༦. པཊིཙྩསམུཔྤཱདཝིབྷངྒོ

6. Paṭiccasamuppādavibhaṅgo

༡. སུཏྟནྟབྷཱཛནཱིཡཾ

1. Suttantabhājanīyaṃ

༢༢༥. ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ སལཱ༹ཡཏནཾ, སལཱ༹ཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

225. Avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti.

༢༢༦. ཏཏྠ ཀཏམཱ ཨཝིཛྫཱ? དུཀྑེ ཨཉྙཱཎཾ, དུཀྑསམུདཡེ ཨཉྙཱཎཾ, དུཀྑནིརོདྷེ ཨཉྙཱཎཾ, དུཀྑནིརོདྷགཱམིནིཡཱ པཊིཔདཱཡ ཨཉྙཱཎཾ – ཨཡཾ ཝུཙྩཏི ‘‘ཨཝིཛྫཱ’’།

226. Tattha katamā avijjā? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ – ayaṃ vuccati ‘‘avijjā’’.

ཏཏྠ ཀཏམེ ཨཝིཛྫཱཔཙྩཡཱ སངྑཱརཱ? པུཉྙཱབྷིསངྑཱརོ, ཨཔུཉྙཱབྷིསངྑཱརོ, ཨཱནེཉྫཱབྷིསངྑཱརོ, ཀཱཡསངྑཱརོ, ཝཙཱིསངྑཱརོ, ཙིཏྟསངྑཱརོ།

Tattha katame avijjāpaccayā saṅkhārā? Puññābhisaṅkhāro, apuññābhisaṅkhāro, āneñjābhisaṅkhāro, kāyasaṅkhāro, vacīsaṅkhāro, cittasaṅkhāro.

ཏཏྠ ཀཏམོ པུཉྙཱབྷིསངྑཱརོ? ཀུསལཱ ཙེཏནཱ ཀཱམཱཝཙརཱ རཱུཔཱཝཙརཱ དཱནམཡཱ སཱིལམཡཱ བྷཱཝནཱམཡཱ – ཨཡཾ ཝུཙྩཏི ‘‘པུཉྙཱབྷིསངྑཱརོ’’།

Tattha katamo puññābhisaṅkhāro? Kusalā cetanā kāmāvacarā rūpāvacarā dānamayā sīlamayā bhāvanāmayā – ayaṃ vuccati ‘‘puññābhisaṅkhāro’’.

ཏཏྠ ཀཏམོ ཨཔུཉྙཱབྷིསངྑཱརོ? ཨཀུསལཱ ཙེཏནཱ ཀཱམཱཝཙརཱ – ཨཡཾ ཝུཙྩཏི ‘‘ཨཔུཉྙཱབྷིསངྑཱརོ’’།

Tattha katamo apuññābhisaṅkhāro? Akusalā cetanā kāmāvacarā – ayaṃ vuccati ‘‘apuññābhisaṅkhāro’’.

ཏཏྠ ཀཏམོ ཨཱནེཉྫཱབྷིསངྑཱརོ? ཀུསལཱ ཙེཏནཱ ཨརཱུཔཱཝཙརཱ – ཨཡཾ ཝུཙྩཏི ‘‘ཨཱནེཉྫཱབྷིསངྑཱརོ’’།

Tattha katamo āneñjābhisaṅkhāro? Kusalā cetanā arūpāvacarā – ayaṃ vuccati ‘‘āneñjābhisaṅkhāro’’.

ཏཏྠ ཀཏམོ ཀཱཡསངྑཱརོ? ཀཱཡསཉྩེཏནཱ ཀཱཡསངྑཱརོ, ཝཙཱིསཉྩེཏནཱ ཝཙཱིསངྑཱརོ, མནོསཉྩེཏནཱ ཙིཏྟསངྑཱརོ། ཨིམེ ཝུཙྩནྟི ‘‘ཨཝིཛྫཱཔཙྩཡཱ སངྑཱརཱ’’།

Tattha katamo kāyasaṅkhāro? Kāyasañcetanā kāyasaṅkhāro, vacīsañcetanā vacīsaṅkhāro, manosañcetanā cittasaṅkhāro. Ime vuccanti ‘‘avijjāpaccayā saṅkhārā’’.

༢༢༧. ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ? ཙཀྑུཝིཉྙཱཎཾ, སོཏཝིཉྙཱཎཾ, གྷཱནཝིཉྙཱཎཾ, ཛིཝ྄ཧཱཝིཉྙཱཎཾ, ཀཱཡཝིཉྙཱཎཾ, མནོཝིཉྙཱཎཾ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ’’།

227. Tattha katamaṃ saṅkhārapaccayā viññāṇaṃ? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ – idaṃ vuccati ‘‘saṅkhārapaccayā viññāṇaṃ’’.

༢༢༨. ཏཏྠ ཀཏམཾ ཝིཉྙཱཎཔཙྩཡཱ ནཱམརཱུཔཾ? ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’ ། ཏཏྠ ཀཏམཾ རཱུཔཾ? ཙཏྟཱརོ མཧཱབྷཱུཏཱ, ཙཏུནྣཉྩ མཧཱབྷཱུཏཱནཾ ཨུཔཱདཱཡ རཱུཔཾ – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམརཱུཔཾ’’།

228. Tattha katamaṃ viññāṇapaccayā nāmarūpaṃ? Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’ . Tattha katamaṃ rūpaṃ? Cattāro mahābhūtā, catunnañca mahābhūtānaṃ upādāya rūpaṃ – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘viññāṇapaccayā nāmarūpaṃ’’.

༢༢༩. ཏཏྠ ཀཏམཾ ནཱམརཱུཔཔཙྩཡཱ སལཱ༹ཡཏནཾ? ཙཀྑཱཡཏནཾ, སོཏཱཡཏནཾ, གྷཱནཱཡཏནཾ, ཛིཝ྄ཧཱཡཏནཾ, ཀཱཡཱཡཏནཾ, མནཱཡཏནཾ – ཨིདཾ ཝུཙྩཏི ‘‘ནཱམརཱུཔཔཙྩཡཱ སལཱ༹ཡཏནཾ’’།

229. Tattha katamaṃ nāmarūpapaccayā saḷāyatanaṃ? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ – idaṃ vuccati ‘‘nāmarūpapaccayā saḷāyatanaṃ’’.

༢༣༠. ཏཏྠ ཀཏམོ སལཱ༹ཡཏནཔཙྩཡཱ ཕསྶོ? ཙཀྑུསམྥསྶོ སོཏསམྥསྶོ གྷཱནསམྥསྶོ ཛིཝ྄ཧཱསམྥསྶོ ཀཱཡསམྥསྶོ མནོསམྥསྶོ – ཨཡཾ ཝུཙྩཏི ‘‘སལཱ༹ཡཏནཔཙྩཡཱ ཕསྶོ’’།

230. Tattha katamo saḷāyatanapaccayā phasso? Cakkhusamphasso sotasamphasso ghānasamphasso jivhāsamphasso kāyasamphasso manosamphasso – ayaṃ vuccati ‘‘saḷāyatanapaccayā phasso’’.

༢༣༡. ཏཏྠ ཀཏམཱ ཕསྶཔཙྩཡཱ ཝེདནཱ? ཙཀྑུསམྥསྶཛཱ ཝེདནཱ, སོཏསམྥསྶཛཱ ཝེདནཱ, གྷཱནསམྥསྶཛཱ ཝེདནཱ, ཛིཝ྄ཧཱསམྥསྶཛཱ ཝེདནཱ, ཀཱཡསམྥསྶཛཱ ཝེདནཱ, མནོསམྥསྶཛཱ ཝེདནཱ – ཨཡཾ ཝུཙྩཏི ‘‘ཕསྶཔཙྩཡཱ ཝེདནཱ’’།

231. Tattha katamā phassapaccayā vedanā? Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā – ayaṃ vuccati ‘‘phassapaccayā vedanā’’.

༢༣༢. ཏཏྠ ཀཏམཱ ཝེདནཱཔཙྩཡཱ ཏཎྷཱ? རཱུཔཏཎྷཱ, སདྡཏཎྷཱ, གནྡྷཏཎྷཱ, རསཏཎྷཱ, ཕོཊྛབྦཏཎྷཱ, དྷམྨཏཎྷཱ – ཨཡཾ ཝུཙྩཏི ‘‘ཝེདནཱཔཙྩཡཱ ཏཎྷཱ’’།

232. Tattha katamā vedanāpaccayā taṇhā? Rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā – ayaṃ vuccati ‘‘vedanāpaccayā taṇhā’’.

༢༣༣. ཏཏྠ ཀཏམཾ ཏཎྷཱཔཙྩཡཱ ཨུཔཱདཱནཾ? ཀཱམུཔཱདཱནཾ, དིཊྛུཔཱདཱནཾ, སཱིལབྦཏུཔཱདཱནཾ, ཨཏྟཝཱདུཔཱདཱནཾ – ཨིདཾ ཝུཙྩཏི ‘‘ཏཎྷཱཔཙྩཡཱ ཨུཔཱདཱནཾ’’།

233. Tattha katamaṃ taṇhāpaccayā upādānaṃ? Kāmupādānaṃ, diṭṭhupādānaṃ, sīlabbatupādānaṃ, attavādupādānaṃ – idaṃ vuccati ‘‘taṇhāpaccayā upādānaṃ’’.

༢༣༤. ཏཏྠ ཀཏམོ ཨུཔཱདཱནཔཙྩཡཱ བྷཝོ? བྷཝོ དུཝིདྷེན – ཨཏྠི ཀམྨབྷཝོ, ཨཏྠི ཨུཔཔཏྟིབྷཝོ། ཏཏྠ ཀཏམོ ཀམྨབྷཝོ? པུཉྙཱབྷིསངྑཱརོ, ཨཔུཉྙཱབྷིསངྑཱརོ, ཨཱནེཉྫཱབྷིསངྑཱརོ – ཨཡཾ ཝུཙྩཏི ‘‘ཀམྨབྷཝོ’’། སབྦམྤི བྷཝགཱམིཀམྨཾ ཀམྨབྷཝོ།

234. Tattha katamo upādānapaccayā bhavo? Bhavo duvidhena – atthi kammabhavo, atthi upapattibhavo. Tattha katamo kammabhavo? Puññābhisaṅkhāro, apuññābhisaṅkhāro, āneñjābhisaṅkhāro – ayaṃ vuccati ‘‘kammabhavo’’. Sabbampi bhavagāmikammaṃ kammabhavo.

ཏཏྠ ཀཏམོ ཨུཔཔཏྟིབྷཝོ? ཀཱམབྷཝོ, རཱུཔབྷཝོ, ཨརཱུཔབྷཝོ, སཉྙཱབྷཝོ, ཨསཉྙཱབྷཝོ, ནེཝསཉྙཱནཱསཉྙཱབྷཝོ, ཨེཀཝོཀཱརབྷཝོ, ཙཏུཝོཀཱརབྷཝོ, པཉྩཝོཀཱརབྷཝོ – ཨཡཾ ཝུཙྩཏི ‘‘ཨུཔཔཏྟིབྷཝོ’’། ཨིཏི ཨཡཉྩ ཀམྨབྷཝོ, ཨཡཉྩ ཨུཔཔཏྟིབྷཝོ། ཨཡཾ ཝུཙྩཏི ‘‘ཨུཔཱདཱནཔཙྩཡཱ བྷཝོ’’།

Tattha katamo upapattibhavo? Kāmabhavo, rūpabhavo, arūpabhavo, saññābhavo, asaññābhavo, nevasaññānāsaññābhavo, ekavokārabhavo, catuvokārabhavo, pañcavokārabhavo – ayaṃ vuccati ‘‘upapattibhavo’’. Iti ayañca kammabhavo, ayañca upapattibhavo. Ayaṃ vuccati ‘‘upādānapaccayā bhavo’’.

༢༣༥. ཏཏྠ ཀཏམཱ བྷཝཔཙྩཡཱ ཛཱཏི? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛཱཏི སཉྫཱཏི ཨོཀྐནྟི ཨབྷིནིབྦཏྟི, ཁནྡྷཱནཾ པཱཏུབྷཱཝོ , ཨཱཡཏནཱནཾ པཊིལཱབྷོ – ཨཡཾ ཝུཙྩཏི ‘‘བྷཝཔཙྩཡཱ ཛཱཏི’’།

235. Tattha katamā bhavapaccayā jāti? Yā tesaṃ tesaṃ sattānaṃ tamhi tamhi sattanikāye jāti sañjāti okkanti abhinibbatti, khandhānaṃ pātubhāvo , āyatanānaṃ paṭilābho – ayaṃ vuccati ‘‘bhavapaccayā jāti’’.

༢༣༦. ཏཏྠ ཀཏམཾ ཛཱཏིཔཙྩཡཱ ཛརཱམརཎཾ? ཨཏྠི ཛརཱ, ཨཏྠི མརཎཾ། ཏཏྠ ཀཏམཱ ཛརཱ? ཡཱ ཏེསཾ ཏེསཾ སཏྟཱནཾ ཏམྷི ཏམྷི སཏྟནིཀཱཡེ ཛརཱ ཛཱིརཎཏཱ ཁཎྜིཙྩཾ པཱལིཙྩཾ ཝལིཏྟཙཏཱ ཨཱཡུནོ སཾཧཱནི ཨིནྡྲིཡཱནཾ པརིཔཱཀོ – ཨཡཾ ཝུཙྩཏི ‘‘ཛརཱ’’།

236. Tattha katamaṃ jātipaccayā jarāmaraṇaṃ? Atthi jarā, atthi maraṇaṃ. Tattha katamā jarā? Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – ayaṃ vuccati ‘‘jarā’’.

ཏཏྠ ཀཏམཾ མརཎཾ? ཡཱ ཏེསཾ ཏེསཾ སཏྟཱནཾ ཏམྷཱ ཏམྷཱ སཏྟནིཀཱཡཱ ཙུཏི ཙཝནཏཱ བྷེདོ ཨནྟརདྷཱནཾ མཙྩུ མརཎཾ ཀཱལཀིརིཡཱ ¹ ཁནྡྷཱནཾ བྷེདོ ཀལེ༹ཝརསྶ ནིཀྑེཔོ ཛཱིཝིཏིནྡྲིཡསྶུཔཙྪེདོ – ཨིདཾ ཝུཙྩཏི ‘‘མརཎཾ’’། ཨིཏི ཨཡཉྩ ཛརཱ, ཨིདཉྩ མརཎཾ། ཨིདཾ ཝུཙྩཏི ‘‘ཛཱཏིཔཙྩཡཱ ཛརཱམརཎཾ’’།

Tattha katamaṃ maraṇaṃ? Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā ² khandhānaṃ bhedo kaḷevarassa nikkhepo jīvitindriyassupacchedo – idaṃ vuccati ‘‘maraṇaṃ’’. Iti ayañca jarā, idañca maraṇaṃ. Idaṃ vuccati ‘‘jātipaccayā jarāmaraṇaṃ’’.

༢༣༧. ཏཏྠ ཀཏམོ སོཀོ? ཉཱཏིབྱསནེན ཝཱ ཕུཊྛསྶ, བྷོགབྱསནེན ཝཱ ཕུཊྛསྶ, རོགབྱསནེན ཝཱ ཕུཊྛསྶ, སཱིལབྱསནེན ཝཱ ཕུཊྛསྶ, དིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན བྱསནེན སམནྣཱགཏསྶ, ཨཉྙཏརཉྙཏརེན དུཀྑདྷམྨེན ཕུཊྛསྶ སོཀོ སོཙནཱ སོཙིཏཏྟཾ ཨནྟོསོཀོ ཨནྟོཔརིསོཀོ ཙེཏསོ པརིཛ྄ཛྷཱཡནཱ དོམནསྶཾ སོཀསལླཾ – ཨཡཾ ཝུཙྩཏི ‘‘སོཀོ’’།

237. Tattha katamo soko? Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa soko socanā socitattaṃ antosoko antoparisoko cetaso parijjhāyanā domanassaṃ sokasallaṃ – ayaṃ vuccati ‘‘soko’’.

༢༣༨. ཏཏྠ ཀཏམོ པརིདེཝོ? ཉཱཏིབྱསནེན ཝཱ ཕུཊྛསྶ, བྷོགབྱསནེན ཝཱ ཕུཊྛསྶ , རོགབྱསནེན ཝཱ ཕུཊྛསྶ, སཱིལབྱསནེན ཝཱ ཕུཊྛསྶ, དིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན བྱསནེན སམནྣཱགཏསྶ, ཨཉྙཏརཉྙཏརེན དུཀྑདྷམྨེན ཕུཊྛསྶ ཨཱདེཝོ པརིདེཝོ ཨཱདེཝནཱ པརིདེཝནཱ ཨཱདེཝིཏཏྟཾ པརིདེཝིཏཏྟཾ ཝཱཙཱ པལཱཔོ ཝིཔྤལཱཔོ ལཱལཔྤོ ལཱལཔྤནཱ ལཱལཔྤིཏཏྟཾ – ཨཡཾ ཝུཙྩཏི པརིདེཝོ’’།

238. Tattha katamo paridevo? Ñātibyasanena vā phuṭṭhassa, bhogabyasanena vā phuṭṭhassa , rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ vācā palāpo vippalāpo lālappo lālappanā lālappitattaṃ – ayaṃ vuccati paridevo’’.

༢༣༩. ཏཏྠ ཀཏམཾ དུཀྑཾ? ཡཾ ཀཱཡིཀཾ ཨསཱཏཾ ཀཱཡིཀཾ དུཀྑཾ ཀཱཡསམྥསྶཛཾ ཨསཱཏཾ དུཀྑཾ ཝེདཡིཏཾ ཀཱཡསམྥསྶཛཱ ཨསཱཏཱ དུཀྑཱ ཝེདནཱ – ཨིདཾ ཝུཙྩཏི ‘‘དུཀྑཾ’’།

239. Tattha katamaṃ dukkhaṃ? Yaṃ kāyikaṃ asātaṃ kāyikaṃ dukkhaṃ kāyasamphassajaṃ asātaṃ dukkhaṃ vedayitaṃ kāyasamphassajā asātā dukkhā vedanā – idaṃ vuccati ‘‘dukkhaṃ’’.

༢༤༠. ཏཏྠ ཀཏམཾ དོམནསྶཾ? ཡཾ ཙེཏསིཀཾ ཨསཱཏཾ, ཙེཏསིཀཾ དུཀྑཾ, ཙེཏོསམྥསྶཛཾ ཨསཱཏཾ དུཀྑཾ ཝེདཡིཏཾ, ཙེཏོསམྥསྶཛཱ ཨསཱཏཱ དུཀྑཱ ཝེདནཱ – ཨིདཾ ཝུཙྩཏི ‘‘དོམནསྶཾ’’།

240. Tattha katamaṃ domanassaṃ? Yaṃ cetasikaṃ asātaṃ, cetasikaṃ dukkhaṃ, cetosamphassajaṃ asātaṃ dukkhaṃ vedayitaṃ, cetosamphassajā asātā dukkhā vedanā – idaṃ vuccati ‘‘domanassaṃ’’.

༢༤༡. ཏཏྠ ཀཏམོ ཨུཔཱཡཱསོ? ཉཱཏིབྱསནེན ཝཱ ཕུཊྛསྶ, བྷོགབྱསནེན ཝཱ ཕུཊྛསྶ, རོགབྱསནེན ཝཱ ཕུཊྛསྶ, སཱིལབྱསནེན ཝཱ ཕུཊྛསྶ, དིཊྛིབྱསནེན ཝཱ ཕུཊྛསྶ, ཨཉྙཏརཉྙཏརེན བྱསནེན སམནྣཱགཏསྶ, ཨཉྙཏརཉྙཏརེན དུཀྑདྷམྨེན ཕུཊྛསྶ ཨཱཡཱསོ ཨུཔཱཡཱསོ ཨཱཡཱསིཏཏྟཾ ཨུཔཱཡཱསིཏཏྟཾ – ཨཡཾ ཝུཙྩཏི ‘‘ཨུཔཱཡཱསོ’’།

241. Tattha katamo upāyāso? Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa āyāso upāyāso āyāsitattaṃ upāyāsitattaṃ – ayaṃ vuccati ‘‘upāyāso’’.

༢༤༢. ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱིཏི, ཨེཝམེཏསྶ ཀེཝལསྶ དུཀྑཀྑནྡྷསྶ སངྒཏི ཧོཏི, སམཱགམོ ཧོཏི, སམོདྷཱནཾ ཧོཏི, པཱཏུབྷཱཝོ ཧོཏི། ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

242. Evametassa kevalassa dukkhakkhandhassa samudayo hotīti, evametassa kevalassa dukkhakkhandhassa saṅgati hoti, samāgamo hoti, samodhānaṃ hoti, pātubhāvo hoti. Tena vuccati ‘‘evametassa kevalassa dukkhakkhandhassa samudayo hotī’’ti.

སུཏྟནྟབྷཱཛནཱིཡཾ།

Suttantabhājanīyaṃ.

༢. ཨབྷིདྷམྨབྷཱཛནཱིཡཾ

2. Abhidhammabhājanīyaṃ

༡. པཙྩཡཙཏུཀྐཾ

1. Paccayacatukkaṃ

༢༤༣. ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམཾ, ནཱམཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

243. Avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmaṃ, nāmapaccayā chaṭṭhāyatanaṃ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམཾ, ནཱམཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmaṃ, nāmapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā chaṭṭhāyatanaṃ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ སལཱ༹ཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

པཙྩཡཙཏུཀྐཾ།

Paccayacatukkaṃ.

༢. ཧེཏུཙཏུཀྐཾ

2. Hetucatukkaṃ

༢༤༤. ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ, ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ, ནཱམཔཙྩཡཱ ཚཊྛཱཡཏནཾ ནཱམཧེཏུཀཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

244. Avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ, viññāṇapaccayā nāmaṃ viññāṇahetukaṃ, nāmapaccayā chaṭṭhāyatanaṃ nāmahetukaṃ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ, ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ, ནཱམཔཙྩཡཱ ཕསྶོ ནཱམཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ, viññāṇapaccayā nāmaṃ viññāṇahetukaṃ, nāmapaccayā phasso nāmahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ, ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ , ནཱམརཱུཔཔཙྩཡཱ ཚཊྛཱཡཏནཾ ནཱམརཱུཔཧེཏུཀཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ, viññāṇapaccayā nāmarūpaṃ viññāṇahetukaṃ , nāmarūpapaccayā chaṭṭhāyatanaṃ nāmarūpahetukaṃ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ, ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ, ནཱམརཱུཔཔཙྩཡཱ སལཱ༹ཡཏནཾ ནཱམརཱུཔཧེཏུཀཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ, viññāṇapaccayā nāmarūpaṃ viññāṇahetukaṃ, nāmarūpapaccayā saḷāyatanaṃ nāmarūpahetukaṃ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཧེཏུཙཏུཀྐཾ།

Hetucatukkaṃ.

༣. སམྤཡུཏྟཙཏུཀྐཾ

3. Sampayuttacatukkaṃ

༢༤༥. ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ, ནཱམཔཙྩཡཱ ཚཊྛཱཡཏནཾ ནཱམསམྤཡུཏྟཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ, ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

245. Avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmaṃ viññāṇasampayuttaṃ, nāmapaccayā chaṭṭhāyatanaṃ nāmasampayuttaṃ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṃ taṇhāsampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ , ནཱམཔཙྩཡཱ ཕསྶོ ནཱམསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ, ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmaṃ viññāṇasampayuttaṃ , nāmapaccayā phasso nāmasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṃ taṇhāsampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ, ནཱམརཱུཔཔཙྩཡཱ ཚཊྛཱཡཏནཾ ནཱམརཱུཔསམྤཡུཏྟཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ, ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmarūpaṃ viññāṇasampayuttaṃ nāmaṃ, nāmarūpapaccayā chaṭṭhāyatanaṃ nāmarūpasampayuttaṃ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṃ taṇhāsampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ, ནཱམརཱུཔཔཙྩཡཱ སལཱ༹ཡཏནཾ ནཱམསམྤཡུཏྟཾ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ, ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཨུཔཱདཱནསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmarūpaṃ viññāṇasampayuttaṃ nāmaṃ, nāmarūpapaccayā saḷāyatanaṃ nāmasampayuttaṃ chaṭṭhāyatanaṃ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṃ upādānasampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

སམྤཡུཏྟཙཏུཀྐཾ།

Sampayuttacatukkaṃ.

༤. ཨཉྙམཉྙཙཏུཀྐཾ

4. Aññamaññacatukkaṃ

༢༤༦. ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱཔི ཨཝིཛྫཱ; སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱཔི སངྑཱརོ; ཝིཉྙཱཎཔཙྩཡཱ ནཱམཾ, ནཱམཔཙྩཡཱཔི ཝིཉྙཱཎཾ; ནཱམཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱཔི ནཱམཾ; ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱཔི ཚཊྛཱཡཏནཾ; ཕསྶཔཙྩཡཱ ཝེདནཱ, ཝེདནཱཔཙྩཡཱཔི ཕསྶོ; ཝེདནཱཔཙྩཡཱ ཏཎྷཱ, ཏཎྷཱཔཙྩཡཱཔི ཝེདནཱ; ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱཔི ཏཎྷཱ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

246. Avijjāpaccayā saṅkhāro, saṅkhārapaccayāpi avijjā; saṅkhārapaccayā viññāṇaṃ, viññāṇapaccayāpi saṅkhāro; viññāṇapaccayā nāmaṃ, nāmapaccayāpi viññāṇaṃ; nāmapaccayā chaṭṭhāyatanaṃ, chaṭṭhāyatanapaccayāpi nāmaṃ; chaṭṭhāyatanapaccayā phasso, phassapaccayāpi chaṭṭhāyatanaṃ; phassapaccayā vedanā, vedanāpaccayāpi phasso; vedanāpaccayā taṇhā, taṇhāpaccayāpi vedanā; taṇhāpaccayā upādānaṃ, upādānapaccayāpi taṇhā; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱཔི ཨཝིཛྫཱ; སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱཔི སངྑཱརོ; ཝིཉྙཱཎཔཙྩཡཱ ནཱམཾ, ནཱམཔཙྩཡཱཔི ཝིཉྙཱཎཾ; ནཱམཔཙྩཡཱ ཕསྶོ, ཕསྶཔཙྩཡཱཔི ནཱམཾ; ཕསྶཔཙྩཡཱ ཝེདནཱ, ཝེདནཱཔཙྩཡཱཔི ཕསྶོ; ཝེདནཱཔཙྩཡཱ ཏཎྷཱ, ཏཎྷཱཔཙྩཡཱཔི ཝེདནཱ; ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱཔི ཏཎྷཱ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro, saṅkhārapaccayāpi avijjā; saṅkhārapaccayā viññāṇaṃ, viññāṇapaccayāpi saṅkhāro; viññāṇapaccayā nāmaṃ, nāmapaccayāpi viññāṇaṃ; nāmapaccayā phasso, phassapaccayāpi nāmaṃ; phassapaccayā vedanā, vedanāpaccayāpi phasso; vedanāpaccayā taṇhā, taṇhāpaccayāpi vedanā; taṇhāpaccayā upādānaṃ, upādānapaccayāpi taṇhā; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱཔི ཨཝིཛྫཱ; སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱཔི སངྑཱརོ; ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱཔི ཝིཉྙཱཎཾ; ནཱམརཱུཔཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱཔི ནཱམརཱུཔཾ; ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱཔི ཚཊྛཱཡཏནཾ; ཕསྶཔཙྩཡཱ ཝེདནཱ, ཝེདནཱཔཙྩཡཱཔི ཕསྶོ; ཝེདནཱཔཙྩཡཱ ཏཎྷཱ, ཏཎྷཱཔཙྩཡཱཔི ཝེདནཱ; ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱཔི ཏཎྷཱ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro, saṅkhārapaccayāpi avijjā; saṅkhārapaccayā viññāṇaṃ, viññāṇapaccayāpi saṅkhāro; viññāṇapaccayā nāmarūpaṃ, nāmarūpapaccayāpi viññāṇaṃ; nāmarūpapaccayā chaṭṭhāyatanaṃ, chaṭṭhāyatanapaccayāpi nāmarūpaṃ; chaṭṭhāyatanapaccayā phasso, phassapaccayāpi chaṭṭhāyatanaṃ; phassapaccayā vedanā, vedanāpaccayāpi phasso; vedanāpaccayā taṇhā, taṇhāpaccayāpi vedanā; taṇhāpaccayā upādānaṃ, upādānapaccayāpi taṇhā; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱཔི ཨཝིཛྫཱ; སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱཔི སངྑཱརོ; ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱཔི ཝིཉྙཱཎཾ; ནཱམརཱུཔཔཙྩཡཱ སལཱ༹ཡཏནཾ, ཚཊྛཱཡཏནཔཙྩཡཱཔི ནཱམརཱུཔཾ; ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱཔི ཚཊྛཱཡཏནཾ; ཕསྶཔཙྩཡཱ ཝེདནཱ, ཝེདནཱཔཙྩཡཱཔི ཕསྶོ; ཝེདནཱཔཙྩཡཱ ཏཎྷཱ, ཏཎྷཱཔཙྩཡཱཔི ཝེདནཱ; ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱཔི ཏཎྷཱ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Avijjāpaccayā saṅkhāro, saṅkhārapaccayāpi avijjā; saṅkhārapaccayā viññāṇaṃ, viññāṇapaccayāpi saṅkhāro; viññāṇapaccayā nāmarūpaṃ, nāmarūpapaccayāpi viññāṇaṃ; nāmarūpapaccayā saḷāyatanaṃ, chaṭṭhāyatanapaccayāpi nāmarūpaṃ; chaṭṭhāyatanapaccayā phasso, phassapaccayāpi chaṭṭhāyatanaṃ; phassapaccayā vedanā, vedanāpaccayāpi phasso; vedanāpaccayā taṇhā, taṇhāpaccayāpi vedanā; taṇhāpaccayā upādānaṃ, upādānapaccayāpi taṇhā; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

ཨཉྙམཉྙཙཏུཀྐཾ།

Aññamaññacatukkaṃ.

མཱཏིཀཱ

Mātikā

༢༤༧. སངྑཱརཔཙྩཡཱ ཨཝིཛྫཱ…པེ॰… ཝིཉྙཱཎཔཙྩཡཱ ཨཝིཛྫཱ…པེ॰… ནཱམཔཙྩཡཱ ཨཝིཛྫཱ…པེ॰… ཚཊྛཱཡཏནཔཙྩཡཱ ཨཝིཛྫཱ…པེ॰… ཕསྶཔཙྩཡཱ ཨཝིཛྫཱ…པེ॰… ཝེདནཱཔཙྩཡཱ ཨཝིཛྫཱ…པེ॰… ཏཎྷཱཔཙྩཡཱ ཨཝིཛྫཱ…པེ॰… ཨུཔཱདཱནཔཙྩཡཱ ཨཝིཛྫཱ…པེ॰… ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམཾ, ནཱམཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

247. Saṅkhārapaccayā avijjā…pe… viññāṇapaccayā avijjā…pe… nāmapaccayā avijjā…pe… chaṭṭhāyatanapaccayā avijjā…pe… phassapaccayā avijjā…pe… vedanāpaccayā avijjā…pe… taṇhāpaccayā avijjā…pe… upādānapaccayā avijjā…pe… avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmaṃ, nāmapaccayā chaṭṭhāyatanaṃ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

མཱཏིཀཱ།

Mātikā.

༥. པཙྩཡཙཏུཀྐཾ

5. Paccayacatukkaṃ

༢༤༨. ཀཏམེ དྷམྨཱ ཨཀུསལཱ? ཡསྨིཾ སམཡེ ཨཀུསལཾ ཙིཏྟཾ ཨུཔྤནྣཾ ཧོཏི སོམནསྶསཧགཏཾ དིཊྛིགཏསམྤཡུཏྟཾ རཱུཔཱརམྨཎཾ ཝཱ སདྡཱརམྨཎཾ ཝཱ གནྡྷཱརམྨཎཾ ཝཱ རསཱརམྨཎཾ ཝཱ ཕོཊྛབྦཱརམྨཎཾ ཝཱ དྷམྨཱརམྨཎཾ ཝཱ ཡཾ ཡཾ ཝཱ པནཱརབྦྷ, ཏསྨིཾ སམཡེ ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམཾ, ནཱམཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

248. Katame dhammā akusalā? Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmaṃ, nāmapaccayā chaṭṭhāyatanaṃ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༤༩. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

249. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ ³ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ’’།

Tattha katamo avijjāpaccayā saṅkhāro? Yā cetanā sañcetanā sañcetayitattaṃ ⁴ – ayaṃ vuccati ‘‘avijjāpaccayā saṅkhāro’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ? ཡཾ ཙིཏྟཾ མནོ མཱནསཾ ཧདཡཾ པཎྜརཾ མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ’’།

Tattha katamaṃ saṅkhārapaccayā viññāṇaṃ? Yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམཾ’’།

Tattha katamaṃ viññāṇapaccayā nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘viññāṇapaccayā nāmaṃ’’.

ཏཏྠ ཀཏམཾ ནཱམཔཙྩཡཱ ཚཊྛཱཡཏནཾ? ཡཾ ཙིཏྟཾ མནོ མཱནསཾ ཧདཡཾ པཎྜརཾ མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམཔཙྩཡཱ ཚཊྛཱཡཏནཾ’’།

Tattha katamaṃ nāmapaccayā chaṭṭhāyatanaṃ? Yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ vuccati ‘‘nāmapaccayā chaṭṭhāyatanaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ’’།

Tattha katamo chaṭṭhāyatanapaccayā phasso? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso’’.

ཏཏྠ ཀཏམཱ ཕསྶཔཙྩཡཱ ཝེདནཱ? ཡཾ ཙེཏསིཀཾ སཱཏཾ ཙེཏསིཀཾ སུཁཾ ཙེཏོསམྥསྶཛཾ སཱཏཾ སུཁཾ ཝེདཡིཏཾ ཙེཏོསམྥསྶཛཱ སཱཏཱ སུཁཱ ཝེདནཱ – ཨཡཾ ཝུཙྩཏི ‘‘ཕསྶཔཙྩཡཱ ཝེདནཱ’’།

Tattha katamā phassapaccayā vedanā? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘phassapaccayā vedanā’’.

ཏཏྠ ཀཏམཱ ཝེདནཱཔཙྩཡཱ ཏཎྷཱ? ཡོ རཱགོ སཱརཱགོ ཨནུནཡོ ཨནུརོདྷོ ནནྡཱི ནནྡིརཱགོ ཙིཏྟསྶ སཱརཱགོ – ཨཡཾ ཝུཙྩཏི ‘‘ཝེདནཱཔཙྩཡཱ ཏཎྷཱ’’།

Tattha katamā vedanāpaccayā taṇhā? Yo rāgo sārāgo anunayo anurodho nandī nandirāgo cittassa sārāgo – ayaṃ vuccati ‘‘vedanāpaccayā taṇhā’’.

ཏཏྠ ཀཏམཾ ཏཎྷཱཔཙྩཡཱ ཨུཔཱདཱནཾ? ཡཱ དིཊྛི དིཊྛིགཏཾ དིཊྛིགཧནཾ དིཊྛིཀནྟཱརོ དིཊྛིཝིསཱུཀཱཡིཀཾ དིཊྛིཝིཔྥནྡིཏཾ དིཊྛིསཾཡོཛནཾ གཱཧོ པཏིཊྛཱཧོ ཨབྷིནིཝེསོ པརཱམཱསོ ཀུམྨགྒོ མིཙྪཱཔཐོ མིཙྪཏྟཾ ཏིཏྠཱཡཏནཾ ཝིཔརིཡཱསགྒཱཧོ ⁵ – ཨིདཾ ཝུཙྩཏི ‘‘ཏཎྷཱཔཙྩཡཱ ཨུཔཱདཱནཾ’’།

Tattha katamaṃ taṇhāpaccayā upādānaṃ? Yā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho ⁶ – idaṃ vuccati ‘‘taṇhāpaccayā upādānaṃ’’.

ཏཏྠ ཀཏམོ ཨུཔཱདཱནཔཙྩཡཱ བྷཝོ? ཋཔེཏྭཱ ཨུཔཱདཱནཾ, ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོ – ཨཡཾ ཝུཙྩཏི ‘‘ཨུཔཱདཱནཔཙྩཡཱ བྷཝོ’’།

Tattha katamo upādānapaccayā bhavo? Ṭhapetvā upādānaṃ, vedanākkhandho saññākkhandho saṅkhārakkhandho viññāṇakkhandho – ayaṃ vuccati ‘‘upādānapaccayā bhavo’’.

ཏཏྠ ཀཏམཱ བྷཝཔཙྩཡཱ ཛཱཏི? ཡཱ ཏེསཾ ཏེསཾ དྷམྨཱནཾ ཛཱཏི སཉྫཱཏི ནིབྦཏྟི ཨབྷིནིབྦཏྟི པཱཏུབྷཱཝོ – ཨཡཾ ཝུཙྩཏི ‘‘བྷཝཔཙྩཡཱ ཛཱཏི’’།

Tattha katamā bhavapaccayā jāti? Yā tesaṃ tesaṃ dhammānaṃ jāti sañjāti nibbatti abhinibbatti pātubhāvo – ayaṃ vuccati ‘‘bhavapaccayā jāti’’.

ཏཏྠ ཀཏམཾ ཛཱཏིཔཙྩཡཱ ཛརཱམརཎཾ? ཨཏྠི ཛརཱ, ཨཏྠི མརཎཾ། ཏཏྠ ཀཏམཱ ཛརཱ? ཡཱ ཏེསཾ ཏེསཾ དྷམྨཱནཾ ཛརཱ ཛཱིརཎཏཱ ཨཱཡུནོ སཾཧཱནི – ཨཡཾ ཝུཙྩཏི ‘‘ཛརཱ’’། ཏཏྠ ཀཏམཾ མརཎཾ? ཡོ ཏེསཾ ཏེསཾ དྷམྨཱནཾ ཁཡོ ཝཡོ བྷེདོ པརིབྷེདོ ཨནིཙྩཏཱ ཨནྟརདྷཱནཾ – ཨིདཾ ཝུཙྩཏི ‘‘མརཎཾ’’། ཨིཏི ཨཡཉྩ ཛརཱ, ཨིདཉྩ མརཎཾ། ཨིདཾ ཝུཙྩཏི ‘‘ཛཱཏིཔཙྩཡཱ ཛརཱམརཎཾ’’།

Tattha katamaṃ jātipaccayā jarāmaraṇaṃ? Atthi jarā, atthi maraṇaṃ. Tattha katamā jarā? Yā tesaṃ tesaṃ dhammānaṃ jarā jīraṇatā āyuno saṃhāni – ayaṃ vuccati ‘‘jarā’’. Tattha katamaṃ maraṇaṃ? Yo tesaṃ tesaṃ dhammānaṃ khayo vayo bhedo paribhedo aniccatā antaradhānaṃ – idaṃ vuccati ‘‘maraṇaṃ’’. Iti ayañca jarā, idañca maraṇaṃ. Idaṃ vuccati ‘‘jātipaccayā jarāmaraṇaṃ’’.

ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱིཏི། ཨེཝམེཏསྶ ཀེཝལསྶ དུཀྑཀྑནྡྷསྶ སངྒཏི ཧོཏི, སམཱགམོ ཧོཏི, སམོདྷཱནཾ ཧོཏི, པཱཏུབྷཱཝོ ཧོཏི། ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Evametassa kevalassa dukkhakkhandhassa samudayo hotīti. Evametassa kevalassa dukkhakkhandhassa saṅgati hoti, samāgamo hoti, samodhānaṃ hoti, pātubhāvo hoti. Tena vuccati ‘‘evametassa kevalassa dukkhakkhandhassa samudayo hotī’’ti.

༢༥༠. ཏསྨིཾ སམཡེ ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམཾ, ནཱམཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

250. Tasmiṃ samaye avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmaṃ, nāmapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༥༡. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

251. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ’’།

Tattha katamo avijjāpaccayā saṅkhāro? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ’’།

Tattha katamaṃ saṅkhārapaccayā viññāṇaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམཾ’’།

Tattha katamaṃ viññāṇapaccayā nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘viññāṇapaccayā nāmaṃ’’.

ནཱམཔཙྩཡཱ ཕསྶོཏི། ཏཏྠ ཀཏམཾ ནཱམཾ? ཋཔེཏྭཱ ཕསྶཾ, ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོ – ཨིདཾ ཝུཙྩཏི ‘‘ནཱམཾ’’།

Nāmapaccayā phassoti. Tattha katamaṃ nāmaṃ? Ṭhapetvā phassaṃ, vedanākkhandho saññākkhandho saṅkhārakkhandho viññāṇakkhandho – idaṃ vuccati ‘‘nāmaṃ’’.

ཏཏྠ ཀཏམོ ནཱམཔཙྩཡཱ ཕསྶོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ནཱམཔཙྩཡཱ ཕསྶོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo nāmapaccayā phasso? Yo phasso phusanā samphusanā samphusitattaṃ – ayaṃ vuccati ‘‘nāmapaccayā phasso’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

ཏསྨིཾ སམཡེ ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ , ནཱམརཱུཔཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི , ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Tasmiṃ samaye avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmarūpaṃ , nāmarūpapaccayā chaṭṭhāyatanaṃ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti , jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༥༣. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

253. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ’’།

Tattha katamo avijjāpaccayā saṅkhāro? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ’’།

Tattha katamaṃ saṅkhārapaccayā viññāṇaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམརཱུཔཾ? ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཀྑཱཡཏནསྶ ཨུཔཙཡོ, སོཏཱཡཏནསྶ ཨུཔཙཡོ, གྷཱནཱཡཏནསྶ ཨུཔཙཡོ, ཛིཝ྄ཧཱཡཏནསྶ ཨུཔཙཡོ, ཀཱཡཱཡཏནསྶ ཨུཔཙཡོ, ཡཾ ཝཱ པནཉྙམྤི ཨཏྠི རཱུཔཾ ཙིཏྟཛཾ ཙིཏྟཧེཏུཀཾ ཙིཏྟསམུཊྛཱནཾ – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམརཱུཔཾ’’།

Tattha katamaṃ viññāṇapaccayā nāmarūpaṃ? Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘viññāṇapaccayā nāmarūpaṃ’’.

ནཱམརཱུཔཔཙྩཡཱ ཚཊྛཱཡཏནནྟི། ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཡཾ རཱུཔཾ ནིསྶཱཡ མནོཝིཉྙཱཎདྷཱཏུ ཝཏྟཏི – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ནཱམརཱུཔཾ’’།

Nāmarūpapaccayā chaṭṭhāyatananti. Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Yaṃ rūpaṃ nissāya manoviññāṇadhātu vattati – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘nāmarūpaṃ’’.

ཏཏྠ ཀཏམཾ ནཱམརཱུཔཔཙྩཡཱ ཚཊྛཱཡཏནཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམརཱུཔཔཙྩཡཱ ཚཊྛཱཡཏནཾ’’།

Tattha katamaṃ nāmarūpapaccayā chaṭṭhāyatanaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘nāmarūpapaccayā chaṭṭhāyatanaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo chaṭṭhāyatanapaccayā phasso? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

༢༥༤. ཏསྨིཾ སམཡེ ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ སལཱ༹ཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

254. Tasmiṃ samaye avijjāpaccayā saṅkhāro, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༥༥. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

255. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ’’།

Tattha katamo avijjāpaccayā saṅkhāro? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ’’།

Tattha katamaṃ saṅkhārapaccayā viññāṇaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམརཱུཔཾ? ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཀྑཱཡཏནསྶ ཨུཔཙཡོ, སོཏཱཡཏནསྶ ཨུཔཙཡོ, གྷཱནཱཡཏནསྶ ཨུཔཙཡོ, ཛིཝ྄ཧཱཡཏནསྶ ཨུཔཙཡོ, ཀཱཡཱཡཏནསྶ ཨུཔཙཡོ , ཡཾ ཝཱ པནཉྙམྤི ཨཏྠི རཱུཔཾ ཙིཏྟཛཾ ཙིཏྟཧེཏུཀཾ ཙིཏྟསམུཊྛཱནཾ – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམརཱུཔཾ’’།

Tattha katamaṃ viññāṇapaccayā nāmarūpaṃ? Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo , yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘viññāṇapaccayā nāmarūpaṃ’’.

ནཱམརཱུཔཔཙྩཡཱ སལཱ༹ཡཏནནྟི། ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཏྟཱརོ ཙ མཧཱབྷཱུཏཱ, ཡཉྩ རཱུཔཾ ནིསྶཱཡ མནོཝིཉྙཱཎདྷཱཏུ ཝཏྟཏི – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ནཱམརཱུཔཾ’’།

Nāmarūpapaccayā saḷāyatananti. Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cattāro ca mahābhūtā, yañca rūpaṃ nissāya manoviññāṇadhātu vattati – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘nāmarūpaṃ’’.

ཏཏྠ ཀཏམཾ ནཱམརཱུཔཔཙྩཡཱ སལཱ༹ཡཏནཾ? ཙཀྑཱཡཏནཾ, སོཏཱཡཏནཾ, གྷཱནཱཡཏནཾ, ཛིཝ྄ཧཱཡཏནཾ, ཀཱཡཱཡཏནཾ, མནཱཡཏནཾ – ཨིདཾ ཝུཙྩཏི ‘‘ནཱམརཱུཔཔཙྩཡཱ སལཱ༹ཡཏནཾ’’།

Tattha katamaṃ nāmarūpapaccayā saḷāyatanaṃ? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ – idaṃ vuccati ‘‘nāmarūpapaccayā saḷāyatanaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo chaṭṭhāyatanapaccayā phasso? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

པཙྩཡཙཏུཀྐཾ།

Paccayacatukkaṃ.

༦. ཧེཏུཙཏུཀྐཾ

6. Hetucatukkaṃ

༢༥༦. ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ, ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ, ནཱམཔཙྩཡཱ ཚཊྛཱཡཏནཾ ནཱམཧེཏུཀཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

256. Tasmiṃ samaye avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ, viññāṇapaccayā nāmaṃ viññāṇahetukaṃ, nāmapaccayā chaṭṭhāyatanaṃ nāmahetukaṃ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ . Evametassa kevalassa dukkhakkhandhassa samudayo hoti.

༢༥༧. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

257. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ’’།

Tattha katamo avijjāpaccayā saṅkhāro avijjāhetuko? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāhetuko’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ’’།

Tattha katamaṃ saṅkhārapaccayā viññāṇaṃ saṅkhārahetukaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ saṅkhārahetukaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ’’།

Tattha katamaṃ viññāṇapaccayā nāmaṃ viññāṇahetukaṃ? Vedanākkhandho, saññākkhandho, saṅkhārakkhandho – idaṃ vuccati ‘‘viññāṇapaccayā nāmaṃ viññāṇahetukaṃ’’.

ཏཏྠ ཀཏམཾ ནཱམཔཙྩཡཱ ཚཊྛཱཡཏནཾ ནཱམཧེཏུཀཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམཔཙྩཡཱ ཚཊྛཱཡཏནཾ ནཱམཧེཏུཀཾ’’།

Tattha katamaṃ nāmapaccayā chaṭṭhāyatanaṃ nāmahetukaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘nāmapaccayā chaṭṭhāyatanaṃ nāmahetukaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ’’།

Tattha katamo chaṭṭhāyatanapaccayā phasso chaṭṭhāyatanahetuko? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso chaṭṭhāyatanahetuko’’.

ཏཏྠ ཀཏམཱ ཕསྶཔཙྩཡཱ ཝེདནཱ ཕསྶཧེཏུཀཱ? ཡཾ ཙེཏསིཀཾ སཱཏཾ ཙེཏསིཀཾ སུཁཾ ཙེཏོསམྥསྶཛཾ སཱཏཾ སུཁཾ ཝེདཡིཏཾ ཙེཏོསམྥསྶཛཱ སཱཏཱ སུཁཱ ཝེདནཱ – ཨཡཾ ཝུཙྩཏི ‘‘ཕསྶཔཙྩཡཱ ཝེདནཱ ཕསྶཧེཏུཀཱ’’།

Tattha katamā phassapaccayā vedanā phassahetukā? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘phassapaccayā vedanā phassahetukā’’.

ཏཏྠ ཀཏམཱ ཝེདནཱཔཙྩཡཱ ཏཎྷཱ ཝེདནཱཧེཏུཀཱ? ཡོ རཱགོ སཱརཱགོ…པེ॰… ཙིཏྟསྶ སཱརཱགོ – ཨཡཾ ཝུཙྩཏི ‘‘ཝེདནཱཔཙྩཡཱ ཏཎྷཱ ཝེདནཱཧེཏུཀཱ’’།

Tattha katamā vedanāpaccayā taṇhā vedanāhetukā? Yo rāgo sārāgo…pe… cittassa sārāgo – ayaṃ vuccati ‘‘vedanāpaccayā taṇhā vedanāhetukā’’.

ཏཏྠ ཀཏམཾ ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ? ཡཱ དིཊྛི དིཊྛིགཏཾ…པེ॰… ཏིཏྠཱཡཏནཾ ཝིཔརིཡཱསགྒཱཧོ – ཨིདཾ ཝུཙྩཏི ‘‘ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི’’ཏི།

Tattha katamaṃ taṇhāpaccayā upādānaṃ taṇhāhetukaṃ? Yā diṭṭhi diṭṭhigataṃ…pe… titthāyatanaṃ vipariyāsaggāho – idaṃ vuccati ‘‘taṇhāpaccayā upādānaṃ taṇhāhetukaṃ’’…pe… tena vuccati ‘‘evametassa kevalassa dukkhakkhandhassa samudayo hoti’’ti.

༢༥༨. ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ, ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ, ནཱམཔཙྩཡཱ ཕསྶོ ནཱམཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

258. Tasmiṃ samaye avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ, viññāṇapaccayā nāmaṃ viññāṇahetukaṃ, nāmapaccayā phasso nāmahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༥༩. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

259. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ’’།

Tattha katamo avijjāpaccayā saṅkhāro avijjāhetuko? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāhetuko’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ།

Tattha katamaṃ saṅkhārapaccayā viññāṇaṃ saṅkhārahetukaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati saṅkhārapaccayā viññāṇaṃ saṅkhārahetukaṃ.

ཏཏྠ ཀཏམཾ ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམཾ ཝིཉྙཱཎཧེཏུཀཾ’’།

Tattha katamaṃ viññāṇapaccayā nāmaṃ viññāṇahetukaṃ ? Vedanākkhandho, saññākkhandho, saṅkhārakkhandho – idaṃ vuccati ‘‘viññāṇapaccayā nāmaṃ viññāṇahetukaṃ’’.

ནཱམཔཙྩཡཱ ཕསྶོ ནཱམཧེཏུཀོཏི། ཏཏྠ ཀཏམཾ ནཱམཾ? ཋཔེཏྭཱ ཕསྶཾ, ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོ – ཨིདཾ ཝུཙྩཏི ‘‘ནཱམཾ’’།

Nāmapaccayā phasso nāmahetukoti. Tattha katamaṃ nāmaṃ? Ṭhapetvā phassaṃ, vedanākkhandho saññākkhandho saṅkhārakkhandho viññāṇakkhandho – idaṃ vuccati ‘‘nāmaṃ’’.

ཏཏྠ ཀཏམོ ནཱམཔཙྩཡཱ ཕསྶོ ནཱམཧེཏུཀོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ནཱམཔཙྩཡཱ ཕསྶོ ནཱམཧེཏུཀོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo nāmapaccayā phasso nāmahetuko? Yo phasso phusanā samphusanā samphusitattaṃ – ayaṃ vuccati ‘‘nāmapaccayā phasso nāmahetuko’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

༢༦༠. ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ, ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ, ནཱམརཱུཔཔཙྩཡཱ ཚཊྛཱཡཏནཾ ནཱམརཱུཔཧེཏུཀཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

260. Tasmiṃ samaye avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ, viññāṇapaccayā nāmarūpaṃ viññāṇahetukaṃ, nāmarūpapaccayā chaṭṭhāyatanaṃ nāmarūpahetukaṃ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༦༡. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

261. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ’’།

Tattha katamo avijjāpaccayā saṅkhāro avijjāhetuko? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāhetuko’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ’’།

Tattha katamaṃ saṅkhārapaccayā viññāṇaṃ saṅkhārahetukaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ saṅkhārahetukaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ? ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཀྑཱཡཏནསྶ ཨུཔཙཡོ, སོཏཱཡཏནསྶ ཨུཔཙཡོ, གྷཱནཱཡཏནསྶ ཨུཔཙཡོ, ཛིཝ྄ཧཱཡཏནསྶ ཨུཔཙཡོ, ཀཱཡཱཡཏནསྶ ཨུཔཙཡོ, ཡཾ ཝཱ པནཉྙམྤི ཨཏྠི རཱུཔཾ ཙིཏྟཛཾ ཙིཏྟཧེཏུཀཾ ཙིཏྟསམུཊྛཱནཾ – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ’’།

Tattha katamaṃ viññāṇapaccayā nāmarūpaṃ viññāṇahetukaṃ? Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘viññāṇapaccayā nāmarūpaṃ viññāṇahetukaṃ’’.

ནཱམརཱུཔཔཙྩཡཱ ཚཊྛཱཡཏནཾ ནཱམརཱུཔཧེཏུཀནྟི། ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཡཾ རཱུཔཾ ནིསྶཱཡ མནོཝིཉྙཱཎདྷཱཏུ ཝཏྟཏི – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ནཱམརཱུཔཾ’’།

Nāmarūpapaccayā chaṭṭhāyatanaṃ nāmarūpahetukanti. Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Yaṃ rūpaṃ nissāya manoviññāṇadhātu vattati – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘nāmarūpaṃ’’.

ཏཏྠ ཀཏམཾ ནཱམརཱུཔཔཙྩཡཱ ཚཊྛཱཡཏནཾ ནཱམརཱུཔཧེཏུཀཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམརཱུཔཔཙྩཡཱ ཚཊྛཱཡཏནཾ ནཱམརཱུཔཧེཏུཀཾ’’།

Tattha katamaṃ nāmarūpapaccayā chaṭṭhāyatanaṃ nāmarūpahetukaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘nāmarūpapaccayā chaṭṭhāyatanaṃ nāmarūpahetukaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo chaṭṭhāyatanapaccayā phasso chaṭṭhāyatanahetuko? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso chaṭṭhāyatanahetuko’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

༢༦༢. ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ, སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ, ནཱམརཱུཔཔཙྩཡཱ སལཱ༹ཡཏནཾ ནཱམརཱུཔཧེཏུཀཾ , ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ, ཕསྶཔཙྩཡཱ ཝེདནཱ ཕསྶཧེཏུཀཱ, ཝེདནཱཔཙྩཡཱ ཏཎྷཱ ཝེདནཱཧེཏུཀཱ, ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

262. Tasmiṃ samaye avijjāpaccayā saṅkhāro avijjāhetuko, saṅkhārapaccayā viññāṇaṃ saṅkhārahetukaṃ viññāṇapaccayā nāmarūpaṃ viññāṇahetukaṃ, nāmarūpapaccayā saḷāyatanaṃ nāmarūpahetukaṃ , chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṃ taṇhāhetukaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༦༣. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

263. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ’’།

Tattha katamo avijjāpaccayā saṅkhāro avijjāhetuko? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāhetuko’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ སངྑཱརཧེཏུཀཾ’’།

Tattha katamaṃ saṅkhārapaccayā viññāṇaṃ saṅkhārahetukaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ saṅkhārahetukaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ? ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཀྑཱཡཏནསྶ ཨུཔཙཡོ, སོཏཱཡཏནསྶ ཨུཔཙཡོ, གྷཱནཱཡཏནསྶ ཨུཔཙཡོ, ཛིཝ྄ཧཱཡཏནསྶ ཨུཔཙཡོ, ཀཱཡཱཡཏནསྶ ཨུཔཙཡོ, ཡཾ ཝཱ པནཉྙམྤི ཨཏྠི རཱུཔཾ ཙིཏྟཛཾ ཙིཏྟཧེཏུཀཾ ཙིཏྟསམུཊྛཱནཾ – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམརཱུཔཾ ཝིཉྙཱཎཧེཏུཀཾ’’།

Tattha katamaṃ viññāṇapaccayā nāmarūpaṃ viññāṇahetukaṃ? Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘viññāṇapaccayā nāmarūpaṃ viññāṇahetukaṃ’’.

ནཱམརཱུཔཔཙྩཡཱ སལཱ༹ཡཏནཾ ནཱམརཱུཔཧེཏུཀནྟི། ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ , སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཏྟཱརོ ཙ མཧཱབྷཱུཏཱ, ཡཉྩ རཱུཔཾ ནིསྶཱཡ མནོཝིཉྙཱཎདྷཱཏུ ཝཏྟཏི – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ནཱམརཱུཔཾ’’།

Nāmarūpapaccayā saḷāyatanaṃ nāmarūpahetukanti. Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho , saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cattāro ca mahābhūtā, yañca rūpaṃ nissāya manoviññāṇadhātu vattati – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘nāmarūpaṃ’’.

ཏཏྠ ཀཏམཾ ནཱམརཱུཔཔཙྩཡཱ སལཱ༹ཡཏནཾ ནཱམརཱུཔཧེཏུཀཾ? ཙཀྑཱཡཏནཾ , སོཏཱཡཏནཾ, གྷཱནཱཡཏནཾ , ཛིཝ྄ཧཱཡཏནཾ, ཀཱཡཱཡཏནཾ, མནཱཡཏནཾ – ཨིདཾ ཝུཙྩཏི ‘‘ནཱམརཱུཔཔཙྩཡཱ སལཱ༹ཡཏནཾ ནཱམརཱུཔཧེཏུཀཾ’’།

Tattha katamaṃ nāmarūpapaccayā saḷāyatanaṃ nāmarūpahetukaṃ? Cakkhāyatanaṃ , sotāyatanaṃ, ghānāyatanaṃ , jivhāyatanaṃ, kāyāyatanaṃ, manāyatanaṃ – idaṃ vuccati ‘‘nāmarūpapaccayā saḷāyatanaṃ nāmarūpahetukaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ ཚཊྛཱཡཏནཧེཏུཀོ’’།

Tattha katamo chaṭṭhāyatanapaccayā phasso chaṭṭhāyatanahetuko? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso chaṭṭhāyatanahetuko’’.

ཏཏྠ ཀཏམཱ ཕསྶཔཙྩཡཱ ཝེདནཱ ཕསྶཧེཏུཀཱ? ཡཾ ཙེཏསིཀཾ སཱཏཾ ཙེཏསིཀཾ སུཁཾ ཙེཏོསམྥསྶཛཾ སཱཏཾ སུཁཾ ཝེདཡིཏཾ ཙེཏོསམྥསྶཛཱ སཱཏཱ སུཁཱ ཝེདནཱ – ཨཡཾ ཝུཙྩཏི ‘‘ཕསྶཔཙྩཡཱ ཝེདནཱ ཕསྶཧེཏུཀཱ’’།

Tattha katamā phassapaccayā vedanā phassahetukā? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘phassapaccayā vedanā phassahetukā’’.

ཏཏྠ ཀཏམཱ ཝེདནཱཔཙྩཡཱ ཏཎྷཱ ཝེདནཱཧེཏུཀཱ? ཡོ རཱགོ སཱརཱགོ…པེ॰… ཙིཏྟསྶ སཱརཱགོ – ཨཡཾ ཝུཙྩཏི ‘‘ཝེདནཱཔཙྩཡཱ ཏཎྷཱ ཝེདནཱཧེཏུཀཱ’’།

Tattha katamā vedanāpaccayā taṇhā vedanāhetukā? Yo rāgo sārāgo…pe… cittassa sārāgo – ayaṃ vuccati ‘‘vedanāpaccayā taṇhā vedanāhetukā’’.

ཏཏྠ ཀཏམཾ ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ? ཡཱ དིཊྛི དིཊྛིགཏཾ…པེ॰… ཏིཏྠཱཡཏནཾ ཝིཔརིཡཱསགྒཱཧོ – ཨིདཾ ཝུཙྩཏི ‘‘ཏཎྷཱཔཙྩཡཱ ཨུཔཱདཱནཾ ཏཎྷཱཧེཏུཀཾ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamaṃ taṇhāpaccayā upādānaṃ taṇhāhetukaṃ? Yā diṭṭhi diṭṭhigataṃ…pe… titthāyatanaṃ vipariyāsaggāho – idaṃ vuccati ‘‘taṇhāpaccayā upādānaṃ taṇhāhetukaṃ’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

ཧེཏུཙཏུཀྐཾ།

Hetucatukkaṃ.

༧. སམྤཡུཏྟཙཏུཀྐཾ

7. Sampayuttacatukkaṃ

ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ, ནཱམཔཙྩཡཱ ཚཊྛཱཡཏནཾ ནཱམསམྤཡུཏྟཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ, ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

Tasmiṃ samaye avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmaṃ viññāṇasampayuttaṃ, nāmapaccayā chaṭṭhāyatanaṃ nāmasampayuttaṃ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṃ taṇhāsampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༦༥. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

265. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ’’།

Tattha katamo avijjāpaccayā saṅkhāro avijjāsampayutto? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāsampayutto’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ’’།

Tattha katamaṃ saṅkhārapaccayā viññāṇaṃ saṅkhārasampayuttaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ saṅkhārasampayuttaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ’’།

Tattha katamaṃ viññāṇapaccayā nāmaṃ viññāṇasampayuttaṃ? Vedanākkhandho, saññākkhandho, saṅkhārakkhandho – idaṃ vuccati ‘‘viññāṇapaccayā nāmaṃ viññāṇasampayuttaṃ’’.

ཏཏྠ ཀཏམཾ ནཱམཔཙྩཡཱ ཚཊྛཱཡཏནཾ ནཱམསམྤཡུཏྟཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམཔཙྩཡཱ ཚཊྛཱཡཏནཾ ནཱམསམྤཡུཏྟཾ’’།

Tattha katamaṃ nāmapaccayā chaṭṭhāyatanaṃ nāmasampayuttaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘nāmapaccayā chaṭṭhāyatanaṃ nāmasampayuttaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ’’།

Tattha katamo chaṭṭhāyatanapaccayā phasso chaṭṭhāyatanasampayutto? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso chaṭṭhāyatanasampayutto’’.

ཏཏྠ ཀཏམཱ ཕསྶཔཙྩཡཱ ཝེདནཱ ཕསྶསམྤཡུཏྟཱ? ཡཾ ཙེཏསིཀཾ སཱཏཾ ཙེཏསིཀཾ སུཁཾ ཙེཏོསམྥསྶཛཾ སཱཏཾ སུཁཾ ཝེདཡིཏཾ ཙེཏོསམྥསྶཛཱ སཱཏཱ སུཁཱ ཝེདནཱ – ཨཡཾ ཝུཙྩཏི ‘‘ཕསྶཔཙྩཡཱ ཝེདནཱ ཕསྶསམྤཡུཏྟཱ’’།

Tattha katamā phassapaccayā vedanā phassasampayuttā? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘phassapaccayā vedanā phassasampayuttā’’.

ཏཏྠ ཀཏམཱ ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ? ཡོ རཱགོ སཱརཱགོ…པེ॰… ཙིཏྟསྶ སཱརཱགོ – ཨཡཾ ཝུཙྩཏི ‘‘ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ’’།

Tattha katamā vedanāpaccayā taṇhā vedanāsampayuttā? Yo rāgo sārāgo…pe… cittassa sārāgo – ayaṃ vuccati ‘‘vedanāpaccayā taṇhā vedanāsampayuttā’’.

ཏཏྠ ཀཏམཾ ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ? ཡཱ དིཊྛི དིཊྛིགཏཾ…པེ॰… ཏིཏྠཱཡཏནཾ ཝིཔརིཡཱསགྒཱཧོ – ཨིདཾ ཝུཙྩཏི ‘‘ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ’’ …པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamaṃ taṇhāpaccayā upādānaṃ taṇhāsampayuttaṃ? Yā diṭṭhi diṭṭhigataṃ…pe… titthāyatanaṃ vipariyāsaggāho – idaṃ vuccati ‘‘taṇhāpaccayā upādānaṃ taṇhāsampayuttaṃ’’ …pe… tena vuccati ‘‘evametassa kevalassa dukkhakkhandhassa samudayo hotī’’ti.

༢༦༦. ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ, ནཱམཔཙྩཡཱ ཕསྶོ ནཱམསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ , ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

266. Tasmiṃ samaye avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmaṃ viññāṇasampayuttaṃ, nāmapaccayā phasso nāmasampayutto, phassapaccayā vedanā phassasampayuttā , vedanāpaccayā taṇhā vedanāsampayuttā, taṇhāpaccayā upādānaṃ taṇhāsampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༦༧. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

267. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ’’།

Tattha katamo avijjāpaccayā saṅkhāro avijjāsampayutto? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāsampayutto’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ’’།

Tattha katamaṃ saṅkhārapaccayā viññāṇaṃ saṅkhārasampayuttaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ saṅkhārasampayuttaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམཾ ཝིཉྙཱཎསམྤཡུཏྟཾ’’།

Tattha katamaṃ viññāṇapaccayā nāmaṃ viññāṇasampayuttaṃ? Vedanākkhandho, saññākkhandho, saṅkhārakkhandho – idaṃ vuccati ‘‘viññāṇapaccayā nāmaṃ viññāṇasampayuttaṃ’’.

ནཱམཔཙྩཡཱ ཕསྶོ ནཱམསམྤཡུཏྟོཏི། ཏཏྠ ཀཏམཾ ནཱམཾ? ཋཔེཏྭཱ ཕསྶཾ, ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོ – ཨིདཾ ཝུཙྩཏི ‘‘ནཱམཾ’’།

Nāmapaccayā phasso nāmasampayuttoti. Tattha katamaṃ nāmaṃ? Ṭhapetvā phassaṃ, vedanākkhandho saññākkhandho saṅkhārakkhandho viññāṇakkhandho – idaṃ vuccati ‘‘nāmaṃ’’.

ཏཏྠ ཀཏམོ ནཱམཔཙྩཡཱ ཕསྶོ ནཱམསམྤཡུཏྟོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ནཱམཔཙྩཡཱ ཕསྶོ ནཱམསམྤཡུཏྟོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo nāmapaccayā phasso nāmasampayutto? Yo phasso phusanā samphusanā samphusitattaṃ – ayaṃ vuccati ‘‘nāmapaccayā phasso nāmasampayutto’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

༢༦༨. ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ, ནཱམརཱུཔཔཙྩཡཱ ཚཊྛཱཡཏནཾ ནཱམསམྤཡུཏྟཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ, ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

268. Tasmiṃ samaye avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmarūpaṃ viññāṇasampayuttaṃ nāmaṃ, nāmarūpapaccayā chaṭṭhāyatanaṃ nāmasampayuttaṃ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṃ taṇhāsampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༦༩. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

269. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ’’།

Tattha katamo avijjāpaccayā saṅkhāro avijjāsampayutto? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāsampayutto’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ? ཡཾ ཙིཏྟཾ མནོ མཱནསཾ …པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ’’།

Tattha katamaṃ saṅkhārapaccayā viññāṇaṃ saṅkhārasampayuttaṃ? Yaṃ cittaṃ mano mānasaṃ …pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ saṅkhārasampayuttaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ? ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཀྑཱཡཏནསྶ ཨུཔཙཡོ, སོཏཱཡཏནསྶ ཨུཔཙཡོ, གྷཱནཱཡཏནསྶ ཨུཔཙཡོ, ཛིཝ྄ཧཱཡཏནསྶ ཨུཔཙཡོ, ཀཱཡཱཡཏནསྶ ཨུཔཙཡོ, ཡཾ ཝཱ པནཉྙམྤི ཨཏྠི རཱུཔཾ ཙིཏྟཛཾ ཙིཏྟཧེཏུཀཾ ཙིཏྟསམུཊྛཱནཾ – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ’’།

Tattha katamaṃ viññāṇapaccayā nāmarūpaṃ viññāṇasampayuttaṃ nāmaṃ? Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘viññāṇapaccayā nāmarūpaṃ viññāṇasampayuttaṃ nāmaṃ’’.

ནཱམརཱུཔཔཙྩཡཱ ཚཊྛཱཡཏནཾ ནཱམསམྤཡུཏྟནྟི། ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཡཾ རཱུཔཾ ནིསྶཱཡ མནོཝིཉྙཱཎདྷཱཏུ ཝཏྟཏི – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ནཱམརཱུཔཾ’’།

Nāmarūpapaccayā chaṭṭhāyatanaṃ nāmasampayuttanti. Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Yaṃ rūpaṃ nissāya manoviññāṇadhātu vattati – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘nāmarūpaṃ’’.

ཏཏྠ ཀཏམཾ ནཱམརཱུཔཔཙྩཡཱ ཚཊྛཱཡཏནཾ ནཱམསམྤཡུཏྟཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམརཱུཔཔཙྩཡཱ ཚཊྛཱཡཏནཾ ནཱམསམྤཡུཏྟཾ’’།

Tattha katamaṃ nāmarūpapaccayā chaṭṭhāyatanaṃ nāmasampayuttaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘nāmarūpapaccayā chaṭṭhāyatanaṃ nāmasampayuttaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo chaṭṭhāyatanapaccayā phasso chaṭṭhāyatanasampayutto? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso chaṭṭhāyatanasampayutto’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

༢༧༠. ཏསྨིཾ སམཡེ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ, སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ, ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ, ནཱམརཱུཔཔཙྩཡཱ སལཱ༹ཡཏནཾ ནཱམསམྤཡུཏྟཾ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ, ཕསྶཔཙྩཡཱ ཝེདནཱ ཕསྶསམྤཡུཏྟཱ, ཝེདནཱཔཙྩཡཱ ཏཎྷཱ ཝེདནཱསམྤཡུཏྟཱ, ཏཎྷཱཔཙྩཡཱ ཨུཔཱདཱནཾ ཏཎྷཱསམྤཡུཏྟཾ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

270. Tasmiṃ samaye avijjāpaccayā saṅkhāro avijjāsampayutto, saṅkhārapaccayā viññāṇaṃ saṅkhārasampayuttaṃ, viññāṇapaccayā nāmarūpaṃ viññāṇasampayuttaṃ nāmaṃ, nāmarūpapaccayā saḷāyatanaṃ nāmasampayuttaṃ chaṭṭhāyatanaṃ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṃ taṇhāsampayuttaṃ; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༧༡. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

271. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ’’།

Tattha katamo avijjāpaccayā saṅkhāro avijjāsampayutto? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro avijjāsampayutto’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘སངྑཱརཔཙྩཡཱ ཝིཉྙཱཎཾ སངྑཱརསམྤཡུཏྟཾ’’།

Tattha katamaṃ saṅkhārapaccayā viññāṇaṃ saṅkhārasampayuttaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘saṅkhārapaccayā viññāṇaṃ saṅkhārasampayuttaṃ’’.

ཏཏྠ ཀཏམཾ ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ? ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཀྑཱཡཏནསྶ ཨུཔཙཡོ, སོཏཱཡཏནསྶ ཨུཔཙཡོ, གྷཱནཱཡཏནསྶ ཨུཔཙཡོ, ཛིཝ྄ཧཱཡཏནསྶ ཨུཔཙཡོ, ཀཱཡཱཡཏནསྶ ཨུཔཙཡོ, ཡཾ ཝཱ པནཉྙམྤི ཨཏྠི རཱུཔཾ ཙིཏྟཛཾ ཙིཏྟཧེཏུཀཾ ཙིཏྟསམུཊྛཱནཾ – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམརཱུཔཾ ཝིཉྙཱཎསམྤཡུཏྟཾ ནཱམཾ’’།

Tattha katamaṃ viññāṇapaccayā nāmarūpaṃ viññāṇasampayuttaṃ nāmaṃ? Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘viññāṇapaccayā nāmarūpaṃ viññāṇasampayuttaṃ nāmaṃ’’.

ནཱམརཱུཔཔཙྩཡཱ སལཱ༹ཡཏནཾ ནཱམསམྤཡུཏྟཾ ཚཊྛཱཡཏནནྟི། ཨཏྠི ནཱམཾ, ཨཏྠི རཱུཔཾ། ཏཏྠ ཀཏམཾ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ནཱམཾ’’། ཏཏྠ ཀཏམཾ རཱུཔཾ? ཙཏྟཱརོ ཙ མཧཱབྷཱུཏཱ, ཡཉྩ རཱུཔཾ ནིསྶཱཡ མནོཝིཉྙཱཎདྷཱཏུ ཝཏྟཏི – ཨིདཾ ཝུཙྩཏི ‘‘རཱུཔཾ’’། ཨིཏི ཨིདཉྩ ནཱམཾ, ཨིདཉྩ རཱུཔཾ། ཨིདཾ ཝུཙྩཏི ‘‘ནཱམརཱུཔཾ’’།

Nāmarūpapaccayā saḷāyatanaṃ nāmasampayuttaṃ chaṭṭhāyatananti. Atthi nāmaṃ, atthi rūpaṃ. Tattha katamaṃ nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘nāmaṃ’’. Tattha katamaṃ rūpaṃ? Cattāro ca mahābhūtā, yañca rūpaṃ nissāya manoviññāṇadhātu vattati – idaṃ vuccati ‘‘rūpaṃ’’. Iti idañca nāmaṃ, idañca rūpaṃ. Idaṃ vuccati ‘‘nāmarūpaṃ’’.

ཏཏྠ ཀཏམཾ ནཱམརཱུཔཔཙྩཡཱ སལཱ༹ཡཏནཾ ནཱམསམྤཡུཏྟཾ ཚཊྛཱཡཏནཾ? ཙཀྑཱཡཏནཾ, སོཏཱཡཏནཾ, གྷཱནཱཡཏནཾ, ཛིཝ྄ཧཱཡཏནཾ, ཀཱཡཱཡཏནཾ, མནཱཡཏནཾ – ཨིདཾ ཝུཙྩཏི ‘‘ནཱམརཱུཔཔཙྩཡཱ སལཱ༹ཡཏནཾ ནཱམསམྤཡུཏྟཾ ཚཊྛཱཡཏནཾ’’།

Tattha katamaṃ nāmarūpapaccayā saḷāyatanaṃ nāmasampayuttaṃ chaṭṭhāyatanaṃ? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ – idaṃ vuccati ‘‘nāmarūpapaccayā saḷāyatanaṃ nāmasampayuttaṃ chaṭṭhāyatanaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ ཚཊྛཱཡཏནསམྤཡུཏྟོ’’…པེ॰… ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Tattha katamo chaṭṭhāyatanapaccayā phasso chaṭṭhāyatanasampayutto? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso chaṭṭhāyatanasampayutto’’…pe… tena vuccati ‘‘evametassa kevalassa dukkhakkhandhassa samudayo hotī’’ti.

སམྤཡུཏྟཙཏུཀྐཾ།

Sampayuttacatukkaṃ.

༨. ཨཉྙམཉྙཙཏུཀྐཾ

8. Aññamaññacatukkaṃ

༢༧༢. ཏསྨིཾ སམཡེ ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱཔི ཨཝིཛྫཱ; སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱཔི སངྑཱརོ; ཝིཉྙཱཎཔཙྩཡཱ ནཱམཾ, ནཱམཔཙྩཡཱཔི ཝིཉྙཱཎཾ; ནཱམཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱཔི ནཱམཾ; ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱཔི ཚཊྛཱཡཏནཾ; ཕསྶཔཙྩཡཱ ཝེདནཱ, ཝེདནཱཔཙྩཡཱཔི ཕསྶོ; ཝེདནཱཔཙྩཡཱ ཏཎྷཱ, ཏཎྷཱཔཙྩཡཱཔི ཝེདནཱ; ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱཔི ཏཎྷཱ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

272. Tasmiṃ samaye avijjāpaccayā saṅkhāro, saṅkhārapaccayāpi avijjā; saṅkhārapaccayā viññāṇaṃ, viññāṇapaccayāpi saṅkhāro; viññāṇapaccayā nāmaṃ, nāmapaccayāpi viññāṇaṃ; nāmapaccayā chaṭṭhāyatanaṃ, chaṭṭhāyatanapaccayāpi nāmaṃ; chaṭṭhāyatanapaccayā phasso, phassapaccayāpi chaṭṭhāyatanaṃ; phassapaccayā vedanā, vedanāpaccayāpi phasso; vedanāpaccayā taṇhā, taṇhāpaccayāpi vedanā; taṇhāpaccayā upādānaṃ, upādānapaccayāpi taṇhā; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༧༣. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

273. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.

ཏཏྠ ཀཏམོ ཨཝིཛྫཱཔཙྩཡཱ སངྑཱརོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཨཝིཛྫཱཔཙྩཡཱ སངྑཱརོ’’།

Tattha katamo avijjāpaccayā saṅkhāro? Yā cetanā sañcetanā sañcetayitattaṃ – ayaṃ vuccati ‘‘avijjāpaccayā saṅkhāro’’.

ཏཏྠ ཀཏམཱ སངྑཱརཔཙྩཡཱཔི ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘སངྑཱརཔཙྩཡཱཔི ཨཝིཛྫཱ’’།

Tattha katamā saṅkhārapaccayāpi avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘saṅkhārapaccayāpi avijjā’’.

ཏཏྠ ཀཏམཾ སངྑཱརཔཙྩཡཱ ཝིཉྙཱཎཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི སངྑཱརཔཙྩཡཱ ཝིཉྙཱཎཾ།

Tattha katamaṃ saṅkhārapaccayā viññāṇaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati saṅkhārapaccayā viññāṇaṃ.

ཏཏྠ ཀཏམོ ཝིཉྙཱཎཔཙྩཡཱཔི སངྑཱརོ? ཡཱ ཙེཏནཱ སཉྩེཏནཱ སཉྩེཏཡིཏཏྟཾ – ཨཡཾ ཝུཙྩཏི ‘‘ཝིཉྙཱཎཔཙྩཡཱཔི སངྑཱརོ’’།

Tattha katamo viññāṇapaccayāpi saṅkhāro? Yā cetanā sañcetanā sañcetayitattaṃ – ayaṃ vuccati ‘‘viññāṇapaccayāpi saṅkhāro’’.

ཏཏྠ ཀཏམཾ ཝིཉྙཱཎཔཙྩཡཱ ནཱམཾ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཝིཉྙཱཎཔཙྩཡཱ ནཱམཾ’’།

Tattha katamaṃ viññāṇapaccayā nāmaṃ? Vedanākkhandho, saññākkhandho, saṅkhārakkhandho – idaṃ vuccati ‘‘viññāṇapaccayā nāmaṃ’’.

ཏཏྠ ཀཏམཾ ནཱམཔཙྩཡཱཔི ཝིཉྙཱཎཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམཔཙྩཡཱཔི ཝིཉྙཱཎཾ’’།

Tattha katamaṃ nāmapaccayāpi viññāṇaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘nāmapaccayāpi viññāṇaṃ’’.

ཏཏྠ ཀཏམཾ ནཱམཔཙྩཡཱ ཚཊྛཱཡཏནཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ནཱམཔཙྩཡཱ ཚཊྛཱཡཏནཾ’’།

Tattha katamaṃ nāmapaccayā chaṭṭhāyatanaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘nāmapaccayā chaṭṭhāyatanaṃ’’.

ཏཏྠ ཀཏམཾ ཚཊྛཱཡཏནཔཙྩཡཱཔི ནཱམཾ? ཝེདནཱཀྑནྡྷོ , སཉྙཱཀྑནྡྷོ, སངྑཱརཀྑནྡྷོ – ཨིདཾ ཝུཙྩཏི ‘‘ཚཊྛཱཡཏནཔཙྩཡཱཔི ནཱམཾ’’།

Tattha katamaṃ chaṭṭhāyatanapaccayāpi nāmaṃ? Vedanākkhandho , saññākkhandho, saṅkhārakkhandho – idaṃ vuccati ‘‘chaṭṭhāyatanapaccayāpi nāmaṃ’’.

ཏཏྠ ཀཏམོ ཚཊྛཱཡཏནཔཙྩཡཱ ཕསྶོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཚཊྛཱཡཏནཔཙྩཡཱ ཕསྶོ’’།

Tattha katamo chaṭṭhāyatanapaccayā phasso? Yo phasso phusanā samphusanā samphusitattaṃ – ayaṃ vuccati ‘‘chaṭṭhāyatanapaccayā phasso’’.

ཏཏྠ ཀཏམཾ ཕསྶཔཙྩཡཱཔི ཚཊྛཱཡཏནཾ? ཡཾ ཙིཏྟཾ མནོ མཱནསཾ…པེ॰… ཏཛྫཱམནོཝིཉྙཱཎདྷཱཏུ – ཨིདཾ ཝུཙྩཏི ‘‘ཕསྶཔཙྩཡཱཔི ཚཊྛཱཡཏནཾ’’།

Tattha katamaṃ phassapaccayāpi chaṭṭhāyatanaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘phassapaccayāpi chaṭṭhāyatanaṃ’’.

ཏཏྠ ཀཏམཱ ཕསྶཔཙྩཡཱ ཝེདནཱ? ཡཾ ཙེཏསིཀཾ སཱཏཾ ཙེཏསིཀཾ སུཁཾ ཙེཏོསམྥསྶཛཾ སཱཏཾ སུཁཾ ཝེདཡིཏཾ ཙེཏོསམྥསྶཛཱ སཱཏཱ སུཁཱ ཝེདནཱ – ཨཡཾ ཝུཙྩཏི ‘‘ཕསྶཔཙྩཡཱ ཝེདནཱ’’།

Tattha katamā phassapaccayā vedanā? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘phassapaccayā vedanā’’.

ཏཏྠ ཀཏམོ ཝེདནཱཔཙྩཡཱཔི ཕསྶོ? ཡོ ཕསྶོ ཕུསནཱ སམྥུསནཱ སམྥུསིཏཏྟཾ – ཨཡཾ ཝུཙྩཏི ‘‘ཝེདནཱཔཙྩཡཱཔི ཕསྶོ’’།

Tattha katamo vedanāpaccayāpi phasso? Yo phasso phusanā samphusanā samphusitattaṃ – ayaṃ vuccati ‘‘vedanāpaccayāpi phasso’’.

ཏཏྠ ཀཏམཱ ཝེདནཱཔཙྩཡཱ ཏཎྷཱ? ཡོ རཱགོ སཱརཱགོ…པེ॰… ཙིཏྟསྶ སཱརཱགོ – ཨཡཾ ཝུཙྩཏི ‘‘ཝེདནཱཔཙྩཡཱ ཏཎྷཱ’’།

Tattha katamā vedanāpaccayā taṇhā? Yo rāgo sārāgo…pe… cittassa sārāgo – ayaṃ vuccati ‘‘vedanāpaccayā taṇhā’’.

ཏཏྠ ཀཏམཱ ཏཎྷཱཔཙྩཡཱཔི ཝེདནཱ? ཡཾ ཙེཏསིཀཾ སཱཏཾ ཙེཏསིཀཾ སུཁཾ ཙེཏོསམྥསྶཛཾ སཱཏཾ སུཁཾ ཝེདཡིཏཾ ཙེཏོསམྥསྶཛཱ སཱཏཱ སུཁཱ ཝེདནཱ – ཨཡཾ ཝུཙྩཏི ‘‘ཏཎྷཱཔཙྩཡཱཔི ཝེདནཱ’’།

Tattha katamā taṇhāpaccayāpi vedanā? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘taṇhāpaccayāpi vedanā’’.

ཏཏྠ ཀཏམཾ ཏཎྷཱཔཙྩཡཱ ཨུཔཱདཱནཾ? ཡཱ དིཊྛི དིཊྛིགཏཾ…པེ॰… ཏིཏྠཱཡཏནཾ ཝིཔརིཡཱསགྒཱཧོ – ཨིདཾ ཝུཙྩཏི ‘‘ཏཎྷཱཔཙྩཡཱ ཨུཔཱདཱནཾ’’།

Tattha katamaṃ taṇhāpaccayā upādānaṃ? Yā diṭṭhi diṭṭhigataṃ…pe… titthāyatanaṃ vipariyāsaggāho – idaṃ vuccati ‘‘taṇhāpaccayā upādānaṃ’’.

ཏཏྠ ཀཏམཱ ཨུཔཱདཱནཔཙྩཡཱཔི ཏཎྷཱ? ཡོ རཱགོ…པེ॰… ཙིཏྟསྶ སཱརཱགོ – ཨཡཾ ཝུཙྩཏི ‘‘ཨུཔཱདཱནཔཙྩཡཱཔི ཏཎྷཱ’’།

Tattha katamā upādānapaccayāpi taṇhā? Yo rāgo…pe… cittassa sārāgo – ayaṃ vuccati ‘‘upādānapaccayāpi taṇhā’’.

ཏཏྠ ཀཏམོ ཨུཔཱདཱནཔཙྩཡཱ བྷཝོ? ཋཔེཏྭཱ ཨུཔཱདཱནཾ, ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོ – ཨཡཾ ཝུཙྩཏི ‘‘ཨུཔཱདཱནཔཙྩཡཱ བྷཝོ’’།

Tattha katamo upādānapaccayā bhavo? Ṭhapetvā upādānaṃ, vedanākkhandho saññākkhandho saṅkhārakkhandho viññāṇakkhandho – ayaṃ vuccati ‘‘upādānapaccayā bhavo’’.

ཏཏྠ ཀཏམཱ བྷཝཔཙྩཡཱ ཛཱཏི? ཡཱ ཏེསཾ ཏེསཾ དྷམྨཱནཾ ཛཱཏི སཉྫཱཏི ནིབྦཏྟི ཨབྷིནིབྦཏི པཱཏུབྷཱཝོ – ཨཡཾ ཝུཙྩཏི ‘‘བྷཝཔཙྩཡཱ ཛཱཏི’’།

Tattha katamā bhavapaccayā jāti? Yā tesaṃ tesaṃ dhammānaṃ jāti sañjāti nibbatti abhinibbati pātubhāvo – ayaṃ vuccati ‘‘bhavapaccayā jāti’’.

ཏཏྠ ཀཏམཾ ཛཱཏིཔཙྩཡཱ ཛརཱམརཎཾ? ཨཏྠི ཛརཱ, ཨཏྠི མརཎཾ། ཏཏྠ ཀཏམཱ ཛརཱ? ཡཱ ཏེསཾ ཏེསཾ དྷམྨཱནཾ ཛརཱ ཛཱིརཎཏཱ ཨཱཡུནོ སཾཧཱནི – ཨཡཾ ཝུཙྩཏི ‘‘ཛརཱ’’། ཏཏྠ ཀཏམཾ མརཎཾ? ཡོ ཏེསཾ ཏེསཾ དྷམྨཱནཾ ཁཡོ ཝཡོ བྷེདོ པརིབྷེདོ ཨནིཙྩཏཱ ཨནྟརདྷཱནཾ – ཨིདཾ ཝུཙྩཏི ‘‘མརཎཾ’’། ཨིཏི ཨཡཉྩ ཛརཱ, ཨིདཉྩ མརཎཾ། ཨིདཾ ཝུཙྩཏི ‘‘ཛཱཏིཔཙྩཡཱ ཛརཱམརཎཾ’’།

Tattha katamaṃ jātipaccayā jarāmaraṇaṃ? Atthi jarā, atthi maraṇaṃ. Tattha katamā jarā? Yā tesaṃ tesaṃ dhammānaṃ jarā jīraṇatā āyuno saṃhāni – ayaṃ vuccati ‘‘jarā’’. Tattha katamaṃ maraṇaṃ? Yo tesaṃ tesaṃ dhammānaṃ khayo vayo bhedo paribhedo aniccatā antaradhānaṃ – idaṃ vuccati ‘‘maraṇaṃ’’. Iti ayañca jarā, idañca maraṇaṃ. Idaṃ vuccati ‘‘jātipaccayā jarāmaraṇaṃ’’.

ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱིཏི། ཨེཝམེཏསྶ ཀེཝལསྶ དུཀྑཀྑནྡྷསྶ སངྒཏི ཧོཏི, སམཱགམོ ཧོཏི, སམོདྷཱནཾ ཧོཏི, པཱཏུབྷཱཝོ ཧོཏི། ཏེན ཝུཙྩཏི ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི།

Evametassa kevalassa dukkhakkhandhassa samudayo hotīti. Evametassa kevalassa dukkhakkhandhassa saṅgati hoti, samāgamo hoti, samodhānaṃ hoti, pātubhāvo hoti. Tena vuccati ‘‘evametassa kevalassa dukkhakkhandhassa samudayo hotī’’ti.

༢༧༤. ཏསྨིཾ སམཡེ ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱཔི ཨཝིཛྫཱ; སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱཔི སངྑཱརོ; ཝིཉྙཱཎཔཙྩཡཱ ནཱམཾ, ནཱམཔཙྩཡཱཔི ཝིཉྙཱཎཾ; ནཱམཔཙྩཡཱ ཕསྶོ, ཕསྶཔཙྩཡཱཔི ནཱམཾ; ཕསྶཔཙྩཡཱ ཝེདནཱ, ཝེདནཱཔཙྩཡཱཔི ཕསྶོ; ཝེདནཱཔཙྩཡཱ ཏཎྷཱ, ཏཎྷཱཔཙྩཡཱཔི ཝེདནཱ; ཏཎྷཱཔཙྩཡཱ ཨུཔཱདཱནཾ , ཨུཔཱདཱནཔཙྩཡཱཔི ཏཎྷཱ; ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ། ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི།

274. Tasmiṃ samaye avijjāpaccayā saṅkhāro, saṅkhārapaccayāpi avijjā; saṅkhārapaccayā viññāṇaṃ, viññāṇapaccayāpi saṅkhāro; viññāṇapaccayā nāmaṃ, nāmapaccayāpi viññāṇaṃ; nāmapaccayā phasso, phassapaccayāpi nāmaṃ; phassapaccayā vedanā, vedanāpaccayāpi phasso; vedanāpaccayā taṇhā, taṇhāpaccayāpi vedanā; taṇhāpaccayā upādānaṃ , upādānapaccayāpi taṇhā; upādānapaccayā bhavo, bhavapaccayā jāti, jātipaccayā jarāmaraṇaṃ. Evametassa kevalassa dukkhakkhandhassa samudayo hoti.

༢༧༥. ཏཏྠ ཀཏམཱ ཨཝིཛྫཱ? ཡཾ ཨཉྙཱཎཾ ཨདསྶནཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ – ཨཡཾ ཝུཙྩཏི ‘‘ཨཝིཛྫཱ’’།

275. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati ‘‘avijjā’’.