| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਪਟਿਭਾਨਸੁਤ੍ਤવਣ੍ਣਨਾ
2. Paṭibhānasuttavaṇṇanā
੧੩੨. ਦੁਤਿਯੇ ਪਟਿਭਾਨਂ વੁਚ੍ਚਤਿ ਞਾਣਮ੍ਪਿ ਞਾਣਸ੍ਸ ਉਪਟ੍ਠਿਤવਚਨਮ੍ਪਿ, ਤਂ ਇਧ ਅਧਿਪ੍ਪੇਤਂ, ਅਤ੍ਥਯੁਤ੍ਤਂ ਕਾਰਣਯੁਤ੍ਤਞ੍ਚ ਪਟਿਭਾਨਮਸ੍ਸਾਤਿ ਯੁਤ੍ਤਪ੍ਪਟਿਭਾਨੋ। ਪੁਚ੍ਛਾਨਨ੍ਤਰਮੇવ ਸੀਘਂ ਬ੍ਯਾਕਾਤੁਂ ਅਸਮਤ੍ਥਤਾਯ ਨੋਮੁਤ੍ਤਪ੍ਪਟਿਭਾਨਮਸ੍ਸਾਤਿ ਨੋਮੁਤ੍ਤਪ੍ਪਟਿਭਾਨੋ। ਇਮਿਨਾ ਨਯੇਨ ਸੇਸਾ વੇਦਿਤਬ੍ਬਾ। ਏਤ੍ਥ ਪਨ ਪਠਮੋ ਕਞ੍ਚਿ ਕਾਲਂ વੀਮਂਸਿਤ੍વਾ ਯੁਤ੍ਤਮੇવ ਪੇਕ੍ਖਤਿ ਤਿਪਿਟਕਚੂਲ਼ਨਾਗਤ੍ਥੇਰੋ વਿਯ। ਸੋ ਪਨ ਪਞ੍ਹਂ ਪੁਟ੍ਠੋ ਪਰਿਗ੍ਗਹੇਤ੍વਾ ਯੁਤ੍ਤਪ੍ਪਤ੍ਤਕਾਰਣਮੇવ ਕਥੇਤਿ। ਦੁਤਿਯੋ ਪੁਚ੍ਛਾਨਨ੍ਤਰਮੇવ ਯੇਨ વਾ ਤੇਨ વਾ વਚਨੇਨ ਪਟਿਬਾਹਤਿ, વੀਮਂਸਿਤ੍વਾਪਿ ਚ ਯੁਤ੍ਤਂ ਨ ਪਕ੍ਖੇਤਿ ਚਤੁਨਿਕਾਯਿਕਪਿਣ੍ਡਤਿਸ੍ਸਤ੍ਥੇਰੋ વਿਯ। ਸੋ ਪਨ ਪਞ੍ਹਂ ਪੁਟ੍ਠੋ ਪਞ੍ਹਪਰਿਯੋਸਾਨਮ੍ਪਿ ਨਾਗਮੇਤਿ, ਯਂ વਾ ਤਂ વਾ ਕਥੇਤਿਯੇવ, વਚਨਤ੍ਥਂ ਪਨਸ੍ਸ વੀਮਂਸਿਯਮਾਨਂ ਕਤ੍ਥਚਿ ਨ ਲਗਤਿ। ਤਤਿਯੋ ਪੁਚ੍ਛਾਸਮਕਾਲਮੇવ ਯੁਤ੍ਤਂ ਪੇਕ੍ਖਤਿ, ਤਂਖਣਂਯੇવ ਚ ਨਂ ਬ੍ਯਾਕਰੋਤਿ ਤਿਪਿਟਕਚੂਲ਼ਾਭਯਤ੍ਥੇਰੋ વਿਯ। ਸੋ ਪਨ ਪਞ੍ਹਂ ਪੁਟ੍ਠੋ ਸੀਘਮੇવ ਕਥੇਤਿ, ਯੁਤ੍ਤਪ੍ਪਤ੍ਤਕਾਰਣੋ ਚ ਹੋਤਿ। ਚਤੁਤ੍ਥੋ ਪੁਟ੍ਠੋ ਸਮਾਨੋ ਨੇવ ਯੁਤ੍ਤਂ ਪੇਕ੍ਖਤਿ, ਨ ਯੇਨ વਾ ਤੇਨ વਾ ਪਟਿਬਾਹਿਤੁਂ ਸਕ੍ਕੋਤਿ, ਤਿਬ੍ਬਨ੍ਧਕਾਰਨਿਮੁਗ੍ਗੋ વਿਯ ਹੋਤਿ ਲਾਲ਼ੁਦਾਯਿਤ੍ਥੇਰੋ વਿਯ।
132. Dutiye paṭibhānaṃ vuccati ñāṇampi ñāṇassa upaṭṭhitavacanampi, taṃ idha adhippetaṃ, atthayuttaṃ kāraṇayuttañca paṭibhānamassāti yuttappaṭibhāno. Pucchānantarameva sīghaṃ byākātuṃ asamatthatāya nomuttappaṭibhānamassāti nomuttappaṭibhāno. Iminā nayena sesā veditabbā. Ettha pana paṭhamo kañci kālaṃ vīmaṃsitvā yuttameva pekkhati tipiṭakacūḷanāgatthero viya. So pana pañhaṃ puṭṭho pariggahetvā yuttappattakāraṇameva katheti. Dutiyo pucchānantarameva yena vā tena vā vacanena paṭibāhati, vīmaṃsitvāpi ca yuttaṃ na pakkheti catunikāyikapiṇḍatissatthero viya. So pana pañhaṃ puṭṭho pañhapariyosānampi nāgameti, yaṃ vā taṃ vā kathetiyeva, vacanatthaṃ panassa vīmaṃsiyamānaṃ katthaci na lagati. Tatiyo pucchāsamakālameva yuttaṃ pekkhati, taṃkhaṇaṃyeva ca naṃ byākaroti tipiṭakacūḷābhayatthero viya. So pana pañhaṃ puṭṭho sīghameva katheti, yuttappattakāraṇo ca hoti. Catuttho puṭṭho samāno neva yuttaṃ pekkhati, na yena vā tena vā paṭibāhituṃ sakkoti, tibbandhakāranimuggo viya hoti lāḷudāyitthero viya.
ਪਟਿਭਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭibhānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਪਟਿਭਾਨਸੁਤ੍ਤਂ • 2. Paṭibhānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਪਟਿਭਾਨਸੁਤ੍ਤવਣ੍ਣਨਾ • 2. Paṭibhānasuttavaṇṇanā
