| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
бадижчаннабариваасагат̇аа
Paṭicchannaparivāsakathā
102. ид̣̇аани яаа д̇аава аяам̣ бадижчаннааяа згиссаа аабад̇д̇ияаа васзна баал̣и вуд̇д̇аа, саа уд̇д̇аанад̇т̇аава.
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
108. д̇ад̇о барам̣ д̣̇вийхад̇ийхажад̇уухабан̃жаахабадижчаннаанам̣ васзна баал̣им̣ вад̇ваа бан̃жаахабадижчаннааяа бариваасад̇о бадтааяа анд̇араабад̇д̇и д̣̇ассид̇аа. яасмаа бана д̇ам̣ аабад̇д̇им̣ аабанно муулааяабадигассанаарахо наама ход̇и, д̇асмаасса д̇ад̇т̇а муулааяабадигассанам̣ анун̃н̃аад̇ам̣. сажз бана нигкид̇д̇авад̇д̇о аабаж̇ж̇ад̇и, муулааяабадигассанаарахо на ход̇и. гасмаа? яасмаа на со баривасанд̇о аабанно, багад̇ад̇д̇адтаанз тид̇о аабанно, д̇асмаа д̇ассаа аабад̇д̇ияаа висум̣ маанад̇д̇ам̣ жарид̇аб̣б̣ам̣. сажз бадижчаннаа ход̇и бариваасоби васид̇аб̣б̣о. яан̃жзд̇ам̣ муулааяабадигассанам̣ вуд̇д̇ам̣, д̇асмимби гад̇з баривуд̇т̇ад̣̇ивасаа магкид̇аа хонд̇и. ид̇и бариваасз анд̇араабад̇д̇им̣ д̣̇ассзд̇ваа буна маанад̇д̇аарахасса анд̇араабад̇д̇им̣ д̣̇ассзд̇ваа муулааяабадигассанам̣ вуд̇д̇ам̣, д̇асмимби гад̇з баривуд̇т̇ад̣̇ивасаа магкид̇аава хонд̇и. д̇ад̇о баривуд̇т̇абариваасасса д̇аасам̣ д̇иссаннамби аабад̇д̇ийнам̣ самод̇хаанамаанад̇д̇ам̣ д̣̇ассид̇ам̣. д̇ад̇о маанад̇д̇ажааригасса анд̇араабад̇д̇им̣ д̣̇ассзд̇ваа муулааяабадигассанам̣ вуд̇д̇ам̣. д̇асмим̣ бана бадигассанз гад̇з маанад̇д̇ажин̣н̣ад̣̇ивасааби баривуд̇т̇ад̣̇ивасааби магкид̇аава хонд̇и. д̇ад̇о аб̣бхаанаарахасса анд̇араабад̇д̇им̣ д̣̇ассзд̇ваа муулааяабадигассанам̣ вуд̇д̇ам̣. д̇асмимби гад̇з саб̣б̣з д̇з магкид̇аава хонд̇и. д̇ад̇о барам̣ саб̣б̣аа анд̇араабад̇д̇ияо яож̇зд̇ваа аб̣бхаанагаммам̣ д̣̇ассид̇ам̣. звам̣ бадижчаннаваарз згаахабадижчаннаад̣̇ивасзна бан̃жа, анд̇араабад̇д̇ивасзна жад̇ассод̇и нава гаммаваажаа д̣̇ассид̇аа хонд̇и.
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
бадижчаннабариваасагат̇аа нидтид̇аа.
Paṭicchannaparivāsakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
згаахаббадижчаннабариваасам̣ • Ekāhappaṭicchannaparivāsaṃ
бан̃жаахаббадижчаннабариваасо • Pañcāhappaṭicchannaparivāso
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бариваасагат̇ааван̣н̣анаа • Parivāsakathāvaṇṇanā
бадижчаннабариваасагат̇ааван̣н̣анаа • Paṭicchannaparivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
бариваасагат̇ааван̣н̣анаа • Parivāsakathāvaṇṇanā
бадижчаннабариваасаад̣̇игат̇ааван̣н̣анаа • Paṭicchannaparivāsādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бадижчаннабариваасагат̇ааван̣н̣анаа • Paṭicchannaparivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бадижчаннабариваасагат̇аа • Paṭicchannaparivāsakathā
