| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
баадид̣̇зсанийяагат̇ааван̣н̣анаа
Pāṭidesanīyakathāvaṇṇanā
2432. звам̣ баажид̇д̇ияавинижчаяам̣ д̣̇ассзд̇ваа ид̣̇аани баадид̣̇зсанийяам̣ д̣̇ассзд̇умааха ‘‘аг̇илаанаа’’д̇иаад̣̇и. яаа бана бхигкуний аг̇илаанаа саяам̣ ад̇д̇анаа вин̃н̃ад̇д̇ияаа лад̣̇д̇хам̣ саббим̣ сажз ‘‘бхун̃ж̇иссаамий’’д̇и г̇ан̣хад̇и, д̇ассаа звам̣ г̇ахан̣з д̣̇уггадам̣ барид̣̇ийбид̇анд̇и яож̇анаа. д̇ад̇т̇а яассаа винаа саббинаа паасу ход̇и, саа аг̇илаанаа наама. саббинд̇и буб̣б̣з вуд̇д̇авинижчаяам̣ баал̣иааг̇ад̇ам̣ г̇осаббиаад̣̇игамзва.
2432. Evaṃ pācittiyavinicchayaṃ dassetvā idāni pāṭidesanīyaṃ dassetumāha ‘‘agilānā’’tiādi. Yā pana bhikkhunī agilānā sayaṃ attanā viññattiyā laddhaṃ sappiṃ sace ‘‘bhuñjissāmī’’ti gaṇhati, tassā evaṃ gahaṇe dukkaṭaṃ paridīpitanti yojanā. Tattha yassā vinā sappinā phāsu hoti, sā agilānā nāma. Sappinti pubbe vuttavinicchayaṃ pāḷiāgataṃ gosappiādikameva.
2433. д̇ибаадид̣̇зсанийяанд̇и аг̇илаанаа аг̇илаанасан̃н̃аа, взмад̇игаа, г̇илаанасан̃н̃аад̇и д̇ийсу вигаббзсу д̇ийн̣и баадид̣̇зсанийяаани. г̇илаанаа д̣̇вигад̣̇уггаданд̇и г̇илаанааяа д̣̇вигад̣̇уггадам̣. г̇илаанаа аг̇илаанасан̃н̃аа, взмад̇игаа ваад̇и д̣̇вийсу вигаббзсу д̣̇вз д̣̇уггадаани.
2433.Tipāṭidesanīyanti agilānā agilānasaññā, vematikā, gilānasaññāti tīsu vikappesu tīṇi pāṭidesanīyāni. Gilānā dvikadukkaṭanti gilānāya dvikadukkaṭaṃ. Gilānā agilānasaññā, vematikā vāti dvīsu vikappesu dve dukkaṭāni.
2434-5. г̇илаанаа худ̇ваа саббим̣ вин̃н̃аабзд̇ваа бажчаа вуубасанд̇аг̇злан̃н̃аа худ̇ваа сзванд̇ияаа барибхун̃ж̇анд̇ияааби жа г̇илаанааяа авасзсам̣ барибхун̃ж̇анд̇ияаа ваа н̃аад̇агаад̣̇ид̇о н̃аад̇агабаваарид̇адтаанад̇о вин̃н̃ад̇д̇ам̣ бхун̃ж̇анд̇ияаа ваа ан̃н̃ассад̇т̇ааяа вин̃н̃ад̇д̇ам̣ барибхун̃ж̇анд̇ияаа ваа ад̇д̇ано д̇ханзна г̇ахид̇ам̣ бхун̃ж̇анд̇ияаа ваа уммад̇д̇игааяа ваа анаабад̇д̇ийд̇и яож̇анаа.
2434-5. Gilānā hutvā sappiṃ viññāpetvā pacchā vūpasantagelaññā hutvā sevantiyā paribhuñjantiyāpi ca gilānāya avasesaṃ paribhuñjantiyā vā ñātakādito ñātakapavāritaṭṭhānato viññattaṃ bhuñjantiyā vā aññassatthāya viññattaṃ paribhuñjantiyā vā attano dhanena gahitaṃ bhuñjantiyā vā ummattikāya vā anāpattīti yojanā.
батамам̣.
Paṭhamaṃ.
2436. сзсзсу д̣̇уд̇ияаад̣̇ийсууд̇и ‘‘яаа бана бхигкуний аг̇илаанаа д̇злам̣…бз… мад̇хум̣…бз… паан̣ид̇ам̣…бз… мажчам̣…бз… мам̣сам̣…бз… кийрам̣…бз… д̣̇ад̇хим̣ вин̃н̃аабзд̇ваа бхун̃ж̇зяяа, бадид̣̇зсзд̇аб̣б̣ам̣ д̇ааяа бхигкунияаа г̇аараяхам̣ аяяз д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’д̇и (баажи. 1236) звам̣ д̣̇уд̇ияаад̣̇ийсу сад̇д̇асу баадид̣̇зсанийязсу. над̇т̇и гаажи висзсад̇аад̇и д̇злаад̣̇ибад̣̇аани винаа ан̃н̃о гожи висзсо над̇т̇ийд̇и ад̇т̇о.
2436.Sesesu dutiyādīsūti ‘‘yā pana bhikkhunī agilānā telaṃ…pe… madhuṃ…pe… phāṇitaṃ…pe… macchaṃ…pe… maṃsaṃ…pe… khīraṃ…pe… dadhiṃ viññāpetvā bhuñjeyya, paṭidesetabbaṃ tāya bhikkhuniyā gārayhaṃ ayye dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’ti (pāci. 1236) evaṃ dutiyādīsu sattasu pāṭidesanīyesu. Natthi kāci visesatāti telādipadāni vinā añño koci viseso natthīti attho.
2437. баал̣ияам̣ анааг̇ад̇зсу саб̣б̣зсу саббиаад̣̇ийсу адтасу ан̃н̃ад̇арам̣ вин̃н̃аабзд̇ваа бхун̃ж̇анд̇ияааби д̣̇уггаданд̇и яож̇анаа.
2437. Pāḷiyaṃ anāgatesu sabbesu sappiādīsu aṭṭhasu aññataraṃ viññāpetvā bhuñjantiyāpi dukkaṭanti yojanā.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
баадид̣̇зсанийяагат̇ааван̣н̣анаа нидтид̇аа.
Pāṭidesanīyakathāvaṇṇanā niṭṭhitā.
