| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
1. гусалад̇д̇игам̣
1. Kusalattikaṃ
1. бадижжаваараван̣н̣анаа
1. Paṭiccavāravaṇṇanā
1. бажжаяаануломам̣
1. Paccayānulomaṃ
(1) вибхан̇г̇авааро
(1) Vibhaṅgavāro
53. яаа гусалад̇д̇игз лабханд̇и, на д̇ааязва взд̣̇анаад̇д̇игаад̣̇ийсууд̇и д̇игабад̣̇анаанад̇д̇амад̇д̇зна винаа муулаавасаанавасзна сад̣̇исад̇ам̣ санд̇хааяа ‘‘на д̇ааязваа’’д̇и вуд̇д̇ам̣, на жа гзвалам̣ д̇иганд̇арзязва, гусалад̇д̇игзби бана яаа бадижжаваарз лабханд̇и, на д̇ааязва бажжаяаваараад̣̇ийсууд̇и саб̣б̣абужчаасамаахаран̣ам̣ ид̇ха гад̇д̇аб̣б̣амзва. д̇хаммаануломабажжанийяз жа д̇игабадтаанз вид̇аггад̇д̇игабийд̇ид̇д̇игаанам̣ виссаж̇ж̇анз саб̣б̣аабзд̇аа виссаж̇ж̇анам̣ лабханд̇ийд̇и зд̇т̇а бийд̇ид̇д̇игаг̇г̇ахан̣ам̣ на гаад̇аб̣б̣ам̣. на хи д̇ад̇т̇а згуунабан̃н̃ааса бужчаа виссаж̇ж̇анам̣ лабханд̇ийд̇и.
53. Yākusalattike labhanti, na tāyeva vedanāttikādīsūti tikapadanānattamattena vinā mūlāvasānavasena sadisataṃ sandhāya ‘‘natāyevā’’ti vuttaṃ, na ca kevalaṃ tikantareyeva, kusalattikepi pana yā paṭiccavāre labhanti, na tāyeva paccayavārādīsūti sabbapucchāsamāharaṇaṃ idha kattabbameva. Dhammānulomapaccanīye ca tikapaṭṭhāne vitakkattikapītittikānaṃ vissajjane sabbāpetā vissajjanaṃ labhantīti ettha pītittikaggahaṇaṃ na kātabbaṃ. Na hi tattha ekūnapaññāsa pucchā vissajjanaṃ labhantīti.
д̇зна сад̣̇д̇хинд̇и д̇зна сахаж̇аад̇абажжаяабхууд̇зна сад̣̇д̇хинд̇и ад̇т̇о д̣̇адтаб̣б̣о. ‘‘яаава нирод̇хаг̇аманаа уд̣̇д̇хам̣ баж̇ж̇ад̇ий’’д̇и жа ‘‘уббаад̣̇аад̣̇аяо ваа баабун̣аад̇ий’’д̇и жа важанзхи кан̣ад̇д̇аяасаман̇г̇ий уббаж̇ж̇ад̇ийд̇и вужжад̇ийд̇и анун̃н̃аад̇ам̣ вияа ход̇и, уббаад̣̇агкан̣асаман̇г̇ийязва бана звам̣ вуд̇д̇од̇и д̣̇адтаб̣б̣о.
Tena saddhinti tena sahajātapaccayabhūtena saddhinti attho daṭṭhabbo. ‘‘Yāva nirodhagamanā uddhaṃ pajjatī’’ti ca ‘‘uppādādayo vā pāpuṇātī’’ti ca vacanehi khaṇattayasamaṅgī uppajjatīti vuccatīti anuññātaṃ viya hoti, uppādakkhaṇasamaṅgīyeva pana evaṃ vuttoti daṭṭhabbo.
яасмаа бана зго канд̇хо згассаад̇иаад̣̇и ид̇ха гусалаважанзна г̇ахид̇з канд̇хз санд̇хааяа вуд̇д̇ам̣. взд̣̇анаад̇д̇игаад̣̇ийсу бана згам̣ канд̇хам̣ бадижжа д̣̇виннам̣, д̣̇вз бадижжа згассаби, хзд̇уд̣̇угаад̣̇ийсу жа сан̇каарагканд̇хзгад̣̇зсам̣ бадижжа сан̇каарагканд̇хзгад̣̇зсассаби уббад̇д̇и вуд̇д̇аад̇и саха уббаж̇ж̇амаанаанам̣ саб̣б̣зсам̣ д̇хаммаанам̣ бажжаяо хонд̇о згзгассаби д̣̇угад̇игаад̣̇ибхзд̣̇аанан̃жа бажжаяо наама ход̇иязва, д̇ат̇аа д̣̇угаад̣̇ибхзд̣̇аанан̃жаад̇и.
Yasmā pana eko khandho ekassātiādi idha kusalavacanena gahite khandhe sandhāya vuttaṃ. Vedanāttikādīsu pana ekaṃ khandhaṃ paṭicca dvinnaṃ, dve paṭicca ekassapi, hetudukādīsu ca saṅkhārakkhandhekadesaṃ paṭicca saṅkhārakkhandhekadesassapi uppatti vuttāti saha uppajjamānānaṃ sabbesaṃ dhammānaṃ paccayo honto ekekassapi dukatikādibhedānañca paccayo nāma hotiyeva, tathā dukādibhedānañcāti.
‘‘руубзна сад̣̇д̇хим̣ ануббад̇д̇ид̇о ааруббавибааган̃жа на г̇ахзд̇аб̣б̣а’’нд̇и вуд̇д̇ам̣, д̇ам̣ бана на саб̣б̣асмим̣ зд̇асмим̣ важанз г̇ахзд̇аб̣б̣ам̣, ат̇а ко ‘‘жид̇д̇асамудтаанан̃жа рууба’’нд̇и зд̇т̇зва. на гзвалан̃жа ааруббавибаагова, ат̇а ко логуд̇д̇аравибаагагирияааб̣яаагад̇амби ааруббз уббаж̇ж̇амаанам̣ зд̇т̇а на г̇ахзд̇аб̣б̣ам̣. ‘‘вибаагааб̣яаагад̇ам̣ гирияааб̣яаагад̇ам̣ згам̣ канд̇хам̣ бадижжа д̇аяо канд̇хаа’’д̇и зд̇т̇а бана на гин̃жи руубзна винаа саха ваа уббаж̇ж̇амаанам̣ сахзд̇угам̣ вибаагагирияааб̣яаагад̇ам̣ аг̇г̇ахид̇ам̣ наама ад̇т̇и. д̇ад̇т̇а бана яам̣ руубзна саха уббаж̇ж̇ад̇и, д̇асса бажжаяуббаннависзсам̣ д̣̇ассзд̇ум̣ ‘‘жид̇д̇асамудтаанан̃жа рууба’’нд̇и вуд̇д̇ам̣.
‘‘Rūpena saddhiṃ anuppattito āruppavipākañca na gahetabba’’nti vuttaṃ, taṃ pana na sabbasmiṃ etasmiṃ vacane gahetabbaṃ, atha kho ‘‘cittasamuṭṭhānañca rūpa’’nti ettheva. Na kevalañca āruppavipākova, atha kho lokuttaravipākakiriyābyākatampi āruppe uppajjamānaṃ ettha na gahetabbaṃ. ‘‘Vipākābyākataṃ kiriyābyākataṃ ekaṃ khandhaṃ paṭicca tayo khandhā’’ti ettha pana na kiñci rūpena vinā saha vā uppajjamānaṃ sahetukaṃ vipākakiriyābyākataṃ aggahitaṃ nāma atthi. Tattha pana yaṃ rūpena saha uppajjati, tassa paccayuppannavisesaṃ dassetuṃ ‘‘cittasamuṭṭhānañca rūpa’’nti vuttaṃ.
‘‘вад̇т̇ум̣ бадижжа канд̇хаа’’д̇и зд̇д̇агз вад̇д̇аб̣б̣з бажжаяабхууд̇асса вад̇т̇усса ‘‘гадад̇д̇аа жа рууба’’нд̇и зд̇асмим̣ сааман̃н̃аважанз бажжаяуббаннабхаавзна аг̇г̇ахид̇ад̇аабад̇д̇им̣ ниваарзд̇ум̣ ‘‘канд̇хз бадижжа вад̇т̇уу’’д̇и вуд̇д̇ам̣. канд̇хз бадижжа вад̇т̇у, вад̇т̇ум̣ бадижжа канд̇хаад̇и ваа вад̇т̇уканд̇хаанам̣ ан̃н̃аман̃н̃абажжаяабхууд̇аанам̣ бажжаяабхаавависзсад̣̇ассанад̇т̇ам̣ ан̃н̃аман̃н̃аабзгкам̣ важанад̣̇ваяам̣ вуд̇д̇ам̣ сааман̃н̃зна г̇ахид̇амби висум̣ уд̣̇д̇хадам̣.
‘‘Vatthuṃ paṭicca khandhā’’ti ettake vattabbe paccayabhūtassa vatthussa ‘‘kaṭattā ca rūpa’’nti etasmiṃ sāmaññavacane paccayuppannabhāvena aggahitatāpattiṃ nivāretuṃ ‘‘khandhe paṭicca vatthū’’ti vuttaṃ. Khandhe paṭicca vatthu, vatthuṃ paṭicca khandhāti vā vatthukhandhānaṃ aññamaññapaccayabhūtānaṃ paccayabhāvavisesadassanatthaṃ aññamaññāpekkhaṃ vacanadvayaṃ vuttaṃ sāmaññena gahitampi visuṃ uddhaṭaṃ.
махаабхууд̇зби бадижжа уббад̇д̇ид̣̇ассанад̇д̇анд̇и яам̣ жид̇д̇асамудтаанаруубам̣ гадад̇д̇ааруубан̃жа убаад̣̇ааруубам̣ убаад̣̇ааруубаг̇г̇ахан̣зна винаа ‘‘канд̇хз бадижжа уббаж̇ж̇ад̇ий’’д̇и вуд̇д̇ам̣, д̇асса махаабхууд̇зби бадижжа уббад̇д̇ид̣̇ассанад̇т̇анд̇и ад̇т̇о. зд̇асмим̣ бана д̣̇ассанз канд̇хабажжаяасахид̇аасахид̇ан̃жа саб̣б̣ам̣ убаад̣̇ааруубам̣ ид̇о барзсу сахаж̇аад̇абажжаяаад̣̇ийсу сан̇г̇ахид̇анд̇и имамад̇т̇ам̣ санд̇хааяа ‘‘гадад̇д̇ааруубам̣ бадисанд̇хияамбий’’д̇и би-сад̣̇д̣̇о вуд̇д̇од̇и д̣̇адтаб̣б̣о.
Mahābhūtepipaṭicca uppattidassanattanti yaṃ cittasamuṭṭhānarūpaṃ kaṭattārūpañca upādārūpaṃ upādārūpaggahaṇena vinā ‘‘khandhe paṭicca uppajjatī’’ti vuttaṃ, tassa mahābhūtepi paṭicca uppattidassanatthanti attho. Etasmiṃ pana dassane khandhapaccayasahitāsahitañca sabbaṃ upādārūpaṃ ito paresu sahajātapaccayādīsu saṅgahitanti imamatthaṃ sandhāya ‘‘kaṭattārūpaṃ paṭisandhiyampī’’ti pi-saddo vuttoti daṭṭhabbo.
махаабхууд̇з бадижжа убаад̣̇ааруубанд̇и вуд̇д̇анаязнаад̇и ‘‘махаабхууд̇з бадижжа жид̇д̇асамудтаанам̣ руубам̣ гадад̇д̇ааруубам̣ убаад̣̇аарууба’’нд̇и зд̇т̇а ад̇т̇ад̇о аяам̣ наяо вуд̇д̇од̇и санд̇хааяааха.
Mahābhūte paṭicca upādārūpanti vuttanayenāti ‘‘mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpa’’nti ettha atthato ayaṃ nayo vuttoti sandhāyāha.
54. руубамиссагаа бахааяаад̇и яаасу бужчаасу руубзна винаа бажжаяуббаннам̣ на лаб̣бхад̇и, ат̇а ко руубамиссагамзва лаб̣бхад̇и, д̇аа бахааяаад̇и ад̇хиббааяо.
54. Rūpamissakā pahāyāti yāsu pucchāsu rūpena vinā paccayuppannaṃ na labbhati, atha kho rūpamissakameva labbhati, tā pahāyāti adhippāyo.
57. ‘‘д̇ин̣н̣ам̣ саннибаад̇аа г̇аб̣бхасса авагганд̇и ход̇ий’’д̇и важанад̇од̇и г̇аб̣бхасзяяагабадисанд̇хияаа бан̃жагканд̇хасаб̣бхаавзна д̇ааяа самааналагкан̣аа саб̣б̣ааби бан̃жавогаарабадисанд̇хи огганд̇инаамагаад̇и саад̇хзд̇и. барибун̣н̣ад̇хаммаанам̣ виссаж̇ж̇анам̣ зд̇т̇а ад̇т̇ийд̇и барибун̣н̣ависсаж̇ж̇анаа.
57. ‘‘Tiṇṇaṃ sannipātā gabbhassa avakkanti hotī’’ti vacanatoti gabbhaseyyakapaṭisandhiyā pañcakkhandhasabbhāvena tāya samānalakkhaṇā sabbāpi pañcavokārapaṭisandhi okkantināmakāti sādheti. Paripuṇṇadhammānaṃ vissajjanaṃ ettha atthīti paripuṇṇavissajjanā.
зд̇т̇а жа ‘‘згам̣ махаабхууд̇ам̣ бадижжа д̇аяо…бз… махаабхууд̇з бадижжа жид̇д̇асамудтаанам̣ руубам̣ гадад̇д̇ааруубам̣ убаад̣̇аарууба’’нд̇и (бадтаа. 1.1.53) зд̇д̇аавад̇аа бан̃жавогаарз саб̣б̣ам̣ жид̇д̇агаммасамудтаанаруубам̣ д̣̇ассид̇ам̣. авасзсам̣ бана д̣̇ассзд̇ум̣ ‘‘б̣аахира’’нд̇иаад̣̇и вуд̇д̇ам̣. д̇ад̇т̇а б̣аахиранд̇и зд̇зна анинд̣̇рияаб̣ад̣̇д̇харуубам̣ д̣̇ассзд̇и, буна аахаарасамудтаанам̣ уд̇усамудтаананд̇и зд̇зхи саб̣б̣ам̣ инд̣̇рияаб̣ад̣̇д̇хам̣ аахаарауд̇усамудтаанаруубам̣. д̇ад̇т̇а ‘‘уд̇усамудтаанам̣ зга’’нд̇иаад̣̇инаа асан̃н̃асад̇д̇аанамби уд̇усамудтаанам̣ вуд̇д̇амзваад̇и д̣̇адтаб̣б̣ам̣. на хи д̇ад̇т̇а д̇асса важ̇ж̇анз гааран̣ам̣ ад̇т̇ийд̇и. аад̣̇имхи бана ‘‘згам̣ махаабхууд̇ам̣ бадижжаа’’д̇иаад̣̇и ависзсаважанам̣ сахаж̇аад̇ам̣ аруубамби бажжаяам̣ хзд̇аад̣̇игз жа бажжаяз б̣ахуд̇арз лабханд̇ам̣ жид̇д̇асамудтаанагадад̇д̇ааруубад̣̇ваяам̣ саха сан̇г̇ан̣хид̇ваа вуд̇д̇ам̣, зван̃жа гад̇ваа д̇асса барияосаанз ‘‘махаабхууд̇з бадижжа жид̇д̇асамудтаанаруубам̣ гадад̇д̇ааруубам̣ убаад̣̇аарууба’’нд̇и вуд̇д̇ам̣, д̇асмаа д̇ад̇т̇а гадад̇д̇ааруубам̣ жид̇д̇асамудтаанасамб̣анд̇хам̣ д̇ам̣самаанаг̇ад̇игам̣ бан̃жавогаарз вад̇д̇амаанамзва г̇ахид̇анд̇и аг̇г̇ахид̇ам̣ гадад̇д̇ааруубам̣ д̣̇ассзд̇ум̣ ‘‘асан̃н̃асад̇д̇аанам̣ згам̣ махаабхууд̇ам̣ бадижжаа’’д̇иаад̣̇и вуд̇д̇ам̣, д̇асмаа убаад̣̇ааруубам̣ ид̇хаби гаммабажжаяавибхан̇г̇з вияа ‘‘махаабхууд̇з бадижжа гадад̇д̇ааруубам̣ убаад̣̇аарууба’’нд̇и (бадтаа. 1.1.63) гадад̇д̇ааруубабхаавависидтам̣ убаад̣̇ааруубам̣ г̇ахид̇анд̇и д̣̇адтаб̣б̣ам̣. на хи вуд̇д̇асса уд̇усамудтаанасса бунаважанз баяож̇анам̣ ад̇т̇ийд̇и.
Ettha ca ‘‘ekaṃ mahābhūtaṃ paṭicca tayo…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpa’’nti (paṭṭhā. 1.1.53) ettāvatā pañcavokāre sabbaṃ cittakammasamuṭṭhānarūpaṃ dassitaṃ. Avasesaṃ pana dassetuṃ ‘‘bāhira’’ntiādi vuttaṃ. Tattha bāhiranti etena anindriyabaddharūpaṃ dasseti, puna āhārasamuṭṭhānaṃ utusamuṭṭhānanti etehi sabbaṃ indriyabaddhaṃ āhārautusamuṭṭhānarūpaṃ. Tattha ‘‘utusamuṭṭhānaṃ eka’’ntiādinā asaññasattānampi utusamuṭṭhānaṃ vuttamevāti daṭṭhabbaṃ. Na hi tattha tassa vajjane kāraṇaṃ atthīti. Ādimhi pana ‘‘ekaṃ mahābhūtaṃ paṭiccā’’tiādi avisesavacanaṃ sahajātaṃ arūpampi paccayaṃ hetādike ca paccaye bahutare labhantaṃ cittasamuṭṭhānakaṭattārūpadvayaṃ saha saṅgaṇhitvā vuttaṃ, evañca katvā tassa pariyosāne ‘‘mahābhūte paṭicca cittasamuṭṭhānarūpaṃ kaṭattārūpaṃ upādārūpa’’nti vuttaṃ, tasmā tattha kaṭattārūpaṃ cittasamuṭṭhānasambandhaṃ taṃsamānagatikaṃ pañcavokāre vattamānameva gahitanti aggahitaṃ kaṭattārūpaṃ dassetuṃ ‘‘asaññasattānaṃ ekaṃ mahābhūtaṃ paṭiccā’’tiādi vuttaṃ, tasmā upādārūpaṃ idhapi kammapaccayavibhaṅge viya ‘‘mahābhūte paṭicca kaṭattārūpaṃ upādārūpa’’nti (paṭṭhā. 1.1.63) kaṭattārūpabhāvavisiṭṭhaṃ upādārūpaṃ gahitanti daṭṭhabbaṃ. Na hi vuttassa utusamuṭṭhānassa punavacane payojanaṃ atthīti.
гасмаа бана яат̇аа б̣аахираад̣̇ийсу ‘‘махаабхууд̇з бадижжа убаад̣̇аарууба’’нд̇и ависзсзд̇ваа убаад̣̇ааруубам̣ вуд̇д̇ам̣, звам̣ авад̇ваа жид̇д̇агаммаж̇аубаад̣̇ааруубаани ‘‘жид̇д̇асамудтаанам̣ руубам̣ гадад̇д̇ааруубам̣ убаад̣̇аарууба’’нд̇и хзд̇убажжаяаад̣̇ийсу саха ‘‘жид̇д̇асамудтаанам̣ руубам̣ убаад̣̇ааруубам̣ асан̃н̃асад̇д̇аанам̣…бз… гадад̇д̇ааруубам̣ убаад̣̇аарууба’’нд̇и ад̇хибад̇ибажжаяаад̣̇ийсу висум̣ жид̇д̇асамудтаанаруубабхаавагадад̇д̇ааруубабхаавзхи висзсзд̇ваава вуд̇д̇аанийд̇и? д̇ад̇т̇а б̣аахираг̇г̇ахан̣аад̣̇ийхи вияа зд̇т̇а махаабхууд̇аанам̣ гзнажи ависзсид̇ад̇д̇аа. абижа ид̣̇д̇хижид̇д̇аниб̣б̣ад̇д̇аанам̣ гаммабажжаяаанан̃жа идтаанидтаанам̣ б̣аахираруубааяад̇анаад̣̇ийнам̣ жид̇д̇ам̣ гамман̃жа хзд̇аад̣̇ийсу на гожи бажжаяо, аахаарауд̇усамудтаанаанам̣ бана жид̇д̇ам̣ бажчааж̇аад̇абхаавзна убад̇т̇амбхагамзва, на ж̇анагам̣, махаабхууд̇аанзва бана д̇зсам̣ сахаж̇аад̇аад̣̇ибхаавзна ж̇анагаани, д̇асмаа сад̇иби жид̇д̇зна гаммзна жа винаа абхаавз хзд̇аад̣̇ибажжаяабхууд̇зхи аруубзхи уббаж̇ж̇амаанаани жид̇д̇асамудтаанаруубагадад̇д̇ааруубабхууд̇аанзва убаад̣̇ааруубаани хонд̇и, на ан̃н̃аанийд̇и имам̣ висзсам̣ д̣̇ассзд̇ум̣ жид̇д̇агаммаж̇зсвзва убаад̣̇ааруубзсу висзсанам̣ гад̇ам̣. ан̃н̃аани ваа самаанаж̇аад̇игзна руубзна самудтаанаани баагадависзсанаанзваад̇и на висзсанам̣ араханд̇и, зд̇аани бана асамаанаж̇аад̇игзхи аруубзхи самудтид̇аани висзсанам̣ араханд̇ийд̇и висзсид̇аанийд̇и взд̣̇ид̇аб̣б̣аани. яат̇аа ваа жид̇д̇агаммаани жид̇д̇агаммасамудтаанаанам̣ сависзсзна бажжаяабхаавзна бажжаяаа хонд̇и сахаж̇аад̇аад̣̇ибажжаяабхаавад̇о муулагаран̣абхаавад̇о жа, на звам̣ уд̇уаахаараа д̇ам̣самудтаанаананд̇и жид̇д̇агаммаж̇аанзва висум̣ висзсанам̣ араханд̇и. ид̇араани бана махаабхууд̇ависзсзнзва висзсид̇аани, ид̇ха убаад̣̇ааруубависзсанзна махаабхууд̇аани вияа. на хи ан̃н̃ад̇арависзсанам̣ убхаяависзсанам̣ на ход̇ийд̇и.
Kasmā pana yathā bāhirādīsu ‘‘mahābhūte paṭicca upādārūpa’’nti avisesetvā upādārūpaṃ vuttaṃ, evaṃ avatvā cittakammajaupādārūpāni ‘‘cittasamuṭṭhānaṃ rūpaṃ kaṭattārūpaṃ upādārūpa’’nti hetupaccayādīsu saha ‘‘cittasamuṭṭhānaṃ rūpaṃ upādārūpaṃ asaññasattānaṃ…pe… kaṭattārūpaṃ upādārūpa’’nti adhipatipaccayādīsu visuṃ cittasamuṭṭhānarūpabhāvakaṭattārūpabhāvehi visesetvāva vuttānīti? Tattha bāhiraggahaṇādīhi viya ettha mahābhūtānaṃ kenaci avisesitattā. Apica iddhicittanibbattānaṃ kammapaccayānañca iṭṭhāniṭṭhānaṃ bāhirarūpāyatanādīnaṃ cittaṃ kammañca hetādīsu na koci paccayo, āhārautusamuṭṭhānānaṃ pana cittaṃ pacchājātabhāvena upatthambhakameva, na janakaṃ, mahābhūtāneva pana tesaṃ sahajātādibhāvena janakāni, tasmā satipi cittena kammena ca vinā abhāve hetādipaccayabhūtehi arūpehi uppajjamānāni cittasamuṭṭhānarūpakaṭattārūpabhūtāneva upādārūpāni honti, na aññānīti imaṃ visesaṃ dassetuṃ cittakammajesveva upādārūpesu visesanaṃ kataṃ. Aññāni vā samānajātikena rūpena samuṭṭhānāni pākaṭavisesanānevāti na visesanaṃ arahanti, etāni pana asamānajātikehi arūpehi samuṭṭhitāni visesanaṃ arahantīti visesitānīti veditabbāni. Yathā vā cittakammāni cittakammasamuṭṭhānānaṃ savisesena paccayabhāvena paccayā honti sahajātādipaccayabhāvato mūlakaraṇabhāvato ca, na evaṃ utuāhārā taṃsamuṭṭhānānanti cittakammajāneva visuṃ visesanaṃ arahanti. Itarāni pana mahābhūtaviseseneva visesitāni, idha upādārūpavisesanena mahābhūtāni viya. Na hi aññataravisesanaṃ ubhayavisesanaṃ na hotīti.
58. ан̃н̃аман̃н̃абажжаяз канд̇хз бадижжа вад̇т̇у, вад̇т̇ум̣ бадижжа канд̇хаад̇и канд̇хавад̇т̇уунам̣ ан̃н̃аман̃н̃абажжаяад̇аад̣̇ассанзна буб̣б̣з висум̣ бажжаяабхаавзна д̣̇ассид̇аанам̣ канд̇хаанам̣ згад̇о бажжаяабхааво д̣̇ассид̇о ход̇ийд̇и иминаа ад̇хиббааязнааха ‘‘жад̇уннамби канд̇хаанам̣ згад̇о вад̇т̇унаа ан̃н̃аман̃н̃абажжаяад̇ам̣ д̣̇ассзд̇ум̣ вуд̇д̇а’’нд̇и. ‘‘канд̇хз бадижжа вад̇т̇уу’’д̇и ид̣̇ам̣ бана жад̇уннамби канд̇хаанам̣ згад̇о бадижжад̇т̇апаран̣ад̇аад̣̇ассанад̇т̇ам̣, ‘‘вад̇т̇ум̣ бадижжа канд̇хаа’’д̇и вад̇т̇усса. на гзвалан̃жа канд̇хаанам̣ ид̇хзва, хзд̇убажжаяаад̣̇ийсуби аяамзва наяо. д̇ад̇т̇а саб̣б̣зсам̣ канд̇хаанам̣ висум̣ бадижжад̇т̇апаран̣ад̇ам̣ д̣̇ассзд̇ваа буна ‘‘вад̇т̇ум̣ бадижжа канд̇хаа’’д̇и вад̇т̇уссаби д̣̇ассид̇ааяа ‘‘згам̣ канд̇хан̃жа вад̇т̇ун̃жа бадижжа д̇аяо канд̇хаа’’д̇иаад̣̇инаа канд̇хавад̇т̇уунан̃жа д̣̇ассид̇ааязва ход̇ийд̇и д̣̇адтаб̣б̣аа.
58. Aññamaññapaccaye khandhe paṭicca vatthu, vatthuṃ paṭicca khandhāti khandhavatthūnaṃ aññamaññapaccayatādassanena pubbe visuṃ paccayabhāvena dassitānaṃ khandhānaṃ ekato paccayabhāvo dassito hotīti iminā adhippāyenāha ‘‘catunnampi khandhānaṃ ekato vatthunā aññamaññapaccayataṃ dassetuṃ vutta’’nti. ‘‘Khandhe paṭicca vatthū’’ti idaṃ pana catunnampi khandhānaṃ ekato paṭiccatthapharaṇatādassanatthaṃ, ‘‘vatthuṃ paṭicca khandhā’’ti vatthussa. Na kevalañca khandhānaṃ idheva, hetupaccayādīsupi ayameva nayo. Tattha sabbesaṃ khandhānaṃ visuṃ paṭiccatthapharaṇataṃ dassetvā puna ‘‘vatthuṃ paṭicca khandhā’’ti vatthussapi dassitāya ‘‘ekaṃ khandhañca vatthuñca paṭicca tayo khandhā’’tiādinā khandhavatthūnañca dassitāyeva hotīti daṭṭhabbā.
гасмаа банзд̇т̇а ‘‘гусалам̣ д̇хаммам̣ бадижжа аб̣яаагад̇о д̇хаммо уббаж̇ж̇ад̇и ан̃н̃аман̃н̃абажжаяаа, гусалз канд̇хз бадижжа жид̇д̇асамудтаанаа махаабхууд̇аа’’д̇и звамаад̣̇и на вуд̇д̇ам̣, нану яад̣̇зва бадижжад̇т̇ам̣ парад̇и, на д̇знзва ан̃н̃аман̃н̃абажжаязна бхавид̇аб̣б̣ам̣ хзд̇убажжаяаад̣̇ийхи вияа. на хи яам̣ ‘‘згам̣ д̇аяо д̣̇вз жа канд̇хз бадижжаа’’д̇и вуд̇д̇ам̣, д̇з хзд̇убажжаяабхууд̇аа зва хонд̇и. зса наяо аарамман̣абажжаяаад̣̇ийсуби. бажжаяаваарз жа ‘‘аб̣яаагад̇ам̣ д̇хаммам̣ бажжаяаа гусало д̇хаммо уббаж̇ж̇ад̇и ан̃н̃аман̃н̃абажжаяаа’’д̇и (бадтаа. 1.1.256) вуд̇д̇ам̣, на вад̇т̇у гусалаанам̣ ан̃н̃аман̃н̃абажжаяо ход̇и, ат̇а жа бана д̇ам̣бажжаяаа канд̇хаанам̣ ан̃н̃аман̃н̃абажжаяаа уббад̇д̇и вуд̇д̇аа зва. яад̣̇иби гусалаа канд̇хаа махаабхууд̇аанам̣ ан̃н̃аман̃н̃абажжаяаа на хонд̇и, д̇ат̇ааби д̇з бадижжа д̇зсам̣ уббад̇д̇и вад̇д̇аб̣б̣аа сияаад̇и? на вад̇д̇аб̣б̣аа канд̇хасахаж̇аад̇аанам̣ махаабхууд̇аанам̣ канд̇хаанам̣ бажжаяабхааваабхаавад̇о. ан̃н̃аман̃н̃асад̣̇д̣̇о хи на хзд̇аад̣̇исад̣̇д̣̇о вияа нирабзгко, сахаж̇аад̇аад̣̇исад̣̇д̣̇о вияа ваа ан̃н̃ад̇араабзгко, ат̇а ко яат̇аавуд̇д̇зд̇арзд̇араабзгко. бажжаяабажжаяуббаннаа жа канд̇хаа махаабхууд̇аа ид̇ха яат̇аавуд̇д̇аа бхавзяяум̣, д̇зсу жа махаабхууд̇аа канд̇хаанам̣ на гожи бажжаяо. яасса жа саяам̣ бажжаяо, д̇ад̇о д̇зна д̇анниссид̇зна ваа ан̃н̃аман̃н̃абажжаязна уббаж̇ж̇амаанам̣ ан̃н̃аман̃н̃абажжаяаа уббаж̇ж̇ад̇ийд̇и вад̇д̇аб̣б̣ад̇ам̣ арахад̇и, яат̇аа канд̇хз бадижжа канд̇хаа, вад̇т̇ум̣ бажжаяаа канд̇хаа. д̇асмаа ад̇д̇ано бажжаяасса бажжаяад̇д̇аабхаавад̇о д̇ад̣̇абзгкад̇д̇аа жа ан̃н̃аман̃н̃асад̣̇д̣̇асса канд̇хз бадижжа бажжаяаа жа махаабхууд̇аанам̣ ан̃н̃аман̃н̃абажжаяаа уббад̇д̇и на вуд̇д̇аа, на ан̃н̃аман̃н̃абажжаяаа жа вуд̇д̇аа. канд̇хаа бана вад̇т̇ум̣ бажжаяаа уббаж̇ж̇амаанаа вад̇т̇усса бажчааж̇аад̇абажжаяаа хонд̇и, д̇анниссид̇зна жа ан̃н̃аман̃н̃абажжаязна уббаж̇ж̇анд̇и. д̇асмаа вад̇т̇ум̣ бажжаяаа канд̇хаанам̣ гусалаад̣̇ийнам̣ ан̃н̃аман̃н̃абажжаяаа уббад̇д̇и вуд̇д̇аад̇и.
Kasmā panettha ‘‘kusalaṃ dhammaṃ paṭicca abyākato dhammo uppajjati aññamaññapaccayā, kusale khandhe paṭicca cittasamuṭṭhānā mahābhūtā’’ti evamādi na vuttaṃ, nanu yadeva paṭiccatthaṃ pharati, na teneva aññamaññapaccayena bhavitabbaṃ hetupaccayādīhi viya. Na hi yaṃ ‘‘ekaṃ tayo dve ca khandhe paṭiccā’’ti vuttaṃ, te hetupaccayabhūtā eva honti. Esa nayo ārammaṇapaccayādīsupi. Paccayavāre ca ‘‘abyākataṃ dhammaṃ paccayā kusalo dhammo uppajjati aññamaññapaccayā’’ti (paṭṭhā. 1.1.256) vuttaṃ, na vatthu kusalānaṃ aññamaññapaccayo hoti, atha ca pana taṃpaccayā khandhānaṃ aññamaññapaccayā uppatti vuttā eva. Yadipi kusalā khandhā mahābhūtānaṃ aññamaññapaccayā na honti, tathāpi te paṭicca tesaṃ uppatti vattabbā siyāti? Na vattabbā khandhasahajātānaṃ mahābhūtānaṃ khandhānaṃ paccayabhāvābhāvato. Aññamaññasaddo hi na hetādisaddo viya nirapekkho, sahajātādisaddo viya vā aññatarāpekkho, atha kho yathāvuttetaretarāpekkho. Paccayapaccayuppannā ca khandhā mahābhūtā idha yathāvuttā bhaveyyuṃ, tesu ca mahābhūtā khandhānaṃ na koci paccayo. Yassa ca sayaṃ paccayo, tato tena tannissitena vā aññamaññapaccayena uppajjamānaṃ aññamaññapaccayā uppajjatīti vattabbataṃ arahati, yathā khandhe paṭicca khandhā, vatthuṃ paccayā khandhā. Tasmā attano paccayassa paccayattābhāvato tadapekkhattā ca aññamaññasaddassa khandhe paṭicca paccayā ca mahābhūtānaṃ aññamaññapaccayā uppatti na vuttā, na aññamaññapaccayā ca vuttā. Khandhā pana vatthuṃ paccayā uppajjamānā vatthussa pacchājātapaccayā honti, tannissitena ca aññamaññapaccayena uppajjanti. Tasmā vatthuṃ paccayā khandhānaṃ kusalādīnaṃ aññamaññapaccayā uppatti vuttāti.
59. на саа г̇ахид̇аад̇и жагкааяад̇анаад̣̇ийни ниссаяабхууд̇аани бадижжаад̇и на вуд̇д̇анд̇и ад̇хиббааяо. ниссаяабажжаяабхаавзна бана на жагкааяад̇анаад̣̇ийни аарамман̣абажжаяабхаавзна руубааяад̇анаад̣̇ийни вияа на г̇ахид̇аанийд̇и.
59. Nasā gahitāti cakkhāyatanādīni nissayabhūtāni paṭiccāti na vuttanti adhippāyo. Nissayapaccayabhāvena pana na cakkhāyatanādīni ārammaṇapaccayabhāvena rūpāyatanādīni viya na gahitānīti.
60. д̣̇вийсу убаниссаязсу вад̇д̇аб̣б̣амзва над̇т̇и, аарамман̣уубаниссаяамби бана яз лабханд̇и, д̇зсам̣ васзна аарамман̣абажжаяасад̣̇исанд̇и звам̣ вуд̇д̇анд̇и д̣̇ассзд̇ум̣ ‘‘д̇ад̇т̇а гин̃жаабий’’д̇и ааха. д̇ад̇т̇а ‘‘на саб̣б̣з агусалаа аб̣яаагад̇аа аарамман̣уубаниссаяам̣ лабханд̇ий’’д̇и буримабаато. гусалааби бана махаг̇г̇ад̇аа зганд̇зна, гаамааважараа жа гад̣̇аажи на лабханд̇ийд̇и ‘‘на саб̣б̣з гусалаагусалааб̣яаагад̇аа’’д̇и батанд̇и.
60. Dvīsu upanissayesu vattabbameva natthi, ārammaṇūpanissayampi pana ye labhanti, tesaṃ vasena ārammaṇapaccayasadisanti evaṃ vuttanti dassetuṃ ‘‘tattha kiñcāpī’’ti āha. Tattha ‘‘na sabbe akusalā abyākatā ārammaṇūpanissayaṃ labhantī’’ti purimapāṭho. Kusalāpi pana mahaggatā ekantena, kāmāvacarā ca kadāci na labhantīti ‘‘na sabbe kusalākusalābyākatā’’ti paṭhanti.
61. бурзж̇аад̇абажжаяз яат̇аа ан̃н̃ад̇т̇а бажжаяам̣ анид̣̇д̣̇исид̇ваава д̣̇зсанаа гад̇аа, звам̣ агад̇ваа гасмаа ‘‘вад̇т̇ум̣ бурзж̇аад̇абажжаяаа’’д̇и вуд̇д̇анд̇и? нияамасаб̣бхааваа. хзд̇уаад̣̇ийсу хи нияамо над̇т̇и. на хи д̇зхи уббаж̇ж̇амаанаанам̣ алобхаад̣̇ийсу гусалаад̣̇ийсу руубаад̣̇ийсу жа аяамзва бажжаяод̇и нияамо ад̇т̇и, ид̇ха бана вад̇т̇у на вад̇т̇уд̇хаммзсу бурзж̇аад̇абажжаяаа уббаж̇ж̇амаанаанам̣ д̇хаммаанам̣ нияамад̇о чаб̣б̣ид̇хам̣ вад̇т̇у бурзж̇аад̇абажжаяо ход̇ийд̇и имамад̇т̇ам̣ д̣̇ассзд̇ум̣ ид̣̇ам̣ вуд̇д̇ам̣. аарамман̣абурзж̇аад̇амби хи вад̇т̇убурзж̇аад̇з авиж̇ж̇амаанз на лаб̣бхад̇и, зван̃жа гад̇ваа бадисанд̇хивибаагасса набурзж̇аад̇абажжаяаа зва уббад̇д̇и вуд̇д̇аа, бажжуббаннаарамман̣ассаби д̇асса бурзж̇аад̇абажжаяо на уд̣̇д̇хадо. ‘‘нзвавибааганавибаагад̇хаммад̇хаммам̣ бадижжа вибааго д̇хаммо уббаж̇ж̇ад̇и бурзж̇аад̇абажжаяаа’’д̇и зд̇ассаби алаабхад̇о д̇ад̇т̇а ‘‘бурзж̇аад̇з д̇ийн̣ий’’д̇и (бадтаа. 1.3.124) вуд̇д̇анд̇и.
61. Purejātapaccaye yathā aññattha paccayaṃ aniddisitvāva desanā katā, evaṃ akatvā kasmā ‘‘vatthuṃ purejātapaccayā’’ti vuttanti? Niyamasabbhāvā. Hetuādīsu hi niyamo natthi. Na hi tehi uppajjamānānaṃ alobhādīsu kusalādīsu rūpādīsu ca ayameva paccayoti niyamo atthi, idha pana vatthu na vatthudhammesu purejātapaccayā uppajjamānānaṃ dhammānaṃ niyamato chabbidhaṃ vatthu purejātapaccayo hotīti imamatthaṃ dassetuṃ idaṃ vuttaṃ. Ārammaṇapurejātampi hi vatthupurejāte avijjamāne na labbhati, evañca katvā paṭisandhivipākassa napurejātapaccayā eva uppatti vuttā, paccuppannārammaṇassapi tassa purejātapaccayo na uddhaṭo. ‘‘Nevavipākanavipākadhammadhammaṃ paṭicca vipāko dhammo uppajjati purejātapaccayā’’ti etassapi alābhato tattha ‘‘purejāte tīṇī’’ti (paṭṭhā. 1.3.124) vuttanti.
63. д̇ат̇аа бадисанд̇хигкан̣з махаабхууд̇аананд̇и махаабхууд̇аанам̣ згагкан̣иганаанаагкан̣игагаммабажжаяавасзнзва д̇ад̣̇убаад̣̇ааруубаанамби вад̣̇ад̇ийд̇и жа д̣̇адтаб̣б̣ам̣. гадад̇д̇ааруубаананд̇и бавад̇д̇ияам̣ гадад̇д̇ааруубаананд̇и ад̇хиббааяо.
63. Tathā paṭisandhikkhaṇe mahābhūtānanti mahābhūtānaṃ ekakkhaṇikanānākkhaṇikakammapaccayavaseneva tadupādārūpānampi vadatīti ca daṭṭhabbaṃ. Kaṭattārūpānanti pavattiyaṃ kaṭattārūpānanti adhippāyo.
64. яат̇аалаабхавасзнаад̇и инд̣̇рияаруубзсу яам̣ яам̣ бадисанд̇хияам̣ лаб̣бхад̇и, д̇асса д̇асса васзна.
64. Yathālābhavasenāti indriyarūpesu yaṃ yaṃ paṭisandhiyaṃ labbhati, tassa tassa vasena.
69. виббаяуд̇д̇абажжаяаа уббаж̇ж̇амаанаанамби гзсан̃жи нияамад̇о вад̇т̇у виббаяуд̇д̇абажжаяо, гзсан̃жи канд̇хаа, на жа самаанавиббаяуд̇д̇абажжаяаа зва гусалаад̣̇игз бадижжа уббаж̇ж̇амаанаа уббаж̇ж̇анд̇и, ат̇а ко наанаавиббаяуд̇д̇абажжаяааби, д̇асмаа д̇ам̣ висзсам̣ д̣̇ассзд̇ум̣ ‘‘вад̇т̇ум̣ виббаяуд̇д̇абажжаяаа, канд̇хз виббаяуд̇д̇абажжаяаа’’д̇и д̇ад̇т̇а д̇ад̇т̇а вуд̇д̇ам̣. д̇ад̇т̇а д̇ад̣̇ааяад̇д̇авуд̇д̇ид̇ааяа бажжаяуббанно бажжаяам̣ бажжаяам̣ гарод̇ийд̇и имассад̇т̇асса васзна убаяог̇аважанам̣ д̣̇адтаб̣б̣ам̣. вад̇т̇ум̣ канд̇хз виббаяуд̇д̇абажжаяагаран̣ад̇од̇и аяан̃хзд̇т̇а ад̇т̇о. адтагат̇ааяам̣ бана ‘‘вад̇т̇ум̣ бадижжа виббаяуд̇д̇абажжаяаа, вад̇т̇унаа виббаяуд̇д̇абажжаяад̇ам̣ саад̇хзнд̇знаа’’д̇и ад̇т̇о вуд̇д̇о, д̇ад̇т̇а гусалаанам̣ канд̇хаанам̣ вад̇т̇ум̣ бадижжа уббад̇д̇и над̇т̇ийд̇и ‘‘вад̇т̇ум̣ бадижжаа’’д̇и на саггаа вад̇д̇унд̇и, ид̣̇ам̣ бана бадижжасад̣̇д̣̇зна аяож̇зд̇ваа ‘‘бадижжа уббаж̇ж̇анд̇и вад̇т̇ум̣ виббаяуд̇д̇абажжаяаа’’д̇и яож̇зд̇ваа д̇ассад̇т̇о ‘‘вад̇т̇унаа виббаяуд̇д̇абажжаяад̇ам̣ саад̇хзнд̇знаа’’д̇и вуд̇д̇од̇и д̣̇адтаб̣б̣о. гим̣ бана бадижжаад̇и? яам̣ ‘‘згам̣ канд̇ха’’нд̇иаад̣̇игам̣ баал̣ияам̣ бадижжаад̇и вуд̇д̇ам̣. д̇амзва ад̇т̇ам̣ баагадам̣ гад̇ваа ‘‘вад̇т̇ум̣ виббаяуд̇д̇абажжаяаад̇и канд̇хз бадижжа канд̇хаа, вад̇т̇унаа виббаяуд̇д̇абажжаяад̇ам̣ саад̇хзнд̇знаа’’д̇и батанд̇и. ананд̇арад̇д̇аа баагадасса аб̣яаагад̇ажид̇д̇асамудтаанассзва г̇ахан̣ам̣ маа ход̇ууд̇и ‘‘аб̣яаагад̇ажид̇д̇асамудтаанамби гусалаагусалажид̇д̇асамудтаанамбий’’д̇и ааха. аасаннамби д̣̇уурамби саб̣б̣анд̇и вуд̇д̇ам̣ ход̇ийд̇и.
69. Vippayuttapaccayā uppajjamānānampi kesañci niyamato vatthu vippayuttapaccayo, kesañci khandhā, na ca samānavippayuttapaccayā eva kusalādike paṭicca uppajjamānā uppajjanti, atha kho nānāvippayuttapaccayāpi, tasmā taṃ visesaṃ dassetuṃ ‘‘vatthuṃ vippayuttapaccayā, khandhe vippayuttapaccayā’’ti tattha tattha vuttaṃ. Tattha tadāyattavuttitāya paccayuppanno paccayaṃ paccayaṃ karotīti imassatthassa vasena upayogavacanaṃ daṭṭhabbaṃ. Vatthuṃ khandhe vippayuttapaccayakaraṇatoti ayañhettha attho. Aṭṭhakathāyaṃ pana ‘‘vatthuṃ paṭicca vippayuttapaccayā, vatthunā vippayuttapaccayataṃ sādhentenā’’ti attho vutto, tattha kusalānaṃ khandhānaṃ vatthuṃ paṭicca uppatti natthīti ‘‘vatthuṃ paṭiccā’’ti na sakkā vattunti, idaṃ pana paṭiccasaddena ayojetvā ‘‘paṭicca uppajjanti vatthuṃ vippayuttapaccayā’’ti yojetvā tassattho ‘‘vatthunā vippayuttapaccayataṃ sādhentenā’’ti vuttoti daṭṭhabbo. Kiṃ pana paṭiccāti? Yaṃ ‘‘ekaṃ khandha’’ntiādikaṃ pāḷiyaṃ paṭiccāti vuttaṃ. Tameva atthaṃ pākaṭaṃ katvā ‘‘vatthuṃ vippayuttapaccayāti khandhe paṭicca khandhā, vatthunā vippayuttapaccayataṃ sādhentenā’’ti paṭhanti. Anantarattā pākaṭassa abyākatacittasamuṭṭhānasseva gahaṇaṃ mā hotūti ‘‘abyākatacittasamuṭṭhānampi kusalākusalacittasamuṭṭhānampī’’ti āha. Āsannampi dūrampi sabbanti vuttaṃ hotīti.
71-72. ‘‘имз вийсад̇и бажжаяаад̇и сам̣кибид̇ваа д̣̇ассид̇аанам̣ васзнзд̇ам̣ вуд̇д̇а’’нд̇и вуд̇д̇ам̣. д̇ад̇т̇а яад̣̇и згзнаби д̣̇зсанам̣ сам̣кид̇д̇ам̣ сам̣кид̇д̇амзва, аад̣̇имхи бана д̇аяо бажжаяаа виббаяуд̇д̇абажжаяо згамби бад̣̇ам̣ абарихаабзд̇ваа вид̇т̇аарид̇аад̇и д̇з жад̇д̇ааро бажчааж̇аад̇ан̃жа важ̇ж̇зд̇ваа ‘‘имз згуунавийсад̇и бажжаяаа’’д̇и вад̇д̇аб̣б̣ам̣ сияаа. зд̇д̇агаа хи сам̣кибид̇ваа д̣̇ассид̇аад̇и. яз бана баал̣ияам̣ вид̇т̇аарид̇ам̣ авид̇т̇аарид̇ан̃жа саб̣б̣ам̣ сан̇г̇ахзд̇ваа вуд̇д̇анд̇и вад̣̇анд̇и, д̇зсам̣ ‘‘имз д̇звийсад̇и бажжаяаа’’д̇и баатзна бхавид̇аб̣б̣ам̣. аад̣̇имхи бана д̇аяо бажжаяз вид̇т̇аарид̇з важ̇ж̇зд̇ваа яад̇о бабхуд̇и сан̇кзбо аарад̣̇д̇хо, д̇ад̇о жад̇уд̇т̇ад̇о бабхуд̇и сам̣кид̇д̇ам̣ вид̇т̇аарид̇ан̃жа саха г̇ахзд̇ваа ‘‘имз д̇звийсад̇и бажжаяаа’’д̇и вуд̇д̇анд̇и д̣̇адтаб̣б̣ам̣.
71-72. ‘‘Ime vīsati paccayāti saṃkhipitvā dassitānaṃ vasenetaṃ vutta’’nti vuttaṃ. Tattha yadi ekenapi desanaṃ saṃkhittaṃ saṃkhittameva, ādimhi pana tayo paccayā vippayuttapaccayo ekampi padaṃ aparihāpetvā vitthāritāti te cattāro pacchājātañca vajjetvā ‘‘ime ekūnavīsati paccayā’’ti vattabbaṃ siyā. Ettakā hi saṃkhipitvā dassitāti. Ye pana pāḷiyaṃ vitthāritaṃ avitthāritañca sabbaṃ saṅgahetvā vuttanti vadanti, tesaṃ ‘‘ime tevīsati paccayā’’ti pāṭhena bhavitabbaṃ. Ādimhi pana tayo paccaye vitthārite vajjetvā yato pabhuti saṅkhepo āraddho, tato catutthato pabhuti saṃkhittaṃ vitthāritañca saha gahetvā ‘‘ime tevīsati paccayā’’ti vuttanti daṭṭhabbaṃ.
вибхан̇г̇аваараван̣н̣анаа нидтид̇аа.
Vibhaṅgavāravaṇṇanā niṭṭhitā.
(2) сан̇кяаавааро
(2) Saṅkhyāvāro
73. д̇ат̇аа бурзж̇аад̇абажжаязд̇и яат̇аа ан̃н̃аман̃н̃абажжаяз висзсо вибхан̇г̇з ад̇т̇и, д̇ат̇аа бурзж̇аад̇абажжаязби ад̇т̇ийд̇и ад̇т̇о. ‘‘вад̇т̇ум̣ бурзж̇аад̇абажжаяаа’’д̇и хи д̇ад̇т̇а висзсо бадисанд̇хиабхааво жаад̇и. вибаагаани жзва вийт̇ижид̇д̇аани жа на лаб̣бханд̇ийд̇и зд̇зна ‘‘гирияааб̣яаагад̇ам̣ згам̣ канд̇хам̣ бадижжаа’’д̇иаад̣̇игз (бадтаа. 1.1.53) вибхан̇г̇з вибаагааб̣яаагад̇аабхаавам̣ гирияааб̣яаагад̇з жа аж̇аванасса саб̣б̣зна саб̣б̣ам̣ алаб̣бхамаанад̇ам̣ висзсам̣ д̣̇ассзд̇и.
73. Tathāpurejātapaccayeti yathā aññamaññapaccaye viseso vibhaṅge atthi, tathā purejātapaccayepi atthīti attho. ‘‘Vatthuṃ purejātapaccayā’’ti hi tattha viseso paṭisandhiabhāvo cāti. Vipākāni cevavīthicittāni ca na labbhantīti etena ‘‘kiriyābyākataṃ ekaṃ khandhaṃ paṭiccā’’tiādike (paṭṭhā. 1.1.53) vibhaṅge vipākābyākatābhāvaṃ kiriyābyākate ca ajavanassa sabbena sabbaṃ alabbhamānataṃ visesaṃ dasseti.
74. згамуулагз д̣̇ассид̇ааяа д̣̇зсанааяа лаб̣бхамаанаг̇ан̣анан̃н̃зва аад̣̇ааяаад̇и ид̣̇ам̣ зд̇асмим̣ ануломз суд̣̇д̇хиганаяз д̣̇ассид̇аг̇ан̣анад̇о д̇ад̇о барзсу наязсу ан̃н̃иссаа абхаавам̣ санд̇хааяа вуд̇д̇ам̣. аб̣ахуг̇ан̣анзна яуд̇д̇асса д̇зна самаанаг̇ан̣анад̇аа жа имасмим̣ ануломзязва д̣̇адтаб̣б̣аа. бажжанийяз бана ‘‘нахзд̇убажжаяаа наарамман̣з зга’’нд̇иаад̣̇им̣ (бадтаа. 1.1.104) вагкад̇ийд̇и.
74. Ekamūlake dassitāya desanāya labbhamānagaṇanaññeva ādāyāti idaṃ etasmiṃ anulome suddhikanaye dassitagaṇanato tato paresu nayesu aññissā abhāvaṃ sandhāya vuttaṃ. Abahugaṇanena yuttassa tena samānagaṇanatā ca imasmiṃ anulomeyeva daṭṭhabbā. Paccanīye pana ‘‘nahetupaccayā nārammaṇe eka’’ntiādiṃ (paṭṭhā. 1.1.104) vakkhatīti.
76-79. д̇з бана сан̇кибид̇ваа д̇звийсад̇имуулаговзд̇т̇а д̣̇ассид̇од̇и зд̇т̇а бажчааж̇аад̇авибаагаанам̣ барихийнад̇д̇аа ‘‘д̣̇ваавийсад̇имуулаго’’д̇и вад̇д̇аб̣б̣ам̣ сияаа саасзванасавибаагаанам̣ васзна. д̣̇увид̇хамби бана д̣̇ваавийсад̇имуулагам̣ саха г̇ахзд̇ваа сан̇г̇ахид̇з д̇асмим̣ убхаяасаб̣бхаавад̇о ‘‘д̇звийсад̇имуулаго’’д̇и аахаад̇и д̣̇адтаб̣б̣ам̣. аасзванавибаагаанам̣ ваа вирод̇хаабхаавз сад̇и бужчааяа д̣̇ассид̇анаязна д̇звийсад̇имуулагзна бхавид̇аб̣б̣ам̣, д̇асса жа наамам̣ д̣̇ваавийсад̇имуулагз ааробзд̇ваа ‘‘д̇звийсад̇имуулаго’’д̇и вуд̇д̇анд̇и аяамзд̇т̇а рул̣хий.
76-79. Te pana saṅkhipitvā tevīsatimūlakovettha dassitoti ettha pacchājātavipākānaṃ parihīnattā ‘‘dvāvīsatimūlako’’ti vattabbaṃ siyā sāsevanasavipākānaṃ vasena. Duvidhampi pana dvāvīsatimūlakaṃ saha gahetvā saṅgahite tasmiṃ ubhayasabbhāvato ‘‘tevīsatimūlako’’ti āhāti daṭṭhabbaṃ. Āsevanavipākānaṃ vā virodhābhāve sati pucchāya dassitanayena tevīsatimūlakena bhavitabbaṃ, tassa ca nāmaṃ dvāvīsatimūlake āropetvā ‘‘tevīsatimūlako’’ti vuttanti ayamettha ruḷhī.
аарамман̣абад̣̇з жзваад̇и зд̇зна згамуулагз ан̃н̃абад̣̇аани важ̇ж̇зд̇и. на хи згамуулагз хзд̇аад̣̇ийсу д̇аяоваад̇и ад̇хиббааяо. суд̣̇д̇хиганаяо бана аарамман̣амуулагаад̣̇ийсу на лаб̣бхад̇ийд̇и аарамман̣амуулагз ‘‘наваа’’д̇и зд̇ааяа ад̇хигаг̇ан̣анааяа абхаавад̣̇ассанад̇т̇ам̣ ‘‘аарамман̣з тид̇зна саб̣б̣ад̇т̇а д̇ийн̣зва бан̃хаа’’д̇и вуд̇д̇ам̣. д̇ад̇т̇а гаад̇аб̣б̣аад̇и важанасзсо. д̇ийн̣зваад̇и жа д̇ад̇о уд̣̇д̇хам̣ г̇ан̣анам̣ ниваарзд̇и, на ад̇хо бадигкибад̇и. д̇зна ‘‘вибаагз зга’’нд̇и г̇ан̣анаа на ниваарид̇аад̇и д̣̇адтаб̣б̣аа. д̇ийсу згасса анд̇ог̇ад̇хад̇ааяа жа ‘‘д̇ийн̣зваа’’д̇и вуд̇д̇анд̇и. ид̇ийд̇иаад̣̇инаа ‘‘саб̣б̣ад̇т̇а д̇ийн̣зваа’’д̇и важанзна ад̇д̇ано важанам̣ д̣̇ал̣хам̣ гарод̇и.
Ārammaṇapade cevāti etena ekamūlake aññapadāni vajjeti. Na hi ekamūlake hetādīsu tayovāti adhippāyo. Suddhikanayo pana ārammaṇamūlakādīsu na labbhatīti ārammaṇamūlake ‘‘navā’’ti etāya adhikagaṇanāya abhāvadassanatthaṃ ‘‘ārammaṇe ṭhitena sabbattha tīṇeva pañhā’’ti vuttaṃ. Tattha kātabbāti vacanaseso. Tīṇevāti ca tato uddhaṃ gaṇanaṃ nivāreti, na adho paṭikkhipati. Tena ‘‘vipāke eka’’nti gaṇanā na nivāritāti daṭṭhabbā. Tīsu ekassa antogadhatāya ca ‘‘tīṇevā’’ti vuttanti. Itītiādinā ‘‘sabbattha tīṇevā’’ti vacanena attano vacanaṃ daḷhaṃ karoti.
80-85. яз …бз… д̇ам̣ д̣̇ассзд̇унд̇и зд̇т̇ааяамад̇хиббааяо – яад̣̇иби авиг̇ад̇аананд̇арам̣ ‘‘аарамман̣абажжаяаа хзд̇уяаа д̇ийн̣ий’’д̇и вуд̇д̇зби уунад̇араг̇ан̣анзна сад̣̇д̇хим̣ сам̣санд̣̇анз яаа г̇ан̣анаа лаб̣бхад̇и, саа д̣̇ассид̇аа ход̇и, д̇ат̇ааби уунад̇араг̇ан̣анзхи самаанаг̇ан̣анзхи жа сад̣̇д̇хим̣ сам̣санд̣̇анз уунад̇араа самаанаа жа ход̇и, на звам̣ аавигаран̣авасзна д̣̇ассид̇аа ход̇и, вибаллаасаяож̇анааяа бана д̇ат̇аа д̣̇ассзд̇и. важанзна ваа хи лин̇г̇зна ваа ад̇т̇ависзсаавигаран̣ам̣ ход̇ийд̇и. д̇знзд̇ам̣ аавигарод̇ийд̇и зд̇т̇ааби звамзва ад̇хиббааяо яож̇зд̇аб̣б̣о. бажжанийяаад̣̇ийсуби бана ‘‘наарамман̣абажжаяаа нахзд̇уяаа згам̣…бз… новиг̇ад̇абажжаяаа нахзд̇уяаа зга’’нд̇иаад̣̇инаа (бадтаа. 1.1.107) муулабад̣̇ам̣ аад̣̇имхиязва табзд̇ваа яож̇анаа гад̇аа, на жа д̇ад̇т̇а зд̇ам̣ лагкан̣ам̣ лаб̣бхад̇и, д̇асмаа муулабад̣̇асса аад̣̇имхи табзд̇ваа яож̇анамзва гамо, на жаггаб̣анд̇хананд̇и ‘‘аарамман̣абажжаяаа хзд̇уяаа д̇ийн̣ий’’д̇иаад̣̇и яож̇ид̇ам̣, на жа вин̃н̃аад̇з ад̇т̇з важанзна лин̇г̇зна жа баяож̇анамад̇т̇ийд̇и.
80-85. Ye…pe… taṃ dassetunti etthāyamadhippāyo – yadipi avigatānantaraṃ ‘‘ārammaṇapaccayā hetuyā tīṇī’’ti vuttepi ūnataragaṇanena saddhiṃ saṃsandane yā gaṇanā labbhati, sā dassitā hoti, tathāpi ūnataragaṇanehi samānagaṇanehi ca saddhiṃ saṃsandane ūnatarā samānā ca hoti, na evaṃ āvikaraṇavasena dassitā hoti, vipallāsayojanāya pana tathā dasseti. Vacanena vā hi liṅgena vā atthavisesāvikaraṇaṃ hotīti. Tenetaṃ āvikarotīti etthāpi evameva adhippāyo yojetabbo. Paccanīyādīsupi pana ‘‘nārammaṇapaccayā nahetuyā ekaṃ…pe… novigatapaccayā nahetuyā eka’’ntiādinā (paṭṭhā. 1.1.107) mūlapadaṃ ādimhiyeva ṭhapetvā yojanā katā, na ca tattha etaṃ lakkhaṇaṃ labbhati, tasmā mūlapadassa ādimhi ṭhapetvā yojanameva kamo, na cakkabandhananti ‘‘ārammaṇapaccayā hetuyā tīṇī’’tiādi yojitaṃ, na ca viññāte atthe vacanena liṅgena ca payojanamatthīti.
бажжаяаануломаван̣н̣анаа нидтид̇аа.
Paccayānulomavaṇṇanā niṭṭhitā.
бадижжавааро
Paṭiccavāro
бажжаяабажжанийяаван̣н̣анаа
Paccayapaccanīyavaṇṇanā
86-87. ‘‘ахзд̇угам̣ вибаагааб̣яаагад̇анд̇и ид̣̇ам̣ руубасамудтаабагавасзнзва взд̣̇ид̇аб̣б̣а’’нд̇и вуд̇д̇ам̣, саб̣б̣асан̇г̇аахагавасзна банзд̇ам̣ на на саггаа яож̇зд̇ум̣.
86-87. ‘‘Ahetukaṃ vipākābyākatanti idaṃ rūpasamuṭṭhāpakavaseneva veditabba’’nti vuttaṃ, sabbasaṅgāhakavasena panetaṃ na na sakkā yojetuṃ.
93. сахаж̇аад̇абурзж̇аад̇абажжаяаа сан̇г̇ахам̣ г̇ажчанд̇ийд̇и зд̇т̇а жа сахаж̇аад̇аа жа хзд̇аад̣̇аяо бурзж̇аад̇аа жа аарамман̣аад̣̇аяо бажжаяаа сан̇г̇ахам̣ г̇ажчанд̇ийд̇и ад̇т̇о д̣̇адтаб̣б̣о. на хи набажчааж̇аад̇абажжаяаа уббаж̇ж̇амаанаа д̣̇вийхзва сахаж̇аад̇абурзж̇аад̇абажжаязхи уббаж̇ж̇анд̇и, ат̇а ко бажчааж̇аад̇аваж̇ж̇зхи саб̣б̣зхийд̇и.
93. Sahajātapurejātapaccayā saṅgahaṃ gacchantīti ettha ca sahajātā ca hetādayo purejātā ca ārammaṇādayo paccayā saṅgahaṃ gacchantīti attho daṭṭhabbo. Na hi napacchājātapaccayā uppajjamānā dvīheva sahajātapurejātapaccayehi uppajjanti, atha kho pacchājātavajjehi sabbehīti.
94-97. наахаарабажжаяз згажжам̣ руубамзва бажжаяабажжаяуббаннанд̇и яам̣ бадижжа уббаж̇ж̇ад̇и, со бажжаяо руубамзваад̇и гад̇ваа вуд̇д̇ам̣. яасмаа бана бажжаяаа уббаж̇ж̇ад̇и, со аруубамби ход̇и яат̇аа гаммам̣ гадад̇д̇ааруубасса.
94-97. Nāhārapaccaye ekaccaṃ rūpameva paccayapaccayuppannanti yaṃ paṭicca uppajjati, so paccayo rūpamevāti katvā vuttaṃ. Yasmā pana paccayā uppajjati, so arūpampi hoti yathā kammaṃ kaṭattārūpassa.
99-102. намаг̇г̇абажжаяз яад̣̇иби жид̇д̇асамудтаанаад̣̇аяо саб̣б̣з руубагодтаасаа лаб̣бханд̇и, д̇ат̇ааби яам̣ маг̇г̇абажжаяам̣ лабхад̇и, д̇асса бахийнад̇д̇аа ‘‘згажжам̣ руубам̣ бажжаяуббанна’’нд̇и вуд̇д̇ам̣, звамзва бана нахзд̇убажжаяаад̣̇ийсуби згажжаруубасса бажжаяуббаннад̇аа д̣̇адтаб̣б̣аа.
99-102. Namaggapaccaye yadipi cittasamuṭṭhānādayo sabbe rūpakoṭṭhāsā labbhanti, tathāpi yaṃ maggapaccayaṃ labhati, tassa pahīnattā ‘‘ekaccaṃ rūpaṃpaccayuppanna’’nti vuttaṃ, evameva pana nahetupaccayādīsupi ekaccarūpassa paccayuppannatā daṭṭhabbā.
107-130. наахааранаинд̣̇рияанажхаананамаг̇г̇абажжаяаа саб̣б̣ад̇т̇а сад̣̇исависсаж̇ж̇анаад̇и ид̣̇ам̣ зд̇зсу муулабхаавзна тид̇зсу г̇ан̣анааяа самаанад̇ам̣ санд̇хааяа вуд̇д̇ам̣. муулаанан̃хи ид̇ха виссаж̇ж̇анам̣ г̇ан̣анааязва, на саруубад̣̇ассананд̇и. насахаж̇аад̇аад̣̇ижад̇уггам̣ ид̇хааби барихийнамзваад̇и суд̣̇д̇хиганаяз вияа муулзсуби барихийнамзваад̇и ад̇т̇о.
107-130. Nāhāranaindriyanajhānanamaggapaccayā sabbattha sadisavissajjanāti idaṃ etesu mūlabhāvena ṭhitesu gaṇanāya samānataṃ sandhāya vuttaṃ. Mūlānañhi idha vissajjanaṃ gaṇanāyeva, na sarūpadassananti. Nasahajātādicatukkaṃ idhāpi parihīnamevāti suddhikanaye viya mūlesupi parihīnamevāti attho.
бажжаяабажжанийяаван̣н̣анаа нидтид̇аа.
Paccayapaccanīyavaṇṇanā niṭṭhitā.
бажжаяаануломабажжанийяаван̣н̣анаа
Paccayānulomapaccanīyavaṇṇanā
131-189. хзд̇аад̇хибад̇имаг̇г̇абажжаязсу ануломад̇о тид̇зсу…бз… адта бажжанийяад̇о на лаб̣бханд̇ийд̇и д̇ин̣н̣амби саад̇хааран̣аанам̣ бажжанийяад̇о алаб̣бхамаанаанам̣ саб̣б̣зсам̣ сан̇г̇ахавасзна вуд̇д̇ам̣, д̇асмаа маг̇г̇абажжаяз ид̇арзхи саад̇хааран̣аа сад̇д̇зва яож̇зд̇аб̣б̣аа. ад̇хибад̇ибажжаяз ануломад̇о тид̇з хзд̇убажжаяоби бажжанийяад̇о на лаб̣бхад̇и, со бана маг̇г̇зна асаад̇хааран̣од̇и гад̇ваа на вуд̇д̇од̇и д̣̇адтаб̣б̣о. язхи винаа аруубам̣ на уббаж̇ж̇ад̇и, д̇з зганд̇игад̇д̇аа аруубадтаанигаад̇и ид̇ха вуд̇д̇аад̇и д̣̇адтаб̣б̣аа, д̇зна бурзж̇аад̇аасзванабажжаяаа д̇зхи винааби аруубасса уббад̇д̇ид̇о важ̇ж̇ид̇аа хонд̇и. саб̣б̣адтаанигаа ан̃н̃аман̃н̃ааахааринд̣̇рияаа жа д̇зхи винаа аруубасса ануббад̇д̇ид̇о сан̇г̇ахид̇аад̇и. уунад̇араг̇ан̣анаанам̣язва васзнаад̇и яад̣̇и ануломад̇о тид̇аа згагаад̣̇аяо д̣̇ваавийсад̇ибарияосаанаа уунад̇араг̇ан̣анаа хонд̇и, д̇зсам̣ васзна бажжанийяад̇о яож̇ид̇асса д̇асса д̇асса г̇ан̣анаа взд̣̇ид̇аб̣б̣аа. ат̇а бажжанийяад̇о яож̇ид̇о уунад̇араг̇ан̣ано, д̇асса васзна ануломад̇о тид̇ассаби г̇ан̣анаа взд̣̇ид̇аб̣б̣аад̇и ад̇т̇о. ‘‘ан̃н̃аман̃н̃абажжаяаа наарамман̣з зга’’нд̇иаад̣̇иважанад̇о (бадтаа. 1.1.146) бана на ид̣̇ам̣ лагкан̣ам̣ зганд̇игам̣.
131-189. Hetādhipatimaggapaccayesu anulomato ṭhitesu…pe… aṭṭha paccanīyato na labbhantīti tiṇṇampi sādhāraṇānaṃ paccanīyato alabbhamānānaṃ sabbesaṃ saṅgahavasena vuttaṃ, tasmā maggapaccaye itarehi sādhāraṇā satteva yojetabbā. Adhipatipaccaye anulomato ṭhite hetupaccayopi paccanīyato na labbhati, so pana maggena asādhāraṇoti katvā na vuttoti daṭṭhabbo. Yehi vinā arūpaṃ na uppajjati, te ekantikattā arūpaṭṭhānikāti idha vuttāti daṭṭhabbā, tena purejātāsevanapaccayā tehi vināpi arūpassa uppattito vajjitā honti. Sabbaṭṭhānikā aññamaññaāhārindriyā ca tehi vinā arūpassa anuppattito saṅgahitāti. Ūnataragaṇanānaṃyeva vasenāti yadi anulomato ṭhitā ekakādayo dvāvīsatipariyosānā ūnataragaṇanā honti, tesaṃ vasena paccanīyato yojitassa tassa tassa gaṇanā veditabbā. Atha paccanīyato yojito ūnataragaṇano, tassa vasena anulomato ṭhitassapi gaṇanā veditabbāti attho. ‘‘Aññamaññapaccayā nārammaṇe eka’’ntiādivacanato (paṭṭhā. 1.1.146) pana na idaṃ lakkhaṇaṃ ekantikaṃ.
бажжаяаануломабажжанийяаван̣н̣анаа нидтид̇аа.
Paccayānulomapaccanīyavaṇṇanā niṭṭhitā.
бажжаяабажжанийяаануломаван̣н̣анаа
Paccayapaccanīyānulomavaṇṇanā
190. саб̣б̣ад̇т̇зваад̇и на гзвалам̣ хзд̇умхиязва, ат̇а ко саб̣б̣зсу бажжаязсу бажжанийгад̇о тид̇зсууд̇и ад̇т̇о. бурзж̇аад̇ам̣ аасзванан̃жа алабханд̇ам̣ ган̃жи нид̣̇ассанавасзна д̣̇ассзнд̇о ‘‘бадисанд̇хивибааго банаа’’д̇иаад̣̇имааха.
190. Sabbatthevāti na kevalaṃ hetumhiyeva, atha kho sabbesu paccayesu paccanīkato ṭhitesūti attho. Purejātaṃ āsevanañca alabhantaṃ kañci nidassanavasena dassento ‘‘paṭisandhivipāko panā’’tiādimāha.
‘‘бурзж̇аад̇абажчааж̇аад̇аасзванавибаагавиббаяуд̇д̇зсу бажжанийгад̇о тид̇зсу згам̣ табзд̇ваа авасзсаа ануломад̇о лаб̣бханд̇ий’’д̇и ид̣̇ам̣ авасзсаанам̣ лаабхамад̇д̇ам̣ санд̇хааяа вуд̇д̇ам̣. на саб̣б̣зсам̣ авасзсаанам̣ лаабханд̇и д̣̇адтаб̣б̣ам̣. яад̣̇иби хи бажчааж̇аад̇з басан̇г̇о над̇т̇и ‘‘ануломад̇о саб̣б̣ад̇т̇зва на лаб̣бхад̇ий’’д̇и абаваад̣̇асса гад̇ад̇д̇аа, бурзж̇аад̇о бана виббаяуд̇д̇з бажжанийгад̇о тид̇з ануломад̇о лаб̣бхад̇ийд̇и ид̣̇амби авасзсаа саб̣б̣зд̇и ад̇т̇з г̇аяхамаанз аабаж̇ж̇зяяа. яамби гзжи ‘‘виббаяуд̇д̇абажжаяарахид̇з ааруббзби аарамман̣абурзж̇аад̇асса самбхавам̣ н̃аабзд̇ум̣ звам̣ вуд̇д̇а’’нд̇и вад̣̇анд̇и, д̇амби д̇зсам̣ ружимад̇д̇амзва. на хи яад̇т̇а вад̇т̇убурзж̇аад̇ам̣ на лаб̣бхад̇и, д̇ад̇т̇а аарамман̣абурзж̇аад̇абхаавзна убагаарагам̣ ход̇ийд̇и д̣̇ассид̇ояам̣ наяод̇и. яуж̇ж̇амаанагавасзнаад̇и бажжанийгад̇о тид̇асса табзд̇аб̣б̣ад̇д̇аа вуд̇д̇ам̣, яуж̇ж̇амаанагабажжаяуббаннавасзна ваад̇и ад̇т̇о. ‘‘маг̇г̇абажжаяз бажжанийгад̇о тид̇з хзд̇убажжаяо ануломад̇о на лаб̣бхад̇ий’’д̇и буримабаато, ад̇хибад̇ибажжаяоби бана на лаб̣бхад̇ийд̇и ‘‘хзд̇аад̇хибад̇ибажжаяаа ануломад̇о на лаб̣бханд̇ий’’д̇и батанд̇и. ад̇хибад̇ибажжаяз бажжанийгад̇о тид̇з бажчааж̇аад̇ад̇о ан̃н̃о ануломад̇о алаб̣бхамаано наама над̇т̇ийд̇и на вижаарид̇ам̣. ан̃н̃аман̃н̃з бажжанийгад̇о тид̇з ‘‘аруубаанам̣язваа’’д̇и вуд̇д̇аа нава ануломад̇о на лаб̣бханд̇и, д̇амби бажжанийгад̇о тид̇зхи аарамман̣абажжаяаад̣̇ийхи сад̣̇исад̇ааяа сувин̃н̃зяяанд̇и на вижаарид̇ам̣ бхависсад̇ийд̇и.
‘‘Purejātapacchājātāsevanavipākavippayuttesu paccanīkato ṭhitesu ekaṃ ṭhapetvā avasesā anulomato labbhantī’’ti idaṃ avasesānaṃ lābhamattaṃ sandhāya vuttaṃ. Na sabbesaṃ avasesānaṃ lābhanti daṭṭhabbaṃ. Yadipi hi pacchājāte pasaṅgo natthi ‘‘anulomato sabbattheva na labbhatī’’ti apavādassa katattā, purejāto pana vippayutte paccanīkato ṭhite anulomato labbhatīti idampi avasesā sabbeti atthe gayhamāne āpajjeyya. Yampi keci ‘‘vippayuttapaccayarahite āruppepi ārammaṇapurejātassa sambhavaṃ ñāpetuṃ evaṃ vutta’’nti vadanti, tampi tesaṃ rucimattameva. Na hi yattha vatthupurejātaṃ na labbhati, tattha ārammaṇapurejātabhāvena upakārakaṃ hotīti dassitoyaṃ nayoti. Yujjamānakavasenāti paccanīkato ṭhitassa ṭhapetabbattā vuttaṃ, yujjamānakapaccayuppannavasena vāti attho. ‘‘Maggapaccaye paccanīkato ṭhite hetupaccayo anulomato na labbhatī’’ti purimapāṭho, adhipatipaccayopi pana na labbhatīti ‘‘hetādhipatipaccayā anulomato na labbhantī’’ti paṭhanti. Adhipatipaccaye paccanīkato ṭhite pacchājātato añño anulomato alabbhamāno nāma natthīti na vicāritaṃ. Aññamaññe paccanīkato ṭhite ‘‘arūpānaṃyevā’’ti vuttā nava anulomato na labbhanti, tampi paccanīkato ṭhitehi ārammaṇapaccayādīhi sadisatāya suviññeyyanti na vicāritaṃ bhavissatīti.
191-195. яаава аасзванаа саб̣б̣ам̣ сад̣̇исанд̇и на ан̃н̃аман̃н̃зна гхадид̇асса мууласса вид̇т̇аарид̇ад̇д̇аа д̇ад̇о бараани муулаани санд̇хааяа вуд̇д̇ам̣. д̇зсу хи ануломад̇о яож̇зд̇аб̣б̣абажжаяаа жа бан̃хаа жаад̇и саб̣б̣ам̣ сад̣̇исанд̇и.
191-195. Yāvaāsevanā sabbaṃ sadisanti na aññamaññena ghaṭitassa mūlassa vitthāritattā tato parāni mūlāni sandhāya vuttaṃ. Tesu hi anulomato yojetabbapaccayā ca pañhā cāti sabbaṃ sadisanti.
имасмим̣ бажжанийяаануломзд̇и зд̇асса ‘‘имзсамби багин̣н̣агаанам̣ васзнзд̇т̇а г̇ан̣анавааро асаммохад̇о взд̣̇ид̇аб̣б̣о’’д̇и зд̇зна саха самб̣анд̇хо . д̇ад̇т̇а зд̇т̇аад̇и зд̇зсу бажжаязсууд̇и ад̇т̇о взд̣̇ид̇аб̣б̣о. имасмим̣ бажжанийяаануломз лаб̣бхамаанзсу бажжаяуббаннад̇хаммзсубийд̇и ваа яож̇зд̇аб̣б̣ам̣. д̇ад̇т̇а би-сад̣̇д̣̇зна имамад̇т̇ам̣ д̣̇ийбзд̇и – на гзвалам̣ бажжаязсвзва гисмин̃жи бажжанийгад̇о тид̇з гзжи ануломад̇о на лаб̣бханд̇и, ат̇а ко бажжаяуббаннад̇хаммзсуби гожи згажжам̣ бажжаяам̣ лабхамаано ган̃жи бажжаяам̣ на лабхад̇ийд̇и. д̇ад̇т̇а гаммабажжаяам̣ лабхамаано язбхуяязна инд̣̇рияабажжаяам̣ лабхад̇и, маг̇г̇абажжаяам̣ лабхамаано язбхуяязна хзд̇убажжаяам̣, д̇ат̇аа жа жхаанабажжаяам̣ лабхамаано маг̇г̇абажжаяанд̇и зд̇зсвзва лаабхаалаабхаа вижаарид̇аа. яад̇т̇аад̇и бан̃жавогаарабавад̇д̇з асан̃н̃зсу жа. руубад̇хаммаад̇и яат̇аавуд̇д̇аани гадад̇д̇ааруубаанзва санд̇хааяа вад̣̇ад̇и. на хи бан̃жавогаарабавад̇д̇з саб̣б̣з руубад̇хаммаа хзд̇аад̣̇ийни на лабханд̇ийд̇и. ‘‘хзд̇аад̇хибад̇ивибаагинд̣̇рияабажжаяз на лабханд̇ий’’д̇и буримабаато, жхаанамаг̇г̇зби бана на лабханд̇ийд̇и ‘‘хзд̇аад̇хибад̇ивибаагинд̣̇рияажхаанамаг̇г̇абажжаяз на лабханд̇ий’’д̇и батанд̇и. яз руубад̇хаммаанам̣ бажжаяаа хонд̇и, д̇зсу аруубадтаанигаваж̇ж̇зсу зд̇зязва на лабханд̇ийд̇и ад̇хиббааяо. бажчааж̇аад̇аахааравиббаяуд̇д̇абажжаязби хи бавад̇д̇з гадад̇д̇ааруубам̣ лабхад̇ийд̇и. лаб̣бхамаанаалаб̣бхамаанабажжаяад̣̇ассанамад̇д̇ан̃жзд̇ам̣, на д̇зхи бажжаязхи уббад̇д̇иануббад̇д̇ид̣̇ассананд̇и. звам̣ инд̣̇рияабажжаяаалаабхо ж̇ийвид̇инд̣̇рияам̣ санд̇хааяа вуд̇д̇о сияаа. яат̇аавуд̇д̇зсу хи д̇хаммавасзна бажчааж̇аад̇аад̣̇ид̇д̇аяамби алабханд̇ам̣ наама гадад̇д̇ааруубам̣ над̇т̇и. го бана ваад̣̇о саб̣б̣адтаанигагаммзсу. инд̣̇рияам̣ бана алабханд̇ам̣ ад̇т̇и, гинд̇ам̣? ж̇ийвид̇инд̣̇рияанд̇и. яад̣̇и звам̣ убаад̣̇ааруубаани санд̇хааяа ан̃н̃аман̃н̃абажжаяамби на лабханд̇ийд̇и вад̇д̇аб̣б̣ам̣, д̇ам̣ бана баагаданд̇и на вуд̇д̇ам̣ сияаа. аруубинд̣̇рияаалаабхам̣ ваа санд̇хааяа инд̣̇рияабажжаяаалаабхо вуд̇д̇од̇и д̣̇адтаб̣б̣о.
Imasmiṃ paccanīyānulometi etassa ‘‘imesampi pakiṇṇakānaṃ vasenettha gaṇanavāro asammohato veditabbo’’ti etena saha sambandho . Tattha etthāti etesu paccayesūti attho veditabbo. Imasmiṃ paccanīyānulome labbhamānesu paccayuppannadhammesupīti vā yojetabbaṃ. Tattha pi-saddena imamatthaṃ dīpeti – na kevalaṃ paccayesveva kismiñci paccanīkato ṭhite keci anulomato na labbhanti, atha kho paccayuppannadhammesupi koci ekaccaṃ paccayaṃ labhamāno kañci paccayaṃ na labhatīti. Tattha kammapaccayaṃ labhamāno yebhuyyena indriyapaccayaṃ labhati, maggapaccayaṃ labhamāno yebhuyyena hetupaccayaṃ, tathā ca jhānapaccayaṃ labhamāno maggapaccayanti etesveva lābhālābhā vicāritā. Yatthāti pañcavokārapavatte asaññesu ca. Rūpadhammāti yathāvuttāni kaṭattārūpāneva sandhāya vadati. Na hi pañcavokārapavatte sabbe rūpadhammā hetādīni na labhantīti. ‘‘Hetādhipativipākindriyapaccaye na labhantī’’ti purimapāṭho, jhānamaggepi pana na labhantīti ‘‘hetādhipativipākindriyajhānamaggapaccaye na labhantī’’ti paṭhanti. Ye rūpadhammānaṃ paccayā honti, tesu arūpaṭṭhānikavajjesu eteyeva na labhantīti adhippāyo. Pacchājātāhāravippayuttapaccayepi hi pavatte kaṭattārūpaṃ labhatīti. Labbhamānālabbhamānapaccayadassanamattañcetaṃ, na tehi paccayehi uppattianuppattidassananti. Evaṃ indriyapaccayālābho jīvitindriyaṃ sandhāya vutto siyā. Yathāvuttesu hi dhammavasena pacchājātādittayampi alabhantaṃ nāma kaṭattārūpaṃ natthi. Ko pana vādo sabbaṭṭhānikakammesu. Indriyaṃ pana alabhantaṃ atthi, kintaṃ? Jīvitindriyanti. Yadi evaṃ upādārūpāni sandhāya aññamaññapaccayampi na labhantīti vattabbaṃ, taṃ pana pākaṭanti na vuttaṃ siyā. Arūpindriyālābhaṃ vā sandhāya indriyapaccayālābho vuttoti daṭṭhabbo.
196-197. наарамман̣амуулагзсу д̣̇угаад̣̇ийсу хзд̇уяаа бан̃жаад̇и яад̣̇иби д̇игаад̣̇ийсу ‘‘хзд̇уяаа бан̃жаа’’д̇и ид̣̇ам̣ над̇т̇и, д̇ат̇ааби д̣̇угаад̣̇ийсу саб̣б̣ад̇т̇а ануд̇д̇аанам̣ вад̇д̇угаамо ‘‘д̣̇угаад̣̇ийсуу’’д̇и саб̣б̣асан̇г̇ахавасзна вад̇ваа д̇ад̇т̇а яам̣ аад̣̇ид̣̇угз вуд̇д̇ам̣ ‘‘хзд̇уяаа бан̃жаа’’д̇и, д̇ам̣ нид̣̇д̇хаарзд̇и. гзжи бана ‘‘наарамман̣амуулагз хзд̇уяаа бан̃жаа’’д̇и баатам̣ вад̣̇анд̇и. ‘‘ан̃н̃аман̃н̃з зганд̇и бхууд̇аруубамзва санд̇хааяа вуд̇д̇а’’нд̇и буримабаато, вад̇т̇уби бана лаб̣бхад̇ийд̇и ‘‘бхууд̇аруубаани жзва вад̇т̇ун̃жа санд̇хааяа вуд̇д̇а’’нд̇и батанд̇и. д̇имуулагзд̇и ид̇хааби д̣̇умуулагам̣ д̇имуулаганд̇и вад̣̇анд̇и.
196-197. Nārammaṇamūlakesu dukādīsu hetuyā pañcāti yadipi tikādīsu ‘‘hetuyā pañcā’’ti idaṃ natthi, tathāpi dukādīsu sabbattha anuttānaṃ vattukāmo ‘‘dukādīsū’’ti sabbasaṅgahavasena vatvā tattha yaṃ ādiduke vuttaṃ ‘‘hetuyā pañcā’’ti, taṃ niddhāreti. Keci pana ‘‘nārammaṇamūlake hetuyā pañcā’’ti pāṭhaṃ vadanti. ‘‘Aññamaññe ekanti bhūtarūpameva sandhāya vutta’’nti purimapāṭho, vatthupi pana labbhatīti ‘‘bhūtarūpāni ceva vatthuñca sandhāya vutta’’nti paṭhanti. Timūlaketi idhāpi dumūlakaṃ timūlakanti vadanti.
203-233. нагаммамуулагз хзд̇уяаа д̇ийн̣ийд̇иаад̣̇ийсу жзд̇анаава бажжаяуббаннаад̇и ид̣̇ам̣ ‘‘хзд̇уяаа д̇ийн̣ий’’д̇и звам̣багаарз жзд̇анаамад̇д̇асан̇г̇аахагз санд̇хааяа вуд̇д̇анд̇и д̣̇адтаб̣б̣ам̣. аад̣̇и-сад̣̇д̣̇о хи багаарад̇т̇ова ход̇ийд̇и. сахаж̇аад̇аан̃н̃аман̃н̃аниссаяаахаараад̇т̇иавиг̇ад̇зсу бана руубамби лаб̣бхад̇ийд̇и.
203-233. Nakammamūlakehetuyā tīṇītiādīsu cetanāva paccayuppannāti idaṃ ‘‘hetuyā tīṇī’’ti evaṃpakāre cetanāmattasaṅgāhake sandhāya vuttanti daṭṭhabbaṃ. Ādi-saddo hi pakāratthova hotīti. Sahajātaaññamaññanissayāhāraatthiavigatesu pana rūpampi labbhatīti.
бажжаяабажжанийяаануломаван̣н̣анаа нидтид̇аа.
Paccayapaccanīyānulomavaṇṇanā niṭṭhitā.
бадижжаваараван̣н̣анаа нидтид̇аа.
Paṭiccavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā
1. бадижжаваараван̣н̣анаа • 1. Paṭiccavāravaṇṇanā
бадижжавааро • Paṭiccavāro
