| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
1. гусалад̇д̇игаван̣н̣анаа
1. Kusalattikavaṇṇanā
1. бадижжаваараван̣н̣анаа
1. Paṭiccavāravaṇṇanā
1. бажжаяаануломам̣
1. Paccayānulomaṃ
(1.) вибхан̇г̇авааро
(1.) Vibhaṅgavāro
53. ид̣̇аани яаа зд̇аа бан̣н̣ад̇д̇иваарз гусалад̇д̇игам̣ ниссааяа хзд̇убажжаяаад̣̇ивасзна згуунабан̃н̃аасам̣ аад̣̇им̣ гад̇ваа наяамад̇д̇ам̣ д̣̇ассзнд̇зна абаримаан̣аа бужчаа д̣̇ассид̇аа. д̇ад̇т̇а гусалаагусалаад̣̇ийнам̣ сахуббад̇д̇ияаа абхаавад̇о яаа бужчаа ‘‘гусалам̣ д̇хаммам̣ бадижжа агусало д̇хаммо уббаж̇ж̇ад̇и хзд̇убажжаяаа’’д̇и звам̣ виссаж̇ж̇анам̣ на лабханд̇и. д̇аа бахааяа яаа виссаж̇ж̇анам̣ лабханд̇и, д̇ааязва виссаж̇ж̇зд̇ум̣ аяам̣ гусалам̣ д̇хаммам̣ бадижжа гусало д̇хаммо уббаж̇ж̇ад̇и хзд̇убажжаяаад̇иаад̣̇инаа наязна бадижжаваарасса нид̣̇д̣̇зсавааро аарад̣̇д̇хо.
53. Idāni yā etā paṇṇattivāre kusalattikaṃ nissāya hetupaccayādivasena ekūnapaññāsaṃ ādiṃ katvā nayamattaṃ dassentena aparimāṇā pucchā dassitā. Tattha kusalākusalādīnaṃ sahuppattiyā abhāvato yā pucchā ‘‘kusalaṃ dhammaṃ paṭicca akusalo dhammo uppajjati hetupaccayā’’ti evaṃ vissajjanaṃ na labhanti. Tā pahāya yā vissajjanaṃ labhanti, tāyeva vissajjetuṃ ayaṃ kusalaṃ dhammaṃ paṭicca kusalo dhammo uppajjati hetupaccayātiādinā nayena paṭiccavārassa niddesavāro āraddho.
д̇ад̇т̇а сияаа – сажз имаа хзд̇убажжаяаад̣̇ивасзна згуунабан̃н̃аасам̣ бужчаа саб̣б̣асо виссаж̇ж̇анам̣ на лабханд̇и, ат̇а гасмаа д̣̇ассид̇аа? нану яаа лабханд̇и, д̇ааязва д̣̇ассзд̇аб̣б̣аад̇и? аама, д̣̇ассзд̇аб̣б̣аа сияум̣. д̇ат̇аа д̣̇ассияамаанаа бана саб̣б̣зсу д̇игад̣̇угабадтаанаад̣̇ийсу згзгасмим̣ д̇игз, д̣̇угз, д̣̇угад̇игз, д̇игад̣̇угз, д̇игад̇игз, д̣̇угад̣̇угз жа сан̇кзбам̣ агад̇ваа д̣̇ассзд̇аб̣б̣ааязва бхавзяяум̣. гасмаа? яасмаа яаа гусалад̇д̇игз лабханд̇и, на д̇ааязва взд̣̇анаад̇д̇игаад̣̇ийсу. д̇хаммаануломабажжанийяз жа д̇игабадтаанз вид̇аггад̇д̇игабийд̇ид̇д̇игаанам̣ виссаж̇ж̇анз саб̣б̣аабзд̇аа виссаж̇ж̇анам̣ лабханд̇и, д̇асмаа уггадтабарижчзд̣̇зна згзгасмим̣ д̇игз яад̇д̇агаахи бужчаахи бхавид̇аб̣б̣ам̣ саб̣б̣аа гусалад̇д̇игз д̣̇ассид̇аа. звам̣ д̣̇ассид̇аасу хи яаа д̇ад̇т̇а виссаж̇ж̇анам̣ на лабханд̇и, д̇аа бахааяа яаа лабханд̇и, д̇аа вужжамаанаа саггаа сукзна виж̇аанид̇унд̇и сукзна виж̇аананад̇т̇ам̣ саб̣б̣ааби гусалад̇д̇игз д̣̇ассид̇аа. яаа банзд̇т̇а виссаж̇ж̇анам̣ на лабханд̇и, д̇аа бахааяа яаа лабханд̇и, д̇ааязва виссаж̇ж̇ид̇аад̇и взд̣̇ид̇аб̣б̣аа.
Tattha siyā – sace imā hetupaccayādivasena ekūnapaññāsaṃ pucchā sabbaso vissajjanaṃ na labhanti, atha kasmā dassitā? Nanu yā labhanti, tāyeva dassetabbāti? Āma, dassetabbā siyuṃ. Tathā dassiyamānā pana sabbesu tikadukapaṭṭhānādīsu ekekasmiṃ tike, duke, dukatike, tikaduke, tikatike, dukaduke ca saṅkhepaṃ akatvā dassetabbāyeva bhaveyyuṃ. Kasmā? Yasmā yā kusalattike labhanti, na tāyeva vedanāttikādīsu. Dhammānulomapaccanīye ca tikapaṭṭhāne vitakkattikapītittikānaṃ vissajjane sabbāpetā vissajjanaṃ labhanti, tasmā ukkaṭṭhaparicchedena ekekasmiṃ tike yattakāhi pucchāhi bhavitabbaṃ sabbā kusalattike dassitā. Evaṃ dassitāsu hi yā tattha vissajjanaṃ na labhanti, tā pahāya yā labhanti, tā vuccamānā sakkā sukhena vijānitunti sukhena vijānanatthaṃ sabbāpi kusalattike dassitā. Yā panettha vissajjanaṃ na labhanti, tā pahāya yā labhanti, tāyeva vissajjitāti veditabbā.
д̇ад̇т̇а гусалам̣ д̇хаммам̣ бадижжаад̇и жад̇убхуумагагусалад̇хаммзсу взд̣̇анаагканд̇хаад̣̇ибхзд̣̇ам̣ згам̣ д̇хаммам̣ бадижжа бадиг̇анд̇ваа сахуббад̇д̇исан̇каад̇зна сад̣̇исабхаавзна бад̇ваа, д̇зна сад̣̇д̇хим̣ згад̇о уббад̇д̇ибхаавам̣ убаг̇анд̇ваад̇и ад̇т̇о. гусало д̇хаммод̇и жад̇убхуумагагусалад̇хаммзсуязва сан̃н̃аагканд̇хаад̣̇ибхзд̣̇о зго д̇хаммо. уббаж̇ж̇ад̇ийд̇и уббаад̣̇ад̇о яаава нирод̇хаг̇аманаа уд̣̇д̇хам̣ баж̇ж̇ад̇и, ниб̣б̣ад̇д̇ад̇ийд̇иби ад̇т̇о . ад̇д̇аанам̣ лабхад̇и, уббаад̣̇аад̣̇аяо д̇аяоби кан̣з баабун̣аад̇ийд̇и вуд̇д̇ам̣ ход̇и. хзд̇убажжаяаад̇и гусалахзд̇унаа хзд̇убажжаяабхаавам̣ саад̇хзнд̇зна.
Tattha kusalaṃ dhammaṃ paṭiccāti catubhūmakakusaladhammesu vedanākkhandhādibhedaṃ ekaṃ dhammaṃ paṭicca paṭigantvā sahuppattisaṅkhātena sadisabhāvena patvā, tena saddhiṃ ekato uppattibhāvaṃ upagantvāti attho. Kusalo dhammoti catubhūmakakusaladhammesuyeva saññākkhandhādibhedo eko dhammo. Uppajjatīti uppādato yāva nirodhagamanā uddhaṃ pajjati, nibbattatītipi attho . Attānaṃ labhati, uppādādayo tayopi khaṇe pāpuṇātīti vuttaṃ hoti. Hetupaccayāti kusalahetunā hetupaccayabhāvaṃ sādhentena.
звам̣ ‘‘уббаж̇ж̇зяяаа’’д̇и бужчааяа ‘‘уббаж̇ж̇ад̇ий’’д̇и виссаж̇ж̇анам̣ вад̇ваа ид̣̇аани яам̣ д̇хаммам̣ бадижжа яо д̇хаммо уббаж̇ж̇ад̇и, д̇ам̣ д̇хаммам̣ канд̇хавасзна д̣̇ассзд̇ум̣ гусалам̣ згам̣ канд̇ханд̇иаад̣̇имааха. д̇ад̇т̇а зганд̇и взд̣̇анаад̣̇ийсу жад̇уусу яам̣гин̃жи згам̣. д̇аяо канд̇хаад̇и яо яо бажжаяабхаавзна г̇ахид̇о, д̇ам̣ д̇ам̣ табзд̇ваа авасзсаа д̇аяо канд̇хаа. д̇аяо канд̇хзд̇и взд̣̇анаад̣̇ийсу яо зго канд̇хо уббаж̇ж̇ад̇ийд̇и г̇ахид̇о, д̇ам̣ табзд̇ваа сзсз д̇аяо. д̣̇вз канд̇хзд̇и взд̣̇анаасан̃н̃аад̣̇угаад̣̇ийсу часу д̣̇угзсу язгзжи д̣̇вз канд̇хз бадижжа. д̣̇вз канд̇хаад̇и яз яз бажжаяабхаавзна г̇ахид̇аа, д̇з д̇з табзд̇ваа авасзсаа д̣̇вз канд̇хаа гусалахзд̇унаа хзд̇убажжаяабхаавам̣ саад̇хзнд̇зна уббаж̇ж̇анд̇ийд̇и ад̇т̇о.
Evaṃ ‘‘uppajjeyyā’’ti pucchāya ‘‘uppajjatī’’ti vissajjanaṃ vatvā idāni yaṃ dhammaṃ paṭicca yo dhammo uppajjati, taṃ dhammaṃ khandhavasena dassetuṃ kusalaṃ ekaṃ khandhantiādimāha. Tattha ekanti vedanādīsu catūsu yaṃkiñci ekaṃ. Tayo khandhāti yo yo paccayabhāvena gahito, taṃ taṃ ṭhapetvā avasesā tayo khandhā. Tayo khandheti vedanādīsu yo eko khandho uppajjatīti gahito, taṃ ṭhapetvā sese tayo. Dve khandheti vedanāsaññādukādīsu chasu dukesu yekeci dve khandhe paṭicca. Dve khandhāti ye ye paccayabhāvena gahitā, te te ṭhapetvā avasesā dve khandhā kusalahetunā hetupaccayabhāvaṃ sādhentena uppajjantīti attho.
яасмаа бана зго канд̇хо згассзва д̣̇виннам̣язва ваа, д̣̇вз ваа бана згассзва бажжаяо наама над̇т̇и, д̇асмаа ‘‘згам̣ канд̇хам̣ бадижжа зго канд̇хо, згам̣ канд̇хам̣ бадижжа д̣̇вз канд̇хаа, д̣̇вз канд̇хз бадижжа зго канд̇хо’’д̇и на вуд̇д̇ам̣. гусалам̣ д̇хаммам̣ бадижжа аб̣яаагад̇о д̇хаммо уббаж̇ж̇ад̇ийд̇иаад̣̇ийсуби вуд̇д̇анаязнзва ад̇т̇о взд̣̇ид̇аб̣б̣о. жид̇д̇асамудтаанам̣ руубанд̇и ид̣̇ам̣ бадижжад̇т̇асса сахаж̇аад̇ад̇т̇ад̇д̇аа яам̣ гусалзна сахаж̇аад̇ан̃жзва хзд̇убажжаяан̃жа лабхад̇и, д̇ам̣ д̣̇ассзд̇ум̣ вуд̇д̇ам̣. барад̇оби зваруубзсу таанзсу аяамзва наяо.
Yasmā pana eko khandho ekasseva dvinnaṃyeva vā, dve vā pana ekasseva paccayo nāma natthi, tasmā ‘‘ekaṃ khandhaṃ paṭicca eko khandho, ekaṃ khandhaṃ paṭicca dve khandhā, dve khandhe paṭicca eko khandho’’ti na vuttaṃ. Kusalaṃ dhammaṃ paṭicca abyākato dhammo uppajjatītiādīsupi vuttanayeneva attho veditabbo. Cittasamuṭṭhānaṃ rūpanti idaṃ paṭiccatthassa sahajātatthattā yaṃ kusalena sahajātañceva hetupaccayañca labhati, taṃ dassetuṃ vuttaṃ. Paratopi evarūpesu ṭhānesu ayameva nayo.
вибаагааб̣яаагад̇ам̣ гирияааб̣яаагад̇анд̇и зд̇т̇а хзд̇убажжаяаабхаавад̇о ахзд̇угам̣, руубзна сад̣̇д̇хим̣ ануббад̇д̇ид̇о ааруббавибааган̃жа на г̇ахзд̇аб̣б̣ам̣. бадисанд̇хигкан̣зд̇и гадад̇д̇ааруубасан̇каад̇асса аб̣яаагад̇асса аб̣яаагад̇ам̣ бадижжа уббад̇д̇ид̣̇ассанад̇т̇ам̣ вуд̇д̇ам̣. вибаагааб̣яаагад̇анд̇и д̇асмим̣ кан̣з виж̇ж̇амаанааб̣яаагад̇авасзна вуд̇д̇ам̣. канд̇хз бадижжа вад̇т̇у, вад̇т̇ум̣ бадижжа канд̇хаад̇и ид̣̇ам̣ гадад̇д̇ааруубаг̇г̇ахан̣зна вад̇т̇умхи г̇ахид̇зби вад̇т̇ум̣ бадижжа канд̇хаанам̣ уббад̇д̇ид̣̇ассанад̇т̇ам̣ вуд̇д̇ам̣.
Vipākābyākataṃ kiriyābyākatanti ettha hetupaccayābhāvato ahetukaṃ, rūpena saddhiṃ anuppattito āruppavipākañca na gahetabbaṃ. Paṭisandhikkhaṇeti kaṭattārūpasaṅkhātassa abyākatassa abyākataṃ paṭicca uppattidassanatthaṃ vuttaṃ. Vipākābyākatanti tasmiṃ khaṇe vijjamānābyākatavasena vuttaṃ. Khandhe paṭicca vatthu, vatthuṃ paṭicca khandhāti idaṃ kaṭattārūpaggahaṇena vatthumhi gahitepi vatthuṃ paṭicca khandhānaṃ uppattidassanatthaṃ vuttaṃ.
згам̣ махаабхууд̇анд̇иаад̣̇и руубааб̣яаагад̇ам̣ бадижжа руубааб̣яаагад̇асса уббад̇д̇ид̣̇ассанад̇т̇ам̣ вуд̇д̇ам̣. згам̣ канд̇ханд̇иаад̣̇ийсу вуд̇д̇анаязнзва банзд̇т̇а ад̇т̇аяож̇анаа взд̣̇ид̇аб̣б̣аа. звам̣ руубааб̣яаагад̇амхи бхууд̇з бадижжа бхууд̇аанам̣ уббад̇д̇им̣ вад̇ваа ид̣̇аани бхууд̇з бадижжа убаад̣̇ааруубаанам̣ уббад̇д̇им̣ д̣̇ассзд̇ум̣ махаабхууд̇з бадижжа жид̇д̇асамудтаананд̇иаад̣̇и вуд̇д̇ам̣. звам̣ санд̇з убаад̣̇ааруубанд̇и зд̇д̇агамзва вад̇д̇аб̣б̣ам̣, ид̇арад̣̇ваяам̣ гасмаа вуд̇д̇анд̇и? махаабхууд̇зби бадижжа уббад̇д̇ид̣̇ассанад̇т̇ам̣. яан̃хи хздтаа ‘‘жид̇д̇асамудтаанан̃жа руубам̣ гадад̇д̇аа жа рууба’’нд̇и д̣̇ассид̇ам̣, д̇ам̣ на гзвалам̣ канд̇хзязва жа бадижжа уббаж̇ж̇ад̇и, махаабхууд̇зби бана бадижжа уббаж̇ж̇ад̇ийд̇и д̣̇ассанад̇т̇амид̣̇ам̣ вуд̇д̇анд̇и взд̣̇ид̇аб̣б̣ам̣. д̇ад̇т̇а жид̇д̇асамудтаанам̣ бавад̇д̇зязва, гадад̇д̇ааруубам̣ бадисанд̇хияамби. убаад̣̇ааруубанд̇и д̇ассзва убхаяасса висзсанам̣.
Ekaṃ mahābhūtantiādi rūpābyākataṃ paṭicca rūpābyākatassa uppattidassanatthaṃ vuttaṃ. Ekaṃ khandhantiādīsu vuttanayeneva panettha atthayojanā veditabbā. Evaṃ rūpābyākatamhi bhūte paṭicca bhūtānaṃ uppattiṃ vatvā idāni bhūte paṭicca upādārūpānaṃ uppattiṃ dassetuṃ mahābhūtepaṭicca cittasamuṭṭhānantiādi vuttaṃ. Evaṃ sante upādārūpanti ettakameva vattabbaṃ, itaradvayaṃ kasmā vuttanti? Mahābhūtepi paṭicca uppattidassanatthaṃ. Yañhi heṭṭhā ‘‘cittasamuṭṭhānañca rūpaṃ kaṭattā ca rūpa’’nti dassitaṃ, taṃ na kevalaṃ khandheyeva ca paṭicca uppajjati, mahābhūtepi pana paṭicca uppajjatīti dassanatthamidaṃ vuttanti veditabbaṃ. Tattha cittasamuṭṭhānaṃ pavatteyeva, kaṭattārūpaṃ paṭisandhiyampi. Upādārūpanti tasseva ubhayassa visesanaṃ.
гусалз канд̇хз жа махаабхууд̇з жа бадижжаад̇и зд̇т̇а жид̇д̇асамудтаанаава махаабхууд̇аа г̇ахид̇аа. жид̇д̇асамудтаанам̣ руубанд̇и зд̇т̇а бана бхууд̇аруубамби убаад̣̇ааруубамби г̇ахид̇ам̣. ‘‘згам̣ махаабхууд̇ам̣ бадижжа д̇аяо махаабхууд̇аа’’д̇иаад̣̇инаа наязна хи бхууд̇аруубамби канд̇хз жа махаабхууд̇з жа бадижжа уббаж̇ж̇ад̇и. махаабхууд̇з бадижжа убаад̣̇ааруубанд̇и вуд̇д̇анаязна убаад̣̇ааруубамби. агусалан̃жа аб̣яаагад̇ан̃жаад̇и бан̃хаависсаж̇ж̇анзсуби зсзва наяо. звам̣ хзд̇убажжаяз нава бужчаа виссаж̇ж̇ид̇аа. зд̇ааязва хи зд̇т̇а лаб̣бханд̇и, сзсаа жад̇д̇аалийса могхабужчаад̇и на виссаж̇ж̇ид̇аа. иминаа убааязна аарамман̣абажжаяаад̣̇ийсуби бужчаависсаж̇ж̇анаанам̣ ад̇т̇о взд̣̇ид̇аб̣б̣о. д̇ад̇т̇а д̇ад̇т̇а бана вижаарзд̇аб̣б̣аяуд̇д̇агамзва вижаараяиссаама.
Kusale khandhe ca mahābhūte ca paṭiccāti ettha cittasamuṭṭhānāva mahābhūtā gahitā. Cittasamuṭṭhānaṃ rūpanti ettha pana bhūtarūpampi upādārūpampi gahitaṃ. ‘‘Ekaṃ mahābhūtaṃ paṭicca tayo mahābhūtā’’tiādinā nayena hi bhūtarūpampi khandhe ca mahābhūte ca paṭicca uppajjati. Mahābhūte paṭicca upādārūpanti vuttanayena upādārūpampi. Akusalañca abyākatañcāti pañhāvissajjanesupi eseva nayo. Evaṃ hetupaccaye nava pucchā vissajjitā. Etāyeva hi ettha labbhanti, sesā cattālīsa moghapucchāti na vissajjitā. Iminā upāyena ārammaṇapaccayādīsupi pucchāvissajjanānaṃ attho veditabbo. Tattha tattha pana vicāretabbayuttakameva vicārayissāma.
54. аарамман̣абажжаяз д̇аава руубасса аарамман̣абажжаяавасзна ануббад̇д̇ид̇о д̇аасу навасу руубамиссагаа бахааяа д̇иссова бужчаа виссаж̇ж̇ид̇аа. д̇знзва жа гааран̣зна ‘‘вад̇т̇ум̣ бадижжа канд̇хаа’’д̇и вад̇ваа ‘‘канд̇хз бадижжа вад̇т̇уу’’д̇и на вуд̇д̇ам̣. на хи д̇ам̣ аарамман̣абажжаязна уббаж̇ж̇ад̇и.
54. Ārammaṇapaccaye tāva rūpassa ārammaṇapaccayavasena anuppattito tāsu navasu rūpamissakā pahāya tissova pucchā vissajjitā. Teneva ca kāraṇena ‘‘vatthuṃ paṭicca khandhā’’ti vatvā ‘‘khandhe paṭicca vatthū’’ti na vuttaṃ. Na hi taṃ ārammaṇapaccayena uppajjati.
55. ад̇хибад̇ибажжаяз вибаагааб̣яаагад̇анд̇и логуд̇д̇арамзва санд̇хааяа вуд̇д̇ам̣. д̇знзвзд̇т̇а ‘‘бадисанд̇хигкан̣з’’д̇и на г̇ахид̇ам̣. сзсам̣ хзд̇убажжаяасад̣̇исамзва.
55. Adhipatipaccaye vipākābyākatanti lokuttarameva sandhāya vuttaṃ. Tenevettha ‘‘paṭisandhikkhaṇe’’ti na gahitaṃ. Sesaṃ hetupaccayasadisameva.
56. ананд̇арасаманд̇арзсуби руубам̣ на лаб̣бхад̇ийд̇и аарамман̣абажжаяз вияа д̇иссова бужчаа.
56. Anantarasamantaresupi rūpaṃ na labbhatīti ārammaṇapaccaye viya tissova pucchā.
57. сахаж̇аад̇абажжаяз бадисанд̇хигкан̣зд̇и бан̃жавогаарз бадисанд̇хивасзна вуд̇д̇ам̣. хздтаа бана бажжаяавибхан̇г̇з ‘‘огганд̇игкан̣з’’д̇и ааг̇ад̇ам̣ д̇амби иминаа сад̣̇д̇хим̣ ад̇т̇ад̇о згам̣, б̣яан̃ж̇анамад̇д̇амзва хзд̇т̇а наананд̇и. абижа ‘‘д̇ин̣н̣ам̣ саннибаад̇аа г̇аб̣бхасса авагганд̇и ход̇ий’’д̇и (ма. ни. 1.408) важанад̇о огганд̇ийд̇и бан̃жавогаарабадисанд̇хияаавзд̇ам̣ наамам̣. бадисанд̇хийд̇и саб̣б̣абхавасаад̇хааран̣ам̣. ид̇ха бана ‘‘гадад̇д̇аа жа рууба’’нд̇иаад̣̇иважанад̇о бан̃жавогаарабадисанд̇хиязва ад̇хиббзд̇аа. саа хи руубассаби аруубассаби бажжаяабхааван̃жзва бажжаяуббаннабхааван̃жа сан̇г̇ан̣хаад̇и, д̇асмаа барибун̣н̣ависсаж̇ж̇анаа ход̇ийд̇и г̇ахид̇аа. б̣аахирам̣ згам̣ махаабхууд̇анд̇и анинд̣̇рияаб̣ад̣̇д̇хзсу бат̇авийбаасаан̣аад̣̇ийсу махаабхууд̇ам̣ санд̇хааяа вуд̇д̇ам̣. бажжаяавибхан̇г̇аваарасмин̃хи жад̇д̇ааро махаабхууд̇аад̇и аж̇жхад̇д̇иган̃жа б̣аахиран̃жа згад̇о гад̇ваа г̇ахид̇ам̣. сан̇кзбад̣̇зсанаа хи саа. аяам̣ бана вид̇т̇аарад̣̇зсанаа, д̇асмаа саб̣б̣ам̣ вибхаж̇ид̇ваа д̣̇ассзнд̇о ‘‘б̣аахирам̣ згам̣ махаабхууд̇а’’нд̇иаад̣̇имааха. асан̃н̃асад̇д̇аанам̣ згам̣ махаабхууд̇ам̣ бадижжаад̇и д̣̇висанд̇ад̇исамудтаанабхууд̇авасзна вуд̇д̇ам̣. махаабхууд̇з бадижжа гадад̇д̇ааруубанд̇и ид̣̇ам̣ бана гаммасамудтаанавасзнзва вуд̇д̇ам̣. убаад̣̇ааруубанд̇и уд̇усамудтаанавасзнзва.
57. Sahajātapaccaye paṭisandhikkhaṇeti pañcavokāre paṭisandhivasena vuttaṃ. Heṭṭhā pana paccayavibhaṅge ‘‘okkantikkhaṇe’’ti āgataṃ tampi iminā saddhiṃ atthato ekaṃ, byañjanamattameva hettha nānanti. Apica ‘‘tiṇṇaṃ sannipātā gabbhassa avakkanti hotī’’ti (ma. ni. 1.408) vacanato okkantīti pañcavokārapaṭisandhiyāvetaṃ nāmaṃ. Paṭisandhīti sabbabhavasādhāraṇaṃ. Idha pana ‘‘kaṭattā ca rūpa’’ntiādivacanato pañcavokārapaṭisandhiyeva adhippetā. Sā hi rūpassapi arūpassapi paccayabhāvañceva paccayuppannabhāvañca saṅgaṇhāti, tasmā paripuṇṇavissajjanā hotīti gahitā. Bāhiraṃ ekaṃ mahābhūtanti anindriyabaddhesu pathavīpāsāṇādīsu mahābhūtaṃ sandhāya vuttaṃ. Paccayavibhaṅgavārasmiñhi cattāro mahābhūtāti ajjhattikañca bāhirañca ekato katvā gahitaṃ. Saṅkhepadesanā hi sā. Ayaṃ pana vitthāradesanā, tasmā sabbaṃ vibhajitvā dassento ‘‘bāhiraṃ ekaṃ mahābhūta’’ntiādimāha. Asaññasattānaṃ ekaṃ mahābhūtaṃ paṭiccāti dvisantatisamuṭṭhānabhūtavasena vuttaṃ. Mahābhūte paṭicca kaṭattārūpanti idaṃ pana kammasamuṭṭhānavaseneva vuttaṃ. Upādārūpanti utusamuṭṭhānavaseneva.
58. ан̃н̃аман̃н̃абажжаяз канд̇хз бадижжа вад̇т̇у, вад̇т̇ум̣ бадижжа канд̇хаад̇и жад̇уннамби канд̇хаанам̣ згад̇о вад̇т̇унаа ан̃н̃аман̃н̃абажжаяад̇ам̣ д̣̇ассзд̇ум̣ вуд̇д̇ам̣.
58. Aññamaññapaccaye khandhe paṭicca vatthu, vatthuṃ paṭicca khandhāti catunnampi khandhānaṃ ekato vatthunā aññamaññapaccayataṃ dassetuṃ vuttaṃ.
59. ниссаяабажжаяз яасмаа бадижжад̇т̇о наама сахаж̇аад̇ад̇т̇о, д̇асмаа яаа хздтаа бажжаяавибхан̇г̇аваарз жагкааяад̇анаад̣̇ийнам̣ ниссаяабажжаяад̇аа д̣̇ассид̇аа, на саа г̇ахид̇аа. жагкааяад̇анаад̣̇ийни хи бурзж̇аад̇аани худ̇ваа бажжаяаа хонд̇и, ид̇ха сахаж̇аад̇амзва лаб̣бхад̇и. д̇знзва вуд̇д̇ам̣ – ‘‘ниссаяабажжаяо сахаж̇аад̇абажжаяасад̣̇исо’’д̇и.
59. Nissayapaccaye yasmā paṭiccattho nāma sahajātattho, tasmā yā heṭṭhā paccayavibhaṅgavāre cakkhāyatanādīnaṃ nissayapaccayatā dassitā, na sā gahitā. Cakkhāyatanādīni hi purejātāni hutvā paccayā honti, idha sahajātameva labbhati. Teneva vuttaṃ – ‘‘nissayapaccayo sahajātapaccayasadiso’’ti.
60. убаниссаяабажжаяз руубасса убаниссаяабажжаяаабхааваа д̇ийн̣зва виссаж̇ж̇анаани лаб̣бханд̇и, д̇зна вуд̇д̇ам̣ ‘‘аарамман̣абажжаяасад̣̇иса’’нд̇и. д̇ад̇т̇а гин̃жааби на саб̣б̣з гусалаагусалааб̣яаагад̇аа аарамман̣уубаниссаяам̣ лабханд̇и, яз бана лабханд̇и, д̇зсам̣ васзнзд̇ам̣ вуд̇д̇анд̇и взд̣̇ид̇аб̣б̣ам̣.
60. Upanissayapaccaye rūpassa upanissayapaccayābhāvā tīṇeva vissajjanāni labbhanti, tena vuttaṃ ‘‘ārammaṇapaccayasadisa’’nti. Tattha kiñcāpi na sabbe kusalākusalābyākatā ārammaṇūpanissayaṃ labhanti, ye pana labhanti, tesaṃ vasenetaṃ vuttanti veditabbaṃ.
61. бурзж̇аад̇абажжаяз вад̇т̇ум̣ бурзж̇аад̇абажжаяаад̇и вад̇т̇ум̣ бадижжа вад̇т̇унаа бурзж̇аад̇абажжаяад̇ам̣ саад̇хзнд̇зна уббаж̇ж̇анд̇ийд̇и ад̇т̇о. вибаагааб̣яаагад̇ам̣ згам̣ канд̇ханд̇и зд̇т̇а яам̣ вибаагааб̣яаагад̇асса вад̇т̇у огганд̇игкан̣з сахаж̇аад̇абажжаяо ход̇и, д̇ам̣ бурзж̇аад̇абажжаяабхааж̇анияад̇д̇аа ид̇ха на г̇ахзд̇аб̣б̣ам̣. язби гусалаад̣̇аяо ааруббз бурзж̇аад̇абажжаяам̣ на лабханд̇и, д̇зби бурзж̇аад̇абажжаяабхааж̇анияад̇оязва ид̇ха на г̇ахзд̇аб̣б̣аа. аарамман̣ам̣ бана нияамад̇о бурзж̇аад̇абажжаяабхаавам̣ на лабхад̇и. руубааяад̇анаад̣̇ийни хи жагкувин̃н̃аан̣аад̣̇ийнам̣язва бурзж̇аад̇абажжаяад̇ам̣ саад̇хзнд̇и, мановин̃н̃аан̣ад̇хаад̇уяаа ад̇ийд̇аанааг̇ад̇ааниби аарамман̣ам̣ хонд̇иязва. д̇асмаа ид̇ха на г̇ахид̇ам̣. канд̇хавасзна хи аяам̣ д̣̇зсанаа, на вин̃н̃аан̣ад̇хаад̇увасзна. ‘‘вибаагааб̣яаагад̇ам̣ згам̣ канд̇ха’’нд̇и д̣̇зсанааяа жа саб̣б̣ааби вин̃н̃аан̣ад̇хаад̇уяо г̇ахид̇аа, на жагкувин̃н̃аан̣ад̇хаад̇уаад̣̇аяо зваад̇и.
61. Purejātapaccaye vatthuṃ purejātapaccayāti vatthuṃ paṭicca vatthunā purejātapaccayataṃ sādhentena uppajjantīti attho. Vipākābyākataṃ ekaṃ khandhanti ettha yaṃ vipākābyākatassa vatthu okkantikkhaṇe sahajātapaccayo hoti, taṃ purejātapaccayabhājaniyattā idha na gahetabbaṃ. Yepi kusalādayo āruppe purejātapaccayaṃ na labhanti, tepi purejātapaccayabhājaniyatoyeva idha na gahetabbā. Ārammaṇaṃ pana niyamato purejātapaccayabhāvaṃ na labhati. Rūpāyatanādīni hi cakkhuviññāṇādīnaṃyeva purejātapaccayataṃ sādhenti, manoviññāṇadhātuyā atītānāgatānipi ārammaṇaṃ hontiyeva. Tasmā idha na gahitaṃ. Khandhavasena hi ayaṃ desanā, na viññāṇadhātuvasena. ‘‘Vipākābyākataṃ ekaṃ khandha’’nti desanāya ca sabbāpi viññāṇadhātuyo gahitā, na cakkhuviññāṇadhātuādayo evāti.
бажчааж̇аад̇о гусалаагусалаанам̣ бажжаяо на ход̇и, аб̣яаагад̇ассаби убад̇т̇амбхагова на ж̇анаго, д̇асмаа ‘‘уббаж̇ж̇ад̇и бажчааж̇аад̇абажжаяаа’’д̇и звам̣ вад̇д̇аб̣б̣о згад̇хаммоби над̇т̇ийд̇и бажчааж̇аад̇абажжаяавасзна виссаж̇ж̇анам̣ на гад̇ам̣.
Pacchājāto kusalākusalānaṃ paccayo na hoti, abyākatassapi upatthambhakova na janako, tasmā ‘‘uppajjati pacchājātapaccayā’’ti evaṃ vattabbo ekadhammopi natthīti pacchājātapaccayavasena vissajjanaṃ na kataṃ.
62. аасзванабажжаяз гаамам̣ саб̣б̣аа гирияаа аасзванабажжаяам̣ на лабханд̇и, лаб̣бхамаанавасзна бана ‘‘гирияааб̣яаагад̇а’’нд̇и вуд̇д̇ам̣. д̇асмаа ж̇аванагирияаавзд̇т̇а г̇ахид̇аад̇и взд̣̇ид̇аб̣б̣аа.
62. Āsevanapaccaye kāmaṃ sabbā kiriyā āsevanapaccayaṃ na labhanti, labbhamānavasena pana ‘‘kiriyābyākata’’nti vuttaṃ. Tasmā javanakiriyāvettha gahitāti veditabbā.
63. гаммабажжаяз гусалаагусалзсу згагкан̣иго гаммабажжаяо взд̣̇ид̇аб̣б̣о, д̇ат̇аа гирияааб̣яаагад̇з. вибаагааб̣яаагад̇з бана наанаагкан̣игоби, д̇ат̇аа бадисанд̇хигкан̣з махаабхууд̇аанам̣. жид̇д̇асамудтаанаанам̣ бана згагкан̣иго. гадад̇д̇ааруубаанам̣ наанаагкан̣игова д̇ат̇аа асан̃н̃асад̇д̇аруубаанам̣. гадад̇д̇ааруубам̣ банзд̇т̇а ж̇ийвид̇инд̣̇рияам̣. сзсам̣ на зганд̇ад̇о гаммасамудтаанад̇д̇аа убаад̣̇ааруубанд̇и вуд̇д̇ам̣. звам̣ санд̇зби ид̇ха гаммасамудтаанамзва ад̇хиббзд̇ам̣.
63. Kammapaccaye kusalākusalesu ekakkhaṇiko kammapaccayo veditabbo, tathā kiriyābyākate. Vipākābyākate pana nānākkhaṇikopi, tathā paṭisandhikkhaṇe mahābhūtānaṃ. Cittasamuṭṭhānānaṃ pana ekakkhaṇiko. Kaṭattārūpānaṃ nānākkhaṇikova tathā asaññasattarūpānaṃ. Kaṭattārūpaṃ panettha jīvitindriyaṃ. Sesaṃ na ekantato kammasamuṭṭhānattā upādārūpanti vuttaṃ. Evaṃ santepi idha kammasamuṭṭhānameva adhippetaṃ.
64. вибаагабажжаяз гусалаагусалам̣ гирияан̃жа на лаб̣бхад̇ийд̇и аб̣яаагад̇авасзнзва виссаж̇ж̇анам̣ гад̇ам̣. жид̇д̇асамудтаананд̇и вибаагажид̇д̇асамудтаанамзва. гадад̇д̇ааруубанд̇и яат̇аалаабхавасзна инд̣̇рияаруубан̃жа вад̇т̇уруубан̃жа. убаад̣̇ааруубанд̇и д̇ад̣̇авасзсам̣ д̇асмим̣ самаяз виж̇ж̇амаанагам̣ убаад̣̇ааруубам̣.
64. Vipākapaccaye kusalākusalaṃ kiriyañca na labbhatīti abyākatavaseneva vissajjanaṃ kataṃ. Cittasamuṭṭhānanti vipākacittasamuṭṭhānameva. Kaṭattārūpanti yathālābhavasena indriyarūpañca vatthurūpañca. Upādārūpanti tadavasesaṃ tasmiṃ samaye vijjamānakaṃ upādārūpaṃ.
65. аахаарабажжаяз саб̣б̣зсамби гусалаад̣̇ийнам̣ канд̇хаанам̣ жид̇д̇асамудтаанаруубасса жа аруубаахааравасзна уббад̇д̇и взд̣̇ид̇аб̣б̣аа, д̇ат̇аа бадисанд̇хигкан̣з махаабхууд̇аанам̣. жид̇д̇асамудтаананд̇и бхаван̇г̇аад̣̇ижид̇д̇асамудтаанам̣. аахаарасамудтаананд̇и габ̣ал̣ийгаараахаарасамудтаанам̣ . жид̇д̇асамудтаананд̇и гусалаагусалажид̇д̇асамудтаанамзва. бажжаяавибхан̇г̇аваарз аахаарабадибаадияаа батамам̣ габ̣ал̣ийгааро аахааро д̣̇ассид̇о, ид̇ха бана гусалам̣ д̇хамманд̇и бужчаавасзна батамам̣ аруубаахаараа д̣̇ассид̇аад̇и взд̣̇ид̇аб̣б̣аа.
65. Āhārapaccaye sabbesampi kusalādīnaṃ khandhānaṃ cittasamuṭṭhānarūpassa ca arūpāhāravasena uppatti veditabbā, tathā paṭisandhikkhaṇe mahābhūtānaṃ. Cittasamuṭṭhānanti bhavaṅgādicittasamuṭṭhānaṃ. Āhārasamuṭṭhānanti kabaḷīkārāhārasamuṭṭhānaṃ . Cittasamuṭṭhānanti kusalākusalacittasamuṭṭhānameva. Paccayavibhaṅgavāre āhārapaṭipāṭiyā paṭhamaṃ kabaḷīkāro āhāro dassito, idha pana kusalaṃ dhammanti pucchāvasena paṭhamaṃ arūpāhārā dassitāti veditabbā.
66. инд̣̇рияабажжаяз бажжаяавибхан̇г̇з инд̣̇рияабадибаадияаа батамам̣ жагкунд̣̇рияаад̣̇ийни д̣̇ассид̇аани, ид̇ха бана гусалаад̣̇ибужчаавасзна батамам̣ аруубинд̣̇рияаанам̣ бажжаяад̇аа д̣̇ассид̇аа. д̇ад̇т̇а гусалаад̣̇ийсу яат̇аалаабхавасзна аруубинд̣̇рияаа г̇ахзд̇аб̣б̣аа. асан̃н̃асад̇д̇аанам̣ бхууд̇аруубзсуби ж̇ийвид̇инд̣̇рияанд̇и.
66. Indriyapaccaye paccayavibhaṅge indriyapaṭipāṭiyā paṭhamaṃ cakkhundriyādīni dassitāni, idha pana kusalādipucchāvasena paṭhamaṃ arūpindriyānaṃ paccayatā dassitā. Tattha kusalādīsu yathālābhavasena arūpindriyā gahetabbā. Asaññasattānaṃ bhūtarūpesupi jīvitindriyanti.
67. жхаанамаг̇г̇абажжаязсу хзд̇убажжаяасад̣̇исамзва виссаж̇ж̇анам̣, д̇знзвзд̇т̇а ‘‘хзд̇убажжаяасад̣̇иса’’нд̇и вуд̇д̇ам̣.
67. Jhānamaggapaccayesu hetupaccayasadisameva vissajjanaṃ, tenevettha ‘‘hetupaccayasadisa’’nti vuttaṃ.
68. самбаяуд̇д̇абажжаяз виссаж̇ж̇анам̣ аарамман̣абажжаяаг̇ад̇игам̣, д̇знзвзд̇т̇а ‘‘аарамман̣абажжаяасад̣̇иса’’нд̇и вуд̇д̇ам̣.
68. Sampayuttapaccaye vissajjanaṃ ārammaṇapaccayagatikaṃ, tenevettha ‘‘ārammaṇapaccayasadisa’’nti vuttaṃ.
69. виббаяуд̇д̇абажжаяз вад̇т̇ум̣ виббаяуд̇д̇абажжаяаад̇и вад̇т̇ум̣ бадижжа виббаяуд̇д̇абажжаяаа, вад̇т̇унаа виббаяуд̇д̇абажжаяад̇ам̣ саад̇хзнд̇зна уббаж̇ж̇анд̇ийд̇и ад̇т̇о. канд̇хз виббаяуд̇д̇абажжаяаад̇и канд̇хз бадижжа виббаяуд̇д̇абажжаяаа, канд̇хзхи виббаяуд̇д̇абажжаяад̇ам̣ саад̇хзнд̇зхи уббаж̇ж̇ад̇ийд̇и ад̇т̇о. канд̇хаа вад̇т̇ум̣ виббаяуд̇д̇абажжаяаад̇и вад̇т̇ум̣ бадижжа канд̇хаа виббаяуд̇д̇абажжаяаа. вад̇т̇унаа виббаяуд̇д̇абажжаяад̇ам̣ саад̇хзнд̇зна уббаж̇ж̇анд̇ийд̇и ад̇т̇о. жид̇д̇асамудтаанаруубам̣ канд̇хз виббаяуд̇д̇абажжаяаад̇и канд̇хз бадижжа виббаяуд̇д̇абажжаяаа жид̇д̇асамудтаанам̣ руубам̣ канд̇хзхи виббаяуд̇д̇абажжаяад̇ам̣ саад̇хзнд̇зхи уббаж̇ж̇ад̇ийд̇и ад̇т̇о. сзсависсаж̇ж̇анзсуби вад̇т̇ум̣ виббаяуд̇д̇абажжаяаад̇иаад̣̇ийсуби вуд̇д̇анаязнзвад̇т̇о взд̣̇ид̇аб̣б̣о. вибаагааб̣яаагад̇з жзд̇т̇а вад̇т̇уг̇г̇ахан̣зна жагкаад̣̇ийни сан̇г̇ахид̇аб̣б̣аани. згам̣ махаабхууд̇анд̇иаад̣̇и руубааб̣яаагад̇асса бажжаяабхаавам̣ д̣̇ассзд̇ум̣ вуд̇д̇ам̣. жид̇д̇асамудтаананд̇и аб̣яаагад̇ажид̇д̇асамудтаанамби гусалаагусалажид̇д̇асамудтаанамби.
69. Vippayuttapaccaye vatthuṃ vippayuttapaccayāti vatthuṃ paṭicca vippayuttapaccayā, vatthunā vippayuttapaccayataṃ sādhentena uppajjantīti attho. Khandhe vippayuttapaccayāti khandhe paṭicca vippayuttapaccayā, khandhehi vippayuttapaccayataṃ sādhentehi uppajjatīti attho. Khandhā vatthuṃ vippayuttapaccayāti vatthuṃ paṭicca khandhā vippayuttapaccayā. Vatthunā vippayuttapaccayataṃ sādhentena uppajjantīti attho. Cittasamuṭṭhānarūpaṃ khandhe vippayuttapaccayāti khandhe paṭicca vippayuttapaccayā cittasamuṭṭhānaṃ rūpaṃ khandhehi vippayuttapaccayataṃ sādhentehi uppajjatīti attho. Sesavissajjanesupi vatthuṃ vippayuttapaccayātiādīsupi vuttanayenevattho veditabbo. Vipākābyākate cettha vatthuggahaṇena cakkhādīni saṅgahitabbāni. Ekaṃ mahābhūtantiādi rūpābyākatassa paccayabhāvaṃ dassetuṃ vuttaṃ. Cittasamuṭṭhānanti abyākatacittasamuṭṭhānampi kusalākusalacittasamuṭṭhānampi.
70. ад̇т̇ибажжаяз саб̣б̣ам̣ сахаж̇аад̇абажжаяаг̇ад̇игам̣. д̇знзвзд̇т̇а ‘‘сахаж̇аад̇абажжаяасад̣̇иса’’нд̇и вуд̇д̇ам̣.
70. Atthipaccaye sabbaṃ sahajātapaccayagatikaṃ. Tenevettha ‘‘sahajātapaccayasadisa’’nti vuttaṃ.
71-72. над̇т̇ивиг̇ад̇аа аарамман̣абажжаяаг̇ад̇игаа, авиг̇ад̇ам̣ сахаж̇аад̇аг̇ад̇игам̣. д̇знзвзд̇т̇а ‘‘аарамман̣абажжаяасад̣̇исам̣, сахаж̇аад̇абажжаяасад̣̇иса’’нд̇и вуд̇д̇ам̣ . имз д̇звийсад̇и бажжаяаад̇и сан̇кибид̇ваа д̣̇ассид̇аанам̣ васзнзд̇ам̣ вуд̇д̇ам̣. вид̇т̇аарзд̇аб̣б̣аад̇и яаа бужчаа виссаж̇ж̇анам̣ лабханд̇и, д̇аасам̣ васзна вид̇т̇аарзд̇аб̣б̣аа. аяам̣ хзд̇убажжаяам̣ аад̣̇им̣ гад̇ваа згамуулагз бажжаяаануломз бадижжаваарасса гусалад̇д̇игависсаж̇ж̇анз ад̇т̇аван̣н̣анаа.
71-72. Natthivigatā ārammaṇapaccayagatikā, avigataṃ sahajātagatikaṃ. Tenevettha ‘‘ārammaṇapaccayasadisaṃ, sahajātapaccayasadisa’’nti vuttaṃ . Ime tevīsati paccayāti saṅkhipitvā dassitānaṃ vasenetaṃ vuttaṃ. Vitthāretabbāti yā pucchā vissajjanaṃ labhanti, tāsaṃ vasena vitthāretabbā. Ayaṃ hetupaccayaṃ ādiṃ katvā ekamūlake paccayānulome paṭiccavārassa kusalattikavissajjane atthavaṇṇanā.
(2.) сан̇кяаавааро
(2.) Saṅkhyāvāro
73. ид̣̇аани яз зд̇т̇а хзд̇убажжаяаад̣̇ийсу згзгасмим̣ бажжаяз виссаж̇ж̇анаваараа лад̣̇д̇хаа, д̇з г̇ан̣анавасзна д̣̇ассзд̇ум̣ хзд̇уяаа наваад̇иаад̣̇и аарад̣̇д̇хам̣. д̇ад̇т̇а хзд̇уяаа наваад̇и хзд̇убажжаяз нава бужчаависсаж̇ж̇анаваараа хонд̇и. сзяяат̇ид̣̇ам̣ – гусалзна гусалам̣, гусалзна аб̣яаагад̇ам̣, гусалзна гусалааб̣яаагад̇ам̣; агусалзна агусалам̣, агусалзна аб̣яаагад̇ам̣, агусалзна агусалааб̣яаагад̇ам̣, аб̣яаагад̇зна аб̣яаагад̇ам̣, гусалааб̣яаагад̇зна аб̣яаагад̇ам̣, агусалааб̣яаагад̇зна аб̣яаагад̇анд̇и.
73. Idāni ye ettha hetupaccayādīsu ekekasmiṃ paccaye vissajjanavārā laddhā, te gaṇanavasena dassetuṃ hetuyā navātiādi āraddhaṃ. Tattha hetuyā navāti hetupaccaye nava pucchāvissajjanavārā honti. Seyyathidaṃ – kusalena kusalaṃ, kusalena abyākataṃ, kusalena kusalābyākataṃ; akusalena akusalaṃ, akusalena abyākataṃ, akusalena akusalābyākataṃ, abyākatena abyākataṃ, kusalābyākatena abyākataṃ, akusalābyākatena abyākatanti.
аарамман̣з д̇ийн̣ийд̇и гусалзна гусалам̣, агусалзна агусалам̣, аб̣яаагад̇зна аб̣яаагад̇ам̣. ад̇хибад̇ияаа наваад̇и хзд̇уяаа вуд̇д̇асад̣̇исаава. д̣̇ваад̣̇асасу хи бажжаязсу нава наваад̇и вуд̇д̇ам̣. саб̣б̣зсуби бужчаависсаж̇ж̇анаани хзд̇убажжаяасад̣̇исаанзва. вибхан̇г̇з бана ад̇т̇и висзсо. д̣̇асасу бажжаязсу д̇ийн̣и д̇ийн̣ийд̇и вуд̇д̇ам̣. саб̣б̣зсуби бужчаависсаж̇ж̇анаани аарамман̣асад̣̇исаанзва. вибхан̇г̇з бана ад̇т̇и висзсо. ан̃н̃аман̃н̃абажжаяасмин̃хи аб̣яаагад̇абад̣̇асса виссаж̇ж̇анз руубамби лаб̣бхад̇и, д̇ат̇аа бурзж̇аад̇абажжаяз. аасзванабажжаяз вибаагаани жзва вийт̇ижид̇д̇аани жа на лаб̣бханд̇и. вибаагз зганд̇и аб̣яаагад̇амзва. звамзд̇т̇а сан̇кзбад̇о нава д̇ийн̣и зганд̇и, д̇ивид̇хова ваарабарижчзд̣̇о. вид̇т̇аарад̇о д̣̇ваад̣̇аса навагаа, д̣̇аса д̇игаа, згам̣ згаганд̇и саб̣б̣зсуби д̇звийсад̇ияаа бажжаязсу згуунажад̇д̇аалийсаад̇хигам̣ ваарасад̇ам̣ ход̇и, згуунажад̇д̇аалийсаад̇хиган̃жа бужчаасад̇ам̣. згуунажад̇д̇аалийсаад̇хигам̣ бужчаависсаж̇ж̇анасад̇анд̇иби д̇ассзва наамам̣.
Ārammaṇetīṇīti kusalena kusalaṃ, akusalena akusalaṃ, abyākatena abyākataṃ. Adhipatiyā navāti hetuyā vuttasadisāva. Dvādasasu hi paccayesu nava navāti vuttaṃ. Sabbesupi pucchāvissajjanāni hetupaccayasadisāneva. Vibhaṅge pana atthi viseso. Dasasu paccayesu tīṇi tīṇīti vuttaṃ. Sabbesupi pucchāvissajjanāni ārammaṇasadisāneva. Vibhaṅge pana atthi viseso. Aññamaññapaccayasmiñhi abyākatapadassa vissajjane rūpampi labbhati, tathā purejātapaccaye. Āsevanapaccaye vipākāni ceva vīthicittāni ca na labbhanti. Vipāke ekanti abyākatameva. Evamettha saṅkhepato nava tīṇi ekanti, tividhova vāraparicchedo. Vitthārato dvādasa navakā, dasa tikā, ekaṃ ekakanti sabbesupi tevīsatiyā paccayesu ekūnacattālīsādhikaṃ vārasataṃ hoti, ekūnacattālīsādhikañca pucchāsataṃ. Ekūnacattālīsādhikaṃ pucchāvissajjanasatantipi tasseva nāmaṃ.
74. звам̣ хзд̇убажжаяаад̣̇игз згамуулагз г̇ан̣анам̣ д̣̇ассзд̇ваа ид̇о барзсу д̣̇умуулагаад̣̇ийсу вид̇т̇аарад̣̇зсанам̣ сан̇кибид̇ваа згамуулагз д̣̇ассид̇ааяа д̣̇зсанааяа лаб̣бхамаанаг̇ан̣анан̃н̃зва аад̣̇ааяа ваарабарижчзд̣̇ам̣ д̣̇ассзд̇ум̣ д̣̇умуулагз д̇аава хзд̇убажжаяаа аарамман̣з д̇ийн̣ийд̇иаад̣̇имааха. д̇ад̇рид̣̇ам̣ лагкан̣ам̣ – б̣ахуг̇ан̣аноби бажжаяо аб̣ахуг̇ан̣анзна сад̣̇д̇хим̣ яуд̇д̇о д̇зна самаанаг̇ан̣анова ход̇и. д̇зна вуд̇д̇ам̣ ‘‘хзд̇убажжаяаа аарамман̣з д̇ийн̣ий’’д̇и. хзд̇уаарамман̣ад̣̇угз аарамман̣з вуд̇д̇аани д̇ийн̣зва виссаж̇ж̇анаани лаб̣бханд̇ийд̇и ад̇т̇о. самаанаг̇ан̣ано бана самаанаг̇ан̣анзна сад̣̇д̇хим̣ яуд̇д̇о абарихийнаг̇ан̣анова ход̇и. д̇зна вуд̇д̇ам̣ ‘‘хзд̇убажжаяаа ад̇хибад̇ияаа наваа’’д̇и. хзд̇аад̇хибад̇ид̣̇угз навзва виссаж̇ж̇анаани лаб̣бханд̇ийд̇и ад̇т̇о. вибаагз зганд̇и хзд̇увибаагад̣̇угз вибаагз вуд̇д̇ам̣ згамзва виссаж̇ж̇анам̣ лаб̣бхад̇ийд̇и звам̣ д̇аава д̣̇умуулагз ваарабарижчзд̣̇о взд̣̇ид̇аб̣б̣о.
74. Evaṃ hetupaccayādike ekamūlake gaṇanaṃ dassetvā ito paresu dumūlakādīsu vitthāradesanaṃ saṅkhipitvā ekamūlake dassitāya desanāya labbhamānagaṇanaññeva ādāya vāraparicchedaṃ dassetuṃ dumūlake tāva hetupaccayā ārammaṇe tīṇītiādimāha. Tatridaṃ lakkhaṇaṃ – bahugaṇanopi paccayo abahugaṇanena saddhiṃ yutto tena samānagaṇanova hoti. Tena vuttaṃ ‘‘hetupaccayā ārammaṇe tīṇī’’ti. Hetuārammaṇaduke ārammaṇe vuttāni tīṇeva vissajjanāni labbhantīti attho. Samānagaṇano pana samānagaṇanena saddhiṃ yutto aparihīnagaṇanova hoti. Tena vuttaṃ ‘‘hetupaccayā adhipatiyā navā’’ti. Hetādhipatiduke naveva vissajjanāni labbhantīti attho. Vipāke ekanti hetuvipākaduke vipāke vuttaṃ ekameva vissajjanaṃ labbhatīti evaṃ tāva dumūlake vāraparicchedo veditabbo.
75. д̇имуулагаад̣̇ийсуби ид̣̇амзва лагкан̣ам̣. д̇знзвааха – хзд̇убажжаяаа аарамман̣абажжаяаа ад̇хибад̇ияаа д̇ийн̣ийд̇и. хзд̇аарамман̣аад̇хибад̇и д̇игз аарамман̣з вуд̇д̇аани д̇ийн̣зва виссаж̇ж̇анаани лаб̣бханд̇ийд̇и ад̇т̇о. звам̣ саб̣б̣ад̇т̇а наяо нзд̇аб̣б̣о.
75. Timūlakādīsupi idameva lakkhaṇaṃ. Tenevāha – hetupaccayā ārammaṇapaccayā adhipatiyā tīṇīti. Hetārammaṇādhipati tike ārammaṇe vuttāni tīṇeva vissajjanāni labbhantīti attho. Evaṃ sabbattha nayo netabbo.
76-79. д̣̇ваад̣̇асамуулагз бана вибаагабажжаяо на лаб̣бхад̇и, д̇асмаа аасзванабажжаяаа гаммз д̇ийн̣ийд̇и вад̇ваа вибаагам̣ абараамасид̇ваа аахаарз д̇ийн̣ийд̇и вуд̇д̇ам̣. д̇зрасамуулагаад̣̇ийсуби зсзва наяо. д̇з бана сан̇кибид̇ваа д̇звийсад̇имуулаговзд̇т̇а д̣̇ассид̇о. со д̣̇увид̇хо ход̇и – саасзвано ваа савибааго ваа. д̇ад̇т̇а батамам̣ саасзвано д̣̇ассид̇о, со д̇ийн̣зва виссаж̇ж̇анаани лабхад̇и. д̇зна вуд̇д̇ам̣ ‘‘аасзванабажжаяаа авиг̇ад̇з д̇ийн̣ий’’д̇и. савибааго бана аасзванам̣ на лабхад̇и, д̇асмаа д̇ам̣ бахааяа вибаагавасзна г̇ан̣анааяа д̣̇ассанад̇т̇ам̣ ананд̇арааязва ‘‘хзд̇убажжаяаа…бз… вибаагабажжаяаа аахаарз зга’’нд̇и згам̣ наяам̣ д̣̇ассзд̇ваа бажчаа д̇звийсад̇имуулагова д̣̇ассид̇о. зд̇зсу бана д̣̇вийсу д̇звийсад̇имуулагзсу гин̃жааби згасмим̣ вибаагабажжаяо над̇т̇и, згасмим̣ аасзванабажжаяо, бажчааж̇аад̇абажжаяо бана убхаяад̇т̇ааби. рул̣хийсад̣̇д̣̇зна банзд̇з д̇звийсад̇имуулагаад̇взва взд̣̇ид̇аб̣б̣аа. д̇зсу саасзванз аасзванасса васзна саб̣б̣ад̇т̇а д̇ийн̣зва виссаж̇ж̇анаани, савибаагз вибаагабажжаяасса васзна згамзваад̇и аяам̣ хзд̇убажжаяам̣ аад̣̇им̣ гад̇ваа згамуулагаад̣̇ийсу г̇ан̣анаа.
76-79. Dvādasamūlake pana vipākapaccayo na labbhati, tasmā āsevanapaccayā kamme tīṇīti vatvā vipākaṃ aparāmasitvā āhāre tīṇīti vuttaṃ. Terasamūlakādīsupi eseva nayo. Te pana saṅkhipitvā tevīsatimūlakovettha dassito. So duvidho hoti – sāsevano vā savipāko vā. Tattha paṭhamaṃ sāsevano dassito, so tīṇeva vissajjanāni labhati. Tena vuttaṃ ‘‘āsevanapaccayā avigate tīṇī’’ti. Savipāko pana āsevanaṃ na labhati, tasmā taṃ pahāya vipākavasena gaṇanāya dassanatthaṃ anantarāyeva ‘‘hetupaccayā…pe… vipākapaccayā āhāre eka’’nti ekaṃ nayaṃ dassetvā pacchā tevīsatimūlakova dassito. Etesu pana dvīsu tevīsatimūlakesu kiñcāpi ekasmiṃ vipākapaccayo natthi, ekasmiṃ āsevanapaccayo, pacchājātapaccayo pana ubhayatthāpi. Ruḷhīsaddena panete tevīsatimūlakātveva veditabbā. Tesu sāsevane āsevanassa vasena sabbattha tīṇeva vissajjanāni, savipāke vipākapaccayassa vasena ekamevāti ayaṃ hetupaccayaṃ ādiṃ katvā ekamūlakādīsu gaṇanā.
яам̣ банзд̇ам̣ хзд̇умуулагаананд̇арам̣ ‘‘аарамман̣з тид̇зна саб̣б̣ад̇т̇а д̇ийн̣зва бан̃хаа’’д̇и вуд̇д̇ам̣, д̇ам̣ аарамман̣абажжаяам̣ аад̣̇им̣ гад̇ваа згамуулагзби д̣̇умуулагаад̣̇ийсуби саб̣б̣ад̇т̇а аарамман̣абад̣̇з жзва аарамман̣зна сад̣̇д̇хим̣ сзсабажжаяаяож̇анаасу жа яад̇т̇а навахи бхавид̇аб̣б̣ам̣, д̇ад̇т̇а д̇аяова бан̃хаа хонд̇ийд̇и д̣̇ассанад̇т̇ам̣ вуд̇д̇ам̣. вибаагабад̣̇з бана вибаагабад̣̇зна сад̣̇д̇хим̣ сзсабажжаяаяож̇анаасу жа згова бан̃хо ход̇ийд̇и. ид̇и яам̣ хздтаа авожумха ‘‘б̣ахуг̇ан̣аноби бажжаяо аб̣ахуг̇ан̣анзна сад̣̇д̇хим̣ яуд̇д̇о д̇зна самаанаг̇ан̣ано ход̇ий’’д̇и, д̇ам̣ сувуд̇д̇амзва.
Yaṃ panetaṃ hetumūlakānantaraṃ ‘‘ārammaṇe ṭhitena sabbattha tīṇeva pañhā’’ti vuttaṃ, taṃ ārammaṇapaccayaṃ ādiṃ katvā ekamūlakepi dumūlakādīsupi sabbattha ārammaṇapade ceva ārammaṇena saddhiṃ sesapaccayayojanāsu ca yattha navahi bhavitabbaṃ, tattha tayova pañhā hontīti dassanatthaṃ vuttaṃ. Vipākapade pana vipākapadena saddhiṃ sesapaccayayojanāsu ca ekova pañho hotīti. Iti yaṃ heṭṭhā avocumha ‘‘bahugaṇanopi paccayo abahugaṇanena saddhiṃ yutto tena samānagaṇano hotī’’ti, taṃ suvuttameva.
80-85. ид̣̇аани яз аарамман̣аад̣̇ийнам̣ бажжаяаанам̣ васзна згамуулагаад̣̇аяо д̣̇ассзд̇аб̣б̣аа, д̇зсу згамуулаго д̇аава хзд̇узгамуулагзнзва сад̣̇исод̇и згасмимби бажжаяз на д̣̇ассид̇о. аарамман̣абажжаяавасзна бана д̣̇умуулагз г̇ан̣анам̣ д̣̇ассзд̇ум̣ аарамман̣абажжаяаа хзд̇уяаа д̇ийн̣и, ад̇хибад̇ияаа д̇ийн̣и…бз… авиг̇ад̇з д̇ийн̣ийд̇и вуд̇д̇ам̣. зд̇т̇а жа ‘‘аарамман̣абажжаяаа ад̇хибад̇ияаа д̇ийн̣и…бз… авиг̇ад̇з д̇ийн̣ий’’д̇и вад̇д̇аб̣б̣з яз хзд̇убажжаяаад̣̇аяо бажжаяаа б̣ахуг̇ан̣анаа, д̇зсам̣ уунад̇араг̇ан̣анзхи жа самаанаг̇ан̣анзхи жа сад̣̇д̇хим̣ сам̣санд̣̇анз яаа г̇ан̣анаа лаб̣бхад̇и, д̇ам̣ д̣̇ассзд̇ум̣ аарамман̣абажжаяасса буримабхааг̇з тид̇амби хзд̇убажжаяам̣ бажчимабхааг̇зва табзд̇ваа ‘‘аарамман̣абажжаяаа хзд̇уяаа д̇ийн̣ий’’д̇и вуд̇д̇ам̣. д̇знзд̇ам̣ аави гарод̇и – аарамман̣абажжаяо язна язна б̣ахуд̇араг̇ан̣анзна ваа самаанаг̇ан̣анзна ваа бажжаязна сад̣̇д̇хим̣ д̣̇угад̇игаад̣̇ибхзд̣̇ам̣ г̇ажчад̇и, саб̣б̣ад̇т̇а д̇ийн̣зва бан̃хаависсаж̇ж̇анаани взд̣̇ид̇аб̣б̣аани. вибаагабажжаязна бана сад̣̇д̇хим̣ сам̣санд̣̇анз згамзва лаб̣бхад̇и, д̇ам̣ вибаагабажжаяаад̣̇игааяа г̇ан̣анааяа аави бхависсад̇ийд̇и ид̇ха на д̣̇ассид̇ам̣. яаа жзсаа д̣̇умуулагз г̇ан̣анаа д̣̇ассид̇аа, д̇имуулагаад̣̇ийсуби зсаава г̇ан̣анаад̇и аарамман̣абажжаяавасзна д̇имуулагаад̣̇аяо на вид̇т̇аарид̇аа.
80-85. Idāni ye ārammaṇādīnaṃ paccayānaṃ vasena ekamūlakādayo dassetabbā, tesu ekamūlako tāva hetuekamūlakeneva sadisoti ekasmimpi paccaye na dassito. Ārammaṇapaccayavasena pana dumūlake gaṇanaṃ dassetuṃ ārammaṇapaccayā hetuyā tīṇi, adhipatiyā tīṇi…pe… avigate tīṇīti vuttaṃ. Ettha ca ‘‘ārammaṇapaccayā adhipatiyā tīṇi…pe… avigate tīṇī’’ti vattabbe ye hetupaccayādayo paccayā bahugaṇanā, tesaṃ ūnataragaṇanehi ca samānagaṇanehi ca saddhiṃ saṃsandane yā gaṇanā labbhati, taṃ dassetuṃ ārammaṇapaccayassa purimabhāge ṭhitampi hetupaccayaṃ pacchimabhāgeva ṭhapetvā ‘‘ārammaṇapaccayā hetuyā tīṇī’’ti vuttaṃ. Tenetaṃ āvi karoti – ārammaṇapaccayo yena yena bahutaragaṇanena vā samānagaṇanena vā paccayena saddhiṃ dukatikādibhedaṃ gacchati, sabbattha tīṇeva pañhāvissajjanāni veditabbāni. Vipākapaccayena pana saddhiṃ saṃsandane ekameva labbhati, taṃ vipākapaccayādikāya gaṇanāya āvi bhavissatīti idha na dassitaṃ. Yā cesā dumūlake gaṇanā dassitā, timūlakādīsupi esāva gaṇanāti ārammaṇapaccayavasena timūlakādayo na vitthāritā.
ид̣̇аани ад̇хибад̇ибажжаяаад̣̇ивасзна д̣̇умуулагаад̣̇ийсу г̇ан̣анам̣ д̣̇ассзд̇ум̣ ад̇хибад̇ибажжаяаа хзд̇уяаа наваад̇иаад̣̇и вуд̇д̇ам̣. д̇ад̇т̇ааби вуд̇д̇анаязнзва бажжаяасаннивзсо взд̣̇ид̇аб̣б̣о. яат̇аа жа ад̇хибад̇ибажжаяаа хзд̇уяаа нава, звам̣ сзсзсуби хзд̇унаа самаанаг̇ан̣анаасу навзва. ид̇и яо яо бажжаяо аад̣̇имхи д̇идтад̇и, д̇зна д̇зна сад̣̇д̇хим̣ самаанаг̇ан̣анаанам̣ сам̣санд̣̇анз аад̣̇имхи тид̇асса васзна г̇ан̣анаа ход̇и. д̇зна бана сад̣̇д̇хим̣ уунад̇араг̇ан̣анаанам̣ сам̣санд̣̇анз уунад̇араг̇ан̣анаанам̣язва васзна г̇ан̣анаа ход̇ийд̇и взд̣̇ид̇аб̣б̣о. яат̇аа жа аарамман̣абажжаяавасзна звам̣ ад̇хибад̇ибажжаяавасзнааби д̇ад̇о барзсам̣ ананд̇араад̣̇ийнам̣ васзнааби д̇имуулагаад̣̇аяо на вид̇т̇аарид̇аа. д̇асмаа д̣̇умуулагз д̣̇ассид̇аг̇ан̣анаавасзнзва саб̣б̣ад̇т̇а саад̇хзд̇аб̣б̣аа. д̇знзва вуд̇д̇ам̣ ‘‘згзгам̣ бажжаяам̣ муулагам̣ гаад̇уна саж̇жхааяамаг̇г̇зна г̇ан̣зд̇аб̣б̣аа’’д̇и.
Idāni adhipatipaccayādivasena dumūlakādīsu gaṇanaṃ dassetuṃ adhipatipaccayā hetuyā navātiādi vuttaṃ. Tatthāpi vuttanayeneva paccayasanniveso veditabbo. Yathā ca adhipatipaccayā hetuyā nava, evaṃ sesesupi hetunā samānagaṇanāsu naveva. Iti yo yo paccayo ādimhi tiṭṭhati, tena tena saddhiṃ samānagaṇanānaṃ saṃsandane ādimhi ṭhitassa vasena gaṇanā hoti. Tena pana saddhiṃ ūnataragaṇanānaṃ saṃsandane ūnataragaṇanānaṃyeva vasena gaṇanā hotīti veditabbo. Yathā ca ārammaṇapaccayavasena evaṃ adhipatipaccayavasenāpi tato paresaṃ anantarādīnaṃ vasenāpi timūlakādayo na vitthāritā. Tasmā dumūlake dassitagaṇanāvaseneva sabbattha sādhetabbā. Teneva vuttaṃ ‘‘ekekaṃ paccayaṃ mūlakaṃ kātuna sajjhāyamaggena gaṇetabbā’’ti.
бажжаяаануломаван̣н̣анаа.
Paccayānulomavaṇṇanā.
бадижжавааро
Paṭiccavāro
бажжаяабажжанийяаван̣н̣анаа
Paccayapaccanīyavaṇṇanā
86-87. бажжаяабажжанийяам̣ бана яасмаа гусалабад̣̇з на лаб̣бхад̇и гусалад̇хаммасса хзд̇убажжаязна винаа ануббад̇д̇ид̇о, д̇асмаа агусалам̣ д̇хаммам̣ бадижжаад̇иаад̣̇и аарад̣̇д̇хам̣. д̇ад̇т̇а нахзд̇убажжаяаад̇и хзд̇убажжаяабадигкзбо хзд̇убажжаяам̣ винаа ан̃н̃зна бажжаязна уббаж̇ж̇ад̇ийд̇и ад̇т̇о. вижигижчаасахаг̇ад̇о уд̣̇д̇хажжасахаг̇ад̇о моход̇и аяан̃хи самбаяуд̇д̇ад̇хаммаанан̃жзва жид̇д̇асамудтаанаруубасса жа саяам̣ хзд̇убажжаяо ход̇и, ан̃н̃асса бана самбаяуд̇д̇ахзд̇уно абхааваа на хзд̇убажжаяаа уббаж̇ж̇ад̇ийд̇и табзд̇ваа хзд̇убажжаяам̣ сзсзхи ад̇д̇ано ануруубабажжаязхи уббаж̇ж̇ад̇и. иминаа наязна саб̣б̣абажжаяабадигкзбзсу ад̇т̇о взд̣̇ид̇аб̣б̣о. ахзд̇угам̣ вибаагааб̣яаагад̇анд̇и ид̣̇ам̣ руубасамудтаабагавасзнзва взд̣̇ид̇аб̣б̣ам̣. ан̃н̃зсуби зваруубзсу зсзва наяо.
86-87. Paccayapaccanīyaṃ pana yasmā kusalapade na labbhati kusaladhammassa hetupaccayena vinā anuppattito, tasmā akusalaṃ dhammaṃ paṭiccātiādi āraddhaṃ. Tattha nahetupaccayāti hetupaccayapaṭikkhepo hetupaccayaṃ vinā aññena paccayena uppajjatīti attho. Vicikicchāsahagato uddhaccasahagato mohoti ayañhi sampayuttadhammānañceva cittasamuṭṭhānarūpassa ca sayaṃ hetupaccayo hoti, aññassa pana sampayuttahetuno abhāvā na hetupaccayā uppajjatīti ṭhapetvā hetupaccayaṃ sesehi attano anurūpapaccayehi uppajjati. Iminā nayena sabbapaccayapaṭikkhepesu attho veditabbo. Ahetukaṃ vipākābyākatanti idaṃ rūpasamuṭṭhāpakavaseneva veditabbaṃ. Aññesupi evarūpesu eseva nayo.
88. наад̇хибад̇ибажжаяз гаамам̣ ад̇хибад̇иби ад̇д̇анаа сад̣̇д̇хим̣ д̣̇уд̇ияасса ад̇хибад̇ино абхааваа наад̇хибад̇ибажжаяам̣ лабхад̇и, яат̇аа бана вижигижчуд̣̇д̇хажжасахаг̇ад̇о мохо ахзд̇уго, на д̇ат̇аа ад̇хибад̇аяо зва нираад̇хибад̇и. чанд̣̇аад̣̇ийсу бана ан̃н̃ад̇арам̣ ад̇хибад̇им̣ агад̇ваа гусалаад̣̇ийнам̣ уббад̇д̇игаалз саб̣б̣зби гусалаад̣̇аяо нираад̇хибад̇ино. д̇асмаа мохам̣ вияа висум̣ ад̇хибад̇имад̇д̇амзва ануд̣̇д̇харид̇ваа саб̣б̣асан̇г̇аахигавасзна зсаа ‘‘згам̣ канд̇хам̣ бадижжа д̇аяо канд̇хаа’’д̇иаад̣̇игаа д̣̇зсанаа гад̇аад̇и взд̣̇ид̇аб̣б̣аа.
88. Naadhipatipaccaye kāmaṃ adhipatipi attanā saddhiṃ dutiyassa adhipatino abhāvā naadhipatipaccayaṃ labhati, yathā pana vicikicchuddhaccasahagato moho ahetuko, na tathā adhipatayo eva nirādhipati. Chandādīsu pana aññataraṃ adhipatiṃ akatvā kusalādīnaṃ uppattikāle sabbepi kusalādayo nirādhipatino. Tasmā mohaṃ viya visuṃ adhipatimattameva anuddharitvā sabbasaṅgāhikavasena esā ‘‘ekaṃ khandhaṃ paṭicca tayo khandhā’’tiādikā desanā katāti veditabbā.
89. наананд̇аранасамананд̇арзсу наарамман̣з вияа руубамзва бажжаяуббаннам̣. д̇зна вуд̇д̇ам̣ ‘‘наарамман̣абажжаяасад̣̇иса’’нд̇и. сахаж̇аад̇абажжаяо барихийно. яат̇аа жзса, д̇ат̇аа ниссаяаад̇т̇иавиг̇ад̇абажжаяааби. гим̣ гааран̣аа? зд̇зхи винаа гассажи ануббад̇д̇ид̇о. сахаж̇аад̇аниссаяаад̇т̇иавиг̇ад̇абажжаязби хи бажжагкааяа згоби руубааруубад̇хаммо нуббаж̇ж̇ад̇и, д̇асмаа д̇з барихийнаа.
89. Nānantaranasamanantaresu nārammaṇe viya rūpameva paccayuppannaṃ. Tena vuttaṃ ‘‘nārammaṇapaccayasadisa’’nti. Sahajātapaccayo parihīno. Yathā cesa, tathā nissayaatthiavigatapaccayāpi. Kiṃ kāraṇā? Etehi vinā kassaci anuppattito. Sahajātanissayaatthiavigatapaccayepi hi paccakkhāya ekopi rūpārūpadhammo nuppajjati, tasmā te parihīnā.
90. наан̃н̃аман̃н̃абажжаяавибхан̇г̇з бадисанд̇хигкан̣з вибаагааб̣яаагад̇з канд̇хз бадижжа гадад̇д̇ааруубанд̇и хад̣̇аяавад̇т̇уваж̇ж̇ам̣ взд̣̇ид̇аб̣б̣ам̣.
90. Naaññamaññapaccayavibhaṅge paṭisandhikkhaṇe vipākābyākate khandhe paṭicca kaṭattārūpanti hadayavatthuvajjaṃ veditabbaṃ.
91. наубаниссаяабажжаяавибхан̇г̇з руубамзва бажжаяуббаннам̣, д̇ан̃хи убаниссаяам̣ на лабхад̇и. аруубам̣ бана гин̃жааби аарамман̣уубаниссаяабагад̇уубаниссаяз на лабхзяяа, ананд̇аруубаниссаяамуд̇д̇агам̣ бана над̇т̇и. д̇зна вуд̇д̇ам̣ ‘‘наарамман̣абажжаяасад̣̇иса’’нд̇и.
91. Naupanissayapaccayavibhaṅge rūpameva paccayuppannaṃ, tañhi upanissayaṃ na labhati. Arūpaṃ pana kiñcāpi ārammaṇūpanissayapakatūpanissaye na labheyya, anantarūpanissayamuttakaṃ pana natthi. Tena vuttaṃ ‘‘nārammaṇapaccayasadisa’’nti.
92. набурзж̇аад̇з жид̇д̇асамудтаанаруубанд̇и бан̃жавогааравасзна вуд̇д̇ам̣.
92. Napurejāte cittasamuṭṭhānarūpanti pañcavokāravasena vuttaṃ.
93. набажчааж̇аад̇абажжаяаад̇и зд̇т̇а сахаж̇аад̇абурзж̇аад̇абажжаяаа сан̇г̇ахам̣ г̇ажчанд̇и. д̇асмаа сахаж̇аад̇абажжаяасад̣̇исаа зд̇т̇а баал̣и, саа наад̇хибад̇ибажжаяз вид̇т̇аарид̇аад̇и ид̇ха сан̇кид̇д̇аа. наасзванабажжаяз гусалаагусалаа батамаж̇аванавасзна взд̣̇ид̇аб̣б̣аа, д̇ат̇аа гирияааб̣яаагад̇ам̣. баал̣и бана ид̇хааби наад̇хибад̇ибажжаяз вид̇т̇аарид̇авасзна взд̣̇ид̇аб̣б̣аа. д̇знзвааха – ‘‘набажчааж̇аад̇абажжаяамби наасзванабажжаяамби наад̇хибад̇ибажжаяасад̣̇иса’’нд̇и.
93. Napacchājātapaccayāti ettha sahajātapurejātapaccayā saṅgahaṃ gacchanti. Tasmā sahajātapaccayasadisā ettha pāḷi, sā naadhipatipaccaye vitthāritāti idha saṅkhittā. Nāsevanapaccaye kusalākusalā paṭhamajavanavasena veditabbā, tathā kiriyābyākataṃ. Pāḷi pana idhāpi naadhipatipaccaye vitthāritavasena veditabbā. Tenevāha – ‘‘napacchājātapaccayampi nāsevanapaccayampi nādhipatipaccayasadisa’’nti.
94-97. нагаммабажжаяз вибаагажзд̇анаа наанаагкан̣игагаммабажжаяам̣ лабхад̇ийд̇и на г̇ахид̇аа. наахаарабажжаяз згажжам̣ руубамзва бажжаяуббаннам̣, д̇ат̇аа наинд̣̇рияабажжаяз.
94-97. Nakammapaccaye vipākacetanā nānākkhaṇikakammapaccayaṃ labhatīti na gahitā. Nāhārapaccaye ekaccaṃ rūpameva paccayuppannaṃ, tathā naindriyapaccaye.
98. нажхаанабажжаяз бан̃жавин̃н̃аан̣ад̇хаммаа жзва згажжан̃жа руубам̣ бажжаяуббаннам̣. бан̃жавин̃н̃аан̣асмин̃хи взд̣̇анаа жа жид̇д̇згаг̇г̇ад̇аа жа д̣̇уб̣б̣алад̇д̇аа убаниж̇жхааналагкан̣ам̣ на баабун̣анд̇ийд̇и жхаанабажжаяз на г̇ахид̇аа.
98. Najhānapaccaye pañcaviññāṇadhammā ceva ekaccañca rūpaṃ paccayuppannaṃ. Pañcaviññāṇasmiñhi vedanā ca cittekaggatā ca dubbalattā upanijjhānalakkhaṇaṃ na pāpuṇantīti jhānapaccaye na gahitā.
99-102. намаг̇г̇абажжаяз ахзд̇угавибаагагирияан̃жзва згажжан̃жа руубам̣ бажжаяуббаннам̣. насамбаяуд̇д̇анонад̇т̇иновиг̇ад̇зсу руубамзва бажжаяуббаннам̣. д̇зна вуд̇д̇ам̣ ‘‘наарамман̣абажжаяасад̣̇иса’’нд̇и.
99-102. Namaggapaccaye ahetukavipākakiriyañceva ekaccañca rūpaṃ paccayuppannaṃ. Nasampayuttanonatthinovigatesu rūpameva paccayuppannaṃ. Tena vuttaṃ ‘‘nārammaṇapaccayasadisa’’nti.
103. нахзд̇уяаа д̣̇взд̇и згамуулагаг̇ан̣анааяа яат̇аабаал̣имзва нияяаад̇и.
103. Nahetuyā dveti ekamūlakagaṇanāya yathāpāḷimeva niyyāti.
104. д̣̇умуулагз нахзд̇убажжаяаа наарамман̣з зганд̇и зд̇т̇а гин̃жааби б̣ахуг̇ан̣анзна сад̣̇д̇хим̣ уунад̇араг̇ан̣анасса сам̣санд̣̇анз уунад̇араг̇ан̣анавасзна нахзд̇уяаа вияа д̣̇вийхи бхавид̇аб̣б̣ам̣. наарамман̣авасзна бана аруубад̇хаммаанам̣ барихийнад̇д̇аа аб̣яаагад̇ам̣ бадижжа руубааб̣яаагад̇асса уббад̇д̇им̣ санд̇хааяа ‘‘зга’’нд̇и вуд̇д̇ам̣ . саб̣б̣зсу згагзсуби зсзва наяо. д̣̇взд̇и вуд̇д̇адтаанз бана нахзд̇уяаа лад̣̇д̇хавасзна ваарад̣̇ваяам̣ взд̣̇ид̇аб̣б̣ам̣.
104. Dumūlake nahetupaccayā nārammaṇe ekanti ettha kiñcāpi bahugaṇanena saddhiṃ ūnataragaṇanassa saṃsandane ūnataragaṇanavasena nahetuyā viya dvīhi bhavitabbaṃ. Nārammaṇavasena pana arūpadhammānaṃ parihīnattā abyākataṃ paṭicca rūpābyākatassa uppattiṃ sandhāya ‘‘eka’’nti vuttaṃ . Sabbesu ekakesupi eseva nayo. Dveti vuttaṭṭhāne pana nahetuyā laddhavasena vāradvayaṃ veditabbaṃ.
105-106. д̇имуулагаад̣̇ийсу бана саб̣б̣зсу наарамман̣абажжаяасса абарихийнад̇д̇аа згамзва виссаж̇ж̇ананд̇и аяам̣ бажжанийяз нахзд̇убажжаяам̣ аад̣̇им̣ гад̇ваа згамуулагаад̣̇ийсу г̇ан̣анаа.
105-106. Timūlakādīsu pana sabbesu nārammaṇapaccayassa aparihīnattā ekameva vissajjananti ayaṃ paccanīye nahetupaccayaṃ ādiṃ katvā ekamūlakādīsu gaṇanā.
107-130. наарамман̣абажжаяаад̣̇аяо бана згамуулагз д̇аава буримзна сад̣̇исад̇д̇аа ид̇хааби на д̣̇ассид̇ааязва. наарамман̣абажжаяавасзна д̣̇умуулагз наарамман̣абажжаяаа, нахзд̇уяаа зганд̇и нахзд̇уд̣̇умуулагз вуд̇д̇амзва. наад̇хибад̇ияаа бан̃жаад̇и наарамман̣абажжаяз лад̣̇д̇хавасзна взд̣̇ид̇аб̣б̣аад̇и звам̣ саб̣б̣асам̣санд̣̇анзсу уунад̇араг̇ан̣анассзва бажжаяасса васзна г̇ан̣анаа взд̣̇ид̇аб̣б̣аа. яад̇т̇а яад̇т̇а жа наарамман̣абажжаяо бависад̇и, д̇ад̇т̇а д̇ад̇т̇а руубамзва бажжаяуббаннам̣. наананд̇аранасамананд̇аранаан̃н̃аман̃н̃анаубаниссаяанаахааранаинд̣̇рияанасамбаяуд̇д̇анонад̇т̇иновиг̇ад̇абажжаяаанам̣ бавидтадтаанзби зсзва наяо. наахааранаинд̣̇рияанажхаананамаг̇г̇абажжаяаа саб̣б̣ад̇т̇а сад̣̇исависсаж̇ж̇анаа. насахаж̇аад̇аад̣̇ижад̇уггам̣ ид̇хааби барихийнамзваад̇и ид̣̇амзд̇т̇а лагкан̣ам̣. иминаа бана лагкан̣зна саб̣б̣зсу д̣̇умуулагаад̣̇ийсу ‘‘аяам̣ бажжаяо муулам̣, аяамзд̇т̇а д̣̇умуулаго, аяам̣ д̇имуулаго, аяам̣ саб̣б̣амуулаго’’д̇и саллагкзд̇ваа уунад̇араг̇ан̣анасса бажжаяасса васзна г̇ан̣анаа взд̣̇ид̇аб̣б̣аад̇и.
107-130. Nārammaṇapaccayādayo pana ekamūlake tāva purimena sadisattā idhāpi na dassitāyeva. Nārammaṇapaccayavasena dumūlake nārammaṇapaccayā, nahetuyā ekanti nahetudumūlake vuttameva. Nādhipatiyā pañcāti nārammaṇapaccaye laddhavasena veditabbāti evaṃ sabbasaṃsandanesu ūnataragaṇanasseva paccayassa vasena gaṇanā veditabbā. Yattha yattha ca nārammaṇapaccayo pavisati, tattha tattha rūpameva paccayuppannaṃ. Nānantaranasamanantaranaaññamaññanaupanissayanāhāranaindriyanasampayuttanonatthinovigatapaccayānaṃ paviṭṭhaṭṭhānepi eseva nayo. Nāhāranaindriyanajhānanamaggapaccayā sabbattha sadisavissajjanā. Nasahajātādicatukkaṃ idhāpi parihīnamevāti idamettha lakkhaṇaṃ. Iminā pana lakkhaṇena sabbesu dumūlakādīsu ‘‘ayaṃ paccayo mūlaṃ, ayamettha dumūlako, ayaṃ timūlako, ayaṃ sabbamūlako’’ti sallakkhetvā ūnataragaṇanassa paccayassa vasena gaṇanā veditabbāti.
бажжаяабажжанийяаван̣н̣анаа.
Paccayapaccanīyavaṇṇanā.
бажжаяаануломабажжанийяаван̣н̣анаа
Paccayānulomapaccanīyavaṇṇanā
131-189. ид̣̇аани ануломабажжанийяз г̇ан̣анам̣ д̣̇ассзд̇ум̣ хзд̇убажжаяаа наарамман̣з бан̃жаад̇иаад̣̇и аарад̣̇д̇хам̣. д̇ад̇т̇а хзд̇аад̇хибад̇имаг̇г̇абажжаязсу ануломад̇о тид̇зсу сахаж̇аад̇аад̣̇аяо жад̇д̇ааро саб̣б̣адтаанигабажжаяаа, аахааринд̣̇рияажхаанамаг̇г̇абажжаяаа жад̇д̇аарод̇и имз адта бажжанийяад̇о на лаб̣бханд̇и. хзд̇убажжаяаад̣̇ивасзна хи уббаж̇ж̇амаано д̇хаммо имз адта бажжаяз алабханд̇о наама над̇т̇и. аарамман̣аананд̇арасамананд̇араубаниссаяасамбаяуд̇д̇анад̇т̇ивиг̇ад̇абажжаязсу бана ануломад̇о тид̇зсу аруубадтаанигаа бажжанийгад̇о на лаб̣бханд̇и. на хи аарамман̣абажжаяаад̣̇ийхи уббаж̇ж̇амаанаа ананд̇арасамананд̇арабажжаяаад̣̇аяо на лабханд̇и. сахаж̇аад̇аан̃н̃аман̃н̃аниссаяагаммаахааринд̣̇рияаад̇т̇иавиг̇ад̇абажжаязсу бана ануломад̇о тид̇зсу жад̇д̇ааро саб̣б̣адтаанигааязва, бажжанийгад̇о на лаб̣бханд̇и. зд̇зсан̃хи бажжаяаанам̣ васзна уббаж̇ж̇амаано саб̣б̣адтаанигз алабханд̇о наама над̇т̇и. бажчааж̇аад̇абажжаяасса ануломад̇о таанам̣ наама над̇т̇и. звам̣ сзсзсу ануломад̇о тид̇зсу яз жа лаб̣бханд̇и, яз жа на лаб̣бханд̇и, д̇з саллагкзд̇ваа саб̣б̣зсуби д̣̇умуулагаад̣̇ийсу наязсу д̇зсам̣ д̇зсам̣ бажжаяаанам̣ сам̣санд̣̇анз уунад̇араг̇ан̣анаанам̣язва васзна г̇ан̣анаа взд̣̇ид̇аб̣б̣аад̇и.
131-189. Idāni anulomapaccanīye gaṇanaṃ dassetuṃ hetupaccayā nārammaṇe pañcātiādi āraddhaṃ. Tattha hetādhipatimaggapaccayesu anulomato ṭhitesu sahajātādayo cattāro sabbaṭṭhānikapaccayā, āhārindriyajhānamaggapaccayā cattāroti ime aṭṭha paccanīyato na labbhanti. Hetupaccayādivasena hi uppajjamāno dhammo ime aṭṭha paccaye alabhanto nāma natthi. Ārammaṇaanantarasamanantaraupanissayasampayuttanatthivigatapaccayesu pana anulomato ṭhitesu arūpaṭṭhānikā paccanīkato na labbhanti. Na hi ārammaṇapaccayādīhi uppajjamānā anantarasamanantarapaccayādayo na labhanti. Sahajātaaññamaññanissayakammāhārindriyaatthiavigatapaccayesu pana anulomato ṭhitesu cattāro sabbaṭṭhānikāyeva, paccanīkato na labbhanti. Etesañhi paccayānaṃ vasena uppajjamāno sabbaṭṭhānike alabhanto nāma natthi. Pacchājātapaccayassa anulomato ṭhānaṃ nāma natthi. Evaṃ sesesu anulomato ṭhitesu ye ca labbhanti, ye ca na labbhanti, te sallakkhetvā sabbesupi dumūlakādīsu nayesu tesaṃ tesaṃ paccayānaṃ saṃsandane ūnataragaṇanānaṃyeva vasena gaṇanā veditabbāti.
бажжаяаануломабажжанийяаван̣н̣анаа.
Paccayānulomapaccanīyavaṇṇanā.
бажжаяабажжанийяаануломаван̣н̣анаа
Paccayapaccanīyānulomavaṇṇanā
190. ид̣̇аани бажжанийяаануломз г̇ан̣анам̣ д̣̇ассзд̇ум̣ нахзд̇убажжаяаа аарамман̣з д̣̇взд̇иаад̣̇и аарад̣̇д̇хам̣. д̇ад̇т̇а хзд̇умхи бажжанийгад̇о тид̇з табзд̇ваа ад̇хибад̇им̣ авасзсаа ануломад̇о лаб̣бханд̇и. бажчааж̇аад̇о бана ануломад̇о саб̣б̣ад̇т̇зва на лаб̣бхад̇и, яз нава бажжаяаа ‘‘аруубаанан̃н̃зваа’’д̇и вуд̇д̇аа, д̇зсу бурзж̇аад̇ан̃жа аасзванан̃жа табзд̇ваа авасзсзсу сад̇д̇асу бажжанийгад̇о тид̇зсу сзсаа аруубадтаанигаа ануломад̇о на лаб̣бханд̇и. яо хи аарамман̣аад̣̇ийхи нуббаж̇ж̇ад̇и, на со ананд̇араад̣̇аяо лабхад̇и. бадисанд̇хивибааго бана бурзж̇аад̇ад̇о, саб̣б̣авибааго жа сад̣̇д̇хим̣ гирияаманод̇хаад̇уяаа аасзванад̇о ануббаж̇ж̇амааноби ананд̇араад̣̇аяо лабхад̇и, д̇асмаа ‘‘бурзж̇аад̇ан̃жа аасзванан̃жа табзд̇ваа’’д̇и вуд̇д̇ам̣.
190. Idāni paccanīyānulome gaṇanaṃ dassetuṃ nahetupaccayā ārammaṇe dvetiādi āraddhaṃ. Tattha hetumhi paccanīkato ṭhite ṭhapetvā adhipatiṃ avasesā anulomato labbhanti. Pacchājāto pana anulomato sabbattheva na labbhati, ye nava paccayā ‘‘arūpānaññevā’’ti vuttā, tesu purejātañca āsevanañca ṭhapetvā avasesesu sattasu paccanīkato ṭhitesu sesā arūpaṭṭhānikā anulomato na labbhanti. Yo hi ārammaṇādīhi nuppajjati, na so anantarādayo labhati. Paṭisandhivipāko pana purejātato, sabbavipāko ca saddhiṃ kiriyamanodhātuyā āsevanato anuppajjamānopi anantarādayo labhati, tasmā ‘‘purejātañca āsevanañca ṭhapetvā’’ti vuttaṃ.
бурзж̇аад̇абажчааж̇аад̇ааасзванавибаагавиббаяуд̇д̇зсу бажжанийгад̇о тид̇зсу згам̣ табзд̇ваа авасзсаа ануломад̇о лаб̣бханд̇и. гаммабажжаяз бажжанийгад̇о тид̇з табзд̇ваа вибаагабажжаяам̣ авасзсаа ануломад̇о лаб̣бханд̇и. аахааринд̣̇риязсу бажжанийгад̇о тид̇зсу табзд̇ваа саб̣б̣адтаанигз жзва ан̃н̃аман̃н̃агаммаахааринд̣̇рияабажжаяз жа авасзсаа ануломад̇о на лаб̣бханд̇и, ид̇арз яуж̇ж̇амаанагавасзна лаб̣бханд̇и. жхаанабажжаяз бажжанийгад̇о тид̇з. хзд̇аад̇хибад̇иаасзванамаг̇г̇абажжаяаа ануломад̇о на лаб̣бханд̇и. маг̇г̇абажжаяз бажжанийгад̇о тид̇з хзд̇аад̇хибад̇ибажжаяаа ануломад̇о на лаб̣бханд̇и. виббаяуд̇д̇абажжаяз бажжанийгад̇о тид̇з бурзж̇аад̇абажжаяам̣ табзд̇ваа авасзсаа ануломад̇о лаб̣бханд̇и. звам̣ д̇зсу д̇зсу бажжаязсу бажжанийгад̇о тид̇зсу яз яз ануломад̇о на лаб̣бханд̇и, д̇з д̇з н̃ад̇ваа д̇зсам̣ д̇зсам̣ бажжаяаанам̣ сам̣санд̣̇анз уунад̇араг̇ан̣анаанам̣ васзна г̇ан̣анаа взд̣̇ид̇аб̣б̣аа.
Purejātapacchājātaāsevanavipākavippayuttesu paccanīkato ṭhitesu ekaṃ ṭhapetvā avasesā anulomato labbhanti. Kammapaccaye paccanīkato ṭhite ṭhapetvā vipākapaccayaṃ avasesā anulomato labbhanti. Āhārindriyesu paccanīkato ṭhitesu ṭhapetvā sabbaṭṭhānike ceva aññamaññakammāhārindriyapaccaye ca avasesā anulomato na labbhanti, itare yujjamānakavasena labbhanti. Jhānapaccaye paccanīkato ṭhite. Hetādhipatiāsevanamaggapaccayā anulomato na labbhanti. Maggapaccaye paccanīkato ṭhite hetādhipatipaccayā anulomato na labbhanti. Vippayuttapaccaye paccanīkato ṭhite purejātapaccayaṃ ṭhapetvā avasesā anulomato labbhanti. Evaṃ tesu tesu paccayesu paccanīkato ṭhitesu ye ye anulomato na labbhanti, te te ñatvā tesaṃ tesaṃ paccayānaṃ saṃsandane ūnataragaṇanānaṃ vasena gaṇanā veditabbā.
191-195. д̣̇умуулагаад̣̇ийсу жа наязсу яам̣ яам̣ бажжаяам̣ аад̣̇им̣ гад̇ваа яз яз д̣̇угаад̣̇аяо д̣̇ассид̇аа, д̇з д̇з лаб̣бхамаанаалаб̣бхамаанабажжаяавасзна яат̇аа яат̇аа д̣̇ассид̇аа, д̇ат̇аа д̇ат̇аа саад̇хугам̣ саллагкзд̇аб̣б̣аа. д̇ад̇т̇а яам̣ нахзд̇увасзна д̣̇умуулагаад̣̇аяо наяз д̣̇ассзнд̇зна нахзд̇убажжаяаа наарамман̣абажжаяаа…бз… наасзванабажжаяаад̇и вад̇ваа ‘‘яаава аасзванаа саб̣б̣ам̣ сад̣̇иса’’нд̇и вуд̇д̇ам̣. д̇асса, ‘‘наан̃н̃аман̃н̃абажжаяаа сахаж̇аад̇з зга’’нд̇иаад̣̇ийхи сад̣̇исад̇аа взд̣̇ид̇аб̣б̣аа. яам̣ бана ‘‘нагаммз г̇ан̣ид̇з бан̃жа г̇ан̣хаад̇ий’’д̇и сийхал̣абхаасааяа ликид̇ам̣, д̇ассад̇т̇о – нахзд̇убажжаяам̣ аад̣̇им̣ гад̇ваа нагаммабажжаяаад̇и звам̣ нагаммабажжаязна гхадид̇з сахаж̇аад̇з зганд̇и звам̣ д̣̇ассид̇аа бан̃жзва бажжаяаа ануломад̇о лаб̣бханд̇и, на ан̃н̃зд̇и. звам̣ ан̃н̃зсуби зваруубзсу таанзсу б̣яан̃ж̇анам̣ анаад̣̇ияид̇ваа ад̇хиббзд̇ад̇т̇оязва г̇ахзд̇аб̣б̣о. зваруубан̃хи б̣яан̃ж̇анам̣ ад̇д̇ано сан̃н̃ааниб̣анд̇ханад̇т̇ам̣ бораан̣зхи сагасагабхаасааяа ликид̇ам̣.
191-195. Dumūlakādīsu ca nayesu yaṃ yaṃ paccayaṃ ādiṃ katvā ye ye dukādayo dassitā, te te labbhamānālabbhamānapaccayavasena yathā yathā dassitā, tathā tathā sādhukaṃ sallakkhetabbā. Tattha yaṃ nahetuvasena dumūlakādayo naye dassentena nahetupaccayā nārammaṇapaccayā…pe… nāsevanapaccayāti vatvā ‘‘yāva āsevanā sabbaṃ sadisa’’nti vuttaṃ. Tassa, ‘‘naaññamaññapaccayā sahajāte eka’’ntiādīhi sadisatā veditabbā. Yaṃ pana ‘‘nakamme gaṇite pañca gaṇhātī’’ti sīhaḷabhāsāya likhitaṃ, tassattho – nahetupaccayaṃ ādiṃ katvā nakammapaccayāti evaṃ nakammapaccayena ghaṭite sahajāte ekanti evaṃ dassitā pañceva paccayā anulomato labbhanti, na aññeti. Evaṃ aññesupi evarūpesu ṭhānesu byañjanaṃ anādiyitvā adhippetatthoyeva gahetabbo. Evarūpañhi byañjanaṃ attano saññānibandhanatthaṃ porāṇehi sakasakabhāsāya likhitaṃ.
абижа имасмим̣ бажжанийяаануломз бажжаяуббаннад̇хаммзсуби ад̇т̇и д̇хаммо гаммабажжаяам̣ лабхад̇и, на инд̣̇рияабажжаяам̣. со асан̃н̃зсу жзва бан̃жавогаарз бавад̇д̇з жа руубаж̇ийвид̇инд̣̇рияавасзна взд̣̇ид̇аб̣б̣о. ад̇т̇и д̇хаммо маг̇г̇абажжаяам̣ лабхад̇и, нахзд̇убажжаяам̣. со вижигижчуд̣̇д̇хажжасахаж̇аад̇амохавасзна взд̣̇ид̇аб̣б̣о. ад̇т̇и д̇хаммо жхаанабажжаяам̣ лабхад̇и, намаг̇г̇абажжаяам̣. со манод̇хаад̇уахзд̇угамановин̃н̃аан̣ад̇хаад̇увасзна взд̣̇ид̇аб̣б̣о. яад̇т̇а гадад̇д̇ааруубаани наанаагкан̣игагаммавасзнзва гаммабажжаяам̣ лабханд̇и, д̇ад̇т̇а руубад̇хаммаа хзд̇аад̇хибад̇ивибаагинд̣̇рияажхаанамаг̇г̇абажжаяз на лабханд̇и, саб̣б̣адтаанигаа бажжанийяаа на хонд̇и. ахзд̇угз ад̇хибад̇ибажжаяо над̇т̇ийд̇и имзсамби багин̣н̣агаанам̣ васзнзд̇т̇а г̇ан̣анавааро асаммохад̇о взд̣̇ид̇аб̣б̣о.
Apica imasmiṃ paccanīyānulome paccayuppannadhammesupi atthi dhammo kammapaccayaṃ labhati, na indriyapaccayaṃ. So asaññesu ceva pañcavokāre pavatte ca rūpajīvitindriyavasena veditabbo. Atthi dhammo maggapaccayaṃ labhati, nahetupaccayaṃ. So vicikicchuddhaccasahajātamohavasena veditabbo. Atthi dhammo jhānapaccayaṃ labhati, namaggapaccayaṃ. So manodhātuahetukamanoviññāṇadhātuvasena veditabbo. Yattha kaṭattārūpāni nānākkhaṇikakammavaseneva kammapaccayaṃ labhanti, tattha rūpadhammā hetādhipativipākindriyajhānamaggapaccaye na labhanti, sabbaṭṭhānikā paccanīyā na honti. Ahetuke adhipatipaccayo natthīti imesampi pakiṇṇakānaṃ vasenettha gaṇanavāro asammohato veditabbo.
д̇ад̇рааяам̣ наяо – нахзд̇убажжаяаа аарамман̣з д̣̇взд̇и зд̇т̇а д̇аава ахзд̇угамохо жзва ахзд̇угавибаагагирияаа жа бажжаяуббаннам̣, д̇асмаа агусалзнаагусалам̣, аб̣яаагад̇зна аб̣яаагад̇ам̣ санд̇хааязд̇т̇а д̣̇взд̇и вуд̇д̇ам̣. сзсзсуби зсзва наяо. аасзванз бана вибаагам̣ на лаб̣бхад̇и, д̇ат̇аа гирияаманод̇хаад̇у. д̇асмаа гирияаахзд̇умановин̃н̃аан̣ад̇хаад̇увасзнзд̇т̇а аб̣яаагад̇зна аб̣яаагад̇ам̣ взд̣̇ид̇аб̣б̣ам̣. вибаагз зганд̇и аб̣яаагад̇зна аб̣яаагад̇амзва. маг̇г̇з зганд̇и агусалзна агусаламзва.
Tatrāyaṃ nayo – nahetupaccayā ārammaṇe dveti ettha tāva ahetukamoho ceva ahetukavipākakiriyā ca paccayuppannaṃ, tasmā akusalenākusalaṃ, abyākatena abyākataṃ sandhāyettha dveti vuttaṃ. Sesesupi eseva nayo. Āsevane pana vipākaṃ na labbhati, tathā kiriyamanodhātu. Tasmā kiriyāhetumanoviññāṇadhātuvasenettha abyākatena abyākataṃ veditabbaṃ. Vipāke ekanti abyākatena abyākatameva. Magge ekanti akusalena akusalameva.
196-197. наарамман̣амуулагз хзд̇уяаа бан̃жаад̇и руубамзва санд̇хааяа вуд̇д̇ам̣. д̇ан̃хи гусалам̣ агусалам̣ аб̣яаагад̇ам̣ гусалааб̣яаагад̇ам̣ агусалааб̣яаагад̇ан̃жаад̇и бан̃жа годтаасз бадижжа уббаж̇ж̇ад̇и. саб̣б̣абан̃жагзсу зсзва наяо. ан̃н̃аман̃н̃з зганд̇и бхууд̇аруубаани жзва вад̇т̇ун̃жа санд̇хааяа вуд̇д̇ам̣. д̇аани хи наарамман̣абажжаяаа ан̃н̃аман̃н̃абажжаяаа уббаж̇ж̇анд̇и. д̇имуулагзби зсзва наяо.
196-197. Nārammaṇamūlake hetuyā pañcāti rūpameva sandhāya vuttaṃ. Tañhi kusalaṃ akusalaṃ abyākataṃ kusalābyākataṃ akusalābyākatañcāti pañca koṭṭhāse paṭicca uppajjati. Sabbapañcakesu eseva nayo. Aññamaññe ekanti bhūtarūpāni ceva vatthuñca sandhāya vuttaṃ. Tāni hi nārammaṇapaccayā aññamaññapaccayā uppajjanti. Timūlakepi eseva nayo.
198-202. наад̇хибад̇имуулагз хзд̇уяаа наваад̇и ануломз хзд̇умхи вуд̇д̇аанзва. д̇ийн̣ийд̇иаад̣̇ийниби хздтаа ануломз вуд̇д̇асад̣̇исаанзва. д̇имуулагз д̣̇взд̇и хздтаа нахзд̇убажжаяаа аарамман̣з вуд̇д̇асад̣̇исаанзва.
198-202. Nādhipatimūlake hetuyā navāti anulome hetumhi vuttāneva. Tīṇītiādīnipi heṭṭhā anulome vuttasadisāneva. Timūlake dveti heṭṭhā nahetupaccayā ārammaṇe vuttasadisāneva.
203-233. набурзж̇аад̇амуулагз хзд̇уяаа сад̇д̇аад̇и хздтаа ‘‘ааруббз гусалам̣ згам̣ канд̇хам̣ бадижжаа’’д̇иаад̣̇инаа наязна бурзж̇аад̇з д̣̇ассид̇аанзва. саб̣б̣асад̇д̇агзсу зсзва наяо. нагаммамуулагз хзд̇уяаа д̇ийн̣ийд̇иаад̣̇ийсу жзд̇анаава бажжаяуббаннаа. д̇асмаа гусалам̣ агусалам̣ аб̣яаагад̇ан̃жа бадижжа уббад̇д̇им̣ санд̇хааяа д̇ийн̣ийд̇и вуд̇д̇ам̣. иминаа наязна ‘‘згам̣ д̣̇вз д̇ийн̣и бан̃жа сад̇д̇а наваа’’д̇и ааг̇ад̇адтаанзсу г̇ан̣анаа взд̣̇ид̇аб̣б̣аа. ‘‘жад̇д̇аари ча адтаа’’д̇и имаа бана д̇иссо г̇ан̣анаа над̇т̇зваад̇и.
203-233. Napurejātamūlake hetuyā sattāti heṭṭhā ‘‘āruppe kusalaṃ ekaṃ khandhaṃ paṭiccā’’tiādinā nayena purejāte dassitāneva. Sabbasattakesu eseva nayo. Nakammamūlake hetuyā tīṇītiādīsu cetanāva paccayuppannā. Tasmā kusalaṃ akusalaṃ abyākatañca paṭicca uppattiṃ sandhāya tīṇīti vuttaṃ. Iminā nayena ‘‘ekaṃ dve tīṇi pañca satta navā’’ti āgataṭṭhānesu gaṇanā veditabbā. ‘‘Cattāri cha aṭṭhā’’ti imā pana tisso gaṇanā natthevāti.
бажжаяабажжанийяаануломаван̣н̣анаа.
Paccayapaccanīyānulomavaṇṇanā.
нидтид̇аа жа бадижжаваарасса ад̇т̇аван̣н̣анаа.
Niṭṭhitā ca paṭiccavārassa atthavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
