| Library / Tipiṭaka / ਤਿਪਿਟਕ • Tipiṭaka / વਿਨਯવਿਨਿਚ੍ਛਯ-ਟੀਕਾ • Vinayavinicchaya-ṭīkā |
ਪਾਟਿਦੇਸਨੀਯਕਥਾવਣ੍ਣਨਾ
Pāṭidesanīyakathāvaṇṇanā
੨੪੩੨. ਏવਂ ਪਾਚਿਤ੍ਤਿਯવਿਨਿਚ੍ਛਯਂ ਦਸ੍ਸੇਤ੍વਾ ਇਦਾਨਿ ਪਾਟਿਦੇਸਨੀਯਂ ਦਸ੍ਸੇਤੁਮਾਹ ‘‘ਅਗਿਲਾਨਾ’’ਤਿਆਦਿ। ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਸਯਂ ਅਤ੍ਤਨਾ વਿਞ੍ਞਤ੍ਤਿਯਾ ਲਦ੍ਧਂ ਸਪ੍ਪਿਂ ਸਚੇ ‘‘ਭੁਞ੍ਜਿਸ੍ਸਾਮੀ’’ਤਿ ਗਣ੍ਹਤਿ, ਤਸ੍ਸਾ ਏવਂ ਗਹਣੇ ਦੁਕ੍ਕਟਂ ਪਰਿਦੀਪਿਤਨ੍ਤਿ ਯੋਜਨਾ। ਤਤ੍ਥ ਯਸ੍ਸਾ વਿਨਾ ਸਪ੍ਪਿਨਾ ਫਾਸੁ ਹੋਤਿ, ਸਾ ਅਗਿਲਾਨਾ ਨਾਮ। ਸਪ੍ਪਿਨ੍ਤਿ ਪੁਬ੍ਬੇ વੁਤ੍ਤવਿਨਿਚ੍ਛਯਂ ਪਾਲ਼ਿਆਗਤਂ ਗੋਸਪ੍ਪਿਆਦਿਕਮੇવ।
2432. Evaṃ pācittiyavinicchayaṃ dassetvā idāni pāṭidesanīyaṃ dassetumāha ‘‘agilānā’’tiādi. Yā pana bhikkhunī agilānā sayaṃ attanā viññattiyā laddhaṃ sappiṃ sace ‘‘bhuñjissāmī’’ti gaṇhati, tassā evaṃ gahaṇe dukkaṭaṃ paridīpitanti yojanā. Tattha yassā vinā sappinā phāsu hoti, sā agilānā nāma. Sappinti pubbe vuttavinicchayaṃ pāḷiāgataṃ gosappiādikameva.
੨੪੩੩. ਤਿਪਾਟਿਦੇਸਨੀਯਨ੍ਤਿ ਅਗਿਲਾਨਾ ਅਗਿਲਾਨਸਞ੍ਞਾ, વੇਮਤਿਕਾ, ਗਿਲਾਨਸਞ੍ਞਾਤਿ ਤੀਸੁ વਿਕਪ੍ਪੇਸੁ ਤੀਣਿ ਪਾਟਿਦੇਸਨੀਯਾਨਿ। ਗਿਲਾਨਾ ਦ੍વਿਕਦੁਕ੍ਕਟਨ੍ਤਿ ਗਿਲਾਨਾਯ ਦ੍વਿਕਦੁਕ੍ਕਟਂ। ਗਿਲਾਨਾ ਅਗਿਲਾਨਸਞ੍ਞਾ, વੇਮਤਿਕਾ વਾਤਿ ਦ੍વੀਸੁ વਿਕਪ੍ਪੇਸੁ ਦ੍વੇ ਦੁਕ੍ਕਟਾਨਿ।
2433.Tipāṭidesanīyanti agilānā agilānasaññā, vematikā, gilānasaññāti tīsu vikappesu tīṇi pāṭidesanīyāni. Gilānā dvikadukkaṭanti gilānāya dvikadukkaṭaṃ. Gilānā agilānasaññā, vematikā vāti dvīsu vikappesu dve dukkaṭāni.
੨੪੩੪-੫. ਗਿਲਾਨਾ ਹੁਤ੍વਾ ਸਪ੍ਪਿਂ વਿਞ੍ਞਾਪੇਤ੍વਾ ਪਚ੍ਛਾ વੂਪਸਨ੍ਤਗੇਲਞ੍ਞਾ ਹੁਤ੍વਾ ਸੇવਨ੍ਤਿਯਾ ਪਰਿਭੁਞ੍ਜਨ੍ਤਿਯਾਪਿ ਚ ਗਿਲਾਨਾਯ ਅવਸੇਸਂ ਪਰਿਭੁਞ੍ਜਨ੍ਤਿਯਾ વਾ ਞਾਤਕਾਦਿਤੋ ਞਾਤਕਪવਾਰਿਤਟ੍ਠਾਨਤੋ વਿਞ੍ਞਤ੍ਤਂ ਭੁਞ੍ਜਨ੍ਤਿਯਾ વਾ ਅਞ੍ਞਸ੍ਸਤ੍ਥਾਯ વਿਞ੍ਞਤ੍ਤਂ ਪਰਿਭੁਞ੍ਜਨ੍ਤਿਯਾ વਾ ਅਤ੍ਤਨੋ ਧਨੇਨ ਗਹਿਤਂ ਭੁਞ੍ਜਨ੍ਤਿਯਾ વਾ ਉਮ੍ਮਤ੍ਤਿਕਾਯ વਾ ਅਨਾਪਤ੍ਤੀਤਿ ਯੋਜਨਾ।
2434-5. Gilānā hutvā sappiṃ viññāpetvā pacchā vūpasantagelaññā hutvā sevantiyā paribhuñjantiyāpi ca gilānāya avasesaṃ paribhuñjantiyā vā ñātakādito ñātakapavāritaṭṭhānato viññattaṃ bhuñjantiyā vā aññassatthāya viññattaṃ paribhuñjantiyā vā attano dhanena gahitaṃ bhuñjantiyā vā ummattikāya vā anāpattīti yojanā.
ਪਠਮਂ।
Paṭhamaṃ.
੨੪੩੬. ਸੇਸੇਸੁ ਦੁਤਿਯਾਦੀਸੂਤਿ ‘‘ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਤੇਲਂ…ਪੇ॰… ਮਧੁਂ…ਪੇ॰… ਫਾਣਿਤਂ…ਪੇ॰… ਮਚ੍ਛਂ…ਪੇ॰… ਮਂਸਂ…ਪੇ॰… ਖੀਰਂ…ਪੇ॰… ਦਧਿਂ વਿਞ੍ਞਾਪੇਤ੍વਾ ਭੁਞ੍ਜੇਯ੍ਯ, ਪਟਿਦੇਸੇਤਬ੍ਬਂ ਤਾਯ ਭਿਕ੍ਖੁਨਿਯਾ ਗਾਰਯ੍ਹਂ ਅਯ੍ਯੇ ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’ਤਿ (ਪਾਚਿ॰ ੧੨੩੬) ਏવਂ ਦੁਤਿਯਾਦੀਸੁ ਸਤ੍ਤਸੁ ਪਾਟਿਦੇਸਨੀਯੇਸੁ। ਨਤ੍ਥਿ ਕਾਚਿ વਿਸੇਸਤਾਤਿ ਤੇਲਾਦਿਪਦਾਨਿ વਿਨਾ ਅਞ੍ਞੋ ਕੋਚਿ વਿਸੇਸੋ ਨਤ੍ਥੀਤਿ ਅਤ੍ਥੋ।
2436.Sesesu dutiyādīsūti ‘‘yā pana bhikkhunī agilānā telaṃ…pe… madhuṃ…pe… phāṇitaṃ…pe… macchaṃ…pe… maṃsaṃ…pe… khīraṃ…pe… dadhiṃ viññāpetvā bhuñjeyya, paṭidesetabbaṃ tāya bhikkhuniyā gārayhaṃ ayye dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’ti (pāci. 1236) evaṃ dutiyādīsu sattasu pāṭidesanīyesu. Natthi kāci visesatāti telādipadāni vinā añño koci viseso natthīti attho.
੨੪੩੭. ਪਾਲ਼ਿਯਂ ਅਨਾਗਤੇਸੁ ਸਬ੍ਬੇਸੁ ਸਪ੍ਪਿਆਦੀਸੁ ਅਟ੍ਠਸੁ ਅਞ੍ਞਤਰਂ વਿਞ੍ਞਾਪੇਤ੍વਾ ਭੁਞ੍ਜਨ੍ਤਿਯਾਪਿ ਦੁਕ੍ਕਟਨ੍ਤਿ ਯੋਜਨਾ।
2437. Pāḷiyaṃ anāgatesu sabbesu sappiādīsu aṭṭhasu aññataraṃ viññāpetvā bhuñjantiyāpi dukkaṭanti yojanā.
ਇਤਿ વਿਨਯਤ੍ਥਸਾਰਸਨ੍ਦੀਪਨਿਯਾ વਿਨਯવਿਨਿਚ੍ਛਯવਣ੍ਣਨਾਯ
Iti vinayatthasārasandīpaniyā vinayavinicchayavaṇṇanāya
ਪਾਟਿਦੇਸਨੀਯਕਥਾવਣ੍ਣਨਾ ਨਿਟ੍ਠਿਤਾ।
Pāṭidesanīyakathāvaṇṇanā niṭṭhitā.
