| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. бадижжасамуббаад̣̇агат̇ааван̣н̣анаа
2. Paṭiccasamuppādakathāvaṇṇanā
448. ид̣̇аани бадижжасамуббаад̣̇агат̇аа наама ход̇и. д̇ад̇т̇а язсам̣ нид̣̇аанаваг̇г̇з ‘‘уббаад̣̇аа ваа д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣ тид̇аава саа д̇хаад̇у д̇хаммадтид̇ад̇аа’’д̇иаад̣̇иважанад̇о (сам̣. ни. 2.20) ‘‘бадижжасамуббаад̣̇о асан̇кад̇о’’д̇и лад̣̇д̇хи, сзяяат̇ааби буб̣б̣асзлияаанан̃жа махисаасагаанан̃жа; д̇з санд̇хааяа бужчаа сагаваад̣̇исса, бадин̃н̃аа ид̇арасса.
448. Idāni paṭiccasamuppādakathā nāma hoti. Tattha yesaṃ nidānavagge ‘‘uppādā vā tathāgatānaṃ anuppādā vā tathāgatānaṃ ṭhitāva sā dhātu dhammaṭṭhitatā’’tiādivacanato (saṃ. ni. 2.20) ‘‘paṭiccasamuppādo asaṅkhato’’ti laddhi, seyyathāpi pubbaseliyānañca mahisāsakānañca; te sandhāya pucchā sakavādissa, paṭiññā itarassa.
449. авиж̇ж̇аа асан̇кад̇аад̇и аад̣̇аяо бан̃хаа авиж̇ж̇аад̣̇ийнам̣язва бадижжасамуббаад̣̇абхаавад̣̇ассанад̇т̇ам̣ вуд̇д̇аа. язна банад̇т̇зна д̇ад̇т̇а згзгам̣ ан̇г̇ам̣ ‘‘бадижжасамуббаад̣̇о’’д̇и вужжад̇и, со бадижжасамуббаад̣̇авибхан̇г̇з вуд̇д̇оязва.
449. Avijjāasaṅkhatāti ādayo pañhā avijjādīnaṃyeva paṭiccasamuppādabhāvadassanatthaṃ vuttā. Yena panatthena tattha ekekaṃ aṅgaṃ ‘‘paṭiccasamuppādo’’ti vuccati, so paṭiccasamuppādavibhaṅge vuttoyeva.
451. авиж̇ж̇аабажжаяаа сан̇каараад̇и яаа д̇ад̇т̇а д̇хаммадтид̇ад̇аад̇иаад̣̇и язна суд̇д̇зна лад̣̇д̇хи бад̇идтаабид̇аа, д̇ассзва ад̇т̇ад̣̇ассанзна лад̣̇д̇хибхинд̣̇анад̇т̇ам̣ вуд̇д̇ам̣. аяан̃хзд̇т̇а ад̇т̇о – яаа аяам̣ хздтаа ‘‘тид̇аава саа д̇хаад̇у д̇хаммадтид̇ад̇аа д̇хамманияаамад̇аа’’д̇и вуд̇д̇аа на саа ан̃н̃ад̇ра авиж̇ж̇аад̣̇ийхи висум̣ згаа ад̇т̇и. авиж̇ж̇аад̣̇ийнам̣ бана бажжаяаанам̣язвзд̇ам̣ наамам̣. уббаннзби хи д̇ат̇ааг̇ад̇з ануббаннзби авиж̇ж̇аад̇о сан̇каараа самбхаванд̇и, сан̇каараад̣̇ийхи жа вин̃н̃аан̣аад̣̇ийни, д̇асмаа ‘‘авиж̇ж̇аабажжаяаа сан̇каараа’’д̇и яаа зд̇асмим̣ бад̣̇з сан̇каарад̇хаммаанам̣ гааран̣адтзна тид̇ад̇аад̇и д̇хаммадтид̇ад̇аа. д̇зсам̣язва жа д̇хаммаанам̣ гааран̣адтзнзва нияаамад̇аад̇и д̇хамманияаамад̇аад̇и авиж̇ж̇аа вужжад̇и. саа жа асан̇кад̇аа, ниб̣б̣аанан̃жа асан̇кад̇анд̇и бужчад̇и. бараваад̣̇ий лад̣̇д̇хивасзна бадиж̇аанид̇ваа буна д̣̇вз асан̇кад̇аанийд̇и будто суд̇д̇аабхаавзна бадигкибид̇ваа лад̣̇д̇хивасзнзва бадиж̇аанаад̇и. сзсабад̣̇зсуби зсзва наяо. хздтаа вуд̇д̇асад̣̇исам̣ бана д̇ад̇т̇а вуд̇д̇анаязнзва взд̣̇ид̇аб̣б̣анд̇и.
451. Avijjāpaccayā saṅkhārāti yā tattha dhammaṭṭhitatātiādi yena suttena laddhi patiṭṭhāpitā, tasseva atthadassanena laddhibhindanatthaṃ vuttaṃ. Ayañhettha attho – yā ayaṃ heṭṭhā ‘‘ṭhitāva sā dhātu dhammaṭṭhitatā dhammaniyāmatā’’ti vuttā na sā aññatra avijjādīhi visuṃ ekā atthi. Avijjādīnaṃ pana paccayānaṃyevetaṃ nāmaṃ. Uppannepi hi tathāgate anuppannepi avijjāto saṅkhārā sambhavanti, saṅkhārādīhi ca viññāṇādīni, tasmā ‘‘avijjāpaccayā saṅkhārā’’ti yā etasmiṃ pade saṅkhāradhammānaṃ kāraṇaṭṭhena ṭhitatāti dhammaṭṭhitatā. Tesaṃyeva ca dhammānaṃ kāraṇaṭṭheneva niyāmatāti dhammaniyāmatāti avijjā vuccati. Sā ca asaṅkhatā, nibbānañca asaṅkhatanti pucchati. Paravādī laddhivasena paṭijānitvā puna dve asaṅkhatānīti puṭṭho suttābhāvena paṭikkhipitvā laddhivaseneva paṭijānāti. Sesapadesupi eseva nayo. Heṭṭhā vuttasadisaṃ pana tattha vuttanayeneva veditabbanti.
бадижжасамуббаад̣̇агат̇ааван̣н̣анаа.
Paṭiccasamuppādakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (54) 2. бадижжасамуббаад̣̇агат̇аа • (54) 2. Paṭiccasamuppādakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. бадижжасамуббаад̣̇агат̇ааван̣н̣анаа • 2. Paṭiccasamuppādakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. бадижжасамуббаад̣̇агат̇ааван̣н̣анаа • 2. Paṭiccasamuppādakathāvaṇṇanā
