| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
2. පටිභානසුත්‌තවණ්‌ණනා
2. Paṭibhānasuttavaṇṇanā
132. දුතියෙ පටිභානං වුච්‌චති ඤාණම්‌පි ඤාණස්‌ස උපට්‌ඨිතවචනම්‌පි, තං ඉධ අධිප්‌පෙතං, අත්‌ථයුත්‌තං කාරණයුත්‌තඤ්‌ච පටිභානමස්‌සාති යුත්‌තප්‌පටිභානො. පුච්‌ඡානන්‌තරමෙව සීඝං බ්‍යාකාතුං අසමත්‌ථතාය නොමුත්‌තප්‌පටිභානමස්‌සාති නොමුත්‌තප්‌පටිභානො. ඉමිනා නයෙන සෙසා වෙදිතබ්‌බා. එත්‌ථ පන පඨමො කඤ්‌චි කාලං වීමංසිත්‌වා යුත්‌තමෙව පෙක්‌ඛති තිපිටකචූළනාගත්‌ථෙරො විය. සො පන පඤ්‌හං පුට්‌ඨො පරිග්‌ගහෙත්‌වා යුත්‌තප්‌පත්‌තකාරණමෙව කථෙති. දුතියො පුච්‌ඡානන්‌තරමෙව යෙන වා තෙන වා වචනෙන පටිබාහති, වීමංසිත්‌වාපි ච යුත්‌තං න පක්‌ඛෙති චතුනිකායිකපිණ්‌ඩතිස්‌සත්‌ථෙරො විය. සො පන පඤ්‌හං පුට්‌ඨො පඤ්‌හපරියොසානම්‌පි නාගමෙති, යං වා තං වා කථෙතියෙව, වචනත්‌ථං පනස්‌ස වීමංසියමානං කත්‌ථචි න ලගති. තතියො පුච්‌ඡාසමකාලමෙව යුත්‌තං පෙක්‌ඛති, තංඛණංයෙව ච නං බ්‍යාකරොති තිපිටකචූළාභයත්‌ථෙරො විය. සො පන පඤ්‌හං පුට්‌ඨො සීඝමෙව කථෙති, යුත්‌තප්‌පත්‌තකාරණො ච හොති. චතුත්‌ථො පුට්‌ඨො සමානො නෙව යුත්‌තං පෙක්‌ඛති, න යෙන වා තෙන වා පටිබාහිතුං සක්‌කොති, තිබ්‌බන්‌ධකාරනිමුග්‌ගො විය හොති ලාළුදායිත්‌ථෙරො විය.
132. Dutiye paṭibhānaṃ vuccati ñāṇampi ñāṇassa upaṭṭhitavacanampi, taṃ idha adhippetaṃ, atthayuttaṃ kāraṇayuttañca paṭibhānamassāti yuttappaṭibhāno. Pucchānantarameva sīghaṃ byākātuṃ asamatthatāya nomuttappaṭibhānamassāti nomuttappaṭibhāno. Iminā nayena sesā veditabbā. Ettha pana paṭhamo kañci kālaṃ vīmaṃsitvā yuttameva pekkhati tipiṭakacūḷanāgatthero viya. So pana pañhaṃ puṭṭho pariggahetvā yuttappattakāraṇameva katheti. Dutiyo pucchānantarameva yena vā tena vā vacanena paṭibāhati, vīmaṃsitvāpi ca yuttaṃ na pakkheti catunikāyikapiṇḍatissatthero viya. So pana pañhaṃ puṭṭho pañhapariyosānampi nāgameti, yaṃ vā taṃ vā kathetiyeva, vacanatthaṃ panassa vīmaṃsiyamānaṃ katthaci na lagati. Tatiyo pucchāsamakālameva yuttaṃ pekkhati, taṃkhaṇaṃyeva ca naṃ byākaroti tipiṭakacūḷābhayatthero viya. So pana pañhaṃ puṭṭho sīghameva katheti, yuttappattakāraṇo ca hoti. Catuttho puṭṭho samāno neva yuttaṃ pekkhati, na yena vā tena vā paṭibāhituṃ sakkoti, tibbandhakāranimuggo viya hoti lāḷudāyitthero viya.
පටිභානසුත්‌තවණ්‌ණනා නිට්‌ඨිතා.
Paṭibhānasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. පටිභානසුත්‌තං • 2. Paṭibhānasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 2. පටිභානසුත්‌තවණ්‌ණනා • 2. Paṭibhānasuttavaṇṇanā
