| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
৬. পাটিদেসনীযকণ্ডং
6. Pāṭidesanīyakaṇḍaṃ
পাটিদেসনীযসিক্খাপদৰণ্ণনা
Pāṭidesanīyasikkhāpadavaṇṇanā
৫৫২. পাটিদেসনীযেসু পঠমে ‘‘গারয্হং আৰুসোতিআদি পটিদেসেতব্বাকারদস্সন’’ন্তি ৰচনতো পাল়িযং আগতনযেনেৰ আপত্তি দেসেতব্বা। অসপ্পাযন্তি সগ্গমোক্খানং অহিতং অননুকূলং। সেসমেত্থ উত্তানমেৰ। পরিপুণ্ণূপসম্পন্নতা, অঞ্ঞাতিকতা, অন্তরঘরে ঠিতায হত্থতো সহত্থা পটিগ্গহণং, যাৰকালিকতা, অজ্ঝোহরণন্তি ইমানি পনেত্থ পঞ্চ অঙ্গানি।
552. Pāṭidesanīyesu paṭhame ‘‘gārayhaṃ āvusotiādi paṭidesetabbākāradassana’’nti vacanato pāḷiyaṃ āgatanayeneva āpatti desetabbā. Asappāyanti saggamokkhānaṃ ahitaṃ ananukūlaṃ. Sesamettha uttānameva. Paripuṇṇūpasampannatā, aññātikatā, antaraghare ṭhitāya hatthato sahatthā paṭiggahaṇaṃ, yāvakālikatā, ajjhoharaṇanti imāni panettha pañca aṅgāni.
৫৫৭-৫৬২. দুতিযততিযচতুত্থেসু নত্থি ৰত্তব্বং, অঙ্গেসু পন দুতিযে পরিপুণ্ণূপসম্পন্নতা, পঞ্চভোজনতা, অন্তরঘরে ঠিতায অনুঞ্ঞাতপ্পকারতো অঞ্ঞথা ৰোসাসনা, অনিৰারণা, অজ্ঝোহারোতি ইমানি পঞ্চ অঙ্গানি।
557-562. Dutiyatatiyacatutthesu natthi vattabbaṃ, aṅgesu pana dutiye paripuṇṇūpasampannatā, pañcabhojanatā, antaraghare ṭhitāya anuññātappakārato aññathā vosāsanā, anivāraṇā, ajjhohāroti imāni pañca aṅgāni.
ততিযে সেক্খসম্মততা, পুব্বে অনিমন্তিততা, অগিলানতা, ঘরূপচারোক্কমনং, ঠপেত্ৰা নিচ্চভত্তাদীনি অঞ্ঞং আমিসং গহেত্ৰা ভুঞ্জনন্তি ইমানি পঞ্চ অঙ্গানি।
Tatiye sekkhasammatatā, pubbe animantitatā, agilānatā, gharūpacārokkamanaṃ, ṭhapetvā niccabhattādīni aññaṃ āmisaṃ gahetvā bhuñjananti imāni pañca aṅgāni.
চতুত্থে যথাৰুত্তআরঞ্ঞকসেনাসনতা, যাৰকালিকস্স অতত্থজাতকতা, অগিলানতা, অগিলানাৰসেসকতা, অপ্পটিসংৰিদিততা, অজ্ঝারামে পটিগ্গহণং, অজ্ঝোহরণন্তি ইমানি সত্ত অঙ্গানি।
Catutthe yathāvuttaāraññakasenāsanatā, yāvakālikassa atatthajātakatā, agilānatā, agilānāvasesakatā, appaṭisaṃviditatā, ajjhārāme paṭiggahaṇaṃ, ajjhoharaṇanti imāni satta aṅgāni.
পাটিদেসনীযসিক্খাপদৰণ্ণনা নিট্ঠিতা।
Pāṭidesanīyasikkhāpadavaṇṇanā niṭṭhitā.
পাটিদেসনীযকণ্ডং নিট্ঠিতং।
Pāṭidesanīyakaṇḍaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga
১. পঠমপাটিদেসনীযসিক্খাপদং • 1. Paṭhamapāṭidesanīyasikkhāpadaṃ
২. দুতিযপাটিদেসনীযসিক্খাপদং • 2. Dutiyapāṭidesanīyasikkhāpadaṃ
৩. ততিযপাটিদেসনীযসিক্খাপদং • 3. Tatiyapāṭidesanīyasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā
১. পঠমপাটিদেসনীযসিক্খাপদৰণ্ণনা • 1. Paṭhamapāṭidesanīyasikkhāpadavaṇṇanā
২. দুতিযপাটিদেসনীযসিক্খাপদৰণ্ণনা • 2. Dutiyapāṭidesanīyasikkhāpadavaṇṇanā
৩. ততিযপাটিদেসনীযসিক্খাপদৰণ্ণনা • 3. Tatiyapāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. দুতিযপাটিদেসনীযসিক্খাপদৰণ্ণনা • 2. Dutiyapāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমপাটিদেসনীযসিক্খাপদৰণ্ণনা • 1. Paṭhamapāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১. পঠমপাটিদেসনীযসিক্খাপদ-অত্থযোজনা • 1. Paṭhamapāṭidesanīyasikkhāpada-atthayojanā
২. দুতিযপাটিদেসনীযসিক্খাপদং • 2. Dutiyapāṭidesanīyasikkhāpadaṃ
৩. ততিযপাটিদেসনীযসিক্খাপদং • 3. Tatiyapāṭidesanīyasikkhāpadaṃ
