| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
баадид̣̇зсанийяаган̣д̣о
Pāṭidesanīyakaṇḍo
1. батамабаадид̣̇зсанийяасигкаабад̣̇аван̣н̣анаа
1. Paṭhamapāṭidesanīyasikkhāpadavaṇṇanā
баадид̣̇зсанийязсу батамз анд̇арагхарам̣ бавидтааяаад̇и важанад̇о сажз д̇ассаа анд̇араараамаад̣̇ийсу тад̇вааби д̣̇ад̣̇амаанааяа хад̇т̇ад̇о саяам̣ рат̇ияааб̣яуухасин̇гхаадагагхараанам̣ ан̃н̃ад̇арасмим̣ тид̇оби г̇ан̣хаад̇и, д̣̇осо над̇т̇и. д̇ассаа бана рат̇ияаад̣̇ийсу тад̇ваа д̣̇ад̣̇амаанааяа, рат̇ияаад̣̇ийсу ваа, анд̇араараамаад̣̇ийсу ваа тад̇вааби яам̣гин̃жи аамисам̣ аж̇жхохаран̣ад̇т̇ааяа г̇ан̣хад̇о бадиг̇г̇ахан̣з д̣̇уггадам̣, аж̇жхохаарз аж̇жхохаарз баадид̣̇зсанийяам̣. д̇асса д̣̇зсзд̇аб̣б̣аагааро г̇аараяхам̣ аавусод̇иаад̣̇инаа наязна сигкаабад̣̇з д̣̇ассид̇оязва.
Pāṭidesanīyesu paṭhame antaragharaṃ paviṭṭhāyāti vacanato sace tassā antarārāmādīsu ṭhatvāpi dadamānāya hatthato sayaṃ rathiyābyūhasiṅghāṭakagharānaṃ aññatarasmiṃ ṭhitopi gaṇhāti, doso natthi. Tassā pana rathiyādīsu ṭhatvā dadamānāya, rathiyādīsu vā, antarārāmādīsu vā ṭhatvāpi yaṃkiñci āmisaṃ ajjhoharaṇatthāya gaṇhato paṭiggahaṇe dukkaṭaṃ, ajjhohāre ajjhohāre pāṭidesanīyaṃ. Tassa desetabbākāro gārayhaṃ āvusotiādinā nayena sikkhāpade dassitoyeva.
саавад̇т̇ияам̣ ан̃н̃ад̇арам̣ бхигкум̣ аараб̣бха ан̃н̃аад̇игааяа бхигкунияаа анд̇арагхарам̣ бавидтааяа хад̇т̇ад̇о аамисам̣ бадиг̇г̇ахан̣авад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, яат̇аа жзд̇ам̣, д̇ат̇аа сзсааниби, д̇игабаадид̣̇зсанийяам̣, яаамагаалигаад̣̇ийсу бадиг̇г̇ахан̣зби аж̇жхохаран̣зби д̣̇уггадам̣, згад̇оубасамбаннааяа яаавагаалигзби д̇ат̇зва, н̃аад̇игааяа ан̃н̃аад̇игасан̃н̃ивзмад̇игаанамби зсзва наяо. н̃аад̇игасан̃н̃ино бана, н̃аад̇игааяа ваа д̣̇аабзнд̇ияаа, убанигкибид̇ваа ваа д̣̇ад̣̇амаанааяа, яаа жа анд̇араараамабхигкунубассаяад̇ид̇т̇ияасзяяабадиггаманзсу тад̇ваа г̇аамад̇о б̣ахи нийхарид̇ваа, яаамагаалигаад̣̇ийни ваа ‘‘сад̇и бажжаяз барибхун̃ж̇аа’’д̇и д̣̇зд̇и, д̇асса, сигкамаанасааман̣зрийнан̃жа хад̇т̇ад̇о г̇ахзд̇ваа барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. барибун̣н̣уубасамбаннад̇аа, ан̃н̃аад̇игад̇аа, анд̇арагхарз тид̇ааяа хад̇т̇ад̇о сахад̇т̇аа бадиг̇г̇ахан̣ам̣, яаавагаалигад̇аа, аж̇жхохаран̣анд̇и имаанзд̇т̇а бан̃жа ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ aññataraṃ bhikkhuṃ ārabbha aññātikāya bhikkhuniyā antaragharaṃ paviṭṭhāya hatthato āmisaṃ paṭiggahaṇavatthusmiṃ paññattaṃ, asādhāraṇapaññatti, anāṇattikaṃ, yathā cetaṃ, tathā sesānipi, tikapāṭidesanīyaṃ, yāmakālikādīsu paṭiggahaṇepi ajjhoharaṇepi dukkaṭaṃ, ekatoupasampannāya yāvakālikepi tatheva, ñātikāya aññātikasaññivematikānampi eseva nayo. Ñātikasaññino pana, ñātikāya vā dāpentiyā, upanikkhipitvā vā dadamānāya, yā ca antarārāmabhikkhunupassayatitthiyaseyyapaṭikkamanesu ṭhatvā gāmato bahi nīharitvā, yāmakālikādīni vā ‘‘sati paccaye paribhuñjā’’ti deti, tassa, sikkhamānasāmaṇerīnañca hatthato gahetvā paribhuñjantassa, ummattakādīnañca anāpatti. Paripuṇṇūpasampannatā, aññātikatā, antaraghare ṭhitāya hatthato sahatthā paṭiggahaṇaṃ, yāvakālikatā, ajjhoharaṇanti imānettha pañca aṅgāni. Samuṭṭhānādīni eḷakalomasadisānīti.
батамабаадид̣̇зсанийяасигкаабад̣̇аван̣н̣анаа нидтид̇аа.
Paṭhamapāṭidesanīyasikkhāpadavaṇṇanā niṭṭhitā.
2. д̣̇уд̇ияабаадид̣̇зсанийяасигкаабад̣̇аван̣н̣анаа
2. Dutiyapāṭidesanīyasikkhāpadavaṇṇanā
д̣̇уд̇ияз ид̇ха суубанд̇иаад̣̇и восаасанаагаарад̣̇ассанам̣. абасагга д̇аава бхаг̇инийд̇иаад̣̇и абасаад̣̇зд̇аб̣б̣аагаарад̣̇ассанам̣. д̇ад̇рааяам̣ винижчаяо – згзнааби бхигкунаа анабасаад̣̇ид̇з аж̇жхохаран̣ад̇т̇ааяа аамисам̣ г̇ан̣ханд̇аанам̣ бадиг̇г̇ахан̣з д̣̇уггадам̣, аж̇жхохаарз аж̇жхохаарз баадид̣̇зсанийяанд̇и.
Dutiye idha sūpantiādi vosāsanākāradassanaṃ. Apasakka tāva bhaginītiādi apasādetabbākāradassanaṃ. Tatrāyaṃ vinicchayo – ekenāpi bhikkhunā anapasādite ajjhoharaṇatthāya āmisaṃ gaṇhantānaṃ paṭiggahaṇe dukkaṭaṃ, ajjhohāre ajjhohāre pāṭidesanīyanti.
рааж̇аг̇ахз чаб̣б̣аг̇г̇ияз аараб̣бха бхигкунияаа восаасанд̇ияаа нанивааран̣авад̇т̇усмим̣ бан̃н̃ад̇д̇ам̣, д̇игабаадид̣̇зсанийяам̣, згад̇оубасамбаннааяа восаасанд̇ияаа наниваарзнд̇асса д̣̇уггадам̣, д̇ат̇аа анубасамбаннааяа убасамбаннасан̃н̃ино взмад̇игасса жа. анубасамбаннасан̃н̃ино, бана яо жа ад̇д̇ано ваа бхад̇д̇ам̣ д̣̇аабзнд̇ияаа, ан̃н̃зсам̣ ваа бхад̇д̇ам̣ д̣̇знд̇ияаа, яам̣ ваа на д̣̇иннам̣, д̇ам̣ д̣̇аабзнд̇ияаа, яад̇т̇а ваа на д̣̇иннам̣, д̇ад̇т̇а, саб̣б̣зсам̣ ваа самагам̣ д̣̇аабзнд̇ияаа, сигкамаанааяа ваа сааман̣зрияаа ваа восаасанд̇ияаа бадиг̇г̇ахзд̇ваа бхун̃ж̇ад̇и, д̇асса, бан̃жа бхож̇анаани табзд̇ваа саб̣б̣ад̇т̇а, уммад̇д̇агаад̣̇ийнан̃жа анаабад̇д̇и. барибун̣н̣уубасамбаннад̇аа, бан̃жабхож̇анад̇аа, анд̇арагхарз анун̃н̃аад̇абагаарад̇о ан̃н̃ат̇аа восаасанаа, анивааран̣аа, аж̇жхохаран̣анд̇и имаанзд̇т̇а бан̃жа ан̇г̇аани. самудтаанаад̣̇ийни гат̇инасад̣̇исаанийд̇и.
Rājagahe chabbaggiye ārabbha bhikkhuniyā vosāsantiyā nanivāraṇavatthusmiṃ paññattaṃ, tikapāṭidesanīyaṃ, ekatoupasampannāya vosāsantiyā nanivārentassa dukkaṭaṃ, tathā anupasampannāya upasampannasaññino vematikassa ca. Anupasampannasaññino, pana yo ca attano vā bhattaṃ dāpentiyā, aññesaṃ vā bhattaṃ dentiyā, yaṃ vā na dinnaṃ, taṃ dāpentiyā, yattha vā na dinnaṃ, tattha, sabbesaṃ vā samakaṃ dāpentiyā, sikkhamānāya vā sāmaṇeriyā vā vosāsantiyā paṭiggahetvā bhuñjati, tassa, pañca bhojanāni ṭhapetvā sabbattha, ummattakādīnañca anāpatti. Paripuṇṇūpasampannatā, pañcabhojanatā, antaraghare anuññātapakārato aññathā vosāsanā, anivāraṇā, ajjhoharaṇanti imānettha pañca aṅgāni. Samuṭṭhānādīni kathinasadisānīti.
д̣̇уд̇ияабаадид̣̇зсанийяасигкаабад̣̇аван̣н̣анаа нидтид̇аа.
Dutiyapāṭidesanīyasikkhāpadavaṇṇanā niṭṭhitā.
3. д̇ад̇ияабаадид̣̇зсанийяасигкаабад̣̇аван̣н̣анаа
3. Tatiyapāṭidesanīyasikkhāpadavaṇṇanā
д̇ад̇ияз сзгкасаммад̇аанийд̇и лад̣̇д̇хасзгкасаммуд̇игаани. буб̣б̣з аниманд̇ид̇од̇и гхаруубажаароггаманад̇о батамад̇арам̣ убажаарам̣ аноггаманд̇зязва буб̣б̣з аниманд̇ид̇о. аг̇илаано наама яо саггод̇и бин̣д̣ааяа жарид̇ум̣. баадид̣̇зсанийяанд̇и гхаруубажаарам̣ оггамид̇ваа аамисам̣ г̇ан̣ханд̇асса бадиг̇г̇ахан̣з д̇аава д̣̇уггадам̣, д̇ам̣ г̇ахзд̇ваа яад̇т̇агад̇т̇ажи бхун̃ж̇анд̇асса аж̇жхохаарз аж̇жхохаарз баадид̣̇зсанийяанд̇и.
Tatiye sekkhasammatānīti laddhasekkhasammutikāni. Pubbe animantitoti gharūpacārokkamanato paṭhamataraṃ upacāraṃ anokkamanteyeva pubbe animantito. Agilāno nāma yo sakkoti piṇḍāya carituṃ. Pāṭidesanīyanti gharūpacāraṃ okkamitvā āmisaṃ gaṇhantassa paṭiggahaṇe tāva dukkaṭaṃ, taṃ gahetvā yatthakatthaci bhuñjantassa ajjhohāre ajjhohāre pāṭidesanīyanti.
саавад̇т̇ияам̣ самб̣ахулз бхигкуу аараб̣бха на мад̇д̇ам̣ ж̇аанид̇ваа бадиг̇г̇ахан̣авад̇т̇усмим̣ бан̃н̃ад̇д̇ам̣, ‘‘буб̣б̣з аниманд̇ид̇о, аг̇илаано’’д̇и имаа банзд̇т̇а д̣̇вз анубан̃н̃ад̇д̇ияо, д̇игабаадид̣̇зсанийяам̣, яаамагаалигаад̣̇ийсу бадиг̇г̇ахан̣зби аж̇жхохаарзби д̣̇уггадам̣, д̇ат̇аа асзгкасаммад̇з сзгкасаммад̇асан̃н̃ино взмад̇игасса жа. асзгкасаммад̇асан̃н̃ино, бана яо жа буб̣б̣з ниманд̇ид̇о ваа г̇илаано ваа ан̃н̃асса ваа д̇зсам̣ гхарз бан̃н̃ад̇д̇ам̣ бхигкам̣ г̇ан̣хаад̇и, яасса жа гхарад̇о нийхарид̇ваа, аасанасаалаад̣̇ийсу ваа бхигкум̣ ад̣̇исваа батамам̣язва нийхарид̇ваа, д̣̇ваарамуулз ваа табид̇ам̣ д̣̇знд̇и, д̇асса д̇ам̣ бхун̃ж̇анд̇асса, нижжабхад̇д̇агз, салаагабхад̇д̇з, багкигз , убосат̇игз, баадибад̣̇игз, яаамагаалигаад̣̇им̣ ‘‘сад̇и бажжаяз барибхун̃ж̇аа’’д̇и д̣̇иннам̣ барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. сзгкасаммад̇ад̇аа, буб̣б̣з аниманд̇ид̇ад̇аа, аг̇илаанад̇аа, гхаруубажаароггаманам̣, табзд̇ваа нижжабхад̇д̇агаад̣̇ийни ан̃н̃ам̣ аамисам̣ г̇ахзд̇ваа бхун̃ж̇ананд̇и имаанзд̇т̇а бан̃жа ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ sambahule bhikkhū ārabbha na mattaṃ jānitvā paṭiggahaṇavatthusmiṃ paññattaṃ, ‘‘pubbe animantito, agilāno’’ti imā panettha dve anupaññattiyo, tikapāṭidesanīyaṃ, yāmakālikādīsu paṭiggahaṇepi ajjhohārepi dukkaṭaṃ, tathā asekkhasammate sekkhasammatasaññino vematikassa ca. Asekkhasammatasaññino, pana yo ca pubbe nimantito vā gilāno vā aññassa vā tesaṃ ghare paññattaṃ bhikkhaṃ gaṇhāti, yassa ca gharato nīharitvā, āsanasālādīsu vā bhikkhuṃ adisvā paṭhamaṃyeva nīharitvā, dvāramūle vā ṭhapitaṃ denti, tassa taṃ bhuñjantassa, niccabhattake, salākabhatte, pakkhike , uposathike, pāṭipadike, yāmakālikādiṃ ‘‘sati paccaye paribhuñjā’’ti dinnaṃ paribhuñjantassa, ummattakādīnañca anāpatti. Sekkhasammatatā, pubbe animantitatā, agilānatā, gharūpacārokkamanaṃ, ṭhapetvā niccabhattakādīni aññaṃ āmisaṃ gahetvā bhuñjananti imānettha pañca aṅgāni. Samuṭṭhānādīni eḷakalomasadisānīti.
д̇ад̇ияабаадид̣̇зсанийяасигкаабад̣̇аван̣н̣анаа нидтид̇аа.
Tatiyapāṭidesanīyasikkhāpadavaṇṇanā niṭṭhitā.
4. жад̇уд̇т̇абаадид̣̇зсанийяасигкаабад̣̇аван̣н̣анаа
4. Catutthapāṭidesanīyasikkhāpadavaṇṇanā
жад̇уд̇т̇з яаани ко бана д̇аани ааран̃н̃агаанийд̇иаад̣̇и жийваравиббаваасасигкаабад̣̇з вуд̇д̇анаязнзва взд̣̇ид̇аб̣б̣ам̣. буб̣б̣з аббадисам̣вид̣̇ид̇анд̇и зд̇т̇а яам̣ ид̇т̇ияаа ваа бурисзна ваа г̇ахадтзна ваа баб̣б̣аж̇ид̇зна ваа аараамам̣ ваа аараамуубажаарам̣ ваа бависид̇ваа ‘‘ид̇т̇аннаамасса, бханд̇з, гуласса каад̣̇анийяам̣ ваа бхож̇анийяам̣ ваа аахарияиссад̇ий’’д̇и (баажи. 573) аарожид̇ам̣, д̇ам̣ бажчаа яат̇аааарожид̇амзва ваа аахарияад̇у, д̇асса бариваарам̣ гад̇ваа ан̃н̃ам̣ ваа д̇зна сад̣̇д̇хим̣ б̣ахугамби, ‘‘ид̇т̇аннаамам̣ гулам̣ бадисам̣вид̣̇ид̇ам̣ гад̇ваа каад̣̇анийяам̣ ваа бхож̇анийяам̣ ваа г̇ахзд̇ваа г̇ажчад̇ий’’д̇и суд̇ваа ан̃н̃аани ваа гулаани д̇зхи сад̣̇д̇хим̣ аахаранд̇у, д̇ам̣ саб̣б̣ам̣ бадисам̣вид̣̇ид̇ам̣ наама. яам̣ бана звам̣ анаарожид̇ам̣ анаахадан̃жа, д̇ам̣ аббадисам̣вид̣̇ид̇ам̣ наама. аг̇илаано наама яо саггод̇и бин̣д̣ааяа г̇анд̇ум̣. баадид̣̇зсанийяанд̇и зваруубам̣ анд̇амасо аараамамаж̇жхзна г̇ажчанд̇зхи ад̣̇д̇хигзхи д̣̇иннамби аараамз ваа аараамуубажаарз ваа бадиг̇г̇ахзд̇ваа аж̇жхохаранд̇асса бадиг̇г̇ахан̣з д̣̇уггадам̣, аж̇жхохаарз аж̇жхохаарз баадид̣̇зсанийяанд̇и.
Catutthe yāni kho pana tāni āraññakānītiādi cīvaravippavāsasikkhāpade vuttanayeneva veditabbaṃ. Pubbe appaṭisaṃviditanti ettha yaṃ itthiyā vā purisena vā gahaṭṭhena vā pabbajitena vā ārāmaṃ vā ārāmūpacāraṃ vā pavisitvā ‘‘itthannāmassa, bhante, kulassa khādanīyaṃ vā bhojanīyaṃ vā āhariyissatī’’ti (pāci. 573) ārocitaṃ, taṃ pacchā yathāārocitameva vā āhariyatu, tassa parivāraṃ katvā aññaṃ vā tena saddhiṃ bahukampi, ‘‘itthannāmaṃ kulaṃ paṭisaṃviditaṃ katvā khādanīyaṃ vā bhojanīyaṃ vā gahetvā gacchatī’’ti sutvā aññāni vā kulāni tehi saddhiṃ āharantu, taṃ sabbaṃ paṭisaṃviditaṃ nāma. Yaṃ pana evaṃ anārocitaṃ anāhaṭañca, taṃ appaṭisaṃviditaṃ nāma. Agilāno nāma yo sakkoti piṇḍāya gantuṃ. Pāṭidesanīyanti evarūpaṃ antamaso ārāmamajjhena gacchantehi addhikehi dinnampi ārāme vā ārāmūpacāre vā paṭiggahetvā ajjhoharantassa paṭiggahaṇe dukkaṭaṃ, ajjhohāre ajjhohāre pāṭidesanīyanti.
саггзсу самб̣ахулз бхигкуу аараб̣бха аараамз жорз бадивасанд̇з анаарожанавад̇т̇усмим̣ бан̃н̃ад̇д̇ам̣, ‘‘аг̇илаано’’д̇и аяамзд̇т̇а згаа анубан̃н̃ад̇д̇и, д̇игабаадид̣̇зсанийяам̣ , яаамагаалигаад̣̇ийсу аахаарад̇т̇ааяа бадиг̇г̇ахан̣зби аж̇жхохаарзби д̣̇уггадамзва, д̇ат̇аа бадисам̣вид̣̇ид̇з аббадисам̣вид̣̇ид̇асан̃н̃ино взмад̇игасса жа, бадисам̣вид̣̇ид̇асан̃н̃ино, бана г̇илаанасса, яо жа бадисам̣вид̣̇ид̇ам̣ гад̇ваа аахадам̣ ваа г̇илаанаавасзсагам̣ ваа б̣ахаараамз ваа бадиг̇г̇ахид̇ам̣, д̇ад̇т̇аж̇аад̇агамзва ваа муулапалаад̣̇им̣, яаамагаалигаад̣̇ийсу ваа яам̣гин̃жи ‘‘сад̇и бажжаяз барибхун̃ж̇аа’’д̇и лад̣̇д̇хам̣ барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. яат̇аавуд̇д̇аааран̃н̃агасзнаасанад̇аа, яаавагаалигасса ад̇ад̇т̇аж̇аад̇агад̇аа, аг̇илаанад̇аа, аг̇илаанаавасзсагад̇аа, аббадисам̣вид̣̇ид̇ад̇аа, аж̇жхаараамз бадиг̇г̇ахан̣ам̣, аж̇жхохаран̣анд̇и имаанзд̇т̇а сад̇д̇а ан̇г̇аани. самудтаанаад̣̇ийни гат̇инасад̣̇исаанзва, ид̣̇ам̣ бана гирияаагирияанд̇и.
Sakkesu sambahule bhikkhū ārabbha ārāme core paṭivasante anārocanavatthusmiṃ paññattaṃ, ‘‘agilāno’’ti ayamettha ekā anupaññatti, tikapāṭidesanīyaṃ , yāmakālikādīsu āhāratthāya paṭiggahaṇepi ajjhohārepi dukkaṭameva, tathā paṭisaṃvidite appaṭisaṃviditasaññino vematikassa ca, paṭisaṃviditasaññino, pana gilānassa, yo ca paṭisaṃviditaṃ katvā āhaṭaṃ vā gilānāvasesakaṃ vā bahārāme vā paṭiggahitaṃ, tatthajātakameva vā mūlaphalādiṃ, yāmakālikādīsu vā yaṃkiñci ‘‘sati paccaye paribhuñjā’’ti laddhaṃ paribhuñjantassa, ummattakādīnañca anāpatti. Yathāvuttaāraññakasenāsanatā, yāvakālikassa atatthajātakatā, agilānatā, agilānāvasesakatā, appaṭisaṃviditatā, ajjhārāme paṭiggahaṇaṃ, ajjhoharaṇanti imānettha satta aṅgāni. Samuṭṭhānādīni kathinasadisāneva, idaṃ pana kiriyākiriyanti.
жад̇уд̇т̇абаадид̣̇зсанийяасигкаабад̣̇аван̣н̣анаа нидтид̇аа.
Catutthapāṭidesanīyasikkhāpadavaṇṇanā niṭṭhitā.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
баадид̣̇зсанийяаван̣н̣анаа нидтид̇аа.
Pāṭidesanīyavaṇṇanā niṭṭhitā.
