| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бадижчаннабариваасагат̇ааван̣н̣анаа
Paṭicchannaparivāsakathāvaṇṇanā
102. суд̣̇д̇хассаад̇и сабхааг̇асан̇гхаад̣̇исзсам̣ анаабаннасса, д̇ад̇о вудтид̇асса ваа. ан̃н̃асминд̇и суд̣̇д̇ханд̇абариваасавасзна аабад̇д̇ивудтаанад̇о ан̃н̃асмим̣ аабад̇д̇ивудтаанз. баал̣ияам̣ ‘‘бадигассид̇о сан̇гхзна уд̣̇ааяи бхигку анд̇араа згиссаа аабад̇д̇ияаа…бз… муулааяабадигассанаа’’д̇и ид̣̇ам̣ гаран̣авасзна вибарин̣аамзд̇ваа муулааяабадигассанааяа бадигассид̇од̇и яож̇зд̇аб̣б̣ам̣. ат̇а ваа ‘‘муулааяа бадигассанаа камад̇и сан̇гхассаа’’д̇и уд̇д̇арабад̣̇зна саха бажжад̇д̇авасзнзва яож̇зд̇умби ваддад̇и.
102.Suddhassāti sabhāgasaṅghādisesaṃ anāpannassa, tato vuṭṭhitassa vā. Aññasminti suddhantaparivāsavasena āpattivuṭṭhānato aññasmiṃ āpattivuṭṭhāne. Pāḷiyaṃ ‘‘paṭikassito saṅghena udāyi bhikkhu antarā ekissā āpattiyā…pe… mūlāyapaṭikassanā’’ti idaṃ karaṇavasena vipariṇāmetvā mūlāyapaṭikassanāya paṭikassitoti yojetabbaṃ. Atha vā ‘‘mūlāya paṭikassanā khamati saṅghassā’’ti uttarapadena saha paccattavaseneva yojetumpi vaṭṭati.
‘‘уд̣̇ааяим̣ бхигкум̣ анд̇араа згиссаа аабад̇д̇ияаа…бз… муулааяа бадигассид̇ваа’’д̇и зд̇т̇а анд̇араа згиссаа аабад̇д̇ияаа хзд̇убхууд̇ааяа уд̣̇ааяим̣ бхигкум̣ муулааяа бадигассид̇ваа муулад̣̇ивасз аагад̣дхид̇ваа д̇ассаа анд̇араабад̇д̇ияаа самод̇хаанабариваасам̣ д̣̇зд̇ууд̇и яож̇анаа. аавигаараабзд̇ваа виссаж̇ж̇зд̇аб̣б̣од̇и д̇асса ад̇згижчабхаавам̣ д̇знзва сан̇гхасса баагадам̣ гаарзд̇ваа лаж̇ж̇иг̇ан̣ад̇о вияож̇анавасзна виссаж̇ж̇зд̇аб̣б̣о.
‘‘Udāyiṃ bhikkhuṃ antarā ekissā āpattiyā…pe… mūlāya paṭikassitvā’’ti ettha antarā ekissā āpattiyā hetubhūtāya udāyiṃ bhikkhuṃ mūlāya paṭikassitvā mūladivase ākaḍḍhitvā tassā antarāpattiyā samodhānaparivāsaṃ detūti yojanā. Āvikārāpetvā vissajjetabboti tassa atekicchabhāvaṃ teneva saṅghassa pākaṭaṃ kāretvā lajjigaṇato viyojanavasena vissajjetabbo.
сад̇ам̣ аабад̇д̇ияод̇и гааяасам̣саг̇г̇аад̣̇ивасзна згад̣̇ивасз аабаннаа сад̇ам̣ аабад̇д̇ияо. д̣̇асасад̇анд̇и сахассаа аабад̇д̇ияо. рад̇д̇исад̇ам̣ чаад̣̇аяид̇ваанаад̇и яож̇зд̇аб̣б̣о. саб̣б̣абариваасагаммаваажаавасаанзд̇и хздтаа д̣̇ассид̇аанам̣ д̣̇виннам̣ суд̣̇д̇ханд̇абариваасаанам̣, д̇ин̣н̣ам̣ самод̇хаанабариваасаанан̃жаад̇и имзсам̣ саб̣б̣зсам̣ бариваасаанам̣ гаммаваажаабарияосаанз. буриманаязнзваад̇и бадижчаннабариваасз вуд̇д̇анаязна.
Sataṃ āpattiyoti kāyasaṃsaggādivasena ekadivase āpannā sataṃ āpattiyo. Dasasatanti sahassā āpattiyo. Rattisataṃ chādayitvānāti yojetabbo. Sabbaparivāsakammavācāvasāneti heṭṭhā dassitānaṃ dvinnaṃ suddhantaparivāsānaṃ, tiṇṇaṃ samodhānaparivāsānañcāti imesaṃ sabbesaṃ parivāsānaṃ kammavācāpariyosāne. Purimanayenevāti paṭicchannaparivāse vuttanayena.
вихааруубажаарад̇обийд̇и б̣ахиг̇аамз бхигкуунам̣ вихааруубажаарад̇оби. ‘‘д̣̇вз лзд̣д̣убаад̇аа ад̇иггамид̇аб̣б̣аа’’д̇и ид̣̇ам̣ бхигкуунам̣ савануубажаараад̇иггаманам̣ вуд̇д̇ам̣. г̇аамассаад̇и на вуд̇д̇анд̇и г̇аамасса убажаарам̣ мун̃жид̇ум̣ ваддад̇ийд̇и на вуд̇д̇ам̣. д̇зна г̇аамуубажаарз тид̇ааби д̇ад̇т̇а д̣̇ассанасавануубажаарз ад̇иггамид̇ваа тид̇аа бхигкуу жа бхигкунияо жа д̇ассаа рад̇д̇ижчзд̣̇ам̣ на гаронд̇ийд̇и д̣̇ийбзд̇и.
Vihārūpacāratopīti bahigāme bhikkhūnaṃ vihārūpacāratopi. ‘‘Dve leḍḍupātā atikkamitabbā’’ti idaṃ bhikkhūnaṃ savanūpacārātikkamanaṃ vuttaṃ. Gāmassāti na vuttanti gāmassa upacāraṃ muñcituṃ vaṭṭatīti na vuttaṃ. Tena gāmūpacāre ṭhitāpi tattha dassanasavanūpacāre atikkamitvā ṭhitā bhikkhū ca bhikkhuniyo ca tassā ratticchedaṃ na karontīti dīpeti.
анигкид̇д̇авад̇д̇абхигкуунам̣ вуд̇д̇анаязнзваад̇и убажаарасиймааяа бавидтаанам̣ васзна рад̇д̇ижчзд̣̇ам̣ санд̇хааяа вуд̇д̇ам̣. д̇асмим̣ г̇аамзд̇и бхигкунийнам̣ ниваасанаг̇аамз. ад̇д̇аанам̣ д̣̇ассзд̇ваад̇и яат̇аа аарожзд̇ум̣ саггаа, д̇ат̇аа д̣̇ассзд̇ваа. ‘‘самманнид̇ваа д̣̇аад̇аб̣б̣аа’’д̇и иминаа саммад̇ааяа сахаваасзби рад̇д̇ижчзд̣̇о на ход̇ийд̇и д̣̇ассзд̇и.
Anikkhittavattabhikkhūnaṃ vuttanayenevāti upacārasīmāya paviṭṭhānaṃ vasena ratticchedaṃ sandhāya vuttaṃ. Tasmiṃ gāmeti bhikkhunīnaṃ nivāsanagāme. Attānaṃ dassetvāti yathā ārocetuṃ sakkā, tathā dassetvā. ‘‘Sammannitvā dātabbā’’ti iminā sammatāya sahavāsepi ratticchedo na hotīti dasseti.
муулааяабадигассид̇ассаад̇и муулааяабадигассид̇асса буна баривуд̇т̇абариваасассаад̇и ад̇т̇о. д̇иссаннанд̇и муулаабад̇д̇ияаа саха д̣̇виннам̣ анд̇араабад̇д̇ийнан̃жа.
Mūlāyapaṭikassitassāti mūlāyapaṭikassitassa puna parivutthaparivāsassāti attho. Tissannanti mūlāpattiyā saha dvinnaṃ antarāpattīnañca.
108. сажз бадижчаннаад̇и нигкид̇д̇авад̇д̇знаабаннаабад̇д̇им̣ санд̇хааяа вуд̇д̇ам̣. баал̣ияам̣ бан̃жаахаббадижчаннаваарз анд̇араабад̇д̇игат̇ааяам̣ ‘‘зван̃жа бана, бхигкавз, чаарад̇д̇ам̣ маанад̇д̇ам̣ д̣̇аад̇аб̣б̣а’’нд̇и ид̣̇ам̣ муулааяабадигассанаагаммаваажаананд̇арамзва д̣̇аад̇ум̣ вуд̇д̇ам̣ на ход̇и. муулааяабадигассид̇асса бана бан̃жад̣̇ивасаани баривасид̇ваа яаажид̇асса маанад̇д̇ажаран̣агаалз аабаннааяа д̇ад̇ияааяа анд̇араабад̇д̇ияаа аббадижчаннааяа маанад̇д̇ад̣̇аанам̣ санд̇хааяа вуд̇д̇ам̣. зван̃жа д̣̇иннамаанад̇д̇асса згзна чаарад̇д̇зна буб̣б̣з д̣̇иннамаанад̇д̇аахи д̇ийхи аабад̇д̇ийхи саха жад̇ассаннамби аабад̇д̇ийнам̣ маанад̇д̇ам̣ жин̣н̣амзва ход̇и. иминаа бана наязна аб̣бхаанаарахагаалз аабаннааяа анд̇араабад̇д̇ияаа, багкаббадижчаннаваарз анд̇араабад̇д̇ийсу жа бадибаж̇ж̇анам̣ взд̣̇ид̇аб̣б̣ам̣. ‘‘згаахаббадижчаннаад̣̇ивасзна бан̃жаа’’д̇и ид̣̇ам̣ згаахаббадижчаннаад̣̇ийнам̣ жад̇уннам̣ бажжзгабариваасад̣̇аанамаанад̇д̇ад̣̇аанааб̣бхаанаани згзгам̣ гад̇ваа вуд̇д̇ам̣. ‘‘анд̇араабад̇д̇ивасзна жад̇ассо’’д̇и ид̣̇амби маанад̇д̇ад̣̇аанааб̣бхаанаани д̇асмим̣ д̇асмим̣ муулааяабадигассанз згад̇д̇ам̣ ааробзд̇ваа вуд̇д̇ам̣.
108.Sacepaṭicchannāti nikkhittavattenāpannāpattiṃ sandhāya vuttaṃ. Pāḷiyaṃ pañcāhappaṭicchannavāre antarāpattikathāyaṃ ‘‘evañca pana, bhikkhave, chārattaṃ mānattaṃ dātabba’’nti idaṃ mūlāyapaṭikassanākammavācānantarameva dātuṃ vuttaṃ na hoti. Mūlāyapaṭikassitassa pana pañcadivasāni parivasitvā yācitassa mānattacaraṇakāle āpannāya tatiyāya antarāpattiyā appaṭicchannāya mānattadānaṃ sandhāya vuttaṃ. Evañca dinnamānattassa ekena chārattena pubbe dinnamānattāhi tīhi āpattīhi saha catassannampi āpattīnaṃ mānattaṃ ciṇṇameva hoti. Iminā pana nayena abbhānārahakāle āpannāya antarāpattiyā, pakkhappaṭicchannavāre antarāpattīsu ca paṭipajjanaṃ veditabbaṃ. ‘‘Ekāhappaṭicchannādivasena pañcā’’ti idaṃ ekāhappaṭicchannādīnaṃ catunnaṃ paccekaparivāsadānamānattadānaabbhānāni ekekaṃ katvā vuttaṃ. ‘‘Antarāpattivasena catasso’’ti idampi mānattadānaabbhānāni tasmiṃ tasmiṃ mūlāyapaṭikassane ekattaṃ āropetvā vuttaṃ.
бадижчаннабариваасагат̇ааван̣н̣анаа нидтид̇аа.
Paṭicchannaparivāsakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
згаахаббадижчаннабариваасам̣ • Ekāhappaṭicchannaparivāsaṃ
бан̃жаахаббадижчаннабариваасо • Pañcāhappaṭicchannaparivāso
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бадижчаннабариваасагат̇аа • Paṭicchannaparivāsakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бариваасагат̇ааван̣н̣анаа • Parivāsakathāvaṇṇanā
бадижчаннабариваасагат̇ааван̣н̣анаа • Paṭicchannaparivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
бариваасагат̇ааван̣н̣анаа • Parivāsakathāvaṇṇanā
бадижчаннабариваасаад̣̇игат̇ааван̣н̣анаа • Paṭicchannaparivāsādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бадижчаннабариваасагат̇аа • Paṭicchannaparivāsakathā
