| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๙. ปฎิจฺฉนฺนสุตฺตํ
9. Paṭicchannasuttaṃ
๑๓๒. ‘‘ตีณิมานิ, ภิกฺขเว, ปฎิจฺฉนฺนานิ อาวหนฺติ 1, โน วิวฎานิฯ กตมานิ ตีณิ? มาตุคาโม, ภิกฺขเว, ปฎิจฺฉโนฺน อาวหติ, โน วิวโฎ; พฺราหฺมณานํ, ภิกฺขเว, มนฺตา ปฎิจฺฉนฺนา อาวหนฺติ, โน วิวฎา ; มิจฺฉาทิฎฺฐิ, ภิกฺขเว, ปฎิจฺฉนฺนา อาวหติ, โน วิวฎาฯ อิมานิ โข, ภิกฺขเว, ตีณิ ปฎิจฺฉนฺนานิ อาวหนฺติ, โน วิวฎานิฯ
132. ‘‘Tīṇimāni, bhikkhave, paṭicchannāni āvahanti 2, no vivaṭāni. Katamāni tīṇi? Mātugāmo, bhikkhave, paṭicchanno āvahati, no vivaṭo; brāhmaṇānaṃ, bhikkhave, mantā paṭicchannā āvahanti, no vivaṭā ; micchādiṭṭhi, bhikkhave, paṭicchannā āvahati, no vivaṭā. Imāni kho, bhikkhave, tīṇi paṭicchannāni āvahanti, no vivaṭāni.
‘‘ตีณิมานิ , ภิกฺขเว, วิวฎานิ วิโรจนฺติ, โน ปฎิจฺฉนฺนานิฯ กตมานิ ตีณิ? จนฺทมณฺฑลํ, ภิกฺขเว, วิวฎํ วิโรจติ, โน ปฎิจฺฉนฺนํ; สูริยมณฺฑลํ, ภิกฺขเว, วิวฎํ วิโรจติ, โน ปฎิจฺฉนฺนํ; ตถาคตปฺปเวทิโต ธมฺมวินโย, ภิกฺขเว, วิวโฎ วิโรจติ, โน ปฎิจฺฉโนฺนฯ อิมานิ โข, ภิกฺขเว, ตีณิ วิวฎานิ วิโรจนฺติ, โน ปฎิจฺฉนฺนานี’’ติฯ นวมํฯ
‘‘Tīṇimāni , bhikkhave, vivaṭāni virocanti, no paṭicchannāni. Katamāni tīṇi? Candamaṇḍalaṃ, bhikkhave, vivaṭaṃ virocati, no paṭicchannaṃ; sūriyamaṇḍalaṃ, bhikkhave, vivaṭaṃ virocati, no paṭicchannaṃ; tathāgatappavedito dhammavinayo, bhikkhave, vivaṭo virocati, no paṭicchanno. Imāni kho, bhikkhave, tīṇi vivaṭāni virocanti, no paṭicchannānī’’ti. Navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๙. ปฎิจฺฉนฺนสุตฺตวณฺณนา • 9. Paṭicchannasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๙. ปฎิจฺฉนฺนสุตฺตวณฺณนา • 9. Paṭicchannasuttavaṇṇanā
