| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੬. ਪਾਟਿਦੇਸਨੀਯਕਣ੍ਡਂ
6. Pāṭidesanīyakaṇḍaṃ
੧੪੬. ਯਂ ਤੇਨ ਭਗવਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਅਨ੍ਤਰਘਰਂ ਪવਿਟ੍ਠਾਯ ਹਤ੍ਥਤੋ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਭੁਞ੍ਜਨ੍ਤਸ੍ਸ ਪਾਟਿਦੇਸਨੀਯਂ ਕਤ੍ਥ ਪਞ੍ਞਤ੍ਤਨ੍ਤਿ? ਸਾવਤ੍ਥਿਯਂ ਪਞ੍ਞਤ੍ਤਂ। ਕਂ ਆਰਬ੍ਭਾਤਿ? ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ। ਕਿਸ੍ਮਿਂ વਤ੍ਥੁਸ੍ਮਿਨ੍ਤਿ? ਅਞ੍ਞਤਰੋ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਅਨ੍ਤਰਘਰਂ ਪવਿਟ੍ਠਾਯ ਹਤ੍ਥਤੋ ਆਮਿਸਂ ਪਟਿਗ੍ਗਹੇਸਿ, ਤਸ੍ਮਿਂ વਤ੍ਥੁਸ੍ਮਿਂ। ਏਕਾ ਪਞ੍ਞਤ੍ਤਿ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਦ੍વੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ – ਸਿਯਾ ਕਾਯਤੋ ਸਮੁਟ੍ਠਾਤਿ, ਨ વਾਚਤੋ ਨ ਚਿਤ੍ਤਤੋ; ਸਿਯਾ ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ, ਨ વਾਚਤੋ…ਪੇ॰…।
146. Yaṃ tena bhagavatā jānatā passatā arahatā sammāsambuddhena aññātikāya bhikkhuniyā antaragharaṃ paviṭṭhāya hatthato khādanīyaṃ vā bhojanīyaṃ vā sahatthā paṭiggahetvā bhuñjantassa pāṭidesanīyaṃ kattha paññattanti? Sāvatthiyaṃ paññattaṃ. Kaṃ ārabbhāti? Aññataraṃ bhikkhuṃ ārabbha. Kismiṃ vatthusminti? Aññataro bhikkhu aññātikāya bhikkhuniyā antaragharaṃ paviṭṭhāya hatthato āmisaṃ paṭiggahesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato samuṭṭhāti, na vācato na cittato; siyā kāyato ca cittato ca samuṭṭhāti, na vācato…pe….
੧੪੭. ਭਿਕ੍ਖੁਨਿਯਾ વੋਸਾਸਨ੍ਤਿਯਾ ਨ ਨਿવਾਰੇਤ੍વਾ ਭੁਞ੍ਜਨ੍ਤਸ੍ਸ ਪਾਟਿਦੇਸਨੀਯਂ ਕਤ੍ਥ ਪਞ੍ਞਤ੍ਤਨ੍ਤਿ? ਰਾਜਗਹੇ ਪਞ੍ਞਤ੍ਤਂ। ਕਂ ਆਰਬ੍ਭਾਤਿ? ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ। ਕਿਸ੍ਮਿਂ વਤ੍ਥੁਸ੍ਮਿਨ੍ਤਿ? ਛਬ੍ਬਗ੍ਗਿਯਾ ਭਿਕ੍ਖੂ ਭਿਕ੍ਖੁਨਿਯੋ વੋਸਾਸਨ੍ਤਿਯੋ ਨ ਨਿવਾਰੇਸੁਂ, ਤਸ੍ਮਿਂ વਤ੍ਥੁਸ੍ਮਿਂ। ਏਕਾ ਪਞ੍ਞਤ੍ਤਿ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਦ੍વੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ – ਸਿਯਾ ਕਾਯਤੋ ਚ વਾਚਤੋ ਚ ਸਮੁਟ੍ਠਾਤਿ, ਨ ਚਿਤ੍ਤਤੋ; ਸਿਯਾ ਕਾਯਤੋ ਚ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ…ਪੇ॰…।
147. Bhikkhuniyā vosāsantiyā na nivāretvā bhuñjantassa pāṭidesanīyaṃ kattha paññattanti? Rājagahe paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū bhikkhuniyo vosāsantiyo na nivāresuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato ca vācato ca samuṭṭhāti, na cittato; siyā kāyato ca vācato ca cittato ca samuṭṭhāti…pe….
੧੪੮. ਸੇਕ੍ਖਸਮ੍ਮਤੇਸੁ ਕੁਲੇਸੁ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਭੁਞ੍ਜਨ੍ਤਸ੍ਸ ਪਾਟਿਦੇਸਨੀਯਂ ਕਤ੍ਥ ਪਞ੍ਞਤ੍ਤਨ੍ਤਿ? ਸਾવਤ੍ਥਿਯਂ ਪਞ੍ਞਤ੍ਤਂ। ਕਂ ਆਰਬ੍ਭਾਤਿ? ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ। ਕਿਸ੍ਮਿਂ વਤ੍ਥੁਸ੍ਮਿਨ੍ਤਿ? ਸਮ੍ਬਹੁਲਾ ਭਿਕ੍ਖੂ ਨ ਮਤ੍ਤਂ ਜਾਨਿਤ੍વਾ ਪਟਿਗ੍ਗਹੇਸੁਂ, ਤਸ੍ਮਿਂ વਤ੍ਥੁਸ੍ਮਿਂ। ਏਕਾ ਪਞ੍ਞਤ੍ਤਿ, ਦ੍વੇ ਅਨੁਪਞ੍ਞਤ੍ਤਿਯੋ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਦ੍વੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ – ਸਿਯਾ ਕਾਯਤੋ ਸਮੁਟ੍ਠਾਤਿ, ਨ વਾਚਤੋ ਨ ਚਿਤ੍ਤਤੋ; ਸਿਯਾ ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ, ਨ વਾਚਤੋ…ਪੇ॰…।
148. Sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā bhuñjantassa pāṭidesanīyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū na mattaṃ jānitvā paṭiggahesuṃ, tasmiṃ vatthusmiṃ. Ekā paññatti, dve anupaññattiyo. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato samuṭṭhāti, na vācato na cittato; siyā kāyato ca cittato ca samuṭṭhāti, na vācato…pe….
੧੪੯. ਆਰਞ੍ਞਕੇਸੁ ਸੇਨਾਸਨੇਸੁ ਪੁਬ੍ਬੇ ਅਪ੍ਪਟਿਸਂવਿਦਿਤਂ ਖਾਦਨੀਯਂ વਾ ਭੋਜਨੀਯਂ વਾ ਅਜ੍ਝਾਰਾਮੇ ਸਹਤ੍ਥਾ ਪਟਿਗ੍ਗਹੇਤ੍વਾ ਭੁਞ੍ਜਨ੍ਤਸ੍ਸ ਪਾਟਿਦੇਸਨੀਯਂ ਕਤ੍ਥ ਪਞ੍ਞਤ੍ਤਨ੍ਤਿ? ਸਕ੍ਕੇਸੁ ਪਞ੍ਞਤ੍ਤਂ। ਕਂ ਆਰਬ੍ਭਾਤਿ? ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ। ਕਿਸ੍ਮਿਂ વਤ੍ਥੁਸ੍ਮਿਨ੍ਤਿ। ਸਮ੍ਬਹੁਲਾ ਭਿਕ੍ਖੂ ਆਰਾਮੇ ਚੋਰੇ ਪਟਿવਸਨ੍ਤੇ ਨਾਰੋਚੇਸੁਂ, ਤਸ੍ਮਿਂ વਤ੍ਥੁਸ੍ਮਿਂ। ਏਕਾ ਪਞ੍ਞਤ੍ਤਿ, ਏਕਾ ਅਨੁਪਞ੍ਞਤ੍ਤਿ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਦ੍વੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ – ਸਿਯਾ ਕਾਯਤੋ ਚ વਾਚਤੋ ਚ ਸਮੁਟ੍ਠਾਤਿ, ਨ ਚਿਤ੍ਤਤੋ; ਸਿਯਾ ਕਾਯਤੋ ਚ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ…ਪੇ॰…।
149. Āraññakesu senāsanesu pubbe appaṭisaṃviditaṃ khādanīyaṃ vā bhojanīyaṃ vā ajjhārāme sahatthā paṭiggahetvā bhuñjantassa pāṭidesanīyaṃ kattha paññattanti? Sakkesu paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti. Sambahulā bhikkhū ārāme core paṭivasante nārocesuṃ, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato ca vācato ca samuṭṭhāti, na cittato; siyā kāyato ca vācato ca cittato ca samuṭṭhāti…pe….
ਚਤ੍ਤਾਰੋ ਪਾਟਿਦੇਸਨੀਯਾ ਨਿਟ੍ਠਿਤਾ।
Cattāro pāṭidesanīyā niṭṭhitā.
ਤਸ੍ਸੁਦ੍ਦਾਨਂ –
Tassuddānaṃ –
ਅਞ੍ਞਾਤਿਕਾਯ વੋਸਾਸਂ, ਸੇਕ੍ਖਆਰਞ੍ਞਕੇਨ ਚ।
Aññātikāya vosāsaṃ, sekkhaāraññakena ca;
ਪਾਟਿਦੇਸਨੀਯਾ ਚਤ੍ਤਾਰੋ, ਸਮ੍ਬੁਦ੍ਧੇਨ ਪਕਾਸਿਤਾਤਿ॥
Pāṭidesanīyā cattāro, sambuddhena pakāsitāti.
