| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
баадид̣̇зсанийяаган̣д̣о
Pāṭidesanīyakaṇḍo
1. саббивин̃н̃аабанасигкаабад̣̇аван̣н̣анаа
1. Sappiviññāpanasikkhāpadavaṇṇanā
баадид̣̇зсанийязсу батамз саббинд̇и буб̣б̣з вуд̇д̇авинижчаяам̣ баал̣иааг̇ад̇ам̣ (баажи. 1230) г̇осаббиаад̣̇имзва. вин̃н̃аабзд̇ваа бхун̃ж̇зяяаад̇и зд̇т̇а ‘‘вин̃н̃ад̇д̇ияаа бадилад̣̇д̇хам̣ бхун̃ж̇иссаамий’’д̇и г̇ахан̣з д̣̇уггадам̣, г̇ахид̇асса аж̇жхохаарз аж̇жхохаарз баадид̣̇зсанийяам̣.
Pāṭidesanīyesu paṭhame sappinti pubbe vuttavinicchayaṃ pāḷiāgataṃ (pāci. 1230) gosappiādimeva. Viññāpetvā bhuñjeyyāti ettha ‘‘viññattiyā paṭiladdhaṃ bhuñjissāmī’’ti gahaṇe dukkaṭaṃ, gahitassa ajjhohāre ajjhohāre pāṭidesanīyaṃ.
саавад̇т̇ияам̣ чаб̣б̣аг̇г̇ияаа бхигкунияо аараб̣бха саббим̣ вин̃н̃аабзд̇ваа бхун̃ж̇анавад̇т̇усмим̣ бан̃н̃ад̇д̇ам̣, ‘‘аг̇илаанаа’’д̇и аяамзд̇т̇а анубан̃н̃ад̇д̇и, д̇игабаадид̣̇зсанийяам̣, г̇илаанааяа д̣̇вигад̣̇уггадам̣. яаа бана г̇илаанаа г̇илаанасан̃н̃аа, г̇илаанагаалз ваа вин̃н̃аабзд̇ваа бажчаа аг̇илаанаа худ̇ваа бхун̃ж̇ад̇и, г̇илаанааяа ваа сзсагам̣, н̃аад̇агаббаваарид̇адтаанад̇о ваа вин̃н̃ад̇д̇ам̣, ан̃н̃асса ваа ад̇т̇ааяа, ад̇д̇ано ваа д̇ханзна г̇ахид̇ам̣ бхун̃ж̇ад̇и, д̇ассаа, уммад̇д̇игаад̣̇ийнан̃жа анаабад̇д̇и. вуд̇д̇алагкан̣асаббид̇аа, анун̃н̃аад̇агааран̣аабхааво, вин̃н̃ад̇д̇и, аж̇жхохаарод̇и имаанзд̇т̇а жад̇д̇аари ан̇г̇аани. самудтаанаад̣̇ийни ад̣̇д̇хаанасад̣̇исаанийд̇и.
Sāvatthiyaṃ chabbaggiyā bhikkhuniyo ārabbha sappiṃ viññāpetvā bhuñjanavatthusmiṃ paññattaṃ, ‘‘agilānā’’ti ayamettha anupaññatti, tikapāṭidesanīyaṃ, gilānāya dvikadukkaṭaṃ. Yā pana gilānā gilānasaññā, gilānakāle vā viññāpetvā pacchā agilānā hutvā bhuñjati, gilānāya vā sesakaṃ, ñātakappavāritaṭṭhānato vā viññattaṃ, aññassa vā atthāya, attano vā dhanena gahitaṃ bhuñjati, tassā, ummattikādīnañca anāpatti. Vuttalakkhaṇasappitā, anuññātakāraṇābhāvo, viññatti, ajjhohāroti imānettha cattāri aṅgāni. Samuṭṭhānādīni addhānasadisānīti.
саббивин̃н̃аабанасигкаабад̣̇аван̣н̣анаа нидтид̇аа.
Sappiviññāpanasikkhāpadavaṇṇanā niṭṭhitā.
2. д̇злавин̃н̃аабанаад̣̇исигкаабад̣̇аван̣н̣анаа
2. Telaviññāpanādisikkhāpadavaṇṇanā
д̣̇уд̇ияаад̣̇ийсуби д̇злаад̣̇ийни буб̣б̣з вуд̇д̇авинижчаяаани баал̣ияам̣ (баажи. 1236) ааг̇ад̇аанзва, баал̣ияам̣ анааг̇ад̇зсу бана адтасуби д̣̇уггадамзва. сзсам̣ саб̣б̣ад̇т̇а батамз вуд̇д̇асад̣̇исамзваад̇и.
Dutiyādīsupi telādīni pubbe vuttavinicchayāni pāḷiyaṃ (pāci. 1236) āgatāneva, pāḷiyaṃ anāgatesu pana aṭṭhasupi dukkaṭameva. Sesaṃ sabbattha paṭhame vuttasadisamevāti.
д̇злавин̃н̃аабанаад̣̇исигкаабад̣̇аван̣н̣анаа нидтид̇аа.
Telaviññāpanādisikkhāpadavaṇṇanā niṭṭhitā.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
бхигкунибаад̇имогкз
Bhikkhunipātimokkhe
баадид̣̇зсанийяаван̣н̣анаа нидтид̇аа.
Pāṭidesanīyavaṇṇanā niṭṭhitā.
1. бариман̣д̣алаад̣̇исигкаабад̣̇аван̣н̣анаа
1. Parimaṇḍalādisikkhāpadavaṇṇanā
ид̇о барам̣ бана сзкияаани жзва ад̇хигаран̣асамат̇аа жа саб̣б̣абагаарад̇о бхигкубаад̇имогкаван̣н̣анааяам̣ вуд̇д̇анаязнзва взд̣̇ид̇аб̣б̣аад̇и.
Ito paraṃ pana sekhiyāni ceva adhikaraṇasamathā ca sabbapakārato bhikkhupātimokkhavaṇṇanāyaṃ vuttanayeneva veditabbāti.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
бхигкунибаад̇имогкаван̣н̣анаа нидтид̇аа.
Bhikkhunipātimokkhavaṇṇanā niṭṭhitā.
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
ван̣н̣анам̣ баад̇имогкасса, сон̣ад̇т̇зрзна яаажид̇о;
Vaṇṇanaṃ pātimokkhassa, soṇattherena yācito;
винаяз ж̇аад̇аган̇каанам̣, ган̇каавид̇аран̣ад̇т̇иго.
Vinaye jātakaṅkhānaṃ, kaṅkhāvitaraṇatthiko.
аарабхим̣ яамахам̣ саб̣б̣ам̣, сийхал̣адтагат̇аанаяам̣;
Ārabhiṃ yamahaṃ sabbaṃ, sīhaḷaṭṭhakathānayaṃ;
махаавихаараваасийнам̣, ваажанаамаг̇г̇аниссид̇ам̣.
Mahāvihāravāsīnaṃ, vācanāmagganissitaṃ.
ниссааяа саа аяам̣ нидтам̣, г̇ад̇аа аад̣̇ааяа саб̣б̣асо;
Nissāya sā ayaṃ niṭṭhaṃ, gatā ādāya sabbaso;
саб̣б̣ам̣ адтагат̇аасаарам̣, баал̣ияад̇т̇ан̃жа гзвалам̣.
Sabbaṃ aṭṭhakathāsāraṃ, pāḷiyatthañca kevalaṃ.
на хзд̇т̇а д̇ам̣ бад̣̇ам̣ ад̇т̇и, яам̣ вируж̇жхзяяа баал̣ияаа;
Na hettha taṃ padaṃ atthi, yaṃ virujjheyya pāḷiyā;
махаавихаараваасийнам̣, бораан̣адтагат̇аахи ваа.
Mahāvihāravāsīnaṃ, porāṇaṭṭhakathāhi vā.
яасмаа д̇асмаа агад̇ваава, зд̇т̇а ган̇кам̣ хид̇зсинаа;
Yasmā tasmā akatvāva, ettha kaṅkhaṃ hitesinā;
сигкид̇аб̣б̣аава саггажжам̣, ган̇каавид̇аран̣ий аяам̣.
Sikkhitabbāva sakkaccaṃ, kaṅkhāvitaraṇī ayaṃ.
яат̇аа жа нидтам̣ самбад̇д̇аа, ган̇каавид̇аран̣ий аяам̣;
Yathā ca niṭṭhaṃ sampattā, kaṅkhāvitaraṇī ayaṃ;
д̣̇ваавийсад̇и бхаан̣аваарабаамаан̣ааяа баал̣ияаа.
Dvāvīsati bhāṇavārapaamāṇāya pāḷiyā.
звам̣ ананд̇арааязна, нидтам̣ галяаан̣аниссид̇аа;
Evaṃ anantarāyena, niṭṭhaṃ kalyāṇanissitā;
ажирам̣ саб̣б̣асад̇д̇аанам̣, яанд̇у саб̣б̣з манорат̇аад̇и.
Aciraṃ sabbasattānaṃ, yantu sabbe manorathāti.
барамависуд̣̇д̇хасад̣̇д̇хааб̣уд̣̇д̇хивийрияаббадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асувиниг̇г̇ад̇амад̇хаурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа бабхиннабадисамбхид̣̇аабариваарз чал̣абхин̃н̃аад̣̇иббабхзд̣̇аг̇ун̣аббадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ ган̇каавид̇аран̣ий наама баад̇имогкаван̣н̣анаа –
Paramavisuddhasaddhābuddhivīriyappaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihatañāṇappabhāvena mahāveyyākaraṇena karaṇasampattijanitasuviniggatamadhaurodāravacanalāvaṇṇayuttena yuttamuttavādinā vādīvarena mahākavinā pabhinnapaṭisambhidāparivāre chaḷabhiññādippabhedaguṇappaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ kaṅkhāvitaraṇī nāma pātimokkhavaṇṇanā –
д̇аава д̇идтад̇у логасмим̣, логанид̇т̇аран̣зсинам̣;
Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ сийлависуд̣̇д̇хияаа.
Dassentī kulaputtānaṃ, nayaṃ sīlavisuddhiyā.
яаава ‘‘б̣уд̣̇д̇хо’’д̇и наамамби, суд̣̇д̇хажид̇д̇асса д̇аад̣̇ино;
Yāva ‘‘buddho’’ti nāmampi, suddhacittassa tādino;
логамхи логаж̇здтасса, бавад̇д̇ад̇и махзсинод̇и.
Lokamhi lokajeṭṭhassa, pavattati mahesinoti.
ган̇каавид̇аран̣ий-адтагат̇аа нидтид̇аа.
Kaṅkhāvitaraṇī-aṭṭhakathā niṭṭhitā.
