| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
པཊིཙྪནྣཔརིཝཱསཀཐཱ
Paṭicchannaparivāsakathā
༡༠༢. ཨིདཱནི ཡཱ ཏཱཝ ཨཡཾ པཊིཙྪནྣཱཡ ཨེཀིསྶཱ ཨཱཔཏྟིཡཱ ཝསེན པཱལི༹ ཝུཏྟཱ, སཱ ཨུཏྟཱནཏྠཱཝ།
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
༡༠༨. ཏཏོ པརཾ དྭཱིཧཏཱིཧཙཏཱུཧཔཉྩཱཧཔཊིཙྪནྣཱནཾ ཝསེན པཱལི༹ཾ ཝཏྭཱ པཉྩཱཧཔཊིཙྪནྣཱཡ པརིཝཱསཏོ པཊྛཱཡ ཨནྟརཱཔཏྟི དསྶིཏཱ། ཡསྨཱ པན ཏཾ ཨཱཔཏྟིཾ ཨཱཔནྣོ མཱུལཱཡཔཊིཀསྶནཱརཧོ ནཱམ ཧོཏི, ཏསྨཱསྶ ཏཏྠ མཱུལཱཡཔཊིཀསྶནཾ ཨནུཉྙཱཏཾ། སཙེ པན ནིཀྑིཏྟཝཏྟོ ཨཱཔཛྫཏི, མཱུལཱཡཔཊིཀསྶནཱརཧོ ན ཧོཏི། ཀསྨཱ? ཡསྨཱ ན སོ པརིཝསནྟོ ཨཱཔནྣོ, པཀཏཏྟཊྛཱནེ ཋིཏོ ཨཱཔནྣོ, ཏསྨཱ ཏསྶཱ ཨཱཔཏྟིཡཱ ཝིསུཾ མཱནཏྟཾ ཙརིཏབྦཾ། སཙེ པཊིཙྪནྣཱ ཧོཏི པརིཝཱསོཔི ཝསིཏབྦོ། ཡཉྩེཏཾ མཱུལཱཡཔཊིཀསྶནཾ ཝུཏྟཾ, ཏསྨིམྤི ཀཏེ པརིཝུཏྠདིཝསཱ མཀྑིཏཱ ཧོནྟི། ཨིཏི པརིཝཱསེ ཨནྟརཱཔཏྟིཾ དསྶེཏྭཱ པུན མཱནཏྟཱརཧསྶ ཨནྟརཱཔཏྟིཾ དསྶེཏྭཱ མཱུལཱཡཔཊིཀསྶནཾ ཝུཏྟཾ, ཏསྨིམྤི ཀཏེ པརིཝུཏྠདིཝསཱ མཀྑིཏཱཝ ཧོནྟི། ཏཏོ པརིཝུཏྠཔརིཝཱསསྶ ཏཱསཾ ཏིསྶནྣམྤི ཨཱཔཏྟཱིནཾ སམོདྷཱནམཱནཏྟཾ དསྶིཏཾ། ཏཏོ མཱནཏྟཙཱརིཀསྶ ཨནྟརཱཔཏྟིཾ དསྶེཏྭཱ མཱུལཱཡཔཊིཀསྶནཾ ཝུཏྟཾ། ཏསྨིཾ པན པཊིཀསྶནེ ཀཏེ མཱནཏྟཙིཎྞདིཝསཱཔི པརིཝུཏྠདིཝསཱཔི མཀྑིཏཱཝ ཧོནྟི། ཏཏོ ཨབྦྷཱནཱརཧསྶ ཨནྟརཱཔཏྟིཾ དསྶེཏྭཱ མཱུལཱཡཔཊིཀསྶནཾ ཝུཏྟཾ། ཏསྨིམྤི ཀཏེ སབྦེ ཏེ མཀྑིཏཱཝ ཧོནྟི། ཏཏོ པརཾ སབྦཱ ཨནྟརཱཔཏྟིཡོ ཡོཛེཏྭཱ ཨབྦྷཱནཀམྨཾ དསྶིཏཾ། ཨེཝཾ པཊིཙྪནྣཝཱརེ ཨེཀཱཧཔཊིཙྪནྣཱདིཝསེན པཉྩ, ཨནྟརཱཔཏྟིཝསེན ཙཏསྶོཏི ནཝ ཀམྨཝཱཙཱ དསྶིཏཱ ཧོནྟི།
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
པཊིཙྪནྣཔརིཝཱསཀཐཱ ནིཊྛིཏཱ།
Paṭicchannaparivāsakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
ཨེཀཱཧཔྤཊིཙྪནྣཔརིཝཱསཾ • Ekāhappaṭicchannaparivāsaṃ
པཉྩཱཧཔྤཊིཙྪནྣཔརིཝཱསོ • Pañcāhappaṭicchannaparivāso
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā
པརིཝཱསཀཐཱཝཎྞནཱ • Parivāsakathāvaṇṇanā
པཊིཙྪནྣཔརིཝཱསཀཐཱཝཎྞནཱ • Paṭicchannaparivāsakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā
པརིཝཱསཀཐཱཝཎྞནཱ • Parivāsakathāvaṇṇanā
པཊིཙྪནྣཔརིཝཱསཱདིཀཐཱཝཎྞནཱ • Paṭicchannaparivāsādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཊིཙྪནྣཔརིཝཱསཀཐཱཝཎྞནཱ • Paṭicchannaparivāsakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / པཊིཙྪནྣཔརིཝཱསཀཐཱ • Paṭicchannaparivāsakathā
