| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. པཱཊིབྷོགསུཏྟཾ
2. Pāṭibhogasuttaṃ
༡༨༢. 1 ‘‘ཙཏུནྣཾ , བྷིཀྑཝེ, དྷམྨཱནཾ ནཏྠི ཀོཙི པཱཊིབྷོགོ – སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ།
182.2 ‘‘Catunnaṃ , bhikkhave, dhammānaṃ natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ.
‘‘ཀཏམེསཾ ཙཏུནྣཾ? ‘ཛརཱདྷམྨཾ མཱ ཛཱིརཱི’ཏི ནཏྠི ཀོཙི པཱཊིབྷོགོ – སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ; ‘བྱཱདྷིདྷམྨཾ མཱ བྱཱདྷིཡཱི’ཏི ནཏྠི ཀོཙི པཱཊིབྷོགོ – སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ; ‘མརཎདྷམྨཾ མཱ མཱིཡཱི’ཏི ནཏྠི ཀོཙི པཱཊིབྷོགོ – སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ; ‘ཡཱནི ཁོ པན ཏཱནི པུབྦེ ཨཏྟནཱ ཀཏཱནི པཱཔཀཱནི ཀམྨཱནི སཾཀིལེསིཀཱནི པོནོབྷཝིཀཱནི སདརཱནི དུཀྑཝིཔཱཀཱནི ཨཱཡཏིཾ ཛཱཏིཛརཱམརཎིཀཱནི, ཏེསཾ ཝིཔཱཀོ མཱ ནིབྦཏྟཱི’ཏི ནཏྠི ཀོཙི པཱཊིབྷོགོ – སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ།
‘‘Katamesaṃ catunnaṃ? ‘Jarādhammaṃ mā jīrī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ; ‘byādhidhammaṃ mā byādhiyī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ; ‘maraṇadhammaṃ mā mīyī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ; ‘yāni kho pana tāni pubbe attanā katāni pāpakāni kammāni saṃkilesikāni ponobhavikāni sadarāni dukkhavipākāni āyatiṃ jātijarāmaraṇikāni, tesaṃ vipāko mā nibbattī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ.
‘‘ཨིམེསཾ ཁོ, བྷིཀྑཝེ, ཙཏུནྣཾ དྷམྨཱནཾ ནཏྠི ཀོཙི པཱཊིབྷོགོ – སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨི’’ནྟི། དུཏིཡཾ།
‘‘Imesaṃ kho, bhikkhave, catunnaṃ dhammānaṃ natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmi’’nti. Dutiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. པཱཊིབྷོགསུཏྟཝཎྞནཱ • 2. Pāṭibhogasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༣. ཡོདྷཱཛཱིཝསུཏྟཱདིཝཎྞནཱ • 1-3. Yodhājīvasuttādivaṇṇanā
