6. бадижжасамуббаад̣̇авибхан̇г̇о

1. суд̇д̇анд̇абхааж̇анийяам̣

уд̣̇д̣̇зсаваараван̣н̣анаа

225. ‘‘‘гим̣ваад̣̇ий бханд̇з саммаасамб̣уд̣̇д̇хо’д̇и? ‘вибхаж̇ж̇аваад̣̇ий махаарааж̇аа’’’д̇и (баараа. адта. 1.д̇ад̇ияасан̇г̇ийд̇игат̇аа) мог̇г̇алибуд̇д̇ад̇иссад̇т̇зрзна вуд̇д̇ад̇д̇аа саммаасамб̣уд̣̇д̇хасаавагаа вибхаж̇ж̇аваад̣̇ино. д̇з хи взнаяигаад̣̇ибхаавам̣ вибхаж̇ж̇а вад̣̇анд̇и, жийвараад̣̇ийнам̣ сзвид̇аб̣б̣аасзвид̇аб̣б̣абхаавам̣ ваа сассад̇ужчзд̣̇аваад̣̇з ваа вибхаж̇ж̇а вад̣̇анд̇и ‘‘сассад̇о ад̇д̇аа жа лого жаа’’д̇иаад̣̇ийнам̣ табанийяаанам̣ табанад̇о рааг̇аад̣̇игкаяасса сассад̇асса рааг̇аад̣̇игааяад̣̇ужжарид̇аад̣̇иужчзд̣̇асса жа важанад̇о, на бана згам̣саб̣яаагаран̣ийяаад̣̇аяо д̇аяо бан̃хз абанзд̇ваа вибхаж̇ж̇аб̣яаагаран̣ийяамзва вад̣̇анд̇ийд̇и. вибхаж̇ж̇аваад̣̇ийнам̣ ман̣д̣алам̣ самуухо вибхаж̇ж̇аваад̣̇иман̣д̣алам̣, вибхаж̇ж̇аваад̣̇ино ваа бхаг̇авад̇о барисаа вибхаж̇ж̇аваад̣̇иман̣д̣аланд̇иби вад̣̇анд̇и. аажариязхи вуд̇д̇аавибарийд̇ад̇т̇ад̣̇ийбанзна д̇з анаб̣бхаажигканд̇зна. ‘‘авиж̇ж̇аа бун̃н̃аанзн̃ж̇аабхисан̇каараанам̣ хзд̇убажжаяо ход̇ий’’д̇иаад̣̇им̣ вад̣̇анд̇о гат̇аавад̇т̇умхи бадигкид̇д̇з буг̇г̇алаваад̣̇аад̣̇игз жа вад̣̇анд̇о сагасамаяам̣ воггамад̇и наама, д̇ат̇аа авоггаманд̇зна. барасамаяам̣ д̣̇осааробанаб̣яаабааравирахзна анааяууханд̇зна. ‘‘ид̣̇амби яуд̇д̇ам̣ г̇ахзд̇аб̣б̣а’’нд̇и барасамаяам̣ асамбин̣д̣знд̇знаад̇и гзжи вад̣̇анд̇и.

‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и анан̃н̃а’’нд̇иаад̣̇им̣ (ма. ни. 1.396) вад̣̇анд̇о суд̇д̇ам̣ бадиб̣аахад̇и наама, д̇ат̇аа аббадиб̣ааханд̇зна. ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и (ма. ни. 1.234; баажи. 418, 429), ‘‘субинанд̇з гад̇о вийд̇иггамо аабад̇д̇игаро ход̇ий’’д̇и жа звамаад̣̇им̣ вад̣̇анд̇о винаяам̣ бадиломзд̇и наама, д̇аб̣б̣ибарияааязна д̇ам̣ ануломзнд̇зна. бадиломзнд̇о хи гамманд̇арам̣ бхинд̣̇анд̇о д̇хаммад̇ан̃жа виломзд̇и. суд̇д̇анд̇з вуд̇д̇з жад̇д̇ааро махаабад̣̇зсз, адтагат̇ааяан̃жа вуд̇д̇з суд̇д̇асуд̇д̇аануломааажарияаваад̣̇аад̇д̇аномад̇имахаабад̣̇зсз ологзнд̇зна. д̇ам̣ологанзна хи суд̇д̇з винаяз жа санд̇идтад̇и наад̇ид̇хаавад̇и. д̇хамманд̇и бадижжасамуббаад̣̇абаал̣им̣. ад̇т̇анд̇и д̇ад̣̇ад̇т̇ам̣. хзд̇ухзд̇упалаани ид̇ха наад̇хиббзд̇аани. ‘‘д̣̇угкаад̣̇ийсу ан̃н̃аан̣ам̣ авиж̇ж̇аа’’д̇и вуд̇д̇амад̇т̇ам̣ баривад̇д̇ид̇ваа буна ‘‘буб̣б̣анд̇з ан̃н̃аан̣а’’нд̇иаад̣̇ийхи абарзхиби барияааязхи нид̣̇д̣̇исанд̇зна. ‘‘сан̇каараа иминаа барияааязна бхавод̇и вужжанд̇и, д̇ан̣хаа иминаа барияааязна убаад̣̇аана’’нд̇иаад̣̇инаа нид̣̇д̣̇исанд̇знаад̇и вад̣̇анд̇и.

сад̇д̇од̇и сад̇д̇асун̃н̃ад̇аад̇и вад̣̇анд̇и, сад̇д̇асун̃н̃зсу ваа сан̇каарзсу сад̇д̇авохааро. бажжаяаагаарамзва жаад̇и бажжаяаагааро зва жа, ма-гааро бад̣̇асанд̇хигаро.

д̇асмаад̇и вуд̇д̇анаязна ад̇т̇аван̣н̣анааяа гаад̇аб̣б̣ад̇д̇аа д̣̇уггарад̇д̇аа жа.

бад̇идтам̣ наад̇хиг̇ажчаамийд̇и яад̇т̇а тид̇асса ван̣н̣анаа сугараа ход̇и, д̇ам̣ наяам̣ ад̇д̇аноязва н̃аан̣аб̣алзна наад̇хиг̇ажчаамийд̇и ад̇т̇о. ниссаяам̣ бана аажигканд̇о ааха ‘‘саасанам̣ банид̣̇а’’нд̇иаад̣̇и. ид̇ха саасананд̇и баал̣ид̇хаммамааха, бадижжасамуббаад̣̇амзва ваа. со хи ануломабадиломаад̣̇инаанаад̣̇зсанаанаяаман̣д̣ид̇о аб̣б̣ожчинно аж̇ж̇ааби бавад̇д̇ад̇ийд̇и ниссаяо ход̇и. д̇ад̣̇адтагат̇аасан̇каад̇о жа буб̣б̣аажарияамаг̇г̇од̇и.

‘‘д̇ам̣ сун̣аат̇а самаахид̇аа’’д̇и аад̣̇араж̇ананз гим̣ баяож̇ананд̇и д̇ам̣ д̣̇ассзнд̇о ааха ‘‘вуд̇д̇ан̃хзд̇а’’нд̇иаад̣̇и. адтим̣ гад̇ваад̇и ад̇т̇ам̣ гад̇ваа, яат̇аа ваа на нассад̇и, звам̣ адтиг̇ад̇ам̣ вияа гаронд̇о адтим̣ гад̇ваа. буб̣б̣агаалад̇о абарагаалз бхавам̣ буб̣б̣аабарияам̣. батамаарамбхаад̣̇ид̇о бабхуд̇и кан̣з кан̣з н̃аан̣ависзсам̣ гилзсагкаяависзсан̃жа лабхад̇ийд̇и ад̇т̇о.

гаммавибаагагилзсаваддаанам̣ муулагааран̣ад̇д̇аа аад̣̇ид̇о вуд̇д̇ад̇д̇аа жа авиж̇ж̇аа бадижжасамуббаад̣̇асса муулам̣. д̇ад̇т̇а валлияаа муулз д̣̇идтз д̇ад̇о бабхуд̇и валлияаа харан̣ам̣ вияа бадижжасамуббаад̣̇асса муулз д̣̇идтз д̇ад̇о бабхуд̇и бадижжасамуббаад̣̇ад̣̇зсанаад̇и убамаасам̣санд̣̇анаа на гаад̇аб̣б̣аа. на хи бхаг̇авад̇о ‘‘ид̣̇амзва д̣̇идтам̣, ид̇арам̣ ад̣̇идта’’нд̇и вибхаж̇анийяам̣ ад̇т̇и саб̣б̣асса д̣̇идтад̇д̇аа. муулад̇о бабхуд̇и бана валлияаа харан̣ам̣ вияа муулад̇о бабхуд̇и бадижжасамуббаад̣̇ад̣̇зсанаа гад̇аад̇и ид̣̇амзд̇т̇а сааман̃н̃амад̇хиббзд̇ам̣, б̣од̇ханзяяаж̇жхаасаяавасзна ваа б̣од̇хзд̇аб̣б̣абхаавзна муулаад̣̇ид̣̇ассанасааман̃н̃ан̃жа яож̇зд̇аб̣б̣ам̣.

д̇ассаад̇и –

‘‘са ко со, бхигкавз, гумааро вуд̣̇д̇химанвааяа инд̣̇рияаанам̣ барибаагаманвааяа бан̃жахи гаамаг̇ун̣зхи самаббид̇о…бз… раж̇анийязхи, со жагкунаа руубам̣ д̣̇исваа бияаруубз руубз саараж̇ж̇ад̇и, абияаруубз руубз б̣яаабаж̇ж̇ад̇и, анубадтид̇агааяасад̇ий жа вихарад̇и барид̇д̇ажзд̇асо. со д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и. яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и, со звам̣ анурод̇хавирод̇хам̣ самаабанно яам̣ гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, со д̇ам̣ взд̣̇анам̣ абхинанд̣̇ад̇и абхивад̣̇ад̇и аж̇жхосааяа д̇идтад̇ий’’д̇и (ма. ни. 1.408) –

звам̣ вуд̇д̇асса. звам̣ сод̇ад̣̇ваараад̣̇ийсуби. абхивад̣̇ад̇од̇и ‘‘ахо сукам̣, ахо сука’’нд̇и важийбхзд̣̇агараббад̇д̇ааяа б̣алавад̇ан̣хааяа ‘‘ахам̣ мамаа’’д̇и абхивад̣̇ад̇о. д̇ад̇о б̣алавад̇ияаа можзд̇ум̣ асаггун̣зяяабхаавзна аж̇жхосааяа д̇идтад̇о. д̇ад̇оби б̣алавад̇ий убаад̣̇аанабхууд̇аа д̇ан̣хаа нанд̣̇ий. зд̇т̇а жа абхинанд̣̇анаад̣̇инаа д̇ан̣хаа вуд̇д̇аа, нанд̣̇ийважанзна д̇аббажжаяам̣ убаад̣̇аанам̣ жад̇уб̣б̣ид̇хамби нанд̣̇ид̇аад̇ад̣̇авиббаяог̇ад̇аахи д̇ан̣хаад̣̇идтаабхинанд̣̇анабхаавзхи жаад̇и взд̣̇ид̇аб̣б̣ам̣. ‘‘ж̇аад̇ибажжаяаа ж̇араамаран̣а’’нд̇иаад̣̇иган̃жа д̇ад̇т̇зва махаад̇ан̣хаасан̇каяавимуд̇д̇исуд̇д̇з (ма. ни. 1.402-403) вуд̇д̇ам̣.

вибаагаваддабхууд̇з бадисанд̇хибавад̇д̇ипассаад̣̇аяо гаммасамудтаанан̃жа ож̇ам̣ санд̇хааяа ‘‘жад̇д̇ааро аахаараа д̇ан̣хаанид̣̇аанаа’’д̇иаад̣̇и вуд̇д̇ам̣, ваддуубад̇т̇амбхагаа бана ид̇арзби аахаараа д̇ан̣хаабабхавз д̇асмим̣ авиж̇ж̇амаанз на виж̇ж̇анд̇ийд̇и ‘‘д̇ан̣хаанид̣̇аанаа’’д̇и вад̇д̇ум̣ вадданд̇и.

д̇ад̇о д̇ад̇од̇и жад̇уб̣б̣ид̇хаасу д̣̇зсанаасу д̇ад̇о д̇ад̇о д̣̇зсанаад̇о. н̃ааяаббадивзд̇хааяа сам̣вад̇д̇ад̇ийд̇и н̃ааяод̇и маг̇г̇о, соязва ваа бадижжасамуббаад̣̇о ‘‘арияо жасса н̃ааяо бан̃н̃ааяа суд̣̇идто ход̇ий’’д̇и (сам̣. ни. 2.41) важанад̇о. саяамзва хи саманд̇абхад̣̇рагад̇д̇аа д̇ат̇аа д̇ат̇аа бадивиж̇жхид̇аб̣б̣ад̇д̇аа д̇ааяа д̇ааяа д̣̇зсанааяа ад̇д̇ано бадивзд̇хааяа сам̣вад̇д̇ад̇ийд̇и. саманд̇абхад̣̇рагад̇д̇ам̣ д̣̇зсанаавилаасаббад̇д̇и жа жад̇уннамби д̣̇зсанаанам̣ самаанам̣ гааран̣анд̇и висзсагааран̣ам̣ вад̇д̇угаамо ааха ‘‘висзсад̇о’’д̇и. асса бхаг̇авад̇о д̣̇зсанаа, асса ваа бадижжасамуббаад̣̇асса д̣̇зсанаад̇и яож̇зд̇аб̣б̣ам̣. бавад̇д̇игааран̣авибхааг̇о авиж̇ж̇аад̣̇игова, гааран̣анд̇и ваа г̇ахид̇аанам̣ багад̇иаад̣̇ийнам̣ авиж̇ж̇аад̣̇ийнан̃жа агааран̣ад̇аа гааран̣ад̇аа жа. д̇ад̇т̇а саммуул̣хаа гзжи агааран̣ам̣ ‘‘гааран̣а’’нд̇и г̇ан̣ханд̇и, гзжи на гин̃жи гааран̣ам̣ б̣уж̇жханд̇ийд̇и д̇зсам̣ яат̇аасагзхи ануруубзхи гааран̣зхи сан̇каараад̣̇ибавад̇д̇исанд̣̇ассанад̇т̇ам̣ ануломад̣̇зсанаа бавад̇д̇аа, ид̇араасам̣ д̇ад̣̇ад̇т̇ад̇аасамбхавзби на д̇аасам̣ д̇ад̣̇ад̇т̇амзва бавад̇д̇и ад̇т̇анд̇арасаб̣бхаавад̇о. аяам̣ бана д̇ад̣̇ад̇т̇аа зваад̇и зд̇иссаа д̇ад̣̇ад̇т̇ад̇аа вуд̇д̇аа. бавад̇д̇иаад̣̇ийнавабадижчаад̣̇игаа авиж̇ж̇аа аад̣̇и, д̇ад̇о сан̇каараа уббаж̇ж̇анд̇и д̇ад̇о вин̃н̃аан̣анд̇и звам̣ бавад̇д̇ияаа уббад̇д̇иггамасанд̣̇ассанад̇т̇ан̃жа.

анувилогаяад̇о яо самб̣од̇хид̇о буб̣б̣абхааг̇з д̇ам̣д̇ам̣палабадивзд̇хо бавад̇д̇о, д̇ад̣̇анусаарзна д̇ад̣̇ануг̇амзна ж̇араамаран̣аад̣̇игасса ж̇аад̇иаад̣̇игааран̣ам̣ яам̣ ад̇хиг̇ад̇ам̣, д̇асса санд̣̇ассанад̇т̇ам̣ асса бадиломад̣̇зсанаа бавад̇д̇аа, анувилогаяад̇о бадиломад̣̇зсанаа бавад̇д̇аад̇и ваа самб̣анд̇хо. д̣̇зсзнд̇оби хи бхаг̇аваа гижчаабаннам̣ логам̣ анувилогзд̇ваа буб̣б̣абхааг̇а…бз… санд̣̇ассанад̇т̇ам̣ д̣̇зсзд̇ийд̇и. аахаарад̇ан̣хаад̣̇аяо бажжуббаннад̣̇д̇хаа, сан̇каараавиж̇ж̇аа ад̇ийд̇ад̣̇д̇хаад̇и иминаа ад̇хиббааязнааха ‘‘яаава ад̇ийд̇ам̣ ад̣̇д̇хаанам̣ ад̇ихарид̇ваа’’д̇и, аахаараа ваа д̇ан̣хааяа бабхаавзд̇аб̣б̣аа анааг̇ад̇о ад̣̇д̇хаа, д̇ан̣хаад̣̇аяо бажжуббанно, сан̇каараавиж̇ж̇аа ад̇ийд̇од̇и. бажжагкам̣ бана палам̣ д̣̇ассзд̇ваа д̇ам̣нид̣̇аанад̣̇ассанавасзна палагааран̣абарамбарааяа д̣̇ассанам̣ яуж̇ж̇ад̇ийд̇и аахаараа буримад̇ан̣хааяа уббаад̣̇ид̇аа бажжуббанно ад̣̇д̇хаа, д̇ан̣хаад̣̇аяо ад̇ийд̇о, сан̇каараавиж̇ж̇аа д̇ад̇оби ад̇ийд̇ад̇аро сам̣саарасса анаад̣̇ибхаавад̣̇ассанад̇т̇ам̣ вуд̇д̇од̇и яаава ад̇ийд̇ам̣ ад̣̇д̇хаананд̇и яаава ад̇ийд̇ад̇арам̣ ад̣̇д̇хаананд̇и ад̇т̇о яуд̇д̇о.

ааяад̇им̣ бунаб̣бхаваабхиниб̣б̣ад̇д̇иаахаарагаа ваа жад̇д̇ааро аахаараа –

‘‘аахаарзд̇ийд̇и ахам̣ на вад̣̇аами, аахаарзд̇ийд̇и жаахам̣ вад̣̇зяяум̣, д̇ад̇расса галло бан̃хо ‘го ну ко, бханд̇з, аахаарзд̇ий’д̇и. звам̣ жаахам̣ на вад̣̇аами, звам̣ бана авад̣̇анд̇ам̣ мам̣ яо звам̣ бужчзяяа ‘гисса ну ко, бханд̇з, вин̃н̃аан̣аахааро’д̇и. зса галло бан̃хо, д̇ад̇ра галлам̣ взяяаагаран̣ам̣, вин̃н̃аан̣аахааро ааяад̇им̣ бунаб̣бхаваабхиниб̣б̣ад̇д̇ияаа’’д̇и (сам̣. ни. 2.12) –

важанад̇о д̇ам̣самбаяуд̇д̇ад̇д̇аа пассажзд̇анаанам̣ д̇аббавад̇д̇ихзд̇уд̇д̇аа жа габ̣ал̣ийгаараахаарасса. д̇зна хи убад̇т̇амбхид̇аруубагааяасса, д̇ан̃жа ижчанд̇асса гаммавин̃н̃аан̣ааяууханам̣ ход̇и. бхож̇анан̃хи сад̣̇д̇хаад̣̇ийнам̣ рааг̇аад̣̇ийнан̃жа убаниссаяод̇и вуд̇д̇анд̇и. д̇асмаа ‘‘д̇з гаммаваддасан̇г̇ахид̇аа аахаараа бажжуббанно ад̣̇д̇хаа’’д̇и имасмим̣ барияааяз буримоязвад̇т̇о яуд̇д̇о. ад̇ийд̇ад̣̇д̇худ̇о бабхуд̇и ‘‘ид̇и ко, бхигкавз, авиж̇ж̇аабажжаяаа сан̇каараа’’д̇иаад̣̇инаа (сам̣. ни. 2.3) ад̇ийд̇з д̇ад̇о баран̃жа хзд̇упалабадибаадим̣ бажжагкаанам̣ аахаараанам̣ нид̣̇аанад̣̇ассанавасзна аарохид̇ваа нивад̇д̇анзна винаа аб̣уж̇жханд̇аанам̣ д̇ам̣санд̣̇ассанад̇т̇ам̣ саа аяам̣ д̣̇зсанаа бавад̇д̇аад̇и ад̇т̇о. анааг̇ад̇ад̣̇д̇хуно санд̣̇ассанад̇т̇анд̇и анааг̇ад̇ад̣̇д̇хуно д̣̇уббадивиж̇жханд̇аанам̣ абассанд̇аанам̣ бажжагкам̣ бажжуббаннам̣ хзд̇ум̣ д̣̇ассзд̇ваа хзд̇упалабарамбарааяа д̇асса санд̣̇ассанад̇т̇анд̇и ад̇т̇о.

муулагааран̣асад̣̇д̣̇ам̣ абзгкид̇ваа ‘‘на агааран̣а’’нд̇и набум̣саганид̣̇д̣̇зсо гад̇о. агааран̣ам̣ яад̣̇и сияаа, суд̇д̇ам̣ бадиб̣аахид̇ам̣ сияаад̇и д̣̇ассзнд̇о суд̇д̇ам̣ аахарад̇и. ваддагат̇ааяа сийсабхааво ваддахзд̇уно гаммассаби хзд̇убхааво. д̇ад̇т̇а бхавад̇ан̣хааяаби хзд̇убхууд̇аа авиж̇ж̇аа, д̇ааяа бадижчаад̣̇ид̇аад̣̇ийнавз бхавз д̇ан̣хуббад̇д̇ид̇од̇и авиж̇ж̇аа висзсзна сийсабхууд̇аад̇и ‘‘муулагааран̣а’’нд̇и вуд̇д̇аа. буримааяа годияаа абан̃н̃ааяамаанааяа уббаад̣̇авирахад̇о нижжад̇ам̣ г̇ан̣хзяяаад̇и ааха ‘‘зван̃жзд̇ам̣, бхигкавз, вужжад̇ий’’д̇иаад̣̇и. д̇зна ид̇о буб̣б̣з уббаннабуб̣б̣ад̇аа над̇т̇ийд̇и абан̃н̃ааяанад̇о буримагодиабан̃н̃ааяанам̣ вуд̇д̇анд̇и имамад̇т̇ам̣ д̣̇ассзд̇и.

авиж̇ж̇аад̇ан̣хаахзд̇уггамзна палзсу вад̇д̇аб̣б̣зсу ‘‘суг̇ад̇ид̣̇уг̇г̇ад̇иг̇аамино’’д̇и важанам̣ сад̣̇д̣̇алагкан̣аавирод̇ханад̇т̇ам̣. д̣̇ванд̣̇з хи бууж̇ид̇асса буб̣б̣анибаад̇од̇и. савараа гира мам̣сасса адтинаа алаг̇г̇анад̇т̇ам̣ бунаббунам̣ д̇аабзд̇ваа годдзд̇ваа ун̣ход̣̇агам̣ бааязд̇ваа вирид̇д̇ам̣ суунам̣ адтид̇о муд̇д̇амам̣сам̣ г̇аавим̣ маарзнд̇и. д̇знааха ‘‘аг̇г̇исанд̇ааби’’жжаад̣̇и. д̇ад̇т̇а яат̇аа важ̇жхаа г̇аавий жа авиж̇ж̇аабхибхууд̇ад̇ааяа яат̇аавуд̇д̇ам̣ ун̣ход̣̇агабаанам̣ аарабхад̇и, звам̣ бут̇уж̇ж̇ано яат̇аавуд̇д̇ам̣ д̣̇уг̇г̇ад̇иг̇аамигаммам̣. яат̇аа бана саа ун̣ход̣̇агабаанз аад̣̇ийнавам̣ д̣̇исваа д̇ан̣хаавасзна сийд̇уд̣̇агабаанам̣ аарабхад̇и, звамаяам̣ авиж̇ж̇ааяа манд̣̇ад̇д̇аа д̣̇уг̇г̇ад̇иг̇аамигаммз аад̣̇ийнавам̣ д̣̇исваа д̇ан̣хаавасзна суг̇ад̇иг̇аамигаммам̣ аарабхад̇и. д̣̇угкз хи авиж̇ж̇ам̣ д̇ан̣хаа анувад̇д̇ад̇и, сукз д̇ан̣хам̣ авиж̇ж̇аад̇и.

званд̇и авиж̇ж̇ааяа нивуд̇ад̇д̇аа д̇ан̣хааяа сам̣яуд̇д̇ад̇д̇аа жа. аяам̣ гааяод̇и савин̃н̃аан̣агагааяо канд̇хабан̃жагам̣, ‘‘сал̣ааяад̇анабажжаяаа пассо’’д̇и важанад̇о пассагааран̣ан̃жзд̇ам̣ вужжад̇ийд̇и ааяад̇аначаггам̣ ваа. самуд̣̇ааг̇ад̇од̇и уббанно. б̣ахид̣̇д̇хаа жа наамаруубанд̇и б̣ахид̣̇д̇хаа савин̃н̃аан̣агагааяо канд̇хабан̃жагам̣, сал̣ааяад̇анаани ваа. ид̇т̇зд̇анд̇и ид̇т̇ам̣ зд̇ам̣. ад̇д̇ано жа барзсан̃жа бан̃жагканд̇хаа д̣̇ваад̣̇асааяад̇анаани жа д̣̇ваараарамман̣абхаавзна вавад̇т̇ид̇аани д̣̇ваяанаамаанийд̇и ад̇т̇о. ‘‘д̣̇ваяам̣ бадижжа пассод̇и ан̃н̃ад̇т̇а жагкуруубаад̣̇ийни д̣̇ваяаани бадижжа жагкусампассаад̣̇аяо вуд̇д̇аа, ид̇ха бана аж̇жхад̇д̇игаб̣аахираани ааяад̇анаани. махаад̣̇ваяам̣ наама гирзд̇а’’нд̇и (сам̣. ни. адта. 2.2.19) вуд̇д̇ам̣. аяамзд̇т̇а ад̇хиббааяо – ан̃н̃ад̇т̇а ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо’’д̇иаад̣̇инаа (сам̣. ни. 2.43) ‘‘жагку жзва руубаа жа…бз… мано жзва д̇хаммаа жаа’’д̇и вуд̇д̇аани д̣̇ваяаани бадижжа жагкусампассаад̣̇аяо вуд̇д̇аа, ид̇ха бана ‘‘аяан̃жзва гааяо’’д̇и жагкаад̣̇иниссаяз сзсад̇хаммз жагкаад̣̇иниссид̇з зва гад̇ваа вуд̇д̇ам̣, жагкаад̣̇игааяам̣ згад̇д̇зна ‘‘аж̇жхад̇д̇игааяад̇ана’’нд̇и г̇ахзд̇ваа ‘‘б̣ахид̣̇д̇хаа наамарууба’’нд̇и вуд̇д̇ам̣, руубаад̣̇иаарамман̣ам̣ згад̇д̇знзва б̣аахирааяад̇ананд̇и д̇аани аж̇жхад̇д̇игаб̣аахираани ааяад̇анаани бадижжа пассо вуд̇д̇о, д̇асмаа махаад̣̇ваяам̣ наамзд̇анд̇и. зван̃жа гад̇ваа ‘‘ад̇д̇ано жа барасса жа бан̃жахи канд̇хзхи чахааяад̇анзхи жааби аяамад̇т̇о д̣̇ийбзд̇аб̣б̣оваа’’д̇и (сам̣. ни. адта. 2.2.19) вуд̇д̇ам̣. ‘‘аяам̣ гааяо’’д̇и хи вуд̇д̇аани саниссаяаани жагкаад̣̇ийни ад̇д̇ано бан̃жагканд̇хаа, ‘‘б̣ахид̣̇д̇хаа наамарууба’’нд̇и вуд̇д̇аани руубаад̣̇ийни барзсам̣. д̇ат̇аа аяам̣ гааяо ад̇д̇анова аж̇жхад̇д̇игаани ааяад̇анаани, б̣ахид̣̇д̇хаа наамаруубам̣ барзсам̣ б̣аахираанийд̇и. ан̃н̃ат̇аа аж̇жхад̇д̇игааяад̇анамад̇д̇з зва ‘‘аяам̣ гааяо’’д̇и вуд̇д̇з на аж̇жхад̇д̇игааяад̇анаанзва ад̇д̇ано бан̃жагканд̇хаа хонд̇ийд̇и ад̇д̇ано жа барзсан̃жа бан̃жагканд̇хзхи д̣̇ийбанаа на самбхавзяяаад̇и. сал̣звааяад̇анаанийд̇и сал̣зва сампассагааран̣аани, язхи гааран̣абхууд̇зхи ааяад̇анзхи уббаннзна пассзна пудто б̣аало сукад̣̇угкам̣ бадисам̣взд̣̇зд̇и.

аад̣̇и-сад̣̇д̣̇зна ‘‘зд̇зсам̣ ваа ан̃н̃ад̇арзна авиж̇ж̇аанийваран̣асса, бхигкавз, бан̣д̣ид̇асса д̇ан̣хааяа сам̣яуд̇д̇ассаа’’д̇иаад̣̇и яож̇зд̇аб̣б̣ам̣. д̇асмин̃хи суд̇д̇з сан̇каарз авиж̇ж̇аад̇ан̣хааниссид̇з зва гад̇ваа гааяаг̇г̇ахан̣зна вин̃н̃аан̣анаамаруубасал̣ааяад̇анаани г̇ахзд̇ваа зд̇асмин̃жа гааяз сал̣ааяад̇анаанам̣ пассам̣ д̇ам̣ниссид̇амзва гад̇ваа взд̣̇анааяа висзсабажжаяабхаавам̣ д̣̇ассзнд̇зна бхаг̇авад̇аа б̣аалабан̣д̣ид̇аанам̣ ад̇ийд̇ад̣̇д̇хаавиж̇ж̇аад̇ан̣хаамуулаго взд̣̇анаанд̇о бадижжасамуббаад̣̇о д̣̇ассид̇о. буна жа б̣аалабан̣д̣ид̇аанам̣ висзсам̣ д̣̇ассзнд̇зна –

‘‘яааяа жа, бхигкавз, авиж̇ж̇ааяа нивуд̇асса б̣ааласса яааяа жа д̇ан̣хааяа сам̣яуд̇д̇асса аяам̣ гааяо самуд̣̇ааг̇ад̇о, саа жзва авиж̇ж̇аа б̣ааласса аббахийнаа, саа жа д̇ан̣хаа абаригкийн̣аа. д̇ам̣ гисса хзд̇у? на, бхигкавз, б̣аало ажари б̣рахмажарияам̣ саммаа д̣̇угкагкаяааяа, д̇асмаа б̣аало гааяасса бхзд̣̇аа гааяуубаг̇о ход̇и, со гааяуубаг̇о самаано на баримужжад̇и ж̇аад̇ияаа…бз… д̣̇угкасмаад̇и вад̣̇аамий’’д̇и (сам̣. ни. 2.19) –

взд̣̇анаабабхавам̣ саавиж̇ж̇ам̣ д̇ан̣хам̣ д̣̇ассзд̇ваа убаад̣̇аанабхавз жа д̇ам̣ниссид̇з гад̇ваа ‘‘гааяуубаг̇о ход̇ий’’д̇иаад̣̇инаа ж̇аад̇иаад̣̇игз д̣̇ассзнд̇зна бажжуббаннахзд̇усамудтаанад̇о бабхуд̇и убхаяамуулова бадижжасамуббаад̣̇о вуд̇д̇о, д̇аб̣б̣ибарияааязна жа бан̣д̣ид̇асса бажжуббаннахзд̇убаригкаяад̇о бабхуд̇и убхаяамуулаго бадиломабадижжасамуббаад̣̇од̇и.

д̣̇уг̇г̇ад̇иг̇аамигаммасса висзсабажжаяад̇д̇аа авиж̇ж̇аа ‘‘авинд̣̇ияам̣ винд̣̇ад̇ий’’д̇и вуд̇д̇аа, д̇ат̇аа висзсабажжаяо винд̣̇ияасса на ход̇ийд̇и ‘‘винд̣̇ияам̣ на винд̣̇ад̇ий’д̇и жа. ад̇д̇ани ниссид̇аанам̣ жагкувин̃н̃аан̣аад̣̇ийнам̣ бавад̇д̇анам̣ уббаад̣̇анам̣ ааяад̇анам̣. саммохабхаавзнзва анабхисамаяабхууд̇ад̇д̇аа авид̣̇ид̇ам̣ ан̃н̃аад̇ам̣ гарод̇и. анд̇авирахид̇з ж̇аваабзд̇ийд̇и жа ван̣н̣ааг̇амавибарияааяавигааравинаасад̇хаад̇уад̇т̇ависзсаяог̇зхи бан̃жавид̇хасса нируд̇д̇илагкан̣асса васзна д̇ийсуби бад̣̇зсу а-гаара ви-гаара ж̇а-гаарз г̇ахзд̇ваа ан̃н̃зсам̣ ван̣н̣аанам̣ лобам̣ гад̇ваа ж̇а-гаарасса жа д̣̇уд̇ияасса ааг̇амам̣ гад̇ваа ‘‘авиж̇ж̇аа’’д̇и вуд̇д̇аа. б̣яан̃ж̇анад̇т̇ам̣ д̣̇ассзд̇ваа сабхаавад̇т̇ам̣ д̣̇ассзд̇ум̣ ‘‘абижаа’’д̇иаад̣̇имааха. жагкувин̃н̃аан̣аад̣̇ийнам̣ вад̇т̇аарамман̣аани ‘‘ид̣̇ам̣ вад̇т̇у, ид̣̇амаарамман̣а’’нд̇и авиж̇ж̇ааяа н̃аад̇ум̣ на саггаад̇и авиж̇ж̇аа д̇аббадижчаад̣̇игаа вуд̇д̇аа. вад̇т̇аарамман̣асабхааважчаад̣̇анад̇о зва авиж̇ж̇аад̣̇ийнам̣ бадижжасамуббаад̣̇абхаавасса, ж̇араамаран̣аад̣̇ийнам̣ бадижжасамуббаннабхаавасса жа чаад̣̇анад̇о бадижжасамуббаад̣̇абадижжасамуббанначаад̣̇анам̣ взд̣̇ид̇аб̣б̣ам̣.

сан̇каара-сад̣̇д̣̇аг̇г̇ахан̣зна ааг̇ад̇аа сан̇каараа сан̇каара-сад̣̇д̣̇зна ааг̇ад̇асан̇каараа. яад̣̇иби авиж̇ж̇аабажжаяаа сан̇каарааби сан̇каара-сад̣̇д̣̇зна ааг̇ад̇аа, д̇з бана имиссаа д̣̇зсанааяа бад̇хаанаад̇и висум̣ вуд̇д̇аа. д̇асмаа ‘‘д̣̇увид̇хаа’’д̇и зд̇т̇а абхисан̇каран̣агасан̇каарам̣ сан̇каара-сад̣̇д̣̇знааг̇ад̇ам̣ санд̇хааяа д̇ад̇т̇а вуд̇д̇амби важ̇ж̇зд̇ваа сан̇каарасад̣̇д̣̇зна ааг̇ад̇асан̇каараа яож̇зд̇аб̣б̣аа. ‘‘сан̇каара-сад̣̇д̣̇знааг̇ад̇асан̇каараа’’д̇и ваа самуд̣̇ааяо вуд̇д̇о, д̇ад̣̇згад̣̇зсо жа ид̇ха ван̣н̣ид̇аб̣б̣абхаавзна ‘‘авиж̇ж̇аабажжаяаа сан̇каараа’’д̇и, д̇асмаа ван̣н̣ид̇аб̣б̣асаб̣б̣асан̇г̇ахан̣авасзна д̣̇увид̇хад̇аа вуд̇д̇аад̇и взд̣̇ид̇аб̣б̣аа. батамам̣ нируж̇жхад̇и важийсан̇каарод̇иаад̣̇инаа вид̇аггавижаараассаасабассаасасан̃н̃аавзд̣̇анааважийсан̇каараад̣̇аяо вуд̇д̇аа, на авиж̇ж̇аасан̇каарзсу вуд̇д̇аа гааяасан̃жзд̇анаад̣̇аяо.

барид̇ассад̇ийд̇и бибаасад̇и. бхавад̇ийд̇и убабад̇д̇ибхавам̣ санд̇хааяа вуд̇д̇ам̣, бхааваяад̇ийд̇и гаммабхавам̣. жуд̇и канд̇хаанам̣ маран̣анд̇и ‘‘маранд̇и зд̇знаа’’д̇и вуд̇д̇ам̣. ‘‘д̣̇угкаа взд̣̇анаа уббаад̣̇ад̣̇угкаа тид̇ид̣̇угкаа’’д̇и (ма. ни. 1.465) важанад̇о д̣̇взд̇хаа кан̣ад̇и. ааяаасод̇и бариссамо висаад̣̇о. гзвала-сад̣̇д̣̇о асаммиссаваажаго ход̇и ‘‘гзвалаа саалаяо’’д̇и, ниравасзсаваажаго жа ‘‘гзвалаа ан̇г̇амаг̇ад̇хаа’’д̇и, д̇асмаа д̣̇взд̇хааби ад̇т̇ам̣ вад̣̇ад̇и. д̇ад̇т̇а асаммиссассаад̇и сукарахид̇асса. на хи зд̇т̇а гин̃жи уббаад̣̇аваяарахид̇ам̣ ад̇т̇ийд̇и.

д̇ам̣самбаяуд̇д̇з, буг̇г̇алам̣ ваа саммохаяад̇ийд̇и саммоханарасаа. аарамман̣асабхаавасса чаад̣̇анам̣ худ̇ваа г̇аяхад̇ийд̇и чаад̣̇анабажжубадтаанаа. ‘‘аасавасамуд̣̇аяаа авиж̇ж̇аасамуд̣̇аяо’’д̇и (ма. ни. 1.103) важанад̇о аасавабад̣̇адтаанаа. бадисанд̇хиж̇ананад̇т̇ам̣ ааяууханд̇и б̣яаабаарам̣ гаронд̇ийд̇и ааяууханарасаа, раасигаран̣ам̣ ваа ааяууханам̣. наамаруубасса бурзжааригабхаавзна бавад̇д̇ад̇ийд̇и буб̣б̣ан̇г̇амарасам̣. буримабхавзна сад̣̇д̇хим̣ гхаданам̣ худ̇ваа г̇аяхад̇ийд̇и бадисанд̇хибажжубадтаанам̣. вин̃н̃аан̣зна саха самбаяуж̇ж̇ад̇ийд̇и самбаяог̇арасам̣. ан̃н̃аман̃н̃ам̣ самбаяог̇аабхаавад̇о руубам̣ вигирад̇ийд̇и вигиран̣арасам̣. зван̃жа гад̇ваа бисияамаанаа д̇ан̣д̣улаад̣̇аяо вигиранд̇и жун̣н̣ий бхаванд̇ийд̇и. наамасса гад̣̇аажи гусалаад̣̇ибхааво жа ад̇т̇ийд̇и д̇ад̇о висзсанад̇т̇ам̣ ‘‘аб̣яаагад̇абажжубадтаана’’нд̇и ааха. ‘‘ажзд̇анаа аб̣яаагад̇аа’’д̇и зд̇т̇а вияа анаарамман̣ад̇аа ваа аб̣яаагад̇ад̇аа д̣̇адтаб̣б̣аа. ааяад̇аналагкан̣анд̇и гхаданалагкан̣ам̣, ааяаанам̣ д̇ананалагкан̣ам̣ ваа. д̣̇ассанаад̣̇ийнам̣ гааран̣абхааво д̣̇ассанаад̣̇ирасад̇аа. агусалавибаагубзгкааяа анидтабхаавад̇о д̣̇угкзна ид̇арааяа жа идтабхаавад̇о сукзна сан̇г̇ахид̇ад̇д̇аа ‘‘сукад̣̇угкабажжубадтаанаа’’д̇и ааха. д̣̇угкасамуд̣̇аяад̇д̇аа хзд̇улагкан̣аа д̇ан̣хаа. ‘‘д̇ад̇рад̇ад̇раабхинанд̣̇иний’’д̇и (д̣̇ий. ни. 2.400; ма. ни. 1.133, 460; вибха. 203) важанад̇о абхинанд̣̇анарасаа. жид̇д̇асса, буг̇г̇аласса ваа руубаад̣̇ийсу ад̇ид̇д̇абхааво худ̇ваа г̇аяхад̇ийд̇и ад̇ид̇д̇абхаавабажжубадтаанаа. д̇ан̣хаад̣̇ал̣хад̇д̇ам̣ худ̇ваа гаамубаад̣̇аанам̣, сзсаани д̣̇идти худ̇ваа убадтаханд̇ийд̇и д̇ан̣хаад̣̇ал̣хад̇д̇ад̣̇идтибажжубадтаанаа. гаммубабад̇д̇ибхававасзна бхавасса лагкан̣аад̣̇аяо яож̇зд̇аб̣б̣аа.

аад̣̇и-сад̣̇д̣̇зна ануб̣од̇хаад̣̇ибхааваг̇г̇ахан̣ам̣. д̣̇угкаад̣̇ийсу ан̃н̃аан̣ам̣ аббадибад̇д̇и, асубхаад̣̇ийсу субхаад̣̇ивибаллаасаа мижчаабадибад̇д̇и. д̣̇идтивиббаяуд̇д̇аа ваа аббадибад̇д̇и, д̣̇идтисамбаяуд̇д̇аа мижчаабадибад̇д̇и. на авиж̇ж̇ааяа зва чад̣̇вааригад̇аа чал̣аарамман̣ад̇аа жа, ат̇а ко ан̃н̃зсуби бадижжасамуббаад̣̇ан̇г̇зсу аруубад̇хаммаананд̇и ааха ‘‘саб̣б̣зсубий’’д̇и. нобхаяаг̇ожаранд̇и манааяад̇анамааха. на хи аруубад̇хаммаанам̣ д̣̇зсавасзна аасаннад̇аа д̣̇уурад̇аа жа ад̇т̇и асан̣таанад̇д̇аа, д̇асмаа манааяад̇анасса г̇ожаро на манааяад̇анам̣ самбад̇д̇о асамбад̇д̇о ваад̇и вужжад̇ийд̇и.

согаад̣̇ийнам̣ саб̣бхааваа ан̇г̇аб̣ахуд̇д̇аббасан̇г̇з ‘‘д̣̇ваад̣̇асзваа’’д̇и ан̇г̇аанам̣ вавад̇т̇аанам̣ взд̣̇ид̇аб̣б̣ам̣. на хи согаад̣̇аяо ан̇г̇абхаавзна вуд̇д̇аа, палзна бана гааран̣ам̣ авиж̇ж̇ам̣ муулан̇г̇ам̣ д̣̇ассзд̇ум̣ д̇з вуд̇д̇аад̇и. ж̇араамаран̣аб̣бхаахад̇асса хи б̣ааласса д̇з самбхаванд̇ийд̇и согаад̣̇ийнам̣ ж̇араамаран̣агааран̣ад̇аа вуд̇д̇аа. ‘‘саарийригааяа д̣̇угкааяа взд̣̇анааяа пудто’’д̇и (сам̣. ни. 4.252) жа суд̇д̇з ж̇араамаран̣анимид̇д̇ан̃жа д̣̇угкам̣ сан̇г̇ахид̇анд̇и д̇ам̣д̇ам̣нимид̇д̇аанам̣ саад̇хагабхаавзна вуд̇д̇ам̣. яасмаа бана ж̇араамаран̣знзва согаад̣̇ийнам̣ згасан̇кзбо гад̇о, д̇асмаа д̇зсам̣ ж̇аад̇ибажжаяад̇аа яуж̇ж̇ад̇и. ж̇араамаран̣абажжаяабхаавз хи авиж̇ж̇ааяа згасан̇кзбо гаад̇аб̣б̣о сияаа, ж̇аад̇ибажжаяаа бана ж̇араамаран̣ам̣ согаад̣̇аяо жа самбхаванд̇ийд̇и. д̇ад̇т̇а ж̇араамаран̣ам̣ зганд̇игам̣ ан̇г̇абхаавзнзва г̇ахид̇ам̣, согаад̣̇аяо бана руубабхаваад̣̇ийсу абхаавад̇о анзганд̇игаа гзвалам̣ баагадзна палзна авиж̇ж̇аанид̣̇ассанад̇т̇ам̣ г̇ахид̇аа. д̇зна анааг̇ад̇з ж̇аад̇ияаа сад̇и д̇ад̇о барааяа бадисанд̇хияаа хзд̇ухзд̇убхууд̇аа авиж̇ж̇аа д̣̇ассид̇аад̇и бхаважаггасса авижчзд̣̇о д̣̇ассид̇о ход̇ийд̇и. суд̇д̇ан̃жа согаад̣̇ийнам̣ авиж̇ж̇аа гааран̣анд̇и зд̇ассзвад̇т̇асса саад̇хагам̣ д̣̇адтаб̣б̣ам̣, на согаад̣̇ийнам̣ б̣ааласса ж̇араамаран̣анимид̇д̇ад̇аамад̇д̇асса. ‘‘ассуд̇аваа бут̇уж̇ж̇ано’’д̇и (сам̣. ни. 4.252) хи важанзна авиж̇ж̇аа согаад̣̇ийнам̣ гааран̣анд̇и д̣̇ассид̇аа, на жа ж̇араамаран̣анимид̇д̇амзва д̣̇угкам̣ д̣̇угканд̇и.

уд̣̇д̣̇зсаваараван̣н̣анаа нидтид̇аа.

авиж̇ж̇аабад̣̇анид̣̇д̣̇зсаван̣н̣анаа

226. ‘‘авиж̇ж̇аабажжаяаа 92 сан̇каараа’’д̇и хи вуд̇д̇анд̇и зд̇зна авиж̇ж̇ааяа висзсанабхаавзна сан̇каараанан̃жа бад̇хаанабхаавзна вуд̇д̇ад̇д̇аа сан̇каараанам̣ нид̣̇д̣̇исид̇аб̣б̣абхаавасса гааран̣ам̣ д̣̇ассзд̇и. бид̇аа гат̇ийяад̇и ‘‘д̣̇ийгхо саамо, мид̇д̇о рассо, од̣̇аад̇о д̣̇ад̇д̇о’’д̇и.

расид̇аб̣б̣о бадивиж̇жхид̇аб̣б̣о сабхааво расо, ад̇д̇ано расо сарасо, яаат̇ааво сарасо яаат̇аавасарасо, со зва лагкид̇аб̣б̣ад̇д̇аа лагкан̣анд̇и яаат̇аавасарасалагкан̣ам̣. ‘‘гад̇амаа жа, бхигкавз, авиж̇ж̇аа? д̣̇угкз ан̃н̃аан̣а’’нд̇иаад̣̇инаа (сам̣. ни. 2.2; ма. ни. 1.103) суд̇д̇з жад̇д̇аарзва вуд̇д̇аанийд̇и ‘‘суд̇д̇анд̇игабарияааязнаа’’д̇и ааха. нигкзбаган̣д̣з банаад̇иаад̣̇инаа ид̇ха жад̇уусу таанзсу гат̇ид̇ааяа зва авиж̇ж̇ааяа нигкзбаган̣д̣з адтасу таанзсу гижжаж̇аад̇ид̇о бан̃жавийсад̇ияаа бад̣̇зхи лагкан̣ад̇о жа гат̇ид̇ад̇д̇аа д̇ад̣̇ад̇т̇асам̣ван̣н̣анаавасзна вибхааванам̣ гарод̇и. ахаабзд̇ваа вибхаж̇ид̇аб̣б̣авибхаж̇анан̃хи абхид̇хаммабарияааяо.

ж̇ааяад̇и зд̇т̇аад̇и ж̇аад̇и, уббад̇д̇идтаанам̣. яад̣̇иби нирод̇хамаг̇г̇з авиж̇ж̇аа аарамман̣ам̣ на гарод̇и, д̇з бана ж̇аанид̇угаамасса д̇аббадижчаад̣̇анавасзна анирод̇хамаг̇г̇зсу нирод̇хамаг̇г̇аг̇г̇ахан̣агаааран̣авасзна жа бавад̇д̇амаанаа д̇ад̇т̇а уббаж̇ж̇ад̇ийд̇и вужжад̇ийд̇и д̇зсамби авиж̇ж̇ааяа уббад̇д̇идтаанад̇аа ход̇и, ид̇арзсам̣ аарамман̣абхаавзна жаад̇и. сан̇гхигаб̣алад̣̇зваг̇он̣аад̣̇ийнам̣ сан̇гхаадинан̇г̇алаад̣̇ийни вияа ан̃н̃асзд̇аад̣̇ийнам̣ авиж̇ж̇ааяа д̣̇угкаад̣̇ивисаяаанам̣ анд̇хад̇д̇агараанам̣ лобхаад̣̇ийнам̣ нивад̇д̇аго ан̃н̃аан̣аад̣̇исабхааво лагкан̣анд̇и д̣̇адтаб̣б̣ам̣.

ад̇т̇ад̇т̇анд̇и палапалам̣. аамзд̣ид̇аважанан̃хи саб̣б̣зсам̣ ад̇т̇аанам̣ висум̣ висум̣ баагадагаран̣абхааваббагаасанад̇т̇ам̣. ад̇т̇о зва ваа ад̇т̇о ад̇т̇ад̇т̇од̇и ад̇т̇асса авибарийд̇ад̇аад̣̇ассанад̇т̇ам̣ ад̇т̇знзвад̇т̇ам̣ висзсаяад̇и. на хи н̃аан̣ам̣ анад̇т̇ам̣ ад̇т̇од̇и г̇ан̣хаад̇ийд̇и. звам̣ гааран̣агааран̣анд̇и зд̇т̇ааби д̣̇адтаб̣б̣ам̣. д̇ам̣ аагааранд̇и ад̇т̇ад̇т̇аад̣̇иаагаарам̣. г̇ахзд̇ваад̇и жид̇д̇з бавзсзд̇ваа, жид̇д̇зна буг̇г̇алзна ваа г̇ахид̇ам̣ гад̇ваа. бадивид̣̇д̇хасса буна авзгкан̣аа бажжавзгкан̣аа. д̣̇ужжинд̇ид̇ажинд̇ид̇аад̣̇илагкан̣асса б̣ааласса бхааво б̣ааляам̣. баж̇аанаад̇ийд̇и багаарзхи ж̇аанаад̇и. б̣алавамоханам̣ бамохо. саманд̇ад̇о моханам̣ саммохо.

д̣̇угкаарамман̣ад̇аад̇и д̣̇угкаарамман̣ад̇ааяа, яааяа ваа авиж̇ж̇ааяа чаад̣̇знд̇ияаа д̣̇угкаарамман̣аа д̇ам̣самбаяуд̇д̇ад̇хаммаа, саа д̇зсам̣ бхаавод̇и д̣̇угкаарамман̣ад̇аа, аарамман̣амзва ваа аарамман̣ад̇аа, д̣̇угкам̣ аарамман̣ад̇аа зд̇иссаад̇и д̣̇угкаарамман̣ад̇аа.

д̣̇уд̣̇д̣̇асад̇д̇аа г̇амбхийраа на сабхаавад̇о, д̇асмаа д̇ад̣̇аарамман̣ад̇аа авиж̇ж̇аа уббаж̇ж̇ад̇и, ид̇арзсам̣ сабхаавад̇о г̇амбхийрад̇д̇аа д̇ад̣̇аарамман̣ад̇аа нуббаж̇ж̇ад̇ийд̇и ад̇хиббааяо. абижа ко банаад̇и маг̇г̇асса сан̇кад̇асабхаавад̇д̇аа д̇ад̇оби нирод̇хасса г̇амбхийрад̇арад̇ам̣ д̣̇ассзд̇и.

авиж̇ж̇аабад̣̇анид̣̇д̣̇зсаван̣н̣анаа нидтид̇аа.

сан̇каарабад̣̇анид̣̇д̣̇зсаван̣н̣анаа

бунаад̇ийд̇и сод̇хзд̇и абун̃н̃апалад̇о д̣̇угкасам̣гилзсад̇о жа, хид̇асукаж̇жхаасаязна бун̃н̃ам̣ гарод̇ийд̇и д̇ам̣нибпаад̣̇анзна гаарагассаж̇жхаасаяам̣ буурзд̇ийд̇и бун̃н̃о, буураго буж̇ж̇аниб̣б̣ад̇д̇аго жа нируд̇д̇илагкан̣зна ‘‘бун̃н̃о’’д̇и взд̣̇ид̇аб̣б̣о. самаад̇хибажжанийгаанам̣ ад̇ид̣̇уурад̇ааяа на ин̃ж̇ад̇и на жалад̇ийд̇и ад̇т̇о. гааяассаад̇и д̣̇ваарасса саамибхаавзна нид̣̇д̣̇зсо гад̇о.

бун̃н̃убаг̇анд̇и бхавасамбад̇д̇убаг̇ам̣. д̇ад̇т̇аад̇и вибхан̇г̇асуд̇д̇з (сам̣. ни. 2.2). д̇ан̃хи бад̇хаанабхаавзна г̇ахид̇анд̇и. саммаад̣̇идтисуд̇д̇з (ма. ни. 1.102) бана ‘‘д̇аяомз, аавусо, сан̇каараа’’д̇и ааг̇ад̇анд̇и. саб̣б̣ан̃н̃уж̇инабхаасид̇о бана аяам̣, на бажжзгаж̇инабхаасид̇о, имассад̇т̇асса д̣̇ийбанад̇т̇ам̣ зд̇зсам̣ суд̇д̇аанам̣ васзна д̇з г̇ахид̇аа. гат̇ам̣ банзд̇зна г̇ахан̣знааяамад̇т̇о д̣̇ийбид̇о ход̇ийд̇и д̇ам̣д̣̇ассанад̇т̇амааха ‘‘абхид̇хаммзби хи суд̇д̇зби згасад̣̇исаава д̇анд̇и нид̣̇д̣̇идтаа’’д̇и. саб̣б̣ан̃н̃убхаасид̇од̇и баагадзна суд̇д̇анд̇зна сад̣̇исад̇д̇аа аяамби саб̣б̣ан̃н̃убхаасид̇од̇и н̃ааяад̇ийд̇и вуд̇д̇ам̣ ход̇ийд̇и.

‘‘д̇зрасаабий’’д̇и вуд̇д̇ам̣, д̇ад̇т̇а н̃аан̣авиббаяуд̇д̇аанам̣ на бхааванаамаяад̇аа баагадаад̇и ‘‘яат̇аа хий’’д̇иаад̣̇имааха . бат̇авий бат̇авийд̇иаад̣̇ибхааванаа жа гасин̣абаригаммагаран̣ам̣ ман̣д̣алагаран̣ан̃жа бхааванам̣ бхаж̇аабзнд̇и.

д̣̇аанавасзна бавад̇д̇аа жид̇д̇ажзд̇асигаа д̇хаммаа д̣̇аанам̣. д̇ад̇т̇а б̣яаабаарабхууд̇аа ааяууханажзд̇анаа д̣̇аанам̣ аараб̣бха д̣̇аанам̣ ад̇хигижжа уббаж̇ж̇ад̇ийд̇и вужжад̇и, звам̣ ид̇арзсу. соманассажид̇д̇знаад̇и анумод̣̇анаабавад̇д̇инид̣̇ассанамад̇д̇амзд̇ам̣ д̣̇адтаб̣б̣ам̣. убзгкаасахаг̇ад̇знаби хи ануссарад̇и зваад̇и.

асаригкагамби саригкагзна жад̇уд̇т̇аж̇жхаанавибаагзна взхабпалаад̣̇ийсу винааби асан̃н̃зсу гадад̇д̇ааруубам̣. руубамзва сапанд̣̇анад̇д̇аа ‘‘саин̃ж̇ана’’нд̇и вуд̇д̇ам̣ ин̃ж̇анагаранийваран̣аад̣̇ийнам̣ авигкамбханад̇о, руубад̇ан̣хаасан̇каад̇асса ин̃ж̇анагасса гааран̣ад̇д̇аа ваа. д̇знзва руубаарамман̣ам̣ нимид̇д̇аарамман̣ан̃жа саб̣б̣амби жад̇уд̇т̇аж̇жхаанам̣ ниббарияааязна ‘‘анин̃ж̇ана’’нд̇и на вужжад̇ийд̇и. махаад̇улааяа д̇хаараяамаано наал̣ияаа минамаано жа самуд̣̇ааяамзва д̇хаарзд̇и минад̇и жа, на згзгам̣ г̇ун̃ж̇ам̣, згзгам̣ д̇ан̣д̣улам̣ ваа, звам̣ бхаг̇авааби абаримаан̣аа батамагусалажзд̇анааяо самуд̣̇ааяавасзнзва г̇ахзд̇ваа згаж̇аад̇игад̇д̇аа згамзва гад̇ваа д̣̇ассзд̇и. звам̣ д̣̇уд̇ияаад̣̇аяобийд̇и.

‘‘гааяад̣̇ваарз бавад̇д̇аа’’д̇и авад̇ваа ‘‘аад̣̇аанаг̇г̇ахан̣ажобанам̣ баабаяамаанаа уббаннаа’’д̇иби вад̇д̇ум̣ ваддад̇ийд̇и важанависзсамад̇д̇амзва д̣̇ассзд̇и. гааяад̣̇ваарз бавад̇д̇и зва хи аад̣̇аанаад̣̇ибаабанаад̇и. буримзна ваа д̣̇ваарасса убалагкан̣абхааво вуд̇д̇о, бажчимзна жзд̇анааяа савин̃н̃ад̇д̇ируубасамудтаабанам̣. д̇ад̇т̇а аагад̣дхид̇ваа г̇ахан̣ам̣ аад̣̇аанам̣, самбаяуд̇д̇асса г̇ахан̣ам̣ г̇ахан̣ам̣, панд̣̇анам̣ жобанам̣.

зд̇т̇аад̇и гааяаважийсан̇каараг̇г̇ахан̣з, гааяаважийсан̃жзд̇анааг̇ахан̣з ваа. адтагат̇ааяам̣ абхин̃н̃аажзд̇анаа на г̇ахид̇аа вин̃н̃аан̣асса бажжаяо на ход̇ийд̇и. гасмаа бана на ход̇и, нану сааби гусалаа вибаагад̇хаммаа жаад̇и? сажжам̣, анубажчиннад̇ан̣хаавиж̇ж̇аамаанз бана санд̇аанз саб̣яаабаараббавад̇д̇ияаа д̇ассаа гусалад̇аа вибаагад̇хаммад̇аа жа вуд̇д̇аа, на вибаагуббаад̣̇анзна, саа бана вибаагам̣ уббаад̣̇аяанд̇ий руубааважарамзва уббаад̣̇зяяа. на хи ан̃н̃абхуумигам̣ гаммам̣ ан̃н̃абхуумигам̣ вибаагам̣ уббаад̣̇зд̇ийд̇и. ад̇д̇анаа сад̣̇исаарамман̣ан̃жа д̇идтаанигам̣ д̇ам̣ уббаад̣̇зяяа жид̇д̇уббаад̣̇аган̣д̣з руубааважаравибаагасса гаммасад̣̇исаарамман̣ассзва вуд̇д̇ад̇д̇аа, на жа руубааважаравибааго барид̇д̇аад̣̇иаарамман̣о ад̇т̇и, абхин̃н̃аажзд̇анаа жа барид̇д̇аад̣̇иаарамман̣аава ход̇и, д̇асмаа вибаагам̣ на уббаад̣̇зд̇ийд̇и вин̃н̃ааяад̇и. гасин̣зсу жа уббаад̣̇ид̇асса жад̇уд̇т̇аж̇жхаанасамаад̇хисса аанисам̣сабхууд̇аа абхин̃н̃аа. яат̇ааха ‘‘со звам̣ самаахид̇з жид̇д̇з’’д̇иаад̣̇и (д̣̇ий. ни. 1.244-245; ма. ни. 1.384-386). д̇асмаа самаад̇хипаласад̣̇исаа саа, на жа палам̣ д̣̇зд̇ийд̇и д̣̇аанасийлаанисам̣со д̇асмим̣ бхавз бажжаяалаабхо вияа сааби вибаагам̣ на уббаад̣̇зд̇и. яат̇аа жа абхин̃н̃аажзд̇анаа, звам̣ уд̣̇д̇хажжажзд̇анааби на ход̇ийд̇и ид̣̇ам̣ уд̣̇д̇хажжасахаг̇ад̇з д̇хаммз висум̣ уд̣̇д̇харид̇ваа ‘‘д̇зсам̣ вибаагз н̃аан̣ам̣ ад̇т̇абадисамбхид̣̇аа’’д̇и (вибха. 725) вуд̇д̇ад̇д̇аа вижаарзд̇аб̣б̣ам̣.

аяам̣ банзд̇т̇а амад̇аг̇г̇абат̇аануг̇ад̇о винижчаяо – д̣̇ассанабхааванаанам̣ абхаавзби язсам̣ бут̇уж̇ж̇анаанам̣ сзгкаанан̃жа д̣̇ассанабхааванаахи бхавид̇аб̣б̣ам̣, д̇зсам̣ д̇ад̣̇уббад̇д̇игаалз д̇зхи бахаад̇ум̣ саггун̣зяяаа агусалаа ‘‘д̣̇ассанзна бахаад̇аб̣б̣аа бхааванааяа бахаад̇аб̣б̣аа’’д̇и жа вужжанд̇и, бут̇уж̇ж̇анаанам̣ бана бхааванааяа абхааваа бхааванааяа бахаад̇аб̣б̣ажинд̇аа над̇т̇и. д̇зна д̇зсам̣ бавад̇д̇амаанаа д̇з д̣̇ассанзна бахаад̇ум̣ асаггун̣зяяааби ‘‘бхааванааяа бахаад̇аб̣б̣аа’’д̇и на вужжанд̇и. яад̣̇и вужжзяяум̣, д̣̇ассанзна бахаад̇аб̣б̣аа бхааванааяа бахаад̇аб̣б̣аанам̣ гзсан̃жи гзжи гад̣̇аажи аарамман̣аарамман̣аад̇хибад̇иубаниссаяабажжаязхи бажжаяо бхавзяяум̣, на жа бадтаанз ‘‘д̣̇ассанзна бахаад̇аб̣б̣аа бхааванааяа бахаад̇аб̣б̣аанам̣ гзсан̃жи гзнажи бажжаязна бажжаяо’’д̇и вуд̇д̇аа. сзгкаанам̣ бана виж̇ж̇амаанаа бхааванааяа бахаад̇ум̣ саггун̣зяяаа бхааванааяа бахаад̇аб̣б̣аа. д̇знзва сзгкаанам̣ д̣̇ассанзна бахаад̇аб̣б̣аа жад̇д̇ад̇д̇аа ванд̇ад̇д̇аа муд̇д̇ад̇д̇аа бахийнад̇д̇аа бадиниссадтад̇д̇аа угкздид̇ад̇д̇аа самугкздид̇ад̇д̇аа ассаад̣̇ид̇аб̣б̣аа абхинанд̣̇ид̇аб̣б̣аа жа на хонд̇и, бахийнад̇ааяа зва соманассахзд̇убхууд̇аа авигкзбахзд̇убхууд̇аа жа на д̣̇оманассам̣ уд̣̇д̇хажжан̃жа уббаад̣̇знд̇ийд̇и на д̇з д̇зсам̣ аарамман̣аарамман̣аад̇хибад̇ибхаавам̣ багад̇уубаниссаяабхааван̃жа г̇ажчанд̇и. на хи бахийнз убаниссааяа арияо рааг̇аад̣̇игилзсз уббаад̣̇зд̇и.

вуд̇д̇ан̃жа ‘‘сод̇аабад̇д̇имаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇и…бз… арахад̇д̇амаг̇г̇зна…бз… на бажжааг̇ажчад̇ий’’д̇и (махаани. 80; жуул̣ани. мзд̇д̇аг̇уумаан̣авабужчаанид̣̇д̣̇зса 27), на жа бут̇уж̇ж̇анаанам̣ д̣̇ассанзна бахаад̇ум̣ саггун̣зяяаа ид̇арзсам̣ на гзнажи бажжаязна бажжаяо хонд̇ийд̇и саггаа вад̇д̇ум̣ ‘‘д̣̇идтим̣ ассаад̣̇зд̇и абхинанд̣̇ад̇и, д̇ам̣ аараб̣бха рааг̇о уббаж̇ж̇ад̇и, д̣̇идти вижигижчаа уд̣̇д̇хажжам̣ уббаж̇ж̇ад̇и. вижигижчам̣ аараб̣бха вижигижчаа д̣̇идти уд̣̇д̇хажжам̣ уббаж̇ж̇ад̇ий’’д̇и д̣̇идтивижигижчаанам̣ уд̣̇д̇хажжаарамман̣абажжаяабхаавасса вуд̇д̇ад̇д̇аа. зд̇т̇а хи уд̣̇д̇хажжанд̇и уд̣̇д̇хажжасахаг̇ад̇ам̣ жид̇д̇уббаад̣̇ам̣ санд̇хааяа вуд̇д̇ам̣. зван̃жа гад̇ваа ад̇хибад̇ибажжаяанид̣̇д̣̇зсз ‘‘д̣̇идтим̣ г̇арум̣ гад̇ваа ассаад̣̇зд̇и абхинанд̣̇ад̇и, д̇ам̣ г̇арум̣ гад̇ваа рааг̇о уббаж̇ж̇ад̇и, д̣̇идти уббаж̇ж̇ад̇ий’’д̇и (бадтаа. 1.1.409) зд̇д̇агамзва вуд̇д̇ам̣, на вуд̇д̇ам̣ ‘‘уд̣̇д̇хажжам̣ уббаж̇ж̇ад̇ий’’д̇и. д̇асмаа д̣̇ассанабхааванаахи бахаад̇аб̣б̣аанам̣ ад̇ийд̇аад̣̇ибхаавзна навад̇д̇аб̣б̣ад̇д̇зби яаад̣̇исаанам̣ д̇аахи ануббад̇д̇ид̇хаммад̇аа аабаад̣̇зд̇аб̣б̣аа, д̇зсу бут̇уж̇ж̇анзсу вад̇д̇амаанаа д̣̇ассанам̣ абзгкид̇ваа д̇зна бахаад̇ум̣ саггун̣зяяаа д̣̇ассанзна бахаад̇аб̣б̣аа, сзгкзсу вад̇д̇амаанаа бхааванам̣ абзгкид̇ваа д̇ааяа бахаад̇ум̣ саггун̣зяяаа бхааванааяа бахаад̇аб̣б̣аа. д̇зсу бхааванааяа бахаад̇аб̣б̣аа сахааяавирахаа вибаагам̣ на ж̇анаяанд̇ийд̇и бхааванааяа бахаад̇аб̣б̣ажзд̇анааяа наанаагкан̣игагаммабажжаяабхааво на вуд̇д̇о, абзгкид̇аб̣б̣ад̣̇ассанабхааванаарахид̇аанам̣ бана бут̇уж̇ж̇анзсу уббаж̇ж̇амаанаанам̣ сагабхан̣д̣з чанд̣̇арааг̇аад̣̇ийнам̣ уд̣̇д̇хажжасахаг̇ад̇ажид̇д̇уббаад̣̇асса жа сам̣яож̇анад̇д̇аяад̇ад̣̇згадтагилзсаанам̣ анубажчиннад̇ааяа абаригкийн̣асахааяаанам̣ вибаагуббаад̣̇анам̣ на саггаа бадигкибид̇унд̇и уд̣̇д̇хажжасахаг̇ад̇ад̇хаммаанам̣ вибааго вибхан̇г̇з вуд̇д̇од̇и.

яад̣̇и звам̣, абзгкид̇аб̣б̣ад̣̇ассанабхааванаарахид̇аанам̣ агусалаанам̣ нзвад̣̇ассанзнанабхааванааяабахаад̇аб̣б̣ад̇аа аабаж̇ж̇ад̇ийд̇и? наабаж̇ж̇ад̇и, аббахаад̇аб̣б̣аанам̣ ‘‘нзва д̣̇ассанзна на бхааванааяа бахаад̇аб̣б̣аа’’д̇и (д̇ха. са. д̇игамаад̇игаа 8) вуд̇д̇ад̇д̇аа, аббахаад̇аб̣б̣авируд̣̇д̇хасабхаавад̇д̇аа жа агусалаанам̣. звамби д̇зсам̣ имасмим̣ д̇игз навад̇д̇аб̣б̣ад̇аа аабаж̇ж̇ад̇ийд̇и? наабаж̇ж̇ад̇и жид̇д̇уббаад̣̇аган̣д̣з д̣̇ассид̇аанам̣ д̣̇ваад̣̇асаагусалажид̇д̇уббаад̣̇аанам̣ д̣̇вийхи бад̣̇зхи сан̇г̇ахид̇ад̇д̇аа. яат̇аа хи д̇хаммавасзна сан̇кад̇ад̇хаммаа саб̣б̣з сан̇г̇ахид̇аад̇и уббаннад̇д̇игз гаалавасзна асан̇г̇ахид̇ааби ад̇ийд̇аа навад̇д̇аб̣б̣аад̇и на вуд̇д̇аа жид̇д̇уббаад̣̇аруубабхаавзна г̇ахид̇зсу навад̇д̇аб̣б̣асса абхааваа, звамид̇хааби жид̇д̇уббаад̣̇абхаавзна г̇ахид̇зсу навад̇д̇аб̣б̣асса абхааваа навад̇д̇аб̣б̣ад̇аа на вуд̇д̇аад̇и взд̣̇ид̇аб̣б̣аа. яад̇т̇а хи жид̇д̇уббаад̣̇о гожи нияог̇ад̇о навад̇д̇аб̣б̣о ад̇т̇и, д̇ад̇т̇а д̇зсам̣ жад̇уд̇т̇о годтаасо ад̇т̇ийд̇и яат̇аавуд̇д̇абад̣̇зсу вияа д̇ад̇т̇ааби бхинд̣̇ид̇ваа бхаж̇аабзд̇аб̣б̣з жид̇д̇уббаад̣̇з бхинд̣̇ид̇ваа бхаж̇аабзд̇и ‘‘сияаа навад̇д̇аб̣б̣аа барид̇д̇аарамман̣аа’’д̇иаад̣̇инаа. д̇ад̣̇абхааваа уббаннад̇д̇игз ид̇ха жа д̇ат̇аа на вуд̇д̇аа.

ат̇а ваа яат̇аа саббадигхзхи самаанасабхаавад̇д̇аа руубад̇хаад̇уяам̣ д̇аяо махаабхууд̇аа ‘‘саббадигхаа’’д̇и вуд̇д̇аа. яат̇ааха ‘‘асан̃н̃асад̇д̇аанам̣ анид̣̇ассанам̣ саббадигхам̣ згам̣ махаабхууд̇ам̣ бадижжа д̣̇вз махаабхууд̇аа, д̣̇вз махаабхууд̇з бадижжа згам̣ махаабхууд̇а’’нд̇и (бадтаа. 2.22.9). звам̣ бут̇уж̇ж̇анаанам̣ бавад̇д̇амаанаа бхааванааяа бахаад̇аб̣б̣асамаанасабхааваа ‘‘бхааванааяа бахаад̇аб̣б̣аа’’д̇и вужжзяяунд̇и над̇т̇и навад̇д̇аб̣б̣ад̇аабасан̇г̇о. зван̃жа сад̇и бут̇уж̇ж̇анаанам̣ бавад̇д̇амаанааби бхааванааяа бахаад̇аб̣б̣аа сагабхан̣д̣з чанд̣̇арааг̇аад̣̇аяо барабхан̣д̣з чанд̣̇арааг̇аад̣̇ийнам̣ убаниссаяабажжаяо, рааг̇о жа рааг̇ад̣̇идтийнам̣ ад̇хибад̇ибажжаяод̇и аяамад̇т̇о лад̣̇д̇хо ход̇и. яат̇аа бана аподтаб̣б̣ад̇д̇аа руубад̇хаад̇уяам̣ д̇аяо махаабхууд̇аа на барамад̇т̇ад̇о саббадигхаа, звам̣ абзгкид̇аб̣б̣абхааванаарахид̇аа бут̇уж̇ж̇анзсу бавад̇д̇амаанаа сагабхан̣д̣з чанд̣̇арааг̇аад̣̇аяо на барамад̇т̇ад̇о бхааванааяа бахаад̇аб̣б̣аад̇и бхааванааяа бахаад̇аб̣б̣аанам̣ наанаагкан̣игагаммабажжаяад̇аа на вуд̇д̇аа, на жа ‘‘д̣̇ассанзна бахаад̇аб̣б̣аа бхааванааяа бахаад̇аб̣б̣аанам̣ гзнажи бажжаязна бажжаяо’’д̇и вуд̇д̇аа. яз хи д̣̇ассанзна бахаад̇аб̣б̣абажжаяаа гилзсаа, на д̇з д̣̇ассанад̇о уд̣̇д̇хам̣ бавад̇д̇анд̇и, д̣̇ассанзна бахаад̇аб̣б̣абажжаяассаби бана уд̣̇д̇хажжасахаг̇ад̇асса сахааяавзгалламад̇д̇амзва д̣̇ассанзна гад̇ам̣, на д̇асса гожи бхааво д̣̇ассанзна ануббад̇д̇ид̇хаммад̇ам̣ аабаад̣̇ид̇од̇и д̇асса зганд̇абхааванааяа бахаад̇аб̣б̣ад̇аа вуд̇д̇аа. д̇асмаа д̇асса д̇аад̣̇исассзва сад̇и сахааяз вибаагуббаад̣̇анаважанам̣, асад̇и жа вибаагаануббаад̣̇анаважанам̣ на вируж̇жхад̇ийд̇и.

сааби вин̃н̃аан̣абажжаяабхаавз яад̣̇и абанзд̇аб̣б̣аа, гасмаа ‘‘самавийсад̇и жзд̇анаа’’д̇и вуд̇д̇анд̇и д̇асса гааран̣ам̣ д̣̇ассзнд̇о ааха ‘‘авиж̇ж̇аабажжаяаа бана саб̣б̣аабзд̇аа хонд̇ий’’д̇и. яад̣̇и звам̣, абхин̃н̃аажзд̇анааяа саха ‘‘згавийсад̇ий’’д̇и вад̇д̇аб̣б̣анд̇и? на, аважанасса вуд̇д̇агааран̣ад̇д̇аа, д̇ам̣ бана ид̇арааважанассаби гааран̣анд̇и самаанажзд̇анааважанагааран̣аважанзна яам̣ гааран̣ам̣ абзгкид̇ваа згаа вуд̇д̇аа, д̇зна гааран̣зна ид̇арааяаби вад̇д̇аб̣б̣ад̇ам̣, яан̃жа гааран̣ам̣ абзгкид̇ваа ид̇араа на вуд̇д̇аа, д̇зна гааран̣зна вуд̇д̇ааяаби авад̇д̇аб̣б̣ад̇ам̣ д̣̇ассзд̇и. аанзн̃ж̇аабхисан̇кааро жид̇д̇асан̇кааро зваад̇и бхзд̣̇аабхааваа баагадод̇и на д̇асса сам̣яог̇о д̣̇ассид̇о.

сукасан̃н̃ааяа г̇ахзд̇ваад̇и зд̇зна д̇ан̣хаабавад̇д̇им̣ д̣̇ассзд̇и. д̇ан̣хаабаригкаарзд̇и д̇ан̣хааяа бариваарз, д̇ан̣хааяа ‘‘сукам̣ субха’’нд̇иаад̣̇инаа сан̇кад̇з ваа алан̇гад̇зд̇и ад̇т̇о. д̇ан̣хаа хи д̣̇угкасса самуд̣̇аяод̇и аж̇аананд̇о ‘‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ ваа сахаб̣яад̇ам̣ убабаж̇ж̇зяяа’’нд̇и сан̇каарз баригкарод̇ийд̇и. амаран̣ад̇т̇аад̇и г̇ахид̇аа д̣̇уггарагирияаа амарад̇або, д̣̇звабхаавад̇т̇ам̣ д̇або ваа, д̣̇угкад̇д̇аа ваа маро маараго д̇або амарад̇або. д̣̇идтз ад̣̇идта-сад̣̇д̣̇о вияа марзсу амара-сад̣̇д̣̇о д̣̇адтаб̣б̣о.

ж̇аад̇иаад̣̇ибабаад̇ад̣̇угкаж̇ананад̇о марубабаад̇асад̣̇исад̇аа бун̃н̃аабхисан̇каарасса вуд̇д̇аа. раман̣ийяабхаавзна жа ассаад̣̇абхаавзна жа г̇аяхамаанам̣ бун̃н̃апалам̣ д̣̇ийбасикаамад̇хулид̇д̇асад̇т̇ад̇хаараасад̣̇исам̣, д̇ад̣̇ад̇т̇о жа бун̃н̃аабхисан̇кааро д̇ам̣нибаад̇алзханасад̣̇исо.

‘‘суко имиссаа бариб̣б̣ааж̇игааяа д̇арун̣ааяа муд̣̇угааяа ломасааяа б̣аахааяа сампассо’’д̇иаад̣̇инаа (ма. ни. 1.469) сукасан̃н̃ааяа б̣аало вияа г̇уут̇агийл̣анам̣ гилзсаабхибхууд̇ад̇ааяа год̇хаарад̇иабхибхууд̇о асавасо марид̇угаамо вияа висакаад̣̇анам̣ гаран̣апалагкан̣зсу ж̇иг̇ужчанийяам̣ д̣̇угкан̃жа абун̃н̃аабхисан̇каарам̣ аарабхад̇и. лобхасахаг̇ад̇асса ваа г̇уут̇агийл̣анасад̣̇исад̇аа, д̣̇осасахаг̇ад̇асса висакаад̣̇анасад̣̇исад̇аа яож̇зд̇аб̣б̣аа. гаамаг̇ун̣асамид̣̇д̇хияаа сабхаяассаби бисаажанаг̇арасса сукавибаллаасахзд̇убхааво вияа аруубавибаагаанам̣ ниранд̇арад̇ааяа анубалагкияамаанауббаад̣̇аваяаанам̣, д̣̇ийгхасанд̇аанад̇ааяа аг̇аяхамаанавибарин̣аамаанам̣, сан̇кааравибарин̣аамад̣̇угкабхууд̇аанамби нижжаад̣̇ивибаллаасахзд̇убхаавод̇и д̇зсам̣ бисаажанаг̇арасад̣̇исад̇аа, д̇ад̣̇абхимукаг̇аманасад̣̇исад̇аа жа аанзн̃ж̇аабхисан̇каарасса яож̇зд̇аб̣б̣аа.

д̇ааваад̇и вад̇д̇аб̣б̣анд̇араабзгко нибаад̇о, д̇асмаа авиж̇ж̇аа сан̇каараанам̣ бажжаяод̇и ид̣̇ам̣ д̇аава сид̣̇д̇хам̣, ид̣̇ам̣ бана абарам̣ вад̇д̇аб̣б̣анд̇и ад̇т̇о. авиж̇ж̇аабажжаяаа бана саб̣б̣аабзд̇аа хонд̇ийд̇и вуд̇д̇анд̇и абхин̃н̃аажзд̇анаанам̣ бажжаяабхаавам̣ д̣̇ассзд̇и. жзд̇обарияабуб̣б̣зниваасаанааг̇ад̇ам̣сан̃аан̣зхи барзсам̣ ад̇д̇ано жа самохажид̇д̇аж̇аананагаалзд̇и яож̇зд̇аб̣б̣аа.

авиж̇ж̇аасаммуул̣хад̇д̇аад̇и бхаваад̣̇ийнавабадижчаад̣̇игааяа авиж̇ж̇ааяа саммуул̣хад̇д̇аа. рааг̇аад̣̇ийнанд̇и рааг̇ад̣̇идтивижигижчуд̣̇д̇хажжад̣̇оманассаанам̣ авиж̇ж̇аасамбаяуд̇д̇арааг̇аад̣̇иассаад̣̇анагаалзсу авиж̇ж̇ам̣ аараб̣бха уббад̇д̇и взд̣̇ид̇аб̣б̣аа. г̇арум̣ гад̇ваа ассаад̣̇анам̣ рааг̇ад̣̇идтисамбаяуд̇д̇ааяа зва авиж̇ж̇ааяа яож̇зд̇аб̣б̣ам̣, ассаад̣̇анан̃жа рааг̇о, д̇ад̣̇авиббаяуд̇д̇аа жа д̣̇идтийд̇и ассаад̣̇анаважанзнзва яат̇аавуд̇д̇ам̣ авиж̇ж̇ам̣ г̇арум̣ гаронд̇ий д̣̇идти жа вуд̇д̇аад̇и взд̣̇ид̇аб̣б̣аа. рааг̇аад̣̇ийхи жа баал̣ияам̣ саруубзна вуд̇д̇зхи д̇ам̣самбаяуд̇д̇асан̇каарасса авиж̇ж̇аарамман̣аад̣̇ид̇ам̣ д̣̇ассзд̇и. анавиж̇ж̇аарамман̣асса батамаж̇аванасса аарамман̣аад̇хибад̇иананд̇араад̣̇ибажжаяаважанзсу авуд̇д̇асса вуд̇д̇асса жа саб̣б̣асса сан̇г̇ан̣ханад̇т̇ам̣ ‘‘яам̣ гин̃жий’’д̇и ааха. вуд̇д̇анаязнаад̇и самад̇иггамабхавабад̇т̇анаавасзна вуд̇д̇анаязна.

згагааран̣аваад̣̇о аабаж̇ж̇ад̇ийд̇и д̣̇осаббасан̇г̇о вуд̇д̇о. анидто хи згагааран̣аваад̣̇о саб̣б̣асса саб̣б̣агаалз самбхаваабад̇д̇ид̇о згасад̣̇исасабхааваабад̇д̇ид̇о жа. яасмаа д̇ийсу багаарзсу авиж̇ж̇амаанзсу баарисзсзна жад̇уд̇т̇з зва жа виж̇ж̇амаанз згахзд̇упалад̣̇ийбанз ад̇т̇о ад̇т̇и, д̇асмаа на нубабаж̇ж̇ад̇и.

яат̇аапассам̣ взд̣̇анаававад̇т̇аанад̇од̇и ‘‘сукавзд̣̇анийяам̣, бхигкавз, пассам̣ бадижжа уббаж̇ж̇ад̇и сукаа взд̣̇анаа’’д̇иаад̣̇инаа (сам̣. ни. 2.62), ‘‘жагкун̃жа бадижжа…бз… д̇ин̣н̣ам̣ сан̇г̇ад̇и пассо, пассабажжаяаа взд̣̇анаа’’д̇иаад̣̇инаа (сам̣. ни. 2.43) жа сукавзд̣̇анийяаад̣̇ижагкусампассаад̣̇иануруубзна сукавзд̣̇анаад̣̇ижагкусампассаж̇аавзд̣̇анаад̣̇ийнам̣ вавад̇т̇аанад̇о, самаанзсу жагкуруубаад̣̇ийсу пассавасзна сукаад̣̇ивибарияааяаабхаавад̇о, самаанзсу жа руубаманасигаараад̣̇ийсу жагкаад̣̇исан̇гхадданавасзна жагкусампассаж̇аад̣̇ивибарияааяаабхаавад̇о, ан̃н̃абажжаяасааман̃н̃зби пассавасзна сукаад̣̇ижагкусампассаж̇аад̣̇ийнам̣ ол̣ааригасукумаад̣̇исан̇гараабхаавад̇о жаад̇и ад̇т̇о. сукаад̣̇ийнам̣ яат̇аавуд̇д̇асампассасса авибарийд̇о бажжаяабхааво зва яат̇аавзд̣̇анам̣ пассававад̇т̇аанам̣, гааран̣апалависзсзна ваа палагааран̣ависзсанижчаяо ход̇ийд̇и убхаяад̇т̇ааби нижчаяо вавад̇т̇аананд̇и вуд̇д̇о. гаммаад̣̇аяод̇и гаммаахаарауд̇уаад̣̇аяо абаагадаа сзмхабадигаарзна рог̇авуубасамад̇о.

‘‘ассаад̣̇аанубассино д̇ан̣хаа бавад̣дхад̇ий’’д̇и важанад̇од̇и ‘‘сам̣яож̇анийязсу, бхигкавз, д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво’’д̇и (сам̣. ни. 2.53-54) иминаа суд̇д̇зна д̇ан̣хааяа сан̇каарагааран̣абхаавасса вуд̇д̇ад̇д̇аад̇и ад̇т̇о. буна д̇ассааби авиж̇ж̇аа гааран̣анд̇и д̣̇ассанад̇т̇ам̣ ‘‘авиж̇ж̇аасамуд̣̇аяаа аасавасамуд̣̇аяод̇и важанад̇о’’д̇и ааха. д̇ан̣хаа ваа жад̇урубаад̣̇аанабхууд̇аа гаамабхавад̣̇идтаасаваа жа сан̇каарасса гааран̣анд̇и баагадаад̇и суд̇д̇ад̣̇ваязнаби авиж̇ж̇ааяа сан̇каарагааран̣абхаавамзва д̣̇ассзд̇и. ассаад̣̇аанубассинод̇и хи важанзна аад̣̇ийнавабадижчаад̣̇анагижжаа авиж̇ж̇аа д̇ан̣хааяа гааран̣анд̇и д̣̇ассид̇аа ход̇ийд̇и. яасмаа авид̣̇ваа, д̇асмаа бун̃н̃аабхисан̇каараад̣̇игз абхисан̇карод̇ийд̇и авиж̇ж̇ааяа сан̇каарагааран̣абхаавасса баагадад̇д̇аа авид̣̇д̣̇асубхааво сан̇каарагааран̣абхаавзна вуд̇д̇о кийн̣аасавасса сан̇каараабхаавад̇о асаад̇хааран̣ад̇д̇аа жа. бун̃н̃аабхисан̇каараад̣̇ийнам̣ саад̇хааран̣аани вад̇т̇аарамман̣аад̣̇ийнийд̇и бун̃н̃абхаваад̣̇иаад̣̇ийнавабадижчаад̣̇игаа авиж̇ж̇аа бун̃н̃аабхисан̇каараад̣̇ийнам̣ асаад̇хааран̣ам̣ гааран̣анд̇и ваа ад̇т̇о д̣̇адтаб̣б̣о. таанавируд̣̇д̇ход̇и ад̇т̇ид̇аавируд̣̇д̇хо. гзжи бана ‘‘бадисанд̇хиаад̣̇ийни таанааний’’д̇и вад̣̇анд̇и, звам̣ сад̇и буримажид̇д̇ам̣ бажчимажид̇д̇асса таанавируд̣̇д̇хо бажжаяод̇и на ид̣̇ам̣ зганд̇игам̣ сияаа. бхаван̇г̇амби хи бхаван̇г̇асса ананд̇арабажжаяо, ж̇аванам̣ ж̇аванассаад̇и, на жа сиббаад̣̇ийнам̣ бадисанд̇хиаад̣̇итаанам̣ ад̇т̇ийд̇и на д̇ам̣ ид̇ха ад̇хиббзд̇ам̣. гаммам̣ руубасса наманаруббанавирод̇хаа саарамман̣аанаарамман̣авирод̇хаа жа сабхаававируд̣̇д̇хо бажжаяо, кийраад̣̇ийни д̣̇ад̇хиаад̣̇ийнам̣ мад̇хурамб̣иларасаад̣̇исабхаававирод̇хаа. авиж̇аананагижжо аалого виж̇аананагижжасса вин̃н̃аан̣асса, амад̣̇анагижжаа жа г̇ул̣аад̣̇аяо мад̣̇анагижжасса аасавасса.

г̇оломаавиломаани д̣̇аб̣б̣ааяа бажжаяо, д̣̇ад̇хиаад̣̇ийни бхууд̇ин̣агасса. зд̇т̇а жа авийд̇и рад̇д̇аа зл̣агаа вужжанд̇и. вибаагааязва д̇з жа на, д̇асмаа д̣̇угкавибаагааяаби авиж̇ж̇ааяа д̇ад̣̇авибаагаанам̣ бун̃н̃аанзн̃ж̇аабхисан̇каараанам̣ бажжаяад̇д̇ам̣ на на яуж̇ж̇ад̇ийд̇и ад̇т̇о. д̇ад̣̇авибаагад̇д̇зби сааваж̇ж̇ад̇ааяа д̇ад̣̇авируд̣̇д̇хаанам̣ д̇ам̣сад̣̇исаанан̃жа абун̃н̃аабхисан̇каараанамзва бажжаяо, на ид̇арзсанд̇и зд̇асса басан̇г̇асса нивааран̣ад̇т̇ам̣ ‘‘вируд̣̇д̇хо жаавируд̣̇д̇хо жа, сад̣̇исаасад̣̇исо д̇ат̇аа. д̇хаммаанам̣ бажжаяо сид̣̇д̇хо’’д̇и вуд̇д̇ам̣, д̇асмаа д̇амад̇т̇ам̣ баагадам̣ гаронд̇о ‘‘ид̇и аяам̣ авиж̇ж̇аа’’д̇иаад̣̇имааха.

ажчзж̇ж̇асуд̇д̇аавуд̇аабхзж̇ж̇аман̣ийнам̣ вияа буб̣б̣аабарияававад̇т̇аанам̣ нияад̇и, нияад̇ияаа, нияад̇и зва ваа сан̇г̇ад̇и самааг̇амо нияад̇исан̇г̇ад̇и, д̇ааяа бхаавзсу барин̣ад̇аа мануссад̣̇звавихан̇г̇аад̣̇ибхаавам̣ бад̇д̇аа нияад̇исан̇г̇ад̇ибхаавабарин̣ад̇аа. нияад̇ияаа сан̇г̇ад̇ияаа бхаавзна жа барин̣ад̇аа наанаббагаарад̇ам̣ бад̇д̇аа нияад̇исан̇г̇ад̇ибхаавабарин̣ад̇аад̇и жа ад̇т̇ам̣ вад̣̇анд̇и. зд̇зхи жа вигаббанзхи авиж̇ж̇аа агусалам̣ жид̇д̇ам̣ гад̇ваа бун̃н̃аад̣̇ийсу яад̇т̇а гад̇т̇ажи бавад̇д̇ад̇ийд̇и имамад̇т̇ам̣ д̣̇ассзнд̇о ааха ‘‘со звам̣ авиж̇ж̇ааяаа’’д̇иаад̣̇и.

абарин̣ааяаго б̣аалод̇и арахад̇д̇амаг̇г̇асамбадибаад̣̇агагаляаан̣амид̇д̇арахид̇од̇и ад̇т̇о. арахад̇д̇амаг̇г̇аавасаанам̣ ваа н̃аан̣ам̣ самависамам̣ д̣̇ассзд̇ваа ниб̣б̣аанам̣ наяад̇ийд̇и барин̣ааяаганд̇и вуд̇д̇ам̣, д̇зна рахид̇о абарин̣ааяаго. д̇хаммам̣ н̃ад̇ваад̇и саббурисуубаниссаязна жад̇усажжаббагаасагасуд̇д̇аад̣̇ид̇хаммам̣ н̃ад̇ваа, маг̇г̇ан̃аан̣знзва ваа саб̣б̣ад̇хаммабаварам̣ ниб̣б̣аанам̣ н̃ад̇ваа, д̇ам̣ж̇аананааяад̇д̇ад̇д̇аа бана сзсасажжаабхисамаяасса самаанагааламби д̇ам̣ буримагаалам̣ вияа гад̇ваа вуд̇д̇ам̣.

сан̇каарабад̣̇анид̣̇д̣̇зсаван̣н̣анаа нидтид̇аа.

вин̃н̃аан̣абад̣̇анид̣̇д̣̇зсаван̣н̣анаа

227. яат̇аавуд̇д̇асан̇каарабажжаяаа уббаж̇ж̇амаанам̣ д̇ам̣гамманиб̣б̣ад̇д̇амзва вин̃н̃аан̣ам̣ бхавид̇ум̣ арахад̇ийд̇и ‘‘б̣аад̇д̇им̣са логияавибаагавин̃н̃аан̣аани сан̇г̇ахид̇аани хонд̇ий’’д̇и ааха. д̇хаад̇угат̇ааяам̣ (д̇хаад̇у. 466) бана виббаяуд̇д̇знасан̇г̇ахид̇аасан̇г̇ахид̇абад̣̇анид̣̇д̣̇зсз –

‘‘сан̇каарабажжаяаа вин̃н̃аан̣зна яз д̇хаммаа…бз… сал̣ааяад̇анабажжаяаа пассзна, пассабажжаяаа взд̣̇анааяа яз д̇хаммаа виббаяуд̇д̇аа, д̇з д̇хаммаа гад̇ихи канд̇хзхи…бз… сан̇г̇ахид̇аа? д̇з д̇хаммаа асан̇кад̇ам̣ канд̇хад̇о табзд̇ваа згзна канд̇хзна згаад̣̇асахааяад̇анзхи згаад̣̇асахи д̇хаад̇уухи сан̇г̇ахид̇аа. гад̇ихи асан̇г̇ахид̇аа? жад̇уухи канд̇хзхи згзнааяад̇анзна сад̇д̇ахи д̇хаад̇уухи асан̇г̇ахид̇аа’’д̇и –

важанад̇о саб̣б̣авин̃н̃аан̣апассавзд̣̇анаабариг̇г̇ахо гад̇о. яад̣̇и хи зд̇т̇а вин̃н̃аан̣апассавзд̣̇анаа саббад̣̇зсаа сияум̣, ‘‘вибаагаа д̇хаммаа’’д̇и имасса вияа виссаж̇ж̇анам̣ сияаа, д̇асмаа д̇ад̇т̇а абхид̇хаммабхааж̇анийяавасзна сан̇каарабажжаяаа вин̃н̃аан̣аад̣̇аяо г̇ахид̇аад̇и взд̣̇ид̇аб̣б̣аа. авиж̇ж̇аабажжаяаа сан̇каараа жа абхид̇хаммабхааж̇анийяз жад̇убхуумагагусаласан̇кааро агусаласан̇кааро жа вуд̇д̇од̇и со зва д̇хаад̇угат̇ааяам̣ г̇ахид̇од̇и д̣̇адтаб̣б̣о. бхаво бана д̇хаад̇угат̇ааяам̣ гаммубабад̇д̇ибхавависзсад̣̇ассанад̇т̇ам̣ на абхид̇хаммабхааж̇анийяавасзна г̇ахид̇о. зван̃жа гад̇ваа д̇ад̇т̇а ‘‘убаад̣̇аанабажжаяаа бхаво’’д̇и ануд̣̇д̇харид̇ваа ‘‘гаммабхаво’’д̇иаад̣̇инаава наязна бхаво уд̣̇д̇хадо. вибааган̃хзд̇анд̇и вин̃н̃аан̣асса вибаагад̇д̇аа сан̇каарабажжаяад̇д̇ам̣ саад̇хзд̇и, д̇асса бана саад̇ханад̇т̇ам̣ ‘‘убажид̇агаммаабхаавз вибаагаабхаавад̇о’’д̇и вуд̇д̇анд̇и д̇ам̣ виваранд̇о ‘‘вибааган̃жаа’’д̇иаад̣̇имааха.

язбхуяязна лобхасамбаяуд̇д̇аж̇аванаавасаанзд̇и ж̇аванзна д̇ад̣̇аарамман̣анияамз соманассасахаг̇ад̇аананд̇арам̣ соманассасахаг̇ад̇ад̇ад̣̇аарамман̣асса вуд̇д̇ад̇д̇аа соманассасахаг̇ад̇аанзва санд̇хааяа вуд̇д̇анд̇и взд̣̇ид̇аб̣б̣ам̣. яасмаа бана д̇ихзд̇угаж̇аванаавасаанз жа гад̣̇аажи ахзд̇угам̣ д̇ад̣̇аарамман̣ам̣ ход̇и, д̇асмаа ‘‘язбхуяязнаа’’д̇и ааха. сагим̣ ваад̇и ‘‘д̣̇ирад̇д̇ад̇ирад̇д̇аа’’д̣̇ийсу вияа взд̣̇ид̇аб̣б̣ам̣. д̣̇вигкад̇д̇умзва бана уббаж̇ж̇анд̇ийд̇и вад̣̇анд̇и. ‘‘д̣̇ирад̇д̇ад̇ирад̇д̇а’’нд̇и зд̇т̇а бана ваа-сад̣̇д̣̇асса абхааваа важанасилидтад̇аамад̇д̇зна д̣̇ирад̇д̇аг̇г̇ахан̣ам̣ гад̇анд̇и яуж̇ж̇ад̇и, ‘‘ниранд̇арад̇ирад̇д̇ад̣̇ассанад̇т̇ам̣ ваа’’д̇и. ид̇ха бана ваа-сад̣̇д̣̇о вигаббанад̇т̇о вуд̇д̇од̇и сагим̣ зва жа гад̣̇аажи бавад̇д̇им̣ санд̇хааяа ‘‘сагим̣ ваа’’д̇и вуд̇д̇анд̇и д̣̇адтаб̣б̣ам̣. д̇знзва хи сагим̣ д̇ад̣̇аарамман̣аббавад̇д̇ияаа вижаарзд̇аб̣б̣ад̇ам̣ д̣̇ассзнд̇о ‘‘жид̇д̇аббавад̇д̇иг̇ан̣анааяам̣ банаа’’д̇иаад̣̇имааха. д̇ад̇т̇а жид̇д̇аббавад̇д̇иг̇ан̣анааяанд̇и вибаагагат̇ааяам̣ б̣алаваруубаад̣̇игз аарамман̣з вуд̇д̇ам̣ жид̇д̇аббавад̇д̇иг̇ан̣анам̣ санд̇хааяааха. д̇ад̇т̇а хи д̣̇взва д̇ад̣̇аарамман̣уббад̇д̇иваараа ааг̇ад̇аа. ж̇аванависаяаанубхаванан̃хи д̇ад̣̇аарамман̣ам̣ аасаннабхзд̣̇з д̇асмим̣ висаяз згажид̇д̇агкан̣аавасидтааяугз на уббаж̇ж̇зяяаад̇и ад̇хиббааяо. ануруубааяа бадисанд̇хияаад̇и агусалавибаагасса абааяабадисанд̇хи, гаамааважараад̣̇игусалавибаагаанам̣ гаамаруубааруубасуг̇ад̇ибадисанд̇хияо яат̇аагаммам̣ ануруубаа.

бадисанд̇хигат̇аа махаависаяаад̇и гад̇ваа бавад̇д̇имзва д̇аава д̣̇ассзнд̇о ‘‘бавад̇д̇ияам̣ банаа’’д̇иаад̣̇имааха. ахзд̇угад̣̇ваяаад̣̇ийнам̣ д̣̇вааранияамаанияамааважанам̣ бхаван̇г̇абхууд̇аанам̣ саяамзва д̣̇ваарад̇д̇аа жуд̇ибадисанд̇хибхууд̇аанан̃жа бхаван̇г̇асан̇каад̇зна ан̃н̃зна жа д̣̇ваарзна ануббад̇д̇ид̇о нияад̇ам̣ анияад̇ам̣ ваа д̣̇ваарам̣ зд̇зсанд̇и вад̇д̇ум̣ асаггун̣зяяад̇д̇аа. згасса сад̇д̇асса бавад̇д̇аруубааважаравибааго бат̇авийгасин̣аад̣̇ийсу яасмим̣ аарамман̣з бавад̇д̇о, д̇ад̇о ан̃н̃асмим̣ д̇асса бавад̇д̇и над̇т̇ийд̇и руубааважараанам̣ нияад̇аарамман̣ад̇аа вуд̇д̇аа. д̇ад̇рассаад̇и бавад̇д̇ияам̣ б̣аад̇д̇им̣савид̇хасса.

инд̣̇рияаббавад̇д̇иаанубхаавад̇о зва жагкусод̇ад̣̇ваарабхзд̣̇зна, д̇асса жа вин̃н̃аан̣авийт̇ибхзд̣̇ааяад̇д̇ад̇д̇аа вийт̇ибхзд̣̇зна жа бхавид̇аб̣б̣ам̣, д̇асмин̃жа сад̇и ‘‘ааваж̇ж̇анаананд̇арам̣ д̣̇ассанам̣ саванам̣ ваа д̇ад̣̇ананд̇арам̣ самбадижчана’’нд̇иаад̣̇инаа жид̇д̇анияамзна бхавид̇аб̣б̣ам̣. д̇ат̇аа жа сад̇и самбадижчанасанд̇ийран̣аанамби бхааво сид̣̇д̇хо ход̇и, на инд̣̇рияаббавад̇д̇иаанубхаавзна д̣̇ассанасаванамад̇д̇ассзва, нааби инд̣̇рияаанам̣ зва д̣̇ассанасаванагижжад̇аад̇и имамад̇т̇ам̣ д̣̇ассзнд̇о ааха ‘‘д̣̇вааравийт̇ибхзд̣̇з жид̇д̇анияамад̇о жаа’’д̇и. батамагусалзна жз д̇ад̣̇аарамман̣асса уббад̇д̇и ход̇и, д̇ам̣ батамагусалаананд̇арам̣ уббаж̇ж̇амаанам̣ ж̇анагам̣ ануб̣анд̇хад̇и наама, д̣̇уд̇ияагусалаад̣̇иананд̇арам̣ уббаж̇ж̇амаанам̣ ж̇анагасад̣̇исам̣ ануб̣анд̇хад̇и наама, агусалаананд̇арам̣ уббаж̇ж̇амаанан̃жа гаамааважарад̇ааяа ж̇анагасад̣̇исанд̇и.

згаад̣̇аса д̇ад̣̇аарамман̣ажид̇д̇аани…бз… д̇ад̣̇аарамман̣ам̣ на г̇ан̣ханд̇ийд̇и д̇ад̣̇аарамман̣абхаавад̇ааяа ‘‘д̇ад̣̇аарамман̣а’’нд̇и лад̣̇д̇ханаамаани д̇ад̣̇аарамман̣абхаавам̣ на г̇ан̣ханд̇и, д̇ад̣̇аарамман̣абхаавзна наббавад̇д̇анд̇ийд̇и ад̇т̇о. ат̇а ваа наамаг̇од̇д̇ам̣ аараб̣бха ж̇аванз ж̇авид̇з д̇ад̣̇аарамман̣ам̣ д̇асса ж̇аванасса аарамман̣ам̣ на г̇ан̣ханд̇и, нааламб̣анд̇ийд̇и ад̇т̇о. руубааруубад̇хаммзд̇и руубааруубааважарз д̇хаммз. ид̣̇ам̣ бана вад̇ваа ‘‘абхин̃н̃аан̃аан̣ам̣ аараб̣бхаа’’д̇и висзсанам̣ барид̇д̇аад̣̇иаарамман̣ад̇ааяа гаамааважарасад̣̇исзсу жзва д̇ад̣̇аарамман̣аануббад̇д̇ид̣̇ассанад̇т̇ам̣. мижчад̇д̇анияад̇аа д̇хаммаа маг̇г̇о вияа бхааванааяа сид̣̇д̇хаа махааб̣алаа жаад̇и д̇ад̇т̇а ж̇аванзна бавад̇д̇амаанзна саануб̣анд̇ханзна на бхавид̇аб̣б̣анд̇и д̇зсу д̇ад̣̇аарамман̣ам̣ бадигкид̇д̇ам̣. логуд̇д̇арад̇хаммз аараб̣бхаад̇и зд̇знзва сид̣̇д̇хз ‘‘саммад̇д̇анияад̇ад̇хаммзсуу’’д̇и висум̣ уд̣̇д̇харан̣ам̣ саммад̇д̇амижчад̇д̇анияад̇ад̇хаммаанам̣ ан̃н̃аман̃н̃абадибагкаад̇и б̣алавабхаавзна д̇ад̣̇аарамман̣асса авад̇т̇убхаавад̣̇ассанад̇т̇ам̣.

звам̣ бавад̇д̇ияам̣ вин̃н̃аан̣аббавад̇д̇им̣ д̣̇ассзд̇ваа бадисанд̇хияам̣ д̣̇ассзд̇ум̣ ‘‘яам̣ бана вуд̇д̇а’’нд̇иаад̣̇имааха. гзна гад̇т̇аад̇и гзна жид̇д̇зна гасмим̣ бхавз. згуунавийсад̇и бадисанд̇хияо д̇зна д̇зна жид̇д̇зна бавад̇д̇амаанаа бадисанд̇хигкан̣з руубааруубад̇хаммаад̇и д̇зна д̇зна жид̇д̇зна саа саа д̇ад̇т̇а д̇ад̇т̇а бадисанд̇хи ход̇ийд̇и вуд̇д̇аа. д̇ассаад̇и жид̇д̇асса.

ааг̇анд̇ваад̇и ааг̇ад̇ам̣ вияа худ̇ваа. г̇обагасийвалийд̇и ран̃н̃о хид̇аарагкз г̇обагагулз ж̇аад̇о сийвалинаамаго. гаммаад̣̇иануссаран̣аб̣яаабаарарахид̇ад̇д̇аа ‘‘саммуул̣хагаалагирияаа’’д̇и вуд̇д̇аа. аб̣яаабаарзнзва хи д̇ад̇т̇а гаммаад̣̇иубадтаанам̣ ход̇ийд̇и. ‘‘бисияамаанааяа магкигааяа батамам̣ гааяад̣̇ваарааваж̇ж̇анам̣ бхаван̇г̇ам̣ нааваддзд̇и ад̇д̇анаа жинд̇ияамаанасса гассажи ад̇т̇ид̇ааяаа’’д̇и гзжи гааран̣ам̣ вад̣̇анд̇и, д̇ад̣̇зд̇ам̣ агааран̣ам̣ бхаван̇г̇ависаяад̇о ан̃н̃асса жинд̇ияамаанасса абхааваа ан̃н̃ажид̇д̇аббавад̇д̇агаалз жа бхаван̇г̇аавадданассзва асамбхавад̇о. ид̣̇ам̣ банзд̇т̇а гааран̣ам̣ сияаа – ‘‘д̇аанисса д̇амхи самаяз оламб̣анд̇и аж̇жхоламб̣анд̇и абхиббаламб̣анд̇ий’’д̇и (ма. ни. 3.248) важанад̇о д̇ийсу ж̇аванаваарзсу аббавад̇д̇зсвзва гаммаад̣̇иубадтаанзна бхавид̇аб̣б̣ам̣. анзгаж̇аванаваараббавад̇д̇ияаа хи аж̇жхоламб̣анам̣ абхиббаламб̣анан̃жа ход̇ийд̇и. д̇асмаа гааяад̣̇ваарааваж̇ж̇анам̣ анааваддзд̇ваа манод̣̇ваарааваж̇ж̇анамзва гаммаад̣̇иааламб̣ан̣ам̣ батамам̣ бхаван̇г̇ам̣ ааваддзд̇и, д̇ад̇о подтаб̣б̣асса б̣алавад̇д̇аа д̣̇уд̇ияаваарз гааяавин̃н̃аан̣авийт̇и бажжуббаннз подтаб̣б̣з бавад̇д̇ад̇и, д̇ад̇о буримаж̇аванаваараг̇ахид̇зсвзва гаммаад̣̇ийсу гамзна манод̣̇ваараж̇аванам̣ ж̇авид̇ваа муулабхаван̇г̇асан̇каад̇ам̣ ааг̇анд̇угабхаван̇г̇асан̇каад̇ам̣ ваа д̇ад̣̇аарамман̣ам̣ бхаван̇г̇ам̣ од̇арад̇и, д̇ад̣̇аарамман̣аабхаавз ваа бхаван̇г̇амзва. зд̇асмим̣ таанз гаалам̣ гарод̇ийд̇и д̇ад̣̇аарамман̣аананд̇арзна жуд̇ижид̇д̇зна, д̇ад̣̇аарамман̣аабхаавз ваа бхаван̇г̇асан̇каад̇знзва жуд̇ижид̇д̇зна жавад̇ийд̇и ад̇т̇о. бхаван̇г̇амзва хи жуд̇ижид̇д̇ам̣ худ̇ваа бавад̇д̇ад̇ийд̇и жуд̇ижид̇д̇ам̣ ид̇ха ‘‘бхаван̇г̇а’’нд̇и вуд̇д̇анд̇и. манод̣̇ваарависаяо лахугод̇и лахугабажжубадтаанам̣ санд̇хааяа вуд̇д̇ам̣ ‘‘аруубад̇хаммаанам̣…бз… лахуго’’д̇и. аруубад̇хаммасса хи манод̣̇ваарасса висаяо лахугабажжубадтаанод̇и. б̣алавад̇и жа руубад̇хаммасса гааяад̣̇ваарасса висаяз аббавад̇д̇ид̇ваа манод̣̇ваарависаяз гаммаад̣̇имхи батамам̣ жид̇д̇аббавад̇д̇ид̣̇ассанзна аруубад̇хаммаанам̣ висаяасса лахугад̇аа д̣̇ийбид̇аад̇и. руубаанам̣ висаяаабхаавзби ваа ‘‘аруубад̇хаммаана’’нд̇и важанам̣ язсам̣ висаяо ад̇т̇и, д̇ам̣д̣̇ассанад̇т̇амзваад̇и д̣̇адтаб̣б̣ам̣. д̇зна лахугаммаад̣̇ийсу жид̇д̇аббавад̇д̇ид̇о лахуг̇ахан̣ийяад̇аа висаяасса лахугад̇аа.

гаммаад̣̇ийнам̣ бхуумижид̇д̇убаад̣̇аад̣̇ивасзна вид̇т̇аарад̇о ананд̇о бабхзд̣̇од̇и ‘‘сан̇кзбад̇о’’д̇и ааха.

авиж̇ж̇аад̇ан̣хаад̣̇игилзсзсу анубажчиннзсвзва гаммаад̣̇ино убадтаанам̣, д̇ан̃жаараб̣бха жид̇д̇асанд̇аанасса бхаванд̇араниннабон̣абаб̣бхаарад̇аа ход̇ийд̇и ааха ‘‘анубажчиннагилзсаб̣алавинаамид̇а’’нд̇и. санд̇аанз хи винаамид̇з д̇ад̣̇згад̣̇зсабхууд̇ам̣ бадисанд̇хижид̇д̇ан̃жа винаамид̇амзва ход̇и, на жа згад̣̇зсавинаамид̇абхаавзна винаа санд̇аанавинаамид̇ад̇аа ад̇т̇ийд̇и. саб̣б̣ад̇т̇а бана ‘‘д̣̇уг̇г̇ад̇ибадисанд̇хининнааяа жуд̇ияаа буримаж̇аванаани агусалаани, ид̇арааяа жа гусалааний’’д̇и нижчинанд̇и. ‘‘нимид̇д̇ассаад̣̇аг̇ад̇хид̇ам̣ ваа, бхигкавз, вин̃н̃аан̣ам̣ д̇идтамаанам̣ д̇идтад̇и ануб̣яан̃ж̇анассаад̣̇аг̇ад̇хид̇ам̣ ваа. д̇асмим̣ жз самаяз гаалам̣ гарод̇и, таанамзд̇ам̣ виж̇ж̇ад̇и, яам̣ д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ убабаж̇ж̇зяяа нираяам̣ ваа д̇иражчаанаяоним̣ ваа’’д̇и (сам̣. ни. 4.235) вуд̇д̇ам̣. д̇асмаа аасаннам̣ агусалам̣ д̣̇уг̇г̇ад̇ияам̣, гусалан̃жа суг̇ад̇ияам̣ бадисанд̇хияаа убаниссаяо ход̇ийд̇и.

рааг̇аад̣̇ихзд̇убхууд̇ам̣ хийнамаарамман̣анд̇и агусалавибаагасса аарамман̣ам̣ бхавид̇ум̣ яуд̇д̇ам̣ анидтаарамман̣ам̣ ааха. д̇амби хи сан̇габбавасзна рааг̇ассаби хзд̇у ход̇ийд̇и. агусалавибаагаж̇анагагаммасахаж̇аад̇аанам̣ ваа д̇ам̣сад̣̇исаасаннажуд̇иж̇аванажзд̇анаасахаж̇аад̇аанан̃жа рааг̇аад̣̇ийнам̣ хзд̇убхааво зва хийнад̇аа. д̇ан̃хи бажчаануд̇аабаж̇анагагаммаанамаарамман̣ам̣ гаммавасзна анидтам̣ агусалавибаагасса аарамман̣ам̣ бхавзяяа, ан̃н̃ат̇аа жа идтаарамман̣з бавад̇д̇асса агусалагаммасса вибааго гамманимид̇д̇аарамман̣о на бхавзяяа. на хи агусалавибааго идтаарамман̣о бхавид̇умарахад̇ийд̇и. бан̃жад̣̇ваарз жа аабаат̇амааг̇ажчанд̇ам̣ бажжуббаннам̣ гамманимид̇д̇ам̣ аасаннагад̇агаммаарамман̣асанд̇ад̇ияам̣ уббаннам̣ д̇ам̣сад̣̇исан̃жа д̣̇адтаб̣б̣ам̣, ан̃н̃ат̇аа д̇ад̣̇зва бадисанд̇хиаарамман̣уубадтаабагам̣ д̇ад̣̇зва жа бадисанд̇хиж̇анагам̣ бхавзяяа, на жа бадисанд̇хияаа убажаарабхууд̇аани вияа ‘‘зд̇асмим̣ д̇аяаа бавад̇д̇ид̇аб̣б̣а’’нд̇и бадисанд̇хияаа аарамман̣ам̣ анубаад̣̇знд̇аани вияа жа бавад̇д̇аани жуд̇иаасаннаани ж̇аванаани бадисанд̇хиж̇анагаани бхавзяяум̣. ‘‘гад̇ад̇д̇аа убажид̇ад̇д̇аа’’д̇и (д̇ха. са. 431) хи вуд̇д̇ам̣. д̇ад̣̇аа жа д̇ам̣самаанавийт̇ияам̣ вияа бавад̇д̇амаанаани гат̇ам̣ гад̇уубажид̇аани сияум̣, на жа ассаад̣̇ид̇аани д̇ад̣̇аа, на жа логияаани логуд̇д̇араани вияа самаанавийт̇ипалаани хонд̇и.

‘‘буб̣б̣з ваасса д̇ам̣ гад̇ам̣ ход̇и баабагаммам̣ д̣̇угкавзд̣̇анийяам̣, бажчаа ваасса д̇ам̣ гад̇ам̣ ход̇и баабагаммам̣ д̣̇угкавзд̣̇анийяам̣, маран̣агаалз ваасса ход̇и мижчаад̣̇идти самад̇д̇аа самаад̣̇иннаа, д̇зна со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и (ма. ни. 3.303) –

аад̣̇инаа суд̇д̇з маран̣агаалз самад̇д̇ааяа самаад̣̇иннааяа мижчаад̣̇идтияаа саммаад̣̇идтияаа жа сахаж̇аад̇ажзд̇анааяа бадисанд̇хид̣̇аанам̣ вуд̇д̇ам̣, на жа д̣̇уб̣б̣алзхи бан̃жад̣̇вааригаж̇аванзхи мижчаад̣̇идти саммаад̣̇идти ваа самад̇д̇аа ход̇и самаад̣̇иннаа. вагкад̇и жа –

‘‘саб̣б̣амби хзд̇ам̣ гусалаагусалад̇хаммабадивиж̇аананаад̣̇ижаванабарияосаанам̣ гижжам̣ манод̣̇вааригажид̇д̇знзва ход̇и, на бан̃жад̣̇вааригзнаад̇и саб̣б̣ассабзд̇асса гижжасса гаран̣з сахаж̇аванагаани вийт̇ижид̇д̇аани бадигкид̇д̇ааний’’д̇и (вибха. адта. 766).

д̇ад̇т̇а хи ‘‘на гин̃жи д̇хаммам̣ бадивиж̇аанаад̇ийд̇и ‘манобуб̣б̣ан̇г̇амаа д̇хаммаа’д̇и (д̇ха. ба. 1-2) звам̣ вуд̇д̇ам̣ згамби гусалам̣ ваа агусалам̣ ваа на бадивиж̇аанаад̇ий’’д̇и (вибха. адта. 766) жа вуд̇д̇ам̣. язсам̣ бадивибхааванаббавад̇д̇ияаа сукам̣ ваа д̣̇угкам̣ ваа анвзд̇и, д̇зсам̣ саа бавад̇д̇и бан̃жад̣̇ваарз бадигкид̇д̇аа, гусалаагусалагаммасамаад̣̇аанан̃жа д̇аад̣̇исамзваад̇и. д̇ад̣̇аарамман̣аананд̇арам̣ бана жаванам̣, д̇ад̣̇ананд̇араа жа убабад̇д̇и манод̣̇вааригаа зва ход̇и, на сахаж̇аванагавийт̇ижид̇д̇з барияаабаннаад̇и иминаа ад̇хиббааязна ид̇ха бан̃жад̣̇вааригад̇ад̣̇аарамман̣аананд̇арам̣ жуд̇и, д̇ад̣̇ананд̇арам̣ бадисанд̇хи жа вуд̇д̇аад̇и д̣̇адтаб̣б̣ам̣. д̇ад̇т̇а авасзсабан̃жажид̇д̇агкан̣ааяугз руубаад̣̇имхи уббаннам̣ бадисанд̇хим̣ санд̇хааязва ‘‘бажжуббаннаарамман̣ам̣ убабад̇д̇ижид̇д̇ам̣ бажжуббаннаарамман̣асса бхаван̇г̇асса ананд̇арабажжаязна бажжаяо’’д̇и, авасзсзгажид̇д̇агкан̣ааяугз жа уббаннам̣ санд̇хааяа ‘‘бажжуббаннаарамман̣ам̣ убабад̇д̇ижид̇д̇ам̣ ад̇ийд̇аарамман̣асса бхаван̇г̇асса ананд̇арабажжаязна бажжаяо’’д̇и (бадтаа. 2.19.28) вуд̇д̇анд̇и взд̣̇ид̇аб̣б̣ам̣.

суд̣̇д̇хааяа ваад̇и махаг̇г̇ад̇агамманимид̇д̇аарамман̣ааяа ж̇аванавийт̇ияаа д̇ад̣̇аарамман̣арахид̇ааяаад̇и ад̇т̇о. саа бана ж̇аванавийт̇и махаг̇г̇ад̇авибаагасса убажааро вияа д̣̇адтаб̣б̣аа. гзжи бана д̇ам̣ вийт̇им̣ махаг̇г̇ад̇аавасаанам̣ вад̣̇анд̇и. ад̇ийд̇аарамман̣аа згаад̣̇асавид̇хаа, навад̇д̇аб̣б̣аарамман̣аа сад̇д̇авид̇хаа.

зд̇знаанусаарзна ааруббажуд̇ияааби ананд̇араа бадисанд̇хи взд̣̇ид̇аб̣б̣аад̇и ид̣̇ам̣ гасмаа вуд̇д̇ам̣, нану ‘‘бат̇авийгасин̣аж̇жхаанаад̣̇ивасзна бадилад̣̇д̇хамахаг̇г̇ад̇асуг̇ад̇ияам̣ тид̇ассаа’’д̇и звамаад̣̇игз зва наяз аяамби бадисанд̇хи аваруд̣̇д̇хаад̇и? на, д̇ад̇т̇а руубааважаражуд̇иананд̇арааяа зва бадисанд̇хияаа вуд̇д̇ад̇д̇аа. д̇ад̇т̇а хи ‘‘бат̇авийгасин̣аад̣̇игам̣ ваа нимид̇д̇ам̣ махаг̇г̇ад̇ажид̇д̇ам̣ ваа манод̣̇ваарз аабаат̇амааг̇ажчад̇и. жагкусод̇аанам̣ ваа’’д̇иаад̣̇игзна руубааважаражуд̇ияаа зва ананд̇араа бадисанд̇хи вуд̇д̇аад̇и вин̃н̃ааяад̇и. ат̇ааби яат̇аасамбхаваяож̇анааяа аяамби бадисанд̇хи д̇ад̇т̇зва аваруд̣̇д̇хаа, аруубааважаражуд̇иананд̇араа бана руубааважарабадисанд̇хи над̇т̇и, аруубааважарз жа убаруубарижуд̇ияаа хздтимаа хздтимаа бадисанд̇хийд̇и жад̇уд̇т̇ааруббажуд̇ияаа навад̇д̇аб̣б̣аарамман̣аа бадисанд̇хи над̇т̇и. д̇зна д̇ад̇о д̇ад̇т̇зва ад̇ийд̇аарамман̣аа гаамааважарз жа ад̇ийд̇абажжуббаннаарамман̣аа бадисанд̇хи ид̇араахи жа яат̇аасамбхавам̣ ад̇ийд̇анавад̇д̇аб̣б̣аарамман̣аа ааруббабадисанд̇хи, ад̇ийд̇абажжуббаннаарамман̣аа жа гаамааважарабадисанд̇хи яож̇зд̇аб̣б̣аад̇и имасса висзсасса д̣̇ассанад̇т̇ам̣ висум̣ уд̣̇д̇харан̣ам̣ гад̇ам̣.

звам̣ аарамман̣авасзна згавид̇хааяа гаамааважарасуг̇ад̇ижуд̇ияаа д̣̇увид̇хаа д̣̇уг̇г̇ад̇ибадисанд̇хи, д̣̇уг̇г̇ад̇ижуд̇ияаа д̣̇увид̇хаа суг̇ад̇ибадисанд̇хи, гаамааважарасуг̇ад̇ижуд̇ияаа д̣̇визгад̣̇виббагаараанам̣ гаамаруубааруббаанам̣ васзна бан̃жавид̇хаа суг̇ад̇ибадисанд̇хи, руубааважаражуд̇ияаа жа д̇ат̇зва бан̃жавид̇хаа, д̣̇увид̇хааяа ааруббажуд̇ияаа бажжзгам̣ д̣̇виннам̣ д̣̇виннам̣ гаамааруббаанам̣ васзна адтавид̇хаа жа бадисанд̇хи д̣̇ассид̇аа, д̣̇уг̇г̇ад̇ижуд̇ияаа бана згавид̇хааяа д̣̇уг̇г̇ад̇ибадисанд̇хи д̣̇увид̇хаа на д̣̇ассид̇аа, д̇ам̣ д̣̇ассзд̇ум̣ ‘‘д̣̇уг̇г̇ад̇ияам̣ тид̇асса банаа’’д̇иаад̣̇имааха. яат̇аавуд̇д̇аа бана –

д̣̇вид̣̇вибан̃жаббагаараа жа, бан̃жаадтад̣̇увид̇хааби жа;

жад̇увийсад̇и саб̣б̣ааби, д̇аа хонд̇и бадисанд̇хияо.

‘‘гаамааважарасса гусаласса гаммасса гад̇ад̇д̇аа’’д̇иаад̣̇инаа (д̇ха. са. 431, 455, 498) наанаагкан̣игагаммабажжаяабхааво д̣̇ассид̇аббагаарод̇и убаниссаяабажжаяабхаавамзва д̣̇ассзнд̇о ‘‘вуд̇д̇ан̃хзд̇а’’нд̇иаад̣̇имааха.

аад̣̇инаа сахаад̇иаад̣̇инаа вимиссавин̃н̃аан̣зна саха. омад̇о д̣̇вз ваа д̇аяо ваа д̣̇асагаа уббаж̇ж̇анд̇ийд̇и г̇аб̣бхасзяяагаанам̣ васзна вуд̇д̇ам̣. ан̃н̃ад̇т̇а хи анзгз галаабаа саха уббаж̇ж̇анд̇и. б̣рахмад̇д̇абхаавзби хи анзгаг̇аавуд̇аббамаан̣з анзгз галаабаа сахуббаж̇ж̇анд̇ийд̇и д̇им̣сад̇о ад̇хигаанзва руубаани хонд̇и г̇анд̇харасаахаараанам̣ бадигкид̇д̇ад̇д̇аа жагкусод̇авад̇т̇усад̇д̇агаж̇ийвид̇ачаггабхаавзби д̇зсам̣ б̣ахуд̇д̇аа. адтагат̇ааяам̣ бана д̇ад̇т̇аби жагкусод̇авад̇т̇уд̣̇асагаанам̣ ж̇ийвид̇анавагасса жа уббад̇д̇и вуд̇д̇аа, баал̣ияам̣ бана ‘‘руубад̇хаад̇уяаа убабад̇д̇игкан̣з табзд̇ваа асан̃н̃асад̇д̇аанам̣ д̣̇зваанам̣ бан̃жааяад̇анаани баад̇убхаванд̇и, бан̃жа д̇хаад̇уяо баад̇убхаванд̇ий’’д̇и вуд̇д̇ам̣, д̇ат̇аа ‘‘руубад̇хаад̇уяаа ча ааяад̇анаани нава д̇хаад̇уяо’’д̇и саб̣б̣асан̇г̇ахавасзна д̇ад̇т̇а виж̇ж̇амаанааяад̇анад̇хаад̇уяо д̣̇ассзд̇ум̣ вуд̇д̇ам̣. гат̇аавад̇т̇умхи жа гхаанааяад̇анаад̣̇ийнам̣ вияа г̇анд̇хааяад̇анаад̣̇ийнан̃жа д̇ад̇т̇а бхааво бадигкид̇д̇о ‘‘ад̇т̇и д̇ад̇т̇а гхаанааяад̇ананд̇и? ааманд̇аа, ад̇т̇и д̇ад̇т̇а г̇анд̇хааяад̇ананд̇и? на хзвам̣ вад̇д̇аб̣б̣з’’д̇иаад̣̇инаа (гат̇аа. 519), на жа аподтаб̣б̣ааяад̇анаанам̣ бат̇авийд̇хаад̇уаад̣̇ийнам̣ вияа аг̇анд̇харасааяад̇анаанам̣ г̇анд̇харасаанам̣ д̇ад̇т̇а бхааво саггаа вад̇д̇ум̣ пусид̇ум̣ асаггун̣зяяад̇аавинимуд̇д̇асса бат̇авийаад̣̇исабхаавасса вияа г̇анд̇харасабхаававинимуд̇д̇асса г̇анд̇харасасабхаавасса абхааваа.

яад̣̇и жа гхаанасампассаад̣̇ийнам̣ гааран̣абхааво над̇т̇ийд̇и ааяад̇анаанийд̇и д̇зна вужжзяяум̣, д̇хаад̇у-сад̣̇д̣̇о бана ниссад̇д̇аниж̇ж̇ийваваажагод̇и г̇анд̇хад̇хаад̇урасад̇хаад̇ууд̇и аважанз над̇т̇и гааран̣ам̣, д̇хаммабхааво жа д̇зсам̣ зганд̇зна ижчид̇аб̣б̣о сабхаавад̇хааран̣аад̣̇илагкан̣ад̇о ан̃н̃асса абхааваа, д̇хаммаанан̃жа ааяад̇анабхааво зганд̇ад̇о яамагз (яама. 1. ааяад̇анаяамага.13) вуд̇д̇о ‘‘д̇хаммо ааяад̇ананд̇и? ааманд̇аа’’д̇и. д̇асмаа д̇зсам̣ г̇анд̇харасааяад̇анабхааваабхаавзби гожи ааяад̇анасабхааво вад̇д̇аб̣б̣о. яад̣̇и жа подтаб̣б̣абхаавад̇о ан̃н̃о бат̇авийд̇хаад̇уаад̣̇ибхааво вияа г̇анд̇харасабхаавад̇о ан̃н̃о д̇зсам̣ гожи сабхааво сияаа, д̇зсам̣ д̇хаммааяад̇анз сан̇г̇ахо. г̇анд̇харасабхаавз бана ааяад̇анабхаавз жа сад̇и г̇анд̇хо жа со ааяад̇анан̃жа г̇анд̇хааяад̇анам̣, расо жа со ааяад̇анан̃жа расааяад̇ананд̇и ид̣̇амаабаннамзваад̇и г̇анд̇харасааяад̇анабхааво жа на саггаа ниваарзд̇ум̣, ‘‘д̇аяо аахаараа’’д̇и (вибха. 993) жа важанад̇о габ̣ал̣ийгаараахаарасса д̇ад̇т̇а абхааво вин̃н̃ааяад̇и. д̇асмаа яат̇аа баал̣ияаа авирод̇хо ход̇и, д̇ат̇аа руубаг̇ан̣анаа гаад̇аб̣б̣аа. зван̃хи д̇хаммад̇аа на виломид̇аа ход̇ийд̇и.

ж̇аад̇иун̣н̣ааяаад̇и г̇аб̣бхам̣ паалзд̇ваа г̇ахид̇аун̣н̣ааяаад̇иби вад̣̇анд̇и. самбхавабхзд̣̇од̇и ад̇т̇ид̇аабхзд̣̇о. ниж̇жхаамад̇ан̣хигаа гира нижжам̣ д̣̇угкаад̇урад̇ааяа гаамам̣ сзвид̇ваа г̇аб̣бхам̣ на г̇ан̣ханд̇и.

руубийб̣рахмзсу д̇аава обабаад̇игаяонигзсууд̇и обабаад̇игаяонигзхи руубийб̣рахмз нид̣̇д̇хаарзд̇и. ‘‘сам̣сзд̣̇аж̇обабаад̇ийсу авагам̣сад̇о д̇им̣саа’’д̇и зд̇ам̣ виваранд̇о ааха ‘‘авагам̣сад̇о банаа’’д̇иаад̣̇и, д̇ам̣ банзд̇ам̣ баал̣ияаа на самзд̇и. на хи баал̣ияам̣ гаамааважараанам̣ сам̣сзд̣̇аж̇обабаад̇игаанам̣ агхаанагаанам̣ убабад̇д̇и вуд̇д̇аа. д̇хаммахад̣̇аяавибхан̇г̇з (вибха. 1007) хи –

‘‘гаамад̇хаад̇уяаа убабад̇д̇игкан̣з гассажи згаад̣̇асааяад̇анаани баад̇убхаванд̇и, гассажи д̣̇асааяад̇анаани, гассажи абараани д̣̇асааяад̇анаани, гассажи навааяад̇анаани, гассажи сад̇д̇ааяад̇анаани баад̇убхаванд̇ий’’д̇и –

вуд̇д̇ам̣, на вуд̇д̇ам̣ ‘‘адтааяад̇анаани баад̇убхаванд̇ий’’д̇и. д̇ат̇аа ‘‘д̣̇асааяад̇анаани баад̇убхаванд̇ий’’д̇и д̇игкад̇д̇ум̣ вад̇д̇аб̣б̣ам̣ сияаа, агхаанагаубабад̇д̇ияаа виж̇ж̇амаанааяа д̇игкад̇д̇ун̃жа ‘‘навааяад̇анаани баад̇убхаванд̇ий’’д̇и, на жа д̇ам̣ вуд̇д̇ам̣. звам̣ д̇хаад̇убаад̇убхааваад̣̇ибан̃хзсу яамагзби гхаанаж̇ивхаагааяаанам̣ сахажаарид̇аа вуд̇д̇аад̇и.

жуд̇ибадисанд̇хийнам̣ канд̇хаад̣̇ийхи ан̃н̃аман̃н̃ам̣ самаанад̇аа абхзд̣̇о, асамаанад̇аа бхзд̣̇о. наяамукамад̇д̇ам̣ д̣̇ассзд̇ваа вуд̇д̇ам̣ авуд̇д̇ан̃жа саб̣б̣ам̣ сан̇г̇ан̣хид̇ваа ааха ‘‘аяам̣ д̇аава аруубабхуумийсуязва наяо’’д̇и. руубааруубааважараанам̣ убажаарасса б̣алавад̇ааяа д̇ад̇о жавид̇ваа д̣̇уг̇г̇ад̇ияам̣ убабад̇д̇и над̇т̇ийд̇и ‘‘згажжасуг̇ад̇ижуд̇ияаа’’д̇и ааха. згажжад̣̇уг̇г̇ад̇ибадисанд̇хийд̇и зд̇т̇а згажжаг̇г̇ахан̣асса баяож̇анам̣ маг̇г̇ид̇аб̣б̣ам̣. аяам̣ банзд̇т̇аад̇хиббааяо сияаа – наанад̇д̇агааяанаанад̇д̇асан̃н̃ийсу вуд̇д̇аа згажжз винибаад̇игаа д̇ихзд̇угаад̣̇ибадисанд̇хигаа, д̇зсам̣ д̇ам̣ бадисанд̇хим̣ винибаад̇абхаавзна д̣̇уг̇г̇ад̇ибадисанд̇хийд̇и г̇ахзд̇ваа саб̣б̣асуг̇ад̇ижуд̇ияаава саа бадисанд̇хи ход̇и, на згажжасуг̇ад̇ижуд̇ияаа зваад̇и д̇ам̣нивад̇д̇анад̇т̇ам̣ згажжад̣̇уг̇г̇ад̇иг̇г̇ахан̣ам̣ гад̇ам̣. абааяабадисанд̇хи зва хи згажжасуг̇ад̇ижуд̇ияаа ход̇и, на саб̣б̣асуг̇ад̇ижуд̇ияаа. ат̇а ваа д̣̇уг̇г̇ад̇ибадисанд̇хи д̣̇увид̇хаа згажжасуг̇ад̇ижуд̇ияаа ананд̇араа д̣̇уг̇г̇ад̇ижуд̇ияаа жаад̇и. д̇ад̇т̇а бажчимам̣ важ̇ж̇зд̇ваа буримам̣ зва г̇ан̣хид̇ум̣ ааха ‘‘згажжад̣̇уг̇г̇ад̇ибадисанд̇хий’’д̇и. ахзд̇угажуд̇ияаа сахзд̇угабадисанд̇хийд̇и д̣̇ухзд̇угаа д̇ихзд̇угаа жа яож̇зд̇аб̣б̣аа. ман̣д̣уугад̣̇звабуд̇д̇аад̣̇ийнам̣ вияа хи ахзд̇угажуд̇ияаа д̇ихзд̇угабадисанд̇хиби ход̇ийд̇и.

д̇асса д̇асса вибарийд̇ад̇о жа яат̇ааяог̇ам̣ яож̇зд̇аб̣б̣анд̇и ‘‘згажжасуг̇ад̇ижуд̇ияаа згажжад̣̇уг̇г̇ад̇ибадисанд̇хий’’д̇иаад̣̇ийсу бхзд̣̇ависзсзсу ‘‘згажжад̣̇уг̇г̇ад̇ижуд̇ияаа згажжасуг̇ад̇ибадисанд̇хий’’д̇иаад̣̇инаа яам̣ яам̣ яуж̇ж̇ад̇и, д̇ам̣ д̇ам̣ яож̇зд̇аб̣б̣анд̇и ад̇т̇о. яуж̇ж̇амаанамад̇д̇аабзгканавасзна набум̣саганид̣̇д̣̇зсо гад̇о, яож̇зд̇аб̣б̣анд̇и ваа бхаавад̇т̇о д̣̇адтаб̣б̣о. амахаг̇г̇ад̇аб̣ахид̣̇д̇хаарамман̣ааяа махаг̇г̇ад̇ааж̇жхад̇д̇аарамман̣аад̇иаад̣̇ийсу бана вибарийд̇аяож̇анаа на гаад̇аб̣б̣аа. на хи махаг̇г̇ад̇ааж̇жхад̇д̇аарамман̣ааяа жуд̇ияаа аруубабхуумийсу амахаг̇г̇ад̇аб̣ахид̣̇д̇хаарамман̣аа бадисанд̇хи ад̇т̇и. жад̇угканд̇хааяа аруубажуд̇ияаа бан̃жагканд̇хаа гаамааважарабадисанд̇хийд̇и зд̇асса вибарияааяо саяамзва яож̇ид̇о. ад̇ийд̇аарамман̣ажуд̇ияаа бажжуббаннаарамман̣аа бадисанд̇хийд̇и зд̇асса жа вибарияааяо над̇т̇и зваад̇и. бхзд̣̇ависзсо зва жа звам̣ вид̇т̇аарзна д̣̇ассид̇о, абхзд̣̇ависзсо бана згзгасмим̣ бхзд̣̇з д̇ад̇т̇а д̇ад̇т̇зва жуд̇ибадисанд̇хияож̇анаавасзна яож̇зд̇аб̣б̣о ‘‘бан̃жагканд̇хааяа гаамааважарааяа бан̃жагканд̇хаа гаамааважараа…бз… авид̇аггаавижаарааяа авид̇аггаавижаараа’’д̇и, жад̇угканд̇хааяа бана жад̇угканд̇хаа саяамзва яож̇ид̇аа. зд̇знзва наязна саггаа н̃аад̇унд̇и бан̃жагканд̇хаад̣̇ийсу абхзд̣̇ависзсо на д̣̇ассид̇од̇и. д̇ад̇о хзд̇ум̣ винаад̇и д̇ад̇т̇а хзд̇ум̣ винаа.

ан̇г̇абажжан̇г̇асанд̇хийнам̣ б̣анд̇ханаани ан̇г̇абажжан̇г̇асанд̇хиб̣анд̇ханаани, д̇зсам̣ чзд̣̇агаанам̣. нируд̣̇д̇хзсу жагкаад̣̇ийсууд̇и ад̇иманд̣̇абхаавуубаг̇аманам̣ санд̇хааяа вуд̇д̇анд̇и взд̣̇ид̇аб̣б̣ам̣. бан̃жад̣̇вааригавин̃н̃аан̣аананд̇арамби хи буб̣б̣з жуд̇и д̣̇ассид̇аа. яамагз жа (яама. 1.ааяад̇анаяамага.120) –

‘‘яасса жагкааяад̇анам̣ нируж̇жхад̇и, д̇асса манааяад̇анам̣ нируж̇жхад̇ийд̇и? ааманд̇аа. яасса ваа бана манааяад̇анам̣ нируж̇жхад̇и, д̇асса жагкааяад̇анам̣ нируж̇жхад̇ийд̇и? сажид̇д̇агаанам̣ ажагкугаанам̣ жаванд̇аанам̣ д̇зсам̣ манааяад̇анам̣ нируж̇жхад̇и, но жа д̇зсам̣ жагкааяад̇анам̣ нируж̇жхад̇и. сажагкугаанам̣ жаванд̇аанам̣ д̇зсам̣ манааяад̇анан̃жа нируж̇жхад̇и, жагкааяад̇анан̃жа нируж̇жхад̇ий’’д̇и –

аад̣̇инаа жагкааяад̇анаад̣̇ийнам̣ жуд̇ижид̇д̇зна саха нирод̇хо вуд̇д̇од̇и. лад̣̇д̇хо авасзсо авиж̇ж̇аад̣̇иго вин̃н̃аан̣асса бажжаяо зд̇знаад̇и лад̣̇д̇хаавасзсабажжаяо, сан̇кааро. авиж̇ж̇аабадижчаад̣̇ид̇аад̣̇ийнавз д̇асмим̣ гаммаад̣̇ивисаяз бадисанд̇хивин̃н̃аан̣асса аарамман̣абхаавзна уббад̇д̇идтаанабхууд̇з д̇ан̣хааяа аббахийнад̇д̇аа зва буримуббаннааяа жа санд̇ад̇ияаа барин̣ад̇ад̇д̇аа бадисанд̇хидтаанаабхимукам̣ вин̃н̃аан̣ам̣ ниннабон̣абаб̣бхаарам̣ худ̇ваа бавад̇д̇ад̇ийд̇и ааха ‘‘д̇ан̣хаа наамзд̇ий’’д̇и. сахаж̇аад̇асан̇каараад̇и жуд̇иаасаннаж̇аванавин̃н̃аан̣асахаж̇аад̇ажзд̇анаа, саб̣б̣зби ваа пассаад̣̇аяо. д̇асмим̣ бадисанд̇хидтаанз гаммаад̣̇ивисаяз вин̃н̃аан̣ам̣ кибанд̇и, кибанд̇аа вияа д̇асмим̣ висаяз бадисанд̇хивасзна вин̃н̃аан̣абад̇идтаанасса хзд̇убхаавзна бавад̇д̇анд̇ийд̇и ад̇т̇о.

д̇анд̇и д̇ам̣ вин̃н̃аан̣ам̣, жуд̇ибадисанд̇хид̇ад̣̇аасаннавин̃н̃аан̣аанам̣ санд̇ад̇ивасзна вин̃н̃аан̣анд̇и убанийд̇згад̇д̇ам̣. д̇ан̣хааяа наамияамаанам̣…бз… бавад̇д̇ад̇ийд̇и наманакибанабуриманиссаяаж̇аханаабараниссаяассаад̣̇ананиссаяарахид̇абавад̇д̇анаани санд̇ад̇ивасзна д̇ассзвзгасса вин̃н̃аан̣асса хонд̇и, на ан̃н̃ассаад̇и д̣̇ассзд̇и. санд̇ад̇ивасзнаад̇и жа вад̣̇анд̇о ‘‘д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и анан̃н̃а’’нд̇и (ма. ни. 1.396) ид̣̇ан̃жа мижчааг̇аахам̣ бадигкибад̇и. сад̇и хи наанад̇д̇анаяз санд̇ад̇ивасзна згад̇д̇анаяо ход̇ийд̇и. оримад̇ийраругкавиниб̣ад̣̇д̇хараж̇ж̇у вияа буримабхавад̇д̇абхаававиниб̣анд̇хам̣ гаммаад̣̇иаарамман̣ам̣ д̣̇адтаб̣б̣ам̣, бурисо вияа вин̃н̃аан̣ам̣, д̇асса маад̇игаад̇иггаманижчаа вияа д̇ан̣хаа, ад̇иггаманабаяог̇о вияа кибанагасан̇каараа. яат̇аа жа со бурисо барад̇ийрз бад̇идтахамаано барад̇ийраругкавиниб̣ад̣̇д̇хам̣ гин̃жи ассаад̣̇аяамаано анассаад̣̇аяамаано ваа гзвалам̣ бат̇авияам̣ саб̣алабаяог̇зхзва бад̇идтаад̇и, звамид̣̇амби бхаванд̇арад̇д̇абхаававиниб̣ад̣̇д̇хам̣ хад̣̇аяавад̇т̇униссаяам̣ бан̃жавогаарабхавз ассаад̣̇аяамаанам̣ жад̇увогаарабхавз анассаад̣̇аяамаанам̣ ваа гзвалам̣ аарамман̣асамбаяуд̇д̇агаммзхзва бавад̇д̇ад̇и. д̇ад̇т̇а ассаад̣̇аяамаананд̇и баабун̣анд̇ам̣, бадилабхамаананд̇и ад̇т̇о.

бхаванд̇араад̣̇ибадисанд̇хаанад̇од̇и бхаванд̇арасса аад̣̇исамб̣анд̇ханад̇о, бхаванд̇араад̣̇аяо ваа бхаваяониг̇ад̇ивин̃н̃аан̣адтид̇исад̇д̇ааваасанд̇араа, д̇зсам̣ бадисанд̇хаанад̇од̇и ад̇т̇о. гамманд̇и бадисанд̇хиж̇анагам̣ гаммам̣. сан̇каараад̇и жуд̇иаасаннаж̇аванавин̃н̃аан̣асахаг̇ад̇аа кибанагасан̇каараа.

сад̣̇д̣̇аад̣̇ихзд̇угаад̇и зд̇т̇а бадигхосо сад̣̇д̣̇ахзд̇уго, бад̣̇ийбо бад̣̇ийбанд̇араад̣̇ихзд̇уго, муд̣̇д̣̇аа лан̃чанахзд̇угаа, чааяаа аад̣̇аасаад̣̇иг̇ад̇амукаад̣̇ихзд̇угаа. ан̃н̃ад̇ра аг̇анд̇ваа хонд̇ийд̇и сад̣̇д̣̇аад̣̇ибажжаяад̣̇зсам̣ аг̇анд̇ваа сад̣̇д̣̇аад̣̇ихзд̇угаа хонд̇и д̇ад̇о буб̣б̣з абхааваа, звамид̣̇амби бадисанд̇хивин̃н̃аан̣ам̣ на хзд̇уд̣̇зсам̣ г̇анд̇ваа д̇ам̣хзд̇угам̣ ход̇и д̇ад̇о буб̣б̣з абхааваа, д̇асмаа на ид̣̇ам̣ хзд̇уд̣̇зсад̇о буримабхавад̇о ааг̇ад̇ам̣ бадигхосаад̣̇аяо вияа сад̣̇д̣̇аад̣̇ид̣̇зсад̇о, нааби д̇ад̇т̇а хзд̇унаа винаа уббаннам̣ сад̣̇д̣̇аад̣̇ийхи винаа бадигхосаад̣̇аяо вияаад̇и ад̇т̇о. ат̇а ваа ан̃н̃ад̇ра аг̇анд̇ваа хонд̇ийд̇и буб̣б̣з бажжаяад̣̇зсз саннихид̇аа худ̇ваа д̇ад̇о ан̃н̃ад̇ра г̇анд̇ваа д̇аббажжаяаа на хонд̇и уббад̇д̇ид̇о буб̣б̣з абхааваа, нааби сад̣̇д̣̇аад̣̇ибажжаяаа на хонд̇и, звамид̣̇амбийд̇и вуд̇д̇анаязна яож̇зд̇аб̣б̣ам̣. зса наяод̇и б̣ийж̇ан̇гураад̣̇ийсу саб̣б̣ахзд̇ухзд̇усамуббаннзсу яат̇аасамбхавам̣ яож̇анаа гаад̇аб̣б̣аад̇и д̣̇ассзд̇и. ид̇хааби хи хзд̇ухзд̇усамуббаннавин̃н̃аан̣аанам̣ зганд̇амзгад̇д̇з сад̇и на мануссаг̇ад̇иго д̣̇зваг̇ад̇ибхууд̇о сияаа, зганд̇анаанад̇д̇з на гаммавад̇о палам̣ сияаа. д̇ад̇о ‘‘рад̇д̇асса б̣ийж̇ам̣, рад̇д̇асса пала’’нд̇иаад̣̇игасса вияа ‘‘бхууд̇абуб̣б̣аахам̣, бханд̇з, рохид̇ассо наама исий’’д̇иаад̣̇игасса (сам̣. ни. 1.107) вохаарасса лобо сияаа, д̇асмаа зд̇т̇а санд̇аанаб̣анд̇хз сад̇и хзд̇ухзд̇усамуббаннзсу на зганд̇амзва згад̇аа ваа наанад̇аа ваа убаг̇анд̇аб̣б̣аа. зд̇т̇а жа зганд̇азгад̇аабадисзд̇хзна ‘‘саяам̣гад̇ам̣ сукам̣ д̣̇угка’’нд̇и имам̣ д̣̇идтим̣ ниваарзд̇и, зганд̇анаанад̇аабадисзд̇хзна ‘‘барам̣гад̇ам̣ сукам̣ д̣̇угка’’нд̇и, хзд̇ухзд̇усамуббаннабхаававажанзна ‘‘ад̇хижжасамуббанна’’нд̇и. зд̇т̇аад̇и згасанд̇аанз.

жад̇умад̇хураалад̇д̇агарасаад̣̇ибхааванаа амб̣амаад̇улун̇г̇аад̣̇иб̣ийж̇аанам̣ абхисан̇кааро. зд̇т̇а б̣ийж̇ам̣ вияа гаммаваа сад̇д̇о, абхисан̇кааро вияа гаммам̣, б̣ийж̇асса ан̇гураад̣̇иббаб̣анд̇хо вияа сад̇д̇асса бадисанд̇хивин̃н̃аан̣аад̣̇иббаб̣анд̇хо, д̇ад̇т̇уббаннасса мад̇хурасса рад̇д̇агзсарасса ваа паласса ваа д̇ассзва б̣ийж̇асса, д̇ад̇о зва жа абхисан̇каарад̇о бхааво вияа гаммагаарагассзва сад̇д̇асса, д̇ам̣гаммад̇о зва жа паласса бхааво взд̣̇ид̇аб̣б̣о. б̣ааласарийрз гад̇ам̣ виж̇ж̇аабарияаабун̣анам̣ сиббасигканам̣ осад̇хаббаяог̇о жа на вуд̣дхасарийрам̣ г̇ажчанд̇и. ат̇а жа д̇ам̣нимид̇д̇ам̣ виж̇ж̇аабаадавам̣ сиббаж̇аананам̣ анаамаяад̇аа жа вуд̣дхасарийрз ход̇и, на жа д̇ам̣ ан̃н̃асса ход̇и д̇ам̣санд̇ад̇ибарияаабаннз зва вуд̣дхасарийрз уббаж̇ж̇анад̇о, на жа яат̇аабаяуд̇д̇зна виж̇ж̇аабарияаабун̣анаад̣̇инаа винаа ан̃н̃ад̇о ход̇и д̇ад̣̇абхаавз абхаавад̇о. звамид̇хааби санд̇аанз яам̣ палам̣, зд̇ам̣ наан̃н̃асса, на жа ан̃н̃ад̇од̇и яож̇зд̇аб̣б̣ам̣. на ан̃н̃ад̇од̇и зд̇зна жа сан̇каараабхаавз палаабхаавамзва д̣̇ассзд̇и, наан̃н̃абажжаяанивааран̣ам̣ гарод̇и.

яамби вуд̇д̇ам̣, д̇ад̇т̇а вад̣̇аамаад̇и важанасзсо. д̇ад̇т̇а ваа убабхун̃ж̇агз асад̇и сид̣̇д̇хаа бхун̃ж̇агасаммуд̇ийд̇и самб̣анд̇хо. палад̇ийд̇и саммуд̇и палад̇исаммуд̇и.

звам̣ санд̇збийд̇и асан̇ганд̇ибаад̇убхаавз, д̇ад̇т̇а жа яат̇аавуд̇д̇ад̣̇осабарихаран̣з сад̇и сид̣̇д̇хзд̇и ад̇т̇о. бавад̇д̇ид̇о буб̣б̣зд̇и гаммааяууханагкан̣ад̇о буб̣б̣з. бажчаа жаад̇и вибажжанабавад̇д̇ид̇о бажчаа жа. авибаггавибаагаа гад̇ад̇д̇аа жз бажжаяаа, вибаггавибаагаанамби гад̇ад̇д̇ам̣ самаананд̇и д̇зсамби палаавахад̇аа сияаад̇и аасан̇гаанивад̇д̇анад̇т̇ам̣ ааха ‘‘на жа нижжам̣ палаавахаа’’д̇и. на виж̇ж̇амаанад̇д̇аа ваа авиж̇ж̇амаанад̇д̇аа ваад̇и зд̇зна виж̇ж̇амаанад̇д̇ам̣ авиж̇ж̇амаанад̇д̇ан̃жа ниссааяа вуд̇д̇ад̣̇осзва барихарад̇и.

д̇ассаа баадибхог̇агирияааяа, бхан̣д̣агийн̣анагирияааяа, ин̣аг̇ахан̣аад̣̇игирияааяа ваа гаран̣амад̇д̇ам̣ д̇ам̣гирияаагаран̣амад̇д̇ам̣. д̇ад̣̇зва д̇ад̣̇ад̇т̇анияяаад̇анз бадибхан̣д̣ад̣̇аанз ин̣ад̣̇аанз жа бажжаяо ход̇и, апалид̇анияяаад̇анаад̣̇ипаланд̇и ад̇т̇о.

ависзсзнаад̇и ‘‘д̇ихзд̇уго д̇ихзд̇угассаа’’д̇иаад̣̇игам̣ бхзд̣̇ам̣ агад̇ваава сааман̃н̃ад̇о, бин̣д̣авасзнаад̇и ад̇т̇о. саб̣б̣ад̇т̇а убаниссаяабажжаяо б̣алавагаммасса васзна яож̇зд̇аб̣б̣о. ‘‘д̣̇уб̣б̣алан̃хи убаниссаяабажжаяо на ход̇ий’’д̇и вагкамаанамзвзд̇ам̣ бадтаанаван̣н̣анааяанд̇и. ависзсзнаад̇и саб̣б̣абун̃н̃аабхисан̇каарам̣ саха сан̇г̇ан̣хаад̇и. д̣̇ваад̣̇асаагусалажзд̇анаабхзд̣̇од̇и зд̇т̇а уд̣̇д̇хажжасахаг̇ад̇аа гасмаа г̇ахид̇аад̇и вижаарзд̇аб̣б̣амзд̇ам̣. згасса вин̃н̃аан̣асса д̇ат̇зва бажжаяо бадисанд̇хияам̣, но бавад̇д̇зд̇и згассзва бажжаяабхааванияамо бадисанд̇хияам̣, но бавад̇д̇з. бавад̇д̇з хи сад̇д̇аннамби бажжаяод̇и ад̇хиббааяо. ‘‘д̇ат̇аа гаамааважарад̣̇звалогзби анидтаа руубаад̣̇аяо над̇т̇ий’’д̇и вуд̇д̇ам̣, д̣̇зваанам̣ бана буб̣б̣анимид̇д̇абаад̇убхаавагаалз милаад̇амаалаад̣̇ийнам̣ анидтад̇аа гат̇ам̣ на сияаа.

свзва д̣̇вийсу бхавзсууд̇и зд̇т̇а згуунад̇им̣сажзд̇анаабхзд̣̇амби жид̇д̇асан̇каарам̣ жид̇д̇асан̇каарабхаавзна згад̇д̇ам̣ убанзд̇ваа ‘‘свзваа’’д̇и вуд̇д̇ам̣. д̇ад̣̇згад̣̇зсо бана гаамааважаражид̇д̇асан̇каарова д̇зрасаннам̣ наваннан̃жа бажжаяо д̣̇адтаб̣б̣о. згад̣̇зсабажжаяабхаавзна хи самуд̣̇ааяо вуд̇д̇од̇и.

яад̇т̇а жа вид̇т̇аараббагаасанам̣ гад̇ам̣, д̇ад̇о бхавад̇о бадтааяа мукамад̇д̇аббагаасанам̣ гаад̇угаамо ааха ‘‘аад̣̇ид̇о бадтааяаа’’д̇и. д̇зна ‘‘д̣̇вийсу бхавзсуу’’д̇иаад̣̇и вуд̇д̇ам̣. д̇ад̇ияаж̇жхаанабхуумивасзнаад̇и зд̇зна згад̇д̇агааяазгад̇д̇асан̃н̃ийсааман̃н̃зна жад̇уд̇т̇аж̇жхаанабхууми жа асан̃н̃ааруббаваж̇ж̇аа г̇ахид̇аад̇и взд̣̇ид̇аб̣б̣аа. яат̇аасамбхаванд̇и згавийсад̇ияаа гаамааважараруубааважарагусалавибаагзсу жуд̣̇д̣̇асаннам̣ бадисанд̇хияам̣ бавад̇д̇з жа, сад̇д̇аннам̣ бавад̇д̇з зва. аяам̣ яат̇аасамбхаво.

жад̇уннам̣ вин̃н̃аан̣аананд̇и бхаваад̣̇аяо абзгкид̇ваа вуд̇д̇ам̣, жад̇уусу анд̇ог̇ад̇хаанам̣ бана д̇ин̣н̣ам̣ вин̃н̃аан̣аанам̣ д̇ийсу вин̃н̃аан̣адтид̇ийсу жа бажжаяабхааво яож̇зд̇аб̣б̣о, авин̃н̃аан̣агз сад̇д̇ааваасз сан̇каарабажжаяаа вин̃н̃аан̣з авиж̇ж̇амаанзби д̇асса сан̇каарахзд̇угад̇д̇ам̣ д̣̇ассзд̇ум̣ ‘‘абижаа’’д̇иаад̣̇имааха. зд̇асмин̃жа мукамад̇д̇аббагаасанз бун̃н̃аабхисан̇каараад̣̇ийнам̣ д̣̇уг̇г̇ад̇иаад̣̇ийсу бавад̇д̇ияам̣ гусалавибаагаад̣̇ивин̃н̃аан̣аанам̣ бажжаяабхааво бхавзсу вуд̇д̇анаязнзва вин̃н̃ааяад̇ийд̇и на вуд̇д̇од̇и взд̣̇ид̇аб̣б̣о.

вин̃н̃аан̣абад̣̇анид̣̇д̣̇зсаван̣н̣анаа нидтид̇аа.

наамаруубабад̣̇анид̣̇д̣̇зсаван̣н̣анаа

228. суд̇д̇анд̇аабхид̇хаммзсу наамаруубад̣̇зсанаависзсо д̣̇зсанаабхзд̣̇о. д̇аяо канд̇хаад̇и зд̇ам̣ яад̣̇иби баал̣ияам̣ над̇т̇и, ад̇т̇ад̇о бана вуд̇д̇амзва ход̇ийд̇и гад̇ваа вуд̇д̇анд̇и взд̣̇ид̇аб̣б̣ам̣.

ан̣д̣аж̇аанан̃жа абхаавагаананд̇и яож̇зд̇аб̣б̣ам̣. санд̇ад̇исийсаанийд̇и галаабасанд̇аанамуулаани. яад̣̇иби вигаараруубаани бадисанд̇хигкан̣з на санд̇и, лагкан̣абарижчзд̣̇аруубаани бана санд̇ийд̇и д̇аани абаринибпаннаани барамад̇т̇ад̇о виваж̇ж̇знд̇о ааха ‘‘руубаруубад̇о’’д̇и.

гаамабхавз бана яасмаа сзсаобабаад̇игаананд̇и зд̇т̇а гин̃жааби гаамабхавз ‘‘обабаад̇игаа’’д̇и вуд̇д̇аа на санд̇и, язна сзсаг̇г̇ахан̣ам̣ саад̇т̇агам̣ бхавзяяа, ан̣д̣аж̇аг̇аб̣бхасзяяагзхи бана обабаад̇игасам̣сзд̣̇аж̇аа сзсаа хонд̇ийд̇и сзсаг̇г̇ахан̣ам̣ гад̇анд̇и взд̣̇ид̇аб̣б̣ам̣. ат̇а ваа б̣рахмагааяигаад̣̇игзхи обабаад̇игзхи вуд̇д̇зхи сзсз санд̇хааяа ‘‘сзсаобабаад̇игаана’’нд̇и ааха. д̇з бана аруубиноби санд̇ийд̇и ‘‘гаамабхавз’’д̇и вуд̇д̇ам̣, абарибун̣н̣ааяад̇анаанам̣ бана наамаруубам̣ яат̇аасамбхавам̣ руубамиссагавин̃н̃аан̣анид̣̇д̣̇зсз вуд̇д̇анаязна саггаа д̇хаммаг̇ан̣анаад̇о вин̃н̃аад̇унд̇и на вуд̇д̇анд̇и д̣̇адтаб̣б̣ам̣.

авагам̣сад̇о д̣̇вз адтагаанзва уд̇ужид̇д̇асамудтаанаани хонд̇ийд̇и сасад̣̇д̣̇агаалам̣ санд̇хааяа ‘‘уггам̣сад̇о д̣̇виннам̣ навагаана’’нд̇и вуд̇д̇ам̣. буб̣б̣зд̇и канд̇хавибхан̇г̇зд̇и вад̣̇анд̇и. д̇ад̇т̇а хи ‘‘згзгажид̇д̇агкан̣з д̇игкад̇д̇ум̣ уббаж̇ж̇амаана’’нд̇и вуд̇д̇ам̣. ид̇хзва ваа вуд̇д̇ам̣ санд̇ад̇ид̣̇ваяаад̣̇игам̣ сад̇д̇агабарияосаанам̣ санд̇хааяааха ‘‘буб̣б̣з вуд̇д̇ам̣ гаммасамудтаанам̣ сад̇д̇ад̇ивид̇ха’’нд̇и, д̇ам̣ бануббаж̇ж̇амаанам̣ згзгажид̇д̇агкан̣з д̇игкад̇д̇ум̣ уббаж̇ж̇ад̇ийд̇и иминаад̇хиббааязна вуд̇д̇ам̣ ‘‘згзгажид̇д̇агкан̣з д̇игкад̇д̇ум̣ уббаж̇ж̇амаана’’нд̇и. жад̇уд̣̇д̣̇исаа вавад̇т̇аабид̇аад̇и ан̃н̃аман̃н̃асам̣садтасийсаа муулзна жад̇уусу д̣̇исаасу вавад̇т̇аабид̇аа ан̃н̃аман̃н̃ам̣ аалин̇г̇зд̇ваа тид̇аа бхиннавааханигаа вияа.

бан̃жавогаарабхавз жа бавад̇д̇ияанд̇и руубааж̇анагагаммаж̇ам̣ бан̃жавин̃н̃аан̣аббавад̇д̇игаалам̣ сахаж̇аад̇авин̃н̃аан̣абажжаяан̃жа санд̇хааяааха. д̇ад̣̇аа хи д̇ад̇о наамамзва ход̇ийд̇и, гаммавин̃н̃аан̣абажжаяаа бана сад̣̇ааби убхаяам̣ ход̇ийд̇и саггаа вад̇д̇ум̣, бажчааж̇аад̇авин̃н̃аан̣абажжаяаа жа руубам̣ убад̇т̇ад̣̇д̇хам̣ ход̇ийд̇и. асан̃н̃зсууд̇иаад̣̇и гаммавин̃н̃аан̣абажжаяам̣ санд̇хааяа вуд̇д̇ам̣, бан̃жавогаарабхавз жа бавад̇д̇ияанд̇и бхаван̇г̇аад̣̇иж̇анагагаммад̇о ан̃н̃зна руубуббад̇д̇игаалам̣ нирод̇хасамаабад̇д̇игаалам̣ бхаван̇г̇аад̣̇иуббад̇д̇игаалад̇о ан̃н̃агаалан̃жа санд̇хааяа вуд̇д̇анд̇и яуд̇д̇ам̣. бхаван̇г̇аад̣̇иуббад̇д̇игаалз хи д̇ам̣ж̇анагзнзва гаммунаа уббаж̇ж̇амаанам̣ руубам̣, со жа вибааго гаммавин̃н̃аан̣абажжаяо ход̇ийд̇и саггаа вад̇д̇ум̣. сахаж̇аад̇авин̃н̃аан̣абажжаяаанабзгкамби хи бавад̇д̇ияам̣ гаммзна бавад̇д̇амаанам̣ руубам̣ нааман̃жа на гаммавин̃н̃аан̣аанабзгкам̣ ход̇ийд̇и. саб̣б̣ад̇т̇аад̇и бадисанд̇хияам̣ бавад̇д̇з жа. сахаж̇аад̇авин̃н̃аан̣абажжаяаа наамаруубам̣, гаммавин̃н̃аан̣абажжаяаа жа наамаруубан̃жа яат̇аасамбхавам̣ яож̇зд̇аб̣б̣ам̣. нааман̃жа руубан̃жа наамаруубан̃жа наамаруубанд̇и зд̇т̇а наамарууба-сад̣̇д̣̇о ад̇д̇ано згад̣̇зсзна наама-сад̣̇д̣̇зна наама-сад̣̇д̣̇асса саруубо, рууба-сад̣̇д̣̇зна жа рууба-сад̣̇д̣̇асса, д̇асмаа ‘‘саруубаанам̣ згасзсо’’д̇и наамарууба-сад̣̇д̣̇асса таанам̣ ид̇арзсан̃жа наамарууба-сад̣̇д̣̇аанам̣ ад̣̇ассанам̣ д̣̇адтаб̣б̣ам̣.

вибаагад̇о ан̃н̃ам̣ авибаагам̣. яад̇о д̣̇вид̇хаа мад̇ам̣, д̇ад̇о яуд̇д̇амзва ид̣̇анд̇и яож̇зд̇аб̣б̣ам̣. гусалаад̣̇ижид̇д̇агкан̣зд̇и аад̣̇и-сад̣̇д̣̇зна агусалагирияажид̇д̇агкан̣з вияа вибаагажид̇д̇агкан̣зби вибаагааж̇анагагаммасамудтаанам̣ сан̇г̇ахид̇анд̇и взд̣̇ид̇аб̣б̣ам̣. вибаагажид̇д̇агкан̣з бана абхисан̇кааравин̃н̃аан̣абажжаяаа буб̣б̣з вуд̇д̇анаязна убхаяан̃жа убалаб̣бхад̇ийд̇и д̇аад̣̇исавибаагажид̇д̇агкан̣аваж̇ж̇анад̇т̇ам̣ ‘‘гусалаад̣̇ижид̇д̇агкан̣з’’д̇и вуд̇д̇ам̣.

суд̇д̇анд̇игабарияааязнаад̇и бадтаанз руубаанам̣ убаниссаяабажжаяасса авуд̇д̇ад̇д̇аа вуд̇д̇ам̣, суд̇д̇анд̇з бана ‘‘яасмим̣ сад̇и яам̣ ход̇и, асад̇и жа на ход̇и, со д̇асса убаниссаяо нид̣̇аанам̣ хзд̇у бабхаво’’д̇и гад̇ваа ‘‘вин̃н̃аан̣уубанисам̣ наамарууба’’нд̇и руубасса жа вин̃н̃аан̣уубаниссаяад̇аа вуд̇д̇аа. ванабад̇т̇абарияааяз жа ванасан̣д̣аг̇ааманиг̇аманаг̇араж̇анабад̣̇абуг̇г̇алуубаниссаяо ирияаабат̇авихааро, д̇ад̇о жа жийвараад̣̇ийнам̣ ж̇ийвид̇абаригкаараанам̣ гасирзна жа аббагасирзна жа самуд̣̇ааг̇аманам̣ вуд̇д̇ам̣, на жа ванасан̣д̣аад̣̇аяо аарамман̣уубаниссаяаад̣̇ибхаавам̣ ирияаабат̇аанам̣ жийвараад̣̇исамуд̣̇ааг̇аманасса жа бхаж̇анд̇и, д̇асмаа винаа абхааво зва жа суд̇д̇анд̇абарияааяад̇о убаниссаяабхааво д̣̇адтаб̣б̣о. наамасса абхисан̇кааравин̃н̃аан̣ам̣ гаммаарамман̣абадисанд̇хиаад̣̇игаалз аарамман̣абажжаяова ход̇ийд̇и вад̇д̇аб̣б̣амзва над̇т̇ийд̇и руубассзва суд̇д̇анд̇игабарияааяад̇о згад̇хаа бажжаяабхааво вуд̇д̇о. сасам̣саяасса хи руубасса д̇ам̣бажжаяо ход̇ийд̇и вуд̇д̇з наамасса ход̇ийд̇и вад̇д̇аб̣б̣амзва над̇т̇ийд̇и.

бавад̇д̇асса баагадад̇д̇аа абаагадам̣ бадисанд̇хим̣ г̇ахзд̇ваа бужчад̇и ‘‘гат̇ам̣ банзд̇а’’нд̇иаад̣̇инаа. суд̇д̇ад̇о наамам̣, яуд̇д̇ид̇о руубам̣ вин̃н̃аан̣абажжаяаа ход̇ийд̇и ж̇аанид̇аб̣б̣ам̣. яуд̇д̇ид̇о саад̇хзд̇ваа суд̇д̇зна д̇ам̣ д̣̇ал̣хам̣ гаронд̇о ‘‘гаммасамудтаанассаби хий’’д̇иаад̣̇имааха. жид̇д̇асамудтаанассзваад̇и жид̇д̇асамудтаанасса вияа. яасмаа наамаруубамзва бавад̇д̇амаанам̣ д̣̇иссад̇и, д̇асмаа д̇ад̣̇зва вад̣̇анд̇зна ануд̇д̇арам̣ д̇хаммажаггам̣ бавад̇д̇ид̇ам̣. сун̃н̃ад̇аабагаасанан̃хи д̇хаммажаггаббавад̇д̇ананд̇и ад̇хиббааяо. наамаруубамад̇д̇ад̇ааважанзнзва ваа бавад̇д̇ияаа д̣̇угкасажжамад̇д̇ад̇аа вуд̇д̇аа, д̣̇угкасажжаббагаасанзна жа д̇асса самуд̣̇аяо, д̇асса жа нирод̇хо, нирод̇хаг̇аамий жа маг̇г̇о багаасид̇о зва ход̇и. ахзд̇угасса д̣̇угкасса хзд̇унирод̇хаа, анируж̇жханагасса жа абхааваа, нирод̇хасса жа убааязна винаа анад̇хиг̇анд̇аб̣б̣ад̇д̇аад̇и жад̇усажжаббагаасанам̣ д̇хаммажаггаббавад̇д̇анам̣ яож̇зд̇аб̣б̣ам̣.

наамаруубабад̣̇анид̣̇д̣̇зсаван̣н̣анаа нидтид̇аа.

сал̣ааяад̇анабад̣̇анид̣̇д̣̇зсаван̣н̣анаа

229. нияамад̇од̇и жа ид̣̇ам̣ жад̇уннам̣ бхууд̇аанам̣, чаннам̣ вад̇т̇уунам̣, ж̇ийвид̇асса жа яат̇аасамбхавам̣ сахаж̇аад̇аниссаяабурзж̇аад̇аинд̣̇рияаад̣̇инаа зганд̇зна сал̣ааяад̇анасса бавад̇д̇амаанасса бажжаяабхаавам̣ санд̇хааяа вуд̇д̇ам̣. руубааяад̇анаад̣̇ийнам̣ бана сахаж̇аад̇аниссаяаанубааланабхааво над̇т̇ийд̇и аг̇г̇ахан̣ам̣ взд̣̇ид̇аб̣б̣ам̣. аарамман̣аарамман̣абурзж̇аад̇аад̣̇ибхааво жа д̇зсам̣ на санд̇ад̇ибарияаабаннаанамзва, на жа жагкаад̣̇ийнам̣ вияа згаббагаарзнзваад̇и анияамад̇о бажжаяабхааво. нияамад̇о…бз… ж̇ийвид̇инд̣̇рияанд̇и званд̇и зд̇т̇а звам̣-сад̣̇д̣̇зна ваа руубааяад̇анаад̣̇ийнамби сан̇г̇ахо взд̣̇ид̇аб̣б̣о. чадтааяад̇анан̃жа сал̣ааяад̇анан̃жа сал̣ааяад̇ананд̇и зд̇т̇а яад̣̇иби чадтааяад̇анасал̣ааяад̇ана-сад̣̇д̣̇аанам̣ сад̣̇д̣̇ад̇о саруубад̇аа над̇т̇и, ад̇т̇ад̇о бана сал̣ааяад̇анзгад̣̇зсова чадтааяад̇ананд̇и згад̣̇зсасаруубад̇аа ад̇т̇ийд̇и згад̣̇зсасаруубзгасзсо гад̇од̇и взд̣̇ид̇аб̣б̣о. ад̇т̇ад̇оби хи саруубаанам̣ згад̣̇зсасаруубзгасзсам̣ ижчанд̇и ‘‘ван̇го жа гудило жа гудилаа’’д̇и, д̇асмаа ад̇т̇ад̇о згад̣̇зсасаруубаанан̃жа згасзсзна бхавид̇аб̣б̣анд̇и.

ат̇а ваа чадтааяад̇анан̃жа манааяад̇анан̃жа чадтааяад̇ананд̇и ваа, манааяад̇ананд̇и ваа, чадтааяад̇анан̃жа чадтааяад̇анан̃жа чадтааяад̇ананд̇и ваа, манааяад̇анан̃жа манааяад̇анан̃жа манааяад̇ананд̇и ваа згасзсам̣ гад̇ваа жагкаад̣̇ийхи саха ‘‘сал̣ааяад̇ана’’нд̇и вуд̇д̇анд̇и д̇амзва згасзсам̣ наамамад̇д̇абажжаяасса, наамаруубабажжаяасса жа манааяад̇анасса васзна гад̇ам̣ ад̇т̇ад̇о д̣̇ассзнд̇о ааха ‘‘чадтааяад̇анан̃жа сал̣ааяад̇анан̃жа сал̣ааяад̇ананд̇и звам̣ гад̇згасзсассаа’’д̇и. яат̇аавуд̇д̇оби хи згасзсо ад̇т̇ад̇о чадтааяад̇анан̃жа сал̣ааяад̇анан̃жаад̇и звам̣ гад̇о наама ход̇ийд̇и. саб̣б̣ад̇т̇а жа згасзсз гад̇з згаважананид̣̇д̣̇зсо гад̇згасзсаанам̣ сал̣ааяад̇анаад̣̇исад̣̇д̣̇аважанийяад̇аасааман̃н̃авасзна гад̇од̇и д̣̇адтаб̣б̣о. аб̣яаагад̇аваарз вагкад̇ийд̇и гин̃жааби агусалаваарз гусалаваарз жа ‘‘наамабажжаяаа чадтааяад̇ана’’нд̇и вуд̇д̇ам̣, суд̇д̇анд̇абхааж̇анийяз бана вибаагачадтааяад̇анамзва г̇ахид̇анд̇и ад̇хиббааязна аб̣яаагад̇аваарамзва саад̇хагабхаавзна уд̣̇аахаданд̇и д̣̇адтаб̣б̣ам̣. бажжаяанаяз бана ‘‘чадтаа ход̇и д̇ам̣ авагам̣сад̇о’’д̇иаад̣̇инаа авибаагассаби бажжаяо уд̣̇д̇хадо, со ниравасзсам̣ вад̇д̇угаамад̇ааяа уд̣̇д̇хадод̇и взд̣̇ид̇аб̣б̣о. ид̇ха сан̇г̇ахид̇анд̇и ид̇ха згасзсанаязна сан̇г̇ахид̇ам̣, д̇ад̇т̇а аб̣яаагад̇аваарз логияавибаагабхааж̇анийяз вибхад̇д̇анд̇и взд̣̇ид̇аб̣б̣анд̇и ад̇хиббааяо.

нзяяанд̇и н̃зяяам̣. уггам̣саавагам̣сод̇и зд̇т̇а сад̇д̇ад̇хаа бажжаяабхаавад̇о уггам̣со адтад̇хаа бажжаяабхааво, д̇ад̇о бана навад̇хаа д̇ад̇о ваа д̣̇асад̇хаад̇и аяам̣ уггам̣со, авагам̣со бана д̣̇асад̇хаа бажжаяабхаавад̇о навад̇хаа бажжаяабхааво, д̇ад̇о адтад̇хаа, д̇ад̇о сад̇д̇ад̇хаад̇и звам̣ взд̣̇ид̇аб̣б̣о, на бана сад̇д̇ад̇хаа бажжаяабхаавад̇о зва д̣̇взби уггам̣саавагам̣саа яож̇зд̇аб̣б̣аа д̇ад̇о авагам̣саабхаавад̇од̇и.

хад̣̇аяавад̇т̇уно сахааяам̣ худ̇ваад̇и зд̇зна аруубз вияа асахааяам̣ наамам̣ на ход̇и, хад̣̇аяавад̇т̇у жа наамзна саха чадтааяад̇анасса бажжаяо ход̇ийд̇и зд̇д̇агамзва д̣̇ассзд̇и, на бана яат̇аа хад̣̇аяавад̇т̇у бажжаяо ход̇и, д̇ат̇аа наамамбийд̇и аяамад̇т̇о ад̇хиббзд̇о. вад̇т̇у хи виббаяуд̇д̇абажжаяо ход̇и, на наамам̣, нааман̃жа вибаагахзд̇аад̣̇ибажжаяо ход̇и, на вад̇т̇ууд̇и. бавад̇д̇з аруубад̇хаммаа гаммаж̇аруубасса тид̇иббад̇д̇ассзва бажжаяаа хонд̇и, на уббаж̇ж̇амаанассаад̇и виббаяуд̇д̇аад̇т̇иавиг̇ад̇аа жа бажчааж̇аад̇авиббаяуд̇д̇аад̣̇аяо зва жагкаад̣̇ийнам̣ яож̇зд̇аб̣б̣аа.

авасзсаманааяад̇анассаад̇и зд̇т̇а ‘‘бан̃жагканд̇хабхавз банаа’’д̇и зд̇асса анувад̇д̇амаанад̇д̇аа бан̃жавогаарабхавз зва бавад̇д̇амаанам̣ бан̃жавин̃н̃аан̣зхи авасзсаманааяад̇анам̣ вуд̇д̇анд̇и д̣̇адтаб̣б̣ам̣. наамаруубасса сахаж̇аад̇аад̣̇исаад̇хааран̣абажжаяабхааво самбаяуд̇д̇аад̣̇иасаад̇хааран̣абажжаяабхааво жа яат̇аасамбхавам̣ яож̇зд̇аб̣б̣о.

сал̣ааяад̇анабад̣̇анид̣̇д̣̇зсаван̣н̣анаа нидтид̇аа.

пассабад̣̇анид̣̇д̣̇зсаван̣н̣анаа

230. ‘‘чадтааяад̇анабажжаяаа пассо’’д̇и абхид̇хаммабхааж̇анийяабаал̣и ааруббам̣ санд̇хааяа вуд̇д̇аад̇и ‘‘чадтааяад̇анабажжаяаа пассод̇и баал̣ианусаарад̇о’’д̇и ааха. аж̇жхад̇д̇анд̇и сасанд̇ад̇ибарияаабаннамзва г̇ан̣хаад̇и. д̇ан̃хи сасанд̇ад̇ибарияаабаннагамманиб̣б̣ад̇д̇ам̣ д̇аад̣̇исасса пассасса бажжаяо ход̇и, руубаад̣̇ийни бана б̣ахид̣̇д̇хаа анубаад̣̇иннаани жа пассасса аарамман̣ам̣ хонд̇и, на д̇аани жагкаад̣̇ийни вияа сасанд̇ад̇ибарияаабаннагаммагилзсанимид̇д̇абавад̇д̇ибхаавзна пассасса бажжаяод̇и батамаажарияаваад̣̇з на г̇ахид̇аани, д̣̇уд̇ияаажарияаваад̣̇з бана яат̇аа д̇ат̇аа ваа бажжаяабхаавз сад̇и на саггаа важ̇ж̇зд̇унд̇и г̇ахид̇аанийд̇и.

яад̣̇и саб̣б̣ааяад̇анзхи зго пассо самбхавзяяа, ‘‘сал̣ааяад̇анабажжаяаа пассо’’д̇и згасса важанам̣ яуж̇ж̇зяяа. ат̇ааби згамхаа ааяад̇анаа саб̣б̣з пассаа самбхавзяяум̣, д̇ат̇ааби саб̣б̣ааяад̇анзхи саб̣б̣апассасамбхавад̇о ааяад̇анабхзд̣̇зна пассабхзд̣̇о над̇т̇ийд̇и д̇ад̣̇абхзд̣̇авасзна згасса важанам̣ яуж̇ж̇зяяа, д̇ат̇аа бана асамбхавад̇о на яуд̇д̇анд̇и жод̣̇зд̇и ‘‘на саб̣б̣ааяад̇анзхий’’д̇иаад̣̇инаа. ан̃н̃ассаби ваа асамбхаванд̇асса вид̇хаанасса б̣од̇ханад̇т̇амзва ‘‘нааби згамхаа ааяад̇анаа саб̣б̣з пассаа’’д̇и вуд̇д̇ам̣, ‘‘на саб̣б̣ааяад̇анзхи зго пассо самбход̇ий’’д̇и ид̣̇амзва бана згапассаважанасса аяуд̇д̇ад̣̇ийбагам̣ гааран̣анд̇и взд̣̇ид̇аб̣б̣ам̣. нид̣̇ассанавасзна ваа зд̇ам̣ вуд̇д̇ам̣, нааби згамхаа ааяад̇анаа саб̣б̣з пассаа самбхонд̇и, звам̣ на саб̣б̣ааяад̇анзхи зго пассо самбход̇и, д̇асмаа згасса важанам̣ аяуд̇д̇анд̇и. барихаарам̣ бана анзгааяад̇анзхи згапассасса самбхавад̇од̇и д̣̇ассзнд̇о ‘‘д̇ад̇рид̣̇ам̣ виссаж̇ж̇ана’’нд̇иаад̣̇имааха. згоби анзгааяад̇анаббабхаво згобанзгааяад̇анаббабхаво. чад̇хаабажжаяад̇д̇з бан̃жавибхааваязд̇и звам̣ сзсзсуби яож̇анаа. д̇ат̇аа жаад̇и бажжуббаннаани руубаад̣̇ийни бажжуббаннан̃жа д̇хаммааяад̇анабарияаабаннам̣ руубаруубам̣ санд̇хааяа вуд̇д̇ам̣. аарамман̣абажжаяамад̇д̇знаад̇и д̇ам̣ саб̣б̣ам̣ абажжуббаннам̣ ан̃н̃ан̃жа д̇хаммааяад̇анам̣ санд̇хааяа вуд̇д̇ам̣.

пассабад̣̇анид̣̇д̣̇зсаван̣н̣анаа нидтид̇аа.

взд̣̇анаабад̣̇анид̣̇д̣̇зсаван̣н̣анаа

231. ‘‘сзсаана’’нд̇и зд̇т̇а самбадижчанасса жагкусампассаад̣̇аяо бан̃жа яад̣̇иби ананд̇араад̣̇ийхиби бажжаяаа хонд̇и, ананд̇араад̣̇ийнам̣ бана убаниссаяз анд̇ог̇ад̇хад̇д̇аа санд̇ийран̣ад̇ад̣̇аарамман̣аанан̃жа саад̇хааран̣асса д̇асса васзна ‘‘згад̇хаа’’д̇и вуд̇д̇ам̣.

д̇збхуумагавибаагавзд̣̇анаанамби сахаж̇аад̇аманосампассасан̇каад̇о со пассо адтад̇хаа бажжаяо ход̇ийд̇и яож̇зд̇аб̣б̣ам̣. бажжаяам̣ анубаад̣̇иннамби гзжи ижчанд̇ийд̇и ‘‘яаа банаа’’д̇иаад̣̇инаа манод̣̇ваарааваж̇ж̇анапассасса бажжаяабхааво вуд̇д̇о, д̇ан̃жа мукамад̇д̇ад̣̇ассанад̇т̇ам̣ д̣̇адтаб̣б̣ам̣. зд̇зна наязна саб̣б̣асса ананд̇арасса анаананд̇арасса жа пассасса д̇ассаа д̇ассаа вибаагавзд̣̇анааяа убаниссаяад̇аа яож̇зд̇аб̣б̣аад̇и.

взд̣̇анаабад̣̇анид̣̇д̣̇зсаван̣н̣анаа нидтид̇аа.

д̇ан̣хаабад̣̇анид̣̇д̣̇зсаван̣н̣анаа

232. мамад̇д̇знаад̇и самбияааяамаанзна, ассаад̣̇анад̇ан̣хааяаад̇и вуд̇д̇ам̣ ход̇и. д̇ад̇т̇а буд̇д̇о вияа взд̣̇анаа д̣̇адтаб̣б̣аа, кийраад̣̇аяо вияа взд̣̇анааяа бажжаяабхууд̇аа руубаад̣̇аяо, кийраад̣̇ид̣̇ааяигаа д̇хаад̇и вияа руубаад̣̇ичал̣аарамман̣ад̣̇ааяагаа жид̇д̇агаараад̣̇аяо ча. д̇ад̇т̇а взж̇ж̇о расааяанож̇аавасзна д̇ад̣̇убад̇т̇амбхид̇аж̇ийвид̇авасзна жа д̇хаммаарамман̣асса д̣̇ааяагод̇и д̣̇адтаб̣б̣о. аарамман̣абажжаяо уббаж̇ж̇амаанасса аарамман̣амад̇д̇амзва ход̇и, на убаниссаяо вияа уббаад̣̇агод̇и уббаад̣̇агасса убаниссаяассзва васзна ‘‘згад̇хааваа’’д̇и вуд̇д̇ам̣. убаниссаязна ваа аарамман̣уубаниссаяо сан̇г̇ахид̇о, д̇зна жа аарамман̣абхаавзна д̇ам̣сабхааво ан̃н̃оби аарамман̣абхааво д̣̇ийбид̇о ход̇ийд̇и убаниссаяавасзнзва бажжаяабхааво вуд̇д̇од̇и взд̣̇ид̇аб̣б̣о.

яасмаа ваад̇иаад̣̇инаа на гзвалам̣ вибаагасукавзд̣̇анаа зва, д̇иссоби бана взд̣̇анаа вибаагаа висзсзна д̇ан̣хааяа убаниссаяабажжаяо, ависзсзна ид̇араа жаад̇и д̣̇ассзд̇и. убзгкаа бана санд̇ад̇д̇аа, сукамижжзва бхаасид̇аад̇и д̇асмаа сааби бхияяо ижчанавасзна д̇ан̣хааяа убаниссаяод̇и ад̇хиббааяо . убзгкаа бана агусалавибаагабхууд̇аа анидтад̇д̇аа д̣̇угкз аварод̇хзд̇аб̣б̣аа, ид̇араа идтад̇д̇аа сукзд̇и саа д̣̇угкам̣ вияа сукам̣ вияа жа убаниссаяо ход̇ийд̇и саггаа вад̇д̇унд̇и. ‘‘взд̣̇анаабажжаяаа д̇ан̣хаа’’д̇и важанзна саб̣б̣асса взд̣̇анаавад̇о бажжаяасса ад̇т̇ид̇ааяа д̇ан̣хуббад̇д̇иббасан̇г̇з д̇ам̣нивааран̣ад̇т̇амааха ‘‘взд̣̇анаабажжаяаа жаабий’’д̇иаад̣̇и.

нану ‘‘анусаяасахааяаа взд̣̇анаа д̇ан̣хааяа бажжаяо ход̇ий’’д̇и важанасса абхааваа ад̇иббасан̇г̇анивад̇д̇анам̣ на саггаа гаад̇унд̇и? на, ваддагат̇ааяа бавад̇д̇ад̇д̇аа. ваддасса хи анусаяавирахз абхаавад̇о анусаяасахид̇ааязва бажжаяод̇и ад̇т̇ад̇о вуд̇д̇амзд̇ам̣ ход̇ийд̇и. ат̇а ваа ‘‘авиж̇ж̇аабажжаяаа’’д̇и анувад̇д̇амаанад̇д̇аа анусаяасахид̇аава бажжаяод̇и вин̃н̃ааяад̇и. ‘‘взд̣̇анаабажжаяаа д̇ан̣хаа’’д̇и жа зд̇т̇а взд̣̇анаабажжаяаа зва д̇ан̣хаа, на взд̣̇анааяа винаад̇и аяам̣ нияамо вин̃н̃ааяад̇и, на взд̣̇анаабажжаяаа д̇ан̣хаа ход̇и зваад̇и, д̇асмаа ад̇иббасан̇г̇о над̇т̇и зваад̇и.

вусиймад̇од̇и вусид̇авад̇о, вусид̇аб̣рахмажарияаваасассаад̇и ад̇т̇о. вуссад̇ийд̇и ваа ‘‘вусий’’д̇и маг̇г̇о вужжад̇и, со зд̇асса вуд̇т̇о ад̇т̇ийд̇и вусиймаа. аг̇г̇апалам̣ ваа баринидтид̇аваасад̇д̇аа ‘‘вусий’’д̇и вужжад̇и, д̇ам̣ зд̇асса ад̇т̇ийд̇и вусиймаа.

д̇ан̣хаабад̣̇анид̣̇д̣̇зсаван̣н̣анаа нидтид̇аа.

убаад̣̇аанабад̣̇анид̣̇д̣̇зсаван̣н̣анаа

233. сассад̇о ад̇д̇аад̇и ид̣̇ам̣ буримад̣̇идтим̣ убаад̣̇ияамаанам̣ уд̇д̇арад̣̇идтим̣ нид̣̇ассзд̇ум̣ вуд̇д̇ам̣. яат̇аа хи зсаа д̣̇идти д̣̇ал̣хийгаран̣авасзна буримам̣ уд̇д̇араа убаад̣̇ияад̇и, звам̣ ‘‘над̇т̇и д̣̇инна’’нд̇иаад̣̇игаабийд̇и. ад̇д̇аг̇г̇ахан̣ам̣ бана ад̇д̇аваад̣̇убаад̣̇аананд̇и на ид̣̇ам̣ д̣̇идтубаад̣̇аанад̣̇ассананд̇и д̣̇адтаб̣б̣ам̣. лого жаад̇и ваа ад̇д̇аг̇г̇ахан̣авинимуд̇д̇ам̣ г̇ахан̣ам̣ д̣̇идтубаад̣̇аанабхууд̇ам̣ ид̇ха буримад̣̇идтиуд̇д̇арад̣̇идтиважанзхи вуд̇д̇анд̇и взд̣̇ид̇аб̣б̣ам̣. ‘‘д̇хаммасан̇кзбавид̇т̇аарз бана сан̇кзбад̇о д̇ан̣хаад̣̇ал̣хад̇д̇ам̣, сан̇кзбад̇о д̣̇идтимад̇д̇амзва, вид̇т̇аарад̇о банаа’’д̇и звам̣ д̇хаммасан̇кзбавид̇т̇аарад̇о сан̇кзбам̣ вид̇т̇ааран̃жа нид̣̇д̇хаарзд̇ийд̇и. д̇хаммасан̇кзбавид̇т̇аарзд̇и нид̣̇д̇хааран̣з бхуммам̣ д̣̇адтаб̣б̣ам̣.

багад̇иан̣уаад̣̇ийнам̣ сассад̇аг̇аахабуб̣б̣ан̇г̇амо, сарийрасса ужчзд̣̇аг̇г̇аахабуб̣б̣ан̇г̇амо жа д̇зсам̣ саамибхууд̇о гожи сассад̇о ужчиж̇ж̇амаано ваа ад̇д̇аа ад̇т̇ийд̇и ад̇д̇аг̇г̇аахо гад̣̇аажи ход̇ийд̇и ‘‘язбхуяязнаа’’д̇и вуд̇д̇ам̣. язбхуяязна батамам̣ ад̇д̇аваад̣̇убаад̣̇аананд̇иаад̣̇инаа ваа самб̣анд̇хо.

яад̣̇иби бхаварааг̇аж̇аванавийт̇и саб̣б̣абатамам̣ бавад̇д̇ад̇и г̇ахид̇аббадисанд̇хигасса бхаваниганд̇ияаа бавад̇д̇ид̇аб̣б̣ад̇д̇аа, со бана бхаварааг̇о д̇ан̣хаад̣̇ал̣хад̇д̇ам̣ на ход̇ийд̇и ман̃н̃амаано на гаамубаад̣̇аанасса батамуббад̇д̇имааха. д̇ан̣хаа гаамубаад̣̇аананд̇и бана вибхааг̇асса агаран̣з саб̣б̣ааби д̇ан̣хаа гаамубаад̣̇аананд̇и, гаран̣зби гаамарааг̇ад̇о ан̃н̃ааби д̇ан̣хаа д̣̇ал̣хабхаавам̣ бад̇д̇аа гаамубаад̣̇аананд̇и д̇асса арахад̇д̇амаг̇г̇аваж̇жхад̇аа вуд̇д̇аа.

уббад̇д̇идтаанабхууд̇аа жид̇д̇уббаад̣̇аа висаяо. бан̃жубаад̣̇аанагканд̇хаа аалаяо, д̇ад̇т̇а рамад̇ийд̇и аалаяараамаа , баж̇аа. д̇знзва саа аалаяараамад̇аа жа сагасанд̇аанз барасанд̇аанз жа баагадаа ход̇ийд̇и. убаниссаяаважанзна аарамман̣аананд̇арабагад̇уубаниссаяаа вуд̇д̇аад̇и ананд̇арабажжаяаад̣̇ийнамби сан̇г̇ахо гад̇о ход̇и.

убаад̣̇аанабад̣̇анид̣̇д̣̇зсаван̣н̣анаа нидтид̇аа.

бхавабад̣̇анид̣̇д̣̇зсаван̣н̣анаа

234. палавохаарзна гаммабхаво бхавод̇и вуд̇д̇од̇и убабад̇д̇ибхаваниб̣б̣ажанамзва д̣̇ваяассаби саад̇хааран̣ам̣ гад̇ваа вад̣̇анд̇о ааха ‘‘бхавад̇ийд̇и бхаво’’д̇и. бхавам̣ г̇ажчад̇ийд̇и нибпаад̣̇анапалавасзна ад̇д̇ано бавад̇д̇игаалз бхаваабхимукам̣ худ̇ваа бавад̇д̇ад̇ийд̇и ад̇т̇о, ниб̣б̣ад̇д̇анамзва ваа зд̇т̇а г̇аманам̣ ад̇хиббзд̇ам̣.

сан̃н̃аавад̇ам̣ бхаво сан̃н̃аабхавод̇и зд̇т̇а ванд̇у-сад̣̇д̣̇асса лобо д̣̇адтаб̣б̣о, д̇асса ваа ад̇т̇з агаарам̣ гад̇ваа ‘‘сан̃н̃абхаво’’д̇иби баато. вогирийяад̇и басаарийяад̇и вид̇т̇аарийяад̇ийд̇и вогааро, вогиран̣ам̣ ваа вогааро, со згасмим̣ бавад̇д̇ад̇д̇аа зго вогаарод̇и вуд̇д̇о, бад̣̇зсабасадуббад̇д̇ийд̇и ад̇т̇о.

жзд̇анаасамбаяуд̇д̇аа ваа…бз… сан̇г̇ахид̇аад̇и аажаяаг̇аамид̇ааяа гаммасан̇каад̇ад̇ам̣ д̣̇ассзд̇ваа гаммабхавз сан̇г̇ахид̇абхаавам̣ барияааязна вад̣̇ад̇и, ниббарияааязна бана жзд̇анаава гаммабхаво. вуд̇д̇ан̃хи ‘‘гаммабхаво д̇ийхи канд̇хзхи згзнааяад̇анзна згааяа д̇хаад̇уяаа самбаяуд̇д̇о, згзна канд̇хзна згзнааяад̇анзна згааяа д̇хаад̇уяаа гзхижи самбаяуд̇д̇о’’д̇и (д̇хаад̇у. 244). убабад̇д̇ибхаво д̇ийхиби д̇игзхи вуд̇д̇аа убабад̇д̇игканд̇хаава. яат̇ааха ‘‘убабад̇д̇ибхаво гаамабхаво сан̃н̃аабхаво бан̃жавогаарабхаво бан̃жахи канд̇хзхи згаад̣̇асахааяад̇анзхи сад̇д̇арасахи д̇хаад̇уухи сан̇г̇ахид̇о’’д̇иаад̣̇и (д̇хаад̇у. 67). яад̣̇и хи анубаад̣̇иннагаанамби г̇ахан̣ам̣ сияаа, ‘‘д̣̇ваад̣̇асахааяад̇анзхи адтаарасахи д̇хаад̇уухий’’д̇и вад̇д̇аб̣б̣ам̣ сияаад̇и.

сан̇каарабхаваанам̣ д̇хаммабхзд̣̇ад̇о на сан̇каараа зва буна вуд̇д̇аад̇и ‘‘саад̇т̇агамзвид̣̇ам̣ бунаважана’’нд̇и зд̇ам̣ на яуд̇д̇анд̇и жз? на, бхавзгад̣̇зсабхаавзна сан̇каараанам̣ бхавод̇и буна вуд̇д̇ад̇д̇аа. барзна ваа д̇хаммависзсам̣ аг̇ан̣зд̇ваа бунаважанам̣ жод̣̇ид̇анд̇и жод̣̇агаабхилаасавасзна ‘‘саад̇т̇агамзвид̣̇ам̣ бунаважана’’нд̇и вуд̇д̇ам̣.

гаамабхаваад̣̇иниб̣б̣ад̇д̇анагасса гаммасса гаамабхаваад̣̇ибхааво палавохаарзна адтагат̇ааяам̣ вуд̇д̇о. анд̇ог̇ад̇хз висум̣ аг̇ан̣зд̇ваа аб̣бханд̇араг̇ад̇з зва гад̇ваа гаамабхаваад̣̇игз гаммубабад̇д̇ибхававасзна д̣̇уг̇ун̣з гад̇ваа ааха ‘‘ча бхаваа’’д̇и.

ависзсзнаад̇и убаад̣̇аанабхзд̣̇ам̣ агад̇ваад̇и ад̇т̇о. убаад̣̇аанабхзд̣̇аагаран̣знзва жа д̣̇ваад̣̇асаббабхзд̣̇асса сан̇г̇ахавасзна сан̇г̇ахад̇о ‘‘ча бхаваа’’д̇и вуд̇д̇ам̣.

г̇осийлзна гуггурасийлзна жа самад̇д̇зна самаад̣̇иннзна г̇уннам̣ гуггураанан̃жа сахаб̣яад̇аа вуд̇д̇аад̇и сийлаб̣б̣ад̇убаад̣̇аанавад̇о жхаанабхааванаа на иж̇жхад̇ийд̇и ман̃н̃амаанаа д̇зна руубааруубабхаваа на хонд̇ийд̇и гзжи вад̣̇анд̇и, вагкамаанзна бана багаарзна бажжаяабхаавад̇о ‘‘д̇ам̣ на г̇ахзд̇аб̣б̣а’’нд̇и ааха. асуд̣̇д̇химаг̇г̇з жа суд̣̇д̇химаг̇г̇абараамасанам̣ сийлаб̣б̣ад̇убаад̣̇аананд̇и суд̣̇д̇химаг̇г̇абараамасанзна руубааруубааважараж̇жхаанаанам̣ ниб̣б̣ад̇д̇анам̣ на яуж̇ж̇ад̇ийд̇и. бураан̣абхаарад̇асийд̇аахаран̣абасуб̣анд̇хавид̇хиаад̣̇исаванам̣ асад̣̇д̇хаммасаванам̣. аад̣̇и-сад̣̇д̣̇зна асаббурисуубаниссаяам̣ буб̣б̣з жа агад̇абун̃н̃ад̇ам̣ ад̇д̇амижчаабан̣ид̇хид̇ан̃жа сан̇г̇ан̣хаад̇и. д̇ад̣̇анд̇ог̇ад̇хаа зваад̇и д̇асмим̣ д̣̇ужжарид̇аниб̣б̣ад̇д̇з сужарид̇аниб̣б̣ад̇д̇з жа гаамабхавз анд̇ог̇ад̇хаа зваад̇и ад̇т̇о.

анд̇ог̇ад̇хаад̇и жа сан̃н̃аабхавабан̃жавогаарабхаваанам̣ згад̣̇зсзна анд̇ог̇ад̇хад̇д̇аа вуд̇д̇ам̣. на хи д̇з ниравасзсаа гаамабхавз анд̇ог̇ад̇хаад̇и. саббабхзд̣̇ассаад̇и суг̇ад̇ид̣̇уг̇г̇ад̇имануссаад̣̇иббабхзд̣̇авад̇о. гамзна жа авад̇ваа сийлаб̣б̣ад̇убаад̣̇аанасса анд̇з бхавабажжаяабхаававажанам̣ ад̇д̇аваад̣̇убаад̣̇аанам̣ вияа абхин̣хам̣ асамуд̣̇аажаран̣ад̇о ад̇д̇аваад̣̇убаад̣̇аананимид̇д̇ад̇д̇аа жа.

хзд̇убажжаяаббабхзд̣̇зхийд̇и зд̇т̇а маг̇г̇абажжаяо жа вад̇д̇аб̣б̣о. д̣̇идтубаад̣̇аанаад̣̇ийни хи маг̇г̇абажжаяаа хонд̇ийд̇и.

бхавабад̣̇анид̣̇д̣̇зсаван̣н̣анаа нидтид̇аа.

ж̇аад̇иж̇араамаран̣аад̣̇ибад̣̇анид̣̇д̣̇зсаван̣н̣анаа

235. убабад̇д̇ибхавуббад̇д̇иязва ж̇аад̇ийд̇и ааха ‘‘на убабад̇д̇ибхаво’’д̇и. ж̇ааяамаанасса бана ж̇аад̇и ж̇аад̇ийд̇и убабад̇д̇ибхавоби асад̇и абхааваа ж̇аад̇ияаа бажжаяод̇и саггаа вад̇д̇ум̣. ж̇ааяамаанаруубабад̣̇адтаанад̇ааби хи руубаж̇аад̇ияаа вуд̇д̇аа ‘‘убажид̇аруубабад̣̇адтаано (д̇ха. са. адта. 641) убажаяо, ануббаб̣анд̇харуубабад̣̇адтаанаа санд̇ад̇ий’’д̇и.

канд̇хаанам̣ ж̇аад̇аанам̣ ун̃н̃аад̇ад̇аанун̃н̃аад̇ад̇аажа хийнабан̣ийд̇ад̇аа. аад̣̇и-сад̣̇д̣̇зна суван̣н̣ад̣̇уб̣б̣ан̣н̣аад̣̇ивисзсам̣ сан̇г̇ан̣хаад̇и. аж̇жхад̇д̇асанд̇аанаг̇ад̇ад̇о ан̃н̃асса висзсагаарагасса гааран̣асса абхааваа ‘‘аж̇жхад̇д̇асанд̇аанз’’д̇и ааха.

д̇зна д̇знаад̇и н̃аад̇иб̣яасанаад̣̇инаа ж̇араамаран̣ад̇о ан̃н̃зна д̣̇угкад̇хаммзна. убаниссаяагодияаад̇и убаниссаяам̣сзна, убаниссаяалзсзнаад̇и ад̇т̇о. яо хи бадтаанз анааг̇ад̇о сад̇и бхааваа асад̇и жа абхааваа суд̇д̇анд̇игабарияааязна убаниссаяо, со ‘‘убаниссаяагодий’’д̇и вужжад̇и.

ж̇аад̇иж̇араамаран̣аад̣̇ибад̣̇анид̣̇д̣̇зсаван̣н̣анаа нидтид̇аа.

бхаважаггагат̇ааван̣н̣анаа

242. самид̇анд̇и сан̇г̇ад̇ам̣, аб̣б̣ожчиннанд̇и ад̇т̇о. гаамаяаанассаад̇и гаамаяамаанасса, гаамо яаанам̣ зд̇ассаад̇и ваа гаамаяаано, д̇асса гаамаяаанасса. руббад̇ийд̇и согзна руббад̇и.

барияудтаанад̇ааяа д̇идтанасийло барияудтаанадтааяий. ‘‘барияудтадтааяино’’д̇и ваа баато, д̇ад̇т̇а барияудтаад̇ийд̇и барияудтам̣, д̣̇идтибарияудтам̣, д̇зна д̇идтад̇ийд̇и барияудтадтааяийд̇и ад̇т̇о д̣̇адтаб̣б̣о. бан̃жа буб̣б̣анимид̇д̇аанийд̇и ‘‘маалаа милааяанд̇и, вад̇т̇аани гилиссанд̇и, гажчзхи сзд̣̇аа мужжанд̇и, гааяз взван̣н̣ияам̣ оггамад̇и, д̣̇зво д̣̇зваасанз наабхирамад̇ий’’д̇и (ид̇иву. 83) вуд̇д̇аани бан̃жа маран̣абуб̣б̣анимид̇д̇аанийд̇и ад̇т̇о. д̇аани хи д̣̇исваа гамманиб̣б̣ад̇д̇агканд̇хасан̇каад̇з убабад̇д̇ибхавз бхавачанд̣̇аб̣алзна д̣̇зваанам̣ б̣алавасого уббаж̇ж̇ад̇ийд̇и. б̣аалод̇и авид̣̇ваа. д̇зна авиж̇ж̇ааяа гааран̣абхаавам̣ д̣̇ассзд̇и. д̇ивид̇ханд̇и д̇ассааруббагат̇аасаванагаммагааран̣аад̣̇ассанамаран̣агаалагаммобадтаананид̣̇аанам̣ согаад̣̇ид̣̇угкам̣. аасавз саад̇хзнд̇ийд̇и аасавз г̇амзнд̇и б̣од̇хзнд̇ийд̇и ад̇т̇о.

звам̣ сад̇ийд̇и авид̣̇ид̇аад̣̇ид̇ааяа анаад̣̇ибхаавз сад̇и. аад̣̇имад̇д̇агат̇ананд̇иаад̣̇и зд̇асса ад̇т̇ийд̇и аад̣̇имам̣, бхаважаггам̣. д̇асса бхааво аад̣̇имад̇д̇ам̣, д̇асса гат̇анам̣ аад̣̇имад̇д̇агат̇анам̣. висзсанивад̇д̇иад̇т̇о ваа мад̇д̇а-сад̣̇д̣̇о, сад̇и анаад̣̇ибхаавз авиж̇ж̇аа аад̣̇имхи маж̇жхз барияосаанз жа саб̣б̣ад̇т̇а сияаад̇и аад̣̇имад̇д̇ааяа авиж̇ж̇ааяа гат̇анам̣ вируж̇жхад̇ийд̇и ад̇т̇о. авиж̇ж̇ааг̇г̇ахан̣знаад̇и авиж̇ж̇ааяа уббаад̣̇анзна гат̇анзна, аббахаанзна ваа, ад̇д̇ано санд̇аанз саннихид̇абхаавагаран̣знаад̇и ад̇т̇о. гаммаад̣̇ийнийд̇и гаммавибаагаваддаани. ваддагааран̣абхаавзна бад̇хаанад̇д̇аа ‘‘бад̇хаанад̇хаммо’’д̇и авиж̇ж̇аа гат̇ид̇аа. вад̣̇ад̇ийд̇и вад̣̇о. взд̣̇зд̇и, взд̣̇ияад̇ийд̇и ваа взд̣̇зяяо, сукаад̣̇им̣ анубхавад̇и, саб̣б̣ависаяз ваа ж̇аанаад̇и, ‘‘сукид̇о’’д̇иаад̣̇инаа ад̇д̇анаа барзхи жа ж̇аанаад̇и н̃ааяад̇и жаад̇и ад̇т̇о. б̣рахмаад̣̇инаа ваа ад̇д̇анаа ваад̇и ваа-сад̣̇д̣̇о жа-сад̣̇д̣̇ад̇т̇о. д̇знааха ‘‘гаарагавзд̣̇агарахид̇а’’нд̇и жа-сад̣̇д̣̇ад̇т̇асамаасам̣.

д̣̇ваад̣̇асавид̇хасун̃н̃ад̇аасун̃н̃анд̇и авиж̇ж̇аад̣̇ийнам̣ д̣̇ваад̣̇асавид̇хаанам̣ сун̃н̃ад̇ааяа сун̃н̃ам̣, жад̇уб̣б̣ид̇хамби ваа сун̃н̃ад̇ам̣ згам̣ гад̇ваа д̣̇ваад̣̇асан̇г̇ад̇ааяа д̣̇ваад̣̇асавид̇хаад̇и д̇ааяа д̣̇ваад̣̇асавид̇хааяа сун̃н̃ад̇ааяа сун̃н̃анд̇и ад̇т̇о.

буб̣б̣анд̇аахаран̣ад̇од̇и буб̣б̣анд̇ад̇о бажжуббаннавибаагасса аахаран̣ад̇о барижчиннавзд̣̇анаавасаанам̣ зд̇ам̣ бхаважагганд̇и ад̇т̇о. бхаважаггзгад̣̇зсоби хи бхаважагганд̇и вужжад̇и. взд̣̇анаа ваа д̇ан̣хаасахааяааяа авиж̇ж̇ааяа бажжаяо ход̇ийд̇и взд̣̇анаад̇о авиж̇ж̇аа, д̇ад̇о сан̇каараад̇и самб̣аж̇жханад̇о взд̣̇анаавасаанам̣ бхаважагганд̇и яуд̇д̇амзд̇ам̣, звам̣ д̇ан̣хаамуулагз жа яож̇зд̇аб̣б̣ам̣. д̣̇виннамби хи ан̃н̃аман̃н̃ам̣ ануббавзсо ход̇ийд̇и. авиж̇ж̇аа д̇хаммасабхаавам̣ бадижчаад̣̇зд̇ваа вибарийд̇аабхинивзсам̣ гаронд̇ий д̣̇идтижарид̇з сам̣саарз наяад̇и, д̇зсам̣ ваа сам̣саарам̣ сан̇каараад̣̇ибавад̇д̇им̣ наяад̇и бавад̇д̇зд̇ийд̇и ‘‘сам̣сааранааяигаа’’д̇и вуд̇д̇аа. палуббад̇д̇ияаад̇и гад̇д̇унид̣̇д̣̇зсо. вин̃н̃аан̣аад̣̇ибажжуббаннапалуббад̇д̇и хи ид̇ха д̣̇идтаа, ад̣̇идтаанан̃жа буримабхавз ад̇д̇ано хзд̇уунам̣ авиж̇ж̇аасан̇каараанам̣ палам̣ аж̇анзд̇ваа анубажчиж̇ж̇анам̣ багаасзд̇и. ат̇а ваа буримабхаважаггам̣ д̣̇уд̇иязна самб̣анд̇хам̣ вуд̇д̇анд̇и взд̣̇анаасан̇каад̇асса паласса уббад̇д̇ияаа д̇ан̣хаад̣̇ийнам̣ хзд̇уунам̣ анубажчзд̣̇ам̣ багаасзд̇и, д̇асмаа палуббад̇д̇ияаа гааран̣абхууд̇ааяа батамасса бхаважаггасса хзд̇уунам̣ анубажчзд̣̇аббагаасанад̇од̇и ад̇т̇о. сан̇каараад̣̇ийнамзва ваа палаанам̣ уббад̇д̇ияаа авиж̇ж̇аад̣̇ийнам̣ хзд̇уунам̣ палам̣ аж̇анзд̇ваа анубажчзд̣̇амзва, вин̃н̃аан̣аад̣̇ихзд̇уунам̣ ваа сан̇каараад̣̇ийнам̣ ануб̣анд̇ханамзва багаасзд̇и батамам̣ бхаважаггам̣, на д̣̇уд̇ияам̣ вияа барияосаанамбийд̇и ‘‘палуббад̇д̇ияаа хзд̇уунам̣ анубажчзд̣̇аббагаасанад̇о’’д̇и вуд̇д̇ам̣. ‘‘вин̃н̃аан̣абажжаяаа наамарууба’’нд̇и зд̇т̇а абарибун̣н̣ааяад̇анагалаларуубам̣ вад̇ваа д̇ад̇о уд̣̇д̇хам̣ ‘‘наамаруубабажжаяаа сал̣ааяад̇ана’’нд̇и сал̣ааяад̇анаббавад̇д̇и вуд̇д̇аад̇и ааха ‘‘анубуб̣б̣абавад̇д̇ид̣̇ийбанад̇о’’д̇и. ‘‘бхавабажжаяаа ж̇аад̇ий’’д̇и зд̇т̇а на ааяад̇анаанам̣ гамзна уббад̇д̇и вуд̇д̇аад̇и ааха ‘‘сахуббад̇д̇ид̣̇ийбанад̇о’’д̇и.

хзд̇уаад̣̇ибуб̣б̣агаа д̇аяо санд̇хий зд̇ассаад̇и хзд̇упалахзд̇убуб̣б̣агад̇исанд̇хи, бхаважаггам̣. хзд̇упалахзд̇упалавасзна жад̇уббабхзд̣̇о ан̇г̇аанам̣ сан̇г̇ахо зд̇ассаад̇и жад̇убхзд̣̇асан̇г̇ахам̣. саруубад̇о авуд̇д̇ааби д̇асмим̣ д̇асмим̣ сан̇г̇ахз аагирийяанд̇и авиж̇ж̇аасан̇каараад̣̇иг̇г̇ахан̣зхи багаасийяанд̇ийд̇и аагаараа, ад̇ийд̇ахзд̇уаад̣̇ийнам̣ ваа багаараа аагаараа. гилзсагаммавибаагаа вибаагагилзсагаммзхи самб̣анд̇хаа худ̇ваа бунаббунам̣ баривад̇д̇анд̇ийд̇и д̇зсу вадданаамам̣ ааробзд̇ваа ‘‘д̇ивадда’’нд̇и вуд̇д̇ам̣, ваддзгад̣̇зсад̇д̇аа ваа ‘‘ваддааний’’д̇и вуд̇д̇аани.

санд̇хийнам̣ аад̣̇ибарияосаанававад̇т̇ид̇аад̇и санд̇хийнам̣ буб̣б̣аабарававад̇т̇ид̇аад̇и ад̇т̇о.

‘‘яаа гаажи ваа бана жзд̇анаа бхаво, жзд̇анаасамбаяуд̇д̇аа ааяууханасан̇каараа’’д̇и ид̣̇ам̣ имиссаа д̇хаммадтид̇ин̃аан̣абхааж̇анийяз вуд̇д̇ааяа бадисамбхид̣̇аабаал̣ияаа (бади. ма. 1.47) васзна вуд̇д̇ам̣. зд̇т̇а хи ‘‘жзд̇анаа бхаво’’д̇и ааг̇ад̇аад̇и. бхаванид̣̇д̣̇зсз бана ‘‘саад̇т̇ад̇о’’д̇и зд̇т̇а ‘‘жзд̇анаава сан̇каараа, бхаво бана жзд̇анаасамбаяуд̇д̇аабий’’д̇и вибхан̇г̇абаал̣ияаа васзна д̣̇ассид̇ам̣. ‘‘д̇ад̇т̇а гад̇амо бун̃н̃аабхисан̇кааро? гусалаа жзд̇анаа гаамааважараа’’д̇иаад̣̇инаа хи сан̇каараанам̣ жзд̇анаабхааво вибхан̇г̇абаал̣ияам̣ (вибха. 226) вуд̇д̇од̇и. д̇ад̇т̇а бадисамбхид̣̇аабаал̣ияам̣ ‘‘жзд̇анаасамбаяуд̇д̇аа вибаагад̇хаммад̇д̇аа савибаагзна ааяууханасан̇каад̇зна сан̇кад̇аабхисан̇каран̣агижжзна сан̇каараа’’д̇и вуд̇д̇аа. вибхан̇г̇абаал̣ияам̣ (вибха. 234) ‘‘саб̣б̣амби бхаваг̇аамигаммам̣ гаммабхаво’’д̇и бхавасса бажжаяабхаавзна бхаваг̇аамибхаавад̇о гаммасам̣садтасахааяад̇ааяа гаммабхаавад̇о жа убабад̇д̇ибхавам̣ бхаавзнд̇ийд̇и бхавод̇и вуд̇д̇аа, убабад̇д̇ибхавабхааванагижжам̣ бана жзд̇анааяа саад̇исаяанд̇и бадисамбхид̣̇аабаал̣ияам̣ жзд̇анаа ‘‘бхаво’’д̇и вуд̇д̇аа, бхаваабхисан̇каран̣агижжам̣ жзд̇анааяа саад̇исаяанд̇и вибхан̇г̇абаал̣ияам̣ ‘‘гусалаа жзд̇анаа’’д̇иаад̣̇инаа жзд̇анаа ‘‘сан̇каараа’’д̇и вуд̇д̇аа, д̇асмаа д̇зна д̇зна барияааязна убхаяам̣ убхаяад̇т̇а вад̇д̇ум̣ яуд̇д̇анд̇и над̇т̇зд̇т̇а вирод̇хо . г̇ахан̣анд̇и гаамубаад̣̇аанам̣ гижжзнааха. бараамасананд̇и ид̇араани. ааяууханаавасаанзд̇и д̇ийсуби ад̇т̇авигаббзсу вуд̇д̇асса ааяууханасса авасаанз.

д̣̇вийсу ад̇т̇авигаббзсу вуд̇д̇з ааяууханасан̇каарз ‘‘д̇асса буб̣б̣абхааг̇аа’’д̇и ааха, д̇ад̇ияз вуд̇д̇з ‘‘д̇ам̣самбаяуд̇д̇аа’’д̇и. д̣̇ахарасса жид̇д̇аббавад̇д̇и бхаван̇г̇аб̣ахулаа язбхуяязна бхаванд̇араж̇анагагаммааяууханасамад̇т̇аа на ход̇ийд̇и ‘‘ид̇ха барибаггад̇д̇аа ааяад̇анаана’’нд̇и вуд̇д̇ам̣. гаммагаран̣агаалз саммоход̇и зд̇зна гаммасса бажжаяабхууд̇ам̣ саммохам̣ д̣̇ассзд̇и, на гаммасамбаяуд̇д̇амзва.

гаммаанзва вибаагам̣ самбхаранд̇и вад̣дхзнд̇ийд̇и гаммасамбхаараа, гаммам̣ ваа сан̇каарабхаваа, д̇ад̣̇убагаарагаани авиж̇ж̇аад̇ан̣хубаад̣̇аанаани гаммасамбхаараа, бадисанд̇хид̣̇ааяаго ваа бхаво гаммам̣, д̇ад̣̇убагаарагаа яат̇аавуд̇д̇аааяууханасан̇каараа авиж̇ж̇аад̣̇аяо жа гаммасамбхаараад̇и гамман̃жа гаммасамбхаараа жа гаммасамбхаараад̇и згасзсам̣ гад̇ваа ‘‘гаммасамбхаараа’’д̇и ааха. д̣̇аса д̇хаммаа гамманд̇и авиж̇ж̇аад̣̇аяоби гаммасахааяад̇ааяа гаммасаригкагаа д̇ад̣̇убагаарагаа жаад̇и ‘‘гамма’’нд̇и вуд̇д̇аа.

сан̇киббанд̇и зд̇т̇а авиж̇ж̇аад̣̇аяо вин̃н̃аан̣аад̣̇аяо жаад̇и сан̇кзбо, гаммам̣ вибааго жа. гаммам̣ вибаагод̇и звам̣ сан̇кибийяад̇ийд̇и ваа сан̇кзбо, авиж̇ж̇аад̣̇аяо вин̃н̃аан̣аад̣̇аяо жа. сан̇кзбабхаавасааман̃н̃зна бана згаважанам̣ гад̇анд̇и д̣̇адтаб̣б̣ам̣. сан̇кзбасад̣̇д̣̇о ваа бхааг̇аад̇хиважананд̇и гаммабхааг̇о гаммасан̇кзбо.

звам̣ самуббаннанд̇и гаммад̇о вибааго. д̇ад̇т̇ааби авиж̇ж̇аад̇о сан̇каараад̇и звам̣ самуббаннам̣, д̇исанд̇хиаад̣̇ивасзна ваа самуббаннам̣ ид̣̇ам̣ бхаважагганд̇и ад̇т̇о. ид̇д̇аранд̇и г̇аманад̇хаммам̣, винассад̇хамманд̇и ад̇т̇о. д̇зна уббаад̣̇аваяаванд̇ад̇аад̣̇ийбагзна анижжа-сад̣̇д̣̇зна вигаараабад̇д̇ид̣̇ийбагзна жала-сад̣̇д̣̇зна жа ад̣̇ийбид̇ам̣ гааланд̇арадтааяид̇аабадигкзбам̣ д̣̇ийбзд̇и, ад̇хуванд̇и зд̇зна т̇ирабхаавабадигкзбам̣ ниссаарад̇ам̣. хзд̇уу зва самбхаараа хзд̇усамбхаараа. ‘‘таанасо хзд̇усо’’д̇и зд̇т̇а звам̣ вуд̇д̇ам̣ ваа таанам̣, ан̃н̃амби д̇асса д̇асса саад̇хааран̣ам̣ гааран̣ам̣ самбхааро, асаад̇хааран̣ам̣ хзд̇у. званд̇и звам̣ хзд̇уд̇о д̇хаммамад̇д̇асамбхавз хзд̇унирод̇хаа жа ваддубажчзд̣̇з д̇хаммз жа д̇ам̣нирод̇хааяа д̣̇зсид̇з сад̇ийд̇и ад̇т̇о. б̣рахмажарияам̣ ид̇ха б̣рахмажарияид̇ха. сад̇д̇з жаад̇и зд̇т̇а жа-сад̣̇д̣̇о звам̣ б̣рахмажарияан̃жа виж̇ж̇ад̇и, сассад̇ужчзд̣̇аа жа на хонд̇ийд̇и самужжаяад̇т̇о. зван̃хи хзд̇уааяад̇д̇з д̇хаммамад̇д̇асамбхавз сад̇д̇о нубалаб̣бхад̇и, д̇асмин̃жа убалаб̣бханд̇з сассад̇о ужчзд̣̇о ваа сияаа, нубалаб̣бханд̇з д̇асмим̣ нзвужчзд̣̇о на сассад̇анд̇и вуд̇д̇ам̣ ход̇и.

сажжаббабхавад̇од̇и сажжад̇о, сажжаанам̣ ваа бабхавад̇о. гусалаагусалам̣ гамманд̇и ваддагат̇ааяа вад̇д̇амаанад̇д̇аа саасаванд̇и вин̃н̃ааяад̇и. ависзсзнаад̇и жзд̇анаа жзд̇анаасамбаяуд̇д̇агаад̇и висзсам̣ агад̇ваа саб̣б̣амби д̇ам̣ гусалаагусалам̣ гаммам̣ ‘‘самуд̣̇аяасажжа’’нд̇и вуд̇д̇анд̇и ад̇т̇о. ‘‘д̇ан̣хаа жа…бз… авасзсаа жа саасаваа гусалаа д̇хаммаа’’д̇и хи жзд̇анаажзд̇анаасамбаяуд̇д̇ависзсам̣ агад̇ваа вуд̇д̇анд̇и, арияасажжависзсам̣ ваа агад̇ваа самуд̣̇аяасажжанд̇и вуд̇д̇анд̇и ад̇т̇о.

вад̇т̇уусууд̇и аарамман̣зсу, жагкаад̣̇ийсу ваа бадижчаад̣̇зд̇аб̣б̣зсу вад̇т̇уусу. согаад̣̇ийнам̣ ад̇хидтаанад̇д̇аад̇и д̇зсам̣ гааран̣ад̇д̇аа, д̇зхи сид̣̇д̇хааяа авиж̇ж̇ааяа сахид̇зхи сан̇каарзхи бажжаяо жа ход̇и бхаванд̇арабаад̇убхаавааяаад̇и ад̇хиббааяо. жуд̇ижид̇д̇ам̣ ваа бадисанд̇хивин̃н̃аан̣асса ананд̇арабажжаяо ход̇ийд̇и ‘‘бажжаяо жа ход̇и бхаванд̇арабаад̇убхаавааяаа’’д̇и вуд̇д̇ам̣ . д̇ам̣ бана жуд̇ижид̇д̇ам̣ авиж̇ж̇аасан̇каарарахид̇ам̣ бхаванд̇арасса бажжаяо на ход̇ийд̇и д̇асса сахааяад̣̇ассанад̇т̇амааха ‘‘согаад̣̇ийнам̣ ад̇хидтаанад̇д̇аа’’д̇и. д̣̇вид̇хаад̇и ад̇д̇аноязва сарасзна д̇хамманд̇арабажжаяабхаавзна жаад̇и д̣̇вид̇хаа.

авиж̇ж̇аабажжаяаа сан̇каараад̇и зд̇зна сан̇каараанам̣ бажжаяуббаннад̇аад̣̇ассанзна ‘‘го ну ко абхисан̇карод̇ийд̇и зса но галло бан̃хо’’д̇и д̣̇ассзд̇и. д̇знзд̇ам̣ гаарагад̣̇ассананивааран̣анд̇и. звамаад̣̇ид̣̇ассананивааран̣анд̇и зд̇зна ‘‘сожад̇и барид̣̇звад̇и д̣̇угкид̇о’’д̇иаад̣̇ид̣̇ассананивааран̣амааха. согаад̣̇аяоби хи бажжаяааяад̇д̇аа авасавад̇д̇инод̇и ‘‘ж̇аад̇ибажжаяаа ж̇араамаран̣ам̣ сога…бз… самбхаванд̇ий’’д̇и зд̇зна вуд̇д̇анд̇и.

г̇ан̣д̣абхзд̣̇абийл̣агаа вияаад̇и г̇ан̣д̣абхзд̣̇анад̇т̇ам̣ бажжамаанз г̇ан̣д̣з д̇ассаби убари ж̇ааяамаанакуд̣̇д̣̇агабийл̣агаа вияа, г̇ан̣д̣асса ваа анзгад̇хаабхзд̣̇з бийл̣агаа вияа. г̇ан̣д̣авигаараа суунад̇аасарааг̇абуб̣б̣аг̇ахан̣аад̣̇аяо.

бадалаабхибхууд̇ажагкуго руубаани на бассад̇и, гин̃жиби бассанд̇о жа вибарийд̇ам̣ бассад̇и, звам̣ авиж̇ж̇аабхибхууд̇о д̣̇угкаад̣̇ийни на бадибаж̇ж̇ад̇и на бассад̇и, мижчаа ваа бадибаж̇ж̇ад̇ийд̇и бадалам̣ вияа авиж̇ж̇аа , гиминаа вияа ад̇д̇анаа гад̇ад̇д̇аа ваддасса ад̇д̇аноязва бариб̣бхаманагааран̣ад̇д̇аа жа госаббад̣̇зсаа вияа сан̇каараа, сан̇каарабариг̇г̇ахам̣ винаа бад̇идтам̣ алабхамаанам̣ вин̃н̃аан̣ам̣ барин̣ааяагабариг̇г̇ахам̣ винаа бад̇идтам̣ алабхамаано рааж̇агумааро вияаад̇и бариг̇г̇ахзна винаа бад̇идтаалаабхо зд̇т̇а сааман̃н̃ам̣. убабад̇д̇инимид̇д̇анд̇и гаммаад̣̇иаарамман̣амааха. баригаббанад̇од̇и аарамман̣агаран̣ад̇о, самбаяуд̇д̇зна ваа вид̇аггзна вид̇агганад̇о. д̣̇звамануссамиг̇авихан̇г̇аад̣̇ививид̇хаббагаарад̇ааяа мааяаа вияа наамаруубам̣, бад̇идтаависзсзна вуд̣дхивисзсаабад̇д̇ид̇о ванаббаг̇умб̣о вияа сал̣ааяад̇анам̣. ааяад̇анаанам̣ висаяивисаяабхууд̇аанам̣ ан̃н̃аман̃н̃аабхимукабхаавад̇о ааяад̇анагхадданад̇о. зд̇т̇а жа сан̇каараад̣̇ийнам̣ госаббад̣̇зсабарин̣ааяагаад̣̇ийхи д̣̇вийхи д̣̇вийхи сад̣̇исад̇ааяа д̣̇вз д̣̇вз убамаа вуд̇д̇аад̇и д̣̇адтаб̣б̣аа.

г̇амбхийро зва худ̇ваа обхаасад̇и багаасад̇и д̣̇иссад̇ийд̇и г̇амбхийраавабхаасо. ж̇аад̇ибажжаяасамбхууд̇асамуд̣̇ааг̇ад̇адтод̇и ж̇аад̇ибажжаяаа самбхууд̇ам̣ худ̇ваа сахид̇асса ад̇д̇ано бажжаяаануруубасса уд̣̇д̇хам̣ уд̣̇д̇хам̣ ааг̇ад̇абхааво, ануббаб̣анд̇ход̇и ад̇т̇о. ат̇а ваа самбхууд̇адто жа самуд̣̇ааг̇ад̇адто жа самбхууд̇асамуд̣̇ааг̇ад̇адто. ‘‘на ж̇аад̇ид̇о ж̇араамаран̣ам̣ на ход̇и, на жа ж̇аад̇им̣ винаа ан̃н̃ад̇о ход̇ий’’д̇и хи ж̇аад̇ибажжаяасамбхууд̇адто вуд̇д̇о. ид̇т̇ан̃жа ж̇аад̇ид̇о самуд̣̇ааг̇ажчад̇ийд̇и бажжаяасамуд̣̇ааг̇ад̇адто, яаа яаа ж̇аад̇и яат̇аа яат̇аа бажжаяо ход̇и, д̇ад̣̇ануруубабаад̇убхаавод̇и ад̇т̇о.

ануломабадиломад̇од̇и ид̇ха бана бажжаяуббаад̣̇аа бажжаяуббаннуббаад̣̇асан̇каад̇ам̣ ануломам̣, нирод̇хаа нирод̇хасан̇каад̇ам̣ бадиломан̃жааха. аад̣̇ид̇о бана анд̇аг̇аманам̣ ануломам̣, анд̇ад̇о жа аад̣̇иг̇аманам̣ бадиломамаахаад̇и. ‘‘имз жад̇д̇ааро аахаараа гим̣нид̣̇аанаа’’д̇иаад̣̇игааяа (сам̣. ни. 2.11) взмаж̇жхад̇о бадтааяа бадиломад̣̇зсанааяа, ‘‘жагкум̣ бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа’’д̇иаад̣̇игааяа (сам̣. ни. 2.43-44; 2.4.60) ануломад̣̇зсанааяа жа д̣̇висанд̇хид̇исан̇кзбам̣, ‘‘сам̣яож̇анийязсу, бхигкавз, д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и, д̇ан̣хаабажжаяаа убаад̣̇аана’’нд̇иаад̣̇ийсу (сам̣. ни. 2.53-54) згасанд̇хид̣̇висан̇кзбам̣.

авиж̇ж̇аад̣̇ийнам̣ сабхааво бадивиж̇жхийяад̇ийд̇и бадивзд̇хо. вуд̇д̇ан̃хи ‘‘д̇зсам̣ д̇зсам̣ ваа д̇ад̇т̇а д̇ад̇т̇а вуд̇д̇ад̇хаммаанам̣ бадивиж̇жхид̇аб̣б̣о салагкан̣асан̇каад̇о авибарийд̇асабхааво бадивзд̇хо’’д̇и (д̇ха. са. адта. нид̣̇аанагат̇аа). абун̃н̃аабхисан̇каарзгад̣̇зсо сарааг̇о, ан̃н̃о вирааг̇о, рааг̇асса ваа абадибагкабхаавад̇о рааг̇аббавад̣дхаго саб̣б̣оби абун̃н̃аабхисан̇кааро сарааг̇о, ид̇аро бадибагкабхаавад̇о вирааг̇о. ‘‘д̣̇ийгхарад̇д̇ан̃хзд̇ам̣, бхигкавз, ассуд̇авад̇о бут̇уж̇ж̇анасса аж̇жхосид̇ам̣ мамааяид̇ам̣ бараамадтам̣ ‘зд̇ам̣ мама, зсохамасми, зсо мз ад̇д̇аа’’д̇и (сам̣. ни. 2.62) ад̇д̇абараамаасасса вин̃н̃аан̣ам̣ висидтам̣ вад̇т̇у вуд̇д̇анд̇и вин̃н̃аан̣асса сун̃н̃ад̇адто г̇амбхийро, ад̇д̇аа виж̇аанаад̇и сам̣сарад̇ийд̇и саб̣яаабаарад̇аасан̇ганд̇иабхинивзсаб̣алавад̇ааяа аб̣яаабаарадтаасан̇ганд̇ибадисанд̇хибаад̇убхаавадтаа жа г̇амбхийраа, наамасса руубзна, руубасса жа наамзна асамбаяог̇ад̇о виниб̣бхог̇о, наамасса наамзна авиниб̣бхог̇о яож̇зд̇аб̣б̣о. згуббаад̣̇зганирод̇хзхи авиниб̣бхог̇з ад̇хиббзд̇з руубасса жа руубзна лаб̣бхад̇и. ат̇а ваа згажад̇увогаарабхавзсу наамаруубаанам̣ асахавад̇д̇анад̇о ан̃н̃аман̃н̃авиниб̣бхог̇о, бан̃жавогаарабхавз сахавад̇д̇анад̇о авиниб̣бхог̇о жа взд̣̇ид̇аб̣б̣о.

ад̇хибад̇ияадто наама инд̣̇рияабажжаяабхааво. ‘‘логобзсо д̣̇ваараабзсаа кзд̇д̇амбзд̇а’’нд̇и (д̇ха. са. 598-599) вуд̇д̇аа логаад̣̇иад̇т̇аа жагкаад̣̇ийсу бан̃жасу яож̇зд̇аб̣б̣аа. манааяад̇анассаби луж̇ж̇анад̇о маносампассаад̣̇ийнам̣ д̣̇вааракзд̇д̇абхаавад̇о жа зд̇з ад̇т̇аа самбхаванд̇зва. аабаат̇аг̇ад̇аанам̣ руубаад̣̇ийнам̣ багаасанаяог̇яад̇аалагкан̣ам̣ обхаасанам̣ жагкаад̣̇ийнам̣ висаяибхааво, манааяад̇анасса виж̇аананам̣. сан̇гхадданадто висзсзна жагкусампассаад̣̇ийнам̣ бан̃жаннам̣, ид̇арз чаннамби яож̇зд̇аб̣б̣аа. пусанан̃жа пассасса сабхааво, сан̇гхадданам̣ расо, ид̇арз убадтаанаагаараа. аарамман̣арасаанубхаванадто расавасзна вуд̇д̇о, взд̣̇аяид̇адто лагкан̣авасзна. ад̇д̇аа взд̣̇аяад̇ийд̇и абхинивзсасса б̣алавад̇ааяа ниж̇ж̇ийвадто взд̣̇анааяа г̇амбхийро. ниж̇ж̇ийвааяа взд̣̇анааяа взд̣̇аяид̇ам̣ ниж̇ж̇ийвавзд̣̇аяид̇ам̣, ниж̇ж̇ийвавзд̣̇аяид̇амзва ад̇т̇о ниж̇ж̇ийвавзд̣̇аяид̇адто.

аад̣̇аанадто жад̇уннамби убаад̣̇аанаанам̣ самаано, г̇ахан̣адто гаамубаад̣̇аанасса, ид̇арзсам̣ д̇ин̣н̣ам̣ абхинивзсаад̣̇иад̇т̇о. ‘‘д̣̇идтиганд̇ааро’’д̇и хи важанад̇о д̣̇идтийнам̣ д̣̇урад̇иггаманадтобийд̇и. д̣̇ал̣хаг̇ахан̣ад̇д̇аа ваа жад̇уннамби д̣̇урад̇иггаманадто яож̇зд̇аб̣б̣о. яониг̇ад̇итид̇иниваасзсукибананд̇и самаасз бхуммаважанасса алобо д̣̇адтаб̣б̣о, д̇асмаа д̇зна ааяууханаабхисан̇каран̣абад̣̇аанам̣ самаасо ход̇и. ж̇араамаран̣ан̇г̇ам̣ маран̣аббад̇хаананд̇и маран̣адтаа зва каяаад̣̇аяо г̇амбхийраа д̣̇ассид̇аа. наванаваанан̃хи баригкаязна кан̣д̣ижжаад̣̇ибарибаггаббавад̇д̇и ж̇араад̇и, каяадто ваа ж̇арааяа вуд̇д̇од̇и д̣̇адтаб̣б̣о. навабхааваабаг̇амо хи каяод̇и вад̇д̇ум̣ яуд̇д̇од̇и. вибарин̣аамадто д̣̇виннамби. санд̇ад̇ивасзна ваа ж̇арааяа каяаваяабхааво, саммуд̇икан̣игавасзна маран̣асса бхзд̣̇авибарин̣аамад̇аа яож̇зд̇аб̣б̣аа.

ад̇т̇анаяаад̇и ад̇т̇аанам̣ наяаа. авиж̇ж̇аад̣̇иад̇т̇зхи згад̇д̇аад̣̇ий сзна бхаавзна нийяанд̇и г̇аммзнд̇ийд̇и згад̇д̇аад̣̇аяо д̇зсам̣ наяаад̇и вуд̇д̇аа. нийяанд̇ийд̇и хи наяаад̇и. ад̇т̇аа зва ваа згад̇д̇аад̣̇ибхаавзна нийяамаанаа н̃ааяамаанаа ‘‘ад̇т̇анаяаа’’д̇и вуд̇д̇аа. нийяанд̇и зд̇зхийд̇и ваа наяаа, згад̇д̇аад̣̇ийхи жа ад̇т̇аа ‘‘зга’’нд̇иаад̣̇инаа нийяанд̇и, д̇асмаа згад̇д̇аад̣̇аяо ад̇т̇аанам̣ наяаад̇и ад̇т̇анаяаа. санд̇аанаанубажчзд̣̇зна б̣ийж̇ам̣ ругкабхаавам̣ бад̇д̇ам̣ ругкабхаавзна бавад̇д̇анд̇и згад̇д̇зна вужжад̇ийд̇и санд̇аанаанубажчзд̣̇о згад̇д̇ам̣, звамид̇хааби авиж̇ж̇аад̣̇ийнам̣ санд̇аанаанубажчзд̣̇о згад̇д̇анд̇и д̣̇ассзд̇и.

бхиннасанд̇аанассзваад̇и самб̣анд̇харахид̇асса наанад̇д̇асса г̇ахан̣ад̇о сад̇д̇анд̇аро ужчинно сад̇д̇анд̇аро уббаннод̇и г̇ан̣ханд̇о ужчзд̣̇ад̣̇идтимубаад̣̇ияад̇и.

яад̇о гуд̇ожийд̇и яад̣̇и ан̃н̃асмаа ан̃н̃ассуббад̇д̇и сияаа, ваалигад̇о д̇зласса, ужчуд̇о кийрасса гасмаа уббад̇д̇и на сияаа, д̇асмаа на гожи гассажи хзд̇у ад̇т̇ийд̇и ахзд̇угад̣̇идтим̣, авиж̇ж̇амаанзби хзд̇умхи нияад̇ад̇ааяа д̇илаг̇аавийсуггасон̣ид̇аад̣̇ийхи д̇злакийрасарийраад̣̇ийни бавад̇д̇анд̇ийд̇и нияад̇иваад̣̇ан̃жа убаад̣̇ияад̇ийд̇и вин̃н̃аад̇аб̣б̣ам̣ яат̇аарахам̣.

гасмаа? яасмаа ид̣̇ан̃хи бхаважаггам̣ абад̣̇аалзд̇ваа сам̣саарабхаяамад̇ийд̇о на гожи субинанд̇арзби ад̇т̇ийд̇и самб̣анд̇хо. д̣̇урабхияаананд̇и д̣̇урад̇иггамам̣. асанивижаггамиваад̇и асаниман̣д̣аламива. д̇ан̃хи ниммат̇анамзва, нааниммат̇анам̣ бавад̇д̇амаанам̣ ад̇т̇и, звам̣ бхаважаггамби зганд̇ам̣ д̣̇угкуббаад̣̇анад̇о ‘‘нижжаниммат̇ана’’нд̇и вуд̇д̇ам̣.

н̃аан̣аасинаа абад̣̇аалзд̇ваа сам̣саарабхаяам̣ ад̇ийд̇о над̇т̇ийд̇и зд̇асса саад̇хагам̣ д̣̇ассзнд̇о ааха ‘‘вуд̇д̇амби жзд̇а’’нд̇иаад̣̇и. д̇анд̇уунам̣ аагулагам̣ д̇анд̇аагулагам̣, д̇анд̇аагулагамива ж̇аад̇аа д̇анд̇аагулагаж̇аад̇аа, гилзсагаммавибаагзхи ад̇ийва ж̇адид̇аад̇и ад̇т̇о. г̇ун̣ааяа сагун̣ияаа нийд̣ам̣ г̇ун̣ааг̇ун̣д̣игам̣. вад̣дхиабхаавад̇о абааяам̣ д̣̇угкаг̇ад̇ибхаавад̇о д̣̇уг̇г̇ад̇им̣ сукасамуссаяад̇о винибаад̇ад̇д̇аа винибаад̇ан̃жа жад̇уб̣б̣ид̇хам̣ абааяам̣, ‘‘канд̇хаанан̃жа бадибаадий’’д̇иаад̣̇инаа вуд̇д̇ам̣ сам̣сааран̃жа наад̇ивад̇д̇ад̇и. сам̣сааро зва ваа саб̣б̣о ид̇ха вад̣дхиабаг̇амаад̣̇ийхи ад̇т̇зхи абааяаад̣̇инаамаго вуд̇д̇о гзвалам̣ д̣̇угкагканд̇хабхаавад̇о.

бхаважаггагат̇ааван̣н̣анаа нидтид̇аа.

суд̇д̇анд̇абхааж̇анийяаван̣н̣анаа нидтид̇аа.

2. абхид̇хаммабхааж̇анийяаван̣н̣анаа

243. бат̇авийаагаасаа вияа бадижжасамуббаад̣̇о махаабад̇т̇адавид̇т̇аарид̇аанам̣ ад̇т̇аанам̣ баригаббавасзна гат̇ид̇о. д̇ан̃хи абад̇т̇адам̣ авид̇т̇ад̇ан̃жа бат̇авим̣ аагаасан̃жа бад̇т̇аранд̇о вид̇т̇аараяанд̇о вияа жа згзгажид̇д̇ааваруд̣̇д̇хам̣ агад̇ваа саб̣б̣асад̇д̇асаб̣б̣ажид̇д̇асаад̇хааран̣авасзна бад̇т̇адавид̇т̇ад̇ам̣ гад̇ваа суд̇д̇анд̇абхааж̇анийязна бхаг̇аваа д̣̇ассзд̇и. д̇ад̇т̇а наанаажид̇д̇авасзнаад̇и асахаж̇аад̇аанам̣ сахаж̇аад̇аанан̃жа бажжаяабажжаяуббаннаанам̣ наанаажид̇д̇аг̇ад̇аанам̣ д̣̇ассид̇абхаавам̣ санд̇хааяа вуд̇д̇ам̣. нава муулабад̣̇аани зд̇зсанд̇и навамуулабад̣̇аа, наяаа. ‘‘згзгзна наязна жад̇уннам̣ жад̇уннам̣ ваараанам̣ сан̇г̇ахид̇ад̇д̇аа’’д̇и вуд̇д̇ам̣, зд̇т̇а ‘‘згзгзна жад̇уггзнаа’’д̇и вад̇д̇аб̣б̣ам̣. наяажад̇уггаваараа хи зд̇т̇а вавад̇т̇ид̇аа д̣̇ассид̇аанам̣ жад̇уггаанам̣ наяабхааваад̇и.

1. бажжаяажад̇уггаван̣н̣анаа

авиж̇ж̇ам̣ ан̇г̇ам̣ аг̇г̇ахзд̇ваа д̇ад̇о барам̣ ‘‘авиж̇ж̇аабажжаяаа сан̇кааро’’д̇иаад̣̇ийни бажжаяасахид̇аани бажжаяуббаннаани ан̇г̇абхаавзна вуд̇д̇аанийд̇и ааха ‘‘на, д̇асса анан̇г̇ад̇д̇аа’’д̇и. зван̃жа гад̇ваа нид̣̇д̣̇зсз (вибха. 226) ‘‘д̇ад̇т̇а гад̇амаа авиж̇ж̇аа’’д̇и авиж̇ж̇ам̣ висум̣ виссаж̇ж̇зд̇ваа ‘‘д̇ад̇т̇а гад̇амо авиж̇ж̇аабажжаяаа сан̇кааро’’д̇иаад̣̇инаа д̇ам̣д̇ам̣бажжаяаванд̇о сан̇каараад̣̇аяо виссаж̇ж̇ид̇аад̇и. д̇ийсу багаарзсу батамабатамавааро д̣̇уд̇ияаваараад̣̇ийсу бависанд̇о бажжаяависзсаад̣̇исаб̣б̣анаанад̇д̇асаад̇хааран̣ад̇д̇аа д̇з ваарависзсз г̇ан̣хаад̇ийд̇и ‘‘саб̣б̣асан̇г̇аахаго’’д̇и вуд̇д̇о. батамавааро зва хи на гзвалам̣ чадтааяад̇анамзва, ат̇а ко нааман̃жа пассасса бажжаяо, наамам̣ ваа на гзвалам̣ чадтааяад̇анассзва, ат̇а ко пассассаабийд̇и бажжаяависзсад̣̇ассанад̇т̇ам̣, язна ад̇т̇ависзсзна махаанид̣̇аанасуд̇д̇ад̣̇зсанаа бавад̇д̇аа, д̇ам̣д̣̇ассанад̇т̇ан̃жа чадтааяад̇анан̇г̇ам̣ барихаабзд̇ваа вуд̇д̇од̇и д̇асса д̣̇уд̇ияаваарз жа бавзсо вуд̇д̇о, на саб̣б̣ан̇г̇асамород̇хад̇о.

яад̇т̇аад̇и вааражад̇уггз згзгаваарз жа. ан̃н̃ат̇аад̇и суд̇д̇анд̇абхааж̇анийяад̇о ан̃н̃ат̇аа сан̇каарод̇и вуд̇д̇ам̣. авуд̇д̇анд̇и ‘‘руубам̣ сал̣ааяад̇ана’’нд̇и, д̇зсуби жа ваарзсу жад̇уусуби согаад̣̇аяо авуд̇д̇аа суд̇д̇анд̇абхааж̇анийязсу вуд̇д̇аа. д̇ад̇т̇а жа вуд̇д̇амзва ид̇ха ‘‘чадтааяад̇ана’’нд̇и ан̃н̃ат̇аа вуд̇д̇анд̇и д̣̇адтаб̣б̣ам̣.

саб̣б̣адтаанасаад̇хааран̣ад̇од̇и вуд̇д̇анаязна саб̣б̣аваарасаад̇хааран̣ад̇о, саб̣б̣авин̃н̃аан̣абавад̇д̇идтаанабхавасаад̇хааран̣ад̇о ваа. винаа абхаавзна вин̃н̃аан̣асса канд̇хад̇д̇аяамби самаанам̣ палам̣ бажжаяо жаад̇и ааха ‘‘ависзсзнаа’’д̇и. ‘‘д̇ин̣н̣ам̣ сан̇г̇ад̇и пассо’’д̇и (ма. ни. 1.204; сам̣. ни. 2.43) важанад̇о бана вин̃н̃аан̣ам̣ пассасса висзсабажжаяод̇и д̇асса пассо висидтам̣ палам̣, сад̇иби бажжаяасамбаяуд̇д̇аанам̣ аахаарабажжаяабхаавз маносан̃жзд̇анааяа вин̃н̃аан̣аахаран̣ам̣ висидтам̣ гижжанд̇и сан̇кааро жасса висидто бажжаяо. ажид̇д̇агкан̣амад̇д̇аанийд̇и жид̇д̇агкан̣аббамаан̣арахид̇аани. д̇ассад̇т̇од̇и д̇асса вуд̇д̇асса авиж̇ж̇аад̣̇игасса ад̇т̇о суд̇д̇анд̇абхааж̇анийяаван̣н̣анааяам̣ вуд̇д̇анаязнзва взд̣̇ид̇аб̣б̣о.

хзд̇угаад̣̇ийнийд̇и зд̇т̇а яасмим̣ жад̇уггз хзд̇уга-сад̣̇д̣̇о вуд̇д̇о, д̇ам̣ хзд̇уга-сад̣̇д̣̇асахажарид̇ад̇д̇аа ‘‘хзд̇уга’’нд̇и вуд̇д̇анд̇и взд̣̇ид̇аб̣б̣ам̣. хзд̇у-сад̣̇д̣̇о г̇ад̇исуужаго авиг̇ад̇ад̇аа жа виг̇ад̇ад̇аанивааран̣авасзна г̇ад̇и зва ход̇ийд̇и хзд̇угажад̇уггам̣ авиг̇ад̇абажжаяавасзна вуд̇д̇анд̇и вуд̇д̇ам̣.

д̇ид̇хаа жад̇уд̇хаа бан̃жад̇хаа ваад̇и ваа-сад̣̇д̣̇о ‘‘чад̇хаа ваа’’д̇иби вигаббзд̇ийд̇и д̣̇адтаб̣б̣о. самаад̇хи хи саад̇хааран̣зхи д̇ийхи жхаанинд̣̇рияамаг̇г̇абажжаязхи жа бажжаяод̇и. убаад̣̇аанам̣ бхавасса маг̇г̇абажжаязна жаад̇и сад̇д̇ад̇хаад̇и гаамубаад̣̇аанаваж̇ж̇аанам̣ васзна вад̣̇ад̇и. гаамубаад̣̇аанам̣ бана яат̇аа бхавасса бажжаяо ход̇и, со багааро д̇ан̣хааяам̣ вуд̇д̇о зваад̇и на вуд̇д̇о.

имасмим̣ жад̇уггз сахаж̇аад̇абажжаязна бажжаяаа хонд̇ийд̇и важанавасзнаад̇и ад̇хиббааяо. ад̇т̇о хи на гад̇т̇ажи ад̇д̇ано бажжаяуббаннасса яат̇аасагзхи бажжаяо на ход̇и, сахаж̇аад̇абажжаяавасзнзва бана имасса жад̇уггасса вуд̇д̇ад̇д̇аа соязвзд̇т̇а ход̇ийд̇и вад̣̇анд̇и. батамаваарод̇и батамажад̇уггод̇и звам̣ вад̇д̇аб̣б̣ам̣. бхаваад̣̇ийнам̣ д̇ат̇аа абхааванд̇и яад̣̇и сахаж̇аад̇абажжаяавасзнзва батамажад̇угго вуд̇д̇о, бхаво ж̇аад̇ияаа, ж̇аад̇и жа маран̣асса сахаж̇аад̇абажжаяо на ход̇ийд̇и яат̇аа авиг̇ад̇ажад̇уггаад̣̇ийсу ‘‘бхавабажжаяаа ж̇аад̇и бхавахзд̇угаа’’д̇иаад̣̇и на вуд̇д̇ам̣ бхаваад̣̇ийнам̣ авиг̇ад̇аад̣̇ибажжаяад̇ааяа абхаавад̇о, звамид̇хааби ‘‘бхавабажжаяаа ж̇аад̇ий’’д̇иаад̣̇и на вад̇д̇аб̣б̣ам̣ сияаа. бажжаяаважанамзва хи д̇зсам̣ сахаж̇аад̇асуужагам̣ аабаннам̣ авиг̇ад̇ажад̇уггаад̣̇ийсу вияа ид̇ха бажжаяависзсасуужагасса важананд̇арасса абхааваа, на жа д̇ам̣ на вуд̇д̇ам̣, на жа бхаваад̣̇аяо сахаж̇аад̇абажжаяаа хонд̇и, д̇асмаа на сахаж̇аад̇абажжаяавасзнзвааяам̣ жад̇угго вуд̇д̇о. сзсабажжаяаанан̃жа самбхаванд̇и ид̣̇ам̣ ‘‘бхаваад̣̇ийна’’нд̇и зд̇зна саха аяож̇зд̇ваа сааман̃н̃зна авиж̇ж̇аад̣̇ийнам̣ сахаж̇аад̇зна саха сзсабажжаяабхааваанан̃жа самбхавам̣ санд̇хааяа вуд̇д̇ам̣. аяан̃хзд̇т̇а ад̇т̇о – бажжаяависзсасуужагасса важананд̇арасса абхааваа сахаж̇аад̇ад̇о ан̃н̃з бажжаяабхааваа авиж̇ж̇аад̣̇ийнам̣ на самбхаванд̇ийд̇и сахаж̇аад̇абажжаяавасзнзвааяам̣ жад̇угго аарад̣̇д̇ход̇и вужжзяяа, на жа д̇з на самбхаванд̇и, д̇асмаа нааяам̣ д̇ат̇аа аарад̣̇д̇ход̇и.

‘‘махаанид̣̇аанасуд̇д̇анд̇з згаад̣̇асан̇г̇иго бадижжасамуббаад̣̇о вуд̇д̇о’’д̇и вуд̇д̇ам̣, д̇ад̇т̇а бана ‘‘наамаруубабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамабажжаяаа пассо’’д̇иаад̣̇инаа (д̣̇ий. ни. 2.97) д̣̇вигкад̇д̇ум̣ ааг̇ад̇з наамаруубз згад̇хаа г̇ахид̇з наван̇г̇иго, д̣̇вид̇хаа г̇ахид̇з д̣̇асан̇г̇иго вуд̇д̇о, ан̃н̃ад̇т̇а бана вуд̇д̇зсу авиж̇ж̇аасан̇каарзсу ад̣̇д̇хад̇д̇аяад̣̇ассанад̇т̇ам̣ яож̇ияамаанзсу згаад̣̇асан̇г̇иго ход̇ийд̇и гад̇ваа звам̣ вуд̇д̇анд̇и д̣̇адтаб̣б̣ам̣. махаанид̣̇аанасуд̇д̇анд̇ад̣̇зсанааяа бариг̇г̇ахад̇т̇анд̇и д̇ад̇т̇а хи жагкааяад̇анаад̣̇ийни вияа руубз чадтааяад̇анан̃жа наамз анд̇ог̇ад̇хам̣ гад̇ваа пассасса ниравасзсаруубабажжаяам̣ вияа ниравасзсанаамабажжаяан̃жа д̣̇ассзд̇ум̣ ‘‘наамаруубабажжаяаа пассо’’д̇и вуд̇д̇ам̣, звамид̇хааби д̇ад̇т̇а д̣̇ассид̇ависзсад̣̇ассанзна д̇ам̣д̣̇зсанаабариг̇г̇ахад̇т̇ам̣ згажид̇д̇агкан̣игз бадижжасамуббаад̣̇з чадтааяад̇анам̣ нааманд̇ог̇ад̇хам̣ гад̇ваа ‘‘наамабажжаяаа пассо’’д̇и вуд̇д̇анд̇и ад̇т̇о.

руубаббавад̇д̇ид̣̇зсам̣ санд̇хааяа д̣̇зсид̇ад̇д̇аа ‘‘имассаа’’д̇и важанасзсо, на буримаананд̇и, д̇знзва ‘‘аяан̃хий’’д̇иаад̣̇имааха.

яонивасзна обабаад̇игаананд̇и жзд̇т̇а сам̣сзд̣̇аж̇аяонигааби барибун̣н̣ааяад̇анабхаавзна обабаад̇игасан̇г̇ахам̣ гад̇ваа вуд̇д̇аад̇и д̣̇адтаб̣б̣аа. бад̇хаанааяа ваа яонияаа саб̣б̣абарибун̣н̣ааяад̇анаяоним̣ д̣̇ассзд̇ум̣ ‘‘обабаад̇игаана’’нд̇и вуд̇д̇ам̣. звам̣ сан̇г̇аханид̣̇ассанавасзнзва хи д̇хаммахад̣̇аяавибхан̇г̇зби (вибха. 1009) ‘‘обабаад̇игаанам̣ бзд̇аана’’нд̇иаад̣̇инаа обабаад̇игаг̇г̇ахан̣амзва гад̇ам̣, на сам̣сзд̣̇аж̇аг̇г̇ахан̣анд̇и. згажид̇д̇агкан̣з чахааяад̇анзхи пассасса бавад̇д̇и над̇т̇и, на жзгасса агусалапассасса чадтааяад̇анаваж̇ж̇ам̣ ааяад̇анам̣ самаанагкан̣з бавад̇д̇амаанам̣ бажжаяабхууд̇ам̣ ад̇т̇и, аарамман̣абажжаяо жзд̇т̇а бавад̇д̇аго на ход̇ийд̇и на г̇аяхад̇и, д̇асмаа ‘‘сал̣ааяад̇анабажжаяаа пассо’’д̇и на саггаа вад̇д̇унд̇и д̣̇ассанад̇т̇ам̣ ‘‘яасмаа банзсо’’д̇иаад̣̇имааха.

буримаяонид̣̇ваяз самбхаванд̇амби гзсан̃жи сал̣ааяад̇анам̣ галалаад̣̇игаалз на самбхавад̇ийд̇и ‘‘сад̣̇аа асамбхавад̇о’’д̇и ааха. бажчимаяонид̣̇ваяз бана язсам̣ самбхавад̇и, д̇зсам̣ сад̣̇аа самбхавад̇ийд̇и. ид̇од̇и имасмаа жад̇уггад̇о, наяад̇о ваа, яо висзсо.

бажжаяажад̇уггаван̣н̣анаа нидтид̇аа.

2. хзд̇ужад̇уггаван̣н̣анаа

244. ж̇аад̇игкан̣амад̇д̇з зва абхаавад̇од̇и д̇ад̇о уд̣̇д̇хам̣ бхаавад̇од̇и ад̇т̇о. авиг̇ад̇абажжаяанияамаабхаавад̇о бхавз убаад̣̇аанахзд̇угаг̇г̇ахан̣ам̣ на гад̇ам̣, абхаавад̇о авиг̇ад̇абажжаяасса ж̇аад̇иаад̣̇ийсу бхавахзд̇угаад̣̇иг̇г̇ахан̣ам̣ на гад̇анд̇и яож̇зд̇аб̣б̣ам̣. яат̇аа бана яаава вад̇т̇у, д̇аава анубалаб̣бхамаанасса вин̃н̃аан̣асса вад̇т̇у авиг̇ад̇абажжаяо ход̇и вин̃н̃аан̣ад̇о уд̣̇д̇хам̣ бавад̇д̇анагамби, звам̣ убаад̣̇аанам̣ бхавасан̇г̇ахид̇аанам̣ ж̇аад̇иаад̣̇ийнам̣, бхаво жа ж̇аад̇ияаа авиг̇ад̇абажжаяо сияаа. ат̇а на сияаа, сан̇каарагканд̇хз ж̇аад̇иаад̣̇ийнам̣ сан̇г̇ахид̇ад̇д̇аа вин̃н̃аан̣ам̣ наамасса, нааман̃жа ад̇агкан̣игасамбхаваа чадтааяад̇анасса авиг̇ад̇абажжаяо на сияаад̇и ид̇ха вияа д̇ад̇т̇ааби хзд̇угаг̇г̇ахан̣ам̣ на гад̇д̇аб̣б̣ам̣ сияаа, д̇асмаа яаава убаад̣̇аанам̣, д̇аава ж̇аад̇иаад̣̇ийнам̣ анубалаб̣бхо, ж̇аад̇игкан̣амад̇д̇з зва бхавасса абхааво жа гааран̣анд̇и на саггаа гаад̇ум̣. сан̇кад̇алагкан̣аанам̣ бана ж̇аад̇иаад̣̇ийнам̣ асабхаавад̇хаммаанам̣ бхавзна сан̇г̇ахид̇ад̇д̇аа асабхаавад̇хаммасса жа барамад̇т̇ад̇о бхаванд̇арасса абхаавад̇о хзд̇уаад̣̇ибажжаяаа на санд̇ийд̇и бхавасса убаад̣̇аанам̣ на нияамзна авиг̇ад̇абажжаяо, бхаво бана ж̇аад̇ияаа, ж̇аад̇и ж̇араамаран̣асса нзва авиг̇ад̇абажжаяод̇и авиг̇ад̇абажжаяанияамаабхаавад̇о абхаавад̇о жа авиг̇ад̇абажжаяасса бхаваад̣̇ийсу хзд̇угаг̇г̇ахан̣ам̣ на гад̇анд̇и яуд̇д̇ам̣.

нану звам̣ ‘‘наамам̣ вин̃н̃аан̣ахзд̇угам̣ чадтааяад̇анам̣ наамахзд̇уга’’нд̇и важанам̣ на вад̇д̇аб̣б̣ам̣. на хи наамасан̇г̇ахид̇аанам̣ ж̇аад̇иаад̣̇ийнам̣ авиг̇ад̇абажжаяо ан̃н̃асса авиг̇ад̇абажжаяабхааво жа ад̇т̇и асабхаавад̇хаммад̇д̇аад̇и? на, д̇зсам̣ наамзна асан̇г̇ахид̇ад̇д̇аа. наманагижжабарижчиннан̃хи наамам̣, д̇ан̃жа гижжам̣ сабхаавад̇хаммаанамзва ход̇ийд̇и сабхаавад̇хаммабхууд̇аа зва д̇аяо канд̇хаа ‘‘наама’’нд̇и вуд̇д̇аа, д̇асмаа д̇ад̇т̇а хзд̇угаг̇г̇ахан̣ам̣ яуд̇д̇ам̣, ид̇ха бана бхавад̇ийд̇и бхаво, на жа ж̇аад̇иаад̣̇ийни на бхаванд̇и ‘‘бхавабажжаяаа ж̇аад̇и самбхавад̇и, ж̇аад̇ибажжаяаа ж̇араамаран̣ам̣ самбхавад̇ий’’д̇и яож̇анад̇о , д̇асмаа сан̇каран̣ад̇о сан̇каарз вияа бхаванад̇о бхавз ж̇аад̇иаад̣̇ийни сан̇г̇ахид̇аанийд̇и нияамаабхааваабхаавзхи яат̇аавуд̇д̇зхи хзд̇угаг̇г̇ахан̣ам̣ на гад̇анд̇и.

гзжи банаад̇иаад̣̇инаа рзвад̇ад̇т̇зрамад̇ам̣ вад̣̇ад̇и. аруубагканд̇хаа хи ид̇ха бхавод̇и ааг̇ад̇аа. вуд̇д̇ан̃хи ‘‘д̇ад̇т̇а гад̇амо убаад̣̇аанабажжаяаа бхаво, табзд̇ваа убаад̣̇аанам̣ взд̣̇анаагканд̇хо…бз… вин̃н̃аан̣агканд̇хо’’д̇и (вибха. 249).

‘‘вад̇д̇аб̣б̣абад̣̇зсаабхаавад̇о’’д̇и вуд̇д̇ам̣, сад̇иби бана бад̣̇зсз убаад̣̇аанам̣ вияа сабхааваани ж̇аад̇иаад̣̇ийни на хонд̇ийд̇и табзд̇аб̣б̣асса бхааванд̇арасса абхаавад̇о зва табанам̣ на гаад̇аб̣б̣анд̇и яуд̇д̇ам̣. ж̇ааяамаанаанам̣ бана ж̇аад̇и, ж̇аад̇аанан̃жа ж̇араамаран̣анд̇и ‘‘бхавабажжаяаа ж̇аад̇и, ж̇аад̇ибажжаяаа ж̇араамаран̣а’’нд̇и (вибха. 225) вуд̇д̇ам̣. яат̇аа бана ‘‘наамабажжаяаа пассод̇и д̇ад̇т̇а гад̇амам̣ наамам̣? табзд̇ваа пассам̣ взд̣̇анаагканд̇хо…бз… вин̃н̃аан̣агканд̇хо. ид̣̇ам̣ вужжад̇и наама’’нд̇и (вибха. 259), ‘‘наамаруубабажжаяаа сал̣ааяад̇ананд̇и ад̇т̇и наамам̣ ад̇т̇и руубам̣. д̇ад̇т̇а гад̇амам̣ наамам̣? взд̣̇анаагканд̇хо сан̃н̃аагканд̇хо сан̇каарагканд̇хо. ид̣̇ам̣ вужжад̇и наамам̣. д̇ад̇т̇а гад̇амам̣ руубам̣? жад̇д̇ааро махаабхууд̇аа яан̃жа руубам̣ ниссааяа манод̇хаад̇у мановин̃н̃аан̣ад̇хаад̇у вад̇д̇ад̇и, ид̣̇ам̣ вужжад̇и рууба’’нд̇и (вибха. 261) жа яам̣ наамаруубан̃жа пассасса сал̣ааяад̇анасса бажжаяо, д̇асса вад̇д̇аб̣б̣абад̣̇зсо нид̣̇д̣̇идто, звам̣ яо бхаво ж̇аад̇ияаа бажжаяо, д̇ассаби табзд̇аб̣б̣аг̇ахзд̇аб̣б̣ависзсз сад̇и на саггаа вад̇д̇аб̣б̣абад̣̇зсо над̇т̇ийд̇и вад̇д̇унд̇и.

хзд̇ужад̇уггаван̣н̣анаа нидтид̇аа.

4. ан̃н̃аман̃н̃ажад̇уггаван̣н̣анаа

246. ниббад̣̇зсад̇д̇аа бхавзна убаад̣̇аанам̣ сан̇г̇ахид̇анд̇и бажжаяуббаннасса убаад̣̇аанасса висум̣ тид̇асса абхааваа ‘‘бхавабажжаяааби убаад̣̇аана’’нд̇и на саггаа вад̇д̇унд̇и д̣̇ассзд̇ум̣ ‘‘яасмаа бана бхаво ниббад̣̇зсо’’д̇иаад̣̇имааха. звам̣ сад̇и ‘‘наамабажжаяааби вин̃н̃аан̣а’’нд̇и на вад̇д̇аб̣б̣ам̣ сияаа, наамам̣ бана бажжаяуббаннабхууд̇ам̣ бажжаяабхууд̇ан̃жа саббад̣̇зсамзва г̇ахид̇анд̇и ад̇хиббааяо. яат̇аа бана ‘‘наамабажжаяаа чадтааяад̇анам̣, наамабажжаяаа пассо’’д̇иаад̣̇ийсу (вибха. 150-154) бажжаяуббаннам̣ табзд̇ваа наамам̣ г̇ахид̇ам̣, звам̣ ‘‘бхавабажжаяааби убаад̣̇аана’’нд̇и ид̇хааби бажжаяуббаннам̣ табзд̇ваа бхавасса г̇ахан̣ам̣ на на саггаа гаад̇ум̣, д̇асмаа убаад̣̇аанасса авиг̇ад̇абажжаяанияамаабхааво вияа ан̃н̃аман̃н̃абажжаяанияамаабхааво бхавз буб̣б̣з вуд̇д̇анаязна ад̇т̇ийд̇и ‘‘бхавабажжаяааби убаад̣̇аана’’нд̇и на вуд̇д̇анд̇и взд̣̇ид̇аб̣б̣ам̣.

ан̃н̃аман̃н̃абажжаяод̇и жзд̇т̇а самбаяуд̇д̇авиббаяуд̇д̇аад̇т̇ибажжаяо ад̇хиббзд̇о сияаа. ‘‘наамаруубабажжаяааби вин̃н̃аан̣а’’нд̇и хи вуд̇д̇ам̣, на жа вад̇т̇у агусалавин̃н̃аан̣асса ан̃н̃аман̃н̃абажжаяо ход̇и, бурзж̇аад̇авиббаяуд̇д̇о бана ход̇ийд̇и. д̇ат̇аа ‘‘чадтааяад̇анабажжаяааби наамарууба’’нд̇и вуд̇д̇ам̣, на жа чадтааяад̇анам̣ жагкааяад̇анубажаяаад̣̇ийнам̣ жид̇д̇асамудтаанаруубасса жа ан̃н̃аман̃н̃абажжаяо ход̇и, бажчааж̇аад̇авиббаяуд̇д̇о бана ход̇ийд̇и.

ан̃н̃аман̃н̃ажад̇уггаван̣н̣анаа нидтид̇аа.

сан̇каараад̣̇имуулаганаяамаад̇игааван̣н̣анаа

247. ‘‘абуб̣б̣асса ан̃н̃асса авиж̇ж̇аабажжаяасса вад̇д̇аб̣б̣асса абхаавад̇о бхавамуулаганаяо на вуд̇д̇о’’д̇и вуд̇д̇ам̣, звам̣ сад̇и ‘‘чадтааяад̇анабажжаяаа авиж̇ж̇аа’’д̇иаад̣̇игаа чадтааяад̇анаад̣̇имуулагаа жа на вад̇д̇аб̣б̣аа сияум̣. ‘‘наамабажжаяаа авиж̇ж̇аа’’д̇и зд̇т̇а хи авиж̇ж̇аабажжаяаа саб̣б̣з жад̇д̇ааро канд̇хаа нааманд̇и вуд̇д̇аад̇и. д̇ад̇т̇ааяам̣ ад̇хиббааяо сияаа – наамависзсаанам̣ чадтааяад̇анаад̣̇ийнам̣ авиж̇ж̇ааяа бажжаяабхааво вад̇д̇аб̣б̣од̇и чадтааяад̇анаад̣̇имуулагаа вуд̇д̇аа. яад̣̇зва бана наамам̣ авиж̇ж̇ааяа бажжаяо, д̇ад̣̇зва бхавабажжаяаа авиж̇ж̇аад̇и зд̇т̇ааби вужжзяяа, на вад̇д̇аб̣б̣ависзсо гожи, д̇асмаа абуб̣б̣аабхаавад̇о на вуд̇д̇од̇и. бхаваг̇г̇ахан̣зна жа ид̇ха авиж̇ж̇ааяа бажжаяабхууд̇аа сабхаавад̇хаммаа г̇ан̣хзяяам̣у, на ж̇аад̇иаад̣̇ийнийд̇и абуб̣б̣аабхаавад̇о на вуд̇д̇од̇и д̣̇адтаб̣б̣о. ‘‘авиж̇ж̇аабажжаяаа авиж̇ж̇аад̇иби вуд̇д̇ам̣ сияаа’’д̇и вуд̇д̇ам̣, яат̇аа бана ‘‘наамабажжаяаа пассо’’д̇и вуд̇д̇з ‘‘пассабажжаяаа пассо’’д̇и вуд̇д̇ам̣ на ход̇и бажжаяуббаннам̣ табзд̇ваа бажжаяасса г̇ахан̣ад̇о, звамид̇хааби на сияаа, д̇асмаа бхаванавасзна сабхаавад̇хаммаасабхаавад̇хаммзсу сааман̃н̃зна бавад̇д̇о бхава-сад̣̇д̣̇од̇и на со авиж̇ж̇ааяа бажжаяод̇и саггаа вад̇д̇ум̣. д̇зна бхавамуулаганаяо на вуд̇д̇од̇и взд̣̇ид̇аб̣б̣о.

‘‘убаад̣̇аанабажжаяаа бхаво’’д̇и зд̇т̇а вияа бхавзгад̣̇зсз висум̣ буб̣б̣з аг̇г̇ахид̇з бхава-сад̣̇д̣̇о бажжаяасод̇ханад̇т̇ам̣ аад̣̇ид̇о вужжамаано ниравасзсаб̣од̇хаго ход̇и, на наама-сад̣̇д̣̇о. звам̣сабхааваа хи зд̇аа нируд̇д̇ияод̇и иминааваа ад̇хиббааязна ‘‘авиж̇ж̇аабажжаяаа авиж̇ж̇аад̇иби вуд̇д̇ам̣ сияаа’’д̇и аахаад̇и д̣̇адтаб̣б̣ам̣, иминаава ад̇хиббааязна ‘‘бхавасса ниббад̣̇зсад̇д̇аа бхавабажжаяааби убаад̣̇аананд̇и на вуд̇д̇а’’нд̇и аяамад̇т̇о ан̃н̃аман̃н̃абажжаяаваарз вуд̇д̇од̇и д̣̇адтаб̣б̣о. д̇ад̇т̇а бажчиннад̇д̇аад̇и зд̇зна ж̇аад̇иж̇араамаран̣аанам̣ авиж̇ж̇ааяа бажжаяабхааво анун̃н̃аад̇о вияа ход̇и. ж̇ааяамаанаанам̣ бана ж̇аад̇и, на ж̇аад̇ияаа ж̇ааяамаанаа, ж̇ийяамаанамийяамаанан̃жа ж̇араамаран̣ам̣, на ж̇араамаран̣асса ж̇ийяамаанамийяамаанаад̇и ж̇аад̇иаад̣̇ийни згажид̇д̇агкан̣з на авиж̇ж̇ааяа бажжаяо хонд̇и, д̇асмаа асамбхавад̇о зва д̇аммуулагаа наяаа на г̇ахид̇аа, бажчзд̣̇оби бана ад̇т̇ийд̇и ‘‘д̇ад̇т̇а бажчиннад̇д̇аа’’д̇и вуд̇д̇анд̇и д̣̇адтаб̣б̣ам̣. д̇знзва ‘‘абижаа’’д̇иаад̣̇имааха.

маад̇игааван̣н̣анаа нидтид̇аа.

агусаланид̣̇д̣̇зсаван̣н̣анаа

248-249. убаад̣̇аанасса убаад̣̇аанабажжаяад̇д̇ам̣ аабаж̇ж̇зяяаад̇и нану нааяам̣ д̣̇осо. гаамубаад̣̇аанан̃хи д̣̇идтубаад̣̇аанасса, д̇ан̃жа ид̇арасса бажжаяо ход̇ийд̇и? сажжам̣, гаамубаад̣̇аанасса бана д̇ан̣хааг̇ахан̣зна г̇ахид̇ад̇д̇аа наамз вияа висзсабажжаяад̇д̇аабхааваа жа убаад̣̇аанаг̇г̇ахан̣зна д̇ан̣хаабажжаяаа бхавасса жа бажжаяабхууд̇аа д̣̇идти зва г̇ахид̇аад̇и аяам̣ д̣̇осо вуд̇д̇од̇и д̣̇адтаб̣б̣о. яасмаа жа убаад̣̇аанадтаанз бажжаяуббаннам̣ бажжаяо жа згамзва, д̇асмаа ‘‘наамабажжаяаа пассо, наамаруубабажжаяаа сал̣ааяад̇ана’’нд̇и зд̇зсам̣ нид̣̇д̣̇зсзсу вияа ‘‘убаад̣̇аанабажжаяаа бхаво’’д̇и зд̇асса нид̣̇д̣̇зсз бажжаяо висум̣ на вибхад̇д̇о. сад̇иби ваа бхавасса бажжаяабхаавзна гаамубаад̣̇аанассаби г̇ахан̣з ‘‘табзд̇ваа убаад̣̇аана’’нд̇и авужжамаанз гаамубаад̣̇аанам̣ гаамубаад̣̇аанасса, д̣̇идти жа д̣̇идтияаа бажжаяод̇и аабаж̇ж̇зяяаад̇и бажжаяабажжаяуббаннад̇аанивааран̣ад̇т̇ам̣ ‘‘табзд̇ваа убаад̣̇аана’’нд̇и вуд̇д̇анд̇и д̣̇ассзд̇и.

252. жагкааяад̇анаад̣̇иубад̇т̇амбхагасса жид̇д̇асамудтаанаруубасса ж̇анагам̣ вин̃н̃аан̣ам̣ жагкааяад̇анубажаяаад̣̇ийнам̣ бажжаяод̇и вуд̇д̇ам̣ д̇ад̣̇аж̇анагамбийд̇и ад̇хиббааязна ‘‘яасса жид̇д̇асамудтаанаруубассаа’’д̇иаад̣̇имааха. д̇аасамби хийд̇и уд̇уаахаараж̇асанд̇ад̇ийнамби хи убад̇т̇амбхагасамудтаабанабажчааж̇аад̇абажжаяавасзна вин̃н̃аан̣ам̣ бажжаяо ход̇и зваад̇и ад̇т̇о.

254. яат̇аануруубанд̇и махаабхууд̇асан̇каад̇ам̣ бан̃жаннам̣ сахаж̇аад̇аад̣̇ибажжаяо, вад̇т̇усан̇каад̇ам̣ чадтасса бурзж̇аад̇аад̣̇ибажжаяо, наамам̣ бан̃жаннам̣ бажчааж̇аад̇аад̣̇ибажжаяо, чадтасса сахаж̇аад̇аад̣̇ибажжаяод̇и зсаа яат̇аануруубад̇аа.

264. яассаад̇и яасса бажжаяуббаннасса наамасса вин̃н̃аан̣асса самбаяуд̇д̇абажжаяабхааво ход̇ийд̇и яож̇зд̇аб̣б̣ам̣.

272. ‘‘пассабажжаяааби наама’’нд̇и пассабажжаяабхаавзна вад̇д̇аб̣б̣ассзва наамасса ад̇д̇ано бажжаяуббаннзна бавад̇д̇и д̣̇ассид̇аад̇и ‘‘табзд̇ваа пасса’’нд̇и буна важанз гожи ад̇т̇о ад̇т̇ийд̇и на вуд̇д̇анд̇и д̣̇ассзнд̇о ‘‘д̇ат̇аабий’’д̇иаад̣̇имааха.

280. яасмаа ад̇химогкоби над̇т̇и, д̇асмаа убаад̣̇аанадтаанам̣ барихийнамзваад̇и самб̣анд̇хо. б̣алавагилзсзна бана бад̣̇абууран̣асса гааран̣ам̣ д̇ан̣хааяа абхааво д̣̇оманассасахаг̇ад̇зсу вуд̇д̇о зваад̇и д̇асса д̇зна самб̣анд̇хо яож̇зд̇аб̣б̣о. саб̣б̣ад̇т̇аад̇и д̇ад̇ияажид̇д̇аад̣̇ийсу ‘‘д̇ан̣хаабажжаяаа ад̇химогко’’д̇иаад̣̇имхи виссаж̇ж̇анамзва висзсам̣ д̣̇ассзд̇ваа баал̣и сам̣кид̇д̇аа. хздтаад̇и жид̇д̇уббаад̣̇аган̣д̣аад̣̇ийсу.

агусаланид̣̇д̣̇зсаван̣н̣анаа нидтид̇аа.

гусалааб̣яаагад̇анид̣̇д̣̇зсаван̣н̣анаа

292. басаад̣̇од̇и сад̣̇д̇хаа.

306. ‘‘алобхо нид̣̇аанам̣ гаммаанам̣ самуд̣̇аяааяаа’’д̇иаад̣̇иважанад̇о (а. ни. 3.34) саб̣яаабаараани гусаламуулаани сан̇каараанам̣ нид̣̇аанаани хонд̇и, на гаммавзг̇агкид̇д̇зсу вибаагзсу алобхаад̣̇исахаг̇ад̇агаммабадиб̣имб̣абхууд̇аа вияа бавад̇д̇амаанаа алобхаад̣̇аяод̇и бан̃жавин̃н̃аан̣зсу вияа нид̣̇аанарахид̇ад̇аа сод̇абад̇ид̇ад̇аад̇и д̣̇адтаб̣б̣аа. гирияад̇хаммаа гирияамад̇д̇ад̇д̇аа гамманид̣̇аанарахид̇ааижжзва барихийнаавиж̇ж̇аадтаанаа взд̣̇ид̇аб̣б̣аа.

д̇ад̇ияажад̇уд̇т̇аваараа асамбхавад̇о зваад̇и гасмаа вуд̇д̇ам̣, гим̣ жагкувин̃н̃аан̣аад̣̇ийни жагкааяад̇анубажаяаад̣̇ийнам̣ бажчааж̇аад̇абажжаяаа на хонд̇ийд̇и? хонд̇и, д̇ад̣̇убад̇т̇амбхагасса бана жид̇д̇асамудтаанасса асамудтаабанам̣ санд̇хааяа ‘‘асамбхавад̇о’’д̇и вуд̇д̇анд̇и д̣̇адтаб̣б̣ам̣. сахаж̇аад̇абажчааж̇аад̇авин̃н̃аан̣асса бана васзна д̇ад̣̇ааби вин̃н̃аан̣абажжаяаа наамаруубам̣, бажчааж̇аад̇асахаж̇аад̇анаамасса сахаж̇аад̇абурзж̇аад̇абхууд̇ажагкаад̣̇ируубасса жа васзна наамаруубабажжаяаа сал̣ааяад̇анан̃жа лаб̣бхад̇ийд̇и д̇ад̇ияажад̇уд̇т̇аваараа на на самбхаванд̇ийд̇и.

гусалааб̣яаагад̇анид̣̇д̣̇зсаван̣н̣анаа нидтид̇аа.

авиж̇ж̇аамуулагагусаланид̣̇д̣̇зсаван̣н̣анаа

334. саммохавасзнаад̇и гусалапалз анижжаад̣̇ид̇ааяа сабхаяз саад̣̇урасависаругкаб̣ийж̇асад̣̇исз д̇ам̣ниб̣б̣ад̇д̇агагусалз жа анаад̣̇ийнавад̣̇ассид̇аавасзна. самад̇иггамад̇т̇ам̣ бхааванаа самад̇иггамабхааванаа, д̇ад̣̇ан̇г̇авигкамбханавасзна самад̇иггамабхууд̇аа ваа бхааванаа самад̇иггамабхааванаа.

д̇ат̇аа ид̇ха на лаб̣бханд̇ийд̇и авиж̇ж̇ааяа зва сан̇каараанам̣ авиг̇ад̇аад̣̇ибажжаяад̇д̇аабхаавам̣ санд̇хааяа вуд̇д̇ам̣, вин̃н̃аан̣аад̣̇ийнам̣ бана сан̇каараад̣̇аяо авиг̇ад̇аад̣̇ибажжаяаа хонд̇ийд̇и авиж̇ж̇аабажжаяаа сан̇кааро, сан̇каарабажжаяаа вин̃н̃аан̣ам̣ сан̇каарахзд̇уганд̇иаад̣̇инаа яож̇анаа на на саггаа гаад̇унд̇и авиг̇ад̇ажад̇уггаад̣̇ийниби на ид̇ха лаб̣бханд̇и. вин̃н̃аан̣абажжаяаа наамаруубам̣ вин̃н̃аан̣асамбаяуд̇д̇ам̣ нааманд̇иаад̣̇инаа хи яат̇аалаабхаяож̇анааяа наяо д̣̇ассид̇од̇и.

авиж̇ж̇аамуулагагусаланид̣̇д̣̇зсаван̣н̣анаа нидтид̇аа.

гусаламуулагавибааганид̣̇д̣̇зсаван̣н̣анаа

343. ‘‘наанаагкан̣игагаммабажжаяз бана вад̇д̇аб̣б̣амзва над̇т̇ий’’д̇и вуд̇д̇ам̣, гим̣ гусаламуулам̣ агусаламуулан̃жа гаммабажжаяо ход̇ийд̇и? на ход̇и, гаммабажжаяабхууд̇ааяа бана жзд̇анааяа сам̣садтам̣ гаммам̣ вияа бажжаяо ход̇и. д̇зна згийбхаавамива г̇ад̇ад̇д̇аад̇и звам̣ вуд̇д̇анд̇и д̣̇адтаб̣б̣ам̣. яат̇аа гусалаагусаламуулзхи винаа гаммам̣ вибаагам̣ на ж̇анзд̇ийд̇и д̇аани вибаагасса барияааязна убаниссаяод̇и вуд̇д̇аани, звам̣ гаммзна згийбхууд̇аани сам̣садтаани худ̇ваа гаммаж̇аанам̣ бажжаяаа хонд̇ийд̇и барияааязна д̇зсам̣ гаммабажжаяад̇аа вуд̇д̇аа. зсаад̇и зса гусаламуулабажжаяо агусаламуулабажжаяо жаад̇и яож̇зд̇аб̣б̣ам̣.

гусалаагусалавибаагаанам̣ вияа гирияаанам̣ уббаад̣̇агаани авиж̇ж̇аагусалаагусаламуулаани жа на хонд̇ийд̇и ааха ‘‘убаниссаяад̇ам̣ на лабханд̇ий’’д̇и. манасигаароби ж̇аванавийт̇ибадибаад̣̇агамад̇д̇ад̇д̇аа гусалаагусалаани вияа авиж̇ж̇ам̣ убаниссаяам̣ на гарод̇и, авиж̇ж̇уубаниссаяаанам̣ бана бавад̇д̇иад̇т̇ам̣ бхаван̇г̇аавадданамад̇д̇ам̣ ход̇и, бахийнаавиж̇ж̇аанан̃жа гирияаанам̣ авиж̇ж̇аа нзвуббаад̣̇игаа, аарамман̣амад̇д̇амзва бана ход̇и. зван̃жа гад̇ваа ‘‘гусало д̇хаммо аб̣яаагад̇асса д̇хаммасса убаниссаяабажжаязна бажжаяо’’д̇и (бадтаа. 1.1.423), ‘‘вибаагад̇хаммад̇хаммо нзвавибааганавибаагад̇хаммад̇хаммасса убаниссаяабажжаязна бажжаяо’’д̇и (бадтаа. 1.3.103) жа звамаад̣̇ийсу гирияаанам̣ агусалаа убаниссаяабажжаяабхаавзна на уд̣̇д̇хадаад̇и. абижа ‘‘авиж̇ж̇аабажжаяаа сан̇каараа’’д̇и зд̇асса васзна авиж̇ж̇аамуулаго гусаланаяо вуд̇д̇о, ‘‘сан̇каарабажжаяаа вин̃н̃аан̣а’’нд̇и зд̇асса васзна гусалаагусаламуулаго вибааганаяо, гирияаанам̣ бана нзва сан̇каараг̇г̇ахан̣зна, на жа вин̃н̃аан̣аг̇г̇ахан̣зна г̇ахан̣ам̣ г̇ажчад̇ийд̇и д̇ам̣муулаго гирияаанаяо на лаб̣бхад̇ийд̇и на вуд̇д̇од̇и д̣̇адтаб̣б̣о.

анзгабхзд̣̇ад̇од̇и авиж̇ж̇аад̣̇ийнам̣ муулабад̣̇аанам̣ згажид̇д̇агкан̣игаанам̣ гирияанд̇з батаманаяз сахаж̇аад̇аад̣̇ианзгабажжаяабхаавзна г̇ахид̇ад̇д̇аа д̇зсам̣ бажжаяаанам̣ васзна наваад̣̇имуулабад̣̇аанам̣ наяаанам̣ васзна, анзгаббагаарад̇о жад̇уннам̣ жад̇уггаанам̣ васзнаад̇и ваа ад̇хиббааяо. гусалаагусалаанам̣ бана вибаагз жаад̇и зд̇т̇а гусалаагусалзсу гусалаагусалаанам̣ вибаагз жаад̇и вад̇д̇аб̣б̣ам̣. буримабажчимзсу хи наязсу яат̇аа бажжаяаагааро вуд̇д̇о, д̇ам̣д̣̇ассанад̇т̇ам̣ ‘‘анзгабхзд̣̇ад̇о згад̇хааваа’’д̇и вуд̇д̇ам̣, на жа бажчиманаяз гусалз анзгабхзд̣̇ад̇о бажжаяаагааро вуд̇д̇о, ат̇а ко ‘‘згад̇хааваа’’д̇и. згад̇хааваад̇и жа муулабад̣̇згабажжаяад̇аавасзна, згассзва ваа наяасса васзна згаббагаарзнаад̇и ад̇т̇о, батамажад̇уггассзва васзнаад̇и ваа ад̇хиббааяо. д̇хаммабажжаяабхзд̣̇зд̇и авиж̇ж̇аад̣̇ийнам̣ д̇хаммаанам̣ бажжаяабхаавабхзд̣̇з ж̇араамаран̣аад̣̇ийнам̣ д̇хаммаанам̣ ж̇аад̇иаад̣̇ибажжаяабхзд̣̇з, д̇ам̣д̇ам̣жид̇д̇уббаад̣̇асамаяабарижчиннаанам̣ ваа пассаад̣̇ийнам̣ д̇хаммаанам̣ згагкан̣игаавиж̇ж̇аад̣̇ибажжаяабхзд̣̇з. барияад̇д̇иаад̣̇ийнам̣ гамо барияад̇д̇и…бз… бадибад̇д̇иггамо. бажжаяаагаарз хи баал̣ибарияаабун̣анад̇ад̣̇ад̇т̇асаванабаал̣иад̇т̇ажинд̇анаани ‘‘ж̇араамаран̣ам̣ анижжам̣ сан̇кад̇ам̣…бз… нирод̇хад̇хамма’’нд̇иаад̣̇инаа бхааванаабадибад̇д̇и жа гамзна гаад̇аб̣б̣аад̇и гама-г̇г̇ахан̣ам̣ гарод̇и. д̇ад̇од̇и н̃аан̣аббабхзд̣̇аж̇анагад̇о гамад̇о. ан̃н̃ам̣ гаран̣ийяад̇арам̣ над̇т̇и. д̇ад̣̇ааяад̇д̇аа хи д̣̇угканд̇агирияаад̇и.

гусаламуулагавибааганид̣̇д̣̇зсаван̣н̣анаа нидтид̇аа.

абхид̇хаммабхааж̇анийяаван̣н̣анаа нидтид̇аа.

бадижжасамуббаад̣̇авибхан̇г̇аван̣н̣анаа нидтид̇аа.