| Library / Tipiṭaka / തിപിടക • Tipiṭaka / ചൂളവഗ്ഗ-അട്ഠകഥാ • Cūḷavagga-aṭṭhakathā |
പടിച്ഛന്നപരിവാസകഥാ
Paṭicchannaparivāsakathā
൧൦൨. ഇദാനി യാ താവ അയം പടിച്ഛന്നായ ഏകിസ്സാ ആപത്തിയാ വസേന പാളി വുത്താ, സാ ഉത്താനത്ഥാവ.
102. Idāni yā tāva ayaṃ paṭicchannāya ekissā āpattiyā vasena pāḷi vuttā, sā uttānatthāva.
൧൦൮. തതോ പരം ദ്വീഹതീഹചതൂഹപഞ്ചാഹപടിച്ഛന്നാനം വസേന പാളിം വത്വാ പഞ്ചാഹപടിച്ഛന്നായ പരിവാസതോ പട്ഠായ അന്തരാപത്തി ദസ്സിതാ. യസ്മാ പന തം ആപത്തിം ആപന്നോ മൂലായപടികസ്സനാരഹോ നാമ ഹോതി, തസ്മാസ്സ തത്ഥ മൂലായപടികസ്സനം അനുഞ്ഞാതം. സചേ പന നിക്ഖിത്തവത്തോ ആപജ്ജതി, മൂലായപടികസ്സനാരഹോ ന ഹോതി. കസ്മാ? യസ്മാ ന സോ പരിവസന്തോ ആപന്നോ, പകതത്തട്ഠാനേ ഠിതോ ആപന്നോ, തസ്മാ തസ്സാ ആപത്തിയാ വിസും മാനത്തം ചരിതബ്ബം. സചേ പടിച്ഛന്നാ ഹോതി പരിവാസോപി വസിതബ്ബോ. യഞ്ചേതം മൂലായപടികസ്സനം വുത്തം, തസ്മിമ്പി കതേ പരിവുത്ഥദിവസാ മക്ഖിതാ ഹോന്തി. ഇതി പരിവാസേ അന്തരാപത്തിം ദസ്സേത്വാ പുന മാനത്താരഹസ്സ അന്തരാപത്തിം ദസ്സേത്വാ മൂലായപടികസ്സനം വുത്തം, തസ്മിമ്പി കതേ പരിവുത്ഥദിവസാ മക്ഖിതാവ ഹോന്തി. തതോ പരിവുത്ഥപരിവാസസ്സ താസം തിസ്സന്നമ്പി ആപത്തീനം സമോധാനമാനത്തം ദസ്സിതം. തതോ മാനത്തചാരികസ്സ അന്തരാപത്തിം ദസ്സേത്വാ മൂലായപടികസ്സനം വുത്തം. തസ്മിം പന പടികസ്സനേ കതേ മാനത്തചിണ്ണദിവസാപി പരിവുത്ഥദിവസാപി മക്ഖിതാവ ഹോന്തി. തതോ അബ്ഭാനാരഹസ്സ അന്തരാപത്തിം ദസ്സേത്വാ മൂലായപടികസ്സനം വുത്തം. തസ്മിമ്പി കതേ സബ്ബേ തേ മക്ഖിതാവ ഹോന്തി. തതോ പരം സബ്ബാ അന്തരാപത്തിയോ യോജേത്വാ അബ്ഭാനകമ്മം ദസ്സിതം. ഏവം പടിച്ഛന്നവാരേ ഏകാഹപടിച്ഛന്നാദിവസേന പഞ്ച, അന്തരാപത്തിവസേന ചതസ്സോതി നവ കമ്മവാചാ ദസ്സിതാ ഹോന്തി.
108. Tato paraṃ dvīhatīhacatūhapañcāhapaṭicchannānaṃ vasena pāḷiṃ vatvā pañcāhapaṭicchannāya parivāsato paṭṭhāya antarāpatti dassitā. Yasmā pana taṃ āpattiṃ āpanno mūlāyapaṭikassanāraho nāma hoti, tasmāssa tattha mūlāyapaṭikassanaṃ anuññātaṃ. Sace pana nikkhittavatto āpajjati, mūlāyapaṭikassanāraho na hoti. Kasmā? Yasmā na so parivasanto āpanno, pakatattaṭṭhāne ṭhito āpanno, tasmā tassā āpattiyā visuṃ mānattaṃ caritabbaṃ. Sace paṭicchannā hoti parivāsopi vasitabbo. Yañcetaṃ mūlāyapaṭikassanaṃ vuttaṃ, tasmimpi kate parivutthadivasā makkhitā honti. Iti parivāse antarāpattiṃ dassetvā puna mānattārahassa antarāpattiṃ dassetvā mūlāyapaṭikassanaṃ vuttaṃ, tasmimpi kate parivutthadivasā makkhitāva honti. Tato parivutthaparivāsassa tāsaṃ tissannampi āpattīnaṃ samodhānamānattaṃ dassitaṃ. Tato mānattacārikassa antarāpattiṃ dassetvā mūlāyapaṭikassanaṃ vuttaṃ. Tasmiṃ pana paṭikassane kate mānattaciṇṇadivasāpi parivutthadivasāpi makkhitāva honti. Tato abbhānārahassa antarāpattiṃ dassetvā mūlāyapaṭikassanaṃ vuttaṃ. Tasmimpi kate sabbe te makkhitāva honti. Tato paraṃ sabbā antarāpattiyo yojetvā abbhānakammaṃ dassitaṃ. Evaṃ paṭicchannavāre ekāhapaṭicchannādivasena pañca, antarāpattivasena catassoti nava kammavācā dassitā honti.
പടിച്ഛന്നപരിവാസകഥാ നിട്ഠിതാ.
Paṭicchannaparivāsakathā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi
ഏകാഹപ്പടിച്ഛന്നപരിവാസം • Ekāhappaṭicchannaparivāsaṃ
പഞ്ചാഹപ്പടിച്ഛന്നപരിവാസോ • Pañcāhappaṭicchannaparivāso
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā
പരിവാസകഥാവണ്ണനാ • Parivāsakathāvaṇṇanā
പടിച്ഛന്നപരിവാസകഥാവണ്ണനാ • Paṭicchannaparivāsakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā
പരിവാസകഥാവണ്ണനാ • Parivāsakathāvaṇṇanā
പടിച്ഛന്നപരിവാസാദികഥാവണ്ണനാ • Paṭicchannaparivāsādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / പടിച്ഛന്നപരിവാസകഥാവണ്ണനാ • Paṭicchannaparivāsakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / പടിച്ഛന്നപരിവാസകഥാ • Paṭicchannaparivāsakathā
