| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๗-๑๐. ปฎิพาหนาทิสิกฺขาปทวณฺณนา
7-10. Paṭibāhanādisikkhāpadavaṇṇanā
อานิสํสํ ทเสฺสตฺวา ปฎิพาหนฺติยาติ ‘‘เอกิสฺสา เอกํ สาฎกํ นปฺปโหติ, อาคเมถ ตาว, กติปาเหน อุปฺปชฺชิสฺสติ, ตโต ภาเชสฺสามา’’ติ (ปาจิ. อฎฺฐ. ๙๑๕) เอวํ อานิสํสํ ทเสฺสตฺวา ปฎิพาหนฺติยา อนาปตฺติฯ
Ānisaṃsaṃ dassetvā paṭibāhantiyāti ‘‘ekissā ekaṃ sāṭakaṃ nappahoti, āgametha tāva, katipāhena uppajjissati, tato bhājessāmā’’ti (pāci. aṭṭha. 915) evaṃ ānisaṃsaṃ dassetvā paṭibāhantiyā anāpatti.
อฎฺฐมนวมานิ อุตฺตานตฺถาเนวฯ
Aṭṭhamanavamāni uttānatthāneva.
เสสนฺติ ‘‘ธมฺมิเก เวมติกายา’’ติอาทิกํ อวเสสํฯ ตตฺถ อานิสํสํ ทเสฺสตฺวา ปฎิพาหนฺติยาติ ‘‘ภิกฺขุนิสโงฺฆ ชิณฺณจีวโร, กถินานิสํสมูลโก มหาลาโภ’’ติ (ปาจิ. อฎฺฐ. ๙๓๑) เอวรูปํ อานิสํสํ ทเสฺสตฺวา ปฎิพาหนฺติยา อนาปตฺติฯ
Sesanti ‘‘dhammike vematikāyā’’tiādikaṃ avasesaṃ. Tattha ānisaṃsaṃ dassetvā paṭibāhantiyāti ‘‘bhikkhunisaṅgho jiṇṇacīvaro, kathinānisaṃsamūlako mahālābho’’ti (pāci. aṭṭha. 931) evarūpaṃ ānisaṃsaṃ dassetvā paṭibāhantiyā anāpatti.
ปฎิพาหนาทิสิกฺขาปทวณฺณนา นิฎฺฐิตาฯ
Paṭibāhanādisikkhāpadavaṇṇanā niṭṭhitā.
นคฺควโคฺค ตติโยฯ
Naggavaggo tatiyo.
