sādhurūpo vata, bho, ayaṃ samaṇo catukkuṇḍiko chamānikiṇṇaṃ bhakkhasaṃ mukheneva khādati, mukheneva bhuñjatī’ti? ‘Evaṃ, bhante. Kiṃ pana, bhante, bhagavā arahattassa maccharāyatī’ti? ‘Na kho ahaṃ, moghapurisa, arahattassa maccharāyāmi. Api ca, tuyhevetaṃ pāpakaṃ diṭṭhigataṃ uppannaṃ, taṃ pajaha. Mā te ahosi dīgharattaṃ ahitāya dukkhāya. Yaṃ kho panetaṃ, sunakkhatta, maññasi acelaṃ korakkhattiyaṃ – sādhurūpo ayaṃ samaṇoti ²³. So sattamaṃ divasaṃ alasakena kālaṅkarissati. Kālaṅkato ²⁴ ca kālakañcikā ²⁵ nāma asurā sabbanihīno asurakāyo, tatra upapajjissati. Kālaṅkatañca naṃ bīraṇatthambake susāne chaḍḍessanti. Ākaṅkhamāno ca tvaṃ, sunakkhatta, acelaṃ korakkhattiyaṃ upasaṅkamitvā puccheyyāsi – jānāsi, āvuso korakkhattiya ²⁶, attano gatinti? Ṭhānaṃ kho panetaṃ, sunakkhatta, vijjati yaṃ te acelo korakkhattiyo byākarissati – jānāmi, āvuso sunakkhatta, attano gatiṃ; kālakañcikā nāma asurā sabbanihīno asurakāyo, tatrāmhi upapannoti.

‘‘ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨ ਅਚੇਲੋ ਕੋਰਕ੍ਖਤ੍ਤਿਯੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਅਚੇਲਂ ਕੋਰਕ੍ਖਤ੍ਤਿਯਂ ਏਤਦવੋਚ – ‘ਬ੍ਯਾਕਤੋ ਖੋਸਿ, ਆવੁਸੋ ਕੋਰਕ੍ਖਤ੍ਤਿਯ, ਸਮਣੇਨ ਗੋਤਮੇਨ – ਅਚੇਲੋ ਕੋਰਕ੍ਖਤ੍ਤਿਯੋ ਸਤ੍ਤਮਂ ਦਿવਸਂ ਅਲਸਕੇਨ ਕਾਲਙ੍ਕਰਿਸ੍ਸਤਿ। ਕਾਲਙ੍ਕਤੋ ਚ ਕਾਲਕਞ੍ਚਿਕਾ ਨਾਮ ਅਸੁਰਾ ਸਬ੍ਬਨਿਹੀਨੋ ਅਸੁਰਕਾਯੋ , ਤਤ੍ਰ ਉਪਪਜ੍ਜਿਸ੍ਸਤਿ। ਕਾਲਙ੍ਕਤਞ੍ਚ ਨਂ ਬੀਰਣਤ੍ਥਮ੍ਬਕੇ ਸੁਸਾਨੇ ਛਡ੍ਡੇਸ੍ਸਨ੍ਤੀ’ਤਿ। ਯੇਨ ਤ੍વਂ, ਆવੁਸੋ ਕੋਰਕ੍ਖਤ੍ਤਿਯ, ਮਤ੍ਤਂ ਮਤ੍ਤਞ੍ਚ ਭਤ੍ਤਂ ਭੁਞ੍ਜੇਯ੍ਯਾਸਿ, ਮਤ੍ਤਂ ਮਤ੍ਤਞ੍ਚ ਪਾਨੀਯਂ ਪਿવੇਯ੍ਯਾਸਿ। ਯਥਾ ਸਮਣਸ੍ਸ ਗੋਤਮਸ੍ਸ ਮਿਚ੍ਛਾ ਅਸ੍ਸ વਚਨ’ਨ੍ਤਿ।

‘‘Atha kho, bhaggava, sunakkhatto licchaviputto yena acelo korakkhattiyo tenupasaṅkami; upasaṅkamitvā acelaṃ korakkhattiyaṃ etadavoca – ‘byākato khosi, āvuso korakkhattiya, samaṇena gotamena – acelo korakkhattiyo sattamaṃ divasaṃ alasakena kālaṅkarissati. Kālaṅkato ca kālakañcikā nāma asurā sabbanihīno asurakāyo , tatra upapajjissati. Kālaṅkatañca naṃ bīraṇatthambake susāne chaḍḍessantī’ti. Yena tvaṃ, āvuso korakkhattiya, mattaṃ mattañca bhattaṃ bhuñjeyyāsi, mattaṃ mattañca pānīyaṃ piveyyāsi. Yathā samaṇassa gotamassa micchā assa vacana’nti.

੮. ‘‘ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਏਕਦ੍વੀਹਿਕਾਯ ਸਤ੍ਤਰਤ੍ਤਿਨ੍ਦਿવਾਨਿ ਗਣੇਸਿ, ਯਥਾ ਤਂ ਤਥਾਗਤਸ੍ਸ ਅਸਦ੍ਦਹਮਾਨੋ। ਅਥ ਖੋ, ਭਗ੍ਗવ, ਅਚੇਲੋ ਕੋਰਕ੍ਖਤ੍ਤਿਯੋ ਸਤ੍ਤਮਂ ਦਿવਸਂ ਅਲਸਕੇਨ ਕਾਲਮਕਾਸਿ। ਕਾਲਙ੍ਕਤੋ ਚ ਕਾਲਕਞ੍ਚਿਕਾ ਨਾਮ ਅਸੁਰਾ ਸਬ੍ਬਨਿਹੀਨੋ ਅਸੁਰਕਾਯੋ, ਤਤ੍ਰ ਉਪਪਜ੍ਜਿ। ਕਾਲਙ੍ਕਤਞ੍ਚ ਨਂ ਬੀਰਣਤ੍ਥਮ੍ਬਕੇ ਸੁਸਾਨੇ ਛਡ੍ਡੇਸੁਂ।

8. ‘‘Atha kho, bhaggava, sunakkhatto licchaviputto ekadvīhikāya sattarattindivāni gaṇesi, yathā taṃ tathāgatassa asaddahamāno. Atha kho, bhaggava, acelo korakkhattiyo sattamaṃ divasaṃ alasakena kālamakāsi. Kālaṅkato ca kālakañcikā nāma asurā sabbanihīno asurakāyo, tatra upapajji. Kālaṅkatañca naṃ bīraṇatthambake susāne chaḍḍesuṃ.

੯. ‘‘ਅਸ੍ਸੋਸਿ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ – ‘ਅਚੇਲੋ ਕਿਰ ਕੋਰਕ੍ਖਤ੍ਤਿਯੋ ਅਲਸਕੇਨ ਕਾਲਙ੍ਕਤੋ ਬੀਰਣਤ੍ਥਮ੍ਬਕੇ ਸੁਸਾਨੇ ਛਡ੍ਡਿਤੋ’ਤਿ। ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨ ਬੀਰਣਤ੍ਥਮ੍ਬਕਂ ਸੁਸਾਨਂ, ਯੇਨ ਅਚੇਲੋ ਕੋਰਕ੍ਖਤ੍ਤਿਯੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਅਚੇਲਂ ਕੋਰਕ੍ਖਤ੍ਤਿਯਂ ਤਿਕ੍ਖਤ੍ਤੁਂ ਪਾਣਿਨਾ ਆਕੋਟੇਸਿ – ‘ਜਾਨਾਸਿ, ਆવੁਸੋ ਕੋਰਕ੍ਖਤ੍ਤਿਯ, ਅਤ੍ਤਨੋ ਗਤਿ’ਨ੍ਤਿ? ਅਥ ਖੋ, ਭਗ੍ਗવ, ਅਚੇਲੋ ਕੋਰਕ੍ਖਤ੍ਤਿਯੋ ਪਾਣਿਨਾ ਪਿਟ੍ਠਿਂ ਪਰਿਪੁਞ੍ਛਨ੍ਤੋ વੁਟ੍ਠਾਸਿ। ‘ਜਾਨਾਮਿ, ਆવੁਸੋ ਸੁਨਕ੍ਖਤ੍ਤ, ਅਤ੍ਤਨੋ ਗਤਿਂ। ਕਾਲਕਞ੍ਚਿਕਾ ਨਾਮ ਅਸੁਰਾ ਸਬ੍ਬਨਿਹੀਨੋ ਅਸੁਰਕਾਯੋ, ਤਤ੍ਰਾਮ੍ਹਿ ਉਪਪਨ੍ਨੋ’ਤਿ વਤ੍વਾ ਤਤ੍ਥੇવ ਉਤ੍ਤਾਨੋ ਪਪਤਿ ²⁷।

9. ‘‘Assosi kho, bhaggava, sunakkhatto licchaviputto – ‘acelo kira korakkhattiyo alasakena kālaṅkato bīraṇatthambake susāne chaḍḍito’ti. Atha kho, bhaggava, sunakkhatto licchaviputto yena bīraṇatthambakaṃ susānaṃ, yena acelo korakkhattiyo tenupasaṅkami; upasaṅkamitvā acelaṃ korakkhattiyaṃ tikkhattuṃ pāṇinā ākoṭesi – ‘jānāsi, āvuso korakkhattiya, attano gati’nti? Atha kho, bhaggava, acelo korakkhattiyo pāṇinā piṭṭhiṃ paripuñchanto vuṭṭhāsi. ‘Jānāmi, āvuso sunakkhatta, attano gatiṃ. Kālakañcikā nāma asurā sabbanihīno asurakāyo, tatrāmhi upapanno’ti vatvā tattheva uttāno papati ²⁸.

੧੦. ‘‘ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਅਹਂ, ਭਗ੍ਗવ , ਸੁਨਕ੍ਖਤ੍ਤਂ ਲਿਚ੍ਛવਿਪੁਤ੍ਤਂ ਏਤਦવੋਚਂ – ‘ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਯਥੇવ ਤੇ ਅਹਂ ਅਚੇਲਂ ਕੋਰਕ੍ਖਤ੍ਤਿਯਂ ਆਰਬ੍ਭ ਬ੍ਯਾਕਾਸਿਂ, ਤਥੇવ ਤਂ વਿਪਾਕਂ, ਅਞ੍ਞਥਾ વਾ’ਤਿ? ‘ਯਥੇવ ਮੇ, ਭਨ੍ਤੇ, ਭਗવਾ ਅਚੇਲਂ ਕੋਰਕ੍ਖਤ੍ਤਿਯਂ ਆਰਬ੍ਭ ਬ੍ਯਾਕਾਸਿ, ਤਥੇવ ਤਂ વਿਪਾਕਂ, ਨੋ ਅਞ੍ਞਥਾ’ਤਿ। ‘ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਯਦਿ ਏવਂ ਸਨ੍ਤੇ ਕਤਂ વਾ ਹੋਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ, ਅਕਤਂ વਾਤਿ? ‘ਅਦ੍ਧਾ ਖੋ, ਭਨ੍ਤੇ, ਏવਂ ਸਨ੍ਤੇ ਕਤਂ ਹੋਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ, ਨੋ ਅਕਤ’ਨ੍ਤਿ। ‘ਏવਮ੍ਪਿ ਖੋ ਮਂ ਤ੍વਂ, ਮੋਘਪੁਰਿਸ, ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੋਨ੍ਤਂ ਏવਂ વਦੇਸਿ – ਨ ਹਿ ਪਨ ਮੇ, ਭਨ੍ਤੇ, ਭਗવਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੋਤੀਤਿ। ਪਸ੍ਸ, ਮੋਘਪੁਰਿਸ, ਯਾવਞ੍ਚ ਤੇ ਇਦਂ ਅਪਰਦ੍ਧ’ਨ੍ਤਿ। ‘‘ਏવਮ੍ਪਿ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਮਯਾ વੁਚ੍ਚਮਾਨੋ ਅਪਕ੍ਕਮੇવ ਇਮਸ੍ਮਾ ਧਮ੍ਮવਿਨਯਾ, ਯਥਾ ਤਂ ਆਪਾਯਿਕੋ ਨੇਰਯਿਕੋ।

10. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava , sunakkhattaṃ licchaviputtaṃ etadavocaṃ – ‘taṃ kiṃ maññasi, sunakkhatta, yatheva te ahaṃ acelaṃ korakkhattiyaṃ ārabbha byākāsiṃ, tatheva taṃ vipākaṃ, aññathā vā’ti? ‘Yatheva me, bhante, bhagavā acelaṃ korakkhattiyaṃ ārabbha byākāsi, tatheva taṃ vipākaṃ, no aññathā’ti. ‘Taṃ kiṃ maññasi, sunakkhatta, yadi evaṃ sante kataṃ vā hoti uttarimanussadhammā iddhipāṭihāriyaṃ, akataṃ vāti? ‘Addhā kho, bhante, evaṃ sante kataṃ hoti uttarimanussadhammā iddhipāṭihāriyaṃ, no akata’nti. ‘Evampi kho maṃ tvaṃ, moghapurisa, uttarimanussadhammā iddhipāṭihāriyaṃ karontaṃ evaṃ vadesi – na hi pana me, bhante, bhagavā uttarimanussadhammā iddhipāṭihāriyaṃ karotīti. Passa, moghapurisa, yāvañca te idaṃ aparaddha’nti. ‘‘Evampi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

ਅਚੇਲਕਲ਼ਾਰਮਟ੍ਟਕવਤ੍ਥੁ

Acelakaḷāramaṭṭakavatthu

੧੧. ‘‘ਏਕਮਿਦਾਹਂ, ਭਗ੍ਗવ, ਸਮਯਂ વੇਸਾਲਿਯਂ વਿਹਰਾਮਿ ਮਹਾવਨੇ ਕੂਟਾਗਾਰਸਾਲਾਯਂ। ਤੇਨ ਖੋ ਪਨ ਸਮਯੇਨ ਅਚੇਲੋ ਕਲ਼ਾਰਮਟ੍ਟਕੋ વੇਸਾਲਿਯਂ ਪਟਿવਸਤਿ ਲਾਭਗ੍ਗਪ੍ਪਤ੍ਤੋ ਚੇવ ਯਸਗ੍ਗਪ੍ਪਤ੍ਤੋ ਚ વਜ੍ਜਿਗਾਮੇ। ਤਸ੍ਸ ਸਤ੍ਤવਤਪਦਾਨਿ ²⁹ ਸਮਤ੍ਤਾਨਿ ਸਮਾਦਿਨ੍ਨਾਨਿ ਹੋਨ੍ਤਿ – ‘ਯਾવਜੀવਂ ਅਚੇਲਕੋ ਅਸ੍ਸਂ, ਨ વਤ੍ਥਂ ਪਰਿਦਹੇਯ੍ਯਂ, ਯਾવਜੀવਂ ਬ੍ਰਹ੍ਮਚਾਰੀ ਅਸ੍ਸਂ, ਨ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯਂ, ਯਾવਜੀવਂ ਸੁਰਾਮਂਸੇਨੇવ ਯਾਪੇਯ੍ਯਂ, ਨ ਓਦਨਕੁਮ੍ਮਾਸਂ ਭੁਞ੍ਜੇਯ੍ਯਂ। ਪੁਰਤ੍ਥਿਮੇਨ વੇਸਾਲਿਂ ਉਦੇਨਂ ਨਾਮ ਚੇਤਿਯਂ, ਤਂ ਨਾਤਿਕ੍ਕਮੇਯ੍ਯਂ, ਦਕ੍ਖਿਣੇਨ વੇਸਾਲਿਂ ਗੋਤਮਕਂ ਨਾਮ ਚੇਤਿਯਂ, ਤਂ ਨਾਤਿਕ੍ਕਮੇਯ੍ਯਂ, ਪਚ੍ਛਿਮੇਨ વੇਸਾਲਿਂ ਸਤ੍ਤਮ੍ਬਂ ਨਾਮ ਚੇਤਿਯਂ, ਤਂ ਨਾਤਿਕ੍ਕਮੇਯ੍ਯਂ, ਉਤ੍ਤਰੇਨ વੇਸਾਲਿਂ ਬਹੁਪੁਤ੍ਤਂ ਨਾਮ ³⁰ ਚੇਤਿਯਂ ਤਂ ਨਾਤਿਕ੍ਕਮੇਯ੍ਯ’ਨ੍ਤਿ। ਸੋ ਇਮੇਸਂ ਸਤ੍ਤਨ੍ਨਂ વਤਪਦਾਨਂ ਸਮਾਦਾਨਹੇਤੁ ਲਾਭਗ੍ਗਪ੍ਪਤ੍ਤੋ ਚੇવ ਯਸਗ੍ਗਪ੍ਪਤ੍ਤੋ ਚ વਜ੍ਜਿਗਾਮੇ।

11. ‘‘Ekamidāhaṃ, bhaggava, samayaṃ vesāliyaṃ viharāmi mahāvane kūṭāgārasālāyaṃ. Tena kho pana samayena acelo kaḷāramaṭṭako vesāliyaṃ paṭivasati lābhaggappatto ceva yasaggappatto ca vajjigāme. Tassa sattavatapadāni ³¹ samattāni samādinnāni honti – ‘yāvajīvaṃ acelako assaṃ, na vatthaṃ paridaheyyaṃ, yāvajīvaṃ brahmacārī assaṃ, na methunaṃ dhammaṃ paṭiseveyyaṃ, yāvajīvaṃ surāmaṃseneva yāpeyyaṃ, na odanakummāsaṃ bhuñjeyyaṃ. Puratthimena vesāliṃ udenaṃ nāma cetiyaṃ, taṃ nātikkameyyaṃ, dakkhiṇena vesāliṃ gotamakaṃ nāma cetiyaṃ, taṃ nātikkameyyaṃ, pacchimena vesāliṃ sattambaṃ nāma cetiyaṃ, taṃ nātikkameyyaṃ, uttarena vesāliṃ bahuputtaṃ nāma ³² cetiyaṃ taṃ nātikkameyya’nti. So imesaṃ sattannaṃ vatapadānaṃ samādānahetu lābhaggappatto ceva yasaggappatto ca vajjigāme.

੧੨. ‘‘ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨ ਅਚੇਲੋ ਕਲ਼ਾਰਮਟ੍ਟਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਅਚੇਲਂ ਕਲ਼ਾਰਮਟ੍ਟਕਂ ਪਞ੍ਹਂ ਅਪੁਚ੍ਛਿ। ਤਸ੍ਸ ਅਚੇਲੋ ਕਲ਼ਾਰਮਟ੍ਟਕੋ ਪਞ੍ਹਂ ਪੁਟ੍ਠੋ ਨ ਸਮ੍ਪਾਯਾਸਿ। ਅਸਮ੍ਪਾਯਨ੍ਤੋ ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤ੍વਾਕਾਸਿ। ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤਸ੍ਸ ਲਿਚ੍ਛવਿਪੁਤ੍ਤਸ੍ਸ ਏਤਦਹੋਸਿ – ‘ਸਾਧੁਰੂਪਂ વਤ ਭੋ ਅਰਹਨ੍ਤਂ ਸਮਣਂ ਆਸਾਦਿਮ੍ਹਸੇ ³³। ਮਾ વਤ ਨੋ ਅਹੋਸਿ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯਾ’ਤਿ।

12. ‘‘Atha kho, bhaggava, sunakkhatto licchaviputto yena acelo kaḷāramaṭṭako tenupasaṅkami; upasaṅkamitvā acelaṃ kaḷāramaṭṭakaṃ pañhaṃ apucchi. Tassa acelo kaḷāramaṭṭako pañhaṃ puṭṭho na sampāyāsi. Asampāyanto kopañca dosañca appaccayañca pātvākāsi. Atha kho, bhaggava, sunakkhattassa licchaviputtassa etadahosi – ‘sādhurūpaṃ vata bho arahantaṃ samaṇaṃ āsādimhase ³⁴. Mā vata no ahosi dīgharattaṃ ahitāya dukkhāyā’ti.

੧੩. ‘‘ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਅਹਂ, ਭਗ੍ਗવ, ਸੁਨਕ੍ਖਤ੍ਤਂ ਲਿਚ੍ਛવਿਪੁਤ੍ਤਂ ਏਤਦવੋਚਂ – ‘ਤ੍વਮ੍ਪਿ ਨਾਮ, ਮੋਘਪੁਰਿਸ, ਸਮਣੋ ਸਕ੍ਯਪੁਤ੍ਤਿਯੋ ਪਟਿਜਾਨਿਸ੍ਸਸੀ’ਤਿ! ‘ਕਿਂ ਪਨ ਮਂ, ਭਨ੍ਤੇ, ਭਗવਾ ਏવਮਾਹ – ਤ੍વਮ੍ਪਿ ਨਾਮ, ਮੋਘਪੁਰਿਸ, ਸਮਣੋ ਸਕ੍ਯਪੁਤ੍ਤਿਯੋ ਪਟਿਜਾਨਿਸ੍ਸਸੀ’ਤਿ? ‘ਨਨੁ ਤ੍વਂ, ਸੁਨਕ੍ਖਤ੍ਤ, ਅਚੇਲਂ ਕਲ਼ਾਰਮਟ੍ਟਕਂ ਉਪਸਙ੍ਕਮਿਤ੍વਾ ਪਞ੍ਹਂ ਅਪੁਚ੍ਛਿ। ਤਸ੍ਸ ਤੇ ਅਚੇਲੋ ਕਲ਼ਾਰਮਟ੍ਟਕੋ ਪਞ੍ਹਂ ਪੁਟ੍ਠੋ ਨ ਸਮ੍ਪਾਯਾਸਿ। ਅਸਮ੍ਪਾਯਨ੍ਤੋ ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤ੍વਾਕਾਸਿ। ਤਸ੍ਸ ਤੇ ਏਤਦਹੋਸਿ – ‘‘ਸਾਧੁਰੂਪਂ વਤ, ਭੋ, ਅਰਹਨ੍ਤਂ ਸਮਣਂ ਆਸਾਦਿਮ੍ਹਸੇ। ਮਾ વਤ ਨੋ ਅਹੋਸਿ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯਾ’ਤਿ। ‘ਏવਂ, ਭਨ੍ਤੇ। ਕਿਂ ਪਨ, ਭਨ੍ਤੇ, ਭਗવਾ ਅਰਹਤ੍ਤਸ੍ਸ ਮਚ੍ਛਰਾਯਤੀ’ਤਿ? ‘ਨ ਖੋ ਅਹਂ, ਮੋਘਪੁਰਿਸ, ਅਰਹਤ੍ਤਸ੍ਸ ਮਚ੍ਛਰਾਯਾਮਿ, ਅਪਿ ਚ ਤੁਯ੍ਹੇવੇਤਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ, ਤਂ ਪਜਹ। ਮਾ ਤੇ ਅਹੋਸਿ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯ। ਯਂ ਖੋ ਪਨੇਤਂ, ਸੁਨਕ੍ਖਤ੍ਤ, ਮਞ੍ਞਸਿ ਅਚੇਲਂ ਕਲ਼ਾਰਮਟ੍ਟਕਂ – ਸਾਧੁਰੂਪੋ ਅਯਂ ³⁵ ਸਮਣੋਤਿ, ਸੋ ਨਚਿਰਸ੍ਸੇવ ਪਰਿਹਿਤੋ ਸਾਨੁਚਾਰਿਕੋ વਿਚਰਨ੍ਤੋ ਓਦਨਕੁਮ੍ਮਾਸਂ ਭੁਞ੍ਜਮਾਨੋ ਸਬ੍ਬਾਨੇવ વੇਸਾਲਿਯਾਨਿ ਚੇਤਿਯਾਨਿ ਸਮਤਿਕ੍ਕਮਿਤ੍વਾ ਯਸਾ ਨਿਹੀਨੋ ³⁶ ਕਾਲਂ ਕਰਿਸ੍ਸਤੀ’ਤਿ।

13. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava, sunakkhattaṃ licchaviputtaṃ etadavocaṃ – ‘tvampi nāma, moghapurisa, samaṇo sakyaputtiyo paṭijānissasī’ti! ‘Kiṃ pana maṃ, bhante, bhagavā evamāha – tvampi nāma, moghapurisa, samaṇo sakyaputtiyo paṭijānissasī’ti? ‘Nanu tvaṃ, sunakkhatta, acelaṃ kaḷāramaṭṭakaṃ upasaṅkamitvā pañhaṃ apucchi. Tassa te acelo kaḷāramaṭṭako pañhaṃ puṭṭho na sampāyāsi. Asampāyanto kopañca dosañca appaccayañca pātvākāsi. Tassa te etadahosi – ‘‘sādhurūpaṃ vata, bho, arahantaṃ samaṇaṃ āsādimhase. Mā vata no ahosi dīgharattaṃ ahitāya dukkhāyā’ti. ‘Evaṃ, bhante. Kiṃ pana, bhante, bhagavā arahattassa maccharāyatī’ti? ‘Na kho ahaṃ, moghapurisa, arahattassa maccharāyāmi, api ca tuyhevetaṃ pāpakaṃ diṭṭhigataṃ uppannaṃ, taṃ pajaha. Mā te ahosi dīgharattaṃ ahitāya dukkhāya. Yaṃ kho panetaṃ, sunakkhatta, maññasi acelaṃ kaḷāramaṭṭakaṃ – sādhurūpo ayaṃ ³⁷ samaṇoti, so nacirasseva parihito sānucāriko vicaranto odanakummāsaṃ bhuñjamāno sabbāneva vesāliyāni cetiyāni samatikkamitvā yasā nihīno ³⁸ kālaṃ karissatī’ti.

‘‘‘ਅਥ ਖੋ, ਭਗ੍ਗવ, ਅਚੇਲੋ ਕਲ਼ਾਰਮਟ੍ਟਕੋ ਨਚਿਰਸ੍ਸੇવ ਪਰਿਹਿਤੋ ਸਾਨੁਚਾਰਿਕੋ વਿਚਰਨ੍ਤੋ ਓਦਨਕੁਮ੍ਮਾਸਂ ਭੁਞ੍ਜਮਾਨੋ ਸਬ੍ਬਾਨੇવ વੇਸਾਲਿਯਾਨਿ ਚੇਤਿਯਾਨਿ ਸਮਤਿਕ੍ਕਮਿਤ੍વਾ ਯਸਾ ਨਿਹੀਨੋ ਕਾਲਮਕਾਸਿ।

‘‘‘Atha kho, bhaggava, acelo kaḷāramaṭṭako nacirasseva parihito sānucāriko vicaranto odanakummāsaṃ bhuñjamāno sabbāneva vesāliyāni cetiyāni samatikkamitvā yasā nihīno kālamakāsi.

੧੪. ‘‘ਅਸ੍ਸੋਸਿ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ – ‘ਅਚੇਲੋ ਕਿਰ ਕਲ਼ਾਰਮਟ੍ਟਕੋ ਪਰਿਹਿਤੋ ਸਾਨੁਚਾਰਿਕੋ વਿਚਰਨ੍ਤੋ ਓਦਨਕੁਮ੍ਮਾਸਂ ਭੁਞ੍ਜਮਾਨੋ ਸਬ੍ਬਾਨੇવ વੇਸਾਲਿਯਾਨਿ ਚੇਤਿਯਾਨਿ ਸਮਤਿਕ੍ਕਮਿਤ੍વਾ ਯਸਾ ਨਿਹੀਨੋ ਕਾਲਙ੍ਕਤੋ’ਤਿ। ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਅਹਂ, ਭਗ੍ਗવ, ਸੁਨਕ੍ਖਤ੍ਤਂ ਲਿਚ੍ਛવਿਪੁਤ੍ਤਂ ਏਤਦવੋਚਂ – ‘ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਯਥੇવ ਤੇ ਅਹਂ ਅਚੇਲਂ ਕਲ਼ਾਰਮਟ੍ਟਕਂ ਆਰਬ੍ਭ ਬ੍ਯਾਕਾਸਿਂ, ਤਥੇવ ਤਂ વਿਪਾਕਂ, ਅਞ੍ਞਥਾ વਾ’ਤਿ? ‘ਯਥੇવ ਮੇ, ਭਨ੍ਤੇ, ਭਗવਾ ਅਚੇਲਂ ਕਲ਼ਾਰਮਟ੍ਟਕਂ ਆਰਬ੍ਭ ਬ੍ਯਾਕਾਸਿ, ਤਥੇવ ਤਂ વਿਪਾਕਂ, ਨੋ ਅਞ੍ਞਥਾ’ਤਿ। ‘ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਯਦਿ ਏવਂ ਸਨ੍ਤੇ ਕਤਂ વਾ ਹੋਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਅਕਤਂ વਾ’ਤਿ? ‘ਅਦ੍ਧਾ ਖੋ, ਭਨ੍ਤੇ, ਏવਂ ਸਨ੍ਤੇ ਕਤਂ ਹੋਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ, ਨੋ ਅਕਤ’ਨ੍ਤਿ। ‘ਏવਮ੍ਪਿ ਖੋ ਮਂ ਤ੍વਂ, ਮੋਘਪੁਰਿਸ, ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੋਨ੍ਤਂ ਏવਂ વਦੇਸਿ – ਨ ਹਿ ਪਨ ਮੇ, ਭਨ੍ਤੇ, ਭਗવਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੋਤੀ’’ਤਿ। ਪਸ੍ਸ, ਮੋਘਪੁਰਿਸ, ਯਾવਞ੍ਚ ਤੇ ਇਦਂ ਅਪਰਦ੍ਧ’ਨ੍ਤਿ। ‘‘ਏવ’ਮ੍ਪਿ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਮਯਾ વੁਚ੍ਚਮਾਨੋ ਅਪਕ੍ਕਮੇવ ਇਮਸ੍ਮਾ ਧਮ੍ਮવਿਨਯਾ, ਯਥਾ ਤਂ ਆਪਾਯਿਕੋ ਨੇਰਯਿਕੋ।

14. ‘‘Assosi kho, bhaggava, sunakkhatto licchaviputto – ‘acelo kira kaḷāramaṭṭako parihito sānucāriko vicaranto odanakummāsaṃ bhuñjamāno sabbāneva vesāliyāni cetiyāni samatikkamitvā yasā nihīno kālaṅkato’ti. Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava, sunakkhattaṃ licchaviputtaṃ etadavocaṃ – ‘taṃ kiṃ maññasi, sunakkhatta, yatheva te ahaṃ acelaṃ kaḷāramaṭṭakaṃ ārabbha byākāsiṃ, tatheva taṃ vipākaṃ, aññathā vā’ti? ‘Yatheva me, bhante, bhagavā acelaṃ kaḷāramaṭṭakaṃ ārabbha byākāsi, tatheva taṃ vipākaṃ, no aññathā’ti. ‘Taṃ kiṃ maññasi, sunakkhatta, yadi evaṃ sante kataṃ vā hoti uttarimanussadhammā iddhipāṭihāriyaṃ akataṃ vā’ti? ‘Addhā kho, bhante, evaṃ sante kataṃ hoti uttarimanussadhammā iddhipāṭihāriyaṃ, no akata’nti. ‘Evampi kho maṃ tvaṃ, moghapurisa, uttarimanussadhammā iddhipāṭihāriyaṃ karontaṃ evaṃ vadesi – na hi pana me, bhante, bhagavā uttarimanussadhammā iddhipāṭihāriyaṃ karotī’’ti. Passa, moghapurisa, yāvañca te idaṃ aparaddha’nti. ‘‘Eva’mpi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

ਅਚੇਲਪਾਥਿਕਪੁਤ੍ਤવਤ੍ਥੁ

Acelapāthikaputtavatthu

੧੫. ‘‘ਏਕਮਿਦਾਹਂ, ਭਗ੍ਗવ, ਸਮਯਂ ਤਤ੍ਥੇવ વੇਸਾਲਿਯਂ વਿਹਰਾਮਿ ਮਹਾવਨੇ ਕੂਟਾਗਾਰਸਾਲਾਯਂ। ਤੇਨ ਖੋ ਪਨ ਸਮਯੇਨ ਅਚੇਲੋ ਪਾਥਿਕਪੁਤ੍ਤੋ ³⁹ વੇਸਾਲਿਯਂ ਪਟਿવਸਤਿ ਲਾਭਗ੍ਗਪ੍ਪਤ੍ਤੋ ਚੇવ ਯਸਗ੍ਗਪ੍ਪਤ੍ਤੋ ਚ વਜ੍ਜਿਗਾਮੇ। ਸੋ વੇਸਾਲਿਯਂ ਪਰਿਸਤਿ ਏવਂ વਾਚਂ ਭਾਸਤਿ – ‘ਸਮਣੋਪਿ ਗੋਤਮੋ ਞਾਣવਾਦੋ, ਅਹਮ੍ਪਿ ਞਾਣવਾਦੋ। ਞਾਣવਾਦੋ ਖੋ ਪਨ ਞਾਣવਾਦੇਨ ਅਰਹਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਦਸ੍ਸੇਤੁਂ। ਸਮਣੋ ਗੋਤਮੋ ਉਪਡ੍ਢਪਥਂ ਆਗਚ੍ਛੇਯ੍ਯ, ਅਹਮ੍ਪਿ ਉਪਡ੍ਢਪਥਂ ਗਚ੍ਛੇਯ੍ਯਂ। ਤੇ ਤਤ੍ਥ ਉਭੋਪਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੇਯ੍ਯਾਮ। ਏਕਂ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤਿ, ਦ੍વਾਹਂ ਕਰਿਸ੍ਸਾਮਿ। ਦ੍વੇ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਾਨਿ ਕਰਿਸ੍ਸਤਿ, ਚਤ੍ਤਾਰਾਹਂ ਕਰਿਸ੍ਸਾਮਿ । ਚਤ੍ਤਾਰਿ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਾਨਿ ਕਰਿਸ੍ਸਤਿ, ਅਟ੍ਠਾਹਂ ਕਰਿਸ੍ਸਾਮਿ। ਇਤਿ ਯਾવਤਕਂ ਯਾવਤਕਂ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤਿ, ਤਦ੍ਦਿਗੁਣਂ ਤਦ੍ਦਿਗੁਣਾਹਂ ਕਰਿਸ੍ਸਾਮੀ’ਤਿ।

15. ‘‘Ekamidāhaṃ, bhaggava, samayaṃ tattheva vesāliyaṃ viharāmi mahāvane kūṭāgārasālāyaṃ. Tena kho pana samayena acelo pāthikaputto ⁴⁰ vesāliyaṃ paṭivasati lābhaggappatto ceva yasaggappatto ca vajjigāme. So vesāliyaṃ parisati evaṃ vācaṃ bhāsati – ‘samaṇopi gotamo ñāṇavādo, ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ. Samaṇo gotamo upaḍḍhapathaṃ āgaccheyya, ahampi upaḍḍhapathaṃ gaccheyyaṃ. Te tattha ubhopi uttarimanussadhammā iddhipāṭihāriyaṃ kareyyāma. Ekaṃ ce samaṇo gotamo uttarimanussadhammā iddhipāṭihāriyaṃ karissati, dvāhaṃ karissāmi. Dve ce samaṇo gotamo uttarimanussadhammā iddhipāṭihāriyāni karissati, cattārāhaṃ karissāmi . Cattāri ce samaṇo gotamo uttarimanussadhammā iddhipāṭihāriyāni karissati, aṭṭhāhaṃ karissāmi. Iti yāvatakaṃ yāvatakaṃ samaṇo gotamo uttarimanussadhammā iddhipāṭihāriyaṃ karissati, taddiguṇaṃ taddiguṇāhaṃ karissāmī’ti.

੧੬. ‘‘ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਮਂ ਏਤਦવੋਚ – ‘ਅਚੇਲੋ, ਭਨ੍ਤੇ, ਪਾਥਿਕਪੁਤ੍ਤੋ વੇਸਾਲਿਯਂ ਪਟਿવਸਤਿ ਲਾਭਗ੍ਗਪ੍ਪਤ੍ਤੋ ਚੇવ ਯਸਗ੍ਗਪ੍ਪਤ੍ਤੋ ਚ વਜ੍ਜਿਗਾਮੇ। ਸੋ વੇਸਾਲਿਯਂ ਪਰਿਸਤਿ ਏવਂ વਾਚਂ ਭਾਸਤਿ – ਸਮਣੋਪਿ ਗੋਤਮੋ ਞਾਣવਾਦੋ, ਅਹਮ੍ਪਿ ਞਾਣવਾਦੋ। ਞਾਣવਾਦੋ ਖੋ ਪਨ ਞਾਣવਾਦੇਨ ਅਰਹਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਦਸ੍ਸੇਤੁਂ। ਸਮਣੋ ਗੋਤਮੋ ਉਪਡ੍ਢਪਥਂ ਆਗਚ੍ਛੇਯ੍ਯ, ਅਹਮ੍ਪਿ ਉਪਡ੍ਢਪਥਂ ਗਚ੍ਛੇਯ੍ਯਂ। ਤੇ ਤਤ੍ਥ ਉਭੋਪਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੇਯ੍ਯਾਮ। ਏਕਂ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤਿ, ਦ੍વਾਹਂ ਕਰਿਸ੍ਸਾਮਿ। ਦ੍વੇ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਾਨਿ ਕਰਿਸ੍ਸਤਿ, ਚਤ੍ਤਾਰਾਹਂ ਕਰਿਸ੍ਸਾਮਿ। ਚਤ੍ਤਾਰਿ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਾਨਿ ਕਰਿਸ੍ਸਤਿ, ਅਟ੍ਠਾਹਂ ਕਰਿਸ੍ਸਾਮਿ। ਇਤਿ ਯਾવਤਕਂ ਯਾવਤਕਂ ਸਮਣੋ ਗੋਤਮੋ ਉਤ੍ਤਰਿ ਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤਿ, ਤਦ੍ਦਿਗੁਣਂ ਤਦ੍ਦਿਗੁਣਾਹਂ ਕਰਿਸ੍ਸਾਮੀ’’ਤਿ।

16. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinno kho, bhaggava, sunakkhatto licchaviputto maṃ etadavoca – ‘acelo, bhante, pāthikaputto vesāliyaṃ paṭivasati lābhaggappatto ceva yasaggappatto ca vajjigāme. So vesāliyaṃ parisati evaṃ vācaṃ bhāsati – samaṇopi gotamo ñāṇavādo, ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ. Samaṇo gotamo upaḍḍhapathaṃ āgaccheyya, ahampi upaḍḍhapathaṃ gaccheyyaṃ. Te tattha ubhopi uttarimanussadhammā iddhipāṭihāriyaṃ kareyyāma. Ekaṃ ce samaṇo gotamo uttarimanussadhammā iddhipāṭihāriyaṃ karissati, dvāhaṃ karissāmi. Dve ce samaṇo gotamo uttarimanussadhammā iddhipāṭihāriyāni karissati, cattārāhaṃ karissāmi. Cattāri ce samaṇo gotamo uttarimanussadhammā iddhipāṭihāriyāni karissati, aṭṭhāhaṃ karissāmi. Iti yāvatakaṃ yāvatakaṃ samaṇo gotamo uttari manussadhammā iddhipāṭihāriyaṃ karissati, taddiguṇaṃ taddiguṇāhaṃ karissāmī’’ti.

‘‘ਏવਂ વੁਤ੍ਤੇ, ਅਹਂ, ਭਗ੍ਗવ, ਸੁਨਕ੍ਖਤ੍ਤਂ ਲਿਚ੍ਛવਿਪੁਤ੍ਤਂ ਏਤਦવੋਚਂ – ‘ਅਭਬ੍ਬੋ ਖੋ, ਸੁਨਕ੍ਖਤ੍ਤ, ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ।

‘‘Evaṃ vutte, ahaṃ, bhaggava, sunakkhattaṃ licchaviputtaṃ etadavocaṃ – ‘abhabbo kho, sunakkhatta, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

੧੭. ‘ਰਕ੍ਖਤੇਤਂ, ਭਨ੍ਤੇ, ਭਗવਾ વਾਚਂ, ਰਕ੍ਖਤੇਤਂ ਸੁਗਤੋ વਾਚ’ਨ੍ਤਿ। ‘ਕਿਂ ਪਨ ਮਂ ਤ੍વਂ, ਸੁਨਕ੍ਖਤ੍ਤ, ਏવਂ વਦੇਸਿ – ਰਕ੍ਖਤੇਤਂ, ਭਨ੍ਤੇ, ਭਗવਾ વਾਚਂ, ਰਕ੍ਖਤੇਤਂ ਸੁਗਤੋ વਾਚ’ਨ੍ਤਿ? ‘ਭਗવਤਾ ਚਸ੍ਸ, ਭਨ੍ਤੇ, ਏਸਾ વਾਚਾ ਏਕਂਸੇਨ ਓਧਾਰਿਤਾ ⁴¹ – ਅਭਬ੍ਬੋ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾਤਿ। ਅਚੇਲੋ ਚ, ਭਨ੍ਤੇ, ਪਾਥਿਕਪੁਤ੍ਤੋ વਿਰੂਪਰੂਪੇਨ ਭਗવਤੋ ਸਮ੍ਮੁਖੀਭਾવਂ ਆਗਚ੍ਛੇਯ੍ਯ, ਤਦਸ੍ਸ ਭਗવਤੋ ਮੁਸਾ’ਤਿ।

17. ‘Rakkhatetaṃ, bhante, bhagavā vācaṃ, rakkhatetaṃ sugato vāca’nti. ‘Kiṃ pana maṃ tvaṃ, sunakkhatta, evaṃ vadesi – rakkhatetaṃ, bhante, bhagavā vācaṃ, rakkhatetaṃ sugato vāca’nti? ‘Bhagavatā cassa, bhante, esā vācā ekaṃsena odhāritā ⁴² – abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti. Acelo ca, bhante, pāthikaputto virūparūpena bhagavato sammukhībhāvaṃ āgaccheyya, tadassa bhagavato musā’ti.

੧੮. ‘ਅਪਿ ਨੁ, ਸੁਨਕ੍ਖਤ੍ਤ, ਤਥਾਗਤੋ ਤਂ વਾਚਂ ਭਾਸੇਯ੍ਯ ਯਾ ਸਾ વਾਚਾ ਦ੍વਯਗਾਮਿਨੀ’ਤਿ? ‘ਕਿਂ ਪਨ, ਭਨ੍ਤੇ, ਭਗવਤਾ ਅਚੇਲੋ ਪਾਥਿਕਪੁਤ੍ਤੋ ਚੇਤਸਾ ਚੇਤੋ ਪਰਿਚ੍ਚ વਿਦਿਤੋ – ਅਭਬ੍ਬੋ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ?

18. ‘Api nu, sunakkhatta, tathāgato taṃ vācaṃ bhāseyya yā sā vācā dvayagāminī’ti? ‘Kiṃ pana, bhante, bhagavatā acelo pāthikaputto cetasā ceto paricca vidito – abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti?

‘ਉਦਾਹੁ , ਦੇવਤਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ – ਅਭਬ੍ਬੋ, ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਭਗવਤੋ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ?

‘Udāhu , devatā bhagavato etamatthaṃ ārocesuṃ – abhabbo, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti?

੧੯. ‘ਚੇਤਸਾ ਚੇਤੋ ਪਰਿਚ੍ਚ વਿਦਿਤੋ ਚੇવ ਮੇ, ਸੁਨਕ੍ਖਤ੍ਤ , ਅਚੇਲੋ ਪਾਥਿਕਪੁਤ੍ਤੋ ਅਭਬ੍ਬੋ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ।

19. ‘Cetasā ceto paricca vidito ceva me, sunakkhatta , acelo pāthikaputto abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘ਦੇવਤਾਪਿ ਮੇ ਏਤਮਤ੍ਥਂ ਆਰੋਚੇਸੁਂ – ਅਭਬ੍ਬੋ , ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਭਗવਤੋ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ।

‘Devatāpi me etamatthaṃ ārocesuṃ – abhabbo , bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘ਅਜਿਤੋਪਿ ਨਾਮ ਲਿਚ੍ਛવੀਨਂ ਸੇਨਾਪਤਿ ਅਧੁਨਾ ਕਾਲਙ੍ਕਤੋ ਤਾવਤਿਂਸਕਾਯਂ ਉਪਪਨ੍ਨੋ। ਸੋਪਿ ਮਂ ਉਪਸਙ੍ਕਮਿਤ੍વਾ ਏવਮਾਰੋਚੇਸਿ – ਅਲਜ੍ਜੀ, ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ; ਮੁਸਾવਾਦੀ, ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ। ਮਮ੍ਪਿ, ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ ਬ੍ਯਾਕਾਸਿ વਜ੍ਜਿਗਾਮੇ – ਅਜਿਤੋ ਲਿਚ੍ਛવੀਨਂ ਸੇਨਾਪਤਿ ਮਹਾਨਿਰਯਂ ਉਪਪਨ੍ਨੋਤਿ। ਨ ਖੋ ਪਨਾਹਂ, ਭਨ੍ਤੇ, ਮਹਾਨਿਰਯਂ ਉਪਪਨ੍ਨੋ; ਤਾવਤਿਂਸਕਾਯਮ੍ਹਿ ਉਪਪਨ੍ਨੋ। ਅਲਜ੍ਜੀ, ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ; ਮੁਸਾવਾਦੀ, ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ; ਅਭਬ੍ਬੋ ਚ, ਭਨ੍ਤੇ, ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਭਗવਤੋ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ।

‘Ajitopi nāma licchavīnaṃ senāpati adhunā kālaṅkato tāvatiṃsakāyaṃ upapanno. Sopi maṃ upasaṅkamitvā evamārocesi – alajjī, bhante, acelo pāthikaputto; musāvādī, bhante, acelo pāthikaputto. Mampi, bhante, acelo pāthikaputto byākāsi vajjigāme – ajito licchavīnaṃ senāpati mahānirayaṃ upapannoti. Na kho panāhaṃ, bhante, mahānirayaṃ upapanno; tāvatiṃsakāyamhi upapanno. Alajjī, bhante, acelo pāthikaputto; musāvādī, bhante, acelo pāthikaputto; abhabbo ca, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘ਇਤਿ ਖੋ, ਸੁਨਕ੍ਖਤ੍ਤ, ਚੇਤਸਾ ਚੇਤੋ ਪਰਿਚ੍ਚ વਿਦਿਤੋ ਚੇવ ਮੇ ਅਚੇਲੋ ਪਾਥਿਕਪੁਤ੍ਤੋ ਅਭਬ੍ਬੋ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾਤਿ। ਦੇવਤਾਪਿ ਮੇ ਏਤਮਤ੍ਥਂ ਆਰੋਚੇਸੁਂ – ਅਭਬ੍ਬੋ, ਭਨ੍ਤੇ , ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਭਗવਤੋ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ।

‘Iti kho, sunakkhatta, cetasā ceto paricca vidito ceva me acelo pāthikaputto abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti. Devatāpi me etamatthaṃ ārocesuṃ – abhabbo, bhante , acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

‘ਸੋ ਖੋ ਪਨਾਹਂ, ਸੁਨਕ੍ਖਤ੍ਤ, વੇਸਾਲਿਯਂ ਪਿਣ੍ਡਾਯ ਚਰਿਤ੍વਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤੋ ਯੇਨ ਅਚੇਲਸ੍ਸ ਪਾਥਿਕਪੁਤ੍ਤਸ੍ਸ ਆਰਾਮੋ ਤੇਨੁਪਸਙ੍ਕਮਿਸ੍ਸਾਮਿ ਦਿવਾવਿਹਾਰਾਯ। ਯਸ੍ਸਦਾਨਿ ਤ੍વਂ, ਸੁਨਕ੍ਖਤ੍ਤ, ਇਚ੍ਛਸਿ, ਤਸ੍ਸ ਆਰੋਚੇਹੀ’ਤਿ।

‘So kho panāhaṃ, sunakkhatta, vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkamissāmi divāvihārāya. Yassadāni tvaṃ, sunakkhatta, icchasi, tassa ārocehī’ti.

ਇਦ੍ਧਿਪਾਟਿਹਾਰਿਯਕਥਾ

Iddhipāṭihāriyakathā

੨੦. ‘‘ਅਥ ਖ੍વਾਹਂ ⁴³, ਭਗ੍ਗવ, ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ વੇਸਾਲਿਂ ਪਿਣ੍ਡਾਯ ਪਾવਿਸਿਂ। વੇਸਾਲਿਯਂ ਪਿਣ੍ਡਾਯ ਚਰਿਤ੍વਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤੋ ਯੇਨ ਅਚੇਲਸ੍ਸ ਪਾਥਿਕਪੁਤ੍ਤਸ੍ਸ ਆਰਾਮੋ ਤੇਨੁਪਸਙ੍ਕਮਿਂ ਦਿવਾવਿਹਾਰਾਯ। ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਤਰਮਾਨਰੂਪੋ વੇਸਾਲਿਂ ਪવਿਸਿਤ੍વਾ ਯੇਨ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਅਭਿਞ੍ਞਾਤੇ ਅਭਿਞ੍ਞਾਤੇ ਲਿਚ੍ਛવੀ ਏਤਦવੋਚ – ‘ਏਸਾવੁਸੋ, ਭਗવਾ વੇਸਾਲਿਯਂ ਪਿਣ੍ਡਾਯ ਚਰਿਤ੍વਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤੋ ਯੇਨ ਅਚੇਲਸ੍ਸ ਪਾਥਿਕਪੁਤ੍ਤਸ੍ਸ ਆਰਾਮੋ ਤੇਨੁਪਸਙ੍ਕਮਿ ਦਿવਾવਿਹਾਰਾਯ। ਅਭਿਕ੍ਕਮਥਾਯਸ੍ਮਨ੍ਤੋ ਅਭਿਕ੍ਕਮਥਾਯਸ੍ਮਨ੍ਤੋ, ਸਾਧੁਰੂਪਾਨਂ ਸਮਣਾਨਂ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਭવਿਸ੍ਸਤੀ’ਤਿ । ਅਥ ਖੋ, ਭਗ੍ਗવ, ਅਭਿਞ੍ਞਾਤਾਨਂ ਅਭਿਞ੍ਞਾਤਾਨਂ ਲਿਚ੍ਛવੀਨਂ ਏਤਦਹੋਸਿ – ‘ਸਾਧੁਰੂਪਾਨਂ ਕਿਰ, ਭੋ, ਸਮਣਾਨਂ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਭવਿਸ੍ਸਤਿ; ਹਨ੍ਦ વਤ, ਭੋ, ਗਚ੍ਛਾਮਾ’ਤਿ। ਯੇਨ ਚ ਅਭਿਞ੍ਞਾਤਾ ਅਭਿਞ੍ਞਾਤਾ ਬ੍ਰਾਹ੍ਮਣਮਹਾਸਾਲਾ ਗਹਪਤਿਨੇਚਯਿਕਾ ਨਾਨਾਤਿਤ੍ਥਿਯਾ ⁴⁴ ਸਮਣਬ੍ਰਾਹ੍ਮਣਾ ਤੇਨੁਪਸਙ੍ਕਮਿ। ਉਪਸਙ੍ਕਮਿਤ੍વਾ ਅਭਿਞ੍ਞਾਤੇ ਅਭਿਞ੍ਞਾਤੇ ਨਾਨਾਤਿਤ੍ਥਿਯੇ ⁴⁵ ਸਮਣਬ੍ਰਾਹ੍ਮਣੇ ਏਤਦવੋਚ – ‘ਏਸਾવੁਸੋ, ਭਗવਾ વੇਸਾਲਿਯਂ ਪਿਣ੍ਡਾਯ ਚਰਿਤ੍વਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤੋ ਯੇਨ ਅਚੇਲਸ੍ਸ ਪਾਥਿਕਪੁਤ੍ਤਸ੍ਸ ਆਰਾਮੋ ਤੇਨੁਪਸਙ੍ਕਮਿ ਦਿવਾવਿਹਾਰਾਯ। ਅਭਿਕ੍ਕਮਥਾਯਸ੍ਮਨ੍ਤੋ ਅਭਿਕ੍ਕਮਥਾਯਸ੍ਮਨ੍ਤੋ, ਸਾਧੁਰੂਪਾਨਂ ਸਮਣਾਨਂ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਭવਿਸ੍ਸਤੀ’ਤਿ। ਅਥ ਖੋ, ਭਗ੍ਗવ, ਅਭਿਞ੍ਞਾਤਾਨਂ ਅਭਿਞ੍ਞਾਤਾਨਂ ਨਾਨਾਤਿਤ੍ਥਿਯਾਨਂ ਸਮਣਬ੍ਰਾਹ੍ਮਣਾਨਂ ਏਤਦਹੋਸਿ – ‘ਸਾਧੁਰੂਪਾਨਂ ਕਿਰ, ਭੋ, ਸਮਣਾਨਂ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਭવਿਸ੍ਸਤਿ; ਹਨ੍ਦ વਤ, ਭੋ, ਗਚ੍ਛਾਮਾ’ਤਿ।

20. ‘‘Atha khvāhaṃ ⁴⁶, bhaggava, pubbaṇhasamayaṃ nivāsetvā pattacīvaramādāya vesāliṃ piṇḍāya pāvisiṃ. Vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkamiṃ divāvihārāya. Atha kho, bhaggava, sunakkhatto licchaviputto taramānarūpo vesāliṃ pavisitvā yena abhiññātā abhiññātā licchavī tenupasaṅkami; upasaṅkamitvā abhiññāte abhiññāte licchavī etadavoca – ‘esāvuso, bhagavā vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkami divāvihārāya. Abhikkamathāyasmanto abhikkamathāyasmanto, sādhurūpānaṃ samaṇānaṃ uttarimanussadhammā iddhipāṭihāriyaṃ bhavissatī’ti . Atha kho, bhaggava, abhiññātānaṃ abhiññātānaṃ licchavīnaṃ etadahosi – ‘sādhurūpānaṃ kira, bho, samaṇānaṃ uttarimanussadhammā iddhipāṭihāriyaṃ bhavissati; handa vata, bho, gacchāmā’ti. Yena ca abhiññātā abhiññātā brāhmaṇamahāsālā gahapatinecayikā nānātitthiyā ⁴⁷ samaṇabrāhmaṇā tenupasaṅkami. Upasaṅkamitvā abhiññāte abhiññāte nānātitthiye ⁴⁸ samaṇabrāhmaṇe etadavoca – ‘esāvuso, bhagavā vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkami divāvihārāya. Abhikkamathāyasmanto abhikkamathāyasmanto, sādhurūpānaṃ samaṇānaṃ uttarimanussadhammā iddhipāṭihāriyaṃ bhavissatī’ti. Atha kho, bhaggava, abhiññātānaṃ abhiññātānaṃ nānātitthiyānaṃ samaṇabrāhmaṇānaṃ etadahosi – ‘sādhurūpānaṃ kira, bho, samaṇānaṃ uttarimanussadhammā iddhipāṭihāriyaṃ bhavissati; handa vata, bho, gacchāmā’ti.

‘‘ਅਥ ਖੋ, ਭਗ੍ਗવ, ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ, ਅਭਿਞ੍ਞਾਤਾ ਅਭਿਞ੍ਞਾਤਾ ਚ ਬ੍ਰਾਹ੍ਮਣਮਹਾਸਾਲਾ ਗਹਪਤਿਨੇਚਯਿਕਾ ਨਾਨਾਤਿਤ੍ਥਿਯਾ ਸਮਣਬ੍ਰਾਹ੍ਮਣਾ ਯੇਨ ਅਚੇਲਸ੍ਸ ਪਾਥਿਕਪੁਤ੍ਤਸ੍ਸ ਆਰਾਮੋ ਤੇਨੁਪਸਙ੍ਕਮਿਂਸੁ। ਸਾ ਏਸਾ, ਭਗ੍ਗવ, ਪਰਿਸਾ ਮਹਾ ਹੋਤਿ ⁴⁹ ਅਨੇਕਸਤਾ ਅਨੇਕਸਹਸ੍ਸਾ।

‘‘Atha kho, bhaggava, abhiññātā abhiññātā licchavī, abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā yena acelassa pāthikaputtassa ārāmo tenupasaṅkamiṃsu. Sā esā, bhaggava, parisā mahā hoti ⁵⁰ anekasatā anekasahassā.

੨੧. ‘‘ਅਸ੍ਸੋਸਿ ਖੋ, ਭਗ੍ਗવ, ਅਚੇਲੋ ਪਾਥਿਕਪੁਤ੍ਤੋ – ‘ਅਭਿਕ੍ਕਨ੍ਤਾ ਕਿਰ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਚ ਬ੍ਰਾਹ੍ਮਣਮਹਾਸਾਲਾ ਗਹਪਤਿਨੇਚਯਿਕਾ ਨਾਨਾਤਿਤ੍ਥਿਯਾ ਸਮਣਬ੍ਰਾਹ੍ਮਣਾ। ਸਮਣੋਪਿ ਗੋਤਮੋ ਮਯ੍ਹਂ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ’ਤਿ। ਸੁਤ੍વਾਨਸ੍ਸ ਭਯਂ ਛਮ੍ਭਿਤਤ੍ਤਂ ਲੋਮਹਂਸੋ ਉਦਪਾਦਿ। ਅਥ ਖੋ, ਭਗ੍ਗવ, ਅਚੇਲੋ ਪਾਥਿਕਪੁਤ੍ਤੋ ਭੀਤੋ ਸਂવਿਗ੍ਗੋ ਲੋਮਹਟ੍ਠਜਾਤੋ ਯੇਨ ਤਿਨ੍ਦੁਕਖਾਣੁਪਰਿਬ੍ਬਾਜਕਾਰਾਮੋ ਤੇਨੁਪਸਙ੍ਕਮਿ।

21. ‘‘Assosi kho, bhaggava, acelo pāthikaputto – ‘abhikkantā kira abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo mayhaṃ ārāme divāvihāraṃ nisinno’ti. Sutvānassa bhayaṃ chambhitattaṃ lomahaṃso udapādi. Atha kho, bhaggava, acelo pāthikaputto bhīto saṃviggo lomahaṭṭhajāto yena tindukakhāṇuparibbājakārāmo tenupasaṅkami.

‘‘ਅਸ੍ਸੋਸਿ ਖੋ, ਭਗ੍ਗવ, ਸਾ ਪਰਿਸਾ – ‘ਅਚੇਲੋ ਕਿਰ ਪਾਥਿਕਪੁਤ੍ਤੋ ਭੀਤੋ ਸਂવਿਗ੍ਗੋ ਲੋਮਹਟ੍ਠਜਾਤੋ ਯੇਨ ਤਿਨ੍ਦੁਕਖਾਣੁਪਰਿਬ੍ਬਾਜਕਾਰਾਮੋ ਤੇਨੁਪਸਙ੍ਕਨ੍ਤੋ’ਤਿ ⁵¹। ਅਥ ਖੋ, ਭਗ੍ਗવ, ਸਾ ਪਰਿਸਾ ਅਞ੍ਞਤਰਂ ਪੁਰਿਸਂ ਆਮਨ੍ਤੇਸਿ –

‘‘Assosi kho, bhaggava, sā parisā – ‘acelo kira pāthikaputto bhīto saṃviggo lomahaṭṭhajāto yena tindukakhāṇuparibbājakārāmo tenupasaṅkanto’ti ⁵². Atha kho, bhaggava, sā parisā aññataraṃ purisaṃ āmantesi –

‘ਏਹਿ ਤ੍વਂ, ਭੋ ਪੁਰਿਸ, ਯੇਨ ਤਿਨ੍ਦੁਕਖਾਣੁਪਰਿਬ੍ਬਾਜਕਾਰਾਮੋ, ਯੇਨ ਅਚੇਲੋ ਪਾਥਿਕਪੁਤ੍ਤੋ ਤੇਨੁਪਸਙ੍ਕਮ। ਉਪਸਙ੍ਕਮਿਤ੍વਾ ਅਚੇਲਂ ਪਾਥਿਕਪੁਤ੍ਤਂ ਏવਂ વਦੇਹਿ – ਅਭਿਕ੍ਕਮਾવੁਸੋ, ਪਾਥਿਕਪੁਤ੍ਤ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਚ ਬ੍ਰਾਹ੍ਮਣਮਹਾਸਾਲਾ ਗਹਪਤਿਨੇਚਯਿਕਾ ਨਾਨਾਤਿਤ੍ਥਿਯਾ ਸਮਣਬ੍ਰਾਹ੍ਮਣਾ, ਸਮਣੋਪਿ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ; ਭਾਸਿਤਾ ਖੋ ਪਨ ਤੇ ਏਸਾ, ਆવੁਸੋ ਪਾਥਿਕਪੁਤ੍ਤ, વੇਸਾਲਿਯਂ ਪਰਿਸਤਿ વਾਚਾ ਸਮਣੋਪਿ ਗੋਤਮੋ ਞਾਣવਾਦੋ, ਅਹਮ੍ਪਿ ਞਾਣવਾਦੋ। ਞਾਣવਾਦੋ ਖੋ ਪਨ ਞਾਣવਾਦੇਨ ਅਰਹਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਦਸ੍ਸੇਤੁਂ। ਸਮਣੋ ਗੋਤਮੋ ਉਪਡ੍ਢਪਥਂ ਆਗਚ੍ਛੇਯ੍ਯ ਅਹਮ੍ਪਿ ਉਪਡ੍ਢਪਥਂ ਗਚ੍ਛੇਯ੍ਯਂ। ਤੇ ਤਤ੍ਥ ਉਭੋਪਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੇਯ੍ਯਾਮ। ਏਕਂ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤਿ, ਦ੍વਾਹਂ ਕਰਿਸ੍ਸਾਮਿ। ਦ੍વੇ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਾਨਿ ਕਰਿਸ੍ਸਤਿ, ਚਤ੍ਤਾਰਾਹਂ ਕਰਿਸ੍ਸਾਮਿ। ਚਤ੍ਤਾਰਿ ਚੇ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਾਨਿ ਕਰਿਸ੍ਸਤਿ , ਅਟ੍ਠਾਹਂ ਕਰਿਸ੍ਸਾਮਿ। ਇਤਿ ਯਾવਤਕਂ ਯਾવਤਕਂ ਸਮਣੋ ਗੋਤਮੋ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰਿਸ੍ਸਤਿ, ਤਦ੍ਦਿਗੁਣਂ ਤਦ੍ਦਿਗੁਣਾਹਂ ਕਰਿਸ੍ਸਾਮੀ’ਤਿ ਅਭਿਕ੍ਕਮਸ੍ਸੇવ ⁵³ ਖੋ; ਆવੁਸੋ ਪਾਥਿਕਪੁਤ੍ਤ, ਉਪਡ੍ਢਪਥਂ। ਸਬ੍ਬਪਠਮਂਯੇવ ਆਗਨ੍ਤ੍વਾ ਸਮਣੋ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ’ਤਿ।

‘Ehi tvaṃ, bho purisa, yena tindukakhāṇuparibbājakārāmo, yena acelo pāthikaputto tenupasaṅkama. Upasaṅkamitvā acelaṃ pāthikaputtaṃ evaṃ vadehi – abhikkamāvuso, pāthikaputta, abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā, samaṇopi gotamo āyasmato ārāme divāvihāraṃ nisinno; bhāsitā kho pana te esā, āvuso pāthikaputta, vesāliyaṃ parisati vācā samaṇopi gotamo ñāṇavādo, ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ. Samaṇo gotamo upaḍḍhapathaṃ āgaccheyya ahampi upaḍḍhapathaṃ gaccheyyaṃ. Te tattha ubhopi uttarimanussadhammā iddhipāṭihāriyaṃ kareyyāma. Ekaṃ ce samaṇo gotamo uttarimanussadhammā iddhipāṭihāriyaṃ karissati, dvāhaṃ karissāmi. Dve ce samaṇo gotamo uttarimanussadhammā iddhipāṭihāriyāni karissati, cattārāhaṃ karissāmi. Cattāri ce samaṇo gotamo uttarimanussadhammā iddhipāṭihāriyāni karissati , aṭṭhāhaṃ karissāmi. Iti yāvatakaṃ yāvatakaṃ samaṇo gotamo uttarimanussadhammā iddhipāṭihāriyaṃ karissati, taddiguṇaṃ taddiguṇāhaṃ karissāmī’ti abhikkamasseva ⁵⁴ kho; āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno’ti.

੨੨. ‘‘ਏવਂ, ਭੋਤਿ ਖੋ, ਭਗ੍ਗવ, ਸੋ ਪੁਰਿਸੋ ਤਸ੍ਸਾ ਪਰਿਸਾਯ ਪਟਿਸ੍ਸੁਤ੍વਾ ਯੇਨ ਤਿਨ੍ਦੁਕਖਾਣੁਪਰਿਬ੍ਬਾਜਕਾਰਾਮੋ, ਯੇਨ ਅਚੇਲੋ ਪਾਥਿਕਪੁਤ੍ਤੋ ਤੇਨੁਪਸਙ੍ਕਮਿ। ਉਪਸਙ੍ਕਮਿਤ੍વਾ ਅਚੇਲਂ ਪਾਥਿਕਪੁਤ੍ਤਂ ਏਤਦવੋਚ – ‘ਅਭਿਕ੍ਕਮਾવੁਸੋ ਪਾਥਿਕਪੁਤ੍ਤ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਚ ਬ੍ਰਾਹ੍ਮਣਮਹਾਸਾਲਾ ਗਹਪਤਿਨੇਚਯਿਕਾ ਨਾਨਾਤਿਤ੍ਥਿਯਾ ਸਮਣਬ੍ਰਾਹ੍ਮਣਾ। ਸਮਣੋਪਿ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ। ਭਾਸਿਤਾ ਖੋ ਪਨ ਤੇ ਏਸਾ, ਆવੁਸੋ ਪਾਥਿਕਪੁਤ੍ਤ, વੇਸਾਲਿਯਂ ਪਰਿਸਤਿ વਾਚਾ – ਸਮਣੋਪਿ ਗੋਤਮੋ ਞਾਣવਾਦੋ; ਅਹਮ੍ਪਿ ਞਾਣવਾਦੋ। ਞਾਣવਾਦੋ ਖੋ ਪਨ ਞਾਣવਾਦੇਨ ਅਰਹਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਦਸ੍ਸੇਤੁਂ…ਪੇ॰… ਤਦ੍ਦਿਗੁਣਂ ਤਦ੍ਦਿਗੁਣਾਹਂ ਕਰਿਸ੍ਸਾਮੀਤਿ। ਅਭਿਕ੍ਕਮਸ੍ਸੇવ ਖੋ, ਆવੁਸੋ ਪਾਥਿਕਪੁਤ੍ਤ, ਉਪਡ੍ਢਪਥਂ। ਸਬ੍ਬਪਠਮਂਯੇવ ਆਗਨ੍ਤ੍વਾ ਸਮਣੋ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ’ਤਿ।

22. ‘‘Evaṃ, bhoti kho, bhaggava, so puriso tassā parisāya paṭissutvā yena tindukakhāṇuparibbājakārāmo, yena acelo pāthikaputto tenupasaṅkami. Upasaṅkamitvā acelaṃ pāthikaputtaṃ etadavoca – ‘abhikkamāvuso pāthikaputta, abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo āyasmato ārāme divāvihāraṃ nisinno. Bhāsitā kho pana te esā, āvuso pāthikaputta, vesāliyaṃ parisati vācā – samaṇopi gotamo ñāṇavādo; ahampi ñāṇavādo. Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ…pe… taddiguṇaṃ taddiguṇāhaṃ karissāmīti. Abhikkamasseva kho, āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno’ti.

‘‘ਏવਂ વੁਤ੍ਤੇ, ਭਗ੍ਗવ, ਅਚੇਲੋ ਪਾਥਿਕਪੁਤ੍ਤੋ ‘ਆਯਾਮਿ ਆવੁਸੋ, ਆਯਾਮਿ ਆવੁਸੋ’ਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ ⁵⁵, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁਂ। ਅਥ ਖੋ ਸੋ, ਭਗ੍ਗવ, ਪੁਰਿਸੋ ਅਚੇਲਂ ਪਾਥਿਕਪੁਤ੍ਤਂ ਏਤਦવੋਚ – ‘ਕਿਂ ਸੁ ਨਾਮ ਤੇ, ਆવੁਸੋ ਪਾਥਿਕਪੁਤ੍ਤ, ਪਾવਲ਼ਾ ਸੁ ਨਾਮ ਤੇ ਪੀਠਕਸ੍ਮਿਂ ਅਲ੍ਲੀਨਾ, ਪੀਠਕਂ ਸੁ ਨਾਮ ਤੇ ਪਾવਲ਼ਾਸੁ ਅਲ੍ਲੀਨਂ? ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਸਿ, ਨ ਸਕ੍ਕੋਸਿ ਆਸਨਾਪਿ વੁਟ੍ਠਾਤੁ’ਨ੍ਤਿ। ਏવਮ੍ਪਿ ਖੋ, ਭਗ੍ਗવ, વੁਚ੍ਚਮਾਨੋ ਅਚੇਲੋ ਪਾਥਿਕਪੁਤ੍ਤੋ ‘ਆਯਾਮਿ ਆવੁਸੋ, ਆਯਾਮਿ ਆવੁਸੋ’ਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ , ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁਂ।

‘‘Evaṃ vutte, bhaggava, acelo pāthikaputto ‘āyāmi āvuso, āyāmi āvuso’ti vatvā tattheva saṃsappati ⁵⁶, na sakkoti āsanāpi vuṭṭhātuṃ. Atha kho so, bhaggava, puriso acelaṃ pāthikaputtaṃ etadavoca – ‘kiṃ su nāma te, āvuso pāthikaputta, pāvaḷā su nāma te pīṭhakasmiṃ allīnā, pīṭhakaṃ su nāma te pāvaḷāsu allīnaṃ? Āyāmi āvuso, āyāmi āvusoti vatvā tattheva saṃsappasi, na sakkosi āsanāpi vuṭṭhātu’nti. Evampi kho, bhaggava, vuccamāno acelo pāthikaputto ‘āyāmi āvuso, āyāmi āvuso’ti vatvā tattheva saṃsappati , na sakkoti āsanāpi vuṭṭhātuṃ.

੨੩. ‘‘ਯਦਾ ਖੋ ਸੋ, ਭਗ੍ਗવ, ਪੁਰਿਸੋ ਅਞ੍ਞਾਸਿ – ‘ਪਰਾਭੂਤਰੂਪੋ ਅਯਂ ਅਚੇਲੋ ਪਾਥਿਕਪੁਤ੍ਤੋ। ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁ’ਨ੍ਤਿ। ਅਥ ਤਂ ਪਰਿਸਂ ਆਗਨ੍ਤ੍વਾ ਏવਮਾਰੋਚੇਸਿ – ‘ਪਰਾਭੂਤਰੂਪੋ, ਭੋ ⁵⁷, ਅਚੇਲੋ ਪਾਥਿਕਪੁਤ੍ਤੋ। ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁ’ਨ੍ਤਿ। ਏવਂ વੁਤ੍ਤੇ, ਅਹਂ, ਭਗ੍ਗવ, ਤਂ ਪਰਿਸਂ ਏਤਦવੋਚਂ – ‘ਅਭਬ੍ਬੋ ਖੋ, ਆવੁਸੋ, ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ‘ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯ’ਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾਤਿ।

23. ‘‘Yadā kho so, bhaggava, puriso aññāsi – ‘parābhūtarūpo ayaṃ acelo pāthikaputto. Āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Atha taṃ parisaṃ āgantvā evamārocesi – ‘parābhūtarūpo, bho ⁵⁸, acelo pāthikaputto. Āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Evaṃ vutte, ahaṃ, bhaggava, taṃ parisaṃ etadavocaṃ – ‘abhabbo kho, āvuso, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ‘ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyya’nti, muddhāpi tassa vipateyyāti.

ਪਠਮਭਾਣવਾਰੋ ਨਿਟ੍ਠਿਤੋ।

Paṭhamabhāṇavāro niṭṭhito.

੨੪. ‘‘ਅਥ ਖੋ, ਭਗ੍ਗવ, ਅਞ੍ਞਤਰੋ ਲਿਚ੍ਛવਿਮਹਾਮਤ੍ਤੋ ਉਟ੍ਠਾਯਾਸਨਾ ਤਂ ਪਰਿਸਂ ਏਤਦવੋਚ – ‘ਤੇਨ ਹਿ, ਭੋ, ਮੁਹੁਤ੍ਤਂ ਤਾવ ਆਗਮੇਥ, ਯਾવਾਹਂ ਗਚ੍ਛਾਮਿ ⁵⁹। ਅਪ੍ਪੇવ ਨਾਮ ਅਹਮ੍ਪਿ ਸਕ੍ਕੁਣੇਯ੍ਯਂ ਅਚੇਲਂ ਪਾਥਿਕਪੁਤ੍ਤਂ ਇਮਂ ਪਰਿਸਂ ਆਨੇਤੁ’ਨ੍ਤਿ।

24. ‘‘Atha kho, bhaggava, aññataro licchavimahāmatto uṭṭhāyāsanā taṃ parisaṃ etadavoca – ‘tena hi, bho, muhuttaṃ tāva āgametha, yāvāhaṃ gacchāmi ⁶⁰. Appeva nāma ahampi sakkuṇeyyaṃ acelaṃ pāthikaputtaṃ imaṃ parisaṃ ānetu’nti.

‘‘ਅਥ ਖੋ ਸੋ, ਭਗ੍ਗવ, ਲਿਚ੍ਛવਿਮਹਾਮਤ੍ਤੋ ਯੇਨ ਤਿਨ੍ਦੁਕਖਾਣੁਪਰਿਬ੍ਬਾਜਕਾਰਾਮੋ, ਯੇਨ ਅਚੇਲੋ ਪਾਥਿਕਪੁਤ੍ਤੋ ਤੇਨੁਪਸਙ੍ਕਮਿ। ਉਪਸਙ੍ਕਮਿਤ੍વਾ ਅਚੇਲਂ ਪਾਥਿਕਪੁਤ੍ਤਂ ਏਤਦવੋਚ – ‘ਅਭਿਕ੍ਕਮਾવੁਸੋ ਪਾਥਿਕਪੁਤ੍ਤ, ਅਭਿਕ੍ਕਨ੍ਤਂ ਤੇ ਸੇਯ੍ਯੋ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਚ ਬ੍ਰਾਹ੍ਮਣਮਹਾਸਾਲਾ ਗਹਪਤਿਨੇਚਯਿਕਾ ਨਾਨਾਤਿਤ੍ਥਿਯਾ ਸਮਣਬ੍ਰਾਹ੍ਮਣਾ। ਸਮਣੋਪਿ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ। ਭਾਸਿਤਾ ਖੋ ਪਨ ਤੇ ਏਸਾ, ਆવੁਸੋ ਪਾਥਿਕਪੁਤ੍ਤ, વੇਸਾਲਿਯਂ ਪਰਿਸਤਿ વਾਚਾ – ਸਮਣੋਪਿ ਗੋਤਮੋ ਞਾਣવਾਦੋ…ਪੇ॰… ਤਦ੍ਦਿਗੁਣਂ ਤਦ੍ਦਿਗੁਣਾਹਂ ਕਰਿਸ੍ਸਾਮੀਤਿ। ਅਭਿਕ੍ਕਮਸ੍ਸੇવ ਖੋ, ਆવੁਸੋ ਪਾਥਿਕਪੁਤ੍ਤ, ਉਪਡ੍ਢਪਥਂ। ਸਬ੍ਬਪਠਮਂਯੇવ ਆਗਨ੍ਤ੍વਾ ਸਮਣੋ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ। ਭਾਸਿਤਾ ਖੋ ਪਨੇਸਾ, ਆવੁਸੋ ਪਾਥਿਕਪੁਤ੍ਤ, ਸਮਣੇਨ ਗੋਤਮੇਨ ਪਰਿਸਤਿ વਾਚਾ – ਅਭਬ੍ਬੋ ਖੋ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾਤਿ। ਅਭਿਕ੍ਕਮਾવੁਸੋ ਪਾਥਿਕਪੁਤ੍ਤ, ਅਭਿਕ੍ਕਮਨੇਨੇવ ਤੇ ਜਯਂ ਕਰਿਸ੍ਸਾਮ, ਸਮਣਸ੍ਸ ਗੋਤਮਸ੍ਸ ਪਰਾਜਯ’ਨ੍ਤਿ।

‘‘Atha kho so, bhaggava, licchavimahāmatto yena tindukakhāṇuparibbājakārāmo, yena acelo pāthikaputto tenupasaṅkami. Upasaṅkamitvā acelaṃ pāthikaputtaṃ etadavoca – ‘abhikkamāvuso pāthikaputta, abhikkantaṃ te seyyo, abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo āyasmato ārāme divāvihāraṃ nisinno. Bhāsitā kho pana te esā, āvuso pāthikaputta, vesāliyaṃ parisati vācā – samaṇopi gotamo ñāṇavādo…pe… taddiguṇaṃ taddiguṇāhaṃ karissāmīti. Abhikkamasseva kho, āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno. Bhāsitā kho panesā, āvuso pāthikaputta, samaṇena gotamena parisati vācā – abhabbo kho acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti. Abhikkamāvuso pāthikaputta, abhikkamaneneva te jayaṃ karissāma, samaṇassa gotamassa parājaya’nti.

‘‘ਏવਂ વੁਤ੍ਤੇ, ਭਗ੍ਗવ, ਅਚੇਲੋ ਪਾਥਿਕਪੁਤ੍ਤੋ ‘ਆਯਾਮਿ ਆવੁਸੋ, ਆਯਾਮਿ ਆવੁਸੋ’ਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁਂ। ਅਥ ਖੋ ਸੋ, ਭਗ੍ਗવ, ਲਿਚ੍ਛવਿਮਹਾਮਤ੍ਤੋ ਅਚੇਲਂ ਪਾਥਿਕਪੁਤ੍ਤਂ ਏਤਦવੋਚ – ‘ਕਿਂ ਸੁ ਨਾਮ ਤੇ, ਆવੁਸੋ ਪਾਥਿਕਪੁਤ੍ਤ, ਪਾવਲ਼ਾ ਸੁ ਨਾਮ ਤੇ ਪੀਠਕਸ੍ਮਿਂ ਅਲ੍ਲੀਨਾ, ਪੀਠਕਂ ਸੁ ਨਾਮ ਤੇ ਪਾવਲ਼ਾਸੁ ਅਲ੍ਲੀਨਂ ? ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਸਿ, ਨ ਸਕ੍ਕੋਸਿ ਆਸਨਾਪਿ વੁਟ੍ਠਾਤੁ’ਨ੍ਤਿ । ਏવਮ੍ਪਿ ਖੋ, ਭਗ੍ਗવ, વੁਚ੍ਚਮਾਨੋ ਅਚੇਲੋ ਪਾਥਿਕਪੁਤ੍ਤੋ ‘ਆਯਾਮਿ ਆવੁਸੋ, ਆਯਾਮਿ ਆવੁਸੋ’ਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁਂ।

‘‘Evaṃ vutte, bhaggava, acelo pāthikaputto ‘āyāmi āvuso, āyāmi āvuso’ti vatvā tattheva saṃsappati, na sakkoti āsanāpi vuṭṭhātuṃ. Atha kho so, bhaggava, licchavimahāmatto acelaṃ pāthikaputtaṃ etadavoca – ‘kiṃ su nāma te, āvuso pāthikaputta, pāvaḷā su nāma te pīṭhakasmiṃ allīnā, pīṭhakaṃ su nāma te pāvaḷāsu allīnaṃ ? Āyāmi āvuso, āyāmi āvusoti vatvā tattheva saṃsappasi, na sakkosi āsanāpi vuṭṭhātu’nti . Evampi kho, bhaggava, vuccamāno acelo pāthikaputto ‘āyāmi āvuso, āyāmi āvuso’ti vatvā tattheva saṃsappati, na sakkoti āsanāpi vuṭṭhātuṃ.

੨੫. ‘‘ਯਦਾ ਖੋ ਸੋ, ਭਗ੍ਗવ, ਲਿਚ੍ਛવਿਮਹਾਮਤ੍ਤੋ ਅਞ੍ਞਾਸਿ – ‘ਪਰਾਭੂਤਰੂਪੋ ਅਯਂ ਅਚੇਲੋ ਪਾਥਿਕਪੁਤ੍ਤੋ ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁ’ਨ੍ਤਿ। ਅਥ ਤਂ ਪਰਿਸਂ ਆਗਨ੍ਤ੍વਾ ਏવਮਾਰੋਚੇਸਿ – ‘ਪਰਾਭੂਤਰੂਪੋ, ਭੋ ⁶¹, ਅਚੇਲੋ ਪਾਥਿਕਪੁਤ੍ਤੋ ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁ’ਨ੍ਤਿ। ਏવਂ વੁਤ੍ਤੇ, ਅਹਂ, ਭਗ੍ਗવ, ਤਂ ਪਰਿਸਂ ਏਤਦવੋਚਂ – ‘ਅਭਬ੍ਬੋ ਖੋ, ਆવੁਸੋ, ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯ। ਸਚੇ ਪਾਯਸ੍ਮਨ੍ਤਾਨਂ ਲਿਚ੍ਛવੀਨਂ ਏવਮਸ੍ਸ – ਮਯਂ ਅਚੇਲਂ ਪਾਥਿਕਪੁਤ੍ਤਂ વਰਤ੍ਤਾਹਿ ⁶² ਬਨ੍ਧਿਤ੍વਾ ਗੋਯੁਗੇਹਿ ਆવਿਞ੍ਛੇਯ੍ਯਾਮਾਤਿ ⁶³, ਤਾ વਰਤ੍ਤਾ ਛਿਜ੍ਜੇਯ੍ਯੁਂ ਪਾਥਿਕਪੁਤ੍ਤੋ વਾ। ਅਭਬ੍ਬੋ ਪਨ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ।

25. ‘‘Yadā kho so, bhaggava, licchavimahāmatto aññāsi – ‘parābhūtarūpo ayaṃ acelo pāthikaputto āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Atha taṃ parisaṃ āgantvā evamārocesi – ‘parābhūtarūpo, bho ⁶⁴, acelo pāthikaputto āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti. Evaṃ vutte, ahaṃ, bhaggava, taṃ parisaṃ etadavocaṃ – ‘abhabbo kho, āvuso, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyya. Sace pāyasmantānaṃ licchavīnaṃ evamassa – mayaṃ acelaṃ pāthikaputtaṃ varattāhi ⁶⁵ bandhitvā goyugehi āviñcheyyāmāti ⁶⁶, tā varattā chijjeyyuṃ pāthikaputto vā. Abhabbo pana acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

੨੬. ‘‘ਅਥ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਉਟ੍ਠਾਯਾਸਨਾ ਤਂ ਪਰਿਸਂ ਏਤਦવੋਚ – ‘ਤੇਨ ਹਿ, ਭੋ, ਮੁਹੁਤ੍ਤਂ ਤਾવ ਆਗਮੇਥ, ਯਾવਾਹਂ ਗਚ੍ਛਾਮਿ; ਅਪ੍ਪੇવ ਨਾਮ ਅਹਮ੍ਪਿ ਸਕ੍ਕੁਣੇਯ੍ਯਂ ਅਚੇਲਂ ਪਾਥਿਕਪੁਤ੍ਤਂ ਇਮਂ ਪਰਿਸਂ ਆਨੇਤੁ’’ਨ੍ਤਿ।

26. ‘‘Atha kho, bhaggava, jāliyo dārupattikantevāsī uṭṭhāyāsanā taṃ parisaṃ etadavoca – ‘tena hi, bho, muhuttaṃ tāva āgametha, yāvāhaṃ gacchāmi; appeva nāma ahampi sakkuṇeyyaṃ acelaṃ pāthikaputtaṃ imaṃ parisaṃ ānetu’’nti.

‘‘ਅਥ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਯੇਨ ਤਿਨ੍ਦੁਕਖਾਣੁਪਰਿਬ੍ਬਾਜਕਾਰਾਮੋ, ਯੇਨ ਅਚੇਲੋ ਪਾਥਿਕਪੁਤ੍ਤੋ ਤੇਨੁਪਸਙ੍ਕਮਿ। ਉਪਸਙ੍ਕਮਿਤ੍વਾ ਅਚੇਲਂ ਪਾਥਿਕਪੁਤ੍ਤਂ ਏਤਦવੋਚ – ‘ਅਭਿਕ੍ਕਮਾવੁਸੋ ਪਾਥਿਕਪੁਤ੍ਤ, ਅਭਿਕ੍ਕਨ੍ਤਂ ਤੇ ਸੇਯ੍ਯੋ। ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ, ਅਭਿਕ੍ਕਨ੍ਤਾ ਅਭਿਞ੍ਞਾਤਾ ਅਭਿਞ੍ਞਾਤਾ ਚ ਬ੍ਰਾਹ੍ਮਣਮਹਾਸਾਲਾ ਗਹਪਤਿਨੇਚਯਿਕਾ ਨਾਨਾਤਿਤ੍ਥਿਯਾ ਸਮਣਬ੍ਰਾਹ੍ਮਣਾ। ਸਮਣੋਪਿ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ। ਭਾਸਿਤਾ ਖੋ ਪਨ ਤੇ ਏਸਾ, ਆવੁਸੋ ਪਾਥਿਕਪੁਤ੍ਤ, વੇਸਾਲਿਯਂ ਪਰਿਸਤਿ વਾਚਾ – ਸਮਣੋਪਿ ਗੋਤਮੋ ਞਾਣવਾਦੋ…ਪੇ॰… ਤਦ੍ਦਿਗੁਣਂ ਤਦ੍ਦਿਗੁਣਾਹਂ ਕਰਿਸ੍ਸਾਮੀਤਿ। ਅਭਿਕ੍ਕਮਸ੍ਸੇવ, ਖੋ ਆવੁਸੋ ਪਾਥਿਕਪੁਤ੍ਤ, ਉਪਡ੍ਢਪਥਂ। ਸਬ੍ਬਪਠਮਂਯੇવ ਆਗਨ੍ਤ੍વਾ ਸਮਣੋ ਗੋਤਮੋ ਆਯਸ੍ਮਤੋ ਆਰਾਮੇ ਦਿવਾવਿਹਾਰਂ ਨਿਸਿਨ੍ਨੋ। ਭਾਸਿਤਾ ਖੋ ਪਨੇਸਾ, ਆવੁਸੋ ਪਾਥਿਕਪੁਤ੍ਤ, ਸਮਣੇਨ ਗੋਤਮੇਨ ਪਰਿਸਤਿ વਾਚਾ – ਅਭਬ੍ਬੋ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯ। ਸਚੇ ਪਾਯਸ੍ਮਨ੍ਤਾਨਂ ਲਿਚ੍ਛવੀਨਂ ਏવਮਸ੍ਸ – ਮਯਂ ਅਚੇਲਂ ਪਾਥਿਕਪੁਤ੍ਤਂ વਰਤ੍ਤਾਹਿ ਬਨ੍ਧਿਤ੍વਾ ਗੋਯੁਗੇਹਿ ਆવਿਞ੍ਛੇਯ੍ਯਾਮਾਤਿ। ਤਾ વਰਤ੍ਤਾ ਛਿਜ੍ਜੇਯ੍ਯੁਂ ਪਾਥਿਕਪੁਤ੍ਤੋ વਾ। ਅਭਬ੍ਬੋ ਪਨ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਆਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾਤਿ। ਅਭਿਕ੍ਕਮਾવੁਸੋ ਪਾਥਿਕਪੁਤ੍ਤ, ਅਭਿਕ੍ਕਮਨੇਨੇવ ਤੇ ਜਯਂ ਕਰਿਸ੍ਸਾਮ, ਸਮਣਸ੍ਸ ਗੋਤਮਸ੍ਸ ਪਰਾਜਯ’ਨ੍ਤਿ।

‘‘Atha kho, bhaggava, jāliyo dārupattikantevāsī yena tindukakhāṇuparibbājakārāmo, yena acelo pāthikaputto tenupasaṅkami. Upasaṅkamitvā acelaṃ pāthikaputtaṃ etadavoca – ‘abhikkamāvuso pāthikaputta, abhikkantaṃ te seyyo. Abhikkantā abhiññātā abhiññātā licchavī, abhikkantā abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā. Samaṇopi gotamo āyasmato ārāme divāvihāraṃ nisinno. Bhāsitā kho pana te esā, āvuso pāthikaputta, vesāliyaṃ parisati vācā – samaṇopi gotamo ñāṇavādo…pe… taddiguṇaṃ taddiguṇāhaṃ karissāmīti. Abhikkamasseva, kho āvuso pāthikaputta, upaḍḍhapathaṃ. Sabbapaṭhamaṃyeva āgantvā samaṇo gotamo āyasmato ārāme divāvihāraṃ nisinno. Bhāsitā kho panesā, āvuso pāthikaputta, samaṇena gotamena parisati vācā – abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyya. Sace pāyasmantānaṃ licchavīnaṃ evamassa – mayaṃ acelaṃ pāthikaputtaṃ varattāhi bandhitvā goyugehi āviñcheyyāmāti. Tā varattā chijjeyyuṃ pāthikaputto vā. Abhabbo pana acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ āgaccheyyanti, muddhāpi tassa vipateyyāti. Abhikkamāvuso pāthikaputta, abhikkamaneneva te jayaṃ karissāma, samaṇassa gotamassa parājaya’nti.

‘‘ਏવਂ વੁਤ੍ਤੇ, ਭਗ੍ਗવ, ਅਚੇਲੋ ਪਾਥਿਕਪੁਤ੍ਤੋ ‘ਆਯਾਮਿ ਆવੁਸੋ, ਆਯਾਮਿ ਆવੁਸੋ’ਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁਂ। ਅਥ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਅਚੇਲਂ ਪਾਥਿਕਪੁਤ੍ਤਂ ਏਤਦવੋਚ – ‘ਕਿਂ ਸੁ ਨਾਮ ਤੇ, ਆવੁਸੋ ਪਾਥਿਕਪੁਤ੍ਤ, ਪਾવਲ਼ਾ ਸੁ ਨਾਮ ਤੇ ਪੀਠਕਸ੍ਮਿਂ ਅਲ੍ਲੀਨਾ, ਪੀਠਕਂ ਸੁ ਨਾਮ ਤੇ ਪਾવਲ਼ਾਸੁ ਅਲ੍ਲੀਨਂ? ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਸਿ, ਨ ਸਕ੍ਕੋਸਿ ਆਸਨਾਪਿ વੁਟ੍ਠਾਤੁ’ਨ੍ਤਿ। ਏવਮ੍ਪਿ ਖੋ, ਭਗ੍ਗવ, વੁਚ੍ਚਮਾਨੋ ਅਚੇਲੋ ਪਾਥਿਕਪੁਤ੍ਤੋ ‘‘ਆਯਾਮਿ ਆવੁਸੋ, ਆਯਾਮਿ ਆવੁਸੋ’’ਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁਨ੍ਤਿ।

‘‘Evaṃ vutte, bhaggava, acelo pāthikaputto ‘āyāmi āvuso, āyāmi āvuso’ti vatvā tattheva saṃsappati, na sakkoti āsanāpi vuṭṭhātuṃ. Atha kho, bhaggava, jāliyo dārupattikantevāsī acelaṃ pāthikaputtaṃ etadavoca – ‘kiṃ su nāma te, āvuso pāthikaputta, pāvaḷā su nāma te pīṭhakasmiṃ allīnā, pīṭhakaṃ su nāma te pāvaḷāsu allīnaṃ? Āyāmi āvuso, āyāmi āvusoti vatvā tattheva saṃsappasi, na sakkosi āsanāpi vuṭṭhātu’nti. Evampi kho, bhaggava, vuccamāno acelo pāthikaputto ‘‘āyāmi āvuso, āyāmi āvuso’’ti vatvā tattheva saṃsappati, na sakkoti āsanāpi vuṭṭhātunti.

੨੭. ‘‘ਯਦਾ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਅਞ੍ਞਾਸਿ – ‘ਪਰਾਭੂਤਰੂਪੋ ਅਯਂ ਅਚੇਲੋ ਪਾਥਿਕਪੁਤ੍ਤੋ ‘ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁ’ਨ੍ਤਿ, ਅਥ ਨਂ ਏਤਦવੋਚ –

27. ‘‘Yadā kho, bhaggava, jāliyo dārupattikantevāsī aññāsi – ‘parābhūtarūpo ayaṃ acelo pāthikaputto ‘āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti, atha naṃ etadavoca –

‘ਭੂਤਪੁਬ੍ਬਂ, ਆવੁਸੋ ਪਾਥਿਕਪੁਤ੍ਤ, ਸੀਹਸ੍ਸ ਮਿਗਰਞ੍ਞੋ ਏਤਦਹੋਸਿ – ਯਂਨੂਨਾਹਂ ਅਞ੍ਞਤਰਂ વਨਸਣ੍ਡਂ ਨਿਸ੍ਸਾਯ ਆਸਯਂ ਕਪ੍ਪੇਯ੍ਯਂ। ਤਤ੍ਰਾਸਯਂ ਕਪ੍ਪੇਤ੍વਾ ਸਾਯਨ੍ਹਸਮਯਂ ਆਸਯਾ ਨਿਕ੍ਖਮੇਯ੍ਯਂ, ਆਸਯਾ ਨਿਕ੍ਖਮਿਤ੍વਾ વਿਜਮ੍ਭੇਯ੍ਯਂ, વਿਜਮ੍ਭਿਤ੍વਾ ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਯ੍ਯਂ, ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਤ੍વਾ ਤਿਕ੍ਖਤ੍ਤੁਂ ਸੀਹਨਾਦਂ ਨਦੇਯ੍ਯਂ, ਤਿਕ੍ਖਤ੍ਤੁਂ ਸੀਹਨਾਦਂ ਨਦਿਤ੍વਾ ਗੋਚਰਾਯ ਪਕ੍ਕਮੇਯ੍ਯਂ। ਸੋ વਰਂ વਰਂ ਮਿਗਸਂਘੇ ⁶⁷ વਧਿਤ੍વਾ ਮੁਦੁਮਂਸਾਨਿ ਮੁਦੁਮਂਸਾਨਿ ਭਕ੍ਖਯਿਤ੍વਾ ਤਮੇવ ਆਸਯਂ ਅਜ੍ਝੁਪੇਯ੍ਯ’ਨ੍ਤਿ।

‘Bhūtapubbaṃ, āvuso pāthikaputta, sīhassa migarañño etadahosi – yaṃnūnāhaṃ aññataraṃ vanasaṇḍaṃ nissāya āsayaṃ kappeyyaṃ. Tatrāsayaṃ kappetvā sāyanhasamayaṃ āsayā nikkhameyyaṃ, āsayā nikkhamitvā vijambheyyaṃ, vijambhitvā samantā catuddisā anuvilokeyyaṃ, samantā catuddisā anuviloketvā tikkhattuṃ sīhanādaṃ nadeyyaṃ, tikkhattuṃ sīhanādaṃ naditvā gocarāya pakkameyyaṃ. So varaṃ varaṃ migasaṃghe ⁶⁸ vadhitvā mudumaṃsāni mudumaṃsāni bhakkhayitvā tameva āsayaṃ ajjhupeyya’nti.

‘ਅਥ ਖੋ, ਆવੁਸੋ, ਸੋ ਸੀਹੋ ਮਿਗਰਾਜਾ ਅਞ੍ਞਤਰਂ વਨਸਣ੍ਡਂ ਨਿਸ੍ਸਾਯ ਆਸਯਂ ਕਪ੍ਪੇਸਿ। ਤਤ੍ਰਾਸਯਂ ਕਪ੍ਪੇਤ੍વਾ ਸਾਯਨ੍ਹਸਮਯਂ ਆਸਯਾ ਨਿਕ੍ਖਮਿ, ਆਸਯਾ ਨਿਕ੍ਖਮਿਤ੍વਾ વਿਜਮ੍ਭਿ, વਿਜਮ੍ਭਿਤ੍વਾ ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਸਿ, ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਤ੍વਾ ਤਿਕ੍ਖਤ੍ਤੁਂ ਸੀਹਨਾਦਂ ਨਦਿ, ਤਿਕ੍ਖਤ੍ਤੁਂ ਸੀਹਨਾਦਂ ਨਦਿਤ੍વਾ ਗੋਚਰਾਯ ਪਕ੍ਕਾਮਿ। ਸੋ વਰਂ વਰਂ ਮਿਗਸਙ੍ਘੇ વਧਿਤ੍વਾ ਮੁਦੁਮਂਸਾਨਿ ਮੁਦੁਮਂਸਾਨਿ ਭਕ੍ਖਯਿਤ੍વਾ ਤਮੇવ ਆਸਯਂ ਅਜ੍ਝੁਪੇਸਿ।

‘Atha kho, āvuso, so sīho migarājā aññataraṃ vanasaṇḍaṃ nissāya āsayaṃ kappesi. Tatrāsayaṃ kappetvā sāyanhasamayaṃ āsayā nikkhami, āsayā nikkhamitvā vijambhi, vijambhitvā samantā catuddisā anuvilokesi, samantā catuddisā anuviloketvā tikkhattuṃ sīhanādaṃ nadi, tikkhattuṃ sīhanādaṃ naditvā gocarāya pakkāmi. So varaṃ varaṃ migasaṅghe vadhitvā mudumaṃsāni mudumaṃsāni bhakkhayitvā tameva āsayaṃ ajjhupesi.

੨੮. ‘ਤਸ੍ਸੇવ ਖੋ, ਆવੁਸੋ ਪਾਥਿਕਪੁਤ੍ਤ, ਸੀਹਸ੍ਸ ਮਿਗਰਞ੍ਞੋ વਿਘਾਸਸਂવਡ੍ਢੋ ਜਰਸਿਙ੍ਗਾਲੋ ⁶⁹ ਦਿਤ੍ਤੋ ਚੇવ ਬਲવਾ ਚ। ਅਥ ਖੋ, ਆવੁਸੋ, ਤਸ੍ਸ ਜਰਸਿਙ੍ਗਾਲਸ੍ਸ ਏਤਦਹੋਸਿ – ਕੋ ਚਾਹਂ, ਕੋ ਸੀਹੋ ਮਿਗਰਾਜਾ। ਯਂਨੂਨਾਹਮ੍ਪਿ ਅਞ੍ਞਤਰਂ વਨਸਣ੍ਡਂ ਨਿਸ੍ਸਾਯ ਆਸਯਂ ਕਪ੍ਪੇਯ੍ਯਂ। ਤਤ੍ਰਾਸਯਂ ਕਪ੍ਪੇਤ੍વਾ ਸਾਯਨ੍ਹਸਮਯਂ ਆਸਯਾ ਨਿਕ੍ਖਮੇਯ੍ਯਂ, ਆਸਯਾ ਨਿਕ੍ਖਮਿਤ੍વਾ વਿਜਮ੍ਭੇਯ੍ਯਂ, વਿਜਮ੍ਭਿਤ੍વਾ ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਯ੍ਯਂ, ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਤ੍વਾ ਤਿਕ੍ਖਤ੍ਤੁਂ ਸੀਹਨਾਦਂ ਨਦੇਯ੍ਯਂ, ਤਿਕ੍ਖਤ੍ਤੁਂ ਸੀਹਨਾਦਂ ਨਦਿਤ੍વਾ ਗੋਚਰਾਯ ਪਕ੍ਕਮੇਯ੍ਯਂ। ਸੋ વਰਂ વਰਂ ਮਿਗਸਙ੍ਘੇ વਧਿਤ੍વਾ ਮੁਦੁਮਂਸਾਨਿ ਮੁਦੁਮਂਸਾਨਿ ਭਕ੍ਖਯਿਤ੍વਾ ਤਮੇવ ਆਸਯਂ ਅਜ੍ਝੁਪੇਯ੍ਯ’ਨ੍ਤਿ।

28. ‘Tasseva kho, āvuso pāthikaputta, sīhassa migarañño vighāsasaṃvaḍḍho jarasiṅgālo ⁷⁰ ditto ceva balavā ca. Atha kho, āvuso, tassa jarasiṅgālassa etadahosi – ko cāhaṃ, ko sīho migarājā. Yaṃnūnāhampi aññataraṃ vanasaṇḍaṃ nissāya āsayaṃ kappeyyaṃ. Tatrāsayaṃ kappetvā sāyanhasamayaṃ āsayā nikkhameyyaṃ, āsayā nikkhamitvā vijambheyyaṃ, vijambhitvā samantā catuddisā anuvilokeyyaṃ, samantā catuddisā anuviloketvā tikkhattuṃ sīhanādaṃ nadeyyaṃ, tikkhattuṃ sīhanādaṃ naditvā gocarāya pakkameyyaṃ. So varaṃ varaṃ migasaṅghe vadhitvā mudumaṃsāni mudumaṃsāni bhakkhayitvā tameva āsayaṃ ajjhupeyya’nti.

‘ਅਥ ਖੋ ਸੋ, ਆવੁਸੋ, ਜਰਸਿਙ੍ਗਾਲੋ ਅਞ੍ਞਤਰਂ વਨਸਣ੍ਡਂ ਨਿਸ੍ਸਾਯ ਆਸਯਂ ਕਪ੍ਪੇਸਿ। ਤਤ੍ਰਾਸਯਂ ਕਪ੍ਪੇਤ੍વਾ ਸਾਯਨ੍ਹਸਮਯਂ ਆਸਯਾ ਨਿਕ੍ਖਮਿ, ਆਸਯਾ ਨਿਕ੍ਖਮਿਤ੍વਾ વਿਜਮ੍ਭਿ, વਿਜਮ੍ਭਿਤ੍વਾ ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਸਿ, ਸਮਨ੍ਤਾ ਚਤੁਦ੍ਦਿਸਾ ਅਨੁવਿਲੋਕੇਤ੍વਾ ਤਿਕ੍ਖਤ੍ਤੁਂ ਸੀਹਨਾਦਂ ਨਦਿਸ੍ਸਾਮੀਤਿ ਸਿਙ੍ਗਾਲਕਂਯੇવ ਅਨਦਿ ਭੇਰਣ੍ਡਕਂਯੇવ ⁷¹ ਅਨਦਿ, ਕੇ ਚ ਛવੇ ਸਿਙ੍ਗਾਲੇ, ਕੇ ਪਨ ਸੀਹਨਾਦੇਤਿ ⁷²।

‘Atha kho so, āvuso, jarasiṅgālo aññataraṃ vanasaṇḍaṃ nissāya āsayaṃ kappesi. Tatrāsayaṃ kappetvā sāyanhasamayaṃ āsayā nikkhami, āsayā nikkhamitvā vijambhi, vijambhitvā samantā catuddisā anuvilokesi, samantā catuddisā anuviloketvā tikkhattuṃ sīhanādaṃ nadissāmīti siṅgālakaṃyeva anadi bheraṇḍakaṃyeva ⁷³ anadi, ke ca chave siṅgāle, ke pana sīhanādeti ⁷⁴.

‘ਏવਮੇવ ਖੋ ਤ੍વਂ, ਆવੁਸੋ ਪਾਥਿਕਪੁਤ੍ਤ, ਸੁਗਤਾਪਦਾਨੇਸੁ ਜੀવਮਾਨੋ ਸੁਗਤਾਤਿਰਿਤ੍ਤਾਨਿ ਭੁਞ੍ਜਮਾਨੋ ਤਥਾਗਤੇ ਅਰਹਨ੍ਤੇ ਸਮ੍ਮਾਸਮ੍ਬੁਦ੍ਧੇ ਆਸਾਦੇਤਬ੍ਬਂ ਮਞ੍ਞਸਿ। ਕੇ ਚ ਛવੇ ਪਾਥਿਕਪੁਤ੍ਤੇ, ਕਾ ਚ ਤਥਾਗਤਾਨਂ ਅਰਹਨ੍ਤਾਨਂ ਸਮ੍ਮਾਸਮ੍ਬੁਦ੍ਧਾਨਂ ਆਸਾਦਨਾ’ਤਿ।

‘Evameva kho tvaṃ, āvuso pāthikaputta, sugatāpadānesu jīvamāno sugatātirittāni bhuñjamāno tathāgate arahante sammāsambuddhe āsādetabbaṃ maññasi. Ke ca chave pāthikaputte, kā ca tathāgatānaṃ arahantānaṃ sammāsambuddhānaṃ āsādanā’ti.

੨੯. ‘‘ਯਤੋ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਇਮਿਨਾ ਓਪਮ੍ਮੇਨ ਨੇવ ਅਸਕ੍ਖਿ ਅਚੇਲਂ ਪਾਥਿਕਪੁਤ੍ਤਂ ਤਮ੍ਹਾ ਆਸਨਾ ਚਾવੇਤੁਂ। ਅਥ ਨਂ ਏਤਦવੋਚ –

29. ‘‘Yato kho, bhaggava, jāliyo dārupattikantevāsī iminā opammena neva asakkhi acelaṃ pāthikaputtaṃ tamhā āsanā cāvetuṃ. Atha naṃ etadavoca –

‘ਸੀਹੋਤਿ ਅਤ੍ਤਾਨਂ ਸਮੇਕ੍ਖਿਯਾਨ,

‘Sīhoti attānaṃ samekkhiyāna,

ਅਮਞ੍ਞਿ ਕੋਤ੍ਥੁ ਮਿਗਰਾਜਾਹਮਸ੍ਮਿ।

Amaññi kotthu migarājāhamasmi;

ਤਥੇવ ⁷⁵ ਸੋ ਸਿਙ੍ਗਾਲਕਂ ਅਨਦਿ,

Tatheva ⁷⁶ so siṅgālakaṃ anadi,

ਕੇ ਚ ਛવੇ ਸਿਙ੍ਗਾਲੇ ਕੇ ਪਨ ਸੀਹਨਾਦੇ’ਤਿ॥

Ke ca chave siṅgāle ke pana sīhanāde’ti.

੩੦. ‘‘ਯਤੋ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਇਮਿਨਾਪਿ ਓਪਮ੍ਮੇਨ ਨੇવ ਅਸਕ੍ਖਿ ਅਚੇਲਂ ਪਾਥਿਕਪੁਤ੍ਤਂ ਤਮ੍ਹਾ ਆਸਨਾ ਚਾવੇਤੁਂ। ਅਥ ਨਂ ਏਤਦવੋਚ –

30. ‘‘Yato kho, bhaggava, jāliyo dārupattikantevāsī imināpi opammena neva asakkhi acelaṃ pāthikaputtaṃ tamhā āsanā cāvetuṃ. Atha naṃ etadavoca –

‘ਅਞ੍ਞਂ ਅਨੁਚਙ੍ਕਮਨਂ, ਅਤ੍ਤਾਨਂ વਿਘਾਸੇ ਸਮੇਕ੍ਖਿਯ।

‘Aññaṃ anucaṅkamanaṃ, attānaṃ vighāse samekkhiya;

ਯਾવ ਅਤ੍ਤਾਨਂ ਨ ਪਸ੍ਸਤਿ, ਕੋਤ੍ਥੁ ਤਾવ ਬ੍ਯਗ੍ਘੋਤਿ ਮਞ੍ਞਤਿ॥

Yāva attānaṃ na passati, kotthu tāva byagghoti maññati.

ਤਥੇવ ਸੋ ਸਿਙ੍ਗਾਲਕਂ ਅਨਦਿ।

Tatheva so siṅgālakaṃ anadi;

ਕੇ ਚ ਛવੇ ਸਿਙ੍ਗਾਲੇ ਕੇ ਪਨ ਸੀਹਨਾਦੇ’ਤਿ॥

Ke ca chave siṅgāle ke pana sīhanāde’ti.

੩੧. ‘‘ਯਤੋ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਇਮਿਨਾਪਿ ਓਪਮ੍ਮੇਨ ਨੇવ ਅਸਕ੍ਖਿ ਅਚੇਲਂ ਪਾਥਿਕਪੁਤ੍ਤਂ ਤਮ੍ਹਾ ਆਸਨਾ ਚਾવੇਤੁਂ। ਅਥ ਨਂ ਏਤਦવੋਚ –

31. ‘‘Yato kho, bhaggava, jāliyo dārupattikantevāsī imināpi opammena neva asakkhi acelaṃ pāthikaputtaṃ tamhā āsanā cāvetuṃ. Atha naṃ etadavoca –

‘ਭੁਤ੍વਾਨ ਭੇਕੇ ⁷⁷ ਖਲਮੂਸਿਕਾਯੋ,

‘Bhutvāna bheke ⁷⁸ khalamūsikāyo,

ਕਟਸੀਸੁ ਖਿਤ੍ਤਾਨਿ ਚ ਕੋਣਪਾਨਿ ⁷⁹।

Kaṭasīsu khittāni ca koṇapāni ⁸⁰;

ਮਹਾવਨੇ ਸੁਞ੍ਞવਨੇ વਿવਡ੍ਢੋ,

Mahāvane suññavane vivaḍḍho,

ਅਮਞ੍ਞਿ ਕੋਤ੍ਥੁ ਮਿਗਰਾਜਾਹਮਸ੍ਮਿ॥

Amaññi kotthu migarājāhamasmi.

ਤਥੇવ ਸੋ ਸਿਙ੍ਗਾਲਕਂ ਅਨਦਿ।

Tatheva so siṅgālakaṃ anadi;

ਕੇ ਚ ਛવੇ ਸਿਙ੍ਗਾਲੇ ਕੇ ਪਨ ਸੀਹਨਾਦੇ’ਤਿ॥

Ke ca chave siṅgāle ke pana sīhanāde’ti.

੩੨. ‘‘ਯਤੋ ਖੋ, ਭਗ੍ਗવ, ਜਾਲਿਯੋ ਦਾਰੁਪਤ੍ਤਿਕਨ੍ਤੇવਾਸੀ ਇਮਿਨਾਪਿ ਓਪਮ੍ਮੇਨ ਨੇવ ਅਸਕ੍ਖਿ ਅਚੇਲਂ ਪਾਥਿਕਪੁਤ੍ਤਂ ਤਮ੍ਹਾ ਆਸਨਾ ਚਾવੇਤੁਂ। ਅਥ ਤਂ ਪਰਿਸਂ ਆਗਨ੍ਤ੍વਾ ਏવਮਾਰੋਚੇਸਿ – ‘ਪਰਾਭੂਤਰੂਪੋ, ਭੋ, ਅਚੇਲੋ ਪਾਥਿਕਪੁਤ੍ਤੋ ਆਯਾਮਿ ਆવੁਸੋ, ਆਯਾਮਿ ਆવੁਸੋਤਿ વਤ੍વਾ ਤਤ੍ਥੇવ ਸਂਸਪ੍ਪਤਿ, ਨ ਸਕ੍ਕੋਤਿ ਆਸਨਾਪਿ વੁਟ੍ਠਾਤੁ’ਨ੍ਤਿ।

32. ‘‘Yato kho, bhaggava, jāliyo dārupattikantevāsī imināpi opammena neva asakkhi acelaṃ pāthikaputtaṃ tamhā āsanā cāvetuṃ. Atha taṃ parisaṃ āgantvā evamārocesi – ‘parābhūtarūpo, bho, acelo pāthikaputto āyāmi āvuso, āyāmi āvusoti vatvā tattheva saṃsappati, na sakkoti āsanāpi vuṭṭhātu’nti.

੩੩. ‘‘ਏવਂ વੁਤ੍ਤੇ, ਅਹਂ, ਭਗ੍ਗવ, ਤਂ ਪਰਿਸਂ ਏਤਦવੋਚਂ – ‘ਅਭਬ੍ਬੋ ਖੋ, ਆવੁਸੋ, ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯ। ਸਚੇਪਾਯਸ੍ਮਨ੍ਤਾਨਂ ਲਿਚ੍ਛવੀਨਂ ਏવਮਸ੍ਸ – ਮਯਂ ਅਚੇਲਂ ਪਾਥਿਕਪੁਤ੍ਤਂ વਰਤ੍ਤਾਹਿ ਬਨ੍ਧਿਤ੍વਾ ਨਾਗੇਹਿ ⁸¹ ਆવਿਞ੍ਛੇਯ੍ਯਾਮਾਤਿ । ਤਾ વਰਤ੍ਤਾ ਛਿਜ੍ਜੇਯ੍ਯੁਂ ਪਾਥਿਕਪੁਤ੍ਤੋ વਾ। ਅਭਬ੍ਬੋ ਪਨ ਅਚੇਲੋ ਪਾਥਿਕਪੁਤ੍ਤੋ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਮਮ ਸਮ੍ਮੁਖੀਭਾવਂ ਆਗਨ੍ਤੁਂ। ਸਚੇਪਿਸ੍ਸ ਏવਮਸ੍ਸ – ਅਹਂ ਤਂ વਾਚਂ ਅਪ੍ਪਹਾਯ ਤਂ ਚਿਤ੍ਤਂ ਅਪ੍ਪਹਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਸਮਣਸ੍ਸ ਗੋਤਮਸ੍ਸ ਸਮ੍ਮੁਖੀਭਾવਂ ਗਚ੍ਛੇਯ੍ਯਨ੍ਤਿ, ਮੁਦ੍ਧਾਪਿ ਤਸ੍ਸ વਿਪਤੇਯ੍ਯਾ’ਤਿ।

33. ‘‘Evaṃ vutte, ahaṃ, bhaggava, taṃ parisaṃ etadavocaṃ – ‘abhabbo kho, āvuso, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyya. Sacepāyasmantānaṃ licchavīnaṃ evamassa – mayaṃ acelaṃ pāthikaputtaṃ varattāhi bandhitvā nāgehi ⁸² āviñcheyyāmāti . Tā varattā chijjeyyuṃ pāthikaputto vā. Abhabbo pana acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti.

੩੪. ‘‘ਅਥ ਖ੍વਾਹਂ, ਭਗ੍ਗવ, ਤਂ ਪਰਿਸਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿਂ ਸਮਾਦਪੇਸਿਂ ਸਮੁਤ੍ਤੇਜੇਸਿਂ ਸਮ੍ਪਹਂਸੇਸਿਂ, ਤਂ ਪਰਿਸਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਤ੍વਾ ਸਮਾਦਪੇਤ੍વਾ ਸਮੁਤ੍ਤੇਜੇਤ੍વਾ ਸਮ੍ਪਹਂਸੇਤ੍વਾ ਮਹਾਬਨ੍ਧਨਾ ਮੋਕ੍ਖਂ ਕਰਿਤ੍વਾ ਚਤੁਰਾਸੀਤਿਪਾਣਸਹਸ੍ਸਾਨਿ ਮਹਾવਿਦੁਗ੍ਗਾ ਉਦ੍ਧਰਿਤ੍વਾ ਤੇਜੋਧਾਤੁਂ ਸਮਾਪਜ੍ਜਿਤ੍વਾ ਸਤ੍ਤਤਾਲਂ વੇਹਾਸਂ ਅਬ੍ਭੁਗ੍ਗਨ੍ਤ੍વਾ ਅਞ੍ਞਂ ਸਤ੍ਤਤਾਲਮ੍ਪਿ ਅਚ੍ਚਿਂ ⁸³ ਅਭਿਨਿਮ੍ਮਿਨਿਤ੍વਾ ਪਜ੍ਜਲਿਤ੍વਾ ਧੂਮਾਯਿਤ੍વਾ ⁸⁴ ਮਹਾવਨੇ ਕੂਟਾਗਾਰਸਾਲਾਯਂ ਪਚ੍ਚੁਟ੍ਠਾਸਿਂ।

34. ‘‘Atha khvāhaṃ, bhaggava, taṃ parisaṃ dhammiyā kathāya sandassesiṃ samādapesiṃ samuttejesiṃ sampahaṃsesiṃ, taṃ parisaṃ dhammiyā kathāya sandassetvā samādapetvā samuttejetvā sampahaṃsetvā mahābandhanā mokkhaṃ karitvā caturāsītipāṇasahassāni mahāviduggā uddharitvā tejodhātuṃ samāpajjitvā sattatālaṃ vehāsaṃ abbhuggantvā aññaṃ sattatālampi acciṃ ⁸⁵ abhinimminitvā pajjalitvā dhūmāyitvā ⁸⁶ mahāvane kūṭāgārasālāyaṃ paccuṭṭhāsiṃ.

੩੫. ‘‘ਅਥ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਅਹਂ, ਭਗ੍ਗવ, ਸੁਨਕ੍ਖਤ੍ਤਂ ਲਿਚ੍ਛવਿਪੁਤ੍ਤਂ ਏਤਦવੋਚਂ – ‘ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਯਥੇવ ਤੇ ਅਹਂ ਅਚੇਲਂ ਪਾਥਿਕਪੁਤ੍ਤਂ ਆਰਬ੍ਭ ਬ੍ਯਾਕਾਸਿਂ, ਤਥੇવ ਤਂ વਿਪਾਕਂ ਅਞ੍ਞਥਾ વਾ’ਤਿ? ‘ਯਥੇવ ਮੇ, ਭਨ੍ਤੇ, ਭਗવਾ ਅਚੇਲਂ ਪਾਥਿਕਪੁਤ੍ਤਂ ਆਰਬ੍ਭ ਬ੍ਯਾਕਾਸਿ, ਤਥੇવ ਤਂ વਿਪਾਕਂ, ਨੋ ਅਞ੍ਞਥਾ’ਤਿ।

35. ‘‘Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava, sunakkhattaṃ licchaviputtaṃ etadavocaṃ – ‘taṃ kiṃ maññasi, sunakkhatta, yatheva te ahaṃ acelaṃ pāthikaputtaṃ ārabbha byākāsiṃ, tatheva taṃ vipākaṃ aññathā vā’ti? ‘Yatheva me, bhante, bhagavā acelaṃ pāthikaputtaṃ ārabbha byākāsi, tatheva taṃ vipākaṃ, no aññathā’ti.

‘ਤਂ ਕਿਂ ਮਞ੍ਞਸਿ, ਸੁਨਕ੍ਖਤ੍ਤ, ਯਦਿ ਏવਂ ਸਨ੍ਤੇ ਕਤਂ વਾ ਹੋਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ, ਅਕਤਂ વਾ’ਤਿ? ‘ਅਦ੍ਧਾ ਖੋ, ਭਨ੍ਤੇ, ਏવਂ ਸਨ੍ਤੇ ਕਤਂ ਹੋਤਿ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ, ਨੋ ਅਕਤ’ਨ੍ਤਿ। ‘ਏવਮ੍ਪਿ ਖੋ ਮਂ ਤ੍વਂ, ਮੋਘਪੁਰਿਸ, ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੋਨ੍ਤਂ ਏવਂ વਦੇਸਿ – ਨ ਹਿ ਪਨ ਮੇ, ਭਨ੍ਤੇ, ਭਗવਾ ਉਤ੍ਤਰਿਮਨੁਸ੍ਸਧਮ੍ਮਾ ਇਦ੍ਧਿਪਾਟਿਹਾਰਿਯਂ ਕਰੋਤੀਤਿ। ਪਸ੍ਸ, ਮੋਘਪੁਰਿਸ, ਯਾવਞ੍ਚ ਤੇ ਇਦਂ ਅਪਰਦ੍ਧਂ’ਤਿ।

‘Taṃ kiṃ maññasi, sunakkhatta, yadi evaṃ sante kataṃ vā hoti uttarimanussadhammā iddhipāṭihāriyaṃ, akataṃ vā’ti? ‘Addhā kho, bhante, evaṃ sante kataṃ hoti uttarimanussadhammā iddhipāṭihāriyaṃ, no akata’nti. ‘Evampi kho maṃ tvaṃ, moghapurisa, uttarimanussadhammā iddhipāṭihāriyaṃ karontaṃ evaṃ vadesi – na hi pana me, bhante, bhagavā uttarimanussadhammā iddhipāṭihāriyaṃ karotīti. Passa, moghapurisa, yāvañca te idaṃ aparaddhaṃ’ti.

‘‘ਏવਮ੍ਪਿ ਖੋ, ਭਗ੍ਗવ, ਸੁਨਕ੍ਖਤ੍ਤੋ ਲਿਚ੍ਛવਿਪੁਤ੍ਤੋ ਮਯਾ વੁਚ੍ਚਮਾਨੋ ਅਪਕ੍ਕਮੇવ ਇਮਸ੍ਮਾ ਧਮ੍ਮવਿਨਯਾ, ਯਥਾ ਤਂ ਆਪਾਯਿਕੋ ਨੇਰਯਿਕੋ।

‘‘Evampi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.

ਅਗ੍ਗਞ੍ਞਪਞ੍ਞਤ੍ਤਿਕਥਾ

Aggaññapaññattikathā

੩੬. ‘‘ਅਗ੍ਗਞ੍ਞਞ੍ਚਾਹਂ, ਭਗ੍ਗવ, ਪਜਾਨਾਮਿ। ਤਞ੍ਚ ਪਜਾਨਾਮਿ ⁸⁷, ਤਤੋ ਚ ਉਤ੍ਤਰਿਤਰਂ ਪਜਾਨਾਮਿ, ਤਞ੍ਚ ਪਜਾਨਂ ⁸⁸ ਨ ਪਰਾਮਸਾਮਿ, ਅਪਰਾਮਸਤੋ ਚ ਮੇ ਪਚ੍ਚਤ੍ਤਞ੍ਞੇવ ਨਿਬ੍ਬੁਤਿ વਿਦਿਤਾ, ਯਦਭਿਜਾਨਂ ਤਥਾਗਤੋ ਨੋ ਅਨਯਂ ਆਪਜ੍ਜਤਿ ।

36. ‘‘Aggaññañcāhaṃ, bhaggava, pajānāmi. Tañca pajānāmi ⁸⁹, tato ca uttaritaraṃ pajānāmi, tañca pajānaṃ ⁹⁰ na parāmasāmi, aparāmasato ca me paccattaññeva nibbuti viditā, yadabhijānaṃ tathāgato no anayaṃ āpajjati .

੩੭. ‘‘ਸਨ੍ਤਿ, ਭਗ੍ਗવ, ਏਕੇ ਸਮਣਬ੍ਰਾਹ੍ਮਣਾ ਇਸ੍ਸਰਕੁਤ੍ਤਂ ਬ੍ਰਹ੍ਮਕੁਤ੍ਤਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਨ੍ਤਿ। ਤ੍ਯਾਹਂ ਉਪਸਙ੍ਕਮਿਤ੍વਾ ਏવਂ વਦਾਮਿ – ‘ਸਚ੍ਚਂ ਕਿਰ ਤੁਮ੍ਹੇ ਆਯਸ੍ਮਨ੍ਤੋ ਇਸ੍ਸਰਕੁਤ੍ਤਂ ਬ੍ਰਹ੍ਮਕੁਤ੍ਤਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਚ ਮੇ ਏવਂ ਪੁਟ੍ਠਾ, ‘ਆਮੋ’ਤਿ ⁹¹ ਪਟਿਜਾਨਨ੍ਤਿ। ਤ੍ਯਾਹਂ ਏવਂ વਦਾਮਿ – ‘ਕਥਂવਿਹਿਤਕਂ ਪਨ ⁹² ਤੁਮ੍ਹੇ ਆਯਸ੍ਮਨ੍ਤੋ ਇਸ੍ਸਰਕੁਤ੍ਤਂ ਬ੍ਰਹ੍ਮਕੁਤ੍ਤਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਮਯਾ ਪੁਟ੍ਠਾ ਨ ਸਮ੍ਪਾਯਨ੍ਤਿ, ਅਸਮ੍ਪਾਯਨ੍ਤਾ ਮਮਞ੍ਞੇવ ਪਟਿਪੁਚ੍ਛਨ੍ਤਿ। ਤੇਸਾਹਂ ਪੁਟ੍ਠੋ ਬ੍ਯਾਕਰੋਮਿ –

37. ‘‘Santi, bhaggava, eke samaṇabrāhmaṇā issarakuttaṃ brahmakuttaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto issarakuttaṃ brahmakuttaṃ ācariyakaṃ aggaññaṃ paññapethā’ti? Te ca me evaṃ puṭṭhā, ‘āmo’ti ⁹³ paṭijānanti. Tyāhaṃ evaṃ vadāmi – ‘kathaṃvihitakaṃ pana ⁹⁴ tumhe āyasmanto issarakuttaṃ brahmakuttaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti. Tesāhaṃ puṭṭho byākaromi –

੩੮. ‘ਹੋਤਿ ਖੋ ਸੋ, ਆવੁਸੋ, ਸਮਯੋ ਯਂ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਅਯਂ ਲੋਕੋ ਸਂવਟ੍ਟਤਿ। ਸਂવਟ੍ਟਮਾਨੇ ਲੋਕੇ ਯੇਭੁਯ੍ਯੇਨ ਸਤ੍ਤਾ ਆਭਸ੍ਸਰਸਂવਤ੍ਤਨਿਕਾ ਹੋਨ੍ਤਿ। ਤੇ ਤਤ੍ਥ ਹੋਨ੍ਤਿ ਮਨੋਮਯਾ ਪੀਤਿਭਕ੍ਖਾ ਸਯਂਪਭਾ ਅਨ੍ਤਲਿਕ੍ਖਚਰਾ ਸੁਭਟ੍ਠਾਯਿਨੋ ਚਿਰਂ ਦੀਘਮਦ੍ਧਾਨਂ ਤਿਟ੍ਠਨ੍ਤਿ।

38. ‘Hoti kho so, āvuso, samayo yaṃ kadāci karahaci dīghassa addhuno accayena ayaṃ loko saṃvaṭṭati. Saṃvaṭṭamāne loke yebhuyyena sattā ābhassarasaṃvattanikā honti. Te tattha honti manomayā pītibhakkhā sayaṃpabhā antalikkhacarā subhaṭṭhāyino ciraṃ dīghamaddhānaṃ tiṭṭhanti.

‘ਹੋਤਿ ਖੋ ਸੋ, ਆવੁਸੋ, ਸਮਯੋ ਯਂ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਅਯਂ ਲੋਕੋ વਿવਟ੍ਟਤਿ। વਿવਟ੍ਟਮਾਨੇ ਲੋਕੇ ਸੁਞ੍ਞਂ ਬ੍ਰਹ੍ਮવਿਮਾਨਂ ਪਾਤੁਭવਤਿ। ਅਥ ਖੋ ⁹⁵ ਅਞ੍ਞਤਰੋ ਸਤ੍ਤੋ ਆਯੁਕ੍ਖਯਾ વਾ ਪੁਞ੍ਞਕ੍ਖਯਾ વਾ ਆਭਸ੍ਸਰਕਾਯਾ ਚવਿਤ੍વਾ ਸੁਞ੍ਞਂ ਬ੍ਰਹ੍ਮવਿਮਾਨਂ ਉਪਪਜ੍ਜਤਿ । ਸੋ ਤਤ੍ਥ ਹੋਤਿ ਮਨੋਮਯੋ ਪੀਤਿਭਕ੍ਖੋ ਸਯਂਪਭੋ ਅਨ੍ਤਲਿਕ੍ਖਚਰੋ ਸੁਭਟ੍ਠਾਯੀ, ਚਿਰਂ ਦੀਘਮਦ੍ਧਾਨਂ ਤਿਟ੍ਠਤਿ।

‘Hoti kho so, āvuso, samayo yaṃ kadāci karahaci dīghassa addhuno accayena ayaṃ loko vivaṭṭati. Vivaṭṭamāne loke suññaṃ brahmavimānaṃ pātubhavati. Atha kho ⁹⁶ aññataro satto āyukkhayā vā puññakkhayā vā ābhassarakāyā cavitvā suññaṃ brahmavimānaṃ upapajjati . So tattha hoti manomayo pītibhakkho sayaṃpabho antalikkhacaro subhaṭṭhāyī, ciraṃ dīghamaddhānaṃ tiṭṭhati.

‘ਤਸ੍ਸ ਤਤ੍ਥ ਏਕਕਸ੍ਸ ਦੀਘਰਤ੍ਤਂ ਨਿવੁਸਿਤਤ੍ਤਾ ਅਨਭਿਰਤਿ ਪਰਿਤਸ੍ਸਨਾ ਉਪ੍ਪਜ੍ਜਤਿ – ਅਹੋ વਤ ਅਞ੍ਞੇਪਿ ਸਤ੍ਤਾ ਇਤ੍ਥਤ੍ਤਂ ਆਗਚ੍ਛੇਯ੍ਯੁਨ੍ਤਿ। ਅਥ ਅਞ੍ਞੇਪਿ ਸਤ੍ਤਾ ਆਯੁਕ੍ਖਯਾ વਾ ਪੁਞ੍ਞਕ੍ਖਯਾ વਾ ਆਭਸ੍ਸਰਕਾਯਾ ਚવਿਤ੍વਾ ਬ੍ਰਹ੍ਮવਿਮਾਨਂ ਉਪਪਜ੍ਜਨ੍ਤਿ ਤਸ੍ਸ ਸਤ੍ਤਸ੍ਸ ਸਹਬ੍ਯਤਂ। ਤੇਪਿ ਤਤ੍ਥ ਹੋਨ੍ਤਿ ਮਨੋਮਯਾ ਪੀਤਿਭਕ੍ਖਾ ਸਯਂਪਭਾ ਅਨ੍ਤਲਿਕ੍ਖਚਰਾ ਸੁਭਟ੍ਠਾਯਿਨੋ, ਚਿਰਂ ਦੀਘਮਦ੍ਧਾਨਂ ਤਿਟ੍ਠਨ੍ਤਿ।

‘Tassa tattha ekakassa dīgharattaṃ nivusitattā anabhirati paritassanā uppajjati – aho vata aññepi sattā itthattaṃ āgaccheyyunti. Atha aññepi sattā āyukkhayā vā puññakkhayā vā ābhassarakāyā cavitvā brahmavimānaṃ upapajjanti tassa sattassa sahabyataṃ. Tepi tattha honti manomayā pītibhakkhā sayaṃpabhā antalikkhacarā subhaṭṭhāyino, ciraṃ dīghamaddhānaṃ tiṭṭhanti.

੩੯. ‘ਤਤ੍ਰਾવੁਸੋ, ਯੋ ਸੋ ਸਤ੍ਤੋ ਪਠਮਂ ਉਪਪਨ੍ਨੋ, ਤਸ੍ਸ ਏવਂ ਹੋਤਿ – ਅਹਮਸ੍ਮਿ ਬ੍ਰਹ੍ਮਾ ਮਹਾਬ੍ਰਹ੍ਮਾ ਅਭਿਭੂ ਅਨਭਿਭੂਤੋ ਅਞ੍ਞਦਤ੍ਥੁਦਸੋ વਸવਤ੍ਤੀ ਇਸ੍ਸਰੋ ਕਤ੍ਤਾ ਨਿਮ੍ਮਾਤਾ ਸੇਟ੍ਠੋ ਸਜਿਤਾ ⁹⁷ વਸੀ ਪਿਤਾ ਭੂਤਭਬ੍ਯਾਨਂ, ਮਯਾ ਇਮੇ ਸਤ੍ਤਾ ਨਿਮ੍ਮਿਤਾ। ਤਂ ਕਿਸ੍ਸ ਹੇਤੁ? ਮਮਞ੍ਹਿ ਪੁਬ੍ਬੇ ਏਤਦਹੋਸਿ – ਅਹੋ વਤ ਅਞ੍ਞੇਪਿ ਸਤ੍ਤਾ ਇਤ੍ਥਤ੍ਤਂ ਆਗਚ੍ਛੇਯ੍ਯੁਨ੍ਤਿ; ਇਤਿ ਮਮ ਚ ਮਨੋਪਣਿਧਿ। ਇਮੇ ਚ ਸਤ੍ਤਾ ਇਤ੍ਥਤ੍ਤਂ ਆਗਤਾਤਿ।

39. ‘Tatrāvuso, yo so satto paṭhamaṃ upapanno, tassa evaṃ hoti – ahamasmi brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā ⁹⁸ vasī pitā bhūtabhabyānaṃ, mayā ime sattā nimmitā. Taṃ kissa hetu? Mamañhi pubbe etadahosi – aho vata aññepi sattā itthattaṃ āgaccheyyunti; iti mama ca manopaṇidhi. Ime ca sattā itthattaṃ āgatāti.

‘ਯੇਪਿ ਤੇ ਸਤ੍ਤਾ ਪਚ੍ਛਾ ਉਪਪਨ੍ਨਾ, ਤੇਸਮ੍ਪਿ ਏવਂ ਹੋਤਿ – ਅਯਂ ਖੋ ਭવਂ ਬ੍ਰਹ੍ਮਾ ਮਹਾਬ੍ਰਹ੍ਮਾ ਅਭਿਭੂ ਅਨਭਿਭੂਤੋ ਅਞ੍ਞਦਤ੍ਥੁਦਸੋ વਸવਤ੍ਤੀ ਇਸ੍ਸਰੋ ਕਤ੍ਤਾ ਨਿਮ੍ਮਾਤਾ ਸੇਟ੍ਠੋ ਸਜਿਤਾ વਸੀ ਪਿਤਾ ਭੂਤਭਬ੍ਯਾਨਂ; ਇਮਿਨਾ ਮਯਂ ਭੋਤਾ ਬ੍ਰਹ੍ਮੁਨਾ ਨਿਮ੍ਮਿਤਾ। ਤਂ ਕਿਸ੍ਸ ਹੇਤੁ? ਇਮਞ੍ਹਿ ਮਯਂ ਅਦ੍ਦਸਾਮ ਇਧ ਪਠਮਂ ਉਪਪਨ੍ਨਂ; ਮਯਂ ਪਨਾਮ੍ਹ ਪਚ੍ਛਾ ਉਪਪਨ੍ਨਾਤਿ।

‘Yepi te sattā pacchā upapannā, tesampi evaṃ hoti – ayaṃ kho bhavaṃ brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānaṃ; iminā mayaṃ bhotā brahmunā nimmitā. Taṃ kissa hetu? Imañhi mayaṃ addasāma idha paṭhamaṃ upapannaṃ; mayaṃ panāmha pacchā upapannāti.

੪੦. ‘ਤਤ੍ਰਾવੁਸੋ , ਯੋ ਸੋ ਸਤ੍ਤੋ ਪਠਮਂ ਉਪਪਨ੍ਨੋ, ਸੋ ਦੀਘਾਯੁਕਤਰੋ ਚ ਹੋਤਿ વਣ੍ਣવਨ੍ਤਤਰੋ ਚ ਮਹੇਸਕ੍ਖਤਰੋ ਚ। ਯੇ ਪਨ ਤੇ ਸਤ੍ਤਾ ਪਚ੍ਛਾ ਉਪਪਨ੍ਨਾ, ਤੇ ਅਪ੍ਪਾਯੁਕਤਰਾ ਚ ਹੋਨ੍ਤਿ ਦੁਬ੍ਬਣ੍ਣਤਰਾ ਚ ਅਪ੍ਪੇਸਕ੍ਖਤਰਾ ਚ।

40. ‘Tatrāvuso , yo so satto paṭhamaṃ upapanno, so dīghāyukataro ca hoti vaṇṇavantataro ca mahesakkhataro ca. Ye pana te sattā pacchā upapannā, te appāyukatarā ca honti dubbaṇṇatarā ca appesakkhatarā ca.

‘ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ, ਯਂ ਅਞ੍ਞਤਰੋ ਸਤ੍ਤੋ ਤਮ੍ਹਾ ਕਾਯਾ ਚવਿਤ੍વਾ ਇਤ੍ਥਤ੍ਤਂ ਆਗਚ੍ਛਤਿ। ਇਤ੍ਥਤ੍ਤਂ ਆਗਤੋ ਸਮਾਨੋ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਤਿ। ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਸਮਾਨੋ ਆਤਪ੍ਪਮਨ੍વਾਯ ਪਧਾਨਮਨ੍વਾਯ ਅਨੁਯੋਗਮਨ੍વਾਯ ਅਪ੍ਪਮਾਦਮਨ੍વਾਯ ਸਮ੍ਮਾਮਨਸਿਕਾਰਮਨ੍વਾਯ ਤਥਾਰੂਪਂ ਚੇਤੋਸਮਾਧਿਂ ਫੁਸਤਿ, ਯਥਾਸਮਾਹਿਤੇ ਚਿਤ੍ਤੇ ਤਂ ਪੁਬ੍ਬੇਨਿવਾਸਂ ਅਨੁਸ੍ਸਰਤਿ; ਤਤੋ ਪਰਂ ਨਾਨੁਸ੍ਸਰਤਿ।

‘Ṭhānaṃ kho panetaṃ, āvuso, vijjati, yaṃ aññataro satto tamhā kāyā cavitvā itthattaṃ āgacchati. Itthattaṃ āgato samāno agārasmā anagāriyaṃ pabbajati. Agārasmā anagāriyaṃ pabbajito samāno ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati, yathāsamāhite citte taṃ pubbenivāsaṃ anussarati; tato paraṃ nānussarati.

‘ਸੋ ਏવਮਾਹ – ਯੋ ਖੋ ਸੋ ਭવਂ ਬ੍ਰਹ੍ਮਾ ਮਹਾਬ੍ਰਹ੍ਮਾ ਅਭਿਭੂ ਅਨਭਿਭੂਤੋ ਅਞ੍ਞਦਤ੍ਥੁਦਸੋ વਸવਤ੍ਤੀ ਇਸ੍ਸਰੋ ਕਤ੍ਤਾ ਨਿਮ੍ਮਾਤਾ ਸੇਟ੍ਠੋ ਸਜਿਤਾ વਸੀ ਪਿਤਾ ਭੂਤਭਬ੍ਯਾਨਂ, ਯੇਨ ਮਯਂ ਭੋਤਾ ਬ੍ਰਹ੍ਮੁਨਾ ਨਿਮ੍ਮਿਤਾ। ਸੋ ਨਿਚ੍ਚੋ ਧੁવੋ ⁹⁹ ਸਸ੍ਸਤੋ ਅવਿਪਰਿਣਾਮਧਮ੍ਮੋ ਸਸ੍ਸਤਿਸਮਂ ਤਥੇવ ਠਸ੍ਸਤਿ। ਯੇ ਪਨ ਮਯਂ ਅਹੁਮ੍ਹਾ ਤੇਨ ਭੋਤਾ ਬ੍ਰਹ੍ਮੁਨਾ ਨਿਮ੍ਮਿਤਾ, ਤੇ ਮਯਂ ਅਨਿਚ੍ਚਾ ਅਦ੍ਧੁવਾ ¹⁰⁰ ਅਪ੍ਪਾਯੁਕਾ ਚવਨਧਮ੍ਮਾ ਇਤ੍ਥਤ੍ਤਂ ਆਗਤਾ’ਤਿ। ਏવਂવਿਹਿਤਕਂ ਨੋ ਤੁਮ੍ਹੇ ਆਯਸ੍ਮਨ੍ਤੋ ਇਸ੍ਸਰਕੁਤ੍ਤਂ ਬ੍ਰਹ੍ਮਕੁਤ੍ਤਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾਤਿ। ‘ਤੇ ਏવਮਾਹਂਸੁ – ਏવਂ ਖੋ ਨੋ, ਆવੁਸੋ ਗੋਤਮ, ਸੁਤਂ, ਯਥੇવਾਯਸ੍ਮਾ ਗੋਤਮੋ ਆਹਾ’ਤਿ। ‘‘ਅਗ੍ਗਞ੍ਞਞ੍ਚਾਹਂ, ਭਗ੍ਗવ, ਪਜਾਨਾਮਿ। ਤਞ੍ਚ ਪਜਾਨਾਮਿ, ਤਤੋ ਚ ਉਤ੍ਤਰਿਤਰਂ ਪਜਾਨਾਮਿ, ਤਞ੍ਚ ਪਜਾਨਂ ਨ ਪਰਾਮਸਾਮਿ, ਅਪਰਾਮਸਤੋ ਚ ਮੇ ਪਚ੍ਚਤ੍ਤਞ੍ਞੇવ ਨਿਬ੍ਬੁਤਿ વਿਦਿਤਾ। ਯਦਭਿਜਾਨਂ ਤਥਾਗਤੋ ਨੋ ਅਨਯਂ ਆਪਜ੍ਜਤਿ।

‘So evamāha – yo kho so bhavaṃ brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānaṃ, yena mayaṃ bhotā brahmunā nimmitā. So nicco dhuvo ¹⁰¹ sassato avipariṇāmadhammo sassatisamaṃ tatheva ṭhassati. Ye pana mayaṃ ahumhā tena bhotā brahmunā nimmitā, te mayaṃ aniccā addhuvā ¹⁰² appāyukā cavanadhammā itthattaṃ āgatā’ti. Evaṃvihitakaṃ no tumhe āyasmanto issarakuttaṃ brahmakuttaṃ ācariyakaṃ aggaññaṃ paññapethāti. ‘Te evamāhaṃsu – evaṃ kho no, āvuso gotama, sutaṃ, yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi. Tañca pajānāmi, tato ca uttaritaraṃ pajānāmi, tañca pajānaṃ na parāmasāmi, aparāmasato ca me paccattaññeva nibbuti viditā. Yadabhijānaṃ tathāgato no anayaṃ āpajjati.

੪੧. ‘‘ਸਨ੍ਤਿ, ਭਗ੍ਗવ, ਏਕੇ ਸਮਣਬ੍ਰਾਹ੍ਮਣਾ ਖਿਡ੍ਡਾਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਨ੍ਤਿ। ਤ੍ਯਾਹਂ ਉਪਸਙ੍ਕਮਿਤ੍વਾ ਏવਂ વਦਾਮਿ – ‘ਸਚ੍ਚਂ ਕਿਰ ਤੁਮ੍ਹੇ ਆਯਸ੍ਮਨ੍ਤੋ ਖਿਡ੍ਡਾਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਚ ਮੇ ਏવਂ ਪੁਟ੍ਠਾ ‘ਆਮੋ’ਤਿ ਪਟਿਜਾਨਨ੍ਤਿ। ਤ੍ਯਾਹਂ ਏવਂ વਦਾਮਿ – ‘ਕਥਂવਿਹਿਤਕਂ ਪਨ ਤੁਮ੍ਹੇ ਆਯਸ੍ਮਨ੍ਤੋ ਖਿਡ੍ਡਾਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਮਯਾ ਪੁਟ੍ਠਾ ਨ ਸਮ੍ਪਾਯਨ੍ਤਿ, ਅਸਮ੍ਪਾਯਨ੍ਤਾ ਮਮਞ੍ਞੇવ ਪਟਿਪੁਚ੍ਛਨ੍ਤਿ, ਤੇਸਾਹਂ ਪੁਟ੍ਠੋ ਬ੍ਯਾਕਰੋਮਿ –

41. ‘‘Santi, bhaggava, eke samaṇabrāhmaṇā khiḍḍāpadosikaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto khiḍḍāpadosikaṃ ācariyakaṃ aggaññaṃ paññapethā’ti? Te ca me evaṃ puṭṭhā ‘āmo’ti paṭijānanti. Tyāhaṃ evaṃ vadāmi – ‘kathaṃvihitakaṃ pana tumhe āyasmanto khiḍḍāpadosikaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti, tesāhaṃ puṭṭho byākaromi –

੪੨. ‘ਸਨ੍ਤਾવੁਸੋ, ਖਿਡ੍ਡਾਪਦੋਸਿਕਾ ਨਾਮ ਦੇવਾ। ਤੇ ਅਤਿવੇਲਂ ਹਸ੍ਸਖਿਡ੍ਡਾਰਤਿਧਮ੍ਮਸਮਾਪਨ੍ਨਾ ¹⁰³ વਿਹਰਨ੍ਤਿ। ਤੇਸਂ ਅਤਿવੇਲਂ ਹਸ੍ਸਖਿਡ੍ਡਾਰਤਿਧਮ੍ਮਸਮਾਪਨ੍ਨਾਨਂ વਿਹਰਤਂ ਸਤਿ ਸਮ੍ਮੁਸ੍ਸਤਿ, ਸਤਿਯਾ ਸਮ੍ਮੋਸਾ ¹⁰⁴ ਤੇ ਦੇવਾ ਤਮ੍ਹਾ ਕਾਯਾ ਚવਨ੍ਤਿ।

42. ‘Santāvuso, khiḍḍāpadosikā nāma devā. Te ativelaṃ hassakhiḍḍāratidhammasamāpannā ¹⁰⁵ viharanti. Tesaṃ ativelaṃ hassakhiḍḍāratidhammasamāpannānaṃ viharataṃ sati sammussati, satiyā sammosā ¹⁰⁶ te devā tamhā kāyā cavanti.

‘ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ, ਯਂ ਅਞ੍ਞਤਰੋ ਸਤ੍ਤੋ ਤਮ੍ਹਾ ਕਾਯਾ ਚવਿਤ੍વਾ ਇਤ੍ਥਤ੍ਤਂ ਆਗਚ੍ਛਤਿ, ਇਤ੍ਥਤ੍ਤਂ ਆਗਤੋ ਸਮਾਨੋ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਤਿ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਸਮਾਨੋ ਆਤਪ੍ਪਮਨ੍વਾਯ ਪਧਾਨਮਨ੍વਾਯ ਅਨੁਯੋਗਮਨ੍વਾਯ ਅਪ੍ਪਮਾਦਮਨ੍વਾਯ ਸਮ੍ਮਾਮਨਸਿਕਾਰਮਨ੍વਾਯ ਤਥਾਰੂਪਂ ਚੇਤੋਸਮਾਧਿਂ ਫੁਸਤਿ, ਯਥਾਸਮਾਹਿਤੇ ਚਿਤ੍ਤੇ ਤਂ ਪੁਬ੍ਬੇਨਿવਾਸਂ ਅਨੁਸ੍ਸਰਤਿ; ਤਤੋ ਪਰਂ ਨਾਨੁਸ੍ਸਰਤਿ।

‘Ṭhānaṃ kho panetaṃ, āvuso, vijjati, yaṃ aññataro satto tamhā kāyā cavitvā itthattaṃ āgacchati, itthattaṃ āgato samāno agārasmā anagāriyaṃ pabbajati, agārasmā anagāriyaṃ pabbajito samāno ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati, yathāsamāhite citte taṃ pubbenivāsaṃ anussarati; tato paraṃ nānussarati.

‘ਸੋ ਏવਮਾਹ – ਯੇ ਖੋ ਤੇ ਭੋਨ੍ਤੋ ਦੇવਾ ਨ ਖਿਡ੍ਡਾਪਦੋਸਿਕਾ ਤੇ ਨ ਅਤਿવੇਲਂ ਹਸ੍ਸਖਿਡ੍ਡਾਰਤਿਧਮ੍ਮਸਮਾਪਨ੍ਨਾ વਿਹਰਨ੍ਤਿ। ਤੇਸਂ ਨਾਤਿવੇਲਂ ਹਸ੍ਸਖਿਡ੍ਡਾਰਤਿਧਮ੍ਮਸਮਾਪਨ੍ਨਾਨਂ વਿਹਰਤਂ ਸਤਿ ਨ ਸਮ੍ਮੁਸ੍ਸਤਿ, ਸਤਿਯਾ ਅਸਮ੍ਮੋਸਾ ਤੇ ਦੇવਾ ਤਮ੍ਹਾ ਕਾਯਾ ਨ ਚવਨ੍ਤਿ, ਨਿਚ੍ਚਾ ਧੁવਾ ਸਸ੍ਸਤਾ ਅવਿਪਰਿਣਾਮਧਮ੍ਮਾ ਸਸ੍ਸਤਿਸਮਂ ਤਥੇવ ਠਸ੍ਸਨ੍ਤਿ। ਯੇ ਪਨ ਮਯਂ ਅਹੁਮ੍ਹਾ ਖਿਡ੍ਡਾਪਦੋਸਿਕਾ ਤੇ ਮਯਂ ਅਤਿવੇਲਂ ਹਸ੍ਸਖਿਡ੍ਡਾਰਤਿਧਮ੍ਮਸਮਾਪਨ੍ਨਾ વਿਹਰਿਮ੍ਹਾ, ਤੇਸਂ ਨੋ ਅਤਿવੇਲਂ ਹਸ੍ਸਖਿਡ੍ਡਾਰਤਿਧਮ੍ਮਸਮਾਪਨ੍ਨਾਨਂ વਿਹਰਤਂ ਸਤਿ ਸਮ੍ਮੁਸ੍ਸਤਿ, ਸਤਿਯਾ ਸਮ੍ਮੋਸਾ ਏવਂ ¹⁰⁷ ਮਯਂ ਤਮ੍ਹਾ ਕਾਯਾ ਚੁਤਾ, ਅਨਿਚ੍ਚਾ ਅਦ੍ਧੁવਾ ਅਪ੍ਪਾਯੁਕਾ ਚવਨਧਮ੍ਮਾ ਇਤ੍ਥਤ੍ਤਂ ਆਗਤਾਤਿ। ਏવਂવਿਹਿਤਕਂ ਨੋ ਤੁਮ੍ਹੇ ਆਯਸ੍ਮਨ੍ਤੋ ਖਿਡ੍ਡਾਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ। ‘ਤੇ ਏવਮਾਹਂਸੁ – ਏવਂ ਖੋ ਨੋ, ਆવੁਸੋ ਗੋਤਮ, ਸੁਤਂ, ਯਥੇવਾਯਸ੍ਮਾ ਗੋਤਮੋ ਆਹਾ’ਤਿ। ‘‘ਅਗ੍ਗਞ੍ਞਞ੍ਚਾਹਂ, ਭਗ੍ਗવ, ਪਜਾਨਾਮਿ…ਪੇ॰… ਯਦਭਿਜਾਨਂ ਤਥਾਗਤੋ ਨੋ ਅਨਯਂ ਆਪਜ੍ਜਤਿ।

‘So evamāha – ye kho te bhonto devā na khiḍḍāpadosikā te na ativelaṃ hassakhiḍḍāratidhammasamāpannā viharanti. Tesaṃ nātivelaṃ hassakhiḍḍāratidhammasamāpannānaṃ viharataṃ sati na sammussati, satiyā asammosā te devā tamhā kāyā na cavanti, niccā dhuvā sassatā avipariṇāmadhammā sassatisamaṃ tatheva ṭhassanti. Ye pana mayaṃ ahumhā khiḍḍāpadosikā te mayaṃ ativelaṃ hassakhiḍḍāratidhammasamāpannā viharimhā, tesaṃ no ativelaṃ hassakhiḍḍāratidhammasamāpannānaṃ viharataṃ sati sammussati, satiyā sammosā evaṃ ¹⁰⁸ mayaṃ tamhā kāyā cutā, aniccā addhuvā appāyukā cavanadhammā itthattaṃ āgatāti. Evaṃvihitakaṃ no tumhe āyasmanto khiḍḍāpadosikaṃ ācariyakaṃ aggaññaṃ paññapethā’ti. ‘Te evamāhaṃsu – evaṃ kho no, āvuso gotama, sutaṃ, yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi…pe… yadabhijānaṃ tathāgato no anayaṃ āpajjati.

੪੩. ‘‘ਸਨ੍ਤਿ, ਭਗ੍ਗવ, ਏਕੇ ਸਮਣਬ੍ਰਾਹ੍ਮਣਾ ਮਨੋਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਨ੍ਤਿ। ਤ੍ਯਾਹਂ ਉਪਸਙ੍ਕਮਿਤ੍વਾ ਏવਂ વਦਾਮਿ – ‘ਸਚ੍ਚਂ ਕਿਰ ਤੁਮ੍ਹੇ ਆਯਸ੍ਮਨ੍ਤੋ ਮਨੋਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਚ ਮੇ ਏવਂ ਪੁਟ੍ਠਾ ‘ਆਮੋ’ਤਿ ਪਟਿਜਾਨਨ੍ਤਿ। ਤ੍ਯਾਹਂ ਏવਂ વਦਾਮਿ – ‘ਕਥਂવਿਹਿਤਕਂ ਪਨ ਤੁਮ੍ਹੇ ਆਯਸ੍ਮਨ੍ਤੋ ਮਨੋਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਮਯਾ ਪੁਟ੍ਠਾ ਨ ਸਮ੍ਪਾਯਨ੍ਤਿ, ਅਸਮ੍ਪਾਯਨ੍ਤਾ ਮਮਞ੍ਞੇવ ਪਟਿਪੁਚ੍ਛਨ੍ਤਿ। ਤੇਸਾਹਂ ਪੁਟ੍ਠੋ ਬ੍ਯਾਕਰੋਮਿ –

43. ‘‘Santi, bhaggava, eke samaṇabrāhmaṇā manopadosikaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto manopadosikaṃ ācariyakaṃ aggaññaṃ paññapethā’ti? Te ca me evaṃ puṭṭhā ‘āmo’ti paṭijānanti. Tyāhaṃ evaṃ vadāmi – ‘kathaṃvihitakaṃ pana tumhe āyasmanto manopadosikaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti. Tesāhaṃ puṭṭho byākaromi –

੪੪. ‘ਸਨ੍ਤਾવੁਸੋ, ਮਨੋਪਦੋਸਿਕਾ ਨਾਮ ਦੇવਾ। ਤੇ ਅਤਿવੇਲਂ ਅਞ੍ਞਮਞ੍ਞਂ ਉਪਨਿਜ੍ਝਾਯਨ੍ਤਿ। ਤੇ ਅਤਿવੇਲਂ ਅਞ੍ਞਮਞ੍ਞਂ ਉਪਨਿਜ੍ਝਾਯਨ੍ਤਾ ਅਞ੍ਞਮਞ੍ਞਮ੍ਹਿ ਚਿਤ੍ਤਾਨਿ ਪਦੂਸੇਨ੍ਤਿ। ਤੇ ਅਞ੍ਞਮਞ੍ਞਂ ਪਦੁਟ੍ਠਚਿਤ੍ਤਾ ਕਿਲਨ੍ਤਕਾਯਾ ਕਿਲਨ੍ਤਚਿਤ੍ਤਾ। ਤੇ ਦੇવਾ ਤਮ੍ਹਾ ਕਾਯਾ ਚવਨ੍ਤਿ।

44. ‘Santāvuso, manopadosikā nāma devā. Te ativelaṃ aññamaññaṃ upanijjhāyanti. Te ativelaṃ aññamaññaṃ upanijjhāyantā aññamaññamhi cittāni padūsenti. Te aññamaññaṃ paduṭṭhacittā kilantakāyā kilantacittā. Te devā tamhā kāyā cavanti.

‘ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ, ਯਂ ਅਞ੍ਞਤਰੋ ਸਤ੍ਤੋ ਤਮ੍ਹਾ ਕਾਯਾ ਚવਿਤ੍વਾ ਇਤ੍ਥਤ੍ਤਂ ਆਗਚ੍ਛਤਿ। ਇਤ੍ਥਤ੍ਤਂ ਆਗਤੋ ਸਮਾਨੋ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਤਿ। ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਸਮਾਨੋ ਆਤਪ੍ਪਮਨ੍વਾਯ ਪਧਾਨਮਨ੍વਾਯ ਅਨੁਯੋਗਮਨ੍વਾਯ ਅਪ੍ਪਮਾਦਮਨ੍વਾਯ ਸਮ੍ਮਾਮਨਸਿਕਾਰਮਨ੍વਾਯ ਤਥਾਰੂਪਂ ਚੇਤੋਸਮਾਧਿਂ ਫੁਸਤਿ, ਯਥਾਸਮਾਹਿਤੇ ਚਿਤ੍ਤੇ ਤਂ ਪੁਬ੍ਬੇਨਿવਾਸਂ ਅਨੁਸ੍ਸਰਤਿ, ਤਤੋ ਪਰਂ ਨਾਨੁਸ੍ਸਰਤਿ।

‘ਸੋ ਏવਮਾਹ – ਯੇ ਖੋ ਤੇ ਭੋਨ੍ਤੋ ਦੇવਾ ਨ ਮਨੋਪਦੋਸਿਕਾ ਤੇ ਨਾਤਿવੇਲਂ ਅਞ੍ਞਮਞ੍ਞਂ ਉਪਨਿਜ੍ਝਾਯਨ੍ਤਿ। ਤੇ ਨਾਤਿવੇਲਂ ਅਞ੍ਞਮਞ੍ਞਂ ਉਪਨਿਜ੍ਝਾਯਨ੍ਤਾ ਅਞ੍ਞਮਞ੍ਞਮ੍ਹਿ ਚਿਤ੍ਤਾਨਿ ਨਪ੍ਪਦੂਸੇਨ੍ਤਿ। ਤੇ ਅਞ੍ਞਮਞ੍ਞਂ ਅਪ੍ਪਦੁਟ੍ਠਚਿਤ੍ਤਾ ਅਕਿਲਨ੍ਤਕਾਯਾ ਅਕਿਲਨ੍ਤਚਿਤ੍ਤਾ। ਤੇ ਦੇવਾ ਤਮ੍ਹਾ ¹⁰⁹ ਕਾਯਾ ਨ ਚવਨ੍ਤਿ, ਨਿਚ੍ਚਾ ਧੁવਾ ਸਸ੍ਸਤਾ ਅવਿਪਰਿਣਾਮਧਮ੍ਮਾ ਸਸ੍ਸਤਿਸਮਂ ਤਥੇવ ਠਸ੍ਸਨ੍ਤਿ। ਯੇ ਪਨ ਮਯਂ ਅਹੁਮ੍ਹਾ ਮਨੋਪਦੋਸਿਕਾ, ਤੇ ਮਯਂ ਅਤਿવੇਲਂ ਅਞ੍ਞਮਞ੍ਞਂ ਉਪਨਿਜ੍ਝਾਯਿਮ੍ਹਾ। ਤੇ ਮਯਂ ਅਤਿવੇਲਂ ਅਞ੍ਞਮਞ੍ਞਂ ਉਪਨਿਜ੍ਝਾਯਨ੍ਤਾ ਅਞ੍ਞਮਞ੍ਞਮ੍ਹਿ ਚਿਤ੍ਤਾਨਿ ਪਦੂਸਿਮ੍ਹਾ ¹¹⁰। ਤੇ ਮਯਂ ਅਞ੍ਞਮਞ੍ਞਂ ਪਦੁਟ੍ਠਚਿਤ੍ਤਾ ਕਿਲਨ੍ਤਕਾਯਾ ਕਿਲਨ੍ਤਚਿਤ੍ਤਾ। ਏવਂ ਮਯਂ ¹¹¹ ਤਮ੍ਹਾ ਕਾਯਾ ਚੁਤਾ, ਅਨਿਚ੍ਚਾ ਅਦ੍ਧੁવਾ ਅਪ੍ਪਾਯੁਕਾ ਚવਨਧਮ੍ਮਾ ਇਤ੍ਥਤ੍ਤਂ ਆਗਤਾਤਿ। ਏવਂવਿਹਿਤਕਂ ਨੋ ਤੁਮ੍ਹੇ ਆਯਸ੍ਮਨ੍ਤੋ ਮਨੋਪਦੋਸਿਕਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ। ‘ਤੇ ਏવਮਾਹਂਸੁ – ਏવਂ ਖੋ ਨੋ, ਆવੁਸੋ ਗੋਤਮ, ਸੁਤਂ, ਯਥੇવਾਯਸ੍ਮਾ ਗੋਤਮੋ ਆਹਾ’ਤਿ। ‘‘ਅਗ੍ਗਞ੍ਞਞ੍ਚਾਹਂ, ਭਗ੍ਗવ, ਪਜਾਨਾਮਿ…ਪੇ॰… ਯਦਭਿਜਾਨਂ ਤਥਾਗਤੋ ਨੋ ਅਨਯਂ ਆਪਜ੍ਜਤਿ।

‘So evamāha – ye kho te bhonto devā na manopadosikā te nātivelaṃ aññamaññaṃ upanijjhāyanti. Te nātivelaṃ aññamaññaṃ upanijjhāyantā aññamaññamhi cittāni nappadūsenti. Te aññamaññaṃ appaduṭṭhacittā akilantakāyā akilantacittā. Te devā tamhā ¹¹² kāyā na cavanti, niccā dhuvā sassatā avipariṇāmadhammā sassatisamaṃ tatheva ṭhassanti. Ye pana mayaṃ ahumhā manopadosikā, te mayaṃ ativelaṃ aññamaññaṃ upanijjhāyimhā. Te mayaṃ ativelaṃ aññamaññaṃ upanijjhāyantā aññamaññamhi cittāni padūsimhā ¹¹³. Te mayaṃ aññamaññaṃ paduṭṭhacittā kilantakāyā kilantacittā. Evaṃ mayaṃ ¹¹⁴ tamhā kāyā cutā, aniccā addhuvā appāyukā cavanadhammā itthattaṃ āgatāti. Evaṃvihitakaṃ no tumhe āyasmanto manopadosikaṃ ācariyakaṃ aggaññaṃ paññapethā’ti. ‘Te evamāhaṃsu – evaṃ kho no, āvuso gotama, sutaṃ, yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi…pe… yadabhijānaṃ tathāgato no anayaṃ āpajjati.

੪੫. ‘‘ਸਨ੍ਤਿ, ਭਗ੍ਗવ, ਏਕੇ ਸਮਣਬ੍ਰਾਹ੍ਮਣਾ ਅਧਿਚ੍ਚਸਮੁਪ੍ਪਨ੍ਨਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਨ੍ਤਿ। ਤ੍ਯਾਹਂ ਉਪਸਙ੍ਕਮਿਤ੍વਾ ਏવਂ વਦਾਮਿ – ‘ਸਚ੍ਚਂ ਕਿਰ ਤੁਮ੍ਹੇ ਆਯਸ੍ਮਨ੍ਤੋ ਅਧਿਚ੍ਚਸਮੁਪ੍ਪਨ੍ਨਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਚ ਮੇ ਏવਂ ਪੁਟ੍ਠਾ ‘ਆਮੋ’ਤਿ ਪਟਿਜਾਨਨ੍ਤਿ। ਤ੍ਯਾਹਂ ਏવਂ વਦਾਮਿ – ‘ਕਥਂવਿਹਿਤਕਂ ਪਨ ਤੁਮ੍ਹੇ ਆਯਸ੍ਮਨ੍ਤੋ ਅਧਿਚ੍ਚਸਮੁਪ੍ਪਨ੍ਨਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ਤੇ ਮਯਾ ਪੁਟ੍ਠਾ ਨ ਸਮ੍ਪਾਯਨ੍ਤਿ, ਅਸਮ੍ਪਾਯਨ੍ਤਾ ਮਮਞ੍ਞੇવ ਪਟਿਪੁਚ੍ਛਨ੍ਤਿ। ਤੇਸਾਹਂ ਪੁਟ੍ਠੋ ਬ੍ਯਾਕਰੋਮਿ –

45. ‘‘Santi, bhaggava, eke samaṇabrāhmaṇā adhiccasamuppannaṃ ācariyakaṃ aggaññaṃ paññapenti. Tyāhaṃ upasaṅkamitvā evaṃ vadāmi – ‘saccaṃ kira tumhe āyasmanto adhiccasamuppannaṃ ācariyakaṃ aggaññaṃ paññapethā’ti? Te ca me evaṃ puṭṭhā ‘āmo’ti paṭijānanti. Tyāhaṃ evaṃ vadāmi – ‘kathaṃvihitakaṃ pana tumhe āyasmanto adhiccasamuppannaṃ ācariyakaṃ aggaññaṃ paññapethā’ti? Te mayā puṭṭhā na sampāyanti, asampāyantā mamaññeva paṭipucchanti. Tesāhaṃ puṭṭho byākaromi –

੪੬. ‘ਸਨ੍ਤਾવੁਸੋ, ਅਸਞ੍ਞਸਤ੍ਤਾ ਨਾਮ ਦੇવਾ। ਸਞ੍ਞੁਪ੍ਪਾਦਾ ਚ ਪਨ ਤੇ ਦੇવਾ ਤਮ੍ਹਾ ਕਾਯਾ ਚવਨ੍ਤਿ।

46. ‘Santāvuso, asaññasattā nāma devā. Saññuppādā ca pana te devā tamhā kāyā cavanti.

‘ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ। ਯਂ ਅਞ੍ਞਤਰੋ ਸਤ੍ਤੋ ਤਮ੍ਹਾ ਕਾਯਾ ਚવਿਤ੍વਾ ਇਤ੍ਥਤ੍ਤਂ ਆਗਚ੍ਛਤਿ। ਇਤ੍ਥਤ੍ਤਂ ਆਗਤੋ ਸਮਾਨੋ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਤਿ। ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਸਮਾਨੋ ਆਤਪ੍ਪਮਨ੍વਾਯ ਪਧਾਨਮਨ੍વਾਯ ਅਨੁਯੋਗਮਨ੍વਾਯ ਅਪ੍ਪਮਾਦਮਨ੍વਾਯ ਸਮ੍ਮਾਮਨਸਿਕਾਰਮਨ੍વਾਯ ਤਥਾਰੂਪਂ ਚੇਤੋਸਮਾਧਿਂ ਫੁਸਤਿ, ਯਥਾਸਮਾਹਿਤੇ ਚਿਤ੍ਤੇ ਤਂ ¹¹⁵ ਸਞ੍ਞੁਪ੍ਪਾਦਂ ਅਨੁਸ੍ਸਰਤਿ, ਤਤੋ ਪਰਂ ਨਾਨੁਸ੍ਸਰਤਿ।

‘Ṭhānaṃ kho panetaṃ, āvuso, vijjati. Yaṃ aññataro satto tamhā kāyā cavitvā itthattaṃ āgacchati. Itthattaṃ āgato samāno agārasmā anagāriyaṃ pabbajati. Agārasmā anagāriyaṃ pabbajito samāno ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati, yathāsamāhite citte taṃ ¹¹⁶ saññuppādaṃ anussarati, tato paraṃ nānussarati.

‘ਸੋ ਏવਮਾਹ – ਅਧਿਚ੍ਚਸਮੁਪ੍ਪਨ੍ਨੋ ਅਤ੍ਤਾ ਚ ਲੋਕੋ ਚ। ਤਂ ਕਿਸ੍ਸ ਹੇਤੁ? ਅਹਞ੍ਹਿ ਪੁਬ੍ਬੇ ਨਾਹੋਸਿਂ, ਸੋਮ੍ਹਿ ਏਤਰਹਿ ਅਹੁਤ੍વਾ ਸਨ੍ਤਤਾਯ ¹¹⁷ ਪਰਿਣਤੋਤਿ। ਏવਂવਿਹਿਤਕਂ ਨੋ ਤੁਮ੍ਹੇ ਆਯਸ੍ਮਨ੍ਤੋ ਅਧਿਚ੍ਚਸਮੁਪ੍ਪਨ੍ਨਂ ਆਚਰਿਯਕਂ ਅਗ੍ਗਞ੍ਞਂ ਪਞ੍ਞਪੇਥਾ’ਤਿ? ‘ਤੇ ਏવਮਾਹਂਸੁ – ਏવਂ ਖੋ ਨੋ, ਆવੁਸੋ ਗੋਤਮ, ਸੁਤਂ ਯਥੇવਾਯਸ੍ਮਾ ਗੋਤਮੋ ਆਹਾ’ਤਿ। ‘‘ਅਗ੍ਗਞ੍ਞਞ੍ਚਾਹਂ, ਭਗ੍ਗવ, ਪਜਾਨਾਮਿ ਤਞ੍ਚ ਪਜਾਨਾਮਿ, ਤਤੋ ਚ ਉਤ੍ਤਰਿਤਰਂ ਪਜਾਨਾਮਿ, ਤਞ੍ਚ ਪਜਾਨਂ ਨ ਪਰਾਮਸਾਮਿ, ਅਪਰਾਮਸਤੋ ਚ ਮੇ ਪਚ੍ਚਤ੍ਤਞ੍ਞੇવ ਨਿਬ੍ਬੁਤਿ વਿਦਿਤਾ। ਯਦਭਿਜਾਨਂ ਤਥਾਗਤੋ ਨੋ ਅਨਯਂ ਆਪਜ੍ਜਤਿ।

‘So evamāha – adhiccasamuppanno attā ca loko ca. Taṃ kissa hetu? Ahañhi pubbe nāhosiṃ, somhi etarahi ahutvā santatāya ¹¹⁸ pariṇatoti. Evaṃvihitakaṃ no tumhe āyasmanto adhiccasamuppannaṃ ācariyakaṃ aggaññaṃ paññapethā’ti? ‘Te evamāhaṃsu – evaṃ kho no, āvuso gotama, sutaṃ yathevāyasmā gotamo āhā’ti. ‘‘Aggaññañcāhaṃ, bhaggava, pajānāmi tañca pajānāmi, tato ca uttaritaraṃ pajānāmi, tañca pajānaṃ na parāmasāmi, aparāmasato ca me paccattaññeva nibbuti viditā. Yadabhijānaṃ tathāgato no anayaṃ āpajjati.

੪੭. ‘‘ਏવਂવਾਦਿਂ ਖੋ ਮਂ, ਭਗ੍ਗવ, ਏવਮਕ੍ਖਾਯਿਂ ਏਕੇ ਸਮਣਬ੍ਰਾਹ੍ਮਣਾ ਅਸਤਾ ਤੁਚ੍ਛਾ ਮੁਸਾ ਅਭੂਤੇਨ ਅਬ੍ਭਾਚਿਕ੍ਖਨ੍ਤਿ – ‘વਿਪਰੀਤੋ ਸਮਣੋ ਗੋਤਮੋ ਭਿਕ੍ਖવੋ ਚ। ਸਮਣੋ ਗੋਤਮੋ ਏવਮਾਹ – ਯਸ੍ਮਿਂ ਸਮਯੇ ਸੁਭਂ વਿਮੋਕ੍ਖਂ ਉਪਸਮ੍ਪਜ੍ਜ વਿਹਰਤਿ, ਸਬ੍ਬਂ ਤਸ੍ਮਿਂ ਸਮਯੇ ਅਸੁਭਨ੍ਤ੍વੇવ ¹¹⁹ ਪਜਾਨਾਤੀ’ਤਿ ¹²⁰। ਨ ਖੋ ਪਨਾਹਂ, ਭਗ੍ਗવ, ਏવਂ વਦਾਮਿ – ‘ਯਸ੍ਮਿਂ ਸਮਯੇ ਸੁਭਂ વਿਮੋਕ੍ਖਂ ਉਪਸਮ੍ਪਜ੍ਜ વਿਹਰਤਿ, ਸਬ੍ਬਂ ਤਸ੍ਮਿਂ ਸਮਯੇ ਅਸੁਭਨ੍ਤ੍વੇવ ਪਜਾਨਾਤੀ’ਤਿ। ਏવਞ੍ਚ ਖ੍વਾਹਂ, ਭਗ੍ਗવ, વਦਾਮਿ – ‘ਯਸ੍ਮਿਂ ਸਮਯੇ ਸੁਭਂ વਿਮੋਕ੍ਖਂ ਉਪਸਮ੍ਪਜ੍ਜ વਿਹਰਤਿ, ਸੁਭਨ੍ਤ੍વੇવ ਤਸ੍ਮਿਂ ਸਮਯੇ ਪਜਾਨਾਤੀ’ਤਿ।

47. ‘‘Evaṃvādiṃ kho maṃ, bhaggava, evamakkhāyiṃ eke samaṇabrāhmaṇā asatā tucchā musā abhūtena abbhācikkhanti – ‘viparīto samaṇo gotamo bhikkhavo ca. Samaṇo gotamo evamāha – yasmiṃ samaye subhaṃ vimokkhaṃ upasampajja viharati, sabbaṃ tasmiṃ samaye asubhantveva ¹²¹ pajānātī’ti ¹²². Na kho panāhaṃ, bhaggava, evaṃ vadāmi – ‘yasmiṃ samaye subhaṃ vimokkhaṃ upasampajja viharati, sabbaṃ tasmiṃ samaye asubhantveva pajānātī’ti. Evañca khvāhaṃ, bhaggava, vadāmi – ‘yasmiṃ samaye subhaṃ vimokkhaṃ upasampajja viharati, subhantveva tasmiṃ samaye pajānātī’ti.

‘‘ਤੇ ਚ, ਭਨ੍ਤੇ, વਿਪਰੀਤਾ, ਯੇ ਭਗવਨ੍ਤਂ વਿਪਰੀਤਤੋ ਦਹਨ੍ਤਿ ਭਿਕ੍ਖવੋ ਚ। ਏવਂਪਸਨ੍ਨੋ ਅਹਂ, ਭਨ੍ਤੇ, ਭਗવਤਿ। ਪਹੋਤਿ ਮੇ ਭਗવਾ ਤਥਾ ਧਮ੍ਮਂ ਦੇਸੇਤੁਂ, ਯਥਾ ਅਹਂ ਸੁਭਂ વਿਮੋਕ੍ਖਂ ਉਪਸਮ੍ਪਜ੍ਜ વਿਹਰੇਯ੍ਯ’’ਨ੍ਤਿ।

‘‘Te ca, bhante, viparītā, ye bhagavantaṃ viparītato dahanti bhikkhavo ca. Evaṃpasanno ahaṃ, bhante, bhagavati. Pahoti me bhagavā tathā dhammaṃ desetuṃ, yathā ahaṃ subhaṃ vimokkhaṃ upasampajja vihareyya’’nti.

੪੮. ‘‘ਦੁਕ੍ਕਰਂ ਖੋ ਏਤਂ, ਭਗ੍ਗવ, ਤਯਾ ਅਞ੍ਞਦਿਟ੍ਠਿਕੇਨ ਅਞ੍ਞਖਨ੍ਤਿਕੇਨ ਅਞ੍ਞਰੁਚਿਕੇਨ ਅਞ੍ਞਤ੍ਰਾਯੋਗੇਨ ਅਞ੍ਞਤ੍ਰਾਚਰਿਯਕੇਨ ਸੁਭਂ વਿਮੋਕ੍ਖਂ ਉਪਸਮ੍ਪਜ੍ਜ વਿਹਰਿਤੁਂ। ਇਙ੍ਘ ਤ੍વਂ, ਭਗ੍ਗવ, ਯੋ ਚ ਤੇ ਅਯਂ ਮਯਿ ਪਸਾਦੋ, ਤਮੇવ ਤ੍વਂ ਸਾਧੁਕਮਨੁਰਕ੍ਖਾ’’ਤਿ। ‘‘ਸਚੇ ਤਂ, ਭਨ੍ਤੇ, ਮਯਾ ਦੁਕ੍ਕਰਂ ਅਞ੍ਞਦਿਟ੍ਠਿਕੇਨ ਅਞ੍ਞਖਨ੍ਤਿਕੇਨ ਅਞ੍ਞਰੁਚਿਕੇਨ ਅਞ੍ਞਤ੍ਰਾਯੋਗੇਨ ਅਞ੍ਞਤ੍ਰਾਚਰਿਯਕੇਨ ਸੁਭਂ વਿਮੋਕ੍ਖਂ ਉਪਸਮ੍ਪਜ੍ਜ વਿਹਰਿਤੁਂ। ਯੋ ਚ ਮੇ ਅਯਂ, ਭਨ੍ਤੇ, ਭਗવਤਿ ਪਸਾਦੋ, ਤਮੇવਾਹਂ ਸਾਧੁਕਮਨੁਰਕ੍ਖਿਸ੍ਸਾਮੀ’’ਤਿ। ਇਦਮવੋਚ ਭਗવਾ। ਅਤ੍ਤਮਨੋ ਭਗ੍ਗવਗੋਤ੍ਤੋ ਪਰਿਬ੍ਬਾਜਕੋ ਭਗવਤੋ ਭਾਸਿਤਂ ਅਭਿਨਨ੍ਦੀਤਿ।

48. ‘‘Dukkaraṃ kho etaṃ, bhaggava, tayā aññadiṭṭhikena aññakhantikena aññarucikena aññatrāyogena aññatrācariyakena subhaṃ vimokkhaṃ upasampajja viharituṃ. Iṅgha tvaṃ, bhaggava, yo ca te ayaṃ mayi pasādo, tameva tvaṃ sādhukamanurakkhā’’ti. ‘‘Sace taṃ, bhante, mayā dukkaraṃ aññadiṭṭhikena aññakhantikena aññarucikena aññatrāyogena aññatrācariyakena subhaṃ vimokkhaṃ upasampajja viharituṃ. Yo ca me ayaṃ, bhante, bhagavati pasādo, tamevāhaṃ sādhukamanurakkhissāmī’’ti. Idamavoca bhagavā. Attamano bhaggavagotto paribbājako bhagavato bhāsitaṃ abhinandīti.

ਪਾਥਿਕਸੁਤ੍ਤਂ ¹²³ ਨਿਟ੍ਠਿਤਂ ਪਠਮਂ।

Pāthikasuttaṃ ¹²⁴ niṭṭhitaṃ paṭhamaṃ.

Next: ੨. ਉਦੁਮ੍ਬਰਿਕਸੁਤ੍ਤਂ • 2. Udumbarikasuttaṃ

Footnotes:

1. ਅਨੁਪ੍ਪਿਯਂ ਨਾਮ (ਸ੍ਯਾ॰)

2. ਅਨੁਪਿਯਂ (ਕ॰)

3. anuppiyaṃ nāma (syā.)

4. anupiyaṃ (ka.)

5. ਯਾવ ਚ (ਕ॰)

6. yāva ca (ka.)

7. ਪਞ੍ਞਾਪੇਤੀਤਿ (ਪੀ॰)

8. paññāpetīti (pī.)

9. ਬੁਮੂਸੁ (ਸੀ॰ ਪੀ॰)

10. ਚਤੁਕੁਣ੍ਡਿਕੋ (ਸੀ॰ ਪੀ॰) ਚਤੁਕੋਣ੍ਡਿਕੋ (ਸ੍ਯਾ॰ ਕ॰)

11. ਅਰਹਂ (ਸੀ॰ ਸ੍ਯਾ॰ ਪੀ॰)

12. bumūsu (sī. pī.)

13. catukuṇḍiko (sī. pī.) catukoṇḍiko (syā. ka.)

14. arahaṃ (sī. syā. pī.)

15. ਮੋਘਪੁਰਿਸ ਸਕ੍ਯਪੁਤ੍ਤਿਯੋ (ਸੀ॰ ਸ੍ਯਾ॰ ਪੀ॰)

16. ਮੋਘਪੁਰਿਸ ਸਕ੍ਯਪੁਤ੍ਤਿਯੋ (ਸੀ॰ ਸ੍ਯਾ॰ ਪੀ॰)

17. ਮਞ੍ਞਸਿ ‘‘ਅਚੇਲੋ ਕੋਰਖਤ੍ਤਿਯੋ ਸਾਧੁਰੂਪੋ ਅਰਹਂ ਸਮਣੋਤਿ’’ (ਸ੍ਯਾ॰)

18. ਕਾਲਕਤੋ (ਸੀ॰ ਸ੍ਯਾ॰ ਪੀ॰)

19. ਕਾਲਕਞ੍ਜਾ (ਸੀ॰ ਪੀ॰), ਕਾਲਕਞ੍ਜਿਕਾ (ਸ੍ਯਾ॰)

20. ਅਚੇਲ ਕੋਰਖਤ੍ਤਿਯ (ਕ॰)

21. moghapurisa sakyaputtiyo (sī. syā. pī.)

22. moghapurisa sakyaputtiyo (sī. syā. pī.)

23. maññasi ‘‘acelo korakhattiyo sādhurūpo arahaṃ samaṇoti’’ (syā.)

24. kālakato (sī. syā. pī.)

25. kālakañjā (sī. pī.), kālakañjikā (syā.)

26. acela korakhattiya (ka.)

27. ਪਰਿਪਤਿ (ਸ੍ਯਾ॰ ਕ॰)

28. paripati (syā. ka.)

29. ਸਤ੍ਤવਤ੍ਤਪਦਾਨਿ (ਸ੍ਯਾ॰ ਪੀ॰)

30. ਬਹੁਪੁਤ੍ਤਕਂ ਨਾਮ (ਸ੍ਯਾ॰)

31. sattavattapadāni (syā. pī.)

32. bahuputtakaṃ nāma (syā.)

33. ਅਸਾਦਿਯਿਮ੍ਹਸੇ (ਸ੍ਯਾ॰)

34. asādiyimhase (syā.)

35. ਅਰਹਂ (ਸ੍ਯਾ॰)

36. ਯਸਾਨਿਕਿਣ੍ਣੋ (ਕ॰)

37. arahaṃ (syā.)

38. yasānikiṇṇo (ka.)

39. ਪਾਟਿਕਪੁਤ੍ਤੋ (ਸੀ॰ ਸ੍ਯਾ॰ ਪੀ॰)

40. pāṭikaputto (sī. syā. pī.)

41. ਓવਾਦਿਤਾ (ਕ॰)

42. ovāditā (ka.)

43. ਅਥ ਖੋ ਸ੍વਾਹਂ (ਸ੍ਯਾ॰)

44. ਨਾਨਾਤਿਤ੍ਥਿਯ (ਸ੍ਯਾ॰)

45. ਨਾਨਾਤਿਤ੍ਥਿਯ (ਸ੍ਯਾ॰)

46. atha kho svāhaṃ (syā.)

47. nānātitthiya (syā.)

48. nānātitthiya (syā.)

49. ਪਰਿਸਾ ਹੋਤਿ (ਸੀ॰ ਸ੍ਯਾ॰ ਪੀ॰)

50. parisā hoti (sī. syā. pī.)

51. ਤੇਨੁਪਸਙ੍ਕਮਨ੍ਤੋ (ਸੀ॰ ਪੀ॰ ਕ॰)

52. tenupasaṅkamanto (sī. pī. ka.)

53. ਅਭਿਕ੍ਕਮਯੇવ (ਸੀ॰ ਸ੍ਯਾ॰ ਪੀ॰)

54. abhikkamayeva (sī. syā. pī.)

55. ਸਂਸਬ੍ਬਤਿ (ਕ॰)

56. saṃsabbati (ka.)

57. ਪਰਾਭੂਤਰੂਪੋ ਭੋ ਅਯਂ (ਸ੍ਯਾ॰ ਕ॰), ਪਰਾਭੂਤਰੂਪੋ (ਸੀ॰ ਪੀ॰)

58. parābhūtarūpo bho ayaṃ (syā. ka.), parābhūtarūpo (sī. pī.)

59. ਪਚ੍ਚਾਗਚ੍ਛਾਮਿ (?)

60. paccāgacchāmi (?)

61. ਪਰਾਭੂਤਰੂਪੋ (ਸੀ॰ ਪੀ॰), ਪਰਾਭੂਤਰੂਪੋ ਅਯਂ (ਸ੍ਯਾ॰)

62. ਯਾਹਿ વਰਤ੍ਤਾਹਿ (ਸ੍ਯਾ॰ ਕ॰)

63. ਆવਿਞ੍ਜੇਯ੍ਯਾਮਾਤਿ (ਸ੍ਯਾ॰), ਆવਿਜ੍ਝੇਯ੍ਯਾਮਾਤਿ (ਸੀ॰ ਪੀ॰)

64. parābhūtarūpo (sī. pī.), parābhūtarūpo ayaṃ (syā.)

65. yāhi varattāhi (syā. ka.)

66. āviñjeyyāmāti (syā.), āvijjheyyāmāti (sī. pī.)

67. ਮਿਗਸਂਘਂ (ਸ੍ਯਾ॰ ਕ॰)

68. migasaṃghaṃ (syā. ka.)

69. ਜਰਸਿਗਾਲੋ (ਸੀ॰ ਸ੍ਯਾ॰ ਪੀ॰)

70. jarasigālo (sī. syā. pī.)

71. ਭੇਦਣ੍ਡਕਂਯੇવ (ਕ॰)

72. ਸੀਹਨਾਦੇ (?)

73. bhedaṇḍakaṃyeva (ka.)

74. sīhanāde (?)

75. ਤਮੇવ (ਸ੍ਯਾ॰)

76. tameva (syā.)

77. ਭਿਙ੍ਗੇ (ਕ॰)

78. bhiṅge (ka.)

79. ਕੂਣਪਾਨਿ (ਸ੍ਯਾ॰)

80. kūṇapāni (syā.)

81. ਗੋਯੁਗੇਹਿ (ਸਬ੍ਬਤ੍ਥ) ਅਟ੍ਠਕਥਾ ਪਸ੍ਸਿਤਬ੍ਬਾ

82. goyugehi (sabbattha) aṭṭhakathā passitabbā

83. ਅਗ੍ਗਿਂ (ਸ੍ਯਾ॰)

84. ਧੂਪਾਯਿਤ੍વਾ (ਸੀ॰ ਪੀ॰)

85. aggiṃ (syā.)

86. dhūpāyitvā (sī. pī.)

87. ‘‘ਤਞ੍ਚਪਜਾਨਾਮੀ’’ਤਿ ਇਦਂ ਸ੍ਯਾਪੋਤ੍ਥਕੇਨਤ੍ਥਿ

88. ਪਜਾਨਨਂ (ਸ੍ਯਾ॰ ਕ॰) ਅਟ੍ਠਕਥਾਸਂવਣ੍ਣਨਾ ਪਸ੍ਸਿਤਬ੍ਬਾ

89. ‘‘tañcapajānāmī’’ti idaṃ syāpotthakenatthi

90. pajānanaṃ (syā. ka.) aṭṭhakathāsaṃvaṇṇanā passitabbā

91. ਆਮਾਤਿ (ਸ੍ਯਾ॰)

92. ਕਥਂ વਿਹਿਤਕਂਨੋ ਪਨ (ਕ॰)

93. āmāti (syā.)

94. kathaṃ vihitakaṃno pana (ka.)

95. ਅਥ (ਸੀ॰ ਸ੍ਯਾ॰ ਪੀ॰)

96. atha (sī. syā. pī.)

97. ਸਞ੍ਜਿਤਾ (ਸੀ॰ ਪੀ॰), ਸਜ੍ਜਿਤਾ (ਸ੍ਯਾ॰ ਕਂ॰)

98. sañjitā (sī. pī.), sajjitā (syā. kaṃ.)

99. ਸਸ੍ਸਤੋ ਦੀਘਾਯੁਕੋ (ਸ੍ਯਾ॰ ਕ॰)

100. ਅਦ੍ਧੁવਾ ਅਸਸ੍ਸਤਾ (ਸ੍ਯਾ॰ ਕ॰)

101. sassato dīghāyuko (syā. ka.)

102. addhuvā asassatā (syā. ka.)

103. ਹਸਖਿਡ੍ਡਾਰਤਿਧਮ੍ਮਸਮਾਪਨ੍ਨਾ (ਕ॰)

104. ਸਤਿਯਾ ਸਮ੍ਮੋਸਾਯ (ਸ੍ਯਾ॰)

105. hasakhiḍḍāratidhammasamāpannā (ka.)

106. satiyā sammosāya (syā.)

107. ਸਮ੍ਮੋਸਾ ਏવ (ਸੀ॰ ਪੀ॰) ਸਮ੍ਮੋਸਾ ਤੇ (ਸ੍ਯਾ॰ ਕ॰)

108. sammosā eva (sī. pī.) sammosā te (syā. ka.)

109. ਅਕਿਲਨ੍ਤਚਿਤ੍ਤਾ ਤਮ੍ਹਾ (ਕ॰)

110. ਪਦੋਸਿਯਿਮ੍ਹਾ (ਸ੍ਯਾ॰), ਪਦੂਸਯਿਮ੍ਹਾ (?)

111. ਕਿਲਨ੍ਤਚਿਤ੍ਤਾਏવ ਮਯਂ (ਸੀ॰ ਪੀ॰), ਕਿਲਨ੍ਤਚਿਤ੍ਤਾ (ਕ॰)

112. akilantacittā tamhā (ka.)

113. padosiyimhā (syā.), padūsayimhā (?)

114. kilantacittāeva mayaṃ (sī. pī.), kilantacittā (ka.)

115. ਇਦਂ ਪਦਂ ਬ੍ਰਹ੍ਮਜਾਲਸੁਤ੍ਤੇ ਨ ਦਿਸ੍ਸਤਿ। ਏવਂ (ਪੀ॰ ਕ॰)

116. idaṃ padaṃ brahmajālasutte na dissati. evaṃ (pī. ka.)

117. ਸਤ੍ਤਕਾਯ (ਸੀ॰ ਪੀ॰), ਸਤ੍ਤਾਯ (ਕ॰ ਸੀ॰)

118. sattakāya (sī. pī.), sattāya (ka. sī.)

119. ਅਸੁਭਨ੍ਤੇવ (ਸੀ॰ ਸ੍ਯਾ॰ ਪੀ॰)

120. ਸਞ੍ਜਾਨਾਤੀਤਿ (ਸੀ॰ ਪੀ॰)

121. asubhanteva (sī. syā. pī.)

122. sañjānātīti (sī. pī.)

123. ਪਾਟਿਕਸੁਤ੍ਤਨ੍ਤਂ (ਸੀ॰ ਸ੍ਯਾ॰ ਕਂ॰ ਪੀ॰)

124. pāṭikasuttantaṃ (sī. syā. kaṃ. pī.)

Related texts:

ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਦੀਘ ਨਿਕਾਯ (ਅਟ੍ਠਕਥਾ) • Dīgha nikāya (aṭṭhakathā) / ੧. ਪਾਥਿਕਸੁਤ੍ਤવਣ੍ਣਨਾ • 1. Pāthikasuttavaṇṇanā

ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਦੀਘਨਿਕਾਯ (ਟੀਕਾ) • Dīghanikāya (ṭīkā) / ੧. ਪਾਥਿਕਸੁਤ੍ਤવਣ੍ਣਨਾ • 1. Pāthikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact