| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၇-၁၀. ပဋိဗာဟနာဒိသိက္ခာပဒဝဏ္ဏနာ
7-10. Paṭibāhanādisikkhāpadavaṇṇanā
အာနိသံသံ ဒသ္သေတ္ဝာ ပဋိဗာဟန္တိယာတိ ‘‘ဧကိသ္သာ ဧကံ သာဋကံ နပ္ပဟောတိ, အာဂမေထ တာဝ, ကတိပာဟေန ဥပ္ပဇ္ဇိသ္သတိ, တတော ဘာဇေသ္သာမာ’’တိ (ပာစိ. အဋ္ဌ. ၉၁၅) ဧဝံ အာနိသံသံ ဒသ္သေတ္ဝာ ပဋိဗာဟန္တိယာ အနာပတ္တိ။
Ānisaṃsaṃ dassetvā paṭibāhantiyāti ‘‘ekissā ekaṃ sāṭakaṃ nappahoti, āgametha tāva, katipāhena uppajjissati, tato bhājessāmā’’ti (pāci. aṭṭha. 915) evaṃ ānisaṃsaṃ dassetvā paṭibāhantiyā anāpatti.
အဋ္ဌမနဝမာနိ ဥတ္တာနတ္ထာနေဝ။
Aṭṭhamanavamāni uttānatthāneva.
သေသန္တိ ‘‘ဓမ္မိကေ ဝေမတိကာယာ’’တိအာဒိကံ အဝသေသံ။ တတ္ထ အာနိသံသံ ဒသ္သေတ္ဝာ ပဋိဗာဟန္တိယာတိ ‘‘ဘိက္ခုနိသင္ဃော ဇိဏ္ဏစီဝရော, ကထိနာနိသံသမူလကော မဟာလာဘော’’တိ (ပာစိ. အဋ္ဌ. ၉၃၁) ဧဝရူပံ အာနိသံသံ ဒသ္သေတ္ဝာ ပဋိဗာဟန္တိယာ အနာပတ္တိ။
Sesanti ‘‘dhammike vematikāyā’’tiādikaṃ avasesaṃ. Tattha ānisaṃsaṃ dassetvā paṭibāhantiyāti ‘‘bhikkhunisaṅgho jiṇṇacīvaro, kathinānisaṃsamūlako mahālābho’’ti (pāci. aṭṭha. 931) evarūpaṃ ānisaṃsaṃ dassetvā paṭibāhantiyā anāpatti.
ပဋိဗာဟနာဒိသိက္ခာပဒဝဏ္ဏနာ နိဋ္ဌိတာ။
Paṭibāhanādisikkhāpadavaṇṇanā niṭṭhitā.
နဂ္ဂဝဂ္ဂော တတိယော။
Naggavaggo tatiyo.
