| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਪਟਿਚ੍ਛਨ੍ਨਪਰਿવਾਸਕਥਾ
Paṭicchannaparivāsakathā
੧੦੨. ਇਦਾਨਿ ਯਾ ਤਾવ ਅਯਂ ਪਟਿਚ੍ਛਨ੍ਨਾਯ ਏਕਿਸ੍ਸਾ ਆਪਤ੍ਤਿਯਾ વਸੇਨ ਪਾਲ਼ਿ વੁਤ੍ਤਾ, ਸਾ ਉਤ੍ਤਾਨਤ੍ਥਾવ।
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
੧੦੮. ਤਤੋ ਪਰਂ ਦ੍વੀਹਤੀਹਚਤੂਹਪਞ੍ਚਾਹਪਟਿਚ੍ਛਨ੍ਨਾਨਂ વਸੇਨ ਪਾਲ਼ਿਂ વਤ੍વਾ ਪਞ੍ਚਾਹਪਟਿਚ੍ਛਨ੍ਨਾਯ ਪਰਿવਾਸਤੋ ਪਟ੍ਠਾਯ ਅਨ੍ਤਰਾਪਤ੍ਤਿ ਦਸ੍ਸਿਤਾ। ਯਸ੍ਮਾ ਪਨ ਤਂ ਆਪਤ੍ਤਿਂ ਆਪਨ੍ਨੋ ਮੂਲਾਯਪਟਿਕਸ੍ਸਨਾਰਹੋ ਨਾਮ ਹੋਤਿ, ਤਸ੍ਮਾਸ੍ਸ ਤਤ੍ਥ ਮੂਲਾਯਪਟਿਕਸ੍ਸਨਂ ਅਨੁਞ੍ਞਾਤਂ। ਸਚੇ ਪਨ ਨਿਕ੍ਖਿਤ੍ਤવਤ੍ਤੋ ਆਪਜ੍ਜਤਿ, ਮੂਲਾਯਪਟਿਕਸ੍ਸਨਾਰਹੋ ਨ ਹੋਤਿ। ਕਸ੍ਮਾ? ਯਸ੍ਮਾ ਨ ਸੋ ਪਰਿવਸਨ੍ਤੋ ਆਪਨ੍ਨੋ, ਪਕਤਤ੍ਤਟ੍ਠਾਨੇ ਠਿਤੋ ਆਪਨ੍ਨੋ, ਤਸ੍ਮਾ ਤਸ੍ਸਾ ਆਪਤ੍ਤਿਯਾ વਿਸੁਂ ਮਾਨਤ੍ਤਂ ਚਰਿਤਬ੍ਬਂ। ਸਚੇ ਪਟਿਚ੍ਛਨ੍ਨਾ ਹੋਤਿ ਪਰਿવਾਸੋਪਿ વਸਿਤਬ੍ਬੋ। ਯਞ੍ਚੇਤਂ ਮੂਲਾਯਪਟਿਕਸ੍ਸਨਂ વੁਤ੍ਤਂ, ਤਸ੍ਮਿਮ੍ਪਿ ਕਤੇ ਪਰਿવੁਤ੍ਥਦਿવਸਾ ਮਕ੍ਖਿਤਾ ਹੋਨ੍ਤਿ। ਇਤਿ ਪਰਿવਾਸੇ ਅਨ੍ਤਰਾਪਤ੍ਤਿਂ ਦਸ੍ਸੇਤ੍વਾ ਪੁਨ ਮਾਨਤ੍ਤਾਰਹਸ੍ਸ ਅਨ੍ਤਰਾਪਤ੍ਤਿਂ ਦਸ੍ਸੇਤ੍વਾ ਮੂਲਾਯਪਟਿਕਸ੍ਸਨਂ વੁਤ੍ਤਂ, ਤਸ੍ਮਿਮ੍ਪਿ ਕਤੇ ਪਰਿવੁਤ੍ਥਦਿવਸਾ ਮਕ੍ਖਿਤਾવ ਹੋਨ੍ਤਿ। ਤਤੋ ਪਰਿવੁਤ੍ਥਪਰਿવਾਸਸ੍ਸ ਤਾਸਂ ਤਿਸ੍ਸਨ੍ਨਮ੍ਪਿ ਆਪਤ੍ਤੀਨਂ ਸਮੋਧਾਨਮਾਨਤ੍ਤਂ ਦਸ੍ਸਿਤਂ। ਤਤੋ ਮਾਨਤ੍ਤਚਾਰਿਕਸ੍ਸ ਅਨ੍ਤਰਾਪਤ੍ਤਿਂ ਦਸ੍ਸੇਤ੍વਾ ਮੂਲਾਯਪਟਿਕਸ੍ਸਨਂ વੁਤ੍ਤਂ। ਤਸ੍ਮਿਂ ਪਨ ਪਟਿਕਸ੍ਸਨੇ ਕਤੇ ਮਾਨਤ੍ਤਚਿਣ੍ਣਦਿવਸਾਪਿ ਪਰਿવੁਤ੍ਥਦਿવਸਾਪਿ ਮਕ੍ਖਿਤਾવ ਹੋਨ੍ਤਿ। ਤਤੋ ਅਬ੍ਭਾਨਾਰਹਸ੍ਸ ਅਨ੍ਤਰਾਪਤ੍ਤਿਂ ਦਸ੍ਸੇਤ੍વਾ ਮੂਲਾਯਪਟਿਕਸ੍ਸਨਂ વੁਤ੍ਤਂ। ਤਸ੍ਮਿਮ੍ਪਿ ਕਤੇ ਸਬ੍ਬੇ ਤੇ ਮਕ੍ਖਿਤਾવ ਹੋਨ੍ਤਿ। ਤਤੋ ਪਰਂ ਸਬ੍ਬਾ ਅਨ੍ਤਰਾਪਤ੍ਤਿਯੋ ਯੋਜੇਤ੍વਾ ਅਬ੍ਭਾਨਕਮ੍ਮਂ ਦਸ੍ਸਿਤਂ। ਏવਂ ਪਟਿਚ੍ਛਨ੍ਨવਾਰੇ ਏਕਾਹਪਟਿਚ੍ਛਨ੍ਨਾਦਿવਸੇਨ ਪਞ੍ਚ, ਅਨ੍ਤਰਾਪਤ੍ਤਿવਸੇਨ ਚਤਸ੍ਸੋਤਿ ਨવ ਕਮ੍ਮવਾਚਾ ਦਸ੍ਸਿਤਾ ਹੋਨ੍ਤਿ।
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
ਪਟਿਚ੍ਛਨ੍ਨਪਰਿવਾਸਕਥਾ ਨਿਟ੍ਠਿਤਾ।
Paṭicchannaparivāsakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
ਏਕਾਹਪ੍ਪਟਿਚ੍ਛਨ੍ਨਪਰਿવਾਸਂ • Ekāhappaṭicchannaparivāsaṃ
ਪਞ੍ਚਾਹਪ੍ਪਟਿਚ੍ਛਨ੍ਨਪਰਿવਾਸੋ • Pañcāhappaṭicchannaparivāso
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਪਰਿવਾਸਕਥਾવਣ੍ਣਨਾ • Parivāsakathāvaṇṇanā
ਪਟਿਚ੍ਛਨ੍ਨਪਰਿવਾਸਕਥਾવਣ੍ਣਨਾ • Paṭicchannaparivāsakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਪਰਿવਾਸਕਥਾવਣ੍ਣਨਾ • Parivāsakathāvaṇṇanā
ਪਟਿਚ੍ਛਨ੍ਨਪਰਿવਾਸਾਦਿਕਥਾવਣ੍ਣਨਾ • Paṭicchannaparivāsādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਟਿਚ੍ਛਨ੍ਨਪਰਿવਾਸਕਥਾવਣ੍ਣਨਾ • Paṭicchannaparivāsakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਪਟਿਚ੍ਛਨ੍ਨਪਰਿવਾਸਕਥਾ • Paṭicchannaparivāsakathā
