| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൯. പടിച്ഛന്നസുത്തം
9. Paṭicchannasuttaṃ
൧൩൨. ‘‘തീണിമാനി, ഭിക്ഖവേ, പടിച്ഛന്നാനി ആവഹന്തി 1, നോ വിവടാനി. കതമാനി തീണി? മാതുഗാമോ, ഭിക്ഖവേ, പടിച്ഛന്നോ ആവഹതി, നോ വിവടോ; ബ്രാഹ്മണാനം, ഭിക്ഖവേ, മന്താ പടിച്ഛന്നാ ആവഹന്തി, നോ വിവടാ ; മിച്ഛാദിട്ഠി, ഭിക്ഖവേ, പടിച്ഛന്നാ ആവഹതി, നോ വിവടാ. ഇമാനി ഖോ, ഭിക്ഖവേ, തീണി പടിച്ഛന്നാനി ആവഹന്തി, നോ വിവടാനി.
132. ‘‘Tīṇimāni, bhikkhave, paṭicchannāni āvahanti 2, no vivaṭāni. Katamāni tīṇi? Mātugāmo, bhikkhave, paṭicchanno āvahati, no vivaṭo; brāhmaṇānaṃ, bhikkhave, mantā paṭicchannā āvahanti, no vivaṭā ; micchādiṭṭhi, bhikkhave, paṭicchannā āvahati, no vivaṭā. Imāni kho, bhikkhave, tīṇi paṭicchannāni āvahanti, no vivaṭāni.
‘‘തീണിമാനി , ഭിക്ഖവേ, വിവടാനി വിരോചന്തി, നോ പടിച്ഛന്നാനി. കതമാനി തീണി? ചന്ദമണ്ഡലം, ഭിക്ഖവേ, വിവടം വിരോചതി, നോ പടിച്ഛന്നം; സൂരിയമണ്ഡലം, ഭിക്ഖവേ, വിവടം വിരോചതി, നോ പടിച്ഛന്നം; തഥാഗതപ്പവേദിതോ ധമ്മവിനയോ, ഭിക്ഖവേ, വിവടോ വിരോചതി, നോ പടിച്ഛന്നോ. ഇമാനി ഖോ, ഭിക്ഖവേ, തീണി വിവടാനി വിരോചന്തി, നോ പടിച്ഛന്നാനീ’’തി. നവമം.
‘‘Tīṇimāni , bhikkhave, vivaṭāni virocanti, no paṭicchannāni. Katamāni tīṇi? Candamaṇḍalaṃ, bhikkhave, vivaṭaṃ virocati, no paṭicchannaṃ; sūriyamaṇḍalaṃ, bhikkhave, vivaṭaṃ virocati, no paṭicchannaṃ; tathāgatappavedito dhammavinayo, bhikkhave, vivaṭo virocati, no paṭicchanno. Imāni kho, bhikkhave, tīṇi vivaṭāni virocanti, no paṭicchannānī’’ti. Navamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൯. പടിച്ഛന്നസുത്തവണ്ണനാ • 9. Paṭicchannasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯. പടിച്ഛന്നസുത്തവണ്ണനാ • 9. Paṭicchannasuttavaṇṇanā
