| Library / Tipiṭaka / ਤਿਪਿਟਕ • Tipiṭaka / વਿਨਯવਿਨਿਚ੍ਛਯ-ਟੀਕਾ • Vinayavinicchaya-ṭīkā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
વਿਨਯਪਿਟਕੇ
Vinayapiṭake
વਿਨਯવਿਨਿਚ੍ਛਯ-ਟੀਕਾ (ਦੁਤਿਯੋ ਭਾਗੋ)
Vinayavinicchaya-ṭīkā (dutiyo bhāgo)
ਪਾਟਿਦੇਸਨੀਯਕਥਾવਣ੍ਣਨਾ
Pāṭidesanīyakathāvaṇṇanā
੧੮੩੦-੧. ਏવਂ ਨਾਤਿਸਙ੍ਖੇਪવਿਤ੍ਥਾਰਨਯੇਨ ਦ੍વੇਨવੁਤਿ ਪਾਚਿਤ੍ਤਿਯਾਨਿ ਦਸ੍ਸੇਤ੍વਾ ਤਦਨਨ੍ਤਰਂ ਨਿਦ੍ਦਿਟ੍ਠੇ ਪਾਟਿਦੇਸਨੀਯੇ ਦਸ੍ਸੇਤੁਮਾਹ ‘‘ਯੋ ਚਨ੍ਤਰਘਰ’’ਨ੍ਤਿਆਦਿ। ਤਤ੍ਥ ਅਨ੍ਤਰਘਰਨ੍ਤਿ ਰਥਿਕਾਦਿਮਾਹ। ਯਥਾਹ ‘‘ਅਨ੍ਤਰਘਰਂ ਨਾਮ ਰਥਿਕਾ ਬ੍ਯੂਹਂ ਸਿਙ੍ਘਾਟਕਂ ਘਰ’’ਨ੍ਤਿ।
1830-1. Evaṃ nātisaṅkhepavitthāranayena dvenavuti pācittiyāni dassetvā tadanantaraṃ niddiṭṭhe pāṭidesanīye dassetumāha ‘‘yo cantaraghara’’ntiādi. Tattha antaragharanti rathikādimāha. Yathāha ‘‘antaragharaṃ nāma rathikā byūhaṃ siṅghāṭakaṃ ghara’’nti.
ਯੋ ਪਨ ਭਿਕ੍ਖੁ ਅਨ੍ਤਰਘਰਂ ਪવਿਟ੍ਠਾਯ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਯਂ ਕਿਞ੍ਚਿ ਖਾਦਨਂ, ਭੋਜਨਮ੍ਪਿ વਾ ਸਹਤ੍ਥਾ ਪਟਿਗ੍ਗਣ੍ਹੇਯ੍ਯ, ਤਸ੍ਸ ਭਿਕ੍ਖੁਨੋ ਗਹਣੇ ਦੁਕ੍ਕਟਂ, ਭੋਗੇ ਅਜ੍ਝੋਹਾਰੇ ਪਾਟਿਦੇਸਨੀਯਂ ਸਿਯਾਤਿ ਯੋਜਨਾ।
Yo pana bhikkhu antaragharaṃ paviṭṭhāya aññātikāya bhikkhuniyā hatthato yaṃ kiñci khādanaṃ, bhojanampi vā sahatthā paṭiggaṇheyya, tassa bhikkhuno gahaṇe dukkaṭaṃ, bhoge ajjhohāre pāṭidesanīyaṃ siyāti yojanā.
ਇਤੋ ਪਟ੍ਠਾਯ ਚਤਸ੍ਸੋ ਗਾਥਾ ਉਪ੍ਪਟਿਪਾਟਿਯਾ ਪੋਤ੍ਥਕੇਸੁ ਲਿਖਿਤਾ, ਤਾਸਂ ਅਯਂ ਪਟਿਪਾਟਿ – ‘‘ਏਤ੍ਥਨ੍ਤਰਘਰ’’ਨ੍ਤਿ ਤਤਿਯਾ, ‘‘ਤਸ੍ਮਾ ਭਿਕ੍ਖੁਨਿਯਾ’’ਤਿ ਚਤੁਤ੍ਥੀ, ‘‘ਰਥਿਕਾਦੀਸੂ’’ਤਿ ਪਞ੍ਚਮੀ , ‘‘ਰਥਿਕਾਯਪਿ વਾ’’ਤਿ ਛਟ੍ਠੀ। ਪਟਿਪਾਟਿ ਪਨਾਯਂ ਮਾਤਿਕਟ੍ਠਕਥਕ੍ਕਮੇਨ વੇਦਿਤਬ੍ਬਾ। ਇਮਾਯ ਪਟਿਪਾਟਿਯਾ ਤਾਸਂ ਅਤ੍ਥવਣ੍ਣਨਾ ਹੋਤਿ –
Ito paṭṭhāya catasso gāthā uppaṭipāṭiyā potthakesu likhitā, tāsaṃ ayaṃ paṭipāṭi – ‘‘etthantaraghara’’nti tatiyā, ‘‘tasmā bhikkhuniyā’’ti catutthī, ‘‘rathikādīsū’’ti pañcamī , ‘‘rathikāyapi vā’’ti chaṭṭhī. Paṭipāṭi panāyaṃ mātikaṭṭhakathakkamena veditabbā. Imāya paṭipāṭiyā tāsaṃ atthavaṇṇanā hoti –
੧੮੩੨-੩. ਪੁਰਿਮਗਾਥਾਦ੍વਯੇਨ ਪਦਭਾਜਨਾਗਤਸਾਮਞ੍ਞવਿਨਿਚ੍ਛਯਂ ਦਸ੍ਸੇਤ੍વਾ ਇਦਾਨਿ ਅਟ੍ਠਕਥਾਗਤਂ વਿਸੇਸਂ ਦਸ੍ਸੇਤੁਮਾਹ ‘‘ਏਤ੍ਥਾ’’ਤਿਆਦਿ। ਤਤ੍ਥ ਏਤ੍ਥਾਤਿ ਇਮਸ੍ਮਿਂ ਪਠਮਪਾਟਿਦੇਸਨੀਯਸਿਕ੍ਖਾਪਦੇ। ਤਸ੍ਸਾਤਿ ਅਞ੍ਞਾਤਿਕਭਿਕ੍ਖੁਨਿਯਾ। વਾਕ੍ਯਤੋਤਿ ‘‘ਅਨ੍ਤਰਘਰਂ ਪવਿਟ੍ਠਾਯਾ’’ਤਿ વਚਨਤੋ। ਹਿ-ਸਦ੍ਦੋ ਹੇਤੁਮ੍ਹਿ। ਯਸ੍ਮਾ ਭਿਕ੍ਖੁਸ੍ਸ ਠਿਤਟ੍ਠਾਨਂ ਨਪ੍ਪਮਾਣਨ੍ਤਿ ਅਟ੍ਠਕਥਾਯ (ਪਾਚਿ॰ ਅਟ੍ਠ॰ ੫੫੩) વਣ੍ਣਿਤਂ, ਤਸ੍ਮਾ ਆਰਾਮਾਦੀਸੁ ਠਤ੍વਾ ਦੇਨ੍ਤਿਯਾ ਭਿਕ੍ਖੁਨਿਯਾ ਹਤ੍ਥਤੋ વੀਥਿਆਦੀਸੁ ਠਤ੍વਾ ਯੋ ਪਟਿਗ੍ਗਣ੍ਹੇਯ੍ਯ ਚੇ, ਏવਂ ਪਟਿਗ੍ਗਣ੍ਹਤੋ ਤਸ੍ਸ ਭਿਕ੍ਖੁਨੋ ਨ ਦੋਸੋਤਿ ਯੋਜਨਾ। ਪਰਿਭੋਗਸ੍ਸ ਪਟਿਗ੍ਗਹਣਮੂਲਕਤ੍ਤਾ ਨ ਦੋਸੋ। ‘‘ਪਟਿਗ੍ਗਣ੍ਹਤੋ’’ਤਿ ਇਮਿਨਾ ਪਰਿਭੋਗੇ ਪਾਟਿਦੇਸਨੀਯਾਭਾવੋ ਚ ਦੀਪਿਤੋ ਹੋਤਿ।
1832-3. Purimagāthādvayena padabhājanāgatasāmaññavinicchayaṃ dassetvā idāni aṭṭhakathāgataṃ visesaṃ dassetumāha ‘‘etthā’’tiādi. Tattha etthāti imasmiṃ paṭhamapāṭidesanīyasikkhāpade. Tassāti aññātikabhikkhuniyā. Vākyatoti ‘‘antaragharaṃ paviṭṭhāyā’’ti vacanato. Hi-saddo hetumhi. Yasmā bhikkhussa ṭhitaṭṭhānaṃ nappamāṇanti aṭṭhakathāya (pāci. aṭṭha. 553) vaṇṇitaṃ, tasmā ārāmādīsu ṭhatvā dentiyā bhikkhuniyā hatthato vīthiādīsu ṭhatvā yo paṭiggaṇheyya ce, evaṃ paṭiggaṇhato tassa bhikkhuno na dosoti yojanā. Paribhogassa paṭiggahaṇamūlakattā na doso. ‘‘Paṭiggaṇhato’’ti iminā paribhoge pāṭidesanīyābhāvo ca dīpito hoti.
੧੮੩੪. ਸਚੇ ਭਿਕ੍ਖੁਨੀ ਰਥਿਕਾਦੀਸੁ ਠਤ੍વਾ ਭੋਜਨਂ ਦੇਤਿ, ਭਿਕ੍ਖੁ ਅਨ੍ਤਰਾਰਾਮੇ ਠਤ੍વਾ ਪਟਿਗ੍ਗਣ੍ਹਾਤਿ ਚੇ, ਤਸ੍ਸ ਆਪਤ੍ਤੀਤਿ ਯੋਜਨਾ। ਗਾਥਾਬਨ੍ਧવਸੇਨ ‘‘ਭਿਕ੍ਖੁਨਿ ਭੋਜਨ’’ਨ੍ਤਿ ਰਸ੍ਸਤ੍ਤਂ। ਆਪਤ੍ਤੀਤਿ ਚ ਪਟਿਗ੍ਗਹਣਪਰਿਭੋਗੇਸੁ ਦੁਕ੍ਕਟਪਾਟਿਦੇਸਨੀਯਾਪਤ੍ਤਿਯੋ ਸਨ੍ਧਾਯ વੁਤ੍ਤਂ।
1834. Sace bhikkhunī rathikādīsu ṭhatvā bhojanaṃ deti, bhikkhu antarārāme ṭhatvā paṭiggaṇhāti ce, tassa āpattīti yojanā. Gāthābandhavasena ‘‘bhikkhuni bhojana’’nti rassattaṃ. Āpattīti ca paṭiggahaṇaparibhogesu dukkaṭapāṭidesanīyāpattiyo sandhāya vuttaṃ.
੧੮੩੫. ਰਥਿਕਾਦੀਸੁ ਠਤ੍વਾ ਭਿਕ੍ਖੁਨੀ ਭੋਜਨਂ ਦੇਤਿ ਚੇ, ਤਂ ਰਥਿਕਾਯਪਿ વਾ…ਪੇ॰… ਅਯਂ ਨਯੋਤਿ ਯੋਜਨਾ। ਤਤ੍ਥ ਰਥਿਕਾਤਿ ਰਚ੍ਛਾ। ਬ੍ਯੂਹਨ੍ਤਿ ਅਨਿਬ੍ਬਿਜ੍ਝਿਤ੍વਾ ਠਿਤਾ ਗਤਪਚ੍ਚਾਗਤਰਚ੍ਛਾ। ਸਨ੍ਧਿ ਨਾਮ ਘਰਸਨ੍ਧਿ। ਸਿਙ੍ਘਾਟਕਨ੍ਤਿ ਚਤੁਕ੍ਕੋਣਂ વਾ ਤਿਕੋਣਂ વਾ ਮਗ੍ਗਸਮੋਧਾਨਟ੍ਠਾਨਂ। ਅਯਂ ਨਯੋਤਿ ‘‘ਆਪਤ੍ਤੀ’’ਤਿ ਅਨਨ੍ਤਰਗਾਥਾਯ વੁਤ੍ਤਨਯੋ।
1835. Rathikādīsu ṭhatvā bhikkhunī bhojanaṃ deti ce, taṃ rathikāyapi vā…pe… ayaṃ nayoti yojanā. Tattha rathikāti racchā. Byūhanti anibbijjhitvā ṭhitā gatapaccāgataracchā. Sandhi nāma gharasandhi. Siṅghāṭakanti catukkoṇaṃ vā tikoṇaṃ vā maggasamodhānaṭṭhānaṃ. Ayaṃ nayoti ‘‘āpattī’’ti anantaragāthāya vuttanayo.
੧੮੩੭. ਆਮਿਸੇਨ ਅਸਮ੍ਭਿਨ੍ਨਰਸਂ ਸਨ੍ਧਾਯ ਇਦਂ ਦੁਕ੍ਕਟਂ ਭਾਸਿਤਂ। ਆਮਿਸੇਨ ਸਮ੍ਭਿਨ੍ਨੇ ਏਕਰਸੇ ਯਾਮਕਾਲਿਕਾਦਿਮ੍ਹਿ ਪਟਿਗ੍ਗਹੇਤ੍વਾ ਅਜ੍ਝੋਹਾਰੇ ਪਾਟਿਦੇਸਨੀਯਾਪਤ੍ਤਿ ਸਿਯਾਤਿ ਯੋਜਨਾ।
1837. Āmisena asambhinnarasaṃ sandhāya idaṃ dukkaṭaṃ bhāsitaṃ. Āmisena sambhinne ekarase yāmakālikādimhi paṭiggahetvā ajjhohāre pāṭidesanīyāpatti siyāti yojanā.
੧੮੩੮. ਏਕਤੋਉਪਸਮ੍ਪਨ੍ਨਹਤ੍ਥਤੋਤਿ ਭਿਕ੍ਖੁਨੀਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ ਹਤ੍ਥਤੋ। ਯਥਾਹ ‘‘ਏਕਤੋਉਪਸਮ੍ਪਨ੍ਨਾਯਾਤਿ ਭਿਕ੍ਖੁਨੀਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯਾ’’ਤਿ (ਪਾਚਿ॰ ਅਟ੍ਠ॰ ੫੫੩)। ਭਿਕ੍ਖੂਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ ਪਨ ਯਥਾવਤ੍ਥੁਕਮੇવਾਤਿ।
1838.Ekatoupasampannahatthatoti bhikkhunīnaṃ santike upasampannāya hatthato. Yathāha ‘‘ekatoupasampannāyāti bhikkhunīnaṃ santike upasampannāyā’’ti (pāci. aṭṭha. 553). Bhikkhūnaṃ santike upasampannāya pana yathāvatthukamevāti.
੧੮੩੯. ਅਞ੍ਞਾਤਿਕਾਯ ਞਾਤਿਕਸਞ੍ਞਿਸ੍ਸ, ਤਥੇવ વਿਮਤਿਸ੍ਸ ਚ ਦੁਕ੍ਕਟਨ੍ਤਿ ਯੋਜਨਾ।
1839. Aññātikāya ñātikasaññissa, tatheva vimatissa ca dukkaṭanti yojanā.
੧੮੪੦. ਅਞ੍ਞਾਤਿਕਾਯ ਦਾਪੇਨ੍ਤਿਯਾ ਭੂਮਿਯਾ ਨਿਕ੍ਖਿਪਿਤ੍વਾ ਦਦਮਾਨਾਯ વਾ ਅਨ੍ਤਰਾਰਾਮਾਦੀਸੁ ਠਤ੍વਾ ਦੇਨ੍ਤਿਯਾ ਪਟਿਗ੍ਗਣ੍ਹਤੋ ਭਿਕ੍ਖੁਸ੍ਸ ਅਨਾਪਤ੍ਤੀਤਿ ਯੋਜਨਾ। ਅਨ੍ਤਰਾਰਾਮਾਦੀਸੂਤਿ ਏਤ੍ਥ ਆਦਿ-ਸਦ੍ਦੇਨ ਭਿਕ੍ਖੁਨੁਪਸ੍ਸਯਤਿਤ੍ਥਿਯਸੇਯ੍ਯਾਪਟਿਕ੍ਕਮਨਾਦਿਂ ਸਙ੍ਗਣ੍ਹਾਤਿ। ਪਟਿਕ੍ਕਮਨਂ ਨਾਮ ਭੋਜਨਸਾਲਾ।
1840. Aññātikāya dāpentiyā bhūmiyā nikkhipitvā dadamānāya vā antarārāmādīsu ṭhatvā dentiyā paṭiggaṇhato bhikkhussa anāpattīti yojanā. Antarārāmādīsūti ettha ādi-saddena bhikkhunupassayatitthiyaseyyāpaṭikkamanādiṃ saṅgaṇhāti. Paṭikkamanaṃ nāma bhojanasālā.
੧੮੪੧. ਗਾਮਤੋ ਬਹਿ ਨੀਹਰਿਤ੍વਾ ਦੇਤੀਤਿ ਯੋਜਨਾ।
1841. Gāmato bahi nīharitvā detīti yojanā.
੧੮੪੨. ਹਤ੍ਥਤੋਤਿ ਏਤ੍ਥ ‘‘ਗਹਣੇ’’ਤਿ ਸੇਸੋ। ਤਥਾਤਿ ਅਨਾਪਤ੍ਤਿ। ਸਮੁਟ੍ਠਾਨਂ ਇਦਂ ਸਿਕ੍ਖਾਪਦਂ ਏਲ਼ਕਲੋਮੇਨ ਸਮਂ ਮਤਨ੍ਤਿ ਯੋਜਨਾ।
1842.Hatthatoti ettha ‘‘gahaṇe’’ti seso. Tathāti anāpatti. Samuṭṭhānaṃ idaṃ sikkhāpadaṃ eḷakalomena samaṃ matanti yojanā.
ਪਠਮਪਾਟਿਦੇਸਨੀਯਕਥਾવਣ੍ਣਨਾ।
Paṭhamapāṭidesanīyakathāvaṇṇanā.
੧੮੪੩-੪. ਅવੁਤ੍ਤੇਤਿ વਕ੍ਖਮਾਨਨਯੇਨ ਅવੁਤ੍ਤੇ। ਏਕੇਨਪਿ ਚ ਭਿਕ੍ਖੁਨਾਤਿ ਸਮ੍ਬਨ੍ਧੋ। ਅਪਸਕ੍ਕਾਤਿ ਅਪਗਚ੍ਛ। ਆਦਿ-ਅਤ੍ਥવਾਚਿਨਾ ਇਤਿ-ਸਦ੍ਦੇਨ ‘‘ਅਪਸਕ੍ਕ ਤਾવ, ਭਗਿਨਿ, ਯਾવ ਭਿਕ੍ਖੂ ਭੁਞ੍ਜਨ੍ਤੀ’’ਤਿ વਾਕ੍ਯਸੇਸੋ ਸਙ੍ਗਹਿਤੋਤਿ ਦਟ੍ਠਬ੍ਬੋ। ਇਮਿਨਾ ਅਪਸਾਦਨਾਕਾਰੋ ਸਨ੍ਦਸ੍ਸਿਤੋ। ‘‘ਏਕੇਨਪਿ ਚ ਭਿਕ੍ਖੁਨਾ’’ਤਿ ਇਮਿਨਾ ਅવਕਂਸੋ ਦਸ੍ਸਿਤੋ। ਉਕ੍ਕਂਸੋ ਪਨ ‘‘ਤੇਹਿ ਭਿਕ੍ਖੂਹਿ ਸਾ ਭਿਕ੍ਖੁਨੀ ਅਪਸਾਦੇਤਬ੍ਬਾ’’ਤਿ ਪਾਲ਼ਿਤੋਪਿ ਦਟ੍ਠਬ੍ਬੋ। ‘‘ਆਮਿਸ’’ਨ੍ਤਿ ਸਾਮਞ੍ਞવਚਨੇਪਿ ਪਞ੍ਚਨ੍ਨਂ ਭੋਜਨਾਨਂ ਅਞ੍ਞਤਰਸ੍ਸੇવ ਗਹਣਂ। ਯਥਾਹ ‘‘ਪਞ੍ਚਨ੍ਨਂ ਭੋਜਨਾਨਂ ਅਞ੍ਞਤਰੇਨਾ’’ਤਿ। ਭੋਗੇਤਿ ਚ ਏਕਤੋਉਪਸਮ੍ਪਨ੍ਨਨ੍ਤਿ ਚ વੁਤ੍ਤਤ੍ਥਮੇવ।
1843-4.Avutteti vakkhamānanayena avutte. Ekenapi ca bhikkhunāti sambandho. Apasakkāti apagaccha. Ādi-atthavācinā iti-saddena ‘‘apasakka tāva, bhagini, yāva bhikkhū bhuñjantī’’ti vākyaseso saṅgahitoti daṭṭhabbo. Iminā apasādanākāro sandassito. ‘‘Ekenapi ca bhikkhunā’’ti iminā avakaṃso dassito. Ukkaṃso pana ‘‘tehi bhikkhūhi sā bhikkhunī apasādetabbā’’ti pāḷitopi daṭṭhabbo. ‘‘Āmisa’’nti sāmaññavacanepi pañcannaṃ bhojanānaṃ aññatarasseva gahaṇaṃ. Yathāha ‘‘pañcannaṃ bhojanānaṃ aññatarenā’’ti. Bhogeti ca ekatoupasampannanti ca vuttatthameva.
੧੮੪੫. ਤਥੇવਾਤਿ ਦੁਕ੍ਕਟਂ। ਤਤ੍ਥਾਤਿ ਅਨੁਪਸਮ੍ਪਨ੍ਨਾਯ।
1845.Tathevāti dukkaṭaṃ. Tatthāti anupasampannāya.
੧੮੪੬. ਅਤ੍ਤਨੋ ਭਤ੍ਤੇ ਦਿਨ੍ਨੇਪਿ ਇਮਿਨਾ ਸਿਕ੍ਖਾਪਦੇਨ ਅਨਾਪਤ੍ਤਿ, ਪੁਰਿਮਸਿਕ੍ਖਾਪਦੇਨ ਪਨ ਆਪਤ੍ਤਿਸਮ੍ਭવਾ ‘‘ਨ ਦੇਤੀ’’ਤਿ વੁਤ੍ਤਂ। ਯਥਾਹ ‘‘ਅਤ੍ਤਨੋ ਭਤ੍ਤਂ ਦਾਪੇਤਿ, ਨ ਦੇਤੀਤਿ ਏਤ੍ਥ ਸਚੇਪਿ ਅਤ੍ਤਨੋ ਭਤ੍ਤਂ ਦੇਤਿ, ਇਮਿਨਾ ਸਿਕ੍ਖਾਪਦੇਨ ਅਨਾਪਤ੍ਤਿਯੇવ, ਪੁਰਿਮਸਿਕ੍ਖਾਪਦੇਨ ਆਪਤ੍ਤੀ’’ਤਿ (ਪਾਚਿ॰ ਅਟ੍ਠ॰ ੫੫੮)। ਤਥਾਤਿ ਅਨਾਪਤ੍ਤਿ। ਉਭਯਸਿਕ੍ਖਾਪਦੇਹਿਪਿ ਅਨਾਪਤ੍ਤਿਂ ਦਸ੍ਸੇਤੁਮਾਹ ‘‘ਪਦੇਤਿ ਚੇ’’ਤਿ। ਯਥਾਹ ‘‘ਅਞ੍ਞੇਸਂ ਭਤ੍ਤਂ ਦੇਤਿ, ਨ ਦਾਪੇਤੀਤਿ ਏਤ੍ਥ ਪਨ ਸਚੇਪਿ ਦਾਪੇਯ੍ਯ, ਇਮਿਨਾ ਸਿਕ੍ਖਾਪਦੇਨ ਆਪਤ੍ਤਿ ਭવੇਯ੍ਯ, ਦੇਨ੍ਤਿਯਾ ਪਨ ਨੇવ ਇਮਿਨਾ, ਨ ਪੁਰਿਮੇਨ ਆਪਤ੍ਤੀ’’ਤਿ।
1846. Attano bhatte dinnepi iminā sikkhāpadena anāpatti, purimasikkhāpadena pana āpattisambhavā ‘‘na detī’’ti vuttaṃ. Yathāha ‘‘attano bhattaṃ dāpeti, na detīti ettha sacepi attano bhattaṃ deti, iminā sikkhāpadena anāpattiyeva, purimasikkhāpadena āpattī’’ti (pāci. aṭṭha. 558). Tathāti anāpatti. Ubhayasikkhāpadehipi anāpattiṃ dassetumāha ‘‘padeti ce’’ti. Yathāha ‘‘aññesaṃ bhattaṃ deti, na dāpetīti ettha pana sacepi dāpeyya, iminā sikkhāpadena āpatti bhaveyya, dentiyā pana neva iminā, na purimena āpattī’’ti.
੧੮੪੭. ਭਿਕ੍ਖੁਨੀ ਯਂ ਨ ਦਿਨ੍ਨਂ, ਤਂ ਦਾਪੇਤਿ, ਯਤ੍ਥ વਾ ਨ ਦਿਨ੍ਨਂ, ਤਤ੍ਥ ਦਾਪੇਤਿ, ਤਮ੍ਪਿ ਸਬ੍ਬੇਸਂ ਮਿਤ੍ਤਾਮਿਤ੍ਤਾਨਂ ਸਮਂ ਦਾਪੇਤਿ, ਤਤ੍ਥਾਪਿ ਅਨਾਪਤ੍ਤਿ।
1847. Bhikkhunī yaṃ na dinnaṃ, taṃ dāpeti, yattha vā na dinnaṃ, tattha dāpeti, tampi sabbesaṃ mittāmittānaṃ samaṃ dāpeti, tatthāpi anāpatti.
੧੮੪੮. ਸਿਕ੍ਖਮਾਨਾ વਾ ਸਾਮਣੇਰਿਕਾ વਾ ‘‘ਇਧ ਸੂਪਂ ਦੇਥ, ਓਦਨਂ ਦੇਥਾ’’ਤਿ વੋਸਾਸਨ੍ਤੀ વਿਧਾਨਂ ਕਰੋਨ੍ਤੀ ਠਿਤਾ, ਤਂ ਅਨਪਸਾਦੇਨ੍ਤਸ੍ਸ ਅਨਾਪਤ੍ਤਿ। ਪਞ੍ਚੇવ ਭੋਜਨਾਨਿ વਿਨਾ ਅਞ੍ਞਂ વੋਸਾਸਨ੍ਤਿਂ ਭਿਕ੍ਖੁਨਿਂ ਅਨਪਸਾਦੇਨ੍ਤਸ੍ਸ ਅਨਾਪਤ੍ਤਿ। ਅਨਪਸਾਦੇਨ੍ਤਸ੍ਸ ਉਮ੍ਮਤ੍ਤਕਾਦਿਨੋਪਿ ਅਨਾਪਤ੍ਤੀਤਿ ਯੋਜਨਾ।
1848. Sikkhamānā vā sāmaṇerikā vā ‘‘idha sūpaṃ detha, odanaṃ dethā’’ti vosāsantī vidhānaṃ karontī ṭhitā, taṃ anapasādentassa anāpatti. Pañceva bhojanāni vinā aññaṃ vosāsantiṃ bhikkhuniṃ anapasādentassa anāpatti. Anapasādentassa ummattakādinopi anāpattīti yojanā.
੧੮੪੯. ਸਮੁਟ੍ਠਾਨਨ੍ਤਿ ਏਤ੍ਥ ‘‘ਇਮਸ੍ਸਾ’’ਤਿ ਸੇਸੋ। ਭੋਜਨਂ ਕਿਰਿਯਂ, વੋਸਾਸਨ੍ਤਿਯਾ ਅਨਿવਾਰਣਂ ਅਕਿਰਿਯਨ੍ਤਿ ਏવਮਿਦਂ ਕ੍ਰਿਯਾਕ੍ਰਿਯਂ।
1849.Samuṭṭhānanti ettha ‘‘imassā’’ti seso. Bhojanaṃ kiriyaṃ, vosāsantiyā anivāraṇaṃ akiriyanti evamidaṃ kriyākriyaṃ.
ਦੁਤਿਯਪਾਟਿਦੇਸਨੀਯਕਥਾવਣ੍ਣਨਾ।
Dutiyapāṭidesanīyakathāvaṇṇanā.
੧੮੫੦-੧. ਸੇਕ੍ਖਨ੍ਤਿ ਸਮ੍ਮਤੇਤਿ ‘‘ਸੇਕ੍ਖਸਮ੍ਮਤਂ ਨਾਮ ਕੁਲਂ ਯਂ ਕੁਲਂ ਸਦ੍ਧਾਯ વਡ੍ਢਤਿ, ਭੋਗੇਨ ਹਾਯਤਿ, ਏવਰੂਪਸ੍ਸ ਕੁਲਸ੍ਸ ਞਤ੍ਤਿਦੁਤਿਯੇਨ ਕਮ੍ਮੇਨ ਸੇਕ੍ਖਸਮ੍ਮੁਤਿ ਦਿਨ੍ਨਾ ਹੋਤੀ’’ਤਿ (ਪਾਚਿ॰ ੫੬੭) વੁਤ੍ਤਂ ਇਦਂ ਕੁਲਂ ਸੇਕ੍ਖਸਮ੍ਮਤਂ ਨਾਮ। ਤੇਨਾਹ ‘‘ਲਦ੍ਧਸਮ੍ਮੁਤਿਕੇ ਕੁਲੇ’’ਤਿ। ਲਦ੍ਧਾ ਸਮ੍ਮੁਤਿ ਯੇਨਾਤਿ વਿਗ੍ਗਹੋ। ਘਰੂਪਚਾਰਂ ਓਕ੍ਕਨ੍ਤੇ ਨਿਮਨ੍ਤਿਤੋਪਿ ਅਨਿਮਨ੍ਤਿਤੋવ ਹੋਤੀਤਿ ਆਹ ‘‘ਘਰੂਪਚਾਰੋਕ੍ਕਮਨਾ ਪੁਬ੍ਬੇવਾ’’ਤਿ। ਯਥਾਹ ‘‘ਅਨਿਮਨ੍ਤਿਤੋ ਨਾਮ ਅਜ੍ਜਤਨਾਯ વਾ ਸ੍વਾਤਨਾਯ વਾ ਅਨਿਮਨ੍ਤਿਤੋ, ਘਰੂਪਚਾਰਂ ਓਕ੍ਕਮਨ੍ਤੇ ਨਿਮਨ੍ਤੇਤਿ, ਏਸੋ ਅਨਿਮਨ੍ਤਿਤੋ ਨਾਮਾ’’ਤਿ (ਪਾਚਿ॰ ੫੬੭)।
1850-1.Sekkhanti sammateti ‘‘sekkhasammataṃ nāma kulaṃ yaṃ kulaṃ saddhāya vaḍḍhati, bhogena hāyati, evarūpassa kulassa ñattidutiyena kammena sekkhasammuti dinnā hotī’’ti (pāci. 567) vuttaṃ idaṃ kulaṃ sekkhasammataṃ nāma. Tenāha ‘‘laddhasammutike kule’’ti. Laddhā sammuti yenāti viggaho. Gharūpacāraṃ okkante nimantitopi animantitova hotīti āha ‘‘gharūpacārokkamanā pubbevā’’ti. Yathāha ‘‘animantito nāma ajjatanāya vā svātanāya vā animantito, gharūpacāraṃ okkamante nimanteti, eso animantito nāmā’’ti (pāci. 567).
‘‘ਅਗਿਲਾਨੋ ਨਾਮ ਯੋ ਸਕ੍ਕੋਤਿ ਪਿਣ੍ਡਾਯ ਚਰਿਤੁ’’ਨ੍ਤਿ વੁਤ੍ਤਤ੍ਤਾ ਭਿਕ੍ਖਾਯ ਚਰਿਤੁਂ ਸਮਤ੍ਥੋ ਅਗਿਲਾਨੋ ਨਾਮ। ਗਹੇਤ੍વਾਤਿ ਸਹਤ੍ਥਾ ਪਟਿਗ੍ਗਹੇਤ੍વਾ। ‘‘ਆਮਿਸ’’ਨ੍ਤਿ ਇਮਿਨਾ ਸਮ੍ਬਨ੍ਧੋ। ਯਥਾਹ ‘‘ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ’’ਤਿ (ਪਾਚਿ॰ ੫੬੭)। ਗਹਣੇਤਿ ਏਤ੍ਥ ‘‘ਆਹਾਰਤ੍ਥਾਯਾ’’ਤਿ ਸੇਸੋ।
‘‘Agilāno nāma yo sakkoti piṇḍāya caritu’’nti vuttattā bhikkhāya carituṃ samattho agilāno nāma. Gahetvāti sahatthā paṭiggahetvā. ‘‘Āmisa’’nti iminā sambandho. Yathāha ‘‘khādanīyaṃ vā bhojanīyaṃ vā sahatthā paṭiggahetvā’’ti (pāci. 567). Gahaṇeti ettha ‘‘āhāratthāyā’’ti seso.
੧੮੫੩. ਤਤ੍ਥਾਤਿ ਅਸੇਕ੍ਖਸਮ੍ਮਤੇ ਕੁਲੇ। ਤਥੇવ ਪਰਿਦੀਪਿਤਨ੍ਤਿ ਦੁਕ੍ਕਟਂ ਪਰਿਦੀਪਿਤਂ।
1853.Tatthāti asekkhasammate kule. Tatheva paridīpitanti dukkaṭaṃ paridīpitaṃ.
੧੮੫੪. ਨਿਮਨ੍ਤਿਤਸ੍ਸ વਾਤਿ ਏਤ੍ਥ વਾ-ਸਦ੍ਦੇਨ ਨਿਮਨ੍ਤਿਤਸ੍ਸ ਅવਸੇਸਂ ਗਣ੍ਹਾਤਿ। ਯਥਾਹ ‘‘ਨਿਮਨ੍ਤਿਤਸ੍ਸ વਾ ਗਿਲਾਨਸ੍ਸ વਾ ਸੇਸਕਂ ਭੁਞ੍ਜਤੀ’’ਤਿ। ਅਞ੍ਞੇਸਂ ਭਿਕ੍ਖਾ ਤਤ੍ਥ ਦੀਯਤੀਤਿ ਯੋਜਨਾ। ਤਤ੍ਥਾਤਿ ਤਸ੍ਮਿਂ ਸੇਕ੍ਖਸਮ੍ਮਤੇ ਕੁਲੇ।
1854.Nimantitassa vāti ettha vā-saddena nimantitassa avasesaṃ gaṇhāti. Yathāha ‘‘nimantitassa vā gilānassa vā sesakaṃ bhuñjatī’’ti. Aññesaṃ bhikkhā tattha dīyatīti yojanā. Tatthāti tasmiṃ sekkhasammate kule.
੧੮੫੫. ਯਤ੍ਥ ਕਤ੍ਥਚੀਤਿ ਆਸਨਸਾਲਾਦੀਸੁ ਯਤ੍ਥ ਕਤ੍ਥਚਿ। ਨਿਚ੍ਚਭਤ੍ਤਾਦਿਕੇ વਾਪੀਤਿ ਏਤ੍ਥ ਆਦਿ-ਸਦ੍ਦੇਨ ਸਲਾਕਭਤ੍ਤਪਕ੍ਖਿਕਉਪੋਸਥਿਕਪਾਟਿਪਦਿਕਭਤ੍ਤਾਨਂ ਗਹਣਂ।
1855.Yatthakatthacīti āsanasālādīsu yattha katthaci. Niccabhattādike vāpīti ettha ādi-saddena salākabhattapakkhikauposathikapāṭipadikabhattānaṃ gahaṇaṃ.
੧੮੫੬. ਦ੍વਾਰੇਤਿ ਏਤ੍ਥ ‘‘ਠਪੇਤ੍વਾ’’ਤਿ ਸੇਸੋ। ਸਮ੍ਪਤ੍ਤੇਤਿ ਏਤ੍ਥ ‘‘ਪਚ੍ਛਾ’’ਤਿ ਸੇਸੋ। ਯਥਾਹ ‘‘ਸਚੇਪਿ ਅਨਾਗਤੇ ਭਿਕ੍ਖੁਮ੍ਹਿ ਪਠਮਂਯੇવ ਨੀਹਰਿਤ੍વਾ ਦ੍વਾਰੇ ਠਪੇਤ੍વਾ ਪਚ੍ਛਾ ਸਮ੍ਪਤ੍ਤਸ੍ਸ ਦੇਨ੍ਤਿ, વਟ੍ਟਤੀ’’ਤਿ (ਪਾਚਿ॰ ਅਟ੍ਠ॰ ੫੬੯)।
1856.Dvāreti ettha ‘‘ṭhapetvā’’ti seso. Sampatteti ettha ‘‘pacchā’’ti seso. Yathāha ‘‘sacepi anāgate bhikkhumhi paṭhamaṃyeva nīharitvā dvāre ṭhapetvā pacchā sampattassa denti, vaṭṭatī’’ti (pāci. aṭṭha. 569).
੧੮੫੭. ਮਹਾਪਚ੍ਚਰਿਯਾ(ਪਆਚਿ॰ ਅਟ੍ਠ॰ ੫੬੯) ਗਤવਿਨਿਚ੍ਛਯਂ ਦਸ੍ਸੇਤੁਮਾਹ ‘‘ਭਿਕ੍ਖੁ’’ਨ੍ਤਿਆਦਿ। ਸਮੁਟ੍ਠਾਨੇਲ਼ਕੂਪਮਨ੍ਤਿ ਸਮੁਟ੍ਠਾਨਤੋ ਏਲ਼ਕਲੋਮਸਿਕ੍ਖਾਪਦਸਦਿਸਨ੍ਤਿ ਅਤ੍ਥੋ।
1857.Mahāpaccariyā(paāci. aṭṭha. 569) gatavinicchayaṃ dassetumāha ‘‘bhikkhu’’ntiādi. Samuṭṭhāneḷakūpamanti samuṭṭhānato eḷakalomasikkhāpadasadisanti attho.
ਤਤਿਯਪਾਟਿਦੇਸਨੀਯਕਥਾવਣ੍ਣਨਾ।
Tatiyapāṭidesanīyakathāvaṇṇanā.
੧੮੫੮-੯. ‘‘ਪਞ੍ਚਨ੍ਨਂ ਪਟਿਸਂવਿਦਿਤਂ, ਏਤਂ ਅਪ੍ਪਟਿਸਂવਿਦਿਤਂ ਨਾਮਾ’’ਤਿ વਚਨਤੋ ਚ ਇਧਾਪਿ ‘‘ਸਹਧਮ੍ਮਿਕਞਾਪਿਤ’’ਨ੍ਤਿ વਕ੍ਖਮਾਨਤ੍ਤਾ ਚ ਅਗਹਟ੍ਠ-ਸਦ੍ਦੇਨ ਪਰਿਬ੍ਬਾਜਕਾਨਂ ਗਹਣਂ। વੁਤ੍ਤਮੇવ ਨਯਂ વੋਹਾਰਨ੍ਤਰੇਨ ਦਸ੍ਸੇਤੁਮਾਹ ‘‘ਇਤ੍ਥਿਯਾ ਪੁਰਿਸੇਨ વਾ’’ਤਿ। ‘‘ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨੀ’’ਤਿ (ਪਾਚਿ॰ ੫੭੩) વਚਨਤੋ ਆਰਾਮਨ੍ਤਿ ਆਰਞ੍ਞਕਾਰਾਮਮਾਹ। ਸਚੇ ਏવਮਾਰੋਚਿਤਂ ਪਟਿਸਂવਿਦਿਤਨ੍ਤਿ ਹਿ વੁਤ੍ਤਂ ਪਦਭਾਜਨੇਤਿ (ਪਾਚਿ॰ ੫੭੩) ਯੋਜਨਾ। ਪਟਿਸਂવਿਦਿਤਨ੍ਤਿ ਪਗੇવ ਨਿવੇਦਿਤਂ।
1858-9. ‘‘Pañcannaṃ paṭisaṃviditaṃ, etaṃ appaṭisaṃviditaṃ nāmā’’ti vacanato ca idhāpi ‘‘sahadhammikañāpita’’nti vakkhamānattā ca agahaṭṭha-saddena paribbājakānaṃ gahaṇaṃ. Vuttameva nayaṃ vohārantarena dassetumāha ‘‘itthiyā purisena vā’’ti. ‘‘Yāni kho pana tāni āraññakāni senāsanānī’’ti (pāci. 573) vacanato ārāmanti āraññakārāmamāha. Sace evamārocitaṃ paṭisaṃviditanti hi vuttaṃ padabhājaneti (pāci. 573) yojanā. Paṭisaṃviditanti pageva niveditaṃ.
੧੮੬੦. ਪਚ੍ਛਾ ਯਥਾਰੋਚਿਤਂ ਤਮੇવ વਾ ਤਸ੍ਸ ਚ ਪਰਿવਾਰਂ ਕਤ੍વਾ ਅਞ੍ਞਂ ਬਹੁਂ વਾ ਆਹਰੀਯਤੁ, ਤਮ੍ਪਿ ਪਟਿਸਂવੇਦਿਤਂ ਨਾਮਾਤਿ ਯੋਜਨਾ।
1860. Pacchā yathārocitaṃ tameva vā tassa ca parivāraṃ katvā aññaṃ bahuṃ vā āharīyatu, tampi paṭisaṃveditaṃ nāmāti yojanā.
੧੮੬੧. ਯਾਗੁਯਾ વਿਦਿਤਂ ਕਤ੍વਾਤਿ ਏਤ੍ਥ ‘‘ਤਂ ਠਪੇਤ੍વਾ’’ਤਿ ਇਦਂ ਸਾਮਤ੍ਥਿਯਾ ਲਬ੍ਭਤਿ। ਇਦਮ੍ਪਿ વਿਦਿਤਂ ਕੁਰੁਨ੍ਦਿਯਂ વਟ੍ਟਤੀਤਿ વੁਤ੍ਤਨ੍ਤਿ ਯੋਜਨਾ।
1861.Yāguyā viditaṃ katvāti ettha ‘‘taṃ ṭhapetvā’’ti idaṃ sāmatthiyā labbhati. Idampi viditaṃ kurundiyaṃ vaṭṭatīti vuttanti yojanā.
੧੮੬੨. ਪਨਾਤਿ ਅਪਿ-ਸਦ੍ਦਤ੍ਥੋ। ਅਞ੍ਞਾਨਿਪਿ ਕੁਲਾਨੀਤਿ ਯੋਜਨਾ। ਏਤ੍ਥ ‘‘ਅਸੁਕਂ ਨਾਮ ਕੁਲਂ ਪਟਿਸਂવੇਦਿਤਂ ਕਤ੍વਾ ਖਾਦਨੀਯਾਦੀਨਿ ਗਹੇਤ੍વਾ ਗਚ੍ਛਤੀਤਿ ਸੁਤ੍વਾ’’ਤਿ (ਪਾਚਿ॰ ਅਟ੍ਠ॰ ੫੭੩) ਅਟ੍ਠਕਥਾਸੇਸੋ। ਤੇਨਾਤਿ ਕਤਪਟਿਸਂવੇਦਿਤੇਨ। ਤਮ੍ਪਿ ਚ ਸਬ੍ਬਂ વਟ੍ਟਤੀਤਿ ਯੋਜਨਾ।
1862.Panāti api-saddattho. Aññānipi kulānīti yojanā. Ettha ‘‘asukaṃ nāma kulaṃ paṭisaṃveditaṃ katvā khādanīyādīni gahetvā gacchatīti sutvā’’ti (pāci. aṭṭha. 573) aṭṭhakathāseso. Tenāti katapaṭisaṃveditena. Tampi ca sabbaṃ vaṭṭatīti yojanā.
੧੮੬੩. ਏવਂ ਯਂ ਅਨਾਰੋਚਿਤਨ੍ਤਿ ‘‘ਆਰਾਮਂ વਾ ਉਪਚਾਰਂ વਾ ਪવਿਸਿਤ੍વਾ’’ਤਿਆਦਿਨਾ ਨਯੇਨ ਯਂ ਪਠਮਂ ਅਨਿવੇਦਿਤਂ। ‘‘ਏવ’’ਨ੍ਤਿ ਇਦਂ ‘‘ਯਂ ਆਰਾਮਮਨਾਭਤ’’ਨ੍ਤਿ ਇਮਿਨਾਪਿ ਯੋਜੇਤਬ੍ਬਂ। ਏવਨ੍ਤਿ ‘‘ਤਸ੍ਸ ਪਰਿવਾਰਂ ਕਤ੍વਾ’’ਤਿਆਦਿਨਾ ਪਕਾਰੇਨ। ‘‘ਤਂ ਅਸਂવਿਦਿਤਂ ਨਾਮਾ’’ਤਿ ਇਦਂ ‘‘ਸਹਧਮ੍ਮਿਕਞਾਪਿਤ’’ਨ੍ਤਿ ਇਮਿਨਾਪਿ ਯੋਜੇਤਬ੍ਬਂ। ਯਥਾਹ ‘‘ਪਞ੍ਚਨ੍ਨਂ ਪਟਿਸਂવਿਦਿਤਂ, ਏਤਂ ਅਪ੍ਪਟਿਸਂવਿਦਿਤਂ ਨਾਮਾ’’ਤਿ (ਪਾਚਿ॰ ੫੭੩)। ਅਟ੍ਠਕਥਾਯਞ੍ਚ ‘‘ਪਞ੍ਚਨ੍ਨਂ ਪਟਿਸਂવਿਦਿਤਨ੍ਤਿ ਪਞ੍ਚਸੁ ਸਹਧਮ੍ਮਿਕੇਸੁ ਯਂ ਕਿਞ੍ਚਿ ਪੇਸੇਤ੍વਾ ‘ਖਾਦਨੀਯਂ વਾ ਭੋਜਨੀਯਂ વਾ ਆਹਰਿਸ੍ਸਾਮਾ’ਤਿ ਪਟਿਸਂવਿਦਿਤਂ ਕਤਮ੍ਪਿ ਅਪ੍ਪਟਿਸਂવਿਦਿਤਮੇવਾਤਿ ਅਤ੍ਥੋ’’ਤਿ (ਪਾਚਿ॰ ਅਟ੍ਠ॰ ੫੭੩) વੁਤ੍ਤਂ।
1863.Evaṃ yaṃ anārocitanti ‘‘ārāmaṃ vā upacāraṃ vā pavisitvā’’tiādinā nayena yaṃ paṭhamaṃ aniveditaṃ. ‘‘Eva’’nti idaṃ ‘‘yaṃ ārāmamanābhata’’nti imināpi yojetabbaṃ. Evanti ‘‘tassa parivāraṃ katvā’’tiādinā pakārena. ‘‘Taṃ asaṃviditaṃ nāmā’’ti idaṃ ‘‘sahadhammikañāpita’’nti imināpi yojetabbaṃ. Yathāha ‘‘pañcannaṃ paṭisaṃviditaṃ, etaṃ appaṭisaṃviditaṃ nāmā’’ti (pāci. 573). Aṭṭhakathāyañca ‘‘pañcannaṃ paṭisaṃviditanti pañcasu sahadhammikesu yaṃ kiñci pesetvā ‘khādanīyaṃ vā bhojanīyaṃ vā āharissāmā’ti paṭisaṃviditaṃ katampi appaṭisaṃviditamevāti attho’’ti (pāci. aṭṭha. 573) vuttaṃ.
੧੮੬੪. ਕਾਰਾਪੇਤ੍વਾਤਿ ਏਤ੍ਥ ‘‘ਪਟਿਸਂવਿਦਿਤ’’ਨ੍ਤਿ ਸੇਸੋ।
1864.Kārāpetvāti ettha ‘‘paṭisaṃvidita’’nti seso.
੧੮੬੫. ਭਿਕ੍ਖੁਨਾ વਾ ਗਨ੍ਤ੍વਾ ਅਨ੍ਤਰਾਮਗ੍ਗੇ ਗਹੇਤਬ੍ਬਨ੍ਤਿ ਯੋਜਨਾ। ਏવਮਕਤ੍વਾਤਿ ‘‘ਬਹਿਆਰਾਮਂ ਪੇਸੇਤ੍વਾ’’ਤਿਆਦਿਨਾ વੁਤ੍ਤવਿਧਾਨਂ ਅਕਤ੍વਾ। ਉਪਚਾਰਤੋਤਿ ਏਤ੍ਥ ਭੁਮ੍ਮਤ੍ਥੇ ਤੋ-ਪਚ੍ਚਯੋ વੇਦਿਤਬ੍ਬੋ।
1865. Bhikkhunā vā gantvā antarāmagge gahetabbanti yojanā. Evamakatvāti ‘‘bahiārāmaṃ pesetvā’’tiādinā vuttavidhānaṃ akatvā. Upacāratoti ettha bhummatthe to-paccayo veditabbo.
੧੮੬੮. ‘‘ਪਟਿਸਂવਿਦਿਤੇ’’ਤਿਆਦੀਨਂ ਪਦਾਨਂ ‘‘ਅਨਾਪਤ੍ਤੇ વਾ’’ਤਿ ਇਮਿਨਾ ਸਮ੍ਬਨ੍ਧੋ। ਪਟਿਸਂવਿਦਿਤੇਤਿ ਏਤ੍ਥ ‘‘ਗਿਲਾਨਸ੍ਸਾ’’ਤਿ ਸੇਸੋ। ਪਟਿਸਂવਿਦਿਤੇ ਅਨਾਪਤ੍ਤਿ, ਗਿਲਾਨਸ੍ਸਾਪਿ ਅਨਾਪਤ੍ਤਿ, ਅਪ੍ਪਟਿਸਂવਿਦਿਤੇਪਿ ਤਸ੍ਸ ਪਟਿਸਂવਿਦਿਤਸ੍ਸ ਅવਸੇਸਕੇ વਾ ਗਿਲਾਨਸ੍ਸ ਅવਸੇਸਕੇ વਾ ਅਨਾਪਤ੍ਤਿ ਏવਾਤਿ ਸਮ੍ਬਨ੍ਧੋ । ਯਥਾਹ ਅਨਾਪਤ੍ਤਿવਾਰੇ ‘‘ਪਟਿਸਂવਿਦਿਤਸ੍ਸ વਾ ਗਿਲਾਨਸ੍ਸ વਾ ਸੇਸਕਂ ਭੁਞ੍ਜਤੀ’’ਤਿ (ਪਾਚਿ॰ ੫੭੫)। ਬਹਾਰਾਮੇ ਪਟਿਗ੍ਗਹੇਤ੍વਾ ਅਨ੍ਤੋਯੇવ ਭੁਞ੍ਜਤੋ ਅਸ੍ਸ ਅਨਾਪਤ੍ਤੀਤਿ ਯੋਜਨਾ। ਗਹੇਤ੍વਾ વਾਤਿ ਏਤ੍ਥ વਾ-ਸਦ੍ਦੋ ‘‘ਤਸ੍ਸਾ’’ਤਿਆਦੀਸੁਪਿ ਯੋਜੇਤਬ੍ਬੋ।
1868.‘‘Paṭisaṃvidite’’tiādīnaṃ padānaṃ ‘‘anāpatte vā’’ti iminā sambandho. Paṭisaṃviditeti ettha ‘‘gilānassā’’ti seso. Paṭisaṃvidite anāpatti, gilānassāpi anāpatti, appaṭisaṃviditepi tassa paṭisaṃviditassa avasesake vā gilānassa avasesake vā anāpatti evāti sambandho . Yathāha anāpattivāre ‘‘paṭisaṃviditassa vā gilānassa vā sesakaṃ bhuñjatī’’ti (pāci. 575). Bahārāme paṭiggahetvā antoyeva bhuñjato assa anāpattīti yojanā. Gahetvā vāti ettha vā-saddo ‘‘tassā’’tiādīsupi yojetabbo.
੧੮੬੯. ਤਤ੍ਥਾਤਿ ਤਸ੍ਮਿਂ ਆਰਞ੍ਞਕਾਰਾਮੇ। ਖਾਦਤੋ ਅਨਾਪਤ੍ਤਿ ਏવਾਤਿ ਯੋਜਨਾ, ਤਤ੍ਥ ‘‘ਅਞ੍ਞੇਨ ਕਪ੍ਪਿਯਂ ਕਤ੍વਾ ਦਿਨ੍ਨਾਨੀ’’ਤਿ ਸੇਸੋ।
1869.Tatthāti tasmiṃ āraññakārāme. Khādato anāpatti evāti yojanā, tattha ‘‘aññena kappiyaṃ katvā dinnānī’’ti seso.
ਚਤੁਤ੍ਥਪਾਟਿਦੇਸਨੀਯਕਥਾવਣ੍ਣਨਾ।
Catutthapāṭidesanīyakathāvaṇṇanā.
ਇਤਿ વਿਨਯਤ੍ਥਸਾਰਸਨ੍ਦੀਪਨਿਯਾ વਿਨਯવਿਨਿਚ੍ਛਯવਣ੍ਣਨਾਯ
Iti vinayatthasārasandīpaniyā vinayavinicchayavaṇṇanāya
ਪਾਟਿਦੇਸਨੀਯਕਥਾવਣ੍ਣਨਾ ਨਿਟ੍ਠਿਤਾ।
Pāṭidesanīyakathāvaṇṇanā niṭṭhitā.
