| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
д̣̇ийгханигааяз
Dīghanikāye
баат̇игаваг̇г̇адтагат̇аа
Pāthikavaggaṭṭhakathā
1. баат̇игасуд̇д̇аван̣н̣анаа
1. Pāthikasuttavaṇṇanā
сунагкад̇д̇авад̇т̇уван̣н̣анаа
Sunakkhattavatthuvaṇṇanā
1. звам̣ мз суд̇ам̣…бз… маллзсу вихарад̇ийд̇и баат̇игасуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. маллзсу вихарад̇ийд̇и маллаа наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийсад̣̇д̣̇зна ‘‘маллаа’’д̇и вужжад̇и, д̇асмим̣ маллзсу ж̇анабад̣̇з. ‘‘анубияам̣ наама маллаанам̣ ниг̇амо’’д̇и анубияанд̇и звам̣наамаго маллаанам̣ ж̇анабад̣̇асса зго ниг̇амо, д̇ам̣ г̇ожараг̇аамам̣ гад̇ваа згасмим̣ чааяууд̣̇агасамбаннз ванасан̣д̣з вихарад̇ийд̇и ад̇т̇о. анобияанд̇иби баато. баависийд̇и бавидто. бхаг̇аваа бана на д̇аава бавидто, бависиссаамийд̇и нигканд̇ад̇д̇аа бана баависийд̇и вуд̇д̇о. яат̇аа гим̣, яат̇аа ‘‘г̇аамам̣ г̇амиссаамий’’д̇и нигканд̇о бурисо д̇ам̣ г̇аамам̣ абад̇д̇оби ‘‘гухим̣ ид̇т̇аннаамо’’д̇и вуд̇д̇з ‘‘г̇аамам̣ г̇ад̇о’’д̇и вужжад̇и, звам̣. зд̇ад̣̇ахосийд̇и г̇аамасамийбз тад̇ваа суурияам̣ ологзнд̇асса зд̇ад̣̇ахоси. ад̇иббаг̇о код̇и ад̇ивияа баг̇о ко, на д̇аава гулзсу яааг̇убхад̇д̇ам̣ нидтид̇анд̇и. гим̣ бана бхаг̇аваа гаалам̣ аж̇аанид̇ваа нигканд̇од̇и? на аж̇аанид̇ваа. бажжуусагаалзязва хи бхаг̇аваа н̃аан̣аж̇аалам̣ бад̇т̇арид̇ваа логам̣ вологзнд̇о н̃аан̣аж̇ааласса анд̇о бавидтам̣ бхаг̇г̇аваг̇од̇д̇ам̣ чаннабариб̣б̣ааж̇агам̣ д̣̇исваа ‘‘аж̇ж̇аахам̣ имасса бариб̣б̣ааж̇агасса маяаа буб̣б̣з гад̇агааран̣ам̣ самаахарид̇ваа д̇хаммам̣ гат̇зссаами, саа д̇хаммагат̇аа асса маяи басаад̣̇аббадилаабхавасзна сапалаа бхависсад̇ий’’д̇и н̃ад̇ваава бариб̣б̣ааж̇агаараамам̣ бависид̇угаамо ад̇иббаг̇ова нигками. д̇асмаа д̇ад̇т̇а бависид̇угаамад̇ааяа звам̣ жид̇д̇ам̣ уббаад̣̇зси.
1.Evaṃme sutaṃ…pe… mallesu viharatīti pāthikasuttaṃ. Tatrāyaṃ apubbapadavaṇṇanā. Mallesu viharatīti mallā nāma jānapadino rājakumārā, tesaṃ nivāso ekopi janapado ruḷhīsaddena ‘‘mallā’’ti vuccati, tasmiṃ mallesu janapade. ‘‘Anupiyaṃ nāma mallānaṃ nigamo’’ti anupiyanti evaṃnāmako mallānaṃ janapadassa eko nigamo, taṃ gocaragāmaṃ katvā ekasmiṃ chāyūdakasampanne vanasaṇḍe viharatīti attho. Anopiyantipi pāṭho. Pāvisīti paviṭṭho. Bhagavā pana na tāva paviṭṭho, pavisissāmīti nikkhantattā pana pāvisīti vutto. Yathā kiṃ, yathā ‘‘gāmaṃ gamissāmī’’ti nikkhanto puriso taṃ gāmaṃ apattopi ‘‘kuhiṃ itthannāmo’’ti vutte ‘‘gāmaṃ gato’’ti vuccati, evaṃ. Etadahosīti gāmasamīpe ṭhatvā sūriyaṃ olokentassa etadahosi. Atippago khoti ativiya pago kho, na tāva kulesu yāgubhattaṃ niṭṭhitanti. Kiṃ pana bhagavā kālaṃ ajānitvā nikkhantoti? Na ajānitvā. Paccūsakāleyeva hi bhagavā ñāṇajālaṃ pattharitvā lokaṃ volokento ñāṇajālassa anto paviṭṭhaṃ bhaggavagottaṃ channaparibbājakaṃ disvā ‘‘ajjāhaṃ imassa paribbājakassa mayā pubbe katakāraṇaṃ samāharitvā dhammaṃ kathessāmi, sā dhammakathā assa mayi pasādappaṭilābhavasena saphalā bhavissatī’’ti ñatvāva paribbājakārāmaṃ pavisitukāmo atippagova nikkhami. Tasmā tattha pavisitukāmatāya evaṃ cittaṃ uppādesi.
2. зд̇ад̣̇авожаад̇и бхаг̇аванд̇ам̣ д̣̇исваа маанат̇ад̣̇д̇хад̇ам̣ агад̇ваа сад̇т̇аарам̣ бажжуг̇г̇анд̇ваа зд̇ам̣ зд̇у ко, бханд̇зд̇иаад̣̇игам̣ важанам̣ авожа. имам̣ барияааяанд̇и имам̣ ваарам̣, аж̇ж̇а имам̣ ааг̇аманавааранд̇и ад̇т̇о. гим̣ бана бхаг̇аваа буб̣б̣зби д̇ад̇т̇а г̇ад̇абуб̣б̣од̇и? на г̇ад̇абуб̣б̣о, логасамуд̣̇аажааравасзна бана звамааха. логияаа хи жирассам̣ ааг̇ад̇амби анааг̇ад̇абуб̣б̣амби манаабаж̇аад̇игам̣ ааг̇ад̇ам̣ д̣̇исваа ‘‘гуд̇о бхавам̣ ааг̇ад̇о, жирассам̣ бхавам̣ ааг̇ад̇о, гат̇ам̣ д̇з ид̇хааг̇аманамаг̇г̇о н̃аад̇о, гим̣ маг̇г̇амуул̣хосий’’д̇иаад̣̇ийни вад̣̇анд̇и. д̇асмаа аяамби логасамуд̣̇аажааравасзна звамаахаад̇и взд̣̇ид̇аб̣б̣о. ид̣̇амаасананд̇и ад̇д̇ано нисиннаасанам̣ бабподзд̇ваа самбаад̣̇зд̇ваа д̣̇ад̣̇амаано звамааха. сунагкад̇д̇о лижчавибуд̇д̇од̇и сунагкад̇д̇о наама лижчавирааж̇абуд̇д̇о. со гира д̇асса г̇ихисахааяо ход̇и, гаалзна гаалам̣ д̇асса санд̇игам̣ г̇ажчад̇и. бажжагкаад̇од̇и ‘‘бажжагкаами д̣̇аанаахам̣, бханд̇з, бхаг̇аванд̇ам̣ на д̣̇аанаахам̣, бханд̇з, бхаг̇аванд̇ам̣ уд̣̇д̣̇исса вихариссаамий’’д̇и звам̣ бадиагкаад̇о ниссадто барижжад̇д̇о.
2.Etadavocāti bhagavantaṃ disvā mānathaddhataṃ akatvā satthāraṃ paccuggantvā etaṃ etu kho, bhantetiādikaṃ vacanaṃ avoca. Imaṃ pariyāyanti imaṃ vāraṃ, ajja imaṃ āgamanavāranti attho. Kiṃ pana bhagavā pubbepi tattha gatapubboti? Na gatapubbo, lokasamudācāravasena pana evamāha. Lokiyā hi cirassaṃ āgatampi anāgatapubbampi manāpajātikaṃ āgataṃ disvā ‘‘kuto bhavaṃ āgato, cirassaṃ bhavaṃ āgato, kathaṃ te idhāgamanamaggo ñāto, kiṃ maggamūḷhosī’’tiādīni vadanti. Tasmā ayampi lokasamudācāravasena evamāhāti veditabbo. Idamāsananti attano nisinnāsanaṃ papphoṭetvā sampādetvā dadamāno evamāha. Sunakkhatto licchaviputtoti sunakkhatto nāma licchavirājaputto. So kira tassa gihisahāyo hoti, kālena kālaṃ tassa santikaṃ gacchati. Paccakkhātoti ‘‘paccakkhāmi dānāhaṃ, bhante, bhagavantaṃ na dānāhaṃ, bhante, bhagavantaṃ uddissa viharissāmī’’ti evaṃ paṭiakkhāto nissaṭṭho pariccatto.
3. бхаг̇аванд̇ам̣ уд̣̇д̣̇иссаад̇и бхаг̇аваа мз сад̇т̇аа ‘‘бхаг̇авад̇о ахам̣ оваад̣̇ам̣ бадигаромий’’д̇и звам̣ абад̣̇исид̇ваа. го санд̇о гам̣ бажжаажигкасийд̇и яаажаго ваа яаажид̇агам̣ бажжаажигкзяяа, яаажид̇аго ваа яаажагам̣. д̇вам̣ бана нзва яаажаго на яаажид̇аго, звам̣ санд̇з, могхабуриса, го санд̇о го самаано гам̣ бажжаажигкасийд̇и д̣̇ассзд̇и. басса могхабурисаад̇и басса д̇ужчабуриса. яааван̃жа д̇з ид̣̇ам̣ абарад̣̇д̇ханд̇и яад̇д̇агам̣ ид̣̇ам̣ д̇ава абарад̣̇д̇хам̣, яад̇д̇аго д̇з абараад̇хо д̇ад̇д̇аго д̣̇осод̇и зваахам̣ бхаг̇г̇ава д̇асса д̣̇осам̣ ааробзсинд̇и д̣̇ассзд̇и.
3.Bhagavantaṃ uddissāti bhagavā me satthā ‘‘bhagavato ahaṃ ovādaṃ paṭikaromī’’ti evaṃ apadisitvā. Ko santo kaṃ paccācikkhasīti yācako vā yācitakaṃ paccācikkheyya, yācitako vā yācakaṃ. Tvaṃ pana neva yācako na yācitako, evaṃ sante, moghapurisa, ko santo ko samāno kaṃ paccācikkhasīti dasseti. Passa moghapurisāti passa tucchapurisa. Yāvañca te idaṃ aparaddhanti yattakaṃ idaṃ tava aparaddhaṃ, yattako te aparādho tattako dosoti evāhaṃ bhaggava tassa dosaṃ āropesinti dasseti.
4. уд̇д̇аримануссад̇хаммаад̇и бан̃жасийлад̣̇асасийласан̇каад̇аа мануссад̇хаммаауд̇д̇ари. ид̣̇д̇хибаадихаарияанд̇и ид̣̇д̇хибхууд̇ам̣ баадихаарияам̣. гад̇з ваад̇и гад̇амхи ваа. яассад̇т̇ааяаад̇и яасса д̣̇угкагкаяасса ад̇т̇ааяа. со нияяаад̇и д̇аггарассаад̇и со д̇хаммо д̇аггарасса яат̇аа маяаа д̇хаммо д̣̇зсид̇о, д̇ат̇аа гаарагасса саммаа бадибаннасса буг̇г̇аласса саб̣б̣аваддад̣̇угкагкаяааяа амад̇аниб̣б̣аанасажчигирияааяа г̇ажчад̇и, на г̇ажчад̇и, сам̣вад̇д̇ад̇и, на сам̣вад̇д̇ад̇ийд̇и бужчад̇и. д̇ад̇ра сунагкад̇д̇аад̇и д̇асмим̣ сунагкад̇д̇а маяаа д̣̇зсид̇з д̇хаммз д̇аггарасса саммаа д̣̇угкагкаяааяа сам̣вад̇д̇амаанз гим̣ уд̇д̇аримануссад̇хаммаа ид̣̇д̇хибаадихаарияам̣ гад̇ам̣ гариссад̇и, го д̇зна гад̇зна ад̇т̇о. д̇асмин̃хи гад̇зби агад̇зби мама саасанасса барихаани над̇т̇и, д̣̇звамануссаанан̃хи амад̇аниб̣б̣аанасамбаабанад̇т̇ааяа ахам̣ баарамияо буурзсим̣, на баадихаарияагаран̣ад̇т̇ааяаад̇и баадихаарияасса нирад̇т̇агад̇ам̣ д̣̇ассзд̇ваа ‘‘басса, могхабурисаа’’д̇и д̣̇уд̇ияам̣ д̣̇осам̣ ааробзси.
4.Uttarimanussadhammāti pañcasīladasasīlasaṅkhātā manussadhammāuttari. Iddhipāṭihāriyanti iddhibhūtaṃ pāṭihāriyaṃ. Kate vāti katamhi vā. Yassatthāyāti yassa dukkhakkhayassa atthāya. Soniyyāti takkarassāti so dhammo takkarassa yathā mayā dhammo desito, tathā kārakassa sammā paṭipannassa puggalassa sabbavaṭṭadukkhakkhayāya amatanibbānasacchikiriyāya gacchati, na gacchati, saṃvattati, na saṃvattatīti pucchati. Tatra sunakkhattāti tasmiṃ sunakkhatta mayā desite dhamme takkarassa sammā dukkhakkhayāya saṃvattamāne kiṃ uttarimanussadhammā iddhipāṭihāriyaṃ kataṃ karissati, ko tena katena attho. Tasmiñhi katepi akatepi mama sāsanassa parihāni natthi, devamanussānañhi amatanibbānasampāpanatthāya ahaṃ pāramiyo pūresiṃ, na pāṭihāriyakaraṇatthāyāti pāṭihāriyassa niratthakataṃ dassetvā ‘‘passa, moghapurisā’’ti dutiyaṃ dosaṃ āropesi.
5. аг̇г̇ан̃н̃анд̇и логабан̃н̃ад̇д̇им̣. ‘‘ид̣̇ам̣ наама логасса аг̇г̇а’’нд̇и звам̣ ж̇аанид̇аб̣б̣амби аг̇г̇ам̣ марияаад̣̇ам̣ на д̇ам̣ бан̃н̃абзд̇ийд̇и вад̣̇ад̇и. сзсамзд̇т̇а ананд̇араваад̣̇аанусаарзнзва взд̣̇ид̇аб̣б̣ам̣.
5.Aggaññanti lokapaññattiṃ. ‘‘Idaṃ nāma lokassa agga’’nti evaṃ jānitabbampi aggaṃ mariyādaṃ na taṃ paññapetīti vadati. Sesamettha anantaravādānusāreneva veditabbaṃ.
6. анзгабарияааязна код̇и ид̣̇ам̣ гасмаа аарад̣̇д̇хам̣. сунагкад̇д̇о гира ‘‘бхаг̇авад̇о г̇ун̣ам̣ магкзссаами, ‘‘д̣̇осам̣ бан̃н̃абзссаамий’’д̇и зд̇д̇агам̣ виббалабид̇ваа бхаг̇авад̇о гат̇ам̣ сун̣анд̇о аббад̇идто нираво адтааси.
6.Anekapariyāyena khoti idaṃ kasmā āraddhaṃ. Sunakkhatto kira ‘‘bhagavato guṇaṃ makkhessāmi, ‘‘dosaṃ paññapessāmī’’ti ettakaṃ vippalapitvā bhagavato kathaṃ suṇanto appatiṭṭho niravo aṭṭhāsi.
ат̇а бхаг̇аваа – ‘‘сунагкад̇д̇а, звам̣ д̇вам̣ магкибхаавз тид̇о саяамзва г̇арахам̣ баабун̣иссасий’’д̇и магкибхаавз аад̣̇ийнавад̣̇ассанад̇т̇ам̣ анзгабарияааязнаад̇иаад̣̇имааха. д̇ад̇т̇а анзгабарияааязнаад̇и анзгагааран̣зна. важ̇ж̇иг̇аамзд̇и важ̇ж̇ирааж̇аанам̣ г̇аамз, взсаалийнаг̇арз но висахийд̇и наасагки. со ависаханд̇од̇и со сунагкад̇д̇о яасса буб̣б̣з д̇ин̣н̣ам̣ рад̇анаанам̣ ван̣н̣ам̣ гат̇знд̇асса мукам̣ наббаход̇и, со д̣̇аани д̇знзва мукзна аван̣н̣ам̣ гат̇зд̇и, ад̣̇д̇хаа ависаханд̇о асаггонд̇о б̣рахмажарияам̣ жарид̇ум̣ ад̇д̇ано б̣аалад̇ааяа аван̣н̣ам̣ гат̇зд̇ваа хийнааяаавад̇д̇о. б̣уд̣̇д̇хо бана суб̣уд̣̇д̇хова, д̇хаммо сваагкаад̇ова, сан̇гхо суббадибаннова. звам̣ д̇ийн̣и рад̇анаани т̇омзнд̇аа мануссаа д̇уяхзва д̣̇осам̣ д̣̇ассзссанд̇ийд̇и. ид̇и ко д̇зд̇и звам̣ ко д̇з, сунагкад̇д̇а, вад̇д̇ааро бхависсанд̇и. д̇ад̇о звам̣ д̣̇осз уббаннз сад̇т̇аа ад̇ийд̇аанааг̇ад̇з аббадихад̇ан̃аан̣о, маяхам̣ звам̣ д̣̇осо уббаж̇ж̇иссад̇ийд̇и ж̇аананд̇оби бурзд̇арам̣ на гат̇зсийд̇и вад̇д̇ум̣ на лажчасийд̇и д̣̇ассзд̇и. абаггамзваад̇и абаггамиязва, абагганд̇о ваа жуд̇од̇и ад̇т̇о. яат̇аа д̇ам̣ аабааяигод̇и яат̇аа абааяз ниб̣б̣ад̇д̇анаарахо сад̇д̇о абаггамзяяа, звамзва абаггамийд̇и ад̇т̇о.
Atha bhagavā – ‘‘sunakkhatta, evaṃ tvaṃ makkhibhāve ṭhito sayameva garahaṃ pāpuṇissasī’’ti makkhibhāve ādīnavadassanatthaṃ anekapariyāyenātiādimāha. Tattha anekapariyāyenāti anekakāraṇena. Vajjigāmeti vajjirājānaṃ gāme, vesālīnagare no visahīti nāsakkhi. So avisahantoti so sunakkhatto yassa pubbe tiṇṇaṃ ratanānaṃ vaṇṇaṃ kathentassa mukhaṃ nappahoti, so dāni teneva mukhena avaṇṇaṃ katheti, addhā avisahanto asakkonto brahmacariyaṃ carituṃ attano bālatāya avaṇṇaṃ kathetvā hīnāyāvatto. Buddho pana subuddhova, dhammo svākkhātova, saṅgho suppaṭipannova. Evaṃ tīṇi ratanāni thomentā manussā tuyheva dosaṃ dassessantīti. Iti kho teti evaṃ kho te, sunakkhatta, vattāro bhavissanti. Tato evaṃ dose uppanne satthā atītānāgate appaṭihatañāṇo, mayhaṃ evaṃ doso uppajjissatīti jānantopi puretaraṃ na kathesīti vattuṃ na lacchasīti dasseti. Apakkamevāti apakkamiyeva, apakkanto vā cutoti attho. Yathātaṃ āpāyikoti yathā apāye nibbattanāraho satto apakkameyya, evameva apakkamīti attho.
горагкад̇д̇ияавад̇т̇уван̣н̣анаа
Korakkhattiyavatthuvaṇṇanā
7. згамид̣̇ааханд̇и иминаа гим̣ д̣̇ассзд̇и? ид̣̇ам̣ суд̇д̇ам̣ д̣̇вийхи бад̣̇зхи ааб̣ад̣̇д̇хам̣ ид̣̇д̇хибаадихаарияам̣ на гарод̇ийд̇и жа аг̇г̇ан̃н̃ам̣ на бан̃н̃абзд̇ийд̇и жа. д̇ад̇т̇а ‘‘аг̇г̇ан̃н̃ам̣ на бан̃н̃абзд̇ий’’д̇и ид̣̇ам̣ бад̣̇ам̣ суд̇д̇абарияосаанз д̣̇ассзссад̇и. ‘‘баадихаарияам̣ на гарод̇ий’’д̇и имасса бана бад̣̇асса анусанд̇хид̣̇ассанавасзна аяам̣ д̣̇зсанаа аарад̣̇д̇хаа.
7.Ekamidāhanti iminā kiṃ dasseti? Idaṃ suttaṃ dvīhi padehi ābaddhaṃ iddhipāṭihāriyaṃ na karotīti ca aggaññaṃ na paññapetīti ca. Tattha ‘‘aggaññaṃ na paññapetī’’ti idaṃ padaṃ suttapariyosāne dassessati. ‘‘Pāṭihāriyaṃ na karotī’’ti imassa pana padassa anusandhidassanavasena ayaṃ desanā āraddhā.
д̇ад̇т̇а згамид̣̇ааханд̇и згасмим̣ ахам̣. самаяанд̇и самаяз, згасмим̣ гаалз аханд̇и ад̇т̇о. т̇уулуусууд̇и т̇уулуу наама ж̇анабад̣̇о, д̇ад̇т̇а вихараами. уд̇д̇арагаа наамаад̇и ид̇т̇илин̇г̇авасзна уд̇д̇арагаад̇и звам̣наамаго т̇уулуунам̣ ж̇анабад̣̇асса ниг̇амо, д̇ам̣ ниг̇амам̣ г̇ожараг̇аамам̣ гад̇ваад̇и ад̇т̇о. ажзлод̇и наг̇г̇о. горагкад̇д̇ияод̇и анд̇ован̇габаад̣̇о кад̇д̇ияо. гуггуравад̇игод̇и самаад̣̇иннагуггуравад̇о сунако вияа гхааяид̇ваа каад̣̇ад̇и, уд̣̇д̇хананд̇арз нибаж̇ж̇ад̇и, ан̃н̃амби сунакагирияамзва гарод̇и. жад̇уггун̣д̣игод̇и жад̇усан̇гхаддид̇о д̣̇вз ж̇аан̣ууни д̣̇вз жа габбарз бхуумияам̣ табзд̇ваа вижарад̇и. чамаанигин̣н̣анд̇и бхуумияам̣ нигин̣н̣ам̣ багкид̇д̇ам̣ табид̇ам̣. бхагкасанд̇и бхагкам̣ яам̣гин̃жи каад̣̇анийяам̣ бхож̇анийяам̣. мукзнзваад̇и хад̇т̇зна абараамасид̇ваа каад̣̇анийяам̣ мукзнзва каад̣̇ад̇и, бхож̇анийяамби мукзнзва бхун̃ж̇ад̇и. саад̇хуруубод̇и сунд̣̇араруубо. аяам̣ саман̣од̇и аяам̣ арахад̇ам̣ саман̣о згод̇и. д̇ад̇т̇а вад̇аад̇и бад̇т̇анад̇т̇з нибаад̇о. звам̣ гирасса бад̇т̇анаа ахоси ‘‘иминаа саман̣зна сад̣̇исо ан̃н̃о саман̣о наама над̇т̇и, аяан̃хи аббижчад̇ааяа вад̇т̇ам̣ на ниваасзд̇и, ‘зса бабан̃жо’д̇и ман̃н̃амаано бхигкаабхааж̇анамби на барихарад̇и, чамаанигин̣н̣амзва каад̣̇ад̇и, аяам̣ саман̣о наама. маяам̣ бана гим̣ саман̣аа’’д̇и? звам̣ саб̣б̣ан̃н̃уб̣уд̣̇д̇хасса бажчад̇о жаранд̇ова имам̣ баабагам̣ вид̇аггам̣ вид̇аггзси.
Tattha ekamidāhanti ekasmiṃ ahaṃ. Samayanti samaye, ekasmiṃ kāle ahanti attho. Thūlūsūti thūlū nāma janapado, tattha viharāmi. Uttarakā nāmāti itthiliṅgavasena uttarakāti evaṃnāmako thūlūnaṃ janapadassa nigamo, taṃ nigamaṃ gocaragāmaṃ katvāti attho. Aceloti naggo. Korakkhattiyoti antovaṅkapādo khattiyo. Kukkuravatikoti samādinnakukkuravato sunakho viya ghāyitvā khādati, uddhanantare nipajjati, aññampi sunakhakiriyameva karoti. Catukkuṇḍikoti catusaṅghaṭṭito dve jāṇūni dve ca kappare bhūmiyaṃ ṭhapetvā vicarati. Chamānikiṇṇanti bhūmiyaṃ nikiṇṇaṃ pakkhittaṃ ṭhapitaṃ. Bhakkhasanti bhakkhaṃ yaṃkiñci khādanīyaṃ bhojanīyaṃ. Mukhenevāti hatthena aparāmasitvā khādanīyaṃ mukheneva khādati, bhojanīyampi mukheneva bhuñjati. Sādhurūpoti sundararūpo. Ayaṃ samaṇoti ayaṃ arahataṃ samaṇo ekoti. Tattha vatāti patthanatthe nipāto. Evaṃ kirassa patthanā ahosi ‘‘iminā samaṇena sadiso añño samaṇo nāma natthi, ayañhi appicchatāya vatthaṃ na nivāseti, ‘esa papañco’ti maññamāno bhikkhābhājanampi na pariharati, chamānikiṇṇameva khādati, ayaṃ samaṇo nāma. Mayaṃ pana kiṃ samaṇā’’ti? Evaṃ sabbaññubuddhassa pacchato carantova imaṃ pāpakaṃ vitakkaṃ vitakkesi.
зд̇ад̣̇авожаад̇и бхаг̇аваа гира жинд̇зси ‘‘аяам̣ сунагкад̇д̇о баабаж̇жхаасаяо, гим̣ ну имам̣ д̣̇исваа жинд̇зсий’’д̇и? ат̇звам̣ жинд̇знд̇о д̇асса аж̇жхаасаяам̣ вид̣̇ид̇ваа ‘‘аяам̣ могхабурисо маад̣̇исасса саб̣б̣ан̃н̃уно бажчад̇о ааг̇ажчанд̇о ажзлам̣ арахаад̇и ман̃н̃ад̇и, ид̇хзва д̣̇аанааяам̣ б̣аало ниг̇г̇ахам̣ арахад̇ий’’д̇и анивад̇д̇ид̇ваава зд̇ам̣ д̇вамби наамаад̇иаад̣̇иважанамавожа. д̇ад̇т̇а д̇вамби наамаад̇и г̇арахад̇т̇з бигааро. г̇араханд̇о хи нам̣ бхаг̇аваа ‘‘д̇вамби наамаа’’д̇и ааха. ‘‘д̇вамби наама звам̣ хийнаж̇жхаасаяо, ахам̣ саман̣о сагяабуд̇д̇ияод̇и звам̣ бадиж̇ааниссасий’’д̇и аяан̃хзд̇т̇а ад̇хиббааяо. гим̣ бана мам̣, бханд̇зд̇и маяхам̣, бханд̇з, гим̣ г̇аараяхам̣ д̣̇исваа бхаг̇аваа ‘‘звамаахаа’’д̇и бужчад̇и. ат̇асса бхаг̇аваа аажигканд̇о ‘‘нану д̇з’’д̇иаад̣̇имааха. мажчарааяад̇ийд̇и ‘‘маа ан̃н̃асса арахад̇д̇ам̣ ход̇уу’’д̇и гим̣ бхаг̇аваа звам̣ арахад̇д̇асса мажчарааяад̇ийд̇и бужчад̇и. на ко аханд̇и ахам̣, могхабуриса, сад̣̇звагасса логасса арахад̇д̇аббадилаабхамзва бажжаасийсаами, зд̇ад̣̇ад̇т̇амзва мз б̣ахууни д̣̇уггараани гаронд̇зна баарамияо буурид̇аа, на ко ахам̣, могхабуриса, арахад̇д̇асса мажчарааяаами. баабагам̣ д̣̇идтиг̇ад̇анд̇и на араханд̇ам̣ арахаад̇и, араханд̇з жа анараханд̇од̇и звам̣ д̇асса д̣̇идти уббаннаа. д̇ам̣ санд̇хааяа ‘‘баабагам̣ д̣̇идтиг̇ад̇а’’нд̇и ааха. яам̣ ко банаад̇и яам̣ зд̇ам̣ ажзлам̣ звам̣ ман̃н̃аси. сад̇д̇амам̣ д̣̇ивасанд̇и сад̇д̇амз д̣̇ивасз. аласагзнаад̇и аласагаб̣яаад̇хинаа. гаалан̇гариссад̇ийд̇и уд̣̇д̇хумаад̇ауд̣̇аро мариссад̇и.
Etadavocāti bhagavā kira cintesi ‘‘ayaṃ sunakkhatto pāpajjhāsayo, kiṃ nu imaṃ disvā cintesī’’ti? Athevaṃ cintento tassa ajjhāsayaṃ viditvā ‘‘ayaṃ moghapuriso mādisassa sabbaññuno pacchato āgacchanto acelaṃ arahāti maññati, idheva dānāyaṃ bālo niggahaṃ arahatī’’ti anivattitvāva etaṃ tvampi nāmātiādivacanamavoca. Tattha tvampi nāmāti garahatthe pikāro. Garahanto hi naṃ bhagavā ‘‘tvampi nāmā’’ti āha. ‘‘Tvampi nāma evaṃ hīnajjhāsayo, ahaṃ samaṇo sakyaputtiyoti evaṃ paṭijānissasī’’ti ayañhettha adhippāyo. Kiṃ pana maṃ, bhanteti mayhaṃ, bhante, kiṃ gārayhaṃ disvā bhagavā ‘‘evamāhā’’ti pucchati. Athassa bhagavā ācikkhanto ‘‘nanu te’’tiādimāha. Maccharāyatīti ‘‘mā aññassa arahattaṃ hotū’’ti kiṃ bhagavā evaṃ arahattassa maccharāyatīti pucchati. Na kho ahanti ahaṃ, moghapurisa, sadevakassa lokassa arahattappaṭilābhameva paccāsīsāmi, etadatthameva me bahūni dukkarāni karontena pāramiyo pūritā, na kho ahaṃ, moghapurisa, arahattassa maccharāyāmi. Pāpakaṃ diṭṭhigatanti na arahantaṃ arahāti, arahante ca anarahantoti evaṃ tassa diṭṭhi uppannā. Taṃ sandhāya ‘‘pāpakaṃ diṭṭhigata’’nti āha. Yaṃ kho panāti yaṃ etaṃ acelaṃ evaṃ maññasi. Sattamaṃ divasanti sattame divase. Alasakenāti alasakabyādhinā. Kālaṅkarissatīti uddhumātaudaro marissati.
гаалаган̃жигаад̇и д̇зсам̣ асураанам̣ наамам̣. д̇зсам̣ гира д̇иг̇аавуд̇о ад̇д̇абхааво аббамам̣салохид̇о бураан̣абан̣н̣асад̣̇исо гаггадагаанам̣ вияа агкийни нигкамид̇ваа мад̇т̇агз д̇идтанд̇и, мукам̣ суужибаасагасад̣̇исам̣ мад̇т̇агасмим̣язва ход̇и, д̇зна он̣амид̇ваа г̇ожарам̣ г̇ан̣ханд̇и. б̣ийран̣ад̇т̇амб̣агзд̇и б̣ийран̣ад̇ин̣ад̇т̇амб̣о д̇асмим̣ сусаанз ад̇т̇и, д̇асмаа д̇ам̣ б̣ийран̣ад̇т̇амб̣аганд̇и вужжад̇и.
Kālakañcikāti tesaṃ asurānaṃ nāmaṃ. Tesaṃ kira tigāvuto attabhāvo appamaṃsalohito purāṇapaṇṇasadiso kakkaṭakānaṃ viya akkhīni nikkhamitvā matthake tiṭṭhanti, mukhaṃ sūcipāsakasadisaṃ matthakasmiṃyeva hoti, tena oṇamitvā gocaraṃ gaṇhanti. Bīraṇatthambaketi bīraṇatiṇatthambo tasmiṃ susāne atthi, tasmā taṃ bīraṇatthambakanti vuccati.
д̇знубасан̇гамийд̇и бхаг̇авад̇и зд̇д̇агам̣ вад̇ваа д̇асмим̣ г̇аамз бин̣д̣ааяа жарид̇ваа вихаарам̣ г̇ад̇з вихаараа нигкамид̇ваа убасан̇гами. язна д̇ванд̇и язна гааран̣зна д̇вам̣. яасмааби бхаг̇авад̇аа б̣яаагад̇о, д̇асмаад̇и ад̇т̇о. мад̇д̇ам̣ мад̇д̇анд̇и бамаан̣аяуд̇д̇ам̣ бамаан̣аяуд̇д̇ам̣. ‘‘манд̇аа манд̇аа’’д̇иби баато, бан̃н̃ааяа убабаригкид̇ваа убабаригкид̇ваад̇и ад̇т̇о. яат̇аа саман̣асса г̇од̇амассаад̇и яат̇аа саман̣асса г̇од̇амасса мижчаа важанам̣ асса, д̇ат̇аа гарзяяаасийд̇и ааха. звам̣ вуд̇д̇з ажзло сунако вияа уд̣̇д̇ханадтаанз нибанно сийсам̣ угкибид̇ваа агкийни уммийлзд̇ваа ологзнд̇о гим̣ гат̇зси ‘‘саман̣о наама г̇од̇амо амхаагам̣ взрий висабхааг̇о, саман̣асса г̇од̇амасса уббаннагаалад̇о бадтааяа маяам̣ суурияз уг̇г̇ад̇з каж̇ж̇обанагаа вияа ж̇аад̇аа. саман̣о г̇од̇амо амхз, звам̣ ваажам̣ вад̣̇зяяа ан̃н̃ат̇аа ваа. взрино бана гат̇аа наама д̇ажчаа на ход̇и, г̇ажча д̇вам̣ ахамзд̇т̇а гад̇д̇аб̣б̣ам̣ ж̇ааниссаамий’’д̇и вад̇ваа бунад̣̇зва нибаж̇ж̇и.
Tenupasaṅkamīti bhagavati ettakaṃ vatvā tasmiṃ gāme piṇḍāya caritvā vihāraṃ gate vihārā nikkhamitvā upasaṅkami. Yena tvanti yena kāraṇena tvaṃ. Yasmāpi bhagavatā byākato, tasmāti attho. Mattaṃmattanti pamāṇayuttaṃ pamāṇayuttaṃ. ‘‘Mantā mantā’’tipi pāṭho, paññāya upaparikkhitvā upaparikkhitvāti attho. Yathā samaṇassa gotamassāti yathā samaṇassa gotamassa micchā vacanaṃ assa, tathā kareyyāsīti āha. Evaṃ vutte acelo sunakho viya uddhanaṭṭhāne nipanno sīsaṃ ukkhipitvā akkhīni ummīletvā olokento kiṃ kathesi ‘‘samaṇo nāma gotamo amhākaṃ verī visabhāgo, samaṇassa gotamassa uppannakālato paṭṭhāya mayaṃ sūriye uggate khajjopanakā viya jātā. Samaṇo gotamo amhe, evaṃ vācaṃ vadeyya aññathā vā. Verino pana kathā nāma tacchā na hoti, gaccha tvaṃ ahamettha kattabbaṃ jānissāmī’’ti vatvā punadeva nipajji.
8. згад̣̇вийхигааяаад̇и згам̣ д̣̇взд̇и вад̇ваа г̇ан̣зси. яат̇аа д̇анд̇и яат̇аа асад̣̇д̣̇ахамаано гожи г̇ан̣зяяа, звам̣ г̇ан̣зси. згад̣̇ивасан̃жа д̇игкад̇д̇ум̣ убасан̇гамид̇ваа зго д̣̇ивасо ад̇ийд̇о, д̣̇вз д̣̇ивасаа ад̇ийд̇аад̇и аарожзси. сад̇д̇амам̣ д̣̇ивасанд̇и со гира сунагкад̇д̇асса важанам̣ суд̇ваа сад̇д̇аахам̣ нираахаарова ахоси. ат̇асса сад̇д̇амз д̣̇ивасз зго убадтааго ‘‘амхаагам̣ гулуубагасаман̣асса аж̇ж̇а сад̇д̇амо д̣̇ивасо г̇зхам̣ анааг̇ажчанд̇асса апаасу ну ко ж̇аад̇а’’нд̇и суугарамам̣сам̣ бажаабзд̇ваа бхад̇д̇амаад̣̇ааяа г̇анд̇ваа бурад̇о бхуумияам̣ нигкиби. ажзло д̣̇исваа жинд̇зси ‘‘саман̣асса г̇од̇амасса гат̇аа д̇ажчаа ваа ад̇ажчаа ваа ход̇у, аахаарам̣ бана каад̣̇ид̇ваа сухид̇асса мз маран̣амби сумаран̣а’’нд̇и д̣̇вз хад̇т̇з ж̇ан̣н̣угаани жа бхуумияам̣ табзд̇ваа гужчибуурам̣ бхун̃ж̇и. со рад̇д̇ибхааг̇з ж̇ийраабзд̇ум̣ асаггонд̇о аласагзна гааламагааси. сажзби хи со ‘‘на бхун̃ж̇зяяа’’нд̇и жинд̇зяяа, д̇ат̇ааби д̇ам̣ д̣̇ивасам̣ бхун̃ж̇ид̇ваа аласагзна гаалам̣ гарзяяа. ад̣̇взж̇жхаважанаа хи д̇ат̇ааг̇ад̇аад̇и.
8.Ekadvīhikāyāti ekaṃ dveti vatvā gaṇesi. Yathā tanti yathā asaddahamāno koci gaṇeyya, evaṃ gaṇesi. Ekadivasañca tikkhattuṃ upasaṅkamitvā eko divaso atīto, dve divasā atītāti ārocesi. Sattamaṃ divasanti so kira sunakkhattassa vacanaṃ sutvā sattāhaṃ nirāhārova ahosi. Athassa sattame divase eko upaṭṭhāko ‘‘amhākaṃ kulūpakasamaṇassa ajja sattamo divaso gehaṃ anāgacchantassa aphāsu nu kho jāta’’nti sūkaramaṃsaṃ pacāpetvā bhattamādāya gantvā purato bhūmiyaṃ nikkhipi. Acelo disvā cintesi ‘‘samaṇassa gotamassa kathā tacchā vā atacchā vā hotu, āhāraṃ pana khāditvā suhitassa me maraṇampi sumaraṇa’’nti dve hatthe jaṇṇukāni ca bhūmiyaṃ ṭhapetvā kucchipūraṃ bhuñji. So rattibhāge jīrāpetuṃ asakkonto alasakena kālamakāsi. Sacepi hi so ‘‘na bhuñjeyya’’nti cinteyya, tathāpi taṃ divasaṃ bhuñjitvā alasakena kālaṃ kareyya. Advejjhavacanā hi tathāgatāti.
б̣ийран̣ад̇т̇амб̣агзд̇и д̇ид̇т̇ияаа гира ‘‘гаалан̇гад̇о горагкад̇д̇ияо’’д̇и суд̇ваа д̣̇ивасаани г̇ан̣зд̇ваа ид̣̇ам̣ д̇аава сажжам̣ ж̇аад̇ам̣, ид̣̇аани нам̣ ан̃н̃ад̇т̇а чад̣д̣зд̇ваа ‘‘мусааваад̣̇зна саман̣ам̣ г̇од̇амам̣ ниг̇г̇ан̣хиссаамаа’’д̇и г̇анд̇ваа д̇асса сарийрам̣ валлияаа б̣анд̇хид̇ваа аагад̣дханд̇аа ‘‘зд̇т̇а чад̣д̣зссаама, зд̇т̇а чад̣д̣зссаамаа’’д̇и г̇ажчанд̇и. г̇ад̇аг̇ад̇адтаанам̣ ан̇г̇ан̣амзва ход̇и. д̇з гад̣дхамаанаа б̣ийран̣ад̇т̇амб̣агасусаанам̣язва г̇анд̇ваа сусаанабхаавам̣ н̃ад̇ваа ‘‘ан̃н̃ад̇т̇а чад̣д̣зссаамаа’’д̇и аагад̣дхим̣су. ат̇а нзсам̣ валли чиж̇ж̇ид̇т̇а, бажчаа жаалзд̇ум̣ наасагким̣су. д̇з д̇ад̇ова багганд̇аа. д̇зна вуд̇д̇ам̣ – ‘‘б̣ийран̣ад̇т̇амб̣агз сусаанз чад̣д̣зсу’’нд̇и.
Bīraṇatthambaketi titthiyā kira ‘‘kālaṅkato korakkhattiyo’’ti sutvā divasāni gaṇetvā idaṃ tāva saccaṃ jātaṃ, idāni naṃ aññattha chaḍḍetvā ‘‘musāvādena samaṇaṃ gotamaṃ niggaṇhissāmā’’ti gantvā tassa sarīraṃ valliyā bandhitvā ākaḍḍhantā ‘‘ettha chaḍḍessāma, ettha chaḍḍessāmā’’ti gacchanti. Gatagataṭṭhānaṃ aṅgaṇameva hoti. Te kaḍḍhamānā bīraṇatthambakasusānaṃyeva gantvā susānabhāvaṃ ñatvā ‘‘aññattha chaḍḍessāmā’’ti ākaḍḍhiṃsu. Atha nesaṃ valli chijjittha, pacchā cāletuṃ nāsakkhiṃsu. Te tatova pakkantā. Tena vuttaṃ – ‘‘bīraṇatthambake susāne chaḍḍesu’’nti.
9. д̇знубасан̇гамийд̇и гасмаа убасан̇гами? со гира жинд̇зси ‘‘авасзсам̣ д̇аава саман̣асса г̇од̇амасса важанам̣ самзд̇и, мад̇асса бана удтааяа ан̃н̃зна сад̣̇д̇хим̣ гат̇анам̣ наама над̇т̇и, ханд̣̇аахам̣ г̇анд̇ваа бужчаами. сажз гат̇зд̇и, сунд̣̇арам̣. но жз гат̇зд̇и, саман̣ам̣ г̇од̇амам̣ мусааваад̣̇зна ниг̇г̇ан̣хиссаамий’’д̇и иминаа гааран̣зна убасан̇гами. аагодзсийд̇и бахари. ж̇аанаами аавусод̇и мад̇асарийрам̣ удтахид̇ваа гат̇зд̇ум̣ самад̇т̇ам̣ наама над̇т̇и, ид̣̇ам̣ гат̇ам̣ гат̇зсийд̇и? б̣уд̣̇д̇хаанубхаавзна. бхаг̇аваа гира горагкад̇д̇ияам̣ асураяонид̇о аанзд̇ваа сарийрз ад̇химожзд̇ваа гат̇аабзси. д̇амзва ваа сарийрам̣ гат̇аабзси, ажинд̇зяяо хи б̣уд̣̇д̇хависаяо.
9.Tenupasaṅkamīti kasmā upasaṅkami? So kira cintesi ‘‘avasesaṃ tāva samaṇassa gotamassa vacanaṃ sameti, matassa pana uṭṭhāya aññena saddhiṃ kathanaṃ nāma natthi, handāhaṃ gantvā pucchāmi. Sace katheti, sundaraṃ. No ce katheti, samaṇaṃ gotamaṃ musāvādena niggaṇhissāmī’’ti iminā kāraṇena upasaṅkami. Ākoṭesīti pahari. Jānāmi āvusoti matasarīraṃ uṭṭhahitvā kathetuṃ samatthaṃ nāma natthi, idaṃ kathaṃ kathesīti? Buddhānubhāvena. Bhagavā kira korakkhattiyaṃ asurayonito ānetvā sarīre adhimocetvā kathāpesi. Tameva vā sarīraṃ kathāpesi, acinteyyo hi buddhavisayo.
10. д̇ат̇зва д̇ам̣ вибааганд̇и д̇асса важанасса вибаагам̣ д̇ат̇зва, уд̣̇ааху нод̇и лин̇г̇авибаллаасо гад̇о, д̇ат̇зва со вибаагод̇и ад̇т̇о. гзжи бана ‘‘вибагга’’нд̇иби батанд̇и, ниб̣б̣ад̇д̇анд̇и ад̇т̇о.
10.Tatheva taṃ vipākanti tassa vacanassa vipākaṃ tatheva, udāhu noti liṅgavipallāso kato, tatheva so vipākoti attho. Keci pana ‘‘vipakka’’ntipi paṭhanti, nibbattanti attho.
зд̇т̇а тад̇ваа баадихаарияаани самаанзд̇аб̣б̣аани. саб̣б̣аанзва хзд̇аани бан̃жа баадихаарияаани хонд̇и. ‘‘сад̇д̇амз д̣̇ивасз мариссад̇ий’’д̇и вуд̇д̇ам̣, со д̇ат̇зва мад̇о, ид̣̇ам̣ батамам̣ баадихаарияам̣. ‘‘аласагзнаа’’д̇и вуд̇д̇ам̣, аласагзнзва мад̇о, ид̣̇ам̣ д̣̇уд̇ияам̣. ‘‘гаалаган̃жигзсу ниб̣б̣ад̇д̇иссад̇ий’’д̇и вуд̇д̇ам̣, д̇ад̇т̇зва ниб̣б̣ад̇д̇о, ид̣̇ам̣ д̇ад̇ияам̣. ‘‘б̣ийран̣ад̇т̇амб̣агз сусаанз чад̣д̣зссанд̇ий’’д̇и вуд̇д̇ам̣, д̇ад̇т̇зва чад̣д̣ид̇о , ид̣̇ам̣ жад̇уд̇т̇ам̣. ‘‘ниб̣б̣ад̇д̇адтаанад̇о ааг̇анд̇ваа сунагкад̇д̇зна сад̣̇д̇хим̣ гат̇зссад̇ий’’д̇и вуд̇д̇о, со гат̇зсиязва, ид̣̇ам̣ бан̃жамам̣ баадихаарияам̣.
Ettha ṭhatvā pāṭihāriyāni samānetabbāni. Sabbāneva hetāni pañca pāṭihāriyāni honti. ‘‘Sattame divase marissatī’’ti vuttaṃ, so tatheva mato, idaṃ paṭhamaṃ pāṭihāriyaṃ. ‘‘Alasakenā’’ti vuttaṃ, alasakeneva mato, idaṃ dutiyaṃ. ‘‘Kālakañcikesu nibbattissatī’’ti vuttaṃ, tattheva nibbatto, idaṃ tatiyaṃ. ‘‘Bīraṇatthambake susāne chaḍḍessantī’’ti vuttaṃ, tattheva chaḍḍito , idaṃ catutthaṃ. ‘‘Nibbattaṭṭhānato āgantvā sunakkhattena saddhiṃ kathessatī’’ti vutto, so kathesiyeva, idaṃ pañcamaṃ pāṭihāriyaṃ.
ажзлагал̣аарамаддагавад̇т̇уван̣н̣анаа
Acelakaḷāramaṭṭakavatthuvaṇṇanā
11. гал̣аарамаддагод̇и нигканд̇ад̣̇анд̇амад̇д̇аго. наамамзва ваа д̇ассзд̇ам̣. лаабхаг̇г̇аббад̇д̇од̇и лаабхаг̇г̇ам̣ бад̇д̇о, аг̇г̇алаабхам̣ бад̇д̇од̇и вуд̇д̇ам̣ ход̇и. яасаг̇г̇аббад̇д̇од̇и яасаг̇г̇ам̣ аг̇г̇абариваарам̣ бад̇д̇о. вад̇абад̣̇аанийд̇и вад̇ааниязва, вад̇агодтаасаа ваа. самад̇д̇аанийд̇и г̇ахид̇аани. самаад̣̇иннаанийд̇и д̇ассзва взважанам̣. бурад̇т̇имзна взсаалинд̇и взсаалид̇о авид̣̇уурз бурад̇т̇имааяа д̣̇исааяа. жзд̇ияанд̇и яагкажзд̇ияадтаанам̣. зса наяо саб̣б̣ад̇т̇а.
11.Kaḷāramaṭṭakoti nikkhantadantamattako. Nāmameva vā tassetaṃ. Lābhaggappattoti lābhaggaṃ patto, aggalābhaṃ pattoti vuttaṃ hoti. Yasaggappattoti yasaggaṃ aggaparivāraṃ patto. Vatapadānīti vatāniyeva, vatakoṭṭhāsā vā. Samattānīti gahitāni. Samādinnānīti tasseva vevacanaṃ. Puratthimena vesālinti vesālito avidūre puratthimāya disāya. Cetiyanti yakkhacetiyaṭṭhānaṃ. Esa nayo sabbattha.
12. язна ажзлагод̇и бхаг̇авад̇о вад̇д̇ам̣ гад̇ваа язна ажзло гал̣аарамаддаго д̇знубасан̇гами. бан̃хам̣ абужчийд̇и г̇амбхийрам̣ д̇илагкан̣аахад̇ам̣ бан̃хам̣ бужчи. на самбааяаасийд̇и на саммаа н̃аан̣аг̇ад̇ияаа бааяааси, анд̇хо вияа висамадтаанз д̇ад̇т̇а д̇ад̇т̇зва багкали. нзва аад̣̇им̣, на барияосаанамад̣̇д̣̇аса. ат̇а ваа ‘‘на самбааяаасий’’д̇и на самбаад̣̇зси, самбаад̣̇зд̇ваа гат̇зд̇ум̣ наасагки. асамбааяанд̇од̇и габ̣арагкийни баривад̇д̇зд̇ваа ологзнд̇о ‘‘асигкид̇агасса санд̇игз вудтоси, аногаасзби баб̣б̣аж̇ид̇о бан̃хам̣ бужчанд̇о вижараси, абзхи маа зд̇асмим̣ таанз адтаасий’’д̇и вад̣̇анд̇о. гобан̃жа д̣̇осан̃жа аббажжаяан̃жа баад̇ваагаасийд̇и губбанаагаарам̣ гобам̣, д̣̇уссанаагаарам̣ д̣̇осам̣, ад̇удтаагаарабхууд̇ам̣ д̣̇оманассасан̇каад̇ам̣ аббажжаяан̃жа баагадамагааси. аасаад̣̇имхасзд̇и аасаад̣̇ияимха гхаддаяимха. маа вад̇а но ахосийд̇и ахо вад̇а мз на бхавзяяа. мам̣ вад̇а но ахосийд̇иби баато. д̇ад̇т̇а манд̇и саамиважанад̇т̇з убаяог̇аважанам̣, ахоси вад̇а ну мамаад̇и ад̇т̇о. зван̃жа бана жинд̇зд̇ваа уггудигам̣ нисийд̣̇ид̇ваа ‘‘камат̇а мз, бханд̇з’’д̇и д̇ам̣ камаабзси. соби ид̇о бадтааяа ан̃н̃ам̣ гин̃жи бан̃хам̣ наама на бужчиссасийд̇и. аама на бужчиссаамийд̇и. яад̣̇и звам̣ г̇ажча, камаами д̇зд̇и д̇ам̣ уяяож̇зси.
12.Yena acelakoti bhagavato vattaṃ katvā yena acelo kaḷāramaṭṭako tenupasaṅkami. Pañhaṃ apucchīti gambhīraṃ tilakkhaṇāhataṃ pañhaṃ pucchi. Na sampāyāsīti na sammā ñāṇagatiyā pāyāsi, andho viya visamaṭṭhāne tattha tattheva pakkhali. Neva ādiṃ, na pariyosānamaddasa. Atha vā ‘‘na sampāyāsī’’ti na sampādesi, sampādetvā kathetuṃ nāsakkhi. Asampāyantoti kabarakkhīni parivattetvā olokento ‘‘asikkhitakassa santike vuṭṭhosi, anokāsepi pabbajito pañhaṃ pucchanto vicarasi, apehi mā etasmiṃ ṭhāne aṭṭhāsī’’ti vadanto. Kopañca dosañca appaccayañca pātvākāsīti kuppanākāraṃ kopaṃ, dussanākāraṃ dosaṃ, atuṭṭhākārabhūtaṃ domanassasaṅkhātaṃ appaccayañca pākaṭamakāsi. Āsādimhaseti āsādiyimha ghaṭṭayimha. Mā vata no ahosīti aho vata me na bhaveyya. Maṃ vata no ahosītipi pāṭho. Tattha manti sāmivacanatthe upayogavacanaṃ, ahosi vata nu mamāti attho. Evañca pana cintetvā ukkuṭikaṃ nisīditvā ‘‘khamatha me, bhante’’ti taṃ khamāpesi. Sopi ito paṭṭhāya aññaṃ kiñci pañhaṃ nāma na pucchissasīti. Āma na pucchissāmīti. Yadi evaṃ gaccha, khamāmi teti taṃ uyyojesi.
14. барихид̇од̇и барид̣̇ахид̇о нивад̇т̇авад̇т̇о. саанужааригод̇и анужааригаа вужжад̇и бхарияаа, саха анужааригааяа саанужаариго, д̇ам̣ д̇ам̣ б̣рахмажарияам̣ бахааяа сабхарияод̇и ад̇т̇о. од̣̇анагуммаасанд̇и сураамам̣сад̇о ад̇ирзгам̣ од̣̇анамби гуммаасамби бхун̃ж̇амаано. яасаа нихийнод̇и яам̣ лаабхаг̇г̇аяасаг̇г̇ам̣ бад̇д̇о, д̇ад̇о барихийно худ̇ваа. ‘‘гад̇ам̣ ход̇и уд̇д̇аримануссад̇хаммаа ид̣̇д̇хибаадихаарияа’’нд̇и ид̇ха сад̇д̇авад̇абад̣̇аад̇иггамавасзна сад̇д̇а баадихаарияаани взд̣̇ид̇аб̣б̣аани.
14.Parihitoti paridahito nivatthavattho. Sānucārikoti anucārikā vuccati bhariyā, saha anucārikāya sānucāriko, taṃ taṃ brahmacariyaṃ pahāya sabhariyoti attho. Odanakummāsanti surāmaṃsato atirekaṃ odanampi kummāsampi bhuñjamāno. Yasā nihīnoti yaṃ lābhaggayasaggaṃ patto, tato parihīno hutvā. ‘‘Kataṃ hoti uttarimanussadhammā iddhipāṭihāriya’’nti idha sattavatapadātikkamavasena satta pāṭihāriyāni veditabbāni.
ажзлабаат̇игабуд̇д̇авад̇т̇уван̣н̣анаа
Acelapāthikaputtavatthuvaṇṇanā
15. баат̇игабуд̇д̇од̇и баат̇игасса буд̇д̇о. н̃аан̣аваад̣̇знаад̇и н̃аан̣аваад̣̇зна сад̣̇д̇хим̣. убад̣дхабат̇анд̇и яож̇анам̣ жз, но анд̇арз бхавзяяа, г̇од̇амо ад̣дхаяож̇анам̣, ахам̣ ад̣дхаяож̇анам̣. зса наяо ад̣дхаяож̇анаад̣̇ийсу. згабад̣̇аваарамби ад̇иггамма г̇ажчад̇о ж̇аяо бхависсад̇и, анааг̇ажчад̇о барааж̇аяод̇и. д̇з д̇ад̇т̇аад̇и д̇з маяам̣ д̇ад̇т̇а самааг̇ад̇адтаанз. д̇ад̣̇д̣̇иг̇ун̣ам̣ д̇ад̣̇д̣̇иг̇ун̣ааханд̇и д̇ад̇о д̇ад̇о д̣̇иг̇ун̣ам̣ д̣̇иг̇ун̣ам̣ ахам̣ гариссаами, бхаг̇авад̇аа сад̣̇д̇хим̣ баадихаарияам̣ гаад̇ум̣ асамад̇т̇абхаавам̣ ж̇аананд̇оби ‘‘уд̇д̇амабурисзна сад̣̇д̇хим̣ бадтабзд̇ваа асаггун̣анд̇ассааби баасам̣со ход̇ий’’д̇и н̃ад̇ваа звамааха. наг̇араваасиноби д̇ам̣ суд̇ваа ‘‘асамад̇т̇о наама звам̣ на г̇аж̇ж̇ад̇и, ад̣̇д̇хаа аяамби арахаа бхависсад̇ий’’д̇и д̇асса маханд̇ам̣ саггаарамагам̣су.
15.Pāthikaputtoti pāthikassa putto. Ñāṇavādenāti ñāṇavādena saddhiṃ. Upaḍḍhapathanti yojanaṃ ce, no antare bhaveyya, gotamo aḍḍhayojanaṃ, ahaṃ aḍḍhayojanaṃ. Esa nayo aḍḍhayojanādīsu. Ekapadavārampi atikkamma gacchato jayo bhavissati, anāgacchato parājayoti. Te tatthāti te mayaṃ tattha samāgataṭṭhāne. Taddiguṇaṃ taddiguṇāhanti tato tato diguṇaṃ diguṇaṃ ahaṃ karissāmi, bhagavatā saddhiṃ pāṭihāriyaṃ kātuṃ asamatthabhāvaṃ jānantopi ‘‘uttamapurisena saddhiṃ paṭṭhapetvā asakkuṇantassāpi pāsaṃso hotī’’ti ñatvā evamāha. Nagaravāsinopi taṃ sutvā ‘‘asamattho nāma evaṃ na gajjati, addhā ayampi arahā bhavissatī’’ti tassa mahantaṃ sakkāramakaṃsu.
16. язнаахам̣ д̇знубасан̇гамийд̇и ‘‘сунагкад̇д̇о гира баат̇игабуд̇д̇о звам̣ вад̣̇ад̇ий’’д̇и ассоси. ат̇асса хийнаж̇жхаасаяад̇д̇аа хийнад̣̇ассанааяа жид̇д̇ам̣ уд̣̇абаад̣̇и.
16.Yenāhaṃ tenupasaṅkamīti ‘‘sunakkhatto kira pāthikaputto evaṃ vadatī’’ti assosi. Athassa hīnajjhāsayattā hīnadassanāya cittaṃ udapādi.
со бхаг̇авад̇о вад̇д̇ам̣ гад̇ваа бхаг̇авад̇и г̇анд̇хагудим̣ бавидтз баат̇игабуд̇д̇асса санд̇игам̣ г̇анд̇ваа бужчи ‘‘д̇умхз гира зваруубим̣ гат̇ам̣ гат̇зт̇аа’’д̇и? ‘‘аама, гат̇змаа’’д̇и. яад̣̇и звам̣ ‘‘маа бхааяид̇т̇а виссад̇т̇аа бунаббунам̣ звам̣ вад̣̇ат̇а, ахам̣ саман̣асса г̇од̇амасса убадтааго, д̇асса висаяам̣ виж̇аанаами, д̇умхзхи сад̣̇д̇хим̣ баадихаарияам̣ гаад̇ум̣ на сагкиссад̇и, ахам̣ саман̣асса г̇од̇амасса гат̇зд̇ваа бхаяам̣ уббаад̣̇зд̇ваа д̇ам̣ ан̃н̃ад̇о г̇ахзд̇ваа г̇амиссаами, д̇умхз маа бхааяид̇т̇аа’’д̇и д̇ам̣ ассаасзд̇ваа бхаг̇авад̇о санд̇игам̣ г̇ад̇о. д̇зна вуд̇д̇ам̣ ‘‘язнаахам̣ д̇знубасан̇гамий’’д̇и. д̇ам̣ ваажанд̇иаад̣̇ийсу ‘‘ахам̣ аб̣уд̣̇д̇хова самаано б̣уд̣̇д̇хомхийд̇и вижарим̣, абхууд̇ам̣ мз гат̇ид̇ам̣ наахам̣ б̣уд̣̇д̇хо’’д̇и вад̣̇анд̇о д̇ам̣ ваажам̣ баж̇ахад̇и наама. рахо нисийд̣̇ид̇ваа жинд̇аяамаано ‘‘ахам̣ ‘зд̇д̇агам̣ гаалам̣ аб̣уд̣̇д̇хова самаано б̣уд̣̇д̇хомхий’д̇и вижарим̣, ид̇о д̣̇аани бадтааяа наахам̣ б̣уд̣̇д̇хо’’д̇и жинд̇аяанд̇о д̇ам̣ жид̇д̇ам̣ баж̇ахад̇и наама. ‘‘ахам̣ ‘зд̇д̇агам̣ гаалам̣ аб̣уд̣̇д̇хова самаано б̣уд̣̇д̇хомхий’д̇и баабагам̣ д̣̇идтим̣ г̇ахзд̇ваа вижарим̣, ид̇о д̣̇аани бадтааяа имам̣ д̣̇идтим̣ баж̇ахаамий’’д̇и баж̇аханд̇о д̇ам̣ д̣̇идтим̣ бадиниссаж̇ж̇ад̇и наама. звам̣ агаронд̇о бана д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваад̇и вужжад̇и. вибад̇зяяаад̇и б̣анд̇ханаа муд̇д̇ад̇аалабаггам̣ вияа г̇ийвад̇о бад̇зяяа, сад̇д̇ад̇хаа ваа бана палзяяа.
So bhagavato vattaṃ katvā bhagavati gandhakuṭiṃ paviṭṭhe pāthikaputtassa santikaṃ gantvā pucchi ‘‘tumhe kira evarūpiṃ kathaṃ kathethā’’ti? ‘‘Āma, kathemā’’ti. Yadi evaṃ ‘‘mā bhāyittha vissatthā punappunaṃ evaṃ vadatha, ahaṃ samaṇassa gotamassa upaṭṭhāko, tassa visayaṃ vijānāmi, tumhehi saddhiṃ pāṭihāriyaṃ kātuṃ na sakkhissati, ahaṃ samaṇassa gotamassa kathetvā bhayaṃ uppādetvā taṃ aññato gahetvā gamissāmi, tumhe mā bhāyitthā’’ti taṃ assāsetvā bhagavato santikaṃ gato. Tena vuttaṃ ‘‘yenāhaṃ tenupasaṅkamī’’ti. Taṃ vācantiādīsu ‘‘ahaṃ abuddhova samāno buddhomhīti vicariṃ, abhūtaṃ me kathitaṃ nāhaṃ buddho’’ti vadanto taṃ vācaṃ pajahati nāma. Raho nisīditvā cintayamāno ‘‘ahaṃ ‘ettakaṃ kālaṃ abuddhova samāno buddhomhī’ti vicariṃ, ito dāni paṭṭhāya nāhaṃ buddho’’ti cintayanto taṃ cittaṃ pajahati nāma. ‘‘Ahaṃ ‘ettakaṃ kālaṃ abuddhova samāno buddhomhī’ti pāpakaṃ diṭṭhiṃ gahetvā vicariṃ, ito dāni paṭṭhāya imaṃ diṭṭhiṃ pajahāmī’’ti pajahanto taṃ diṭṭhiṃ paṭinissajjati nāma. Evaṃ akaronto pana taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvāti vuccati. Vipateyyāti bandhanā muttatālapakkaṃ viya gīvato pateyya, sattadhā vā pana phaleyya.
17. рагкад̇зд̇анд̇и рагкад̇у зд̇ам̣. згам̣сзнаад̇и ниббарияааязна. од̇хаарид̇аад̇и бхаасид̇аа. ажзло жа, бханд̇з, баат̇игабуд̇д̇од̇и звам̣ згам̣сзна бхаг̇авад̇о ваажааяа од̇хаарид̇ааяа сажз ажзло баат̇игабуд̇д̇о. вируубаруубзнаад̇и виг̇ад̇аруубзна виг̇ажчид̇асабхаавзна руубзна ад̇д̇ано руубам̣ бахааяа ад̣̇иссамаанзна гааязна. сийхаб̣яаг̇гхаад̣̇ивасзна ваа вивид̇харуубзна саммукийбхаавам̣ ааг̇ажчзяяа. д̇ад̣̇асса бхаг̇авад̇о мусаад̇и звам̣ санд̇з бхаг̇авад̇о д̇ам̣ важанам̣ мусаа бхавзяяаад̇и мусааваад̣̇зна ниг̇г̇ан̣хаад̇и. табзд̇ваа гира зд̇ам̣ на ан̃н̃зна бхаг̇аваа мусааваад̣̇зна ниг̇г̇ахид̇абуб̣б̣од̇и.
17.Rakkhatetanti rakkhatu etaṃ. Ekaṃsenāti nippariyāyena. Odhāritāti bhāsitā. Aceloca, bhante, pāthikaputtoti evaṃ ekaṃsena bhagavato vācāya odhāritāya sace acelo pāthikaputto. Virūparūpenāti vigatarūpena vigacchitasabhāvena rūpena attano rūpaṃ pahāya adissamānena kāyena. Sīhabyagghādivasena vā vividharūpena sammukhībhāvaṃ āgaccheyya. Tadassa bhagavato musāti evaṃ sante bhagavato taṃ vacanaṃ musā bhaveyyāti musāvādena niggaṇhāti. Ṭhapetvā kira etaṃ na aññena bhagavā musāvādena niggahitapubboti.
18. д̣̇ваяаг̇ааминийд̇и саруубзна ад̇т̇ибхаавам̣, ад̇т̇зна над̇т̇ибхааванд̇и звам̣ д̣̇ваяаг̇ааминий. алигад̇ужчанибпалаваажааяа зд̇ам̣ ад̇хиважанам̣.
18.Dvayagāminīti sarūpena atthibhāvaṃ, atthena natthibhāvanti evaṃ dvayagāminī. Alikatucchanipphalavācāya etaṃ adhivacanaṃ.
19. аж̇ид̇оби наама лижчавийнам̣ сзнаабад̇ийд̇и со гира бхаг̇авад̇о убадтааго ахоси, со гааламагааси. ат̇асса сарийрагижжам̣ гад̇ваа мануссаа баат̇игабуд̇д̇ам̣ бужчим̣су ‘‘гухим̣ ниб̣б̣ад̇д̇о сзнаабад̇ий’’д̇и? со ааха – ‘‘махаанираяз ниб̣б̣ад̇д̇о’’д̇и. ид̣̇ан̃жа бана вад̇ваа буна ааха ‘‘д̇умхаагам̣ сзнаабад̇и мама санд̇игам̣ ааг̇амма ахам̣ д̇умхаагам̣ важанамагад̇ваа саман̣асса г̇од̇амасса ваад̣̇ам̣ бад̇идтабзд̇ваа нираяз ниб̣б̣ад̇д̇омхий’’д̇и барод̣̇ид̇т̇аад̇и. д̇знубасан̇гами д̣̇иваавихаарааяаад̇и зд̇т̇а ‘‘баадихаарияагаран̣ад̇т̇ааяаа’’д̇и гасмаа на вад̣̇ад̇и? абхааваа. саммукийбхаавоби хисса д̇зна сад̣̇д̇хим̣ над̇т̇и, гуд̇о баадихаарияагаран̣ам̣, д̇асмаа д̇ат̇аа авад̇ваа ‘‘д̣̇иваавихаарааяаа’’д̇и ааха.
19.Ajitopi nāma licchavīnaṃ senāpatīti so kira bhagavato upaṭṭhāko ahosi, so kālamakāsi. Athassa sarīrakiccaṃ katvā manussā pāthikaputtaṃ pucchiṃsu ‘‘kuhiṃ nibbatto senāpatī’’ti? So āha – ‘‘mahāniraye nibbatto’’ti. Idañca pana vatvā puna āha ‘‘tumhākaṃ senāpati mama santikaṃ āgamma ahaṃ tumhākaṃ vacanamakatvā samaṇassa gotamassa vādaṃ patiṭṭhapetvā niraye nibbattomhī’’ti paroditthāti. Tenupasaṅkami divāvihārāyāti ettha ‘‘pāṭihāriyakaraṇatthāyā’’ti kasmā na vadati? Abhāvā. Sammukhībhāvopi hissa tena saddhiṃ natthi, kuto pāṭihāriyakaraṇaṃ, tasmā tathā avatvā ‘‘divāvihārāyā’’ti āha.
ид̣̇д̇хибаадихаарияагат̇ааван̣н̣анаа
Iddhipāṭihāriyakathāvaṇṇanā
20. г̇ахабад̇инзжаяигаад̇и г̇ахабад̇и махаасаалаа. д̇зсан̃хи махаад̇ханад̇хан̃н̃анижаяо, д̇асмаа ‘‘нзжаяигаа’’д̇и вужжанд̇и. анзгасахассаад̇и сахассзхиби абаримаан̣аг̇ан̣анаа. звам̣ махад̇им̣ гира барисам̣ табзд̇ваа сунагкад̇д̇ам̣ ан̃н̃о саннибаад̇зд̇ум̣ самад̇т̇о над̇т̇и. д̇знзва бхаг̇аваа зд̇д̇агам̣ гаалам̣ сунагкад̇д̇ам̣ г̇ахзд̇ваа вижари.
20.Gahapatinecayikāti gahapati mahāsālā. Tesañhi mahādhanadhaññanicayo, tasmā ‘‘necayikā’’ti vuccanti. Anekasahassāti sahassehipi aparimāṇagaṇanā. Evaṃ mahatiṃ kira parisaṃ ṭhapetvā sunakkhattaṃ añño sannipātetuṃ samattho natthi. Teneva bhagavā ettakaṃ kālaṃ sunakkhattaṃ gahetvā vicari.
21. бхаяанд̇и жид̇д̇уд̇раасабхаяам̣. чамбхид̇ад̇д̇анд̇и сагаласарийражаланам̣. ломахам̣сод̇и ломаанам̣ уд̣̇д̇хаг̇г̇абхааво. со гира жинд̇зси – ‘‘ахам̣ ад̇имаханд̇ам̣ гат̇ам̣ гат̇зд̇ваа сад̣̇звагз логз аг̇г̇абуг̇г̇алзна сад̣̇д̇хим̣ бадивируд̣̇д̇хо, маяхам̣ ко банаб̣бханд̇арз арахад̇д̇ам̣ ваа баадихаарияагаран̣ахзд̇у ваа над̇т̇и, саман̣о бана г̇од̇амо баадихаарияам̣ гариссад̇и, ат̇асса баадихаарияам̣ д̣̇исваа махааж̇ано ‘д̇вам̣ д̣̇аани баадихаарияам̣ гаад̇ум̣ асаггонд̇о гасмаа ад̇д̇ано бамаан̣амаж̇аанид̇ваа логз аг̇г̇абуг̇г̇алзна сад̣̇д̇хим̣ бадималло худ̇ваа г̇аж̇ж̇асий’д̇и гадталзд̣д̣уд̣̇ан̣д̣аад̣̇ийхи вихзтзссад̇ий’’д̇и. д̇знасса махааж̇анасаннибаад̇ан̃жзва д̇зна бхаг̇авад̇о жа ааг̇аманам̣ суд̇ваа бхаяам̣ ваа чамбхид̇ад̇д̇ам̣ ваа ломахам̣со ваа уд̣̇абаад̣̇и. со д̇ад̇о д̣̇угкаа мужжид̇угаамо д̇инд̣̇угакаан̣угабариб̣б̣ааж̇агаараамам̣ аг̇амааси. д̇амад̇т̇ам̣ д̣̇ассзд̇ум̣ ат̇а ко бхаг̇аваад̇иаад̣̇имааха . д̇ад̇т̇а убасан̇гамийд̇и на гзвалам̣ убасан̇гами, убасан̇гамид̇ваа бана д̣̇уурам̣ ад̣дхаяож̇ананд̇арам̣ бариб̣б̣ааж̇агаараамам̣ бавидто. д̇ад̇т̇аби жид̇д̇ассаад̣̇ам̣ алабхамаано анд̇анд̇зна аавиж̇жхид̇ваа аараамабажжанд̇з згам̣ г̇аханадтаанам̣ убад̇хаарзд̇ваа баасаан̣апалагз нисийд̣̇и. ат̇а бхаг̇аваа жинд̇зси – ‘‘сажз аяам̣ б̣аало гассажид̣̇зва гат̇ам̣ г̇ахзд̇ваа ид̇хааг̇ажчзяяа, маа нассад̇у б̣аало’’д̇и ‘‘нисиннабаасаан̣апалагам̣ д̇асса сарийрз аллийнам̣ ход̇уу’’д̇и ад̇хидтааси. саха ад̇хидтаанажид̇д̇зна д̇ам̣ д̇асса сарийрз аллийяи. со махааад̣̇д̣̇уб̣анд̇ханаб̣ад̣̇д̇хо вияа чиннабаад̣̇о вияа жа ахоси.
21.Bhayanti cittutrāsabhayaṃ. Chambhitattanti sakalasarīracalanaṃ. Lomahaṃsoti lomānaṃ uddhaggabhāvo. So kira cintesi – ‘‘ahaṃ atimahantaṃ kathaṃ kathetvā sadevake loke aggapuggalena saddhiṃ paṭiviruddho, mayhaṃ kho panabbhantare arahattaṃ vā pāṭihāriyakaraṇahetu vā natthi, samaṇo pana gotamo pāṭihāriyaṃ karissati, athassa pāṭihāriyaṃ disvā mahājano ‘tvaṃ dāni pāṭihāriyaṃ kātuṃ asakkonto kasmā attano pamāṇamajānitvā loke aggapuggalena saddhiṃ paṭimallo hutvā gajjasī’ti kaṭṭhaleḍḍudaṇḍādīhi viheṭhessatī’’ti. Tenassa mahājanasannipātañceva tena bhagavato ca āgamanaṃ sutvā bhayaṃ vā chambhitattaṃ vā lomahaṃso vā udapādi. So tato dukkhā muccitukāmo tindukakhāṇukaparibbājakārāmaṃ agamāsi. Tamatthaṃ dassetuṃ atha kho bhagavātiādimāha . Tattha upasaṅkamīti na kevalaṃ upasaṅkami, upasaṅkamitvā pana dūraṃ aḍḍhayojanantaraṃ paribbājakārāmaṃ paviṭṭho. Tatthapi cittassādaṃ alabhamāno antantena āvijjhitvā ārāmapaccante ekaṃ gahanaṭṭhānaṃ upadhāretvā pāsāṇaphalake nisīdi. Atha bhagavā cintesi – ‘‘sace ayaṃ bālo kassacideva kathaṃ gahetvā idhāgaccheyya, mā nassatu bālo’’ti ‘‘nisinnapāsāṇaphalakaṃ tassa sarīre allīnaṃ hotū’’ti adhiṭṭhāsi. Saha adhiṭṭhānacittena taṃ tassa sarīre allīyi. So mahāaddubandhanabaddho viya chinnapādo viya ca ahosi.
ассосийд̇и ид̇о жид̇о жа баат̇игабуд̇д̇ам̣ бариязсамаанаа барисаа д̇асса анубад̣̇ам̣ г̇анд̇ваа нисиннадтаанам̣ н̃ад̇ваа ааг̇ад̇зна ан̃н̃ад̇арзна бурисзна ‘‘д̇умхз гам̣ бариязсат̇аа’’д̇и вуд̇д̇з баат̇игабуд̇д̇анд̇и. со ‘‘д̇инд̣̇угакаан̣угабариб̣б̣ааж̇агаараамз нисинно’’д̇и вуд̇д̇аважанзна ассоси.
Assosīti ito cito ca pāthikaputtaṃ pariyesamānā parisā tassa anupadaṃ gantvā nisinnaṭṭhānaṃ ñatvā āgatena aññatarena purisena ‘‘tumhe kaṃ pariyesathā’’ti vutte pāthikaputtanti. So ‘‘tindukakhāṇukaparibbājakārāme nisinno’’ti vuttavacanena assosi.
22. сам̣саббад̇ийд̇и осийд̣̇ад̇и. д̇ад̇т̇зва сан̃жарад̇и. баавал̣аа вужжад̇и аанисад̣̇адтигаа.
22.Saṃsappatīti osīdati. Tattheva sañcarati. Pāvaḷā vuccati ānisadaṭṭhikā.
23. бараабхууд̇аруубод̇и барааж̇ид̇аруубо, винадтаруубо ваа.
23.Parābhūtarūpoti parājitarūpo, vinaṭṭharūpo vā.
25. г̇ояуг̇зхийд̇и г̇ояуд̇д̇зхи сад̇амад̇д̇зхи ваа сахассамад̇д̇зхи ваа яуг̇зхи. аавин̃чзяяаамаад̇и аагад̣дхзяяаама. чиж̇ж̇зяяунд̇и чинд̣̇зяяум̣. баат̇игабуд̇д̇о ваа б̣анд̇хадтаанз чиж̇ж̇зяяа.
25.Goyugehīti goyuttehi satamattehi vā sahassamattehi vā yugehi. Āviñcheyyāmāti ākaḍḍheyyāma. Chijjeyyunti chindeyyuṃ. Pāthikaputto vā bandhaṭṭhāne chijjeyya.
26. д̣̇аарубад̇д̇иганд̇зваасийд̇и д̣̇аарубад̇д̇игасса анд̇зваасий. д̇асса гира зд̇ад̣̇ахоси ‘‘д̇идтад̇у д̇аава баадихаарияам̣, саман̣о г̇од̇амо ‘ажзло баат̇игабуд̇д̇о аасанааби на вудтахиссад̇ий’д̇и ааха. ханд̣̇аахам̣ г̇анд̇ваа язна гзнажи убааязна д̇ам̣ аасанаа вудтаабзми. зд̇д̇аавад̇аа жа саман̣асса г̇од̇амасса барааж̇аяо бхависсад̇ий’’д̇и. д̇асмаа звамааха.
26.Dārupattikantevāsīti dārupattikassa antevāsī. Tassa kira etadahosi ‘‘tiṭṭhatu tāva pāṭihāriyaṃ, samaṇo gotamo ‘acelo pāthikaputto āsanāpi na vuṭṭhahissatī’ti āha. Handāhaṃ gantvā yena kenaci upāyena taṃ āsanā vuṭṭhāpemi. Ettāvatā ca samaṇassa gotamassa parājayo bhavissatī’’ti. Tasmā evamāha.
27. сийхассаад̇и жад̇д̇ааро сийхаа д̇ин̣асийхо жа гаал̣асийхо жа бан̣д̣усийхо жа гзсарасийхо жа. д̇зсам̣ жад̇уннам̣ сийхаанам̣ гзсарасийхо аг̇г̇ад̇ам̣ г̇ад̇о, со ид̇хаад̇хиббзд̇о. миг̇аран̃н̃од̇и саб̣б̣ажад̇уббад̣̇аанам̣ ран̃н̃о. аасаяанд̇и ниваасам̣. сийханаад̣̇анд̇и абхийд̇анаад̣̇ам̣. г̇ожарааяа баггамзяяанд̇и аахаарад̇т̇ааяа баггамзяяам̣. варам̣ варанд̇и уд̇д̇амуд̇д̇амам̣, т̇уулам̣ т̇ууланд̇и ад̇т̇о. муд̣̇умам̣саанийд̇и муд̣̇ууни мам̣саани . ‘‘мад̇хумам̣сааний’’д̇иби баато, мад̇хурамам̣саанийд̇и ад̇т̇о. аж̇жхубзяяанд̇и убаг̇ажчзяяам̣. сийханаад̣̇ам̣ над̣̇ид̇ваад̇и яз д̣̇уб̣б̣алаа баан̣аа, д̇з балааяанд̇ууд̇и ад̇д̇ано суурабхаавасанниссид̇зна гаарун̃н̃зна над̣̇ид̇ваа.
27.Sīhassāti cattāro sīhā tiṇasīho ca kāḷasīho ca paṇḍusīho ca kesarasīho ca. Tesaṃ catunnaṃ sīhānaṃ kesarasīho aggataṃ gato, so idhādhippeto. Migaraññoti sabbacatuppadānaṃ rañño. Āsayanti nivāsaṃ. Sīhanādanti abhītanādaṃ. Gocarāyapakkameyyanti āhāratthāya pakkameyyaṃ. Varaṃ varanti uttamuttamaṃ, thūlaṃ thūlanti attho. Mudumaṃsānīti mudūni maṃsāni . ‘‘Madhumaṃsānī’’tipi pāṭho, madhuramaṃsānīti attho. Ajjhupeyyanti upagaccheyyaṃ. Sīhanādaṃ naditvāti ye dubbalā pāṇā, te palāyantūti attano sūrabhāvasannissitena kāruññena naditvā.
28. вигхаасасам̣вад̣дход̇и вигхаасзна сам̣вад̣дхо, вигхаасам̣ бхагкид̇аа д̇ирид̇д̇амам̣сам̣ каад̣̇ид̇ваа вад̣дхид̇о. д̣̇ид̇д̇од̇и д̣̇аббид̇о т̇ууласарийро. б̣алаваад̇и б̣аласамбанно. зд̇ад̣̇ахосийд̇и гасмаа ахоси? асмимаанад̣̇осзна.
28.Vighāsasaṃvaḍḍhoti vighāsena saṃvaḍḍho, vighāsaṃ bhakkhitā tirittamaṃsaṃ khāditvā vaḍḍhito. Dittoti dappito thūlasarīro. Balavāti balasampanno. Etadahosīti kasmā ahosi? Asmimānadosena.
д̇ад̇рааяам̣ анубуб̣б̣игат̇аа – згад̣̇ивасам̣ гира со сийхо г̇ожарад̇о нивад̇д̇амаано д̇ам̣ син̇г̇аалам̣ бхаязна балааяамаанам̣ д̣̇исваа гаарун̃н̃аж̇аад̇о худ̇ваа ‘‘ваяаса, маа бхааяи, д̇идта го наама д̇ва’’нд̇и ааха. ж̇амб̣уго наамаахам̣ саамийд̇и. ваяаса, ж̇амб̣уга, ид̇о бадтааяа мам̣ убадтаад̇ум̣ сагкиссасийд̇и. убадтахиссаамийд̇и. со д̇ад̇о бадтааяа убадтаад̇и. сийхо г̇ожарад̇о ааг̇ажчанд̇о маханд̇ам̣ маханд̇ам̣ мам̣сакан̣д̣ам̣ аахарад̇и. со д̇ам̣ каад̣̇ид̇ваа авид̣̇уурз баасаан̣абидтз васад̇и. со гад̇ибаахажжаязнзва т̇ууласарийро махааканд̇хо ж̇аад̇о. ат̇а нам̣ сийхо авожа – ‘‘ваяаса, ж̇амб̣уга, мама виж̇амбханагаалз авид̣̇уурз тад̇ваа ‘вирожа саамий’д̇и вад̇д̇ум̣ сагкиссасий’’д̇и. саггоми саамийд̇и. со д̇асса виж̇амбханагаалз д̇ат̇аа гарод̇и . д̇зна сийхасса ад̇ирзго асмимаано ход̇и.
Tatrāyaṃ anupubbikathā – ekadivasaṃ kira so sīho gocarato nivattamāno taṃ siṅgālaṃ bhayena palāyamānaṃ disvā kāruññajāto hutvā ‘‘vayasa, mā bhāyi, tiṭṭha ko nāma tva’’nti āha. Jambuko nāmāhaṃ sāmīti. Vayasa, jambuka, ito paṭṭhāya maṃ upaṭṭhātuṃ sakkhissasīti. Upaṭṭhahissāmīti. So tato paṭṭhāya upaṭṭhāti. Sīho gocarato āgacchanto mahantaṃ mahantaṃ maṃsakhaṇḍaṃ āharati. So taṃ khāditvā avidūre pāsāṇapiṭṭhe vasati. So katipāhaccayeneva thūlasarīro mahākhandho jāto. Atha naṃ sīho avoca – ‘‘vayasa, jambuka, mama vijambhanakāle avidūre ṭhatvā ‘viroca sāmī’ti vattuṃ sakkhissasī’’ti. Sakkomi sāmīti. So tassa vijambhanakāle tathā karoti . Tena sīhassa atireko asmimāno hoti.
ат̇згад̣̇ивасам̣ ж̇арасин̇г̇аало уд̣̇агасон̣д̣ияам̣ баанийяам̣ биванд̇о ад̇д̇ано чааяам̣ ологзнд̇о ад̣̇д̣̇аса ад̇д̇ано т̇ууласарийрад̇ан̃жзва махааканд̇хад̇ан̃жа. д̣̇исваа ‘ж̇арасин̇г̇аалосмий’д̇и манам̣ агад̇ваа ‘‘ахамби сийхо ж̇аад̇о’’д̇и ман̃н̃и. д̇ад̇о ад̇д̇анаава ад̇д̇аанам̣ зд̇ад̣̇авожа – ‘‘ваяаса, ж̇амб̣уга, яуд̇д̇ам̣ наама д̇ава иминаа ад̇д̇абхаавзна барасса ужчидтамам̣сам̣ каад̣̇ид̇ум̣, гим̣ д̇вам̣ бурисо на хоси, сийхассааби жад̇д̇ааро баад̣̇аа д̣̇вз д̣̇аатаа д̣̇вз ган̣н̣аа згам̣ нан̇г̇удтам̣, д̇аваби саб̣б̣ам̣ д̇ат̇зва, гзвалам̣ д̇ава гзсарабхаарамад̇д̇амзва над̇т̇ий’’д̇и. д̇ассзвам̣ жинд̇аяад̇о асмимаано вад̣дхи. ат̇асса д̇зна асмимаанад̣̇осзна зд̇ам̣ ‘‘го жааха’’нд̇иаад̣̇и ман̃н̃ид̇амахоси. д̇ад̇т̇а го жааханд̇и ахам̣ го, сийхо миг̇арааж̇аа го, на мз н̃аад̇и, на саамиго, гимахам̣ д̇асса нибажжагаарам̣ гаромийд̇и ад̇хиббааяо. син̇г̇аалагам̣язваад̇и син̇г̇ааларавамзва. бхзран̣д̣агам̣язваад̇и аббияааманаабасад̣̇д̣̇амзва. гз жа чавз син̇г̇аалзд̇и го жа лаамаго син̇г̇аало. гз бана сийханаад̣̇зд̇и го бана сийханаад̣̇о син̇г̇ааласса жа сийханаад̣̇асса жа го самб̣анд̇ход̇и ад̇хиббааяо. суг̇ад̇аабад̣̇аанзсууд̇и суг̇ад̇алагкан̣зсу. суг̇ад̇асса саасанасамбхууд̇аасу д̇ийсу сигкаасу. гат̇ам̣ банзса д̇ад̇т̇а ж̇ийвад̇и? зд̇асса хи жад̇д̇ааро бажжаяз д̣̇ад̣̇амаанаа сийлаад̣̇иг̇ун̣асамбаннаанам̣ самб̣уд̣̇д̇хаанам̣ д̣̇змаад̇и д̣̇знд̇и, д̇зна зса аб̣уд̣̇д̇хо самаано б̣уд̣̇д̇хаанам̣ нияаамид̇абажжаяз барибхун̃ж̇анд̇о суг̇ад̇аабад̣̇аанзсу ж̇ийвад̇и наама. суг̇ад̇аад̇ирид̇д̇аанийд̇и д̇зсам̣ гира бхож̇анаани д̣̇ад̣̇амаанаа б̣уд̣̇д̇хаанан̃жа б̣уд̣̇д̇хасаавагаанан̃жа д̣̇ад̇ваа бажчаа авасзсам̣ сааяанхасамаяз д̣̇знд̇и. звамзса суг̇ад̇аад̇ирид̇д̇аани бхун̃ж̇ад̇и наама. д̇ат̇ааг̇ад̇зд̇и д̇ат̇ааг̇ад̇ам̣ араханд̇ам̣ саммаасамб̣уд̣̇д̇хам̣ аасаад̣̇зд̇аб̣б̣ам̣ гхаддаяид̇аб̣б̣ам̣. ат̇а ваа ‘‘д̇ат̇ааг̇ад̇з’’д̇иаад̣̇ийни убаяог̇аб̣ахуважанаанзва. аасаад̣̇зд̇аб̣б̣анд̇и ид̣̇амби б̣ахуважанамзва згаважанам̣ вияа вуд̇д̇ам̣. аасаад̣̇анаад̇и ахам̣ б̣уд̣̇д̇хзна сад̣̇д̇хим̣ баадихаарияам̣ гариссаамийд̇и гхадданаа.
Athekadivasaṃ jarasiṅgālo udakasoṇḍiyaṃ pānīyaṃ pivanto attano chāyaṃ olokento addasa attano thūlasarīratañceva mahākhandhatañca. Disvā ‘jarasiṅgālosmī’ti manaṃ akatvā ‘‘ahampi sīho jāto’’ti maññi. Tato attanāva attānaṃ etadavoca – ‘‘vayasa, jambuka, yuttaṃ nāma tava iminā attabhāvena parassa ucchiṭṭhamaṃsaṃ khādituṃ, kiṃ tvaṃ puriso na hosi, sīhassāpi cattāro pādā dve dāṭhā dve kaṇṇā ekaṃ naṅguṭṭhaṃ, tavapi sabbaṃ tatheva, kevalaṃ tava kesarabhāramattameva natthī’’ti. Tassevaṃ cintayato asmimāno vaḍḍhi. Athassa tena asmimānadosena etaṃ ‘‘ko cāha’’ntiādi maññitamahosi. Tattha ko cāhanti ahaṃ ko, sīho migarājā ko, na me ñāti, na sāmiko, kimahaṃ tassa nipaccakāraṃ karomīti adhippāyo. Siṅgālakaṃyevāti siṅgālaravameva. Bheraṇḍakaṃyevāti appiyaamanāpasaddameva. Ke ca chave siṅgāleti ko ca lāmako siṅgālo. Ke pana sīhanādeti ko pana sīhanādo siṅgālassa ca sīhanādassa ca ko sambandhoti adhippāyo. Sugatāpadānesūti sugatalakkhaṇesu. Sugatassa sāsanasambhūtāsu tīsu sikkhāsu. Kathaṃ panesa tattha jīvati? Etassa hi cattāro paccaye dadamānā sīlādiguṇasampannānaṃ sambuddhānaṃ demāti denti, tena esa abuddho samāno buddhānaṃ niyāmitapaccaye paribhuñjanto sugatāpadānesu jīvati nāma. Sugatātirittānīti tesaṃ kira bhojanāni dadamānā buddhānañca buddhasāvakānañca datvā pacchā avasesaṃ sāyanhasamaye denti. Evamesa sugatātirittāni bhuñjati nāma. Tathāgateti tathāgataṃ arahantaṃ sammāsambuddhaṃ āsādetabbaṃ ghaṭṭayitabbaṃ. Atha vā ‘‘tathāgate’’tiādīni upayogabahuvacanāneva. Āsādetabbanti idampi bahuvacanameva ekavacanaṃ viya vuttaṃ. Āsādanāti ahaṃ buddhena saddhiṃ pāṭihāriyaṃ karissāmīti ghaṭṭanā.
29. самзгкияаанаад̇и самзгкид̇ваа, ман̃н̃ид̇ваад̇и ад̇т̇о. аман̃н̃ийд̇и буна аман̃н̃ид̇т̇а год̇т̇ууд̇и син̇г̇аало.
29.Samekkhiyānāti samekkhitvā, maññitvāti attho. Amaññīti puna amaññittha kotthūti siṅgālo.
30. ад̇д̇аанам̣ вигхаасз самзгкияаад̇и сон̣д̣ияам̣ ужчидтод̣̇агз т̇уулам̣ ад̇д̇абхаавам̣ д̣̇исваа. яаава ад̇д̇аанам̣ на бассад̇ийд̇и яаава ахам̣ сийхавигхаасасам̣вад̣дхид̇аго ж̇арасин̇г̇аалод̇и звам̣ яат̇аабхууд̇ам̣ ад̇д̇аанам̣ на бассад̇и. б̣яаг̇гход̇и ман̃н̃ад̇ийд̇и сийхохамасмийд̇и ман̃н̃ад̇и, сийхзна ваа самаанаб̣ало б̣яаг̇гхоязва аханд̇и ман̃н̃ад̇и.
30.Attānaṃ vighāse samekkhiyāti soṇḍiyaṃ ucchiṭṭhodake thūlaṃ attabhāvaṃ disvā. Yāva attānaṃ na passatīti yāva ahaṃ sīhavighāsasaṃvaḍḍhitako jarasiṅgāloti evaṃ yathābhūtaṃ attānaṃ na passati. Byagghoti maññatīti sīhohamasmīti maññati, sīhena vā samānabalo byagghoyeva ahanti maññati.
31. бхуд̇ваана бхзгзд̇и ааваадаман̣д̣уугз каад̣̇ид̇ваа. каламуусигааяод̇и калзсу муусигааяо жа каад̣̇ид̇ваа. гадасийсу кид̇д̇аани жа гон̣абаанийд̇и сусаанзсу чад̣д̣ид̇агун̣абаани жа каад̣̇ид̇ваа. махааванзд̇и маханд̇з ванасмим̣. сун̃н̃аванзд̇и д̇ужчаванз. вивад̣дход̇и вад̣дхид̇о. д̇ат̇зва со син̇г̇аалагам̣ анад̣̇ийд̇и звам̣ сам̣вад̣дхоби миг̇арааж̇аахамасмийд̇и ман̃н̃ид̇вааби яат̇аа буб̣б̣з д̣̇уб̣б̣аласин̇г̇аалагаалз, д̇ат̇зва со син̇г̇ааларавам̣язва аравийд̇и . имааяаби г̇аат̇ааяа бхзгаад̣̇ийни бхуд̇ваа вад̣дхид̇асин̇г̇аало вияа лаабхасаггаараг̇ид̣̇д̇хо д̇ванд̇и баат̇игабуд̇д̇амзва гхаддзси.
31.Bhutvāna bheketi āvāṭamaṇḍūke khāditvā. Khalamūsikāyoti khalesu mūsikāyo ca khāditvā. Kaṭasīsu khittāni ca koṇapānīti susānesu chaḍḍitakuṇapāni ca khāditvā. Mahāvaneti mahante vanasmiṃ. Suññavaneti tucchavane. Vivaḍḍhoti vaḍḍhito. Tatheva so siṅgālakaṃ anadīti evaṃ saṃvaḍḍhopi migarājāhamasmīti maññitvāpi yathā pubbe dubbalasiṅgālakāle, tatheva so siṅgālaravaṃyeva aravīti . Imāyapi gāthāya bhekādīni bhutvā vaḍḍhitasiṅgālo viya lābhasakkāragiddho tvanti pāthikaputtameva ghaṭṭesi.
нааг̇зхийд̇и хад̇т̇ийхи. махааб̣анд̇ханаад̇и махад̇аа гилзсаб̣анд̇ханаа можзд̇ваа. махаавид̣̇уг̇г̇аад̇и махаавид̣̇уг̇г̇ам̣ наама жад̇д̇ааро огхаа. д̇ад̇о уд̣̇д̇харид̇ваа ниб̣б̣аанат̇алз бад̇идтабзд̇ваа.
Nāgehīti hatthīhi. Mahābandhanāti mahatā kilesabandhanā mocetvā. Mahāviduggāti mahāviduggaṃ nāma cattāro oghā. Tato uddharitvā nibbānathale patiṭṭhapetvā.
аг̇г̇ан̃н̃абан̃н̃ад̇д̇игат̇ааван̣н̣анаа
Aggaññapaññattikathāvaṇṇanā
36. ид̇и ‘‘бхаг̇аваа зд̇д̇агзна гат̇аамаг̇г̇зна баадихаарияам̣ на гарод̇ий’’д̇и бад̣̇асса анусанд̇хим̣ д̣̇ассзд̇ваа ид̣̇аани ‘‘на аг̇г̇ан̃н̃ам̣ бан̃н̃аабзд̇ий’’д̇и имасса анусанд̇хим̣ д̣̇ассзнд̇о аг̇г̇ан̃н̃ан̃жааханд̇и д̣̇зсанам̣ аарабхи. д̇ад̇т̇а аг̇г̇ан̃н̃ан̃жааханд̇и ахам̣, бхаг̇г̇ава, аг̇г̇ан̃н̃ан̃жа баж̇аанаами логуббад̇д̇ижарияавам̣сан̃жа. д̇ан̃жа баж̇аанаамийд̇и на гзвалам̣ аг̇г̇ан̃н̃амзва, д̇ан̃жа аг̇г̇ан̃н̃ам̣ баж̇аанаами. д̇ад̇о жа уд̇д̇арид̇арам̣ сийласамаад̇хид̇о бадтааяа яаава саб̣б̣ан̃н̃уд̇ан̃н̃аан̣аа баж̇аанаами. д̇ан̃жа баж̇аанам̣ на бараамасаамийд̇и д̇ан̃жа баж̇аананд̇оби ахам̣ ид̣̇ам̣ наама баж̇аанаамийд̇и д̇ан̣хаад̣̇идтимаанавасзна на бараамасаами. над̇т̇и д̇ат̇ааг̇ад̇асса бараамаасод̇и д̣̇ийбзд̇и. бажжад̇д̇ан̃н̃зва ниб̣б̣уд̇и вид̣̇ид̇аад̇и ад̇д̇анааязва ад̇д̇ани гилзсаниб̣б̣аанам̣ вид̣̇ид̇ам̣. яад̣̇абхиж̇аанам̣ д̇ат̇ааг̇ад̇од̇и яам̣ гилзсаниб̣б̣аанам̣ ж̇аананд̇о д̇ат̇ааг̇ад̇о. но анаяам̣ аабаж̇ж̇ад̇ийд̇и авид̣̇ид̇аниб̣б̣аанаа д̇ид̇т̇ияаа вияа анаяам̣ д̣̇угкам̣ б̣яасанам̣ наабаж̇ж̇ад̇и.
36. Iti ‘‘bhagavā ettakena kathāmaggena pāṭihāriyaṃ na karotī’’ti padassa anusandhiṃ dassetvā idāni ‘‘na aggaññaṃ paññāpetī’’ti imassa anusandhiṃ dassento aggaññañcāhanti desanaṃ ārabhi. Tattha aggaññañcāhanti ahaṃ, bhaggava, aggaññañca pajānāmi lokuppatticariyavaṃsañca. Tañca pajānāmīti na kevalaṃ aggaññameva, tañca aggaññaṃ pajānāmi. Tato ca uttaritaraṃ sīlasamādhito paṭṭhāya yāva sabbaññutaññāṇā pajānāmi. Tañca pajānaṃ na parāmasāmīti tañca pajānantopi ahaṃ idaṃ nāma pajānāmīti taṇhādiṭṭhimānavasena na parāmasāmi. Natthi tathāgatassa parāmāsoti dīpeti. Paccattaññevanibbuti viditāti attanāyeva attani kilesanibbānaṃ viditaṃ. Yadabhijānaṃ tathāgatoti yaṃ kilesanibbānaṃ jānanto tathāgato. No anayaṃ āpajjatīti aviditanibbānā titthiyā viya anayaṃ dukkhaṃ byasanaṃ nāpajjati.
37. ид̣̇аани яам̣ д̇ам̣ д̇ид̇т̇ияаа аг̇г̇ан̃н̃ам̣ бан̃н̃абзнд̇и, д̇ам̣ д̣̇ассзнд̇о санд̇и бхаг̇г̇аваад̇иаад̣̇имааха. д̇ад̇т̇а иссарагуд̇д̇ам̣ б̣рахмагуд̇д̇анд̇и иссарагад̇ам̣ б̣рахмагад̇ам̣, иссараниммид̇ам̣ б̣рахманиммид̇анд̇и ад̇т̇о. б̣рахмаа зва хи зд̇т̇а аад̇хибажжабхаавзна иссарод̇и взд̣̇ид̇аб̣б̣о. аажарияаганд̇и аажарияабхаавам̣ аажарияаваад̣̇ам̣. д̇ад̇т̇а аажарияаваад̣̇о аг̇г̇ан̃н̃ам̣. аг̇г̇ан̃н̃ам̣ бана зд̇т̇а д̣̇зсид̇анд̇и гад̇ваа со аг̇г̇ан̃н̃ам̣ д̇взва вуд̇д̇о. гат̇ам̣ вихид̇аганд̇и гзна вихид̇ам̣ гинд̇и вихид̇ам̣. сзсам̣ б̣рахмаж̇аалз вид̇т̇аарид̇анаязнзва взд̣̇ид̇аб̣б̣ам̣.
37. Idāni yaṃ taṃ titthiyā aggaññaṃ paññapenti, taṃ dassento santi bhaggavātiādimāha. Tattha issarakuttaṃ brahmakuttanti issarakataṃ brahmakataṃ, issaranimmitaṃ brahmanimmitanti attho. Brahmā eva hi ettha ādhipaccabhāvena issaroti veditabbo. Ācariyakanti ācariyabhāvaṃ ācariyavādaṃ. Tattha ācariyavādo aggaññaṃ. Aggaññaṃ pana ettha desitanti katvā so aggaññaṃ tveva vutto. Kathaṃ vihitakanti kena vihitaṃ kinti vihitaṃ. Sesaṃ brahmajāle vitthāritanayeneva veditabbaṃ.
41. кид̣д̣аабад̣̇осиганд̇и кид̣д̣аабад̣̇осигамуулам̣.
41.Khiḍḍāpadosikanti khiḍḍāpadosikamūlaṃ.
47. асад̇аад̇и авиж̇ж̇амаанзна, асам̣виж̇ж̇амаанадтзнаад̇и ад̇т̇о. д̇ужчаад̇и д̇ужчзна анд̇осааравирахид̇зна. мусаад̇и мусааваад̣̇зна. абхууд̇знаад̇и бхууд̇ад̇т̇авирахид̇зна. аб̣бхаажигканд̇ийд̇и абхиаажигканд̇и. вибарийд̇од̇и вибарийд̇асан̃н̃о вибарийд̇ажид̇д̇о. бхигкаво жаад̇и на гзвалам̣ саман̣о г̇од̇амоязва, яз жа асса анусидтим̣ гаронд̇и, д̇з бхигкуу жа вибарийд̇аа. ат̇а яам̣ санд̇хааяа вибарийд̇од̇и вад̣̇анд̇и, д̇ам̣ д̣̇ассзд̇ум̣ саман̣о г̇од̇амод̇иаад̣̇и вуд̇д̇ам̣. субхам̣ вимогканд̇и ван̣н̣агасин̣ам̣. асубханд̇взваад̇и субхан̃жа асубхан̃жа саб̣б̣ам̣ асубханд̇и звам̣ баж̇аанаад̇и. субханд̇взва д̇асмим̣ самаязд̇и субханд̇и зва жа д̇асмим̣ самаяз баж̇аанаад̇и, на асубхам̣. бхигкаво жаад̇и яз д̇з звам̣ вад̣̇анд̇и, д̇зсам̣ бхигкаво жа анд̇зваасигасаман̣аа вибарийд̇аа. баход̇ийд̇и самад̇т̇о бадиб̣ало.
47.Asatāti avijjamānena, asaṃvijjamānaṭṭhenāti attho. Tucchāti tucchena antosāravirahitena. Musāti musāvādena. Abhūtenāti bhūtatthavirahitena. Abbhācikkhantīti abhiācikkhanti. Viparītoti viparītasañño viparītacitto. Bhikkhavo cāti na kevalaṃ samaṇo gotamoyeva, ye ca assa anusiṭṭhiṃ karonti, te bhikkhū ca viparītā. Atha yaṃ sandhāya viparītoti vadanti, taṃ dassetuṃ samaṇo gotamotiādi vuttaṃ. Subhaṃ vimokkhanti vaṇṇakasiṇaṃ. Asubhantvevāti subhañca asubhañca sabbaṃ asubhanti evaṃ pajānāti. Subhantveva tasmiṃ samayeti subhanti eva ca tasmiṃ samaye pajānāti, na asubhaṃ. Bhikkhavo cāti ye te evaṃ vadanti, tesaṃ bhikkhavo ca antevāsikasamaṇā viparītā. Pahotīti samattho paṭibalo.
48. д̣̇уггарам̣ код̇и аяам̣ бариб̣б̣ааж̇аго яад̣̇ид̣̇ам̣ ‘‘звам̣басанно ахам̣, бханд̇з’’д̇иаад̣̇имааха, д̇ам̣ саатзяязна гохан̃н̃зна ааха. звам̣ гирасса ахоси – ‘‘саман̣о г̇од̇амо маяхам̣ зд̇д̇агам̣ д̇хаммагат̇ам̣ гат̇зси, д̇амахам̣ суд̇вааби баб̣б̣аж̇ид̇ум̣ на саггоми, маяаа зд̇асса саасанам̣ бадибаннасад̣̇исзна бхавид̇ум̣ ваддад̇ий’’д̇и. д̇ад̇о со саатзяязна гохан̃н̃зна звамааха. д̇знасса бхаг̇аваа маммам̣ гхаддзнд̇о вияа ‘‘д̣̇уггарам̣ ко зд̇ам̣, бхаг̇г̇ава д̇аяаа ан̃н̃ад̣̇идтигзнаа’’д̇иаад̣̇имааха. д̇ам̣ бодтабаад̣̇асуд̇д̇з вуд̇д̇ад̇т̇амзва. саад̇хугаманурагкаад̇и судту анурагка.
48.Dukkaraṃ khoti ayaṃ paribbājako yadidaṃ ‘‘evaṃpasanno ahaṃ, bhante’’tiādimāha, taṃ sāṭheyyena kohaññena āha. Evaṃ kirassa ahosi – ‘‘samaṇo gotamo mayhaṃ ettakaṃ dhammakathaṃ kathesi, tamahaṃ sutvāpi pabbajituṃ na sakkomi, mayā etassa sāsanaṃ paṭipannasadisena bhavituṃ vaṭṭatī’’ti. Tato so sāṭheyyena kohaññena evamāha. Tenassa bhagavā mammaṃ ghaṭṭento viya ‘‘dukkaraṃ kho etaṃ, bhaggava tayā aññadiṭṭhikenā’’tiādimāha. Taṃ poṭṭhapādasutte vuttatthameva. Sādhukamanurakkhāti suṭṭhu anurakkha.
ид̇и бхаг̇аваа басаад̣̇амад̇д̇аанурагкан̣з бариб̣б̣ааж̇агам̣ нияож̇зси. соби звам̣ маханд̇ам̣ суд̇д̇анд̇ам̣ суд̇вааби наасагки гилзсагкаяам̣ гаад̇ум̣. д̣̇зсанаа банасса ааяад̇им̣ ваасанааяа бажжаяо ахоси. сзсам̣ саб̣б̣ад̇т̇а уд̇д̇аанад̇т̇амзваад̇и.
Iti bhagavā pasādamattānurakkhaṇe paribbājakaṃ niyojesi. Sopi evaṃ mahantaṃ suttantaṃ sutvāpi nāsakkhi kilesakkhayaṃ kātuṃ. Desanā panassa āyatiṃ vāsanāya paccayo ahosi. Sesaṃ sabbattha uttānatthamevāti.
суман̇г̇алавилаасинияаа д̣̇ийгханигааяадтагат̇ааяа
Sumaṅgalavilāsiniyā dīghanikāyaṭṭhakathāya
баат̇игасуд̇д̇аван̣н̣анаа нидтид̇аа.
Pāthikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 1. баат̇игасуд̇д̇ам̣ • 1. Pāthikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 1. баат̇игасуд̇д̇аван̣н̣анаа • 1. Pāthikasuttavaṇṇanā
