| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
படிச்ச²ன்னபரிவாஸகதா²
Paṭicchannaparivāsakathā
102. இதா³னி யா தாவ அயங் படிச்ச²ன்னாய ஏகிஸ்ஸா ஆபத்தியா வஸேன பாளி வுத்தா, ஸா உத்தானத்தா²வ.
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
108. ததோ பரங் த்³வீஹதீஹசதூஹபஞ்சாஹபடிச்ச²ன்னானங் வஸேன பாளிங் வத்வா பஞ்சாஹபடிச்ச²ன்னாய பரிவாஸதோ பட்டா²ய அந்தராபத்தி த³ஸ்ஸிதா. யஸ்மா பன தங் ஆபத்திங் ஆபன்னோ மூலாயபடிகஸ்ஸனாரஹோ நாம ஹோதி, தஸ்மாஸ்ஸ தத்த² மூலாயபடிகஸ்ஸனங் அனுஞ்ஞாதங். ஸசே பன நிக்கி²த்தவத்தோ ஆபஜ்ஜதி, மூலாயபடிகஸ்ஸனாரஹோ ந ஹோதி. கஸ்மா? யஸ்மா ந ஸோ பரிவஸந்தோ ஆபன்னோ, பகதத்தட்டா²னே டி²தோ ஆபன்னோ, தஸ்மா தஸ்ஸா ஆபத்தியா விஸுங் மானத்தங் சரிதப்³ப³ங். ஸசே படிச்ச²ன்னா ஹோதி பரிவாஸோபி வஸிதப்³போ³. யஞ்சேதங் மூலாயபடிகஸ்ஸனங் வுத்தங், தஸ்மிம்பி கதே பரிவுத்த²தி³வஸா மக்கி²தா ஹொந்தி. இதி பரிவாஸே அந்தராபத்திங் த³ஸ்ஸெத்வா புன மானத்தாரஹஸ்ஸ அந்தராபத்திங் த³ஸ்ஸெத்வா மூலாயபடிகஸ்ஸனங் வுத்தங், தஸ்மிம்பி கதே பரிவுத்த²தி³வஸா மக்கி²தாவ ஹொந்தி. ததோ பரிவுத்த²பரிவாஸஸ்ஸ தாஸங் திஸ்ஸன்னம்பி ஆபத்தீனங் ஸமோதா⁴னமானத்தங் த³ஸ்ஸிதங். ததோ மானத்தசாரிகஸ்ஸ அந்தராபத்திங் த³ஸ்ஸெத்வா மூலாயபடிகஸ்ஸனங் வுத்தங். தஸ்மிங் பன படிகஸ்ஸனே கதே மானத்தசிண்ணதி³வஸாபி பரிவுத்த²தி³வஸாபி மக்கி²தாவ ஹொந்தி. ததோ அப்³பா⁴னாரஹஸ்ஸ அந்தராபத்திங் த³ஸ்ஸெத்வா மூலாயபடிகஸ்ஸனங் வுத்தங். தஸ்மிம்பி கதே ஸப்³பே³ தே மக்கி²தாவ ஹொந்தி. ததோ பரங் ஸப்³பா³ அந்தராபத்தியோ யோஜெத்வா அப்³பா⁴னகம்மங் த³ஸ்ஸிதங். ஏவங் படிச்ச²ன்னவாரே ஏகாஹபடிச்ச²ன்னாதி³வஸேன பஞ்ச, அந்தராபத்திவஸேன சதஸ்ஸோதி நவ கம்மவாசா த³ஸ்ஸிதா ஹொந்தி.
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
படிச்ச²ன்னபரிவாஸகதா² நிட்டி²தா.
Paṭicchannaparivāsakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
ஏகாஹப்படிச்ச²ன்னபரிவாஸங் • Ekāhappaṭicchannaparivāsaṃ
பஞ்சாஹப்படிச்ச²ன்னபரிவாஸோ • Pañcāhappaṭicchannaparivāso
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
பரிவாஸகதா²வண்ணனா • Parivāsakathāvaṇṇanā
படிச்ச²ன்னபரிவாஸகதா²வண்ணனா • Paṭicchannaparivāsakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
பரிவாஸகதா²வண்ணனா • Parivāsakathāvaṇṇanā
படிச்ச²ன்னபரிவாஸாதி³கதா²வண்ணனா • Paṭicchannaparivāsādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / படிச்ச²ன்னபரிவாஸகதா²வண்ணனா • Paṭicchannaparivāsakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / படிச்ச²ன்னபரிவாஸகதா² • Paṭicchannaparivāsakathā
