| Library / Tipiṭaka / ติปิฎก • Tipiṭaka / จูฬวคฺค-อฎฺฐกถา • Cūḷavagga-aṭṭhakathā |
ปฎิจฺฉนฺนปริวาสกถา
Paṭicchannaparivāsakathā
๑๐๒. อิทานิ ยา ตาว อยํ ปฎิจฺฉนฺนาย เอกิสฺสา อาปตฺติยา วเสน ปาฬิ วุตฺตา, สา อุตฺตานตฺถาวฯ
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
๑๐๘. ตโต ปรํ ทฺวีหตีหจตูหปญฺจาหปฎิจฺฉนฺนานํ วเสน ปาฬิํ วตฺวา ปญฺจาหปฎิจฺฉนฺนาย ปริวาสโต ปฎฺฐาย อนฺตราปตฺติ ทสฺสิตาฯ ยสฺมา ปน ตํ อาปตฺติํ อาปโนฺน มูลายปฎิกสฺสนารโห นาม โหติ, ตสฺมาสฺส ตตฺถ มูลายปฎิกสฺสนํ อนุญฺญาตํฯ สเจ ปน นิกฺขิตฺตวโตฺต อาปชฺชติ, มูลายปฎิกสฺสนารโห น โหติฯ กสฺมา? ยสฺมา น โส ปริวสโนฺต อาปโนฺน, ปกตตฺตฎฺฐาเน ฐิโต อาปโนฺน, ตสฺมา ตสฺสา อาปตฺติยา วิสุํ มานตฺตํ จริตพฺพํฯ สเจ ปฎิจฺฉนฺนา โหติ ปริวาโสปิ วสิตโพฺพฯ ยเญฺจตํ มูลายปฎิกสฺสนํ วุตฺตํ, ตสฺมิมฺปิ กเต ปริวุตฺถทิวสา มกฺขิตา โหนฺติฯ อิติ ปริวาเส อนฺตราปตฺติํ ทเสฺสตฺวา ปุน มานตฺตารหสฺส อนฺตราปตฺติํ ทเสฺสตฺวา มูลายปฎิกสฺสนํ วุตฺตํ, ตสฺมิมฺปิ กเต ปริวุตฺถทิวสา มกฺขิตาว โหนฺติฯ ตโต ปริวุตฺถปริวาสสฺส ตาสํ ติสฺสนฺนมฺปิ อาปตฺตีนํ สโมธานมานตฺตํ ทสฺสิตํฯ ตโต มานตฺตจาริกสฺส อนฺตราปตฺติํ ทเสฺสตฺวา มูลายปฎิกสฺสนํ วุตฺตํฯ ตสฺมิํ ปน ปฎิกสฺสเน กเต มานตฺตจิณฺณทิวสาปิ ปริวุตฺถทิวสาปิ มกฺขิตาว โหนฺติฯ ตโต อพฺภานารหสฺส อนฺตราปตฺติํ ทเสฺสตฺวา มูลายปฎิกสฺสนํ วุตฺตํฯ ตสฺมิมฺปิ กเต สเพฺพ เต มกฺขิตาว โหนฺติฯ ตโต ปรํ สพฺพา อนฺตราปตฺติโย โยเชตฺวา อพฺภานกมฺมํ ทสฺสิตํฯ เอวํ ปฎิจฺฉนฺนวาเร เอกาหปฎิจฺฉนฺนาทิวเสน ปญฺจ, อนฺตราปตฺติวเสน จตโสฺสติ นว กมฺมวาจา ทสฺสิตา โหนฺติฯ
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
ปฎิจฺฉนฺนปริวาสกถา นิฎฺฐิตาฯ
Paṭicchannaparivāsakathā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi
เอกาหปฺปฎิจฺฉนฺนปริวาสํ • Ekāhappaṭicchannaparivāsaṃ
ปญฺจาหปฺปฎิจฺฉนฺนปริวาโส • Pañcāhappaṭicchannaparivāso
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
ปริวาสกถาวณฺณนา • Parivāsakathāvaṇṇanā
ปฎิจฺฉนฺนปริวาสกถาวณฺณนา • Paṭicchannaparivāsakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
ปริวาสกถาวณฺณนา • Parivāsakathāvaṇṇanā
ปฎิจฺฉนฺนปริวาสาทิกถาวณฺณนา • Paṭicchannaparivāsādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปฎิจฺฉนฺนปริวาสกถาวณฺณนา • Paṭicchannaparivāsakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ปฎิจฺฉนฺนปริวาสกถา • Paṭicchannaparivāsakathā
