| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
৫. পাটিদেসনীযকণ্ডং (ভিক্খুনীৰিভঙ্গৰণ্ণনা)
5. Pāṭidesanīyakaṇḍaṃ (bhikkhunīvibhaṅgavaṇṇanā)
পাটিদেসনীযসিক্খাপদৰণ্ণনা
Pāṭidesanīyasikkhāpadavaṇṇanā
পাটিদেসনীযা নাম, খুদ্দকানং অনন্তরা।
Pāṭidesanīyā nāma, khuddakānaṃ anantarā;
যে ধম্মা অট্ঠ আরুল়্হা, সঙ্খেপেনেৰ সঙ্গহং।
Ye dhammā aṭṭha āruḷhā, saṅkhepeneva saṅgahaṃ;
তেসং পৰত্ততে এসা, সঙ্খেপেনেৰ ৰণ্ণনা॥
Tesaṃ pavattate esā, saṅkhepeneva vaṇṇanā.
১২২৮. যানি হি এত্থ পাল়িযং সপ্পিতেলাদীনি নিদ্দিট্ঠানি, তানিযেৰ ৰিঞ্ঞাপেত্ৰা ভুঞ্জন্তিযা পাটিদেসনীযা। পাল়িৰিনিমুত্তকেসু পন সব্বেসু দুক্কটং। সেসমেত্থ উত্তানমেৰ। অট্ঠৰিধম্পি পনেতং পাটিদেসনীযং চতুসমুট্ঠানং – কাযতো কাযৰাচতো কাযচিত্ততো কাযৰাচাচিত্ততো চ সমুট্ঠাতি, কিরিযং নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
1228. Yāni hi ettha pāḷiyaṃ sappitelādīni niddiṭṭhāni, tāniyeva viññāpetvā bhuñjantiyā pāṭidesanīyā. Pāḷivinimuttakesu pana sabbesu dukkaṭaṃ. Sesamettha uttānameva. Aṭṭhavidhampi panetaṃ pāṭidesanīyaṃ catusamuṭṭhānaṃ – kāyato kāyavācato kāyacittato kāyavācācittato ca samuṭṭhāti, kiriyaṃ nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
পাটিদেসনীযৰণ্ণনা নিট্ঠিতা।
Pāṭidesanīyavaṇṇanā niṭṭhitā.
পাটিদেসনীযকণ্ডং নিট্ঠিতং।
Pāṭidesanīyakaṇḍaṃ niṭṭhitaṃ.
সেখিযা পন উদ্দিট্ঠা, যে ধম্মা পঞ্চসত্ততি।
Sekhiyā pana uddiṭṭhā, ye dhammā pañcasattati;
তেসং অনন্তরাযেৰ, সত্তাধিকরণৰ্হযা॥
Tesaṃ anantarāyeva, sattādhikaraṇavhayā.
মহাৰিভঙ্গে যো ৰুত্তো, তেসং অত্থৰিনিচ্ছযো।
Mahāvibhaṅge yo vutto, tesaṃ atthavinicchayo;
ভিক্খুনীনং ৰিভঙ্গেপি, তাদিসংযেৰ তং ৰিদূ॥
Bhikkhunīnaṃ vibhaṅgepi, tādisaṃyeva taṃ vidū.
যস্মা তস্মা ৰিসুং তেসং, ধম্মানং অত্থৰণ্ণনা।
Yasmā tasmā visuṃ tesaṃ, dhammānaṃ atthavaṇṇanā;
ন ৰুত্তা তত্থ যা ৰুত্তা, ৰুত্তাযেৰ হি সা ইধাতি॥
Na vuttā tattha yā vuttā, vuttāyeva hi sā idhāti.
সমন্তপাসাদিকায ৰিনযসংৰণ্ণনায
Samantapāsādikāya vinayasaṃvaṇṇanāya
ভিক্খুনীৰিভঙ্গৰণ্ণনা নিট্ঠিতা।
Bhikkhunīvibhaṅgavaṇṇanā niṭṭhitā.
সব্বাসৰপহং এসা, নিট্ঠিতা ৰণ্ণনা যথা।
Sabbāsavapahaṃ esā, niṭṭhitā vaṇṇanā yathā;
সব্বাসৰপহং মগ্গং, পত্ৰা পস্সন্তু নিব্বুতিন্তি॥
Sabbāsavapahaṃ maggaṃ, patvā passantu nibbutinti.
উভতোৰিভঙ্গট্ঠকথা নিট্ঠিতা।
Ubhatovibhaṅgaṭṭhakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১. পঠমপাটিদেসনীযসিক্খাপদং • 1. Paṭhamapāṭidesanīyasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পাটিদেসনীযসিক্খাপদৰণ্ণনা • Pāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পাটিদেসনীযসিক্খাপদৰণ্ণনা • Pāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৫. পাটিদেসনীযসিক্খাপদ-অত্থযোজনা • 5. Pāṭidesanīyasikkhāpada-atthayojanā
